الطريق من دمشق إلى بيروت @flytaxibeirut Channel on Telegram

الطريق من دمشق إلى بيروت

30 Jan, 22:54

مشاهد الاستقبال بمطار دمشق بتحرق القلب رغم الفرحة!

بتدخل على الانستجرام أو ع الفيسبوك بتشاهد مئات الريلزات للأهالي يلي عم تستقبل شبابها العائدين الى سورية يلي بيحرق القلب هو الأمهات في منهم مو ملتقية بولادها من 13 سنة !!

مشاهد الدموع والقهر يلي كانت الناس عايشته شيء فوق مستوى الوصف ولا ممكن لإنسان يتخيله!!

بتشوف قصص لناس كنا نسمع عنها بس أصحابها مايسترجوا يحكوها من الخوف!!

سيدة هربت ابنها الوحيد لاوروبا بعد ما اعتقلوا زوجها واستشهد بالمعتقلات ورجعت التقت بابنها الوحيد بعد 12 سنة

في صبية عمرها 16 سنة ما التقت بوالدها من 11 سنة ياجماعة والنظام حاطط منع سفر على البنت كرمال ماتسافر لعند والدها لانه مطلوب!!

اب وأم مسفرين شبابهم 3 وعايشين لحالهم بالبلد والمفارقة الحلوة انو 3 نزلوا مع بعض بنفس الطيارة الأب انربط لسانه صار بس يبكي ماطلع معه ولاحرف

الله لايوفقه كان مشرد شمل السوريين ليحرق قلوبهم من كتر حقده عليهم حارم الناس من ولادها بطرق قذرة ومستغل ضعفهم!!

بس الحمد لله رب العالمين فرجها علينا آخر شي والتم شمل الناس بس هل المرة بالشام وهو هرب مع اخوه الله خلصنا من ظلمهم وطغيانهم إلى غير رجعة

اللهم لك الحمد

650

الطريق من دمشق إلى بيروت

30 Jan, 14:49

أمير دولة قطر والسيد الرئيس احمد الشرع في اطلالة على العاصمة دمشق من سفوح جبل قاسيون

سبحانك يارب يعز من يشاء...... تخيلوا الحالة النفسية للهارب هو اخوه ابو البيجامة بعد مايشاهد هل الصورة تحديداً شو رح يكون شعوره؟!

3,401

الطريق من دمشق إلى بيروت

30 Jan, 14:27

( الملكية الأردنية رسمياً في مطار حلب اعتباراً من 02/15 )

✅ الحلم صار حقيقة يا أهالي حلب الشهباء الف مبروك جهزوا المحاشي والكبب واللحمة بكرز الملكية الأردنية رسمياً في مطار حلب الدولي

✅ طبعاً رح تبلش رحلات الملكية الأردنية إلى مطار حلب بتاريخ 02/15 على بركة الله وتيسير رب العالمين

✅ أما مطار دمشق كمان هاد الخبر تازة رح تصير الرحلات يومية اعتباراً من تاريخ 02/08 كل يوم كل يوم

✅ حالياً اول اسبوع من مطار دمشق فقط 4 رحلات واول رحلة بكرا أما الاسبوع الثاني كل يوم كل يوم

لذلك أهل حلب الشهباء نحنا وعدناكم إذا بتتذكروا انو مطار حلب رح يرجع إلى بريقه ومكانته دولياً والحمد لله الحلم صار حقيقة جهزوا طنجرة المحاشي والايبوات والكبب واللحمة بكرز وأهم شي شراب اللوز والمامونية ألف مبروك

للحجز والاستفسار 00962788200771

3,510

الطريق من دمشق إلى بيروت

30 Jan, 13:58

حالة الحدود اليوم الخميس 01/30

مساء الخير مع نهاية دوام الحدود على 4 عصراً

✅ للأسف صارت الرحلة إلى بيروت عقوبة بتشبه العقوبة العسكرية مع نظام دوام الحدود المرهق دون وجود أية معالجة للحالة

✅ كل يوم بدك تصف على الدور قبل بساعتين من موعد افتتاح الحدود وتضلك ناطر فرج رب العالمين ليصير دورك وتمرق

✅ طبعا ممكن يكون معك سيدة وطفل رضيع أو حدا كبير بالعمر معه مرض سكري أو عنده ظرف صحي بده ينجبر ينتظر ساعتين او اكتر بالسيارة

✅ الغريب انو الطابور عم يصير بشكل يومي وماحدا ملتفت يلاقي حل او يعالج الموضوع للأسف

✅ اليوم الخميس الوضع مزدحم من 6 إلى 12 ورجعت انضغطت الحدود من 2 إلى 4

✅الطريق جيد من دمشق إلى مطار بيروت ولكن عنا فوبيا صار من ساعات الانتظار الطويلة بالحدود السورية والحدود اللبنانيه

✅ المطار غير مزدحم ونسبة المغادرين اليوم أعلى من القادمين وفي زحمة وضغط مروري بشوارع بيروت عانينا منه الصبح بكير

✅ طبعاً يلي موعد طياراتهم بكرا الصبح بكير طالعناهم على 12 ظهراً رح يقضوا الليلة اليوم بالاوتيل وبنرجع بكرا الصبح بنوصلهم على المطار ونفس الحالة عم تكون مع الاستقبالات الليلية

هاد كل شي لليوم بنرجع بنلتقي فيكم بكرا على أمل بتحسن الوضع سلام

خدمه ترحال بيروت 00963999213539

3,269

الطريق من دمشق إلى بيروت

30 Jan, 12:44

شلون بدي أختار الوقت المناسب إذا بدي سافر عن طريق مطار بيروت ياترحال ؟!

✅ الطيارة مو إقلاعها بين بين 6 صباحاً إلى 3 عصراً ؟!

( بتطلع من الشام قبل بيوم الضهر بتمرق قبل 4 العصر وبتروح بتحجز اوتيل وتاني يوم بتروح على المطار)

✅ الطيارة إقلاعها بين 4 عصراً إلى 7 مساء ؟!

( بتطلع من الشام بنفس اليوم صباحا بين 6 إلى 8 صباحاً

✅ الطيارة اقلاعها بين 8 ليلاً إلى 12 ليلاً ؟!

( بتطلع بنفس اليوم بعد 11 صباحاً)

✅ الطيارة بتقلع بين 1 فجراً إلى 5 فجراً ؟!

( بتطلع قبل بيوم بعد 1 ظهراً )

طبعاً دوام الحدود السورية اللبنانية من 8 صباحاً إلى 4 عصراً

خدمه ترحال بيروت 00963999213539

3,162

الطريق من دمشق إلى بيروت

30 Jan, 09:41

( الملكية الأردنية..... موعدنا بكرا بالشام وبمطار دمشق تحديداً.... )

بتقول السيدة فيروز موعدنا بكرا وشو تأخر بكرا.......... بالفعل تأخر هل الموعد 14 سنة ولكن الحمد لله رب العالمين تحقق

غداً صباحاً ستقلع أول طائرة من مطار الملكة علياء الدولي في العاصمة عمان باتجاه مطار دمشق الدولي لتكون فاتحة خير لأول رحلة رسمية عبر الخطوط الملكية الأردنية الى مطار دمشق الدولي

طبعاً رحلة الملكية الأردنية إلى مطار دمشق مختلفة عن بقية شركات الطيران يلي وصلت إلى مطار دمشق سيكون على متنها مغتربين سوريين من معظم دول العالم إضافة إلى اخوة أردنيين حبوا يشاركونا الفرحة ويتسجل اسمهم بأول رحلة الى سورية الجديدة

يعني رح يجتمع يلي جاية من أميركا مع يلي جاية من كندا مع يلي جاية من أوروبا والخليج بهي الرحلة

الموعد بكرا يانشامى ونحنا بانتظاركم صباحا بمطار دمشق نورت الشام حياكم الله

3,759

الطريق من دمشق إلى بيروت

24 Jan, 22:16

حديث قبل النوم ( دوام الحدود السورية اللبنانية من 8 إلى 4 )

كتير ناس فهمانة القرار غلط اول شي لحتى نوضح شغلة الآلية الجديدة هي عبارة عن تنسيق سوري لبناني خاص بالسيارات السورية واللبنانية العامة

✅ الحدود فاتحة على مدار 24 ساعة ولكن هناك آلية لسيارات السفر

✅ مثلاً السيارة السورية مسموح الها تدخل لبنان بين 8 صباحاً إلى 4 عصراً ولكن مسموح الها ترجع على سورية بلدها على مدار الساعة

✅ كمان السيارة اللبنانية مسموح الها تدخل سورية من 8 صباحاً إلى 4 عصراً ولكن مسموح الها ترجع على لبنان ايمت مابدها على مدار الساعة

✅ القرار تنظيمي اداري جيد للسيارات ولكن مربك للمسافرين وبصراحة يلي دفع ثمن الأخطاء والسلبيات هو المسافر فقط

يعني مثلاً ممكن يصير عليه تعديلات بسيطة لحتى تخدم المسافر يعني بعد 4 العصر يسمحوا للسيارة السورية تغادر المعبر السوري بس لحتى تأمن المسافر للمعبر اللبناني وبيكمل بالسيارة اللبنانية وبالعكس كمان انو السيارة اللبنانية توصل المسافر للمعبر السوري بدون ماتختم دخول وتسلمه المسافر للسيارة السورية هيك بيكون القرار جيد وعادل نظم حركة السيارات وحقق جودة خدمة للمسافر

تابعنا التعليقات وناس صارت تهاجم الجانب اللبناني وتفكر انو هو صاحب القرار وناس صارت تهاجم الجانب السوري وتفكر انو هو صاحب القرار ولكن القرار صدر بالتنسيق بين الطرفين

آلية التنفيذ بحاجة إلى إعادة النظر لانه يلي طيارته بتوصل ليلاً أو إقلاعها ليلاً رح يواجه مشاكل بالوصول والمغادرة

تصبحوا على خير

2,210

الطريق من دمشق إلى بيروت

24 Jan, 20:55

( لماذا انتقلت وجهة المسافر السوري من لبنان الى الأردن ؟!)

طبعاً نتيجة الظروف والتعديلات والقيود يلي صار يتعرضلها المسافر السوري في بيروت أصبحت الأردن له بوابة الفرج على سبيل المثال:

( مواعيد مقابلات السفارة)

✅ صار السوري يحجز موعد مقابلة السفارة الخاصة فيه بعمان وعم يتواصل مع ترحال عمان يقدم موافقة دخول للأردن كفالة قنصلية ويسافر معزز مكرم بيعمل مقابلته وبيرجع لابيهكل هم الحدود ولا مزاجية الموظفين ولاهم يحزنون

( يلي عنده تفييز مستند تأشيرة زيارة السعودية)

✅ كمان عم يقدم موافقة دخول للأردن عن طريق ترحال عمان وبيطلع بيفزها بالقنصلية السعوديه وبيضل مكمل على السعودية مباشرةً

( يلي جاية من افريقيا)

✅ صار عم يحجز على الخطوط الإثيوبية إلى مطار عمان ويقدم موافقة عبور ترانزيت عبر ترحال وينزل لسورية وحتى لوكان منتهي صلاحية جواز سفره الأردن عم تمرقه

( يلي جاية من اليمن )

✅ عم يحجز على الخطوط اليمنية من صنعاء أو عدن ويقدم على موافقة عبور ترانزيت بكفالة ترحال عمان وينزل عن طريق الأردن بشكل مضمون

( يلي جاية من أوروبا)

✅ عم يحجز على مطار عمان وينزل بشكل مباشر وبيقلك احسن ما احجز على مطار بيروت ويحجزوني بالمطار ويزلوني ويبهدلوني

( كمان يلي موجود بليبيا ببنغازي)

✅ بيحجز على الخطوط الأفريقية وبيقدم على موافقة عبور ترانزيت عبر ترحال عمان بينزل بشكل مضمون وبيكمل لسورية

( حتى يلي معه فيزا الكترونيه ورقية لدبي والسعودية وقطر)

✅ عم يحجز عبر مطار عمان لأنه الحدود الأردنية بتسمحله بالعبور باتجاه مطار عمان ومابترفضه متل الحدود اللبنانية

وطبعاً في ناس أوضاعها المالية جيدة بتحجز من مطار دمشق حتى لو كان السعر غالي وبتطلع ماعندها مشكلة بشكل عام لبنان صار خيار شبه مستبعد للمسافر السوري بسبب مطار بيروت والحدود اللبنانيه وخاصة بعد قصة توقف دخول السيارات بعد 4 العصر

خدمه ترحال عمان 00963999213539

2,718

الطريق من دمشق إلى بيروت

24 Jan, 12:08

للنقاش ( راجع على سورية أفتح مشروع)

حكي المغتربين المتداول والله راجع سورية أفتح مشروع واستقر!

✅ ابو محمود بيقلك والله بدي افتح مطعم او كافيه لانه الأكل والشرب شغال اكتر شي

✅ بيرد عليه أبو مازن وبيقول سماع مني اشتغل بالسيارات المستعملة جيب من دبي ومن تركيا والله بتقص دهب

✅ بيقاطعه ابو عماد وبينصحه يشتغل باستيراد المواد الغذائية والمواد الأولية

✅ بيدخل على الخط ابو سعيد وبينصح يستورد كونترات بضاعة من الصين

ياجماعة سمعوا هل النصيحة بدال المطعم في ألف مطعم بالشام وبدال السيارة رح يصير في مليون سيارة والمواد الغذائية سبقتكم على الشام والبضاعة الصينية مليانة

بدنا نخبر الجميع القوة الشرائية عند الناس كتير ضعيفة تخيلوا رغم انو رخصت المواد ولسا في ناس ما عندها قدرة تشتري لذلك يلي مفكر يفتح مشاريع ويرجع على البلد يحاول يفكر بمشاريع تدخل مصاري على البلد

- يعني مثلاً قطاع الفنادق عنا متهالك شبه معدم خلينا نحكيها بصراحة الفنادق شغالة على الليدات والبطاريات ومافي عنا غير كم فندق يلي خدماتهم ماشي حالها ومحسوبة على الرفيق ابو طارق ومعالي الرفيق ابو تالا

- صناعة السياحة كتير مهمة لازم الكل يفكر كيف يستقبل ناس من خارج سورية ويعرفهم على البلد من جديد وهي الصيفية رح تكون استثناء

- الصناعة مهمة امبارح طلع قرار بإعفاء خطوط الانتاج من الرسوم الجمركية يعني جيب مواد أولية وصنع وصدر

- إنشاء اسواق تجارية شعبية شبيهة بفكرة المولات ولكن لشريحة الناس دون الوسط بيتم إنشاء سوق تجاري ( شعبي ) على مساحة معينة مخدم بالبنية التحتية ومؤمن وبيتم تأجير نقاط بيع بأسعار رمزية وهي المشاريع بتنشط دورة رأس المال لانه مبنية على الربح البسيط والمبيعات والمشتريات الكبيرة

- انشاء مناطق صناعية حرة شبيهة بمنطقة جبل علي عنا بسورية مساحات كبيرة ممكن ينشغل عليها بنفس الفكرة

أما قصة انك ترجع لتفتح مطعم وقهوة وسوبر ماركت نصيحة رجاع فكر وعيد حساباتك

4,086

الطريق من دمشق إلى بيروت

24 Jan, 09:54

أهلنا بحلب الحبيبة اقترب الحلم والملكية الأردنية ستزوركم في مطار حلب مع بداية شهر رمضان المبارك

اربطوا الأحزمة انطلقت الملكية الأردنية من مطار الملكة علياء الدولي إلى مطار حلب الدولي لتقول لكم ( رمضان كريم)

4,080

الطريق من دمشق إلى بيروت

18 Jan, 22:50

مجدداً توقيف المسافرين السوريين في مطار بيروت

رجعت حليمة لعادتها القديمة مافي على كلامهم رباط ياجماعة اول مرة بحياتي بشوف إدارة مطار بتخالف قوانين حكومتها!!

لابقى حدا ينزل من مطار بيروت الكل يحول على مطار عمان الأردن ما عم ترجع حدا ياجماعة

1,957

الطريق من دمشق إلى بيروت

18 Jan, 22:39

( ليش في تقصد بعملية إهانة المسافر السوري القادم من أوروبا في مطار بيروت ؟!)

✅ واضح انو الشغلة مقصودة وخاصة في تقصد وتعمد باحتجاز الشباب السوريين القادمين من أوروبا

✅ أول نقطة في مخالفة للقرار الحكومي اللبناني يلي بيمنع احتجاز المسافر السوري ومنحه عبور ترانزيت حتى لوكان عليه منع !!

✅ الموضوع الأهم واحد سافر بالبحر على أوروبا انت شو دخلك فيه لتحاسبه وتمنعه بأي قانون ؟!

✅ ليش الأردن ومطار عمان بيقبل يدخل السوريين يلي معهم إقامات أوروبية حتى لو كان رايح بالبحر ومطار بيروت لاء ؟!

✅ مابدك تدخله على مطار بيروت بالأساس لاتخلي شركة الميدل ايست تبيعه تكت طيران وتجيبه على بيروت وبعد مايوصل بتحتجزه شو عم تعمله كمين لتشلحه مصاري وتبتزه ؟!

✅ مابدك تدخله خليه يحجز من مطار بيروت على عمان وينزل على سورية ليش عم تمنعه يحجز على الأردن وعم تجبره يرجع على نفس شركة الميدل ايست منشان ترجع تبتزه وتدفعه مصاري ؟!

2,026

الطريق من دمشق إلى بيروت

18 Jan, 21:38

تقرير حالة مطار بيروت 01/19 مساء الخير

✅ اليوم رجعت الزحمة بالمطار وخاصة بالفترة المسائية من بعد 6 مساء إستمرت لحوالي الساعة 11

✅ الفترة الصباحية بالمطار كانت مزدحمة على المغادرة بنسبة أعلى من القادمين

✅ اليوم صار في تأخير بالوصول لبعض رحلات الميدل ايست بين 20 و45 دقيقة

✅ بين 10 و11 وصلت 8 رحلات للميدل ايست تقريباً بوقت متقارب من القاهرة والدوحة واسطنبول وأبوظبي وباريس

✅ في تأخير على رحلة العربية من الشارقة يلي مفروض توصل قبل 30 دقيقة ولهلأ ماوصلت

✅ الطريق بالليل وضعه جيد من المطار الى الحدود اللبنانية معبر المصنع مشينا برنامجين استقبال حوالي 8 مساء وبعدها على 10 وربع مشينا 3 استقبالات مع بعض لعائلات سورية خلينا السيارات يرافقوا بعض على الطريق لحتى يكون في ونس مع بعضهم

✅ مستمرين حتى ساعات الفجر عنا استقبال من بوخارست على الرومانية على الساعة 3 الفجر وعنا إستقبال تاني على الإثيوبية على الساعة 5 فجراً

دعولنا بالسلامة تحياتنا للجميع وبنتشكر الكابتن علي الجندي المجهول بالتغطية المميزة من مطار بيروت

خدمه ترحال بيروت 00963999213539

2,399

الطريق من دمشق إلى بيروت

18 Jan, 19:17

الله يرحمه ويصبر أهله

⭕😢 وفــ،ـاة الطفل يمان بكر بسبب تلــ، ـق نــ، ـاري عن طريق الخطأ أثناء العــ،ـبث بسـ، .ــلا ح موجود في منزله في ضاحية قدسيا
الرحمة للفقــ،ـيد و الصبر و السلوان لذويه

3,128

الطريق من دمشق إلى بيروت

18 Jan, 17:50

الطفلة السورية الطرطوسية الأروادية آية عزام

البنت السورية الأروادية ، التي خطفت قلوب المتابعين بابتسامتها وطلاقة لسانها، ابنة جزيرة أرواد الشهيرة... تلك التي جعلت الجميع يتساءل عن قصتها بعد عبارتها الشهيرة على قناة الجزيرة: 'هلأ انتو من وان !!

أهل أرواد، أبناء البحر والمجد، يحملون في قلوبهم أصالة التاريخ وعراقة الجغرافيا. جزيرتهم الصغيرة، المحاطة بمياه المتوسط، هي رمز القوة والصمود. أهلها معروفون بالكرم، البساطة، والذكاء، كما أن حبهم للبحر يجري في عروقهم، حيث تجد الصياد والبحار والحرفي الذين يحولون أمواج البحر إلى قصص نجاح وحكايات بطولية.

ورغم صغر مساحة أرواد، فإنها مليئة بروح الوحدة والتعاون، حيث يساند الجميع بعضهم البعض كعائلة واحدة. أما تراثهم، فهو حكاية تُروى عبر الأجيال، من الحرف اليدوية المميزة إلى القصص الشعبية التي تزين سهرات الجزيرة. إنهم عنوان للتواضع والشجاعة، وأرواد ستبقى دائمًا شاهدة على تاريخهم العريق.
انصحكم بزيادة إلى أرواد الحبيبة 💚💚💚
م.م.خ

🔥✨ هل فعلاً تستحق الترند؟ شاركونا رأيكم!

3,505

الطريق من دمشق إلى بيروت

18 Jan, 11:42

حالة الحدود اليوم السبت 01/18 تحياتي للجميع

الله يمسيكم بأنوار النبي بعرف حالي مقصر معكم وصرلي كذا يوم غايب بس والله ما عم يصحلي وقت انشر حالة الحدود المشكلة قصة التبادل بالحدود بتخليني مربط مو متل قبل لما كنت كمل لبيروت بوقف على الطريق بشربلي كاسة شاي بدردش معكم بالاستراحة هلأ بحس حالي عندي نوبة حرس على معبر المصنع وبخاف افركها يجي عليي رئيس الحرس يرفعني غياب وآكل 16 هههههههههههه

✅ المهم وضع الحدود كتير كويس الحمد لله رب العالمين المعاملة تحسنت وخاصة بالاسبوع يلي مرق

✅ اليوم مافي كتير زحمة طلعت مرتين وهي رجعتي على البيت الوضع طبيعي الحمد لله

✅ بنص الاسبوع عم يقولوا في قرارات إحتمال يرجعوا يسمحوا بالبطاقات النقابية نحنا بنقول يارب

✅ بالنسبة للحدود السورية شوبدي احكيلكم عن اكابرية الشباب يلي حاطينهم جداد ناس أكابر وشبعانة سيكارة ضيافة مابيقبل

✅ نزلت معي مدام مو تاركة غرض بشتورة مو شاريته شي كهربائيات شي شكليطة وبسكويت شي ألبسة وبواط والله فتح الطبون فتش الأغراض سألها اختي ليش مكترة هل الأغراض والله بالشام مليانة قالتله هدايا ضحك وقلها الحمد لله على السلامه نورت الشام فيكم سلمي على الأهل وقلي تيسر عمي درب السلامه

✅ الحمد لله خلصنا من السلبطة والتشليح هي ناس بتخاف الله مابتفوت على جيبتها قرش حرام فرق من الأرض للسماء

✅ لحد الان الوضع ماتغير في ناس سألتني منشان الموظفين تبعات الحكومة طلع بدهم إذن مغادرة من الوزارة متل قبل

✅ كمان في سيدة سألتني منشان موافقة الأطفال تحت 18 كمان بدهم موافقة من قيادة الشرطة بشارع خالد بن الوليد أو من المحكمة أو من الهجرة والجوازات المهم يكون الأب موافق على مغادرتهن

حبيت طل عليكم هاد كل شي لليوم أنا طالع عشية على 6 بإذن الله تعالى ومنشان حالة المطار مابعرف مين مناوب اليوم بمطار بيروت الكابتن علاء ولا علي بس اول ماتوصل صور المطار بإذن الله بينشرولكم حالة المطار بيروت اقول قولي هذا والسلام عليكم ورحمه الله وبركاته

خدمه ترحال بيروت 00963999213539

4,133

الطريق من دمشق إلى بيروت

18 Jan, 10:00

توضيح لبعد التعليقات يلي هاجمتنا بموضوع سيارة الإسعاف بمطار دمشق!

طبعاً البعض اعتبر انو في مبالغة بالمديح لفريق الدفاع المدني يلي استقبل المسافر من مطار دمشق وقام باسعافه والبعض كتب انو هاد واجبهم وبعدين يعني على أساس انو ماكان في سيارة إسعاف أيام المخلوع الهربان ؟!

نحنا حبينا نجاوب هل الفئة من الناس يلي بتحب دوماً تبهت الأمور أو تحجم الشيء الإيجابي يلي صار

الكل بيتذكر قبل بشهرين ايام تاكسي الجورة وقت سيدة لبنانية نازحة إلى سورية ولدت بالليل على معبر جديدة يابوس ووقتها ممرضة سورية ولدتها بقلب سيارة الإسعاف لانه مستحيل تلحق توصل على المشفى ويومها أمها للبنت سمتها على اسم الممرضة ( وردة )

تخيل على أيام النظام آلاف المهجرين باتجاه سورية حاطط نقطة طبية بدون ( طبيب ) وسيارة إسعاف قديمة منسقة مافيها معدات كانت ونص تجهيزاتها خربانة وفيها ممرضين نصهم مفيشين!

بيومها الممرضة وردة الله يكتر خيرها جازفت واخدت قرار أنها تولدها على مسؤوليتها وللأسف بعض من زملائها مارضي يساعدها من خوفه يتحمل مسؤولية لاسمح الله إذا الأم فارقت الحياة ومع ذلك الممرضة وردة سلمت أمرها لرب العالمين توكلت عليه وقالت بسم الله الرحمن الرحيم واستعانت بسيدات معها لحتى يساعدوها ووقتها وزارة الصحة كرمتها لانه كل الأطباء بالإجماع أكدوا انو قرارها كان صحيح وأنقذت الجنين والأم وكان ممكن واحد منهم يفارق الحياة

هي القصة كفيلة لنعرف شلون كان الوضع الصحي يلي نحنا فيه قائم على الفزعة وأهل الخير أمثال الممرضة وردة

بينما اليوم عم يجيك فريق فني وطبي كامل مع سيارة إسعاف مجهزة بالكامل للاسعافات الأولية ومليانة بنزين ماله متبخر منها ولا ليتر

بقى عرفت الفرق سيدي المحترم حقك تستهزء بكلامنا بس مو حقك تحجم الدور الإيجابي والنقلة النوعية يلي صارت

4,148

الطريق من دمشق إلى بيروت

18 Jan, 08:29

أول مرة الواحد بيشعر بقيمة المسافر السوري وهذا ماحصل بمطار دمشق بالامس

مسافر سوري تعرض لوعكة صحية وهو على متن الطائرة باتجاه مطار دمشق تم اعلام مطار دمشق بوجود مسافر سوري على متن الطائرة يحتاج إلى حالة إسعافية طارئة

هبطت الطائرة في مطار دمشق وكان في الإنتظار فريق الخوذ البيضاء الدفاع المدني مع سيارة إسعاف بجاهزية تامة وفريق طبي متخصص بإجراء الاسعافات الأولية ريثما يصل المريض إلى المشفى

الحمد لله رب العالمين وصل المسافر الى المشفى وتم إجراء كامل الأمور الطبية وحالته مستقرة

شكراً لطواقم الدفاع المدني والله شيء بيرفع الراس

4,158

الطريق من دمشق إلى بيروت

18 Jan, 07:58

الله يبارك بالأردن كل يوم قرار جديد حلو للسوريين

✅ خلال اسبوع واحد كل يوم قرار جديد بيخص السوريين من الحكومة الأردنية الله يكتر خيرهم والله النشامى كفو

✅ احدث ماحىرر طلع قرار بإعفاء جميع العمال السوريين من رسوم تصاريح العمل واعفاء جميع المتأخرين عن الرسوم والغرامات

✅ الأردن كانت أول بلد أرسلت طائرة مدنية تابعة للخطوط الملكية الأردنية في مطار دمشق دعماً لإعادة تفعيل مطلق دمشق وسبقت الخطوط القطرية بمدة 45 دقيقة عن الهبوط في مطار دمشق

✅ الأردن سمحت لجميع السوريين المقيمين بأوروبا وأميركا وكندا واستراليا بالقدوم عبر مطار عمان حتى لو كان المسافر طالع بالبحر بعكس بقية الدول يلي مارضيت تعطيهم عبور من مطارها

✅ الأردن كانت من أوائل البلدان العربية يلي دعمت حركة عبور الترانزيت وفتحت حدودها امام الشاحنات دعماً لاستمرار عملية الحركة الاقتصادية والصناعية بسورية

✅ الأردن هي البلد الوحيد يلي ارسلت وزير الداخلية على معبر جابر الحدودي لحتى يودع العائدين السوريين على معبر جابر الحدودي ورفضوا يسموهم باللاجئين أو النازحين وقال الوزير بالحرف الواحد السوريين أهلنا وضيوف عنا ويارب نكون قمنا بواجب الضيافة

✅ الأردن أيضاً ستكون أحد الداعمين لإعادة فتح مطار حلب الدولي وأول رحلات الملكية الأردنية إلى مطار حلب ستكون مع بداية شهر رمضان المبارك

كل الاحترام والتقدير لأهلنا النشامى والله يحمي الأردن وأهلها وشكراً للحكومة الأردنية على القرار الجميل للعمال السوريين

4,022

الطريق من دمشق إلى بيروت

18 Jan, 07:12

برأيك ليش بسطات البنزين مستمرة والإقبال عليها متزايد رغم توفر المادة بوفرة بالكازيات ؟!

- الجوده افضل

- السعر أرخص

- ولا السبب غير ذلك

4,381

الطريق من دمشق إلى بيروت

09 Jan, 13:30

( الفرق بأسعار تكت الطيران بين مطار دمشق ومطار الأردن على سبيل المثال!!)

نحنا فرحانين وطاير عقلنا بمطار دمشق وافتتاحه وبنتشكر الخطوط القطرية انو منحت الثقة والاعتماد لمطار الشام وعززت وجوده بس في ملاحظة اليوم حتى انتبهنا عليها كونه اليوم أول يوم فتح طريق مطار عمان مباشرةً

✅ طلعت معنا عائلة من الشام إلى مطار عمان مكونة من 4 أشخاص لاشعوريا من باب الفضول سألناهم طيب ليش ماحجزتوا من مطار دمشق على القطرية ؟!

✅ فكان الجواب انو في فرق بالسعر يعني المسافر حصل التكت من مطار دمشق بحوالي 780$ أما من مطار عمان 325$

✅ بصراحة لقينا من واجبنا نحكي عن هل الموضوع كرمال يلي بيحب يوفر لانه عائلة مكونة من 4 أشخاص وفرت حوالي 1200$

✅ ومن باب متابعة الاستفسار عن اسعار التذاكر مثلا سعرنا اليوم عدة وجهات من عمان :

١- مثلا من عمان إلى دبي كان السعر بين 270$ إلى 295$

٢- مثلاً من عمان على ابوظبي بين 300$ إلى 325$

٣- مثلاً من دمشق إلى بغداد كان حوالي 340$

٤- من دمشق إلى أربيل من 300 إلى 350$

وطبعاً ولما سعرنا هل الوجهات من مطار دمشق تقريباً أقل سعر حصلناه 640$

لذلك من باب التوضيح لازم المسافر يعرف هل الموضوع لبين ماتفتح الشركات السورية وتصوير الأسعار مقبولة

أي سؤال عن اسعار حجوزات الطيران من عمان تواصل على :

00962788200771
00962788200737

573

الطريق من دمشق إلى بيروت

09 Jan, 09:30

احترام رجال الدين والعلم من قبل رجال السلطة حالة نعيشها للمرة الأولى في سورية

القائد العام للإدارة السورية الجديدة #أحمد_الشرع خلال أدائه واجب العزاء بالشيخ الراحل #سارية_الرفاعي

الله يرحم الشيخ سارية الرفاعي

2,559

الطريق من دمشق إلى بيروت

09 Jan, 07:22

اليوم الأول لتوثيق افتتاح الحدود الأردنية وتوثيق ختم الدخول عبر ترحال عمان 01/09

✅ اليوم الحمدلله اول سيارة دخلت الحدود الأردنية كانت من فريق ترحال عمان

✅ لابقى في تبديل ولا طلعة بالباص ولاشي بتركب السيارة من نص الشام بتنزل داخل مطار عمان بنفس السيارة

✅ حالياً فقط مسموح الدخول والعبور إلى مطار عمان ذهاباً وإياباً فقط لاغير

✅ سألنا عن دخول موافقات مقابلات السفارة أكد لنا أحد الموظفين في حدود جابر الحدودي حتى الآن لم تصدر تعليمات السماح بالدخول لهم رغم أن سيستم التقديم متاح ومفتوح

✅ أيضاً موافقات السياحة متوقف الدخول الى الأردن حالياً بانتظار صدور التعليمات الجديدة

✅ نحنا أعلنا قبل بيومين انو التقديم على السفارات فتح بناء على أن سيستم التقديم فتح وباعتبار انو اليوم تاريخ افتتاح الحدود

✅ لكن بعد ما دخلنا اليوم وسألنا وتأكدنا تبين عنا انو بس مسموح الدخول لعبور الترانزيت إلى مطار عمان ودخول السفارات والسياحة مازال متوقف

✅ لذلك حالياً رح نتوقف عن استقبال طلبات موافقات دخول مقابلة السفارة لحين السماح بها وصدور تعليماتها التنفيذية

ملاحظة هامة: في مواقع كتبت انو يلي موافقته طالعة قبل تاريخ 12/08 سقوط النظام التغت اليوم تأكدنا انو مافي اي شيء رسمي بهاد الخصوص ولا صدر أي تعميم أو توجيه لذلك وجب التنويه

خدمه ترحال عمان 00963999213539

3,278

الطريق من دمشق إلى بيروت

08 Jan, 20:55

شو اخبار بيروت ومطار بيروت والحدود اللبنانية ؟!

✅ الوضع بمطار بيروت كتير كتير تحسن اليوم ماتم احتجاز حدا عليه منع بالعكس عم ياخد ختم ترانزيت ويضل مكمل على سورية

✅ طبعاً نفذ الكابتن علاء والكابتن علي مجموعة استقبالات من ضمنهم شباب قادمين من أوروبا كانت الأمور تمام

✅ حتى معاملة الحدود اللبنانية متحسنة كتير والوضع جيد صاير بس ماتغير شي بعده كل شئ حاله بالنسبة للدخول

✅ طبعاً حسب معلومات ترحال بيروت الشبه مؤكدة أنو قرار مطار بيروت كان بادرة حسن نية تجاه القيادة السورية

✅ كل الناس كانت ناطرة صدور القرارات الجديدة وخاصة الجانب اللبناني أعرب عن التجاوب الكامل لطلبات القيادة السورية ولكن في مجموعة عوامل ساهمت بتأخير بعض الأمور:

- لحد الآن مازالت شروط دخول المسافر اللبناني مطبقة من الجانب السوري ولم يتم إزالتها

- الجانب السوري عنده مجموعة شروط ومطالب لازم يتم تنفيذها والموضوع ليس فقط شروط الدخول هناك أمور أخرى متعلقة بمواضيع عديدة يجب الالتزام بتنفيذها

- لذلك الجانب السوري مازال يأخذ الوقت الكافي لدراسة الأمور وخاصة لبنان اليوم تعيش أجواء إنتخاب رئيس للجمهورية وعلى الأرجح بعد استلام رئيس الجمهورية اللبنانية مهامه ستبدأ الأمور نحو الانفراجات

✅ أخيراً لكل مين عم يسأل ليش صرلنا يومين غايبين عن تغطية حالة الحدود بصراحة الكابتن يلي بيكتب حالة الحدود بإجازة ليوم السبت ابنه الله يحميله ياه صرله 14 سنة مانزل على الشام وهلأ بعد التحرير نزل على الشام لذلك هاد سبب الغياب

تحياتنا للجميع وتصبحوا على خير

4,135

الطريق من دمشق إلى بيروت

08 Jan, 19:15

وهي صار عنا خفر سواحل بتجهيزات جديدة ومعدات متطورة

✅ طواقم وكوادر ومعدات جديدة زودتنا بها الصديقة تركيا مشكورة

✅ فرق سورية مدربة بتجهيزات فنية كاملة وأجهزة اتصال حديثة ذات تقنية عالية

مو متل أيام ابو كلسون كانت دورية خفر السواحل على البابور وبينسرق نص مخصصاته من المازوت

4,361

الطريق من دمشق إلى بيروت

08 Jan, 18:06

( مصادر ترحال عمان تؤكد أن رحلات الملكية الأردنية ستبدأ من تاريخ 01/20)

ياجماعة سبحان الله رب العالمين كريم ورحيم بيسكرها من مكان وبيفتح طاقة الفرج من مكان آخر بإذن الله تعالى رب العالمين واقف معنا

✅ الحمد لله رب العالمين اليوم انتهت عملية التقييم الفني واللوجستي لفريق الملكية الأردنية ونتائج التقييم إيجابية بفضل الله تعالى

✅ غداً الساعة 12 ظهراً سيعود فريق الملكية الأردنية من مطار دمشق على طائرة الملكية الأردنية باتجاه العاصمة عمان في ختام زيارته

✅ الأخبار شبه المؤكدة والتي حصلت عليها ترحال عمان أن إنطلاقة رحلات الملكية الأردنية من مطار دمشق اعتباراً من 01/20 ضمن جدول رحلات منتظمة

✅ طبعاً عودة الطيران الأردني الى مطار دمشق سيكون بوابة فرج كبير للمسافر السوري لأنه بوابة عبور مع أميركا وكندا إضافة إلى دول الخليج وشمال أفريقيا

على بركة الله وتيسير رب العالمين نتمناها عودة مباركة مع تمنياتنا بالتوفيق والسلامة والنجاح لأهلنا النشامى

4,382

الطريق من دمشق إلى بيروت

04 Jan, 21:23

حديث قبل النوم ( المعابر الحدودية ومطار لبنان)

اليوم الناس بالها مشغول بعد ماعم تسمع قصص ومشاكل مطار بيروت وكل الناس عم تسأل شو صار بالمسافرين السوريين العلقانين بالمطار

✅ بالنسبة للمسافرين السوريين طالعوا بس يلي معه جنسية أجنبية أما البقية مازالوا عالقين لانه هدول قال طالعين على أوروبا بالبحر تهريب لهيك لبنان بترفض دخولهم

✅ القصة اخدت ابعاد كبيرة واليوم الإعلام الألماني حكى عنها

✅ الوضع في لبنان جداً متأزم والحكومة اللبنانية عم تسعى لايجاد وساطات عربية لإقناع القيادة السورية بالتراجع عن قرار منع دخول المسافر اللبناني إلى سورية لانه الوضع رح يكون كارثي على لبنان

✅ اليوم في مسافرين سوريين وصلوا مطار بيروت ودخلوا بشكل طبيعي كان الوضع افضل من يوم أمس

✅ حتى الحدود اللبنانية متغيرة كتير المعاملة مع المسافرين السوريين صارت إيجابية اكتر يعني التأشيرات الالكترونية اليوم كان مدة انتظارها حوالي الساعتين بالعادة حوالي ست ساعات

✅ كمان طالعنا مسافرين على الإقامات الخليجية وباسبورات اجنبيه كان عبورهم سلس الحمد لله

✅ اكتر شي عانينا بالاستقبالات كان في تأخير كتير لحتى يخرج المسافر على صالة الاستقبال بس الحمد لله كل يلي استقبلناهم حصلوا على دخول بفضل الله تعالى

✅ الشغلة المهمة يلي الناس لازم تعرفها السوريين يلي معهم باسبورات اجنبية ماعم يسمحولهن يمرقوا من العريضة اليوم رجعوا عائلة معها باسبورات اجنبية بعد ماوصلت العريضة رجعت على المصنع مارضيوا يخلوها تعبر لسورية الكل ينتبه

✅ موعودين بفيديو جديد للناس المحتجزين بالمطار في ناس عم تتابع موضوعهم مع المنظمات الدولية بإذن الله تعالى الأمور بتنحل

خدمة ترحال 00963999213539

844

الطريق من دمشق إلى بيروت

04 Jan, 20:25

( السوريين يلي بدول افريقيا بدهم طريقة مضمونة 100% ليحجزوا وينزلوا على سورية عبر الأردن)

الكل مستغرب انو كيف السوريين يلي مقيمين بأفريقيا عم يحصلوا على موافقة عبور مضمونة 100% عن طريق الأردن من ترحال عمان

✅ ببساطة بعد ماشفنا المعاناة الكبيرة يلي عم تواجه المسافر السوري بمطار بيروت رجعت ترحال عمان فعلت اتفاقية الترفيق مع الخطوط الإثيوبية

✅ صار اي سوري مقيم في أي دولة أفريقية حتى لو منتهية صلاحية جواز سفر السوري بيحسن يحصل على موافقة عبور ترانزيت بكفالة ترحال عمان مضمونة 100% وينزل لسورية

✅ الحمدلله نجحت ترحال عمان من تاريخ 15 سبتمبر 2024 إلى 2025/01/01 من اصدار 168 موافقة عبور ترانزيت على متن الخطوط الإثيوبية لمسافرين سوريين أمنت قدومهم إلى سورية

✅ لذلك أي سوري مقيم بأفريقيا مابقى يهكل هم وعناء النزلة لسورية لأنه مع ترحال عمان صار الطريق سالك الى دمشق عبر مطار الأردن

خدمة ترحال عمان 00963999213539

1,673

الطريق من دمشق إلى بيروت

04 Jan, 18:41

سؤال للمغتربين السوريين

- قديش برأيك لازم تكون مدة صلاحية جواز السفر السوري ؟!

- 5 سنوات

- 7 سنوات

- 10 سنوات

وكمان رسومه شو بتقترح تكون رمزية ولا مرتفعة ؟!

قديش عندكم بأوروبا كلفة تجديد الباسبور الأجنبي ؟!

2,694

الطريق من دمشق إلى بيروت

04 Jan, 15:51

إنها سورية الحرة يا عزيزي!

وهي الكابتن وثقلنا من الحدود لوحة ‏شروط دخول اللبنانيين إلى سوريا من الحدود اللبنانية السورية

الله يعزك يا ابومحمد متل عزيت سورية والسوريين

3,737

الطريق من دمشق إلى بيروت

04 Jan, 14:46

العالم ناطرة وصول الشيخ اسامه الرفاعي

هو بطريقه على الشام بإذن الله تعالى بيوصل على صلاة المغرب

نورت الشام برجعة علمائها بعد غياب 14 سنة الحمد لله على السلامه

3,977

الطريق من دمشق إلى بيروت

04 Jan, 10:20

( توضيح عدة نقاط قانونية فيما يخص المسافر السوري بمطار بيروت)

نحنا مستغربين انو في ناس عم توجه انتقاد لتلفزيون سوريا على موضوع تسليط الضوء على معاناة المسافر السوري في مطار بيروت

✅ خلص ياجماعة المسافر السوري هو إنسان محترم له حقوق مصانة بالقانون مابقى مقبول نهائياً حدا يتعدى على حقوقه

✅ هي العراقيل القانونية يلي انوضعت على المسافر السوري كلها انعملت بايعاز من النظام المخلوع لحتى يقطع طريق عودة السوريين على بلدهم

✅ واذا كنت مسافر سوري هاجرت بالبحر إلى أوروبا وين المشكلة إذا راجع بعد 14 سنة وحامل جواز أجنبي ليش لحتى يكون ممنوع دخولك ؟!

✅ أنت لما رميت حالك بالبحر وخاطرت بحياتك وانت مهجر من بيتك وبلدك ومدينتك بشكل قسري كان بكيفك ولا إجباري عنك وبالاساس شو دخله مطار بيروت ليمنع دخولك مازال القصة متعلقه ببلدك

✅ موضوع الابتزاز يلي عم يتعرضله المسافر السوري عمره سنوات وقبل شهر المدام وفاء موصللي تعرضت لحادثة مشابهة تسببتلها بأذى وضرر صحي ونفسي ومالي وضجت فيها كل وسائل الإعلام

✅ بعدين عم يتم احتجاز المسافر لحتى ينجبر يرجع من مكان قدومه لما عم يجي يحجز عم تجبره الميدل ايست يحجز تكت ذهاب وإياب ( هاد ابتزاز ولا مو ابتزاز ؟!)

✅ اليوم موضوع المسافر السوري لازم يلتقى حل جذري قانوني له بمطار بيروت لحتى تنلغى قصة المعاملة السلبية كل شي قوانين وعراقيل وتعاميم طلعت خلال ١٤ سنة لازم تنلغى

✅ خلص الموضوع بحاجة لتحرك حقوقي من كافة منظمات حقوق الإنسان الدولية اليوم السوريين اغلبهم صار معهم باسبورات اجنبية في طرق قانونية ممكن يتم اللجوء لها لحل كل هل العراقيل

✅ المسافرين السوريين اليوم عندهم حقوق قانونية مصانة وانتهى عهد التجاوزات مسألة وقت وكل شي رح ينوضعله حد وبالقانون

4,560

الطريق من دمشق إلى بيروت

04 Jan, 09:36

( ليش دائماً بننصح المسافرين السوريين يحجزوا عن طريق الأردن عبر مطار عمان ؟!)

✅ اول شي على مدار أسبوع كل يوم عم يوصل على مطار عمان بين 500 إلى 600 مسافر سوري ( الأردن مارجعت ولا مسافر سوري وصل على مطارها حتى يلي خالص باسبوره ومعه وثيقة)

✅ الأردن صارت مستقبلة حوالي 7 آلاف مسافر سوري خلال 10 ايام الأخيرة والكل نزل على سورية وتم استقباله بالمطار سواء كان معه إقامة لجوء ولا فيزا سياحيه ولا باسبور أجنبي الكل مرحب فيه

✅ كل يوم عم ينزل حوالي 8 باصات من مطار عمان على الشام لشركة ( جت ) كلهم مسافرين سوريين وحاطين خمس مندوبين لتسيير أمور المسافرين بالمطار ومعبر جابر ومعبر نصيب وبالشام بكراج القدم

✅ الشغلة الأحلى هو القوانين الواضحة بالأردن مافي شي اسمه مزاجية ودائماً الخيارات متاحة للمسافرين يعني فيك تحجز عبر الملكية الأردنية وأي شركة طيران بدك ياها ماعندهم مشكلة مازال امورك قانونيه 100% حياك الله

✅ الخبر الأحلى انو صار فيك تسافر من دمشق على مطار عمان بباص المطار حتى لو حاجز على اي شركة طيران بدك ياها وحتى لومعك فيزا الكترونيه دبي السعودية افريقيا اندونيسيا الكل مسموح

✅ الحمد لله بفضل الله عزّ وجل الطريق آمان من الشام لمطار عمان ومن مطار عمان للشام بس الحدود بتفتح ٨ الصبح وبتسكر ٦ مساء

كتير ناس بتفكرنا انو بنروج للأردن طيب أنت بس عمل جولة بالصور وشوف الحضارة بمطار عمان بتعرف لحالك أنك ببلد محترم عنده هيك مطار حضاري بيعطي صورة حضارية عن بلده الأردن

4,375

الطريق من دمشق إلى بيروت

04 Jan, 08:49

سبحان الله رب العالمين فرجها علينا من بابه الواسع

صارت مهنة الصرافة بالشام على البسطات والسيارات مافي أحلى من الحرية ياجماعة راح الخوف من قلوب الناس!!

من زمان كان واحد إذا ينكمش معه 100 دولااااااااااار ( الشوئسمو) سابقاً يروح فيها بخبر كان ....

هلأ كل شي متوفر والليرة عم تتحسن بدال ما تتراجع متل وقت كانوا يكذبوا علينا انو بتنهار الليرة طلع كل شي كذب

اللهم لك الحمد والله يعزك يا ابومحمد متل ماعزيت أهلك وناسك

4,558

الطريق من دمشق إلى بيروت

08 Dec, 03:09

صباح الخير ياشام اللهم لك الحمد حتى ترضى فرجت

4,500

الطريق من دمشق إلى بيروت

07 Dec, 19:12

عاااااجل إقفال معبر المصنع الحدودي أمام السوريين القادمين من دمشق

7,389

الطريق من دمشق إلى بيروت

07 Dec, 13:16

السبت 12/07 حالة الحدود وآخر الأخبار

الحمد لله رب العالمين قبل شوي وصلت على الشام ماتواخذوني الصبح وعدتكم انشرلكم حالة الحدود يلي صاير فيني اول ما وصل على بيروت العيال بيصرعوا راسي بدهن ياني ارجع فوراً لذلك اليوم مجرد ماوصلت لفيت ورجعت والحمد لله وصلنا على بيتنا على بكير

✅ اليوم الطريق من الشام لبيروت عليه زحمة وحركة كبيرة بعكس طريق الرجعة من بيروت للشام

✅ طلعت حوالي 4 ونص الفجر الصبح ماوصلت بيروت الا بعد 7 ساعات الحدود زحمة السورية واللبنانية كتير

✅ طبعاً ماعم يدخلوا غير يلي رايح على المطار فقط لاغير ويلي معه باسبور أجنبي او إقامة أجنبية

✅ أما بطاقات نقابية سجلات تجارية مواعيد مقابلات السفارة اليوم مادخلوا حدا وخاصة يلي جايب عياله معه رجعوهن للأسف طبعاً للأمانة فات قسم بسيط يلي عنده معارف طبعاً زبط وضعه

✅ الطريق من الشام لبيروت ومن بيروت للشام شغال طبيعي الحمد لله رب العالمين رحنا ورجعنا ماصار علينا شي بس مشكلة العجقة كتيرة

✅ طبعاً في ناس معها تأشيرات الكترونيه كمان رجعوها حتى برقيات مارضيوا يبعتولها للأسف

الله يفرجها على الجميع يارب سامحوني على التأخير بس حبيت حطكم بآخر الأخبار تبقوا بخير وسلامة دائماً والله يحميكم جميعاً ويسلمكم من كل شر ولايضركم بغالي وعزيز يارب حبيبات قلبي

7,613

الطريق من دمشق إلى بيروت

22 Nov, 20:48

كم يوم بقيان لنشوف هل الأجواء بالشام ؟!

الصور من الأرشيف بعدسة طارق الحسنية

48

الطريق من دمشق إلى بيروت

22 Nov, 20:07

في شي مرة ضاعت شنتاية الك اثناء سفرك ؟!

بأي مطار وعلى أي شركة طيران ؟

444

الطريق من دمشق إلى بيروت

22 Nov, 19:08

( قرب عيد الميلاد ورأس السنة والنزلة من أوروبا عبر مطار عمان صارت قريبة )

✅ كل السوريين المقيمين بأوروبا بيعانوا من مشكلة الحصول على موافقة عبور ترانزيت عبر مطار عمان

✅ وكالة عمان للطيران بتقدملك باقة الأعياد على الملكية الأردنية متضمنة موافقة عبور ترانزيت والنقل والإقامة بأوتيل المطار

✅ يعني انت لما بتحجز تكت الطيران عبر وكالة عمان للطيران على الخطوط الملكية الأردنية موافقة عبور ترانزيت مضمونة 100%

✅ ثبت حجزك على بكير إذا نازل بفترة العيد على الشام لأنه الاماكن جداً محدودة

التواصل مع وكالة عمان للطيران عبر الواتساب:

00962788200771

982

الطريق من دمشق إلى بيروت

22 Nov, 17:41

الوضع في لبنان وصل لمرحلة انو الناس صارت توقف تصور البناء بعد إنذار الإخلاء!!

هاد البناء اليوم بمنطقة الشياح لاحول ولا قوة الا بالله العلي الله يعوض على أصحابها

1,737

الطريق من دمشق إلى بيروت

22 Nov, 10:45

‏مسجد العصبة صلى فيه النبي صلى الله عليه وسلم ، و بئر الهجيم بجواره ، المسجد باقي على حاله منذ عهد الرسول صلى الله عليه وسلم

2,610

الطريق من دمشق إلى بيروت

22 Nov, 08:53

( قديش عم تسوى تنكة أو بيدون الزيت هل السنة ؟!)

باعتبار انو زيت الزيتون بيكون الشغل الشاغل لجميع أطياف المجتمع السوري والمغتربين حالياً عم يتابعونا لحتى يعرفوا شو آخر أخبار الزيت لازم نعرف شو الأسعار هل الأيام بالمحافظات لحتى الواحد ياخد فكرة ويتنور ويترسمل ليعرف قديش بده يطلب حوالة من اولاده برا كرمال مونة الزيت

✅ بقديش عم تسوى تنكة الزيت أو البيدون بكل محافظة ؟!

✅ طبعاً كم شخطة هل السنة عم يطلع يعني بالعامية ( قديش عيار الأسيد )

✅ الحمدلله بعد المطر هلأ انتاج الزيت بيتحسن ( هل الأسعار رح تكون على نزول ؟!)

ياريت تكون المشاركه من جميع المدن السورية يعني ابن طرطوس يخبرنا قديش الاسعار عندهم وابن جبلة يخبرنا شو عم يسوى السعر عندهم وابن حمص وحماه يحكيلنا لوين وصل السعر ودرعا والسويداء والغاب ومصياف وصافيتا وحلب وريفها

خلينا نتنور لحتى الواحد يعرف حاله يشتري هلأ ولا يأجل شوي لينزل السعر ؟!

2,846

الطريق من دمشق إلى بيروت

22 Nov, 08:05

ماهي مفردات فطور يوم الجمعة الشامي ؟!

✅ أول عبارة مشهورة ( طشة السمنة بزبدية التسقية )

✅ سقي الفولات بالحمض والثوم و غرقهم بالزيت ( هي عبارة تعليمات تحضير صحن الفول على عدة مراحل بالترتيب)

✅ قطع فحلين بصل وشرح المخللات ولاتحط اللف مع الخيار ( هي التعليمات لتحضير صحن السرفيس تبع المخلل والبصل بينحط مخلل الخيار بطرف واللفت بطرف وبالنص البصلات بيفصلوا بيناتهم لحتى اللفت مايصبغ الخيار )

✅ في عدة أنواع للتسقية ( بزيت تبع الفقسة & باللبن & بالبدوة ويلي بيفكروها الناس بسمنه ولكن اسمها الحقيقي بالشامي البدوة )

✅ طبعاً صحن الفول مابيتم تحضيره الا لما تنفرش السفرة على الآخر منشان ينزل سخن متل النار والهبال تبع الدخنة طالعة منه

✅ زبدية التسقية بتنحط على الطاولة ومابيصير تنزل عليها السمنة ( طشة السمنة) الا ليجلس آخر فرد من العائلة على الطاولة منشان الكل يسمي بالله ويكسر الصفرة وهي السمنة بلهبتها

بتمنى كون أجدت بالوصف جمعة مباركة عليكم جميعاً

2,629

الطريق من دمشق إلى بيروت

18 Nov, 21:26

أشهد أن لا إله إلا الله .. يا رب صبر قلب أمي.. هاد آخر شيء قلته وأنا أغرق في نهر بردة.
عند المتحف الوطني بنزلة جسر الرئيس وأنا أسير سقطت بالنهر لأنه لا يوجد سور.
لا أعلم كم بقيت, حتى أنقذني الشباب في مفرزة المتحف الوطني..
أناشد الجهات المعنية, ألا يعنيكم أن شريحة المكفوفين من حقها الحد الأدنى من الأمان ؟؟؟
لا نريد الحد الأقصى من الأمان لأنه حلم بعيد المنال في بلادنا, نريد الحد الأدنى منه..
لماذا لا يوجد سور هناك ؟ سؤال أوجهه إلى محافظة دمشق.
الحمد لله الذي أنجاني, خسرت هاتفي الذي أعتمد عليه في دراستي ولا أعلم هل الصيانة ستعيده.. لست أحزن على الهاتف لأن رب العالمين موجود ورح يعوضني, لكنني أحزن أن الجهات المعنية لا يعنيها سلامة آلاف المكفوفين الذين من حقهم السير في طرق آمنة.
إلى الآن لا أصدق أنني حي وأكتب هذه السطور على كيبورد اللابتوب.
شكرا من صميم قلبي للشباب في مفرزة المتحف الوطني الذين أنقذوني وقاموا بواجبهم على أكمل وجه.
مدين لكم بحياتي ما حييت.

رابط حساب الشاب ابراهيم بالتعليق الأول

1,478

الطريق من دمشق إلى بيروت

18 Nov, 20:07

ورشة الصيانة من محافظة دمشق تعمل على إصلاح الجزء من سور نهر بردى الذي سقط منه اليوم أحد المواطنين

1,882

الطريق من دمشق إلى بيروت

18 Nov, 18:59

( جولة في مدينة الأحلام الماروتا سيتي عبر عدسة ترحال)

كتير من المغتربين يلي صرلهم فترة طويلة مسافرين بيسمعوا بمشروع الماروتا سيتي بالشام وحتى يلي بالشام بين فترة والتانية بيمرقوا من جنبه لحتى يشوفوا وين وصل عمار الأبنية فيه من باب الإطلاع!!

طبعاً عامة الناس بتطرح مجموعة أسئلة متداولة عن هل المشروع والأكثر تداولاً:

- الله أعلم بقديش حقها البيوت بهل المشروع رح تكون ؟!

- عطينا عمر لحتى تتعمر وتجي الناس تسكنها ؟!

- ياترى مين معه يشتري بيت بهاد المشروع ؟!

وطبعاً هي أسئلة الناس ولكن على أرض الواقع الأمر مختلف لأنه المشروع بلشت تتوضح الصورة المبدئية لشكله وكيف رح يكون وخاصة صور الأبراج يلي بلشت تظهر بصورة مدينة دمشق البانورامية

يلي بيدخل على المشروع وبيعمل جولة بيشوف انو الشوارع تنظمت بقلبه وانرصفت الأرصفة والبنية التحتية تم تشطيبها بالكامل للأمانة هو مشروع حضاري بكل ماتعنيه الكلمة من معنى وحتى في محاضر بلشت عملية الاكساء الداخلي وفي بيوت باشرت عملية الاكساء وصورناها من الداخل بس ناطرين الاذن من أصحابها ليسمحولنا بنشر الصور إذا أخدنا الموافقة بكرا بننشرها بإذن الله تعالى

حتى بالنسبة لموضوع الشراء صار في شركات تطوير عقاري عم تطرح منازل بأقساط ميسرة عن طريق البنك

هلأ مبدئياً هي صور حديثة للمشروع قبل كم يوم وعلى فكرة العمل ضمن المشروع جاري على قدم وساق حتى البنية التنظيمية للمرافق العامة الجهات الحكومية عم تواظب على استكمالها بشكل متوازي مع حركة البناء السكنية

الصور بعدسة Ayman-Kd

2,169

الطريق من دمشق إلى بيروت

18 Nov, 17:29

هيك جو بده هيك أكلات سبيشال تهبل الدخنة منها وبتدفي الصدر

صحن فول مع رشة كمون وملح وعصرة ليمونة مع كاسة مرقة عم تغلي غلي غير حياة !

ولا صحن درة مسلوقة مع جبنه ورشة ملح ناعمة

هي ماحكينا عن الكستنا المشوية وزبدية البليلة مع الكمون والليمون

مين بيحب هيك أجواء ؟!

2,324

الطريق من دمشق إلى بيروت

02 Nov, 21:14

حديث قبل النوم ( قديش كان عمرك لما هاجرت)

اليوم حديثنا كمان عن السفر ولكن رح نسلط الضوء على موضوع عمر الانسان لما سافر أو هاجر ان صح التعبير

طبعاً شريحة كبيرة من السوريين هاجرت بالبدايات للأزمة تحديداً هاجر الأشخاص المقتدرين مالياً وهدول أعمارهم فوق 40

بعدين مع تأزم الوضع وظروف التأجيل كرمال خدمة العلم تحولت الأمور لشريحة الشباب يلي خسرت البلد للأسف كمية كبيرة منها نتيجة الظروف

كمان بعد بفترة صرنا نلاحظ كمان هجرة شريحة من الأطفال تحت 15 هاجرت لوحدها كرمال تعمل لم شمل لعائلتها الأب والأم والاخوات

ياترى مين الشريحة يلي استفادت أكتر من الهجرة وعلى كافة الأصعدة؟!

قديش كان عمرك لما اتخذت قرار الهجرة ؟!

852

الطريق من دمشق إلى بيروت

02 Nov, 15:46

( أميرة حلبوني ممرضة سورية تنفذ عملية ولادة على معبر حدود جديدة يابوس لسيدة قادمة من لبنان منتصف الليل قبل عدة أيام)

هي الإنسانة الأصيلة بنت عالم وناس اسمها أميرة حلبوني ممرضة سورية من ضمن كوادر وزارة الصحة السورية قبل عدة أيام كانت مناوبتها بالليل وبتعرفوا في موجة نزوح كانت كبيرة سيدة وافدة من لبنان حامل مسكينة من كتر المشي مسافة طويلة من معبر المصنع لمعبر جديدة يابوس أصابها إرهاق شديد وصلت على آخر نفس

طبعاً في وحدة طبية على الحدود وكانت فيها الممرضة البطلة أميرة حلبوني وبحكم خبرتها كشفت عليها وعرفتها أنو ولادة مافي مجال وقدرت الحالة انو في حال قررت تبعتها بسيارة الإسعاف على مشفى بالشام احتمال يتعرض حياة المولود للخطر لذلك سمت بالله وتوكلت على الله واتخذت قرارها بالقيام بتنفيذ عملية الولادة والحمد لله كانت نسبة النجاح 100%

الأم من باب الامتنان للممرضة سمت المولودة على اسم الممرضة ( أميرة )

والحمد لله بالإجماع حسب التقرير الطبي بعد الكشف أكد انو قرار الممرضة بتنفيذ عملية الولادة كانت صائب 100% وحافظ على حياة المولود

طبعاً وزارة الصحة مشكورة قامت بتكريم الممرضة أميرة الحلبوني

الحمد لله على سلامة أميرة الصغيرة والله يبعتلها أيام حلوة والشكر الجزيل لأميرة الكبيرة بنت الأصل الله محيي أصلك ويارب تلاقيها بميزان حسناتك قلال أمثالك كتر خيرك

2,403

الطريق من دمشق إلى بيروت

02 Nov, 15:03

لاضل شجر ولابقي غصن أخضر على حاله صارت رماد !!

بيعوض الله لاحول ولا قوة الا بالله العلي العظيم وحسبي الله ونعم الوكيل

جبال اللاذقية بعد إخماد الحريق في غاباتها منقول من صفحة من قلب اللاذقية

2,397

الطريق من دمشق إلى بيروت

02 Nov, 13:46

( شو علمتك الغربة والسفر ؟!)

بيقولوا ....

الغربة ستعلمك انك لا تبحث عن كبر مساحة المنزل بقدر ما تبحث عن الاستقرار مهما كانت مساحته

الغربة ستعلمك أن الوقت له قيمة كبيره يجب أن تسارع لتلحقه

الغربه ستعلمك أن الوحده واقع وليس خيار

الغربة ستجبرك أن تطور من نفسك لتلحق التطور

الغربة ستعلمك ضبط النفس لأن الكلمة بحساب

الغربة ستعلمك أن تدبر المال لأن كل قرش هو ثروه

في الغربة ستكتشف الوجوه الحقيقية وستتفاجأ بتساقط الأقنعة

في الغربة ستعرف أن خير صديق لك هو نفسك

في الغربة ستكتشف نفسك من جديد وهذا هو الأهم 🌹

( قديش بتتفق مع هاد الكلام ؟!)

2,405

الطريق من دمشق إلى بيروت

02 Nov, 12:01

( على سبيل الابتسامه ممكن الإجابة على سؤالها ؟!)

نشرت الكاتبة السعودية زينب علي البحراني عبر حسابها الشخصي سؤال للسوريين:

ما هو المعنى الدقيق لمقولة: "حاج تبيض علينا" في اللهجة السوريَّة؟

2,456

الطريق من دمشق إلى بيروت

02 Nov, 10:20

بإذن الله تعالى اليوم بتنفق الرزق كله وبترجع لعند السيدة الوالدة مجبور الخاطر

ياجبار يارب الله يرزقه من واسع أبوابه

⛔🖐🏻 ومن ركن الدين في هالشب الاكابر ببيع شغل والدتو
فينا ندعمو اسعارو مقبولة وبالسمن البلدي وفيكن توصو عالموبايل 💪🏻💪🏻💪🏻

٠٩٦٩٨٦٣١٩٣

منقول من صفحة شارع بغداد

2,779

الطريق من دمشق إلى بيروت

02 Nov, 09:20

قبل كم شهر بس هيك كانت الأجواء بمطار بيروت!!

سبحان مغير الاحوال كيف انقلبت الأوضاع 360 درجة كان الكابتن علاء والكابتن علي متواجدين بين المطار والحدود على مدار الساعة تقرير صباحي وتقرير مسائي!!

بتتذكروا سفرات الكابتن بأيام التلج وكيف كان يتسكر عليه طريق ضهر البيدر ويوم يطلع من طريق الجنوب ويوم من طريق ترشيش وقديش يصير معه قصص وحكايات كل يوم على الطريق ؟!!

سبحان الله مافي شي بيدوم على حاله هلأ خايفين تنزل المطر وتغرق الجورة ساعتها الوضع رح يكون لاتعليق !!

امبارح اشتغل معبر القاع كم ساعة يادوب رجعوا عملوا فيه جورة جديدة ورجع وقف

الله يفرجها يارب

2,725

الطريق من دمشق إلى بيروت

02 Nov, 08:28

شو رأيك بفطور كروسانة بالشام القديمة مع كاسة شاي خمير وتمشاية بهل البردات والأجواء الشتوية ؟!

يا حبيبي الهوى مشاوير و قصص الهوى مثل العصافير

لاتحزن يا حبيبي اذا طارت العصافير و غنية منسية ع دراح السهرية

( رجعت الشتوية)

مبدعة فيروز والاخوين رحباني بكل غنية عملوها خلونا نرتبط بمكان ما وأجواء معينة

اليوم السبت عطلة الصبح بتكون الشام فاضية وأجواء الفطور فيها آخر رواء!!

مين شريك بهيك مشاوير وأجواء ؟!

عدسة Ayman_Kd

2,788

الطريق من دمشق إلى بيروت

25 Oct, 21:50

✅ من أي بلد بالعالم عم تتابعنا ؟!

✅ قديش عندك الساعة حالياً ؟!

✅ هل لديك سؤال أو اقتراح أو ملاحظة ترغب في مشاركتها ؟!

✅ قديش بتعطينا علامة من 10 على نوعية المحتوى يلي عم نقدمه ؟!

ياريت الكل يشارك بالاستبيان لحتى نحسن نتلافى أغلاطنا ونصلح السلبيات ومستوى التقصير بحقكم

1,288

الطريق من دمشق إلى بيروت

25 Oct, 21:20

حديث قبل النوم ( ليلة عبد الوهاب على إحدى المحطات!!)

الدنيا قايمة قاعدة وفي ناس عم تنام بالشوارع مالها ملاقية سقف تستر حالها فيه هي وعيالها قبل الشتوية يلي جاية على الأبواب بتلاقي محطة تلفزيونية عم تغرد خارج السرب عاملة حفلة ضمن مهرجان ضخم مكلف بدون مبالغة مليارات والليلة سموها ( عبد الوهاب) جامعين نجوم الفن من كل الدنيا وجايبينهم لحتى يغنوا للموسيقار عبد الوهاب!!

ما اختلفنا حلو الواحد يسمع فن وطرب ويسلطن وينبسط بس بشرط يكون في مراعاة لظروف الناس ويلي عم يصير بالوقت الحالي لحتى مايكون في حالة انفصال عن الواقع!!

شوية إنسانية بس مو أكتر !!

1,541

الطريق من دمشق إلى بيروت

25 Oct, 18:20

( خدمة تاكسي الجورة مستمرة 10/25 إليكم تقرير اليوم )

مستمرين برحلة التغريبة السورية اللبنانية من الشام إلى مطار بيروت بشكل يومي عبر خدمة تاكسي الجورة الأولى والجورة التانية وطالبين الفرج القريب من رب العالمين

✅ اليوم نفذنا 7 برامج 5 منهم توصيل مطار من دمشق إلى مطار بيروت واستقبالين فقط من مطار بيروت الى دمشق

✅ بلشنا حوالي الساعة 5 فجراً وخلصنا الساعة 4 عصراً واليوم كتير كانت الجورة مزدحمة بين الساعة 11 صباحاً إلى 2 عصراً

✅ زعلنا كتير لما درينا انو معبر جوسيه صار فيه جورة متل المصنع وحسب ماخبرونا انو خرج عن الخدمة يعني واقف

✅ اليوم تعذبنا كتير بنقل الشناتي ومعنا عتال زحط وهو حامل شنتاية راح سباحة على التراب هو وياها بس الحمد لله ماصرله شي عدت على خير

✅ وكان في حجي كبير على كرسي متحرك نازل هو مرته كمان شباب سوريين ابضايات أهل الفزعة والنخوة ساعدوه بالعبور من الجورة الاولى والتانية والحمد لله وصل على المطار بخير وسلامه

✅ المهم رحنا ورجعنا بخير وسلامه الحمدلله رغم كل السلبيات يلي واجهتنا رب العالمين وقف معنا وغمرنا بفضله وكرمه ومرقت الأمور على خير

خدمة تاكسي الجورة عبر ترحال بيروت 00963999213539

2,558

الطريق من دمشق إلى بيروت

25 Oct, 09:22

( جورة جديدة ومعبر جديد بين سورية ولبنان يخرج عن الخدمة بكل أسف!!)

لاحول ولا قوة الا بالله العلي مابعرف شو بده يحكي الواحد بكل أسف معبر جوسيه اليوم صار فيه جورة متل تبع معبر المصنع الحدودي وهيك بيكون خرج عن الخدمة بكل أسف!!

الله يفرجها على الجميع يارب ويحمي الجميع ويبعد الأذى والضرر عن معبر العريضة والدبوسية

3,798

الطريق من دمشق إلى بيروت

25 Oct, 08:10

( هل تصرف المعلمة صحيح مع الطالب ؟!)

باعتبار انو صفحتنا لها متابعين من قبل شريحة واسعة من السوريين المغتربين حبينا نطرح هل الموضوع او القصة يلي حصلت بأحد مدارس ريف دمشق

معلمة مسكت طالب بالصف عم يعلك علكة عاقبته أنها قامت بلصقها بشعره بهي الطريقة متل مو واضح بالصورة!!

أكيد الاحترام والتقدير للمعلم واجب والطالب غلطان ولكن هاد طفل بالنهاية بدنا نستوعب طريقة تفكيره وبالعامية مانحط عقلنا بعقله!!

السؤال طريقة تصرف المعلمة مع الطالب بهذه الطريقة هل هي صحيحة وسليمة من الناحية العقلية أولا والانضباطية ثانياً

( النقاش مفتوح ضمن حدود الأدب والاحترام من فضلكم)

3,712

الطريق من دمشق إلى بيروت

25 Oct, 06:54

( مين تغير توقيت تلفونه ورجع ساعة للوراء ؟!)

صباح الخير وجمعة مباركة أول شي قبل مانبلش خلينا نضبط ساعتنا بشكل صحيح مبدئياً

- الساعة الآن في دمشق 09:50am صباحاً

- الساعة الآن في عمان 09:50am صباحاً

- الساعة الآن في بيروت 09:50am صباحاً

يعني على توقيت غرينتش 03:00+ منشان الجميع يضبط موبايلاته صح

سورية والأردن صار التوقيت ثابت طول السنة مابقى يتغير لابالصيف ولا بالشتاء أما لبنان هلأ أسبوعين تانيات رح تأخر ساعتها للتوقيت الشتوي

هلأ بسورية الموبايلات يلي تغيرت توقيتها بيكون صاحبها ضابطها بشكل تلقائي 02:00 + على توقيت غرينتش لذلك رجعت ساعة

لهيك يلي تغيرت ساعة موبايله يحطها ضبط يدوي 3+ على توقيت غرينتش

صباح الخير وجمعة مباركة

أنا معي موبايلين واحد ركب أنرييه ورجع ساعة والتاني ضل ثابت نحنا بنعتمد توقيت يلي زيادة ساعة بيكون التوقيت الصحيح منشان ماحدا يضيع بالتوقيت

مين تلفونه رجع ساعة لوراء ؟!

4,176

الطريق من دمشق إلى بيروت

24 Oct, 21:15

حديث قبل النوم ( شو بيفرق السوري الأوروبي عن السوري الخليجي عن السوري الأميركي ؟!)

اليوم موضوعنا مختلف شوي واجتماعي بحت بعيد كل البعد عن الصراعات في اختلاف الرأي..!

بعد سنين الغربة صار في عنا أنواع للسوريين المغتربين بالطباع وطريقة نمط الحياة استراتيجية بناء المستقبل للعائلة بشكل عام

ياترى شو بيفرق السوري الأوروبي عن السوري الخليجي عن السوري الأميركي أو الكندي أو الاسترالي ؟!

طبعاً النقاش عن أسلوب الحياة الاجتماعية ونمط وأسلوب المعيشة ومستوى الدخل ونوعية طبقات الفئة أو الشريحة المالية لكل بلد

يعني بشكل أوضح الرواتب... الأقساط.... القروض.... الضمان الصحي .... فرص العمل .... الارتباط والزواج.... الخ

النقاش مفتوح للجميع ضمن الإطار الاجتماعي حصريا

1,126

الطريق من دمشق إلى بيروت

24 Oct, 14:06

العاصمة بيروت بيعوض الله

حسبي الله ونعم الوكيل الله يفرجها على الجميع يارب

3,106

الطريق من دمشق إلى بيروت

24 Oct, 13:20

( هل يسمح للمسافر الفلسطيني السوري بالسفر عبر مطار عمان ؟!)

كتير ناس بتسأل عن آلية سفر المسافرين من الإخوة الفلسطينية عبر مطار عمان واليوم رح نشرح للجميع آلية السماح للمسافر الفلسطيني عبر الأردن من مطار عمان

✅ مسموح للمسافرين من الإخوة الفلسطينية بالسفر عبر مطار عمان بشرط أن يكون الحجز عبر الخطوط الملكية الأردنية

✅ طبعاً المسافر يلي معه تأشيرة وباسبور وثيقة لازم يحجز عبر وكالة عمان للطيران على الخطوط الملكية الأردنية لحتى يصدروله موافقة عبور ترانزيت ذهاباً وإياباً بشكل مضمون 100%

✅ يعني مثلاً يلي مسافر على العمرة أو طالع على أوروبا أو أميركا أو كندا أو أي بلد بالعالم على فيزا زيارة أو سياحة أو قبول جامعي لازم يكون حاجز على الخطوط الملكية وبالتالى بيحسن يسافر ذهاباً وإياباً عبر مطار عمان في الأردن

✅ طبعاً هاد الكلام لحاملي باسبور الوثيقة او الباسبور السلطة كلاهما شغالين حسب الباسبور يلي عليه الفيزا

للحجز والاستفسار تواصل مع وكالة عمان للطيران

00962788200737
00962788200771

3,299

الطريق من دمشق إلى بيروت

24 Oct, 12:22

( ماهي تفاصيل قرار منع المسافر السوري بالعبور ترانزيت عبر مطار أبوظبي ؟!)

اليوم رح نشرح نقاط مهمة مين يلي مسموح له بالسفر ترانزيت عبر مطار أبوظبي ومين يلي ممنوع!

✅ مثلاً مسافر سوري حجز مع أجنحة الشام من مطار دمشق إلى مطار أبوظبي وبعدها عنده رحلة مكملة على خطوط طيران الاتحاد أو القطرية ( هاد مسموح له وبيسافر بكل أريحية بدون منع )

✅ مسافر معه باسبور أجنبي او إقامة خليجية أو أجنبية ( مسموح له يسافر عبر مطار أبوظبي ترانزيت)

✅ أما مسافر سورية حاجز على مطار أبوظبي وبعدها حاجز على خطوط تانية غير طيران الاتحاد أو الخطوط القطرية ( هاد بيكون عليه المنع )

يعني اذا حاجز طيران رحلة مكملة من مطار أبوظبي على شركة طيران الاتحاد أو الخطوط القطرية مابيشملك قرار المنع

حبينا نوضح التفاصيل للمسافرين السوريين وتوصلوا بخير وسلامه

3,055

الطريق من دمشق إلى بيروت

24 Oct, 09:02

( الناس بتسأل انو شو جابركم تطلعوا كل يوم من الجورة ليش مابتطلعوا من العريضة أو الدبوسية ؟!)

سؤال منطقي انو الواحد شو الله جابره ينزل ويبدل سيارات ويجر شناتي ويمشي بالجورة !!

رح نجاوبكم على هل التساؤلات كلها وبالنهاية ماحدا مجبور يطلع من طريق الجورة روح طلاع من وين مابدك !

الناس مستغربة انو ليش عم يطلعوا بخدمة تاكسي الجورة مثلاً اليوم طلعنا ٣ سيارات من الشام الساعة ٦ صباحاً إحدى السيارات فيها سيدة كان ومعها ٣ أطفال من بينهم طفل عمره سنتين حاملته على ايدها خبرناها انو الطريق متعب أصرت انو تطلع من المصنع سبحان الله رب العالمين تطلع بوجهنا اليوم وتيسرت الأمور بسهولة والسيارة التانية كان فيها 4 شباب أطباء رايحين على البطاقة النقابية عندهم شغل ببيروت ويمكن امتحانات حسب مافهمنا والسيارة الثالثة كانت سيدة لوحدها على المطار

✅ طلعنا من الشام الساعة 6 كانوا بالمطار الساعة 11 الا ربع بالزبط الله يهون طريقهم الطيارة 4 العصر إقلاعها

✅ كمان الأطباء وصلوا بيروت الساعة 10 ونص تقريبا ووقفوا بالطريق عملوا استراحه ناس فطرت وناس شربت قهوة

✅ بالحدود السورية وبالحدود اللبنانية ما لحقوا يعدوا من 1 إلى 10 كانوا خاتمين جوازات السفر وماشيين فاضية مافيها الدومري الصالة

يعني هدول لوطالعين عن طريق حمص أو طرطوس من العريضة أو الدبوسية كانوا بعدهم بالطريق أو ناطرين دورهم بالحدود على التختيم لذلك بكل مكان في سلبيات و ايجابيات وياجماعة شعبنا شهم وأصيل صاحب نخوة يعني المدام اليوم يلي طالعة على المطار ومعها ٣ أطفال الشباب الأطباء الله يجزيهم الخير ساعدوها فزعة حملوا ولادها لما مرقنا بالجورة الاولى والتانية وصاروا يغنولهم على الطريق يلهوهم هيك لوصلنا على المصنع حتى بالحدود خلوهم يختموا قدامهم ليأمنوا على الأم والأطفال أنو امورهم تمام بعدين خبروا الشوفير يمشي الأم قالت والله فايقة من على صلاة الصبح عم ادعي الله يهونلي سفرتي أنا وولادي كنت هكلانه هم الله جمعني بولاد حلال بقى موضوع السفر هاد كلوا تيسير من رب العالمين الواحد يسلم أمره لربه ويقول يارب يسر ولا تعسر ويلي بيجي من عند الله خير

3,394

الطريق من دمشق إلى بيروت

24 Oct, 07:05

( يلي عنده طيارة ٧ صباحاً كيف عم بتاكسي الجورة ياترحال بيروت ؟!)

مطار بيروت 10/24 الساعة 4 فجراً عدسة الكابتن علي واليوم رح نحكي عن تجربة موثقة لمسافر إقلاع طائرته 7 صباحاً

✅ طبعاً طالعناه يوم أمس من الشام الساعة ١٢ ظهرا مع الكابتن عمر مشكوراً

✅استلمه الكابتن علي من حدود المصنع ووصله إلى العاصمة بيروت بخير وسلامة الحمد لله

✅ المسافر حجز بأوتيل ضمن شارع الحمرا بمنطقة آمنة واليوم بنحكيلكم عن أسماء الاوتيلات يلي عم ننزل فيها

✅ رج الكابتن علي الساعة 3 الفجر على الأوتيل لحتى أمن المسافر ووصله إلى مطار بيروت

✅ طبعاً شايفين الصور هاد مطار بيروت الساعة 4 فجراً بعدسة الكابتن علي والمسافرين أعدادهم لابأس فيها

✅ بس هيك حبينا نصبح عليكم وننقلكم الصورة من مطار بيروت الساعة 4 فجراً لحتى تشوفوا أجواء المطار كيف وطبعاً شاشة المطار موثقة بالتاريخ

خدمة تاكسي الجورة 00963999213539

3,772

الطريق من دمشق إلى بيروت

22 Oct, 17:28

العاصمة بيروت حتى الطيور لم تسلم !!

لاحول ولا قوة الا بالله العلي العظيم

2,011

الطريق من دمشق إلى بيروت

22 Oct, 15:59

بدل الجورة صاروا جورتين والحامي الله حسبي الله ونعم الوكيل

معبر المصنع الحدودي اليوم 10/22

زاد العذاب والتعب والشقاء لاحول ولا قوة الا بالله العلي العظيم

2,856

الطريق من دمشق إلى بيروت

21 Oct, 20:48

مباشر من مطار بيروت الآن

المطار يعمل بشكل طبيعي وعمليات الاقلاع والهبوط مستمرة

يلي صار انو في بوابتين سيكوريت من الضغط نتيجة مايحصل في المناطق المحيطة بالقرب من المطار فرط البللور من الرمل !!

اليوم بيروت عم تعيش ليلة صعبة بكل ماتعنيه الكلمة من معنى رسمياً أفلام هوليوود بدون مبالغة من الأصوات المرعبة

الله يحميها يارب ويحمي أهلها ولايضر حدا

4,744

الطريق من دمشق إلى بيروت

20 Oct, 10:35

العاصمة بيروت يوم أمس

عدسة: نبيل اسماعيل

982

الطريق من دمشق إلى بيروت

20 Oct, 06:32

المقالة للأديب محمد الماغوط

سافر دون تردد ،،
أنقذ ما تبقى من سنين عمركَ المهدور ،،
سافر و سترى شعوباً غيرنا و تفهم معنى الإنسانية و الحياة ،،
ستعرف أننا لسنا أحسن شعوب العالم و لا أعرقهم ،،
لا أحد هناك يعرف شيئاً عن عنترة و شيبوب و الزير سالم و تأبط شراً و القعقاع و الصعصاع و بطولاتهم البلهاء الوهمية ،،
ستكتشف كذبة ال 6000 آلاف سنة حضارة ، و ستكتشف أن بلادك صفراء و ليست خضراء كما كنتَ تحسبها ،،
ستعلم أننا لسنا خير أمة أُخرِجت للناس ، نحنُ فقط عبء على البشرية و على الحضارة الإنسانية و حتى على أنفسنا ،،
ستتأكد أن لا وقت و لا طاقة و لا رغبة للغرب في التأمر علينا لأننا نتقن التآمر على بعضنا ، و لأنه مشغول بما هو أهم منا بكثير ،،
ستستغرب لطف سائق التاكسي و الشرطي و عامل المطار و موظفة ختم الجوازات أو حتى نادل كشكِ القهوة ،،
ستستغرب أن فرقة مطافئ كاملة تأتي لإنقاذ قطة عالقة على حافة أحد الطوابق العالية من بناء مرتفع ، و أن شرطي المرور يوقف مسير السيارات لتعبر أوزَّة مع صغارها ،،
ستستغرب أن الناس تبتسم لك و لبعضها بود ، و ستتبادل الأقداح مع رجل غريب في مطعم أو مقهى و تتبادل الإبتسامات مع امرأة حسناء في الشارع دون أن ينظروا إليك على أي شكل من الأشكال غير إنك إنسان فقط و لا يهمهم غير ذلك منك ،،
نعم ستتعلم إحترام غيرك لتنال إحترامهم ، و ستخجل من تصرفات سيئة كنت تقترفها كبديهيات في وطنك كتجاوز الطابور ، و دفع الرشوة و قبولها ، و تخريب مقاعد الحدائق العامة و وسائل النقل ، و إلقاء القمامة في الشارع ، و التفاخر بقرابتك لمسؤول من الدرجة العاشرة أو صداقتك لأحد أقرباء من الدرجة الخمسين ، و سرقة الكهرباء من كبل البلدية ، أو سرقة بطة من بركة المنتزه ،،
نعم سوف تشتاق للأهل و الأصدقاء و الكثير من الأشياء لكن لن تتمنى أن تعود يوماً لحياتك الموحلة السابقة بعد أن اختبرتَ بنفسك معيشة البشر كما ينبغي لها أن تكون و كما لم تتوقعها أن تكون ،،
و إن عُدت ، فستكون عائداً إما زائر أو ميت لا محالة ،،
فلا تَلُم من هجرَ وطنه فلو كان وطناً ما تركه !!

الراحل محمد الماغوط.

صباح الخير

2,164

الطريق من دمشق إلى بيروت

19 Oct, 20:50

( أيام السفر بالشختورة لأوروبا مين عاصر هل المرحلة معنا يحكيلنا تفاصيل ؟!)

من كم سنة هل الكلام ياترى ؟!

بزمانه وقت فتحت موجة الهجرة بالبحر على أوروبا ؟!

كانت تركيا مابدها فيزا للسوري بتلاقي الراكب تحرك من الشام السبت الخميس ينشر ستوري من قلب ألمانيا!!

وخاصة في فترة صار مدة الرحلة 6 أيام بس

بتذكر تماماً بمرحلة ما لما بلشت موجة الهجرة لأوروبا تلاقي الناس بالشام تبيع يلي فوقها وتحتها وتركب بأول شختورة بالبحر ووينك يا أوروبا !

أذكر تماماً بمرحلة من المراحل صارت القصة كتير سهلة وفي ناس ماتجاوزت رحلتها 6 أيام من الشام لقلب ألمانيا ومعظم الناس يلي سفارة قسم كبير حصل على جنسية وأموره مستقرة وحياته جيدة

بالمقابل كان في ناس بالشام دقة قديمة عندها تفكير خاص أول ماتدرى فلان سافر على أوروبا مباشرةً تلاقيها تعابير الوجه عندها فيها نوع من السخرية والاستهزاء وعلى قولة كل شي سافر بكرا بده يرجع متل التوتو غير عبارات الاستخفاف والتنمر !

اليوم هي الفئة عم تعض أصابيعها ندامة لأنه ماسافرت بوقتها وعلى قولة ياريتني لو طلعت !!

( مين معنا طلع بهي الرحلات يلي عن طريق تركيا ومين طلع من مصر وليبيا كيف كان الجو بوقتها؟!)

2,870

الطريق من دمشق إلى بيروت

19 Oct, 18:21

تقرير حالة مطار بيروت 10/19 والطريق عبر تاكسي الجورة من خدمة ترحال بيروت

✅ اليوم رحلة أثينا ورحلة الدوحة وصلوا على بكير قبل موعدهم بحوالي نص ساعة

✅ الرحلات القادمة من أوروبا دوسلدورف وفرانكفورت وباريس كلها وصلت على وقتها 100% واللافت عدد المسافرين الكبير يلي جاية عليها

✅ تأخرت رحلة جدة لحتى وصلت حوالي الساعة وربع اما رحلة عمان واربيل وبغداد وصلوا على وقتهم بالتمام على الدقيقة

✅ اليوم اشتغلنا بخدمة تاكسي الجورة من 5 صباحاً لحد الساعة 7 مساء وفي فيديو للجورة بالليل هلأ بننشره شغلة ساعتين تانيات

✅ الطريق كان وضعه جيد من الحدود للمطار ومن المطار للحدود بس والله تعبنا كتير بعتالة الشناتي والتربيط والتحزيم هلكنا وفرطنا على الآخر الله يفرجها على الجميع

✅ مواعيد مقابلات السفارة إذا وصلان اسمك على الحدود عم يدخلوهم يلي مو وصلان اسمه بيرجعوه

✅ السجلات التجارية والبطاقات النقابية والاقامات عم يمشوهم ماعم يحكوا شي

✅ اليوم تنشطت حركة السفر من الشام إلى لبنان تقريباً بنسبة القادمين بشكل متوازي

✅ آخر إستقبال بنحسن نجيبه من المطار هو 6 مساء وبعد هيك بينزل بأوتيل ببيروت وبنزله تاني يوم الصبح ويلي طيارته 7 صباحاً عم نطالعهم قبل بيوم العصر بيناموا ببيروت بأوتيل والساعة 3 فجراً بنوصله من بيروت على المطار

هاد كل شي صار معنا وعم يصير معنا بخدمة تاكسي الجورة بدنا دعواتكم تضل معنا لحتى ترافقنا متوكلين على الله ونحنا بنستمد الطاقة الإيجابية من كلامكم الجميل والأنيق والمحترم تحياتنا للجميع

خدمة تاكسي الجورة عبر ترحال بيروت 00963999213539

3,178

الطريق من دمشق إلى بيروت

19 Oct, 17:36

خدمة تاكسي الجورة مستمرة واليوم ضلينا للساعة 7 مساء لحتى مرقنا آخر استقبال مطار وصل 5 مساءً لمطار بيروت

✅ تحية كبيرة لفرق الهلال الأحمر ناس عم تشتغل بوجدان وضمير لوجه الله تعالى

✅ الحمدلله رب العالمين رغم الصعوبات والتعب مستمرين ويوم عن يوم عم تزيد ثقة الناس بالسفر على الطريق الله يحمي الجميع يارب

( تقرير مطار بيروت اليوم مع حالة الطريق والحدود بعد 50 دقيقة بيصيروا جاهزين بإذن الله تعالى)

اليوم تأخرنا عليكم لانه ضلينا لعشية عم تخدم برامج الاستقبال والتوصيل

خدمة تاكسي الجورة عبر ترحال بيروت 00963999213539

3,038

الطريق من دمشق إلى بيروت

19 Oct, 12:22

( شو بيلزمك بالحدود السورية وبالحدود الأردنية لما بدك تقرر تسافر عبر مطار عمان ؟! )

اليوم نحنا بترحال عمان رح نخبركم جوزين كلام مع كم سطر على البيعة بتحطوهم حلقة بأذانكم وبإذن الله تعالى مصحوبين بالسلامة بأمان الله ورعايته

/ الحدود السورية/

✅ لاتنسى الوصاية الشرعية للأطفال تحت عمر 18 ولازم تكون من الأب والأم

✅ الشباب تحت 42 لاتنسى موافقة شعبة التجنيد ودفتر خدمة العلم عند المغادرة

✅ شيك على اسمك قبل ماتسافر إذا عليك مخالفة روح ادفعها أو عليك محكمة تأكد انو مايكون عليك منع سفر يعني عمل تسوية لكامل أمورك القانونية قبل السفر أحياناً الواحد بيرجع لانه متخلف عن دفع ضريبة أو رسم مخالفة

/ الحدود الأردنية/

✅ لاتاخد معك دخان ومعسل بكميات هائلة لانه عليهم ضبط قانوني ومخالفة عالية وإذا مابتاخد نهائياً بيكون افضل لانه الجمارك بتخالفك

✅ كمان نفس الكلام على المونة والكهربائيات والتليفونات الجديدة الخ كل شي زاد عن حده يعتبر مخالف

✅ صلاحية جواز سفرك لازم تكون فوق 6 شهور منشان مايرجعوك من مطار عمان ومايخلوك تطلع على الطيارة

✅ دوام الحدود السورية والأردنية من الساعة 8 صباحاً إلى الساعة 6 مساء ( لهيك قبل ماتحجز تأكد من موعد طيارتك منشان ماتروح عليك

( مدة الرحلة اليوم من الشام إلى مطار عمان عم تستغرق من 6 إلى 8 ساعة بعد ماخفت نسبة الازدحام على الحدود السورية الأردنية)

يلي بده يحجز بالباص تبع المطار يتواصل على :

📞للحجز والاستفسار:
00962781911114📞
00962781911115📞

ــــــــــــــــــــــــــــــــــــــــ

ويلي بده يحجز سيارة خاصة يتواصل مع خدمة ترحال عمان:

00963999213539

3,437

الطريق من دمشق إلى بيروت

16 Aug, 09:57

Messages in this channel will be automatically deleted after 1 day

0

الطريق من دمشق إلى بيروت

07 Feb, 20:29

Messages in this channel will be automatically deleted after 1 week

0

الطريق من دمشق إلى بيروت

25 Jul, 04:55

Messages in this channel will be automatically deleted after 1 day

0

الطريق من دمشق إلى بيروت

25 Jul, 04:55

Messages in this channel will no longer be automatically deleted

0

الطريق من دمشق إلى بيروت

25 Jul, 04:54

Messages in this channel will be automatically deleted after 1 week

0

الطريق من دمشق إلى بيروت

25 Jul, 04:54

Messages in this channel will be automatically deleted after 1 day

0

الطريق من دمشق إلى بيروت

24 Jul, 20:46

( إيمت رح ترجع تفتح الحدود متل أول ؟!)

- هاد السؤال يومياً بنستقبله بعشرات الاتصالات

- بشكل عام حالياً موضوع عودة فتح الحدود على مايبدوا مطول نتيجة عدم وجود حالة الاستقرار بالمؤسسات اللبنانية

- بعدين على شو الواحد بده يطلع على لبنان حتى لو فتحت الحدود ؟!

- بيروت كلها مافيها حبة دواء بصيدلياتها ولا مازوت فيها ولا بنزين ولاحتى غاز !!

- الوقود بمولدات المشافي قرب يخلص والظروف الصحية جداً متردية

- حتى المصارف والبنوك مفلسة مامعها رصيد تعطي المودعين أموالها !

- اليوم أحد الأوتيلات بالروشة قام بإلغاء حجوزات النزلاء عنده وطلب منهم البحث عن أوتيلات بديلة بسبب نفاذ المازوت من مولدات التوليد الخاصة فيه !

- يعني. باختصار الظروف الخدمية والمعيشية ضمن لبنان أصبحت شبه معدومة والأسواق التجارية عم تصفر صفير !!

- اللبنانيين ذات أنفسهم صاروا عم يوصوا على أدوية وأغراض من الشام بسبب عدم توفرها في لبنان متل أدوية الضغط والسكري والاكسسوارات الطبية !!

- لذلك يلي ناطر لتفتح الحدود على منتظر ياحبيبي أو بالأحرى لوين بدك تسافر ؟!!

971,119

الطريق من دمشق إلى بيروت

24 Jul, 19:36

حسب تجربتك كمسافر أفضل طاقم ضيافة على مستوى التعامل مع المسافر أي شركة طيران برأيك؟!

491,559

الطريق من دمشق إلى بيروت

24 Jul, 16:45

الناس بالشام من ساعات قطع الكهرباء الطويلة والرطوبة العالية والشوب طافشة من بيوتها على الحدائق العامة

439,793

الطريق من دمشق إلى بيروت

24 Jul, 11:26

حالة الطرق العامة من دمشق إلى بيروت :

- عودة فتح طريق ضهر البيدر بعد إغلاقه لمدة ٣ ساعات بسبب تعطل شاحنة على المسلك

- اضطر جميع السيارات المتوجهة إلى مطار بيروت والعاصمة بيروت التوجه عبر طريق ترشيش كحل بديل أثناء فترة انقطاع طريق ضهر البيدر

- طريق مطار بيروت سالك بشكل طبيعي ولاصحة لجميع الأخبار المتداولة عن تعرضه للإغلاق من قبل المحتجين

- ازدحام شديد يشهده شارع الحمرا والطرق المحيطة بالجامعة الأميركية

- مطار بيروت يعمل بشكل طبيعي واعتيادي واليوم تحول الضغط عكسي وبدأ على الرحلات المغادرة بدلاً من القادمة ( العالم راجعة على أعمالها بعد نهاية إجازة العيد )

خدمة ترحال 00963999213539

خدمة الزبائن 00963113453358

188,135

الطريق من دمشق إلى بيروت

24 Jul, 09:30

( عاااجل )

قطع طريق ⁧ ضهر البيدر ⁩ بالاتجاهين بسبب تعطل شاحنة بعد حاجز قوى الامن الداخلي وتتم المعالجة وتنظيم السير من قبل القطعة المعنية
يطلب من السائقين سلوك طريق ترشيش باتجاه بيروت او البقاع

135,873

الطريق من دمشق إلى بيروت

24 Jul, 08:25

إنها مشقيتا !

( هل قمت بزيارتها من قبل ؟!)

152,541

الطريق من دمشق إلى بيروت

الطريق من دمشق إلى بيروت (Arabic)

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت

الطريق من دمشق إلى بيروت