زهراء الخلق 💊

في كُلِّ مرةٍ أَحاوِلْ .
لكِنّ الآن سَأترُكْ الأُمورَ تَجري بِهواها .

❤🌸

أهل إمتحانات الأحياء والي عندهم مشاكل بيها

ذا رابط مجلد بشرحي الخاص للمادة تقدر تعتمد عليه اعتماد كامل ان شاء الله.

إمتحانات ورقية وكوزات مع ملخص للفصول.

https://t.me/addlist/cpzIvZqzjDQzYzAy

رابط المُجلد الكامل.

استغفرالله إنقطاع طويل عنكم طلاب
إعذرونا بس صحتنا شويّ مو تمام

محتاجين شي؟

@llllippoii_bot

#كلاميات_الكيمياء🔥..


▪️ جميع الكلاميات الوزارية وغير الوزارية الخاصة بالفصل الرابع مع الأجوبة النموذجية الصادرة من مركز الفحص
▪️ جميع اسئلة الفصل.
▪️ جميع اسئلة التلفزيون التربوي.
▪️ اسئلة المتميزين مع اجوبتها النموذجية.
▫️ جميع #الرسومات المطلوبة في الفصل بأسلوب #نموذجي

(( حصرياً لدفعة ٢٠٢٥))

تُعد هذه الملزمة الاقوى والافضل بين الملازم الآخرى من حيث اسلوب صياغتها وترتيبها ومحتواها العلمي

✍ : إعداد الأستاذ فاضل الهاشمي 🔥

https://t.me/exams2020_Dr

أهمّ تعاريف الوِزاريّة المُكرَّرة للأحكام.

١-التنوين: هو النطقّ بالحركة المُضعّفة نونًا ساكِنة ( —ً ، —ٌ ، —ٍ ) فهو نون ساكِنة زائِدة مسبوقة بِحركة، تلحق آخر الأسماء، تُلفظ نونًا ولا تُكتب، يُنطق بها في الوَصل وَتسقط عِند الوقف.

(لِأن اللُّغة العربيّة لا تبدأ بِساكِن وَلا تنتَهي بِمُتحرّك).

٢-الإخفاء: هو نطق النون الساكِنة والتنوين خاليّة من التشدّيد، وسطًا بين الإظهار والإدغام بِغُنّة ويقع الإخفاء بكلمة واحِدة أو كلمتين.
إذا جاء بعدها أحد الأحرف الخمسة عشر الأولى للبيّت الشعريّ الآتي؛
( صِفْ ذا ثَنا كم جاءَ شخصًا قَدْ سَما
دُمّ طيّبًا زِدْ في تُقى ضَع ظالِمًا).

٣-الإقلاب: هوَ قلب النون الساكِنة أو التنوين ميمًا إذا جاء بعدها حرف الباء مع إبقاء الغُنّة، أي تُلفظ ميمًا مُخفاة، ويقع الإقلاب في كلّمة واحدة أو كلمتين.

٤-الغُنّة: هيّ صوت لحرف يخرج من تجويف أعلى قصبة الأنف وهي صِفة لازمة للنون والميم، لا تفترق عنهما سواءً تحرك الحرفان أو سُكِنا.

إن طلبَ أمثِلة تذكر له مِثالين كافي أو مِثال واحد فقط أيضًا مقبول.

https://t.me/XTgeOdiVtQ1N2Ey

قناتي للإسلامية، أشرح لكم المنهج بها إن شاء الله.

السلام عليكم طلاب نعتذر على الإنقطاع لكن كانت لأسباب صحية.

اليوم بالليل ان شاء الله ننزل أسئلة طلاب البوت وحلها

حيل خوش ملف... انصح بي وتكدرون تعتمدوه

#كلاميات_الكيمياء...

محتوى الملف :

▪️ جميع الكلاميات الوزارية مع الأجوبة النموذجية للفصل #الثالث

▪️ جميع الكلاميات التي لم ترد في الوزاري ( غير الوزارية ) مع الإجابة التامة والكاملة المطلوبة في الوزاري

▪️ جميع  اسئلة الكلاميات للتلفزيون التربوي..

تعتبر هذه الملزمة افضل واقوى ملزمة كلاميات للفصل الثالث ( الاتزان الايوني ) مقسمة بشكل يتناسب مع نفسية الطالب مقسمة على شكل

تعاريف - تعاليل - فراغات - اسألة عامة ...

عدد الاوراق =6
عدد الصفحات =12
✍ : إعداد الأستاذ فاضل الهاشمي...

https://t.me/exams2020_Dr

لنا لقاءٌ مع أمانينا بحول الله ومشيئته

﴿فَمَن يَعۡمَلۡ مِثۡقَالَ ذَرَّةٍ خَيۡرٗا يَرَهُۥ ﴾
الكلام ألي حـَ تقرونهَ هو حصيلة تجربة وبحث واستنتاج ، ما أشاركم شي الإ ومتأكدة منه الف مرة فـَ أتنبهوا وطبقوا معاي وأذا تگدرون تشاركوا مثل مجاي أشاركم معلوماتي يلا نبدأ.
🗯أنا ڪ طالب حريص وشايل هم لمستقبلي أكيد تراودني أفكار حول دراستي وهل أني ماشي بالطريق الصح شنو اليضمن ⁉️😣
‌_خلي اسويلكم مونتاج 🎥سريع لمرحلتكَ حالياً:[دراسة _أمتحان (أسئلة، أجوبة)_ نتيجة] نسد القوس ونسد الشكوك ونجي مابداخل القوس ، وشنو بلله ذكروني؟ هااا هو سامعين بهاي المقولة تگول
"خير الأمور أوسطها"فندخل بـِ الوسط ونشوف الخير
⚪الأمتحان (الأسئلة، الأجوبة) ⚪
هنا مصيرنا كلنا!! ليش ما ننتبه ع هاي الفقرة وونضرب عصفورين بحجر؟ الطلاب: شلون بلله؟ _باعو هسه احنه جاي ندرس كل المواد وفصولها ومواضيعها …الخ بعدين نمتحن وننتظر نتيجة امتحانه مو؟
_ الي أريدة أوصله راح ندرس ونشوف اسئلتنه گدامنه وين ما انروح وأجوبة نموذجية هم گدامنه تمام شتردون أكثر من هيج !
#النســخ الوزارية
🛑 أستنسخوا لكُل المواد عدا« الأدب» … النسخ الوزارية بدون حل بدون حل أوكِ
هواي سامعين كلام بخصوص الوزاريات وياهو الگام والگعد يگلك اقرأ وزاريات أقرأ وزاريات مو؟ وفد يوم اجه مدرس الكيمياءهو استاذ معروف بمجاله ومن احنه زغار يدرس كيمياء السادس يعني امكانية گال طلاب باجر جايبلكم ملزمة ابد لا تهملوها بدارسة المادة وماتاخذون مية لا تاخذون مية ودرجة الترك:) احنه فرحنه ثاني يوم جايب ملزمة الوزاريات بدون حل من بداية المنهج لحد آخر دور 😀گال ستنسخوها بيناتكم وراح..
.تمام خوان وأني متأكدة نسبة 90%منكم لحد الان ما مطلع عليهن بما يرضى ضميرك شي طبيعي بس الموطبيعي هو أني العام بفترة المراجعة يلا علمت بهاي الفائدة تبع النسخ الوزارية طبعاً من خلال شخص يحبكم وتحبونه كبير السوادس نصحني ومن معي گال "لاتبدون مراجعة الا ويمكم ملزمة النسخ الوزارية من بداية المنهج الى أخر دور "ومشيت ع كلمته بس أني أبد ملحگت أكملهم واحنه العام سالفتنه وحد دفعة 24 المهم بس شنو الفائدة العظيمة الشفتها؟
_ ما أكلكم غير بيوم الأمتحان حتشوفون 6 أسئلة نصاً نصاً من الاعوام السابقة المجموعة بهاي الملزمة السحبتها خل نگول 5 اسئلة ونطير سؤال عادتاً أثرائي هو فرع يجي بس نتحذر احنه ومايهمنه لان الجواب ع 5 اسئلة فقط تمام _ هسه ضمنت 100د الحمدلله
_ الفائدة الثانية الي هو شكو خوف توتر رهبة راح تروح من خلال كثرة المطالعة ع هاي النماذج الي يمكم هيه ورقة بيضة وكتابة لون أسود هنا عقلنا راح ياخذ تصوير ذهني لهاي النسخ ويتعود عليها حتى بيوم الإمتحان مو جديد عليكم هذا الشكل
_ الفائدة الأخرى هو حتعرفون توزيع الدرجات المطبوعة ع شكو سؤال وحتعرفون يافصل متكرر بلاسئلة وشكد حصة الدرجة مالته هنا ناخذ كل الاحتياطات ع هذا الفصل او الفصلين
_ ماريد أطول أكثر لان ايجابيات #النسخ الوزارية لاتُعد والي أريدة تستنسخوهن كل مادة وملزمتها وبس.
🛑البديل السلبي
شفت كثير من الملازم مثلاً ملازم خالد الحيالي او غيره اني ما أكلكم لاتعتمدوهن بس طلاب انت شنو الفايدة ماخذ ملزمة ملونة وكل سؤال جوابة جوه مسويت شي ترة وماكو اختلاف عن ملازمك الاصلية أريدكم انتم طلعون الاجوبة ومثل مذكرت فوگ ترة بلوزاري محد يجيبلك اسئلة ملونة
وهنا تتوتر وتنسى اللألف والياء 🥲يلا مو مشكلة جيبوهن بس ملزمة الوزاريات اريدها رفيقتكم وبس
#الكتـاب
"لو يعلم الطلاب مافي الكتب من فائدة لأشترو في وزنها ذهبٌ"👏🏻🦋
_ بما أنُ خلصنه فقرة الاسئلة وتعرفنا عليها هسه نجي ع الطريق الصح للاجوبة:
_ أعتمدوا الكتاب المنهجي لكل المواد من قبل الملزمة تمام لا تخلون كامل اعتمادكم ع الملازم وواثقين بيها ومن تروح تمتحن تكتشف هواي اخطاء موجودة بملزمتك
اول شي تسوونه من تقرء فلان مادة گبل ادرسها ع الكتاب واخطط واعدل ع طريقتي وأكتب اسئلة وشخبط بعد ورها اروح ع الملزمة سؤال وجواب احفظ بعد ما فهمت وراها افتح النسخ الوزارية وهنا ضمنت جواب مرتب اسئلة دارسها بعد شأكثر من هيج وحتى اسئلة من بين الأسطر تجاوبها بآذن الله وعلى طاري من بين الاسطر هو بالدور الاول اجت بأمتحان الانكليزي نقطة مجانت مذكورة بلملازمة وكل الطلاب والمدرسين بيوم الامتحان گالو هاي خارجية اتذكر هيه بفرع الاملاء . بس ورا يومين اكتشفوا هاي موجوده 😂ب( الاكتفتي بوك) تحديداً يونت الثامن لان جان محذوف ف محد منتبه لهاي النقطة *المهم بعد خلوها ترچية ولازم نتحذر من طريقة دراستنا.تخيلوا كل الاجوبة النموذجية الصادرة من مركز الفحص ماخذيها من الكتاب وحتى عدد الصفحات يكتبوا خوش
حتى هاي الفارزة الموجوده ب الكتاب هم موجوده بلاجوبة النموذجية
🔴هسه كل العليّ وضحته الكم بقت بس تنفذون وراح يجي يوم تذكرون كلامي وليش هيج طولت عليكم حتى اطلعون من باب الشكوك وهاي لمصلحتكم اتبعو هذن الشغلتين
الوزاريات +الكتاب=أعلى ما تطمح إليه.
✍🏻: ـ زهراء

حارب شعور الكسل و الملل، و استعن بالله و توكل عليه فهو خير وكيل.💕

تُعلن قناة الأحياء عن فتح الدورة المجانية للفصل الثالث.
تبدأ الدورة يوم الجمعة 15/11/2024
ومُدة الدورة شهر لضبط المادة تمامًا.

شرح فويزات ورسائل تقوية وصور، وإمتحانات ورقيّة وكوزّات للتقوية.

علمًا سيحصل الطالب على مُجلد خاص بشرح وامتحانات الفصلين الأول والثاني أيضًا إن شاء الله.

رابط القناة التي سيكون بها الدورة 👇

https://t.me/BIIOLOGHH

اسامة مريض ان شاء الله يقوم بالسلامة

سبب غيابي للي يسألون

كلشي راح يمر ويصير ذكرى....وهذا التعب الي نتوا بي حاليا كلو راح ينسي بس النتيجة هية الوحيدة الي ما تنسي.... ف اقروا ابطال كلو يهون❤.

❤

‏ ﴿وَلَمَّا بَلَغَ أَشُدَّهُ وَاسْتَوَىٰ آتَيْنَاهُ حُكْمًا وَعِلْمًا﴾

ثمة أمور يجب ان تنضج قبل أن تحصل عليها،
لأنّك لو أخذتها باكراً، لضيّعتها باكراً،

يا عزيزي: لو كَسرنا البيضة قبل اكتمال نموّ الفرخ فيها، لماتَ!
ولو حصدنا القمح باكراً، لما صار خبزاً!
والطعام الذي لا يأخذ حظّه من النّار، يخرجُ نيئاً لا يُؤكل!

لكلّ شيءٍ أوان، فلا تستعجلْ!

#ذكرى ‼️

لا زلت أتذكر أول يوم دخلت فيه مرحلة السادس

تعبت كثيراً ، وسهرت وكنت أستيقظ مبكراً دون أن أشبع من النوم فقط حتى اصل الى مبتغاي

كنت أركض ليل نهار وأدرس باجتهاد واستنزفت طاقتي حتى شحبت ملامحي


لكني اليوم عندما أجلس على كرسي الطبيب أشعر أن تعبي لم يذهب عبثاً بل إن الله عوضني عن اتعابي التي مضت


انا لا أنكر أن مرحلة السادس متعبة لكن نجاحك فيها سيرمم ذلك التعب في داخلك

فنصيحتي الك أتعب اليوم وأشتغل صح ع دراستك
وأستغل وقتك للدراسة وخليك طالب حريص ع الوقت دائماً

فاتتك العطلة الصيفية مو مشكلة تگدر تعوض بالدوام
بس لا تسد الأمور بوجهك ولا تقطع الأمل ولحد يضحك عليك ويگلك انت ما تلحگ وما راح تطلع معدل صدگني تلحگ إذا تدرس كل تحضير بيومه وتلتزم
كلها بلشت تدرس للسادس
بس مو كلها راح تستمر
خليك انت من الفئة ألي راح يستمرون خلي عندك ثقة برب العالمين وتوكل عليه دائمًا
لكي اراك ناجحاً في المستقبل ❤️

فــاضــل الــهــاشــمي

🎀

إذا تريد تشارك تفاعل، وإذا تريد تبقى بنفس الخربطة براحتك.

نظام ال 8 / 8 / 8

@Gameiaa_bot

@llllippoii_bot

البوتات ثنينهم مالكهم أنا والي يجاوب عليكم بيهم همّ أنا يعني أسامة.
لكن البوت الأول للاسئلة العامة.
والبوت الثاني للاستفسارات الدراسية والجداول والمشاكل الشخصية الدراسية.

بكرا ينزل الجدول ان شاء الله وانشوف كم شخص يشارك معانا إن شاءالله

https://youtu.be/Z-0OpHiw5DU?si=KJ_XOCN76dNAeKV-

التكرار المتباعد.

طريقَة الدِراسة الصَحيحَة.

صباحُ الخيّرِ طُلاب.

@m_s613

طلاب الي رايد منكم تخفيض، على منصة أبواب للمواد.

سعر المادة 75 ألف.

للي محتاجهم يراسل الحساب ويقول من طرف أُسامة.

@llllippoii_bot

محتاجين شي أغاتي عالمنهج لو جدول لو طرق دراسة حتى ظهريتنا باجر إن شاءالله تكون ع اكثر مواضيع متكررة.

راح الكود لمن يستحقه الحمدلله🙂‍↕️

اول شي الكود على منصة أبواب تخفيض لجميع المواد العلمية مو مادة وحدة.

وإذا ما محتاجه أنطي فرصة لغيرك اخوي أنت لان شامل ما يتجزا الكود.

هسه غير لو يبطلون بچي 😒

ها طلابنا الأبطال.

فزنا بكود تخفيض لكل المواد العلمية، الي محتاجه يتفضل للبوت 👇

@Gameiaa_bot

كان نزلت فويز أوضح بس الصحة ما تساعد، عالجايات ان شاء الله 👌

الفيزياء، غنيّة عن التعريف.

مادة تكون بيها كل شي بيها مزعج.

نجي ع اول طريقة.

-تقرأ المادة على أستاذ يظل يعيد بها لما يفهمك ويحفظك جزئيًا، مثل حسين محمد أو علي السوداني أو مؤيد سليم.
وبعدها تقرأ المادة بملزمتك أو ملازمهم ولما تدخل بعقلك وراها تروح للوزاريات. كل هالعملية تطول ساعة ونص وي وقت المحاضرات..

وثاني خطوة

-وهي انك تكون تدرس على مدرس بس يفهمك المادة مثل محمد زياد، وبعدها تقرأ المادة على ملزمة وراها وزاريات…

تأخذ منك ساعتين، لان الاعتماد عليك.

ثالث خطوة …

هي ممكن تكون الأسهل بيهم، والأكثر اختصارًا للوقت كذلك.

وهي انك تكون تدرس المادة على الكتاب وتأشر من الملزمة للكتاب، وتحل كل موضوع اسئلة الفصل الي عليه بهالطريقة ما تحتاج حتى مدرس يشرح لك.

بالنسبة لأول أربع فصول.

لكن بكل الأحوال أنصحك بالاوليات، لأن آخر طريقة من الفصل الخامس وفوق ما تفيدك.

موتى 😒

يلا يلا بعد الفيزياء وحننطي بيها ثلاث طرق ان شاء الله.

مادة الإسلامية، مادة هي الي المفروض تضمن لك ال 100 الأولى بالوزاري.

تقسم المواضيع حسب الآتي 👇

هي ككل تقسيم الكتاب على حدود الآتي.

-الأحكام، عشر درجات بالجيب ان شاء الله على هاي المحاضرة 👇

-السورة، ( سور، معاني، شرح)
السورة جد سهلة وهي حفظ كتابة لان قرآن، والمعاني كذلك كتابة ورقة وقلم.
اماً الشرح ففهم، لان الشرح مو إلا درخ، مجرد فهم… والسرد والتفهيم عليك.

-القصة، (شي مو حيل مهم لان تجي عليها فرع واحد من السؤال ال ٣ ألف).
تقدر تتركها وتجاوب الشرح مال آيات، فقط.
بس لازم تضبط شرح الايات.

-الحديث(جدّ مهم جدًا) حديث نبوي حفظه عليك، ومعاني الحفظ هم عليك.
اماً الشرح ف يقرأ وبعدها يفهم، ثم تؤشر الاسئلة مع المدرس.

- التهذيب سهل جدًا وواضح، ويكون نقطتين وترك واحدة فقط.
والتهاذيب تقدر تحفظها من خلال قرآتها وفهمها، وبعدها التأشير وكتابة الاسئلة مع المدرس.

-الأبحاث، أصعب شي بالإسلامية، وهي الي توگع الطالب، طريقة دراستها مثل التهذيب لكن لازم الطالب يكرر بيها كثيرا حتى يحفظها.
تجي ثلاث فروع وترك فرع واحد ان شاء الله.


تقرا بالبداية، الحديث، وراها القصة، وراها الأبحاث، ووراها التهذيب.،

كل يوم موضوع إذا استيعابك سريع، وإذا مو من اول مرة، خلي كل يوم موضوعين…

اقرأ وحدك( هو افضل شي )، أو على حمود الجنائي.

نجي وحدة وحدة.

بالبداية الأدب، مادة حلوة وسهلة وما بيها أيّ شي.

طريقة دراستها، أو فهمها وتقسيمها:
صفحتين باليوم من ملزمة الواضح والمضمون أو ملزمة حمزة الجابري، وخلّي دراستها على اليوتيوب بقناة الأستاذ حسين عبيدة، حتى تضبط وياه…

بعدها كرر الموضوع مرة مرتين ثلاثة وبعدها تروح للاسئلة تقرأ السؤال والجواب وتفهمه ومن خلال فهمك تحفظه.

كل هالخبصة تطول ساعة واحدة، عدا وقت المحاضرة.

ب 2 الظهر ننطيكُم الطرق ان شاء الله ، لان اعتقد حاليا الطلاب عندهم دوام.

المُهِم طُلاب.

نبدأ بأفضل ٣ طرق حتى تحفظ وتفهم شرحيات مادة الفيزياء والأدب وَكيفيَّة دراسة الإسلامية.
إن شاء الله.
هاي أكثر ثلاث اسئلة بالبوت على الحفظيات.

جُزء بَسيط من قَولي لَكُم لا تهتم لأحد، وامشي بدربك توصل لو شما كان الي كدامك.

في الأمسِ عِندما كُنتُ في تَجمُّعٍ لِلأسئِلَة، أتى فَتى وَطلَبَ جَوابًا لِسؤالٍ لُغَويٍّ، وكانَ مَفادُ السُؤالِ؛
قَولِهِ تعالى: ﴿ مثل الذين اتخذوا من دون الله أولياء كمثل العنكبوت اتخذت بيتا وإن أوهن البيوت لبيت العنكبوت لو كانوا يعلمون ﴾.
لِمَ قالَ تعالى إتَخَذت وَليسَ إتَخَذَ؟
فَأَجبتهُ بِنفسِ اللَّحظةِ بِأنَّ أُنثى العَنكَبوتِ هيَّ مَن يُنسِجُ البَيّت، وَأما الذَكَرُ فَيموتُ بعدَ الجِماع.
فَقالَ ليَّ خَطأ، فَأجبتُهُ؛ وَأينَ الخَطأُ يا هذا؟
فإذا بهِ بتهجُمٍّ وَيتَهِمُني بسَرِقَةِ الجَوابِ من إحدى المَواقعِ، (بِسَبَبِ تَكلُّمي بالفُصحى مَعَهُ، وَهُنا عَلِمتُ ما هيَّةِ شَخصهِ).
فَأجبتُهُ؛ إنّي أَجبتُكَ بِنفسِ اللَّحظةِ، لِمَ التلفيقُ بِنسخِ الجَواب.
فرَدَّ بنفسِ لفظهِ وَإتهامِهِ، فَقُلتُ لَهُ.
وَيحَك! ما جاهِلٌ إلا أنت، مَن يُحضِرُ سُؤآلًا وَجوابًا مِن مَوقعٍ، فَيتحَدّى بهِ أحدًا وَعِندَما يَرى مَن يُجيبهُ عَلى تَفلسُفهِ وَيُهينُهُ، يَبدَأُ بالإِفتراءِ عَليّهِ.
إشتَدَّ النِقاشُ، وَبدأ بالتَبريرِ عَلى ما فَعَله، وَيدَّعي عليَّ بِأنّي شَتمتُهُ، فَأَيُّ شَتيمَةٍ هذهِ؟
قالَ نَعتَّني بالجاهِل، قُلتُ لَهُ إنْ لَمْ تَكُ تَعلَمُ ما هوَ الجاهِلُ، وَظَنَّنتَها شَتيمَةً، فَواللهِ لأَنَّكَ جاهِل.

فَما الجاهِلُ إلا الحاسِدُ مَن يُريدُ شَيئًا على شَخصٍ لِكيّ يُخطِئَهُ، وَكذلِكَ ضَعيفُ العَقلِ وَالعِلمْ وَالدينِ.
زادَ بالتَهَجُمْ، فتَدَخَلَ بَعضٌ مِن أَصحابي، وَحُظِرَ مِن التَجَمُّع.
وَإذا بهِ يَأتي ليَّ وَهوَ مُهَدِّدٌ إيايَ بالقَتلِ، (أَلم أقُل أَنَّهُ جاهِل؟).
ضَحِكتُ عَليّهِ وَحوَّلتُ كُلَّ رسائِلهِ لِأَساتِذَتهِ، حَتى يَعلَموا مَن هوَّ طالِبُهُم.
وَما عَلِمتُ بَعدَها عَليهِ إلا أنَّهُ مُجَرَّدُ شَخصٍّ مِن حُثالَةِ الحُسادِ.
وَهذا جُزءٌ بَسيطٌ لِما يُمكِنُ أن يَصنَعَ الحَسَدُ وَالغيرَةُ.

مَن مَشى على دَربهِ بِلا أَيِّ إهتِمامٍ للناسِ، يَعِشْ غانِمًا كَريمًا ناجِحًا.

الصبح بإذن الله ننزل كل شي ع كيفنا، عن الفزياء والإسلامية، بس خل ألم رسايل البوت.

تمام ان شاء الله ب 10 أنطيكم اضمن 3 طرق لحفظ وفهم شرحيات الفيزياء بسهولة ان شاء الله.

اخوي العزيز اختي العزيزة، من تسأل سؤال انتظر علما أجي وارد ان شاء الله.
مو تحظر البوت 🥲
أمانةً أنا ايضًا طالب وياكم وكذلك مُعيد يعني همّ عندي التزامات لكن دا انطيكم حصة من وقتي واجاوب الكل ان شاء الله إذا مو بالبوت أجاوبك أجاوبك بالقناة لان سؤالك يكون سؤال اغلب الطلاب تسأله ف أفيد الكل بدل التكرار بالإرسال.

وشُكرًا ☺️