أسئلة طلاب الالكتروني 2024

أرأيتَ مَـا صنعتْ بنا الأيّامُ

ضاعَ العزاءُ وضلّتِ الأحلامُ

س/ إعربْ اسم الاستفهام .

جـ/ ⬇️
https://www.instagram.com/reel/C-7kfU0KcG9/?igsh=N3Q3bHlueWttYXA2

يرجى الإنتباه
خطأ شائع جداً عند الطلاب :

https://www.instagram.com/reel/C-QLiIsq0cr/?igsh=d2toeXNkNXpibDg2

صيغة وزارية مهمة :

https://www.instagram.com/reel/C-OVOZNKLAm/?igsh=Mjh3aWd4eWJhOG9l

للفائدة :

https://www.instagram.com/reel/C-M-GOpq2Fh/?igsh=MW8yYXh4eGNyYThqZQ==

الإنتباه لمثل هكذا هفوات :

https://www.instagram.com/reel/C-HqJKeqWZI/?igsh=MWpraWd0eG56ZHZ4dg==

للفائدة :

https://www.instagram.com/reel/C-EV2UJqH3E/?igsh=MXNoNThqZDFkZ3pnYw==

للفائدة :

https://www.instagram.com/reel/C-C7ja8qjjL/?igsh=cmZ3d25rNGc5ZnU=

https://www.instagram.com/reel/C98rfQmKOHh/?igsh=MTZucGI4aGJxajc0Mw==

عيد سعيد ومبارك عليكم جميعاً إن شاء الله
أسعد الله أيامكم بكل خير
إن شاء الله الصحة والسلامة وتحقيق الأمنيات
وقبول الطاعات .

https://youtu.be/TZQpyuxwb_o?si=6AZM0whVCfSo1hl4

شلون نراجع العربي :

١- نام ولو قيلولة بسيطة باعتبار تعبان من الاسلامية
٢-تبلش أول شيء بالقواعد وتنسى شيء اسمه ورقة وقلم ، ولا تكول الكتابة تبقي المعلومة بالذهن ...إلخ هذي المعلومة غلط ١٠٠% ،
وما أريد أنأقش بيها أحد من الطلبة الأعزاء باعتبار أكو قافلين على الورقة والقلم ،
وبنفس الوقت المادة اللي تقراها ورقة وقلم بالايام العادية تقرأها شفوياً بالامتحانات لأن ماكو وقت ( إلا ما ندر مثل العضوية ولازم تسألون مدرس كيمياء لأن هذا مو اختصاصي )


انتبه عزيزي للكلام أدناه :
هل من المعقول أحفظ أعرابات اسماء الاستفهام كتابة بليلة الامتحان ؟
أحفظ قانون الأيون المشترك ، خطوات المسعر ، قوانين الأملاح و فرداي بورقة وقلم ليلة الامتحان ؟
لو أنتَ حافظهن وهسه مجرد تستذكر ؟
أكيد فقط استذكار للمعلومة

٣- مدة دراسة القواعد لازم ما تعبر ١٢ ساعة حصراً بحيث تكمل كل القواعد بأقل من ١٢ ساعة ،
آني جاي اسولف عن طالب قاري ومضبط وهسه بس مجرد يستذكر
٤- كلشيء بالقواعد تقراه شفوياً وتكرر الاعرابات والملاحظات وترددهن بينك وبين نفسك بصوت مسموع عدة مرات لتأكد من عدم نسيان أي معلومة ، والأمثلة تقرأ الصعب فقط ، ركز الصعب فقط

٥- الأدب تقراه من الجلد للحلد لأن مادة شرحية ، والماد الشرحية لا تقبل الترشيق والاختصار
٦- تمرينات الكتاب لا تنسى تقراهن اذا أنت ما قاريهن ،
وإذا قاريهن ارجع اقراهن بشكل شفوي وسريع .
٧- الأدب بلش بيه من الشعر المسرحي للاخير بعدين أرجع من البداية للشعر المسرحي ، لأن عادةً الطلاب يحفظون الجزء الأول أكثر من الثاني

وأكرر طلاب فترة الامتحانت الوزارية تختلف عن المراجعة ، يعني الوقت الآن هو وقت استذكار مو وقت تختبر نفسك وتقوي نفسك بقسمة الأرقام المعقدة وغير هذا الشيء .
كل فترة إلها وضعها .

• ماكو مشكلة تبدي هسه بالأدب ، أو تبدي بالقواعد ، الأهم ما تضيع ولا دقيقة ، وتعرف شلون توزان بينهما وتخلي لكل مادة وقتها الخاص

أكبر خطأ يسويه طالب السادس على الاطلاق
هو عدم النوم ليلة الامتحان
راح تروح وما تكدر تركز بالامتحان وراح تخطأ حتى بالمعلومات البسيطة ، وحتى الجمع والطرح والقسمة وإن كانت أرقام بسيطة راح تخطأ بيها .

راح تكول ما أكدر أنام لازم أكمل المادة
باع عزيزي
هذني الساعات اللي ما راح تنامهن علمود تكمل المنهج إذا ما نمتهن تضيع عليك قراية سنة كاملة .

راح تكول آني متعود على السهر
باع عزيزي ممكن الانسان منعس وما نايم ويروح للوظيفة ويدرس ويشتغل ويأدي مختلف الأشغال
بس من توصل للأشغال الذهنية لازم يكون نايم

هذه القضية لا تنظرون إلها بشكل بسيط
هذه القضية ضيعت طلاب هواااي وحرمتهم من المعدل


(والسعيد مَن اتعظ بغيره ) حديث شريف

شلون أقرأ العربي وبقية المواد
بليلة الامتحان شفوياً لو ورقة وقلم ؟

شوف عزيزي
راح انطيك مثال يقرب إلك الفكرة
إذا خليت كدامك (١٠) أطباق من الأكل
وكلتك لازم تتذوقهن كلهن وتنطيني رأيك
بطعم كل طبق
بس الوقت هو ٣٠ ثانية فقط
شراح تسوي ؟
إكيد راح تأخذ من كل طبق
لكمة وحدة بس حتى تلحك

كذلك ليلة الامتحان
وقتك قليل والمادة ضخمة
فلازم تسوي شغلتين حتى تكدر تكمل المادة
الأولى : تقرأ بطريقة سريعة يعني تقرأ شفوياً مو ورقة وقلم
والثانية : لازم تقرأ فقط المهمات

خليك وياي حتى تفهم قصدي
١- الاسلامية ، الأدب ، الأحياء ، شرح الكيمياء ، قطع الانكليزي الداخلية والانشاءات وأدب الانكليزي هذي تقراها شفوياً وأكيد ما تختصر ولا تترك منها ولا حرف واحد

٢- قواعد العربي ، مسائل الفيزياء والكيمياء ، الرياضيات تقراهن أيضاً شوفوياً بدون ورقة وقلم ، لأن ما معقولة بليلة الامتحان أنت تجمع وتطرح وتقسم ،
وتقرأ فقط الأسئلة الصعبة وتغطي الحل أثناء القراءة وتسولف فكرة السؤال وي نفسك وتسولف خطوات الحل شلون تصير ، شنو الخطوة الاولى والثانية والثالثة لحد ما توصل لآخر خطوة
يعني الملخص تحل السؤال كله بذهنك
وراها تباوع على الحل خاف عندك خطأ .

وبالفقرة ( ٢ ) نادراً ما تحتاج ورقة وقلم

https://t.me/a_hamzaaljabri

شنو إللي أسويه داخل قاعة الامتحان ؟

١- أول شيء اكلب الاسئلة ولا تشوفها وانطي فرصة لنفسك بحدود ( ٣ ) دقائق حتى تهدأ نفسياً وأنصحك تقرأ سورة الحمد وسورة الاخلاص عدة مرات لحد ما يروح القلق .

٢-اقرأ الاسئلة من أول سؤال إلى آخر سؤال وحدد السهل واللي تعرفه ١٠٠ % ، واللي تعرفه أقل من ١٠٠ % ، وكذلك حدد السؤال اللي ما تعرفه تماماً أو فكرته كلش صعبة عليك ، وبالتالي تحدد أي سؤال تترك من أول الامتحان وما تبقى مشتت أي سؤال تترك .

ولا تمشي بطريقة تشوف أول سؤال وتغطي بقية الأسئلة وتحل سؤال بعد سؤال وماكو داعي أكلك هذه الطريقة خطأ بنسبة ١٠٠ % .

٣- من تكمل الحل لا تستعجل وتطلع .
راجع ثم راجع ثم راجع ، ودقق الحل مالتك ، حتى القسمة والجمع والطرح هم دققهم باخر صفحة من الدفتر ، وما يحتاج أوصيك لازم تمسح المسودة .

٤- ما إلك علاقة باللي يطلع من وقت ، أو اللي يأجل حتى لو كان أشطر واحد بمدرستكم .
السادس مشروعك أنتَ مو مشروع صاحبك وممكن اللي أجل عنده ظرفه الخاص اللي أنتَ ما تعرفه
وحتى لو شفت القاعة كلها طلعت لا تتزعزع ثقتك بنفسك ، وإذا ردت تأجل أجل لأن أنت مقتنع بالسالفة مو لأن شفت جماعتك مسحوا الدفاتر وطلعوا

٥- لا تجاوب سؤال إذا ما تقراه كله من البداية إلى النهاية مرتين ، مو تقرأ أول كلمة او ثلاثة من السؤال وتحل وبالأخص الأدب لأن هذا خطأ مدمر

https://t.me/a_hamzaaljabri

https://youtu.be/CZobi5D0IqM?si=F9k1c_ueb6jwaSc8

شغلتين لازم تضبطهن أكثر من بقية القواعد

١- ألفاظ التوكيد المعنوي إذا كانت ما تفيد التوكيد المعنوي لاختلال شرط من الشروط ، وطلب نخليها تفيد التوكيد المعنوى ، هنا غالباً يصير خطأ بالحل عند الطالب .
٢- التعجب بالطريقة غير المباشرة بالأخص من يكون السؤال الوزاري بيت شعر .

هذني المسألتين أشوفهن أكثر شيء يخطأ بيهن الطالب.

تحية طيبة
بما يخص ملزمة الوزاريات
من فترة اشتغل بيها ، ومن فترة طويلة مو قليلة .

بالبداية خليت تمرينات الكتاب مع التمرين المحلول ، حتى إذا الطالب درس ملزمته وما بقاله وقت يدرس الوزاريات فيقرأ التمرينات لأن كلش مهمة .

بعدها تبدي الوزاريات من ١٩٩٠ إلى ٢٠٢٣
مرتبة بترتيب معين وهو :
كل أداة نخلي وزارياتها الخاصة بيها من ١٩٩٠ إلى ٢٠١٥


وراها مخلي الوزاريات من ٢٠١٥ إلى ٢٠٢٣ مع الأدبي والتمهيدي والدور والثالث بس مو كل الأسئلة ،
لأن حذفت السهل والمكرر لأن ميصير الطالب يضيع وقته بهيج أسئلة بسيطة مباشرة أو مكررة او ما تطور عقلية الطالب



المهم طلاب صارت معوقات كثيرة كثيرة
في آخر فترة .
الآن كملت الملزمة وكملت التنقيح
عدا مرحلة واحدة وهي :
من أدز التنقيح للطبع
عادة أرجع أدقق بعد الطابعي أشوفه نقل كل التنقيح لو لا ؟
للأمانة فقط هذه المرحلة بعدها
يعني أكو أخطاء طباعية بس إن شاء الله ما تأثر

تحبون أنشرها إلكم ؟
لأن ما بقى وقت بعد + ما أكدر أتأخر أكثر + حتى ما أكدر أنطيها للمطبعة لأن ما راح تنزل بوقت سريع


تحبون أنشرها PDF ؟
علامة الموافقة هي : 👍 على هذا المنشور

هذا الطالب اللي صار وياه موقف الرياضيات
هو حمزة الجابري من جان طالب سادس

بعض الاحيان رب العالمين يكتب إلك رزق
دنيوي أو أُخروي ، بس ما تحصل هذا الرزق
إلا بصمودك في آخر لحظات ،
صمودك بلحظات الضعف والانهيار ،


أسولف إلكم قصة شخص ( وطلابي يعرفون منو هذا الشخص بس ما أريد أذكر اسمه الآن ) والله تعالى يشهد على الصدق في كل حرف فيها 👇👇

أعرف طالب سادس بليلة امتحان الرياضيات
ساعة (١٢) بالليل كمّل الرياضيات
عدا موضوعين ،، التطبيقات ،، والمبرهنات
هو جان يدري هذني الموضوعين اثنينهم 100% يجون بالوزاري
بس جان واصل مرحلة من التعب والارهاق بعد ما يكدر يحفظ
ففكر شنو يسوي؟ أعوفهن؟ أأجل؟ أروح بدون ما أدرسهن؟
فكال خل أقرأ أسهل وأصغر سؤال بالتطبيقات ،
أحاول محاولة ولو نسبة نجاحها 1%

وقبل لا ينام قرأ السؤال

ثاني يوم بالطريق للامتحان
كال خل أحسب من ١ إلى ١٠
والمبرهنة اللي يطلع عليها رقم ( ١٠)
أقراها
وقرأ مبرهنة وحدة وبصعوبة شديدة
لأن صعب تحفظ مبرهنة أخر ساعة قبل الوزاري

دخل للامتحان وهو مقاري غير (مبرهنة واحدة) و (سؤال واحد من التطبيقات ) فقط

وجان رزق الله له انه يجيه هذا السؤال من التطبيقات من دون الكل
وتجيه هذه المبرهنة تحديداً من دون الكل

راح تكولون هذا حظ .
لا عزيزي هذا مو حظ
هذا رزق ، الله كاتبه إله
وجان ما ممكن يوصل لهذا الرزق إلا بصموده
في آخر لحظات

فلذلك أبقَ صامد
للاسبوع الأخير
لليوم الأخير
للساعة الأخيرة
وللدقيقة الأخيرة قبل الامتحانات
لأن صمودك هذا في آخر لحظات ،
وبلحظات التعب واليأس
ينقلك من عالم إلى عالم آخر .

لطيف