تجارب التحصيلي أ.غشام

تأسيس كتاب ناصر العبدالكريم، وتجميعات الاستاذ غشام فقط
نصيحتي لكم ابدأوا قبل الاختبار بثلاثة شهور على الاقل و تأسسوا كويس ونظموا وقتكم وخصصوا جزء من وقتكم تكونون فيه على التلقرام عشان تشرحون لزملائكم او تحلون كويزات واعطوا كل مادة حقها بالمذاكرة
+ المراجعة اهم شيء
وبين الفترتين ركزوا على نقاط ضعفكم
استمتعوا بفترة التحصيلي عشانها افضل فترة بتمر عليكم لو اعطيتوها حقها

كان الطريق طويلاً
‏و الوصول على قدر المشقه مهيبًا وعظيماً.. بكرم من الله وفضله أنقل لكم تجربتي هذه بعد أن حصلت على 100% مع كامل التحديات والتخبطات اللي واجهتها:

اولًا المصادر /

الاحياء : تابعت المنهج مع احمد سكول
الرياضيات : ذاكرته من عماد الجزيري بعدين رجعت احل كتاب ناصر لوحدي واتابع مهند باللي ماعرفه وفي اشياء مافهمتها تابعت فيها محمد القرني( الانسان هذا فنان ماشاءالله)
الكيمياء : كتاب ٢٣ مع العمري
الفيزياء : فرح ابراهيم وابو راما

بدايتي : مع بداية الترم الثاني
لكن ما شديتها الا يوم بدأ الترم الثالث

في بداية الترم الثاني علقت بالفيزياء شهرين ( مو لإنه صعب لكن لإني كنت مماطله ) و عدت تأسيسه ٣ مرات تقريبًا عشان اتأكد اني فاهمة كل شيء وبدون لا افتح تجميعاته , بالنسبة للمصدر/ تأسيس الفيزياء للمرة الاولى أعتمدت شرح أستاذة فرح ٢٣ لكتاب ناصر,المرة الثانية تابعت شرح فرح ٢١ لإني سمعت انه شامل و قلت كويس للمراجعة لكن يوم بدأت بالكهرباء معها حسيت أنها تفصلت بشدة لدرجة ضيعتني ورحت اتابع ملك الكهرباء أبو راما👑 و أرتحت لشرحه مره وكملت معه إلى نهاية المنهج
بعدها تأسست للمرة الثالثة من ملخص وماتابعت شرحه الا للنقاط الجديدة الغير مشمولة بكتاب ناصر، مافتحت التجميعات وفقًا لنصيحة استاذ غشام أن التجميعات اخر خطوة قبل الاختبار و أن التأسيس أهم 💯

بدأت تأسيس الرياضيات بأخر اسبوعين من الترم الثاني وذاكرت للفاينل من تأسيس التحصيلي ، ليلة الفاينل كنت أتابع شرح عماد للمعاصر ٥ و توقيتي كان ممتاز استغليت وضعي ٢ في ١، ثم فتحت كتاب ناصر أحله عشان أختبر فهمي و اللي أستصعبه أشوف شرح مهند له باليوتيوب، وبعدها للمراجعة فتحت ملخص الرياضيات مع الأستاذ المبهر جدًا محمد القرني و أشوف النقاط اللي مو موجوده بالمصادر الاخرى واتابع شرحه لها، تعريف الدوال كان فيه نقطة مهمة جدًا و غير مشمولة بالمصادر الاخرى و وحتى بالمدرسة ماتعمقنا فيها لكن كانت مهمة بالتحصيلي وأستاذ محمد أبدع أبدع فيها ، من بعد ماكانت نقطة ضعفي صرت فنانة فيها الله يجزاه خير


لما بدأ الترم الثالث بدأت كيمياء مع شرح استاذ محمد العمري لكتاب ناصر ٢٣ و كان ممتع و ثري جدًا و خلصته بوقت قياسي يمكن ١٠ ايام و بعدها قررت أراجعه في ٥ أيام و برضو مافتحت تجميعاته ( الكيمياء أحلى مادة بالتحصيلي وأكثر ماده ماتعبتني رغم اني اكرهها بالثانوي)


بعدها في منتصف رمضان بدأت بالاحياء من المنهج وجلست حوالي أسبوع كامل اتخبط بالمنهج وأحفظ تفاصيل مالها داعي وخلصت احياء ١ بهذي الطريقة السيئة جدًا اللي سلبت مني وقتي وطاقتي
إلى أن ألهمني ربي اتابع شرح الأستاذ أحمد سكول في احياء ٢ وكان الامر ممتع ممتع بشكل لا يوصف!
بعدها قرب العيد وحسيت لو بدأت احياء ٣ ماراح أقدر أخلصه وقررت اترك الاحياء و ابدأ بعلم البيئة وتابعت شرح الاستاذ أحمد فيه، البعض ممكن يشوف الشرح ماله داعي بحكم ان المادة سهلة لكن انا كنت جدًا مستمتعة بالشرح و أخذ مني يوم ونص، بدأت به اليوم اللي قبل ليلة العيد وخلصته ليلة العيد و بعدها رجعت اكمل باقي الاحياء
🛑 معلومة مهمة : الاحياء المادة الوحيدة اللي كنت أحل تجميعاتها اول بأول لأنها تُنسى بسرعه 🛑



بعدها بدأت بالتجميعات ، خلصت تجميع الرياضيات ١ث و ٢ث ويوم قربت أخلص التجميع تذكرت أن حضرتي ما فهمت ولا شيء من احياء ٤ ( لإن لما كنت اذاكره كنت تعبانة و ارغمت نفسي أخلصه اي كلام ) 😅 و قررت أترك التجميع و أرجع له « خطأ فادح جدًا »

وقتها كان باقي على اختباري ٨ ايام بس !! و رجعت اعيد شرح الأستاذ أحمد لأحياء ٤ و بعدها حليت تجميعه

ثم بدأت تجميعات أ/ غشام للفيزياء وخلصته بيومين تقريبًا وبعدها فتحت ملخص وراجعت منه كامل الفيزياء على السريع

جت ليلة اختباري ووقتها كنت مخلصة تجميعين بس، الاحياء و فيزياء غشام وحتى الرياضيات ما كملت تجميعات منهج ثالث ثانوي

فقررت أني أفتح تجميع أ/ غشام رياضيات لمنهج ثالث و أحل الدروس المعقدة واترك التافه، جا صبح يوم اختباري و انا ماراجعت الكيمياء ولا فتحت ولا تجميع له!💔

وقتها حسيت ضاقت بي الدنيا و جلست اسأل نفسي كيف انزنقت كذا وانا بادية اذاكر من زمان ؟ و ليه و ليه

لكن ما استسلمت ابدًا و قررت أفتح كتاب ناصر للكيمياء واراجع اللي اقدر عليه حتى أنه فيه بعض الصفحات صورتها عشان أراجعها بالسيارة وانا بطريقي للاختبار، طول الطريق للاختبار وانا فيني الصيحة

الظروف اللي ضدي كانت كبيرة؟ نعم ..لكن الله سبحانه وتعالى أكبر !!!

ماشاءالله تبارك الله دخلت الأختبار ولله الحمد وحصلت على ال١٠٠ رغم عن كل شيء، اللهم لك الحمد حتى ترضى ولك الحمد اذا رضيت ولك الحمد بعد الرضى

اشارككم تجربتي عشان تؤمنون بإن الله سبحانه لا يضيع عبد آمن به و توكل عليه واودع شتات أمره له
والله أني كتبت حوالي ٢٠ خطة عشان أمشي عليها و كلما كتبت وحدة تعثرت وماقدرت أمشي عليها لكن بكل مرة ماتضبط خطتي أقول خيرة من ربي،يمكن الله مدبر لي الاحسن!

ملاحظات تفيدكم بإذن الله /

١- إياكم إياكم تسمعون كلام اللي يقولون بدري و تو الناس ، انا ببداية مذاكرتي راح الوقت وانا ما أنجزت بسبب هالشيء ، طيب وإذا كان بدري؟ استثمروا وقتكم بما ينفعكم


٢- جميع أغلاطي كانت عبارة عن غلط واحد اللي هو أني ابدأ بشيء ولا اكمله تمامًا لذلك اياكم تبدأون بشي وتأجلون اللي مافهمتوه أو تخلون الباقي لبعدين لإن الوقت يطير وانتم ماتحسون ❌

٣- لا ترهقون صحتكم النفسية .. انا للآن ادفع ثمن هذا الشيء

٤- التأسيس ثم التأسيس ثم التأسيس ثم التجميعات ، التأسيس اكثر شيء ما ندمت اني حطيت كامل أهتمامي عليه ونفعني بالاختبار
ماشاءالله تبارك الله بس خلصت تجميعين لمادتين مختلفة وجبت ١٠٠ ( هذا أكبر دليل على أهمية التأسيس)

٥ - راجعوا المواد أول بأول وأفضل وسيله للمراجعه هي الملخصات،خصصوا يومين بالاسبوع مراجعه لملخص المادة السابقة

٦- انا ما نسيت المواد بفضل الله ثم بفضل الشرح بالقروبات ، كنت أفيد غيري و أستفيد بنفس الوقت واحيانًا أقول يمكن الله ييسر لي الدرجة هذي رغم انها كانت شبه مستحيلة عشاني كنت أساعد غيري لذلك اياكم تبخلون بالمعروف ولو كان بسيط

٧- اعلموا ان الله سبحانه أكبر من أن يضيع عبده و توكلوا عليه

٨- بالنسبة للقدرات و فرقه عن التحصيلي، التحصيلي مذاكرته أصعب من الناحية النفسية والخوف من محدودية الفرص لكن مستواه بالاختبار لا يقارن بالقدرات ..جدًا تافه وبسيط

٩- صحيح ارتكبت اخطاء كثير لكن مذاكرتي للاحياء من المنهج ليس واحدًا منها و لو رجع بي الوقت ذاكرته من المنهج مره ثانية لذلك اللي عنده وقت كافي يذاكره من المنهج مع أ/ أحمد سكول و بيصير أسطورة في الاحياء

١٠- أهم شيء الجودة وليس الكمية، لا تقفلون على مادة الا وانتم متقنينها ١٠٠٪؜

اتمنى فعلًا تكونون استفدتوا من تجربتي هذه، اسأل الله تعالى ان يرزقنا جميعًا العلم النافع و أن يوفقنا لما يحبه و يرضاه
لا تنسوني من صالح دعائكم🤍

السلام عليكم ،جايه متأخر مره يا استاذ لكن ما قدرت اخلي الدرجه تروح كذا حابه اقول لك الله يسعدك ويرزقك من حيث لا تحتسب لولا الله ثم انت ماكانت نسبتي كذا صارت فوق توقعي ولاتوقعت واحد بالميه انها كذا شكرًا شكرًا شكرًا ماتوفيك حقك عسى الله يفتح لك ابواب الخير وين ماتروح،وكلامي لدفعة٢٠٢٥ شدوا حيلكم صدقوني كل التعب تنسونه اذا جت الدرجه

السلام عليكم و رحمه الله و بركاته
الشكر لله و الحمدلله و الفضل من الله اولا و دائما و حابه اشكرك استاذ غشام على ملفاتك و تدريباتك و اختباراتك والله لولا الله ثم انت لما وصلت لهذي الدرجه المرضيه ماشاءالله هذي انا حبيت اشارك تجربتي لعلها تفيد الدفعات القادمه و واوريهم الفرق بين الدرجتين عشان يعرفون بالضبط من وين يذاكرون انا فقط بمذاكرتي للفترتين اعتمدت على تجميعاتك الفتره الاولى ما ختمتها و الفتره الثانيه شديت حيلي اكثر و ذاكرت منها اكثر و ختمتها فقط حابه اشكرك على جهودك و الله يسعدك و ينور لك دربك بحياتك مثل ما تسعدنا و تساعدنا

شوفة عينك يا أستاذ غشام الفرق المهوول بين الدرجتين 23 درجة!! ماشاءالله وانت احد اسبابها والصوتيات الي تحفزنا بين الفترتين ونصيحتي للدفعة الجاية 2025 لا تيأسو اسبوعين تحول الدرجة من والى وما اقول الا الله يسعدك ويوفقك ويرحم ابوك يا أستاذ غشام ❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️

أشكرك أستاذ غشام على مجهوداتك معنا في اختبار التحصيلي والله انا مدينه لك ولجهدك معنا في اختبار التحصيلي فأشكرك وأوصي كل مقدم على اختبار التحصيلي التوجه لملخصات أستاذ غشام وتجميعاته والله اني قعدت فتره على تجميعاتك أحل وأراجع وقبل كذا ذاكرت ملخصاتك ومن لا يشكر الناس لا يشكر الله جزاك الله عنا كل الخير

جبت الفتره الاولى ٩١
والفتره الثانيه ٩٩

اللهم لك الحمد والشكر

و مع العلم الفترة الأولى من التحصيلي كان يصادف وقت اختبارات الجامعه النصفيه، و الفترة الثانيه من التحصيلي كان يصادف الاختبارات النهائيه للجامعه، لذلك لحد ييأس عن طموحه مهما يشوف أنه صعب

السلام عليكم أستاذ غشام أنا طالبة من دفعة ٢٠٢٣ و ما أنقبلت في الجامعة اللي طموحي كان فيها بس أنقبلت في جامعة أخرى ضليت فيها و جلست أوازن بين التحصيلي و الجامعة صح أنه صعب لكن مو مستحيل و درجتي تثبت ذلك يارب لك الحمد.
كمان حابه أشكرك كثيرررررر على تجميعاتك و تعبك و تحفيزك لنا كنت أنضغط بين الجامعة و التحصيلي و تجيني لحظات ضعف من الضغط بس أسمع تحفيزك لنا والله أنه كان يساعدني و يثلج صدري و في الأخير شكرًا من القلب 🤍🤍

هاذي درجتي الحمد لله .. الفرق مهوول والسبب اني الفتره الاولى رحت وانا متوتره وخااايفه جدددا مع اني مذاكره

نصيحتي لهم لا تتوترون ولا تشيلون هممم ابدا وخليكم واثقين بنفسكم وبمذاكرتكم .. ادعولي انقبل طب ❤️🙏🏻

والله ماذاكرت الا ناصر عبدالكريم وتجميعاتك ومذاكرتي مجموعها شهر تقريبا ، شكرًا + الاختبار الفترة الاولى ٩٠٪؜ من تجميعاتك وتختلف الافكار ولكن نفسها ، الثاني الصراحه كان اغلبه جديد + الملف الثاني الي نزلته جاني منه شوي بس جاني من القديم اكثر ، عمومًا شكرًا مره والله ياستاذ سبب كبير بوصولي للدرجة هذي

ماشاءالله❤️
بارك الله فيك يا أستاذ وفي علمك ووقتك وجهدك، ورزقك ما تتمنى
أنا جايه اقول ان درجتي بتوفييق رب العالمين فقط والحمدلله، للأسف ماكان عندي وقت بديت متأخر عشان القدرات وكانت فترة مذاكرتي شهر واسبوعين تقريبًا فقط وماقدرت اخلص الا نص تجميعاتك ونص التدريبات وشفت شوي من التسريبات الثانية بس ماقدرت اخلص كل الي كان ودي اذاكره ، كان اختباري الفتره الاولى مستواه سهل لكن ماكنت مخلصه تأسيس وماكتب ربي اني احله كله صح وخيره الحمدلله، الفتره الثانيه جاتني اسئله كثيييير جديده عمري ماشفتها عكس اختباري الاول لكن سبحان الله شاء رب العالمين اني اجاوبهم صح، ماكنت أفوت تحفيزك وتسجيلاتك الي ترفع سقف طموحاتي فووق عساك الجنة يارب، ونصيحه مهما كان الوقت متأخر مهما رحتوا الاختبار وكنتوا مو مخلصين شي وتحسون انكم مخبصين ومقصرين في المذاكرة ثقوا بربي اكثر من مذاكرتكم وبيتيسر لكم بشكل ماتتصورونه وشوفوا كيف ربي يسر لي فعلًا والحمدلله❤️

فما لذة الحياة دون تحدي وما قيمة الحلم إن كان سهلا.

مصادر مذاكرتي :

📍التأسيس
كتاب ناصر عبدالكريم لجميع المواد
ملخص أ.احمد سكول للأحياء

📍التجميعات
أ.غشام
الحوت الكبير
الحوت فترات
سايفر

📍شروحات
الفيزياء - تكنوقراطيه
الكيمياء - أ. محمد العمري
الرياضيات - أ. عبد الوهاب العوهلي
الأحياء - أ. احمد سكول

بالتوفيق للجميع @ba10o

هذي درجتي يااستاذ الله يسعدك يارب ويرزقك الي تتمناه 🙏❣️

السلام عليكم ورحمة الله وبركاته
معاكم اخوكم ياسين
الحمدلله والشكر بفضل الله جبت ٩٥ بالتحصيلي
رح اتكلم لكم عن مصادري وكيف بديت من البداية 🙏🤝

بدايتي كانت بالاجازه الي بعد نهاية الترم الثاني بديت فيها
اول شي التأسيس :
افضل كتاب للتاسيس وشامل وسمعت عنه كثير في البدايه هو ناصر وفعلا شريت ناصر وشيكت عليه مره جميل ومرتب وحلو
تاسست من ناصر واخذ مني التاسيس شهرين كنت مااعدي درس الا فاهمه واليوم الي بعده ماكنت ابدا بالدرس الجديد الا اراجع الي قبله وكمراجعه اخيره كنت احل الأسأله الي بالكتاب الملحق مع ناصر
وبكذا قفلت على التاسيس

المرحله الي بعد التاسيس :
بعد ماتاسست كويس سمعت عن تجميعات استاذ غشام كثير ورحت طبعتها كلها وذاكرتها حول ال ٣ مرات مره كانت كويسه وجميله ومرتبه وختباري جاه منها كثير كثير
بعد تجميعات غشام اخذت مني حول ٥ ايام بس لان التاسيس كان قوي رحت للتجميعات الباقي لان معي وقت شوي بس ماذاكرتها مره لان كنت معتمد على غشام ،
وبعدها اختباري كان ثالث يوم الحمدلله ذاكرت التسريبات كامله ودخلت الاختبار بقوه وطلعت نتيجتي ٩٥

والان الحمدلله انقبلت منحه دراسيه كامله بالجامعه الاسلاميه مهندس عام وانتظر القبول النهائي

حاب اقول بالاخير التحصيلي ابدا ماهو صعب شدو حيلكم وباذن الله تحصلو الدرجه الي تبوها