زهيريات عتابه ابو ذيه @frnd97 Channel on Telegram

زهيريات عتابه ابو ذيه

@frnd97

اي شخص عنده سؤال خاصي 👇


@fahad_al_turky

زهيريات عتابه ابو ذيه (Arabic)

زهيريات عتابه ابو ذيه هو قناة تيليجرام مخصصة للمناقشات والأسئلة الخاصة. إذا كنت بحاجة إلى إجابات على أسئلتك الشخصية أو ترغب في مناقشة مواضيع معينة مع أفراد آخرين، فإن هذه القناة هي المكان المناسب لك. تديرها مجموعة من الأشخاص المتحمسين والخبراء في مجالات متنوعة، مما يجعلها مكانًا مثاليًا لتبادل الأفكار والمعرفة. يمكنك طرح أي سؤال خاص لديك في القناة والانتظار للحصول على ردود مفيدة من المشتركين الآخرين. فلا تتردد في الانضمام إلى قناة زهيريات عتابه ابو ذيه اليوم لتستفيد من تبادل المعرفة والخبرات مع أفراد آخرين مثلك. للمزيد من المعلومات والتواصل، يمكنك الاتصال بالمشرف @fahad_al_turky.

زهيريات عتابه ابو ذيه

05 Feb, 21:09

يمة رماني الهوى وحيلي بدة محلل.. ونار البدمي سعرت ماشافها محلل.. 💔ناديت ولفي تعال بشوگ وامح الليل.. سايم عليك النبي والواحد الاحد..
تزيح همي البدة من الاثنين للأحد.. اني يايمه ان متت لا تتهمون احد.. جتالي ذاك الترف ماهوب ومحلل..



ابني بعشكنة بتعب والكاك ماتبني.. مدريك للغير مدري الدار ماتبني.. اخصمها وياي كلي انچان ماتبيني.. كلت انفسنا واشوفك عاجبك كلها..
ويا مُر لگمتك واقنع بل گلب كلها..
اني يايمه ان متت عوفي الخلگ كلها.. وكولي لفلانة هواچ اسباب موت ابني..💔
492
زهيريات عتابه ابو ذيه

04 Feb, 19:43

لهيب النار بكبودي تراكم
صرتو ابعاد ولا عيني تراكم
الجسد بغيابكم اصبح ترا كوم
رماد وطيرو بارح هوا
575
زهيريات عتابه ابو ذيه

01 Feb, 16:09

يگلبي بين بين أآه وبين آهيّن
فجيده ولاحمينو بشيش أهين
تعال وشوف أحباب الگلب أي هين
أسكنوا مابين طيّات التراب
775
زهيريات عتابه ابو ذيه

28 Jan, 23:13

مجدول خصرچ مثل جدل الذهب بسوار
ويلي بحسنچ اخذتيلي العقل بسوار
ماگول ملچوع منچ والنبي بس وار
علگان مهمود وخطوط الحرگ منطول
وقصتي معاچَ ابد ماريدها من اطول
من يوم فتي وزلفچ طالع من اطُول
فلشتي گلبي هذاك المحترگ بسوار
1,079
زهيريات عتابه ابو ذيه

28 Jan, 20:37

من شفتك اليوم حيل انتباهي الفت

ولفت اشعار اني الما عمر الفت

‏ورطني گلبي بدروب العشگ اله افوت

ماخاب امرو الاه الكون من سير

واحنه اصاله معا الموزين منسير

رحت ارد اشوفو هذاك اليوم من سير

ونو محاضن بنص الفرع. بس لفت
1,038
زهيريات عتابه ابو ذيه

25 Jan, 20:38

اي چنه صحبان گبلن فرقتنه ضروف
دمعتنه وحده وضرافتنه اجمعتنا ضروف
موسم دهنا انتهى وفرقت توالي ضروف
تالي انكرونا وحزم ضدنه محازمهم
زمزم ضعنهم ولا فكري محا زمهم
اكشخو بينه فشگ تارس محازمهم
ثرنا وكسرنه عدوهم والگحونه ضروف
1,130
زهيريات عتابه ابو ذيه

25 Jan, 17:56

حربي عليهم والخبر من جانه..
يابه شكسيرة فراگهم أذانه..
نار بدليلي من مشو علگانه..
تنور يلهب بل صدر من ندبي..
حربي على شگر الشوارب حربي..



حربي على الچانو سند لو مالت..
الدنيا والبيها تخسى لو عالت..
يابه شكسيرة تمد اديها وطالت..
رگاب النشامة الناطحين السربي.. حربي على شگر الشوارب حربي..



حربي عليهم وابلع اني بريجي..
ضاگـت عليه شلون آنفه ضيجي..
ذوله العليهم حگـي اشگ الزيجي.. ويانار زيدي بهل دليل وشبـي..
حربي على شگر الشوارب حربي..



حربي عليهم ونفجع دلالي..
بس ألله يعلم صيبتي وبحالي..
فراگك ذبحني لايبو شلالي..
عمين عيوني وما أوچد دربي..
حربي على شگر الشوارب حربي..



حربي عليهم ونهدم كل حيلي..
ع الراح مني يرفـاگـه بجيلي..
ياويلي اصيح ابـكــل وكت ياويلي..
هايم وأشوشح والنواضر تـربـي..
وحربي على شگر الشوارب حربي..
حربي على اليستاهلون الحربي
1,143
زهيريات عتابه ابو ذيه

19 Jan, 22:58

حموله يدار الجانو ترا بيج
ارحلو وعيونهم باللحد ترابيج
عزيزه انتي يمعموره وترابيج
فخر لنه نعود ويالاصحاب
1,250
زهيريات عتابه ابو ذيه

19 Jan, 22:56

يطارش روح سلملي٠٠٠عليهم
شلون الحال وش جاري٠٠عليهم
ماني ريح تانسم٠٠٠عليهم
ولاني طير تامرالاحباب
1,272
زهيريات عتابه ابو ذيه

19 Jan, 22:55

صدمةحياتچ حضن مكذوب من صحتي
وباين بصوتچ حلم مذبوح من صحتي
انتي البوكت النوايا البيض مانصحتي
من چانت ورود خدّچ  تنحسب عالدّن
ومثلچ چثيرات ناحن بالهوى وعدّن
تدرين شنهو الكلف بسنّينا العدّن؟
كل ذكرى دافع ثمنها سنين من صحتي

مصطفى المحسن
1,306
زهيريات عتابه ابو ذيه

19 Jan, 22:53

حربي عليهم كل نهار وليلي
ما ألبس عگبهم بس سواد ونيلي
أحباب گلبي فراگهم هد حيلي
ألروح هامت بالفراگ وگلبي
حربي على شگر ألشوارب حربي
حربي على اليستاهلون الحربي
1,333
زهيريات عتابه ابو ذيه

19 Jan, 19:23

يا روح كل ما يمر ذكر الهوى ينهبچ
یبدي يتفتف عروگچ واهنه وينهبچ
ما ینفع ویاچ ام(ن) ناصحه وینهبچ..
واصمد مخافات گالوا بالوداد............ انجن
جدمي الصبر والصلاه يوم الختام.... انجن
چم دوب اضمچ عن اطیوف الغوالي انجن
كل ما يمر طيف من جوف الحشا ینهبچ
1,394
زهيريات عتابه ابو ذيه

07 Jan, 09:37

يا صاح صفو الحجي طيــــب ملا فيكــــم
ولكل زمن دول مضى فخــــر الملا فيكـم
مقياس ظل الرجل أشكــــال الملا فيكـــــم
جف الخصيم ارتجف مرعوب من طوگك
وأرياح تشفي النفس هبهاب من طوگـــــك
ترحاب فوك الهلا للضيف منطوگـــــــــك
أبن الكرم والنعم عزوة الملا فيكم
1,889
زهيريات عتابه ابو ذيه

28 Dec, 20:03

يحادي العيس لجماتي بالسواد
كضيت ايام من عمري بالسواد
يبو شرجال النامو بالسواد
وراهم ماغمض جفني وغفه
2,254
زهيريات عتابه ابو ذيه

25 Dec, 20:52

مو گلت مامون، مگدر عالهجر.. آس منت !
يل صبه گلبك ، أبد مو دم يشيل..؟ إسمنت
شي جوا الضلوع چان يدگ نبض، إسمو إنت
لكن توفه بجفاك ،. وبي ندامه اخلص
ومن غير الإخلاص چان من الذهب أخلص
لتفطن إنسان ماصدگ على الله إخلص
عگبك تعافيت.. داير بيا دم... إسمنت
2,452
زهيريات عتابه ابو ذيه

12 Dec, 21:59

غـ،ـدر الاعادي سهل مايكسرك لو خان

بس خوفك يصير غــدر من العلي منتجل
2,786
زهيريات عتابه ابو ذيه

08 Dec, 20:25

يعـاجـز مــن هـمـومك دزهـه لـيه
وفـوك اهـموم گـلـبـي دزهـه لـيه
عگب مـاجانت الدنـيا تزهي لـيه
وگعـت بضـيم لــي حد الركب
2,972
زهيريات عتابه ابو ذيه

08 Dec, 20:24

حمد بدار ونينه وعتبنه
على الباعو ضمايرهم عتبنه
بجينه من العده الداست عتبنه
ونزحنه من الظلم لديار الاجناب
2,870
زهيريات عتابه ابو ذيه

08 Dec, 20:23

ضعنهم سار موناوي على عود
وعگبهم صار ممشایه علی عود
چشفت صواب دلالي على عود
ذهين وصفگ بیدیه وجفا


الشاعر حمد الفرحان
2,705
زهيريات عتابه ابو ذيه

08 Dec, 20:23

ترف لاتكطع ودادك من الك .
وحجلك عذب الصايغ من الك .
عيون الريم ياناهي منين الك .
شاريهن لومن الباري عطى ..
2,315
زهيريات عتابه ابو ذيه

08 Dec, 20:23

من ضيجة البال مدري وين اولي ايناح
چالطير مكسور مالو عالمفر يناح
دموع عيني زواخر فايضه من نوح
تغرج مراجب. وبيها ينضرب مثلاي
بايام عصرن مضا ما خفت انه مثلاي
يا لايميني لي بچيتو ابچو على المثلاي
يا حيف ماهو على كل من يموت يناح
2,309
زهيريات عتابه ابو ذيه

08 Dec, 20:22

من عيني دمعه ذرفت بفراكهم ونها دم
وبجوفي ونت حزن ظل يا گلب ونها دوم
ضنيت روحي بگربكم ترتوي ونها ديم
وهذا المگدر حزن وهموم حايطنا
وانچان عندك ظمير انصاح حي اطنه
تعبنه وبنينه سبع طوفات حايطنه
لاكن يحيف وحسافه برمش عين انهدم
2,263
زهيريات عتابه ابو ذيه

08 Dec, 20:21

تگول فطيم البشر

عسى لاجيت يلجايب علمهم
غوالي وبلچبد رفرف علمهم
تعال وشوف وشچاري على امهم
حزينه وفصلت سود ثياب
1,371
زهيريات عتابه ابو ذيه

08 Dec, 20:02

ياويلي عل راح كل مشوار ياويلي.
1,289
زهيريات عتابه ابو ذيه

30 Nov, 20:42

يادنيه شبيج صرتي وياي بس مر
  بلهاتي وگمت اضوگ العسل بس مر
بهجركم والشماته اليوم بس مر
درد وردهو الله  اليوم ليه
1,659
زهيريات عتابه ابو ذيه

22 Nov, 11:06

لخيالك هين عنه وهين عنه
واجرلك هين عنه وهين عنه
نشوفك هين عنه وهين عنه
ولا جدمك وهم ياطي العتاب

محمد الهزاع
2,020
زهيريات عتابه ابو ذيه

21 Nov, 22:24

اويلي من عتيج الحزن لو هاج
مثل موگد جمر بحشاي لو هاج
يسألوني العواذل بقه لو هاج
وأردهم بقه دام النفس بيه
2,006
زهيريات عتابه ابو ذيه

20 Nov, 17:51

بعيدآ عن الشعر فضلآ وليس امرآ صوتو على دكتور ابراهيم النامس
1,667
زهيريات عتابه ابو ذيه

19 Nov, 12:18

بريحة قميصك حواسي يصير شَم عتها
ل..ايام غطّت على الألباب شمعتها
يا ونس روحي المليت اعذار شمعتها
منّي بگتني وبعد مو بالغ احلامي
وحاروا بقصتي معاك افهام واحلامي
اليوم جيت بتعب دنياااااي واحلامي
(تا).....
أدفن العشرة الطفت بجفاك شمعتها
1,724
زهيريات عتابه ابو ذيه

17 Nov, 18:01

اريد انسه النساني وابرة منو
وأبد ماجيب طاري وبرة منو
لو ل اجرع البگلبي  وبره منو
اصيح بصوت من عشگ الأحباب
1,960
زهيريات عتابه ابو ذيه

16 Nov, 17:40

راحات ادية بحسايف دوم صفّاگة
ندب الفجيع الكسر بالضلوع صفاگة
الحزن المراكم جديد اللوم صف فوگه
كدّر حياتي وتمرمر حيييييل سكّرها
والروح كاس الجفا المشؤوم سكّرها
يا گلبي گتلك ابواب الماضي سكّرها
عليش تفتح على الياذيك صفّاگة

ابراهيم الحمزة
1,931
زهيريات عتابه ابو ذيه

16 Nov, 17:39

يهل بالبيت ضولة چانت الكم
ولا ليلة اللواهب چانت الكم
يلو حاضر دفنكم چان اتلكم
ولا تمسون بطباگ الثرى

ابراهيم الحمزة
1,512
زهيريات عتابه ابو ذيه

15 Nov, 10:38

السيد محمد عاشووو ❤️
822
زهيريات عتابه ابو ذيه

11 Nov, 17:58

شتل قلبي بياض الشيب لو ماي

السيد
978
زهيريات عتابه ابو ذيه

09 Nov, 22:36

جنت انصح الروح لاكنها عصت بلها
لاسمعت الكول لادار الحجي بالها
ملتهيه جانت كلي شحصلت بالها
اله زماني غرز سيفو. بدليلي برد
ولي اوده. مشه. ماذكر تعبي . برد
تدري شوكت ايقنت انو صوابي برد
من شفت الوساد نگعه والدمع بلها


محمد السالم
1,198
زهيريات عتابه ابو ذيه

09 Nov, 22:31

يـ المنشف رياگـيَ ماتبـلهـاا!
بوصل ورياگ شوگك.ماتبلهاا
اشوف حمول وصلك..مات ابلهاا
بـ درب مابيّ عرب تفزع عليهَ

الكاطع
1,003
زهيريات عتابه ابو ذيه

07 Nov, 14:03

حبيبي بيا بخت وياي .. شديت
وعدا هجرك الي شقدمت .. شأديت
بصبعك حتى تذكر خيط .. شديت
انحصر دمك ولا فكرت بيه

لجبار رشيد
1,298
زهيريات عتابه ابو ذيه

25 Oct, 19:09

يكول الشاعر رمضان العلي
بسجن العجم والنفس تنزع وفقد الآم

وهجرالعزيز وجرح قط ماوراه إلأم

وسنين عوز وغله ماعاودت بالأم

وجور ومغثه وأسى وتزرع الطيب أبلاش
وتبيع دارك وأثاثك للخسيس أبلاش

وتسكن أگبال الذي بينك وبينه أبلاش

كلهن ولاعادلن وگفه أباب ألآم...
1,669
زهيريات عتابه ابو ذيه

25 Oct, 19:09

على اديار الغرب شالو علش جاه ،
مثل سد امتلا بفيضو علش جاه ،
الجاه المانفع ربعو علش جاه ،
اتنومس بيه ومامنو رجا
1,502
زهيريات عتابه ابو ذيه

25 Oct, 19:08

دنياك لو اگبَلت تفرشلك اوسادها
ولو مالت وادبَرت هَم وحزن سادها
ياحيف ابن الگصيره اعلى الخلگ سادها ..
وابن الطويله گصَر ذَل من بعد عِزِتَه
تلگاه عزيز النفس لچن بشَد عازتِتَه
وشچم عزيز الرحل دنياك ماعزتَه
بيبان كثره الدهر بوجوهنا سدَها

(
1,504
زهيريات عتابه ابو ذيه

25 Oct, 19:08

من عيني دمعه ذرفت بفراكهم ونها دم
وبجوفي ونت حزن ظل يا گلب ونها دوم
ضنيت روحي بگربكم ترتوي ونها ديم
وهذا المگدر حزن وهموم حايطنا
وانچان عندك ظمير انصاح حي اطنه
تعبنه وبنينه سبع طوفات حايطنه
لاكن يحيف وحسافه برمش عين انهدم
1,422
زهيريات عتابه ابو ذيه

25 Oct, 19:07

الدنيا اسيوف بظلــوعي سنتها
وقوانين التعب لجلـــــي سنتها
الوادم تحتفل بآخــــــــر سنتها
وأنه ابجي على العمر راح منديه
1,413
زهيريات عتابه ابو ذيه

23 Oct, 09:32

يـعيرني البـخيل بـكثر مـا لـم
وكلبي من مصاب الوكت مولم
الــلي يحط خبز للخطار ما لم
يلمهن هذاك الما سوه أجوديه
1,379
زهيريات عتابه ابو ذيه

22 Oct, 07:47

يلو يفهم عذولي الصيب ..مالام
وغميج الجرح عالمجفين .. مالم
حگو الفاجد الخلان .. والمالو ام
ايشگ الزيج كل صبح ومسى..
1,333
زهيريات عتابه ابو ذيه

16 Oct, 13:57

هلي بالطيب نسم ريح أهلنا
ومثل مسك المدينة رياح أهلنا
يهل تكتب عتابه ريح أهلنا
عگب شيابنه عگال الحمى
1,367
زهيريات عتابه ابو ذيه

16 Oct, 13:57

سرينه عالمگابر شوف أهلنا
وراكم گام يگصر شوف أهلنا
يهل رايح لهلنا شوف أهلنا
عجب بديار ماضل گهوى
1,216
زهيريات عتابه ابو ذيه

14 Oct, 15:26

عنيده جروح دلالي مچاليب..
ضواري وسارحه بگلبي مچاليب..
مثل گنّار ومحمّل مچاليب..
صرت لهمومهم شايل غثا...
1,227
زهيريات عتابه ابو ذيه

12 Oct, 18:11

‏أبد ،،،،،،، مايوم لينا بعيد ونسه
على، البيهم فضات البال ونسه
حرام،،،،،،، نچان أم عگوب تنسه
هذاك اليوم تاننسى الغياب
1,388
زهيريات عتابه ابو ذيه

12 Oct, 18:11

دفنتو. ماكطعت الأمل بالحي
وادور الزين بالجي الكاه بالحي
يلوله الميت يبدلونو بالحي
بعشره افديه من غالي الضنى
1,352
زهيريات عتابه ابو ذيه

12 Oct, 18:10

راحو الچَانو بيچ يا دَار اهلنة
مَالج طعم تبقِين حتة احنة شلنة
1,332
زهيريات عتابه ابو ذيه

05 Oct, 10:04

يشهر فراگ خلاني علش هال
غميج الجرح ما يرهم علشهال
الصديج المارحم حالي علش هالـ
عَجول وما عَرف لوع الضنى..
1,533
زهيريات عتابه ابو ذيه

05 Oct, 10:03

أثاري اليفگد الوالد يعاني
وحيد وماله بالدنيا يعيني
هِلِّي من الدمع وابچي يعيني
عليهم و احزني طول المتى..
1,145
زهيريات عتابه ابو ذيه

04 Oct, 20:47

بدأ بينا الخرف وارعاش واجنون
هبا ل وفاجدين عزاز و جنون
شحذنا من القدير الفوز واجنون
انتهنا بخير والكوثر شراب

البيج
1,125
زهيريات عتابه ابو ذيه

04 Oct, 18:32

عليهم راحـن إعيـوني ورى العـن
على اللي چان مسكنهم ورى العين
ترى إجفاهم حرگ گلبي و ور العين
وخنگني وخله بالجسم ارعشى

مهند الحسن
1,184
زهيريات عتابه ابو ذيه

04 Oct, 18:32

الظهرو من كسر ماضن يجي برك
على احـبـابـو ومن اتـواسي يجبرك
ياهـل فــاجـد نــگـول الله يجابرك
على هذي المصايب والبلى

وضاح العبد
964
زهيريات عتابه ابو ذيه

01 Oct, 20:26

ادوخن من اضل وحدي بلاياك
مصايب كلبي ما تنحل بلاياك
شلي بدنياي ياروحي بلاياك
الموت اهون ولا غيابك عليه
1,096
زهيريات عتابه ابو ذيه

01 Oct, 11:20

الزين وكــــت المحن يشتام وانعا لك
ولفراحك الشين تلگاه بس دخن عالك
ولابد أيعيرك تره بكل غانمه ان عالك
وافخر بطيبك اذا سگفك گصب بردي
ومبـــــــــرد صرتلو ولاگن مانفع بردي
تظلـــــــم انعالك تره لو قارنت بالردي
إيخدمك اكثر من افعال الردى إنعالك
1,140
زهيريات عتابه ابو ذيه

30 Sep, 19:33

هذا طبعآ كتبتو 2015 جانت الوالدة مصابة في مرض السرطان وجانت احداث د1عش وفلوس ماكو وضعية تعبانة وجان الحلم الوحيد انو ندبر فلوس بس تا ننطي جرعة السرطان لل الولدة رحمها الله ونكتب هذا البيت ع والدة 💔


شكرا ل ابو سمرة الطيب
932
زهيريات عتابه ابو ذيه

30 Sep, 01:02

لاتأمن صعود الدهر واحذر وراك انزول ،،
دنياك فَيْ هذا العصر لابد يوم تزول ،،
مامن رحيل سفر الا وراه انزول ،،
يلي سمعت القول ومارد عن المارد ،،
وكم حيد منها رحل حدر الوطى والوطى مارد ،،
واقدار ربك جرت وسوت على المارد ،،
والعفو بيوم الارض يارب بينا تزول ..
853
زهيريات عتابه ابو ذيه

30 Sep, 01:02

رمح من يوم فرك الولف بچلاي "
ودافو من سموم الركط بچلاي ;;
يهل رايح عليهم بالله بچ لي"
بعبرة والدمع فيض السحاب ;;
851
زهيريات عتابه ابو ذيه

30 Sep, 01:02

شَريتَ السَّهر لعيوني و نومي ،،
حزنْ لفراگ اخٍ لي ابن أمي ،،
يلولا العسلْ مشروبي و نُومي ،،
مالايگه لمَعتي من عگب الاحباب ...
832
زهيريات عتابه ابو ذيه

30 Sep, 01:01

ليالِ الهَجرْ كُدَّرْ ما صفا لنا ،،
تلِفَنْ منَّا العزايم ما صُفا النا ،،
يلولا الـــراح يرجع ما صُفنَّا ،،
ولا الچَبد صابو هَمْ و غَثــا ...
864
زهيريات عتابه ابو ذيه

30 Sep, 01:01

أبد ما راح طاريهُم من البال ،،
بچيت و هِريَن ازياچي من البَلْ ،،
يا خلوني شبه خايرتِنْ من البِلْ ،،
تحنْ عالولف تِلفِتْ إركــاب ...
836

1,624

subscribers

10

photos

39

videos
Best Similar Channel
اختبارات السادس الاعدادي � Telegram Channel
اختبارات السادس الاعدادي �
43,611 subscribers
@sadsquizzes
🇦🇫 ᴀᴠɢᴀɴɪsᴋɪʏᴇ ོ🇦🇫 Telegram Channel
🇦🇫 ᴀᴠɢᴀɴɪsᴋɪʏᴇ ོ🇦🇫
20,062 subscribers
@avganiskiye_bass_muzikalar_xit
🔮أجمل العبارات وارقى المنشورات🔮 Telegram Channel
🔮أجمل العبارات وارقى المنشورات🔮
19,993 subscribers
@follah98
اعرف دينك🌷🌹 #عبدالرحمن المغازى Telegram Channel
اعرف دينك🌷🌹 #عبدالرحمن المغازى
18,871 subscribers
@arefdenk
"قُـنِـأّةّ بًصّــــ𓂆ــمًةّ دٍأّعــــ𓂆ـيـــةّ "↻"". Telegram Channel
"قُـنِـأّةّ بًصّــــ𓂆ــمًةّ دٍأّعــــ𓂆ـيـــةّ "↻"".
14,488 subscribers
@httbhtabon75
نقرأ بصمت Telegram Channel
نقرأ بصمت
13,648 subscribers
@alsharabia
لامســــــــت قلبي❤️. Telegram Channel
لامســــــــت قلبي❤️.
9,162 subscribers
@mokhtaratyana
سيتات اورك 2024 Telegram Channel
سيتات اورك 2024
9,094 subscribers
@mnhr2344
شعر عن الام و الاب ❣️💕 Telegram Channel
شعر عن الام و الاب ❣️💕
8,919 subscribers
@mmhhrr44
ظـڵـٱـمـ 𝐷𝐴𝑅𝐾🖤 Telegram Channel
ظـڵـٱـمـ 𝐷𝐴𝑅𝐾🖤
6,469 subscribers
@iraq_2017
Random Similar Channel
تأريخ الأمة Telegram Channel
تأريخ الأمة
1,113 subscribers
@serat_as
『𝐒𝐓𝐎𝐑𝐘 I 𝐓 𝐈 𝐌 𝐎 𝐑』 Telegram Channel
『𝐒𝐓𝐎𝐑𝐘 I 𝐓 𝐈 𝐌 𝐎 𝐑』
4,193 subscribers
@ttemor1
❤️ قصائد مديح بحق الرسول ﷺ والصالحين ❤️ Telegram Channel
❤️ قصائد مديح بحق الرسول ﷺ والصالحين ❤️
2,846 subscribers
@mz3762mz
- نصُـوصَ متراكٌمۿ .• Telegram Channel
- نصُـوصَ متراكٌمۿ .•
1,172 subscribers
@sboo8
بعدني اشتاكلك💕 Telegram Channel
بعدني اشتاكلك💕
1,474 subscribers
@anoir199
🌸 رفقة الخير 🌸 Telegram Channel
🌸 رفقة الخير 🌸
1,557 subscribers
@refqtalkheer
. Telegram Channel
.
1 subscribers
@mutevm
💙 الكلمة الطيبة 💙 Telegram Channel
💙 الكلمة الطيبة 💙
2,198 subscribers
@klmaa
المصور انمار الدويزي Telegram Channel
المصور انمار الدويزي
1,129 subscribers
@anm4aar
تعلم من الحياة دروس🖤 Telegram Channel
تعلم من الحياة دروس🖤
2,318 subscribers
@ali12_93

2025 All Right Reserved

Disclaimer: The content displayed on this website is solely provided by the respective Telegram channels. We hold no ownership or responsibility for the content shared by these channels.