حمام السباحة او الملعب الفرعي أو الصالة المغطاه او ملاعب التنس وغيرها من الأماكن اللي فى الجدول بتبقي فى المدينة الجامعية هتطلع من باب تجارة وتعدى الناحية التانية هتلاقي المدينة فى وشك خش وامشي للآخر هتلاقيها.
رياضة زاي السباحة لازم تكون بتعرف تعوم اكيد مينفعش تروح تجرب هتغرق وتفضحنا 😂💔
بالنسبة لكرة القدم عاملين اختبارات يوم الاثنين الموافق ١٠/٢١ الساعه ١٠.٣٠ ص بملاعب جامعه القاهرة الملعب الفرعي لكرة القدم وده مكانه فى المدينة الجامعية زاي ما وضحت فوق.
لو حد بيلعب فى نادي ومعاه كارنية مش بيتعمله اختبارت بيلعب فى منتخب الكلية "فريق الكلية" على طول بس تواصل مع كابتن وليد فى رعاية الشباب بالكلية جمب الكافتيريا، اي حد تاني يروح على الملعب على طول فى الميعاد المحدد.
بالنسبة لباقي الألعاب روحو رعاية الشباب بالكلية جمب الكافتيريا علشان تعرف مين الأخصائي المسؤول عن النشاط علشان تروح معاه فى الميعاد ويعرفك الدنيا.