Fatima ahmed ♌️ اُم آرام

دائماً الصبح من نصعد السيارة اني و ارام نبدي نردد اذكار وادعية الصباح.
وحده من الادعية الي نگولها
"اللهم احفظني واحميني"
فهنا هو سوه مداخله وسألني
-ماما هو الله مو يحمينا؟ لعد ليش اكو اطفال يتأذون! يخطفوهم او يضربوهم او يوگعون!
-حبيبي سؤالك ڪلش حلو ما شاء الله عليك شلون تسأل اسئله عميقة ومفيدة
هو رب العالمين ينطينا طاقة الحماية واحنا نحتاج نتعلم شلون نستخدمها
يعني هسه انت اذا متعرف النار تحرق شلون تنحمي من حرارتها من تتقربلها؟ راح تحترق اكيد
بس لمن اني اجيت علمتك وكتلك النار تحرق انت هنا عرفت وراح تكدر تحيط نفسك بطاقة حماية رب العالمين ومتتقربلها.
نفس الشي الاطفال الي بالشارع ممكن اهلهم ما معلميهم انه ميصير يرحون ويا الغرباء! فشلون الحمايه تصير ومينخطفون؟؟
وحتى لمن يوگعون منو كلك ديتأذون؟ يجوز همه ديلعبون ويتعلمون
ويجوز تأذوا شي بسيط
ورب العالمين حماهم من شي جبير مثلاً من الموت وما ماتوا !
-ها يعني احنا محتاجين نتعلم شلون نستخدم طاقة الحمايه من رب العالمين حتى ننحمي!
-اي حبيبي بالضبط
مو بس الحمايه كلشي احنا محتاجين نتعلمه. لانه اصلاً الحياة احنا جايين بيها حتى نتعلم.
-تمام يلا كملي الادعية لان احبها
وكملنا طريقنا واذكارنا 🙊.
هسه ممكن اغلبكم ميتفق ويا جوابي يشوفه سطحي او عميق او مو كافي او مو صح وهذا من حقكم!
لان اني هنا مو بصدد اقنعكم بشي
اني بس اريد اذكركم انه تكون عدكم مرونة بالاجوبه الي تخص الاله ع اسئلة اطفالكم علمود الطفل ميصير عنده رد فعل تجاه الاله و الدين ويكبر لو يصير ملحد لو يصير معقد وكاره للحياة!
كل اسئلتهم مقبوله اياً كانت! وهنا دوركم بتبسيط الموضوع من خلال الاجابة حتى من يكبر يكدر يلزم مسار البحث والتفكر بكل سهوله بدون خوف وتعصب.
هسه ممكن جوابي مجان اصح شي! بس جان مناسب اليه واله واشبع فضوله واكيد من يكبر راح يكدر يبحث عن جوابه الخاص اذا ما حس هذا مناسب اله.
كتبولي شنو اخر سؤال عميق سألوا اطفالكم؟

الاصل :
الخادم والحبيب هو واحد اصلاً!
كلشي خادم يحبج وكل حبيب يخدمج واثنينهم واحد!
خلي نوضح اكثر
(وسخر لكم ما في السموات وما في الأرض)
كلشي هو مسخر للانسان حتى يخدمه على مستوى ما !
هيج اصل الحياة والخلق!
ف المال هو مسخر
والحبيب هو مسخر كذلك !
بس وين صارت المغالطه! لمن عشنا وعي الانفصال عن المصدر (الله)
وصرنا نربط انفسنا بمصادر ثانية (الشهادة،الاسم،المنصب،الحبيب،الخ)
فشنو صار مفهوم الحبيب لمن اني عايشه وعي الانفصال؟ هو مصدري اذاً اني لازم كلشي اسوي علمود احافظ علي وما افقده
اجي ع نفسي
اسوي اشياء ما اريد اسويها
اغير ذاتي
اتجاهل العلامات الحمراء
وكلشي مقبول اهم شي هو يبقى وها هيه!
وشنو صار مفهوم الخادم لمن اني عايشه وعي الانفصال!
انت ولاشي اني احسن منك وانت ادنى مني
انت نكره
انت فاشل
انت تسويلي الاريده واني انطيك مقابله فلوس لو كلمة واتفضل عليك🤦🏻‍♀️ (مثل الخدم الي يشتغلون عند ملك متعجرف).
بينما الاصل! الحبيب مسخر وكلشي مسخر هو خادم!
والخادم مسخر وكلشي مسخر هو مُحب..
زين فاطمه هسه احنا بوعي الانفصال
اذا عاملناه كحبيب شنو راح يصير؟
راح تحتاجي ڪلش حتى تكدرين تعيشين بالضبط مثل متكونين محتاجه حبيبج حتى تكدرين تكملين يومج (لانه اصلا مفهوم الحب مشوه)
يصير تعلق
زين فاطمه اذا عاملته خادم من وعي الانفصال شنو راح يصير؟
راح تستحقري وتحسي هو شي اقل منج ومتفتحين مساحة لاستقباله لانه "كخه" ..
لعد شنو نسوي فاطمه والله احتارينا وحيرتينا اكثر!
حبايب الي محتاجين تسووا انه ترجعون كلشي لاصله
(الله مصدر كل شيء)
تضبطون طاقتكم الداخله وتقطعون المصادر الخارجية
لان كل شي بره هو مسخر النا من المصدر مو هو المصدر!
وهسه نرجع للمال
اني كلت هو خادم بس مجنت اقصده بوعي الانفصال ابد
جنت اقصد:
المال مسخر من الله لخدمتنا
احنا نوجهه ع المكانات الي نريده يكون بيها مو هو يوجهنا مو هو يكون سيد علينا! لانه الاصل احنا اسياد وكلشي هو مسخر لخدمتنا حتى نتطور حتى نتوسع حتى نأدي دورنا بالحياة ونرتقي
وعموماً راح اكلكم عن المال حاجه وحده بس
(هو طاقة تضاعف ما في الداخل)
مو اكثر ومن هيج.
فهسه الوجهه شنو؟؟ العوده للذات وتضبيط ما في الداخل واعادة الاتصال بالمصدر الاساس لانه كلشي منه واله ومن خلاله (انا لله و انا اليه راجعون) ❤️
وللحديث بقية بالايام القادمه إن شاء الله بس تشربوا هذا اول شي ❤️

الوقت الخاص اللي نقضيه ويا أطفالنا هو أساسي مو بس لتقوية علاقتنا بيهم و زرع قيم وأساسيات بداخلهُم يعيشون عليها طول حياتهم!
إذا نرجع نبسّطها ف الطفل يشوف الوقت اللي نقضي ويا مو بس ك رقم ساعات وانما كقيمة واحترام وحب حقيقي.🥹

هذا الوقت اياً كان عمرهم هو فرصتنا نسمعهم،نفهمهم، ونعبرلهم عن محبتنا بطريقة ما بيها ضوضاء الحياة اليومية.
بالنسبة للطفل هاللحظات تكون مرساة عاطفية تبني الثقة بداخله وتخلي يحس إنه هو مهم واله وجود و اثر
هاي الثقة تنزرع بي وهو صغير وتظهر بتصرفاته ومستقبله وعلاقاته وحتى بالثقة اللي يمتلكها بنفسه.

الطفل يتعلم من هذا الوقت مو بس من اللي نكوله! حتى من اللي نسوي همين وشلون نتعامل وياه. !
إذا شافج صبورة،مهتمة،وتبادرين، راح ياخذ هاي القيم وينقلها لباقي العلاقات بحياته. وهنا يكون العمق الحقيقي لهالوقت 🥹
لان انتي مو بس گاعدة تلعبين أو تحجين! انتي گاعده تزرعين مستقبل، وتربين انسان يعرف يحب ويعيش الحياة بقوة ووعي.
لذلك لتستهينين بهذا الوقت
واللي مهم تتذكري هو: الطفل ميريد وقت “كمية”، هو يريد وقت “نوعية”. يعني حتى لو بس نص ساعة باليوم بس يكون تفكيرج واهتمامج كله مركز عليه راح يكون الها تأثير أقوى من ساعات وانتي مشغوله بشي ثاني وياه.
هسه كتبيلي بالتعليقات شنو الي يمنعج تقضين وقت خاص ويا طفلج؟

اني ڪلش مؤمنه انه كل العلاقات الي بحياتنا هي انعكاس تشوفنا اجزاء من دواخلنا.
و وحده من اقوى الانعكسات واوضحها هي الي يشوفوها النا اطفالنا🥺.
آرام ابني عمره ٥سنوات ونص
طول هالوقت هو جان خير معلم اليه
ما يتشاقه بالانعكاسات ابد 🤣🤣
ودائماً يشوفني كلشي مظلم محتاجه احرره واشافي بأوضح واقوى طريقة ممكنه!
وحده من الاشياء الي يعكسها اليه ارام هو احساسي بالمسؤوليه تجاه مشاعره! فأني غالباً احس انه اني مسؤوله عن مشاعره ومحتاجه احمي من مشاعر او اشيل عنه مشاعر او اقدمله مشاعر!.
هسه راح يتوارد بأذهانكم سؤال:
ليش هو احنا مو فعلاً هذا دورنا تجاه اطفالنا؟
لا ابداً مو هذا دورنا! كل شخص اياً كان عمره مشاعره مسؤوليته واختباره!
احنا بس نهون ونساعد ونتواجد.
واني مثلي مثلكم دا احاول شكد ما اكدر ما اشيل المسؤولية عنه وفقط اساعد واكون متواجدة اقدم الدعم والحُب والطريقة الي يكدر يتعامل بيها ويا مشاعره🥺.
اما قصة الرسمة فاليوم صار موقف ويا ابو على اساس ياخذه وما اجه وهو تضايق وانقهر وانكسر گلبه مني اني 🤣 ورسملي هالرسمة حتى يشوفني شنو ديشعر
زين اني شعليه!
لانه اني اشوف مشاعره مسؤوليتي فهو يشوفني هالشي بكل وضوح🙊.
دختوا من الكلام وما فهمتوا؟ ارجعوا اقروا اكثر من مره واذا تردون تفهموا بعمق ف اني شارحه كل تفاصيل الانعكاس الي يشوفوها النا اطفالنا بكورس حج الام وتكدرون تشوفون سعره وتفاصيله بهايلايت "حج الام"

كل ألم عشتي مو نهاية القصة هو بداية لفهم أعمق عن نفسچ.!
رحلة التشافي مو سهلة ومو دائماً بيها طريق مختصر
بس صدگيني بيها الشي الأهم: سلامچ الداخلي.

شنو معنى التشافي الي تحتاجي هسه؟
• يعني تبطلين تدورين حبچ بعيون الناس.
• يعني تبدين تسمعين لصوتچ بدل ما تسمعين للصوت اللي يحطمچ.
• يعني تشوفين القوة اللي خلقها الألم داخلة وتحولينها حياة جديدة.

رحلة التشافي مو انج تعوفين ماضيچ وهذا هو ! رحلة التشافي هي تركج وتحريرج ل النسخة القديمة اللي قبلت بالألم وفهم رسائلها.
ابدين اليوم بخطوة وحدة مهما كانت صغيرة:
• تكتبين أحلامچ.
• تطلعين تتمشين.
• تحتفلين بنفسچ لأنچ قررتي تكملين!
سوي اي شي المهم تبدين بالتغيير.
واذا عندج المال والحافز للاستثمار بالذات فأكيد كورساتي المدفوعة راح تختصر عليج هواية وكخطوة اولى تكدرين تشوفين كورس "كوني" بالهايلايت مالته

بداية خير و وفرة وبركة وصحة يارب ❤️
انويلكم اللطف والسهوله واليسر بكل يوم من ايام هاي السنة ❤️

هاي السنة تحديداً جانت سنة رهيبة بالتعليم من ناحية المال
ڪلش هوايه اكتشفت اشياء وتوصلت لاشياء وتحررت من اشياء 🙊
ما احس نفسي اكدر الخصها ببوست واحد بس عموماً راح اشارك وياكم اهمها.
*المال عبارة عن طاقة تتحول من شكل الى اخر فقط!
طاقة المال موجوده بداخلك وانت تكدر تحولها الى طاقة مال ورقي!

*المال مو بس أرقام نگعد نحسبها!
المال انعكاس لطريقتنا بالتفكير والإحساس تجاه الوفرة بحياتنا.! لمن نتعامل وياه بمحبة وثقة إنه هو دائماً موجود وبوفرة همين ! فراح يجي لحياتنا بكل سهولة.
والعكس صحيح كذلك
"فكر: شنو شعورك تجاه المال؟"
إذا شعرت بالامتنان حتى على القليل رح تفتح الباب للمزيد. لان احنا نجذب الي احنا مركزين علي مو الي احنا نريده!
وإذا صرت تشوف المال كصديق مو مصدر وسيد عليك
وتشوفه تجارب حلوة وفرصة للتوسع والتطور ف هوااااايه راح يتغير التدفق بحياتك.

صدگوني الوفرة بدايتها داخلنا! وربنا مصدرها
وكونوا واثقين انه:
(رب الخير لا يأتي الا بالخير)
(ان الله هو الرزاق ذو القوة المتين)
(واتاكم من كل ما سألتموه)
هسه انتوا گلولي شنو تعلمتوا عن المال هاي السنة؟

للمرة الالف راح اگول:
لتبقين بزواجج بحجة اطفالج
لانه باجر عكبه راح تدفعيهم ثمن اختيارج هذا!
بدون شعور منج يا عمري مو بقصد و وعي!!
خاصه اذا بقى هذا الزواج يشوفج جانبج غير المتشافي بدون ما تشتغلين علي!
راح تبدين تحسين بكره تجاه هذوله الاطفال وتعامليهم بسوء وتتندمين وراها وانتي متدرين ليش!!
اني اكلج ليش! لانه دتحميلهم مسؤولية الالم الي انتي بي!
فيا حبيبتي من تجين تكولين اني باقيه علمودهم ! راح اكلج جذابه ودتضحكين ع روحج (اسفه بس هذا الصدك🥺)!
انتي باقيه لانه مدتعرفين شلون تطلعين! وشنو تسوين! فتخليهم درع تحمين بي نفسج وهذا العجز ! بس الدرع شكد راح يتحمل؟ تاليته ينكسر.
من حقج تحبيهم وتقدميلهم كلشي تكدرين علي! بس كوني واعيه واختاري بوعي واعترفي بشعور العجز الي انتي بي علمود رب العالمين يرتبلج المساعدة❤️

حتى يكون شغلكم ومكان عملكم مريح إلكم لازم تركزون على كم شغلة مهمة وتطبقوها بحسب وضعكم:

1. نظموا وقتكم و وزعوا شغلكم:
رتبوا جدول يومكم بحيث ما يتراكم عليكم كلشي واعرفوا شلون تقسموا أولوياتكم.
الشغل اللي يحتاجله طاقة هواي خلوا بأوقات نشاطكم والبسيط خلوا للأوقات الباقية.
2. رتبوا البيئة:
سوا جو مريح بمكان الشغل مالتكم. إذا تشتغلون بمكتب رتبوا المكان بحيث تحسوا مريح ومُلهم. ممكن شوية نباتات، لوحة،ترتيب، أو حتى تغيير بسيط يخلي المكان مرتب وطاقته حلوة.
3. لتحملون نفسكم هوايه مسؤوليات:
إذا انتوا شايلين الشغل كله بلشوا تحاولون تتفاضون ويا باقي الزملاء. إذا أكو مجال لتقليل الضغط لا تترددون ابد.
4. سوّا مسافات صحية:
لتحاولون تكونون قريبين كلش من الناس اللي يسببون الكم مشاكل أو شحنات سلبية. خلوا المسافة الصح وتعلموا تگولون “لا” للشغل الزايد.
5. اخذوا فترات استراحة:
حتى لو شوية دقايق كل ساعة اطلعوا تمشوا بالممر او الغرفة أو اشربوا شي . فترات الاستراحة القصيرة تساعدكم تجدد نشاطكم بدل ما تستهلكون نفسكم بالكامل.
6. تواصلوا صح:
احجوا بصراحة وشفافية واحترام ويا زملائكم ومسؤوليكم. واذا اكو شي زاعجكم هم احجوا وبلغوا بس بلباقة. واطلبوا المساعدة إذا تحتاجوها.
7. سوا هدفكم من الشغل واضح:
فكروا شنو تريدون من شغلكم. هل هو مصدر دخل بس؟ لو فرصة تطوير؟ خلي عندكم هدف يخليكم مرتاحين وتكدرون تكملون بالشغل.
8. مكافآت بسيطة:
كلما تخلصون مهمة أو تكملون يوم صعب دلّلوا نفسكم بشي يحفزكم حتى لو أكلة تحبوها أو ممكن استراحة أطول.

ولتنسون التوازن هو السر! لا تضغطون على نفسكم ولا تهملون. ودائماً ذكروا نفسكم ليش بديتوا و وين تريدون توصلون؟.

المرأة اللي تجذب رجل منتقد بشكل مستمر عادةً عندها أنماط نفسية أو عاطفية تحتاج تنتبهلها وتصلحها لأن العلاقات اللي نستقطبها تكون مرآة للجوانب غير الواعية بينا.
فأنتقاده المستمر الها هو ممكن رسالة الها بسبب

1. شعورها بعدم الكفاية:
إذا المرأة عندها شعور داخلي بأنها “مو كافية” أو محتاجة تجتهد ڪلش هوايه حتى تكون مستحقة للحب والتقدير! هذا الشعور يجذب رجل ينتقدها باستمرار لأنه يعزز هالإحساس. كأن العلاقة صارت انعكاس لعدم رضاها عن نفسها فأكيد هو مراح يرضى عليها 😅.!

2. الخوف من الوحدة:

بعض النساء تستمر ويا رجل منتقد لأنها تخاف من فقدان العلاقة و البقاء وحدها. هالخوف ممكن يخليها تتحمل اي شي اهم شي متبقى وحدها 🤦🏻‍♀️.


3. الأفكار المزروعة من الطفولة:
إذا نشأت المرأة ببيئة مليانة نقد ممكن تشوف هالسلوك طبيعي وتنجذب لشركاء يكررون نفس النمط لأن اللاوعي يشعر بالأمان ب الشيء المألوف.

4. الرغبة بالتغيير أو الإصلاح:

بعض النساء يصير عدهم ميل لإنقاذ الآخرين أو إصلاحهم فهي تجذب رجال منتقدين على أمل أنه تغيره وتصلحة بالمستقبل 🙊.


وعموماً وبكل اختصار

حتى تجذب علاقات أحسن المرأة تحتاج تصلح صورتها الداخلية عن نفسها و ترفض كل سلوك يستهلكها عاطفيًا وتتعلم ترسم حدود واضحة. ولمن تبي تقدر نفسها وتعيش بثقة بشكل طبيعي رح تستقطب علاقات متوازنة وصحية اكثر.
هسه كتبيلي فهمتي الانعكاس الي بعلاقتج لو بعدج؟ وكتبيلي شنو نوع الرجال الي تردين اوضح احتماليته بالانعكاس بالمحتوى القادم

الرجال بالعلاقات عباره عن رسول ينطيج رسائل عن الجوانب الي محتاجه تنتبهين الها بذاتج وتشتغلين عليها علمود ترتقين بجانب العلاقات بصورة عامه وبحياتج بشكل خاص.
وخلي اساعدج بكم مثال:
*الرجل الضعيف الي يدخل حياتج والي متحسين ويا بالامان وتحتاجين انتي تفعلين وضع التخطيط والانقاذ بأكبر التفاصيل واصغرها والي يوصلج مشاعر انه هو لا حول ولا قوة
-اهلي ميقبلون وما اعرف شلون اقنعهم
-ما ادري شسويلج يعني شبيدي دبري نفسج انتي
-مدا الكه شغل شسوي يعني
هذا ديشوفج طاقة الذكورة الموجوده عندج الغير متزنة! فيخليج تحسين كأنما هو البنيه وانتي الرجال
فهو بس ديشوفج انه محتاجه توازنين نفسج.
*الرجل الطماع الاستغلالي الي يفوت بحياتج
-نتقاسم المصاريف بالنص
-المره واجبها تساعد بالمصاريف ويا الرجال
-محتاج فلوس دبريلي لان احنا واحد
ممكن هذا جاي يشوفج انه انتي ما مخليه نفسج اولوية وتشوفين انه انتي متستحقين الشيء الجيد
فأشتغلي على استحقاقج وخلي نفسج اولوية!
*الرجل غير المتاح عاطفياً والي طول الوقت تستجدين منه الاهتمام
-مشغول ما عندي وقت
-ما الحك احجي وياج
-شنو هدايا وكلام حلو؟ دبطلي سوالف المراهقين.
هذا جاي يشوفج انه انتي بعدج مدتنطين نفسج الحب الي تستاهله روحج والي تردي انتي!
*الرجل النرجسي المتكبر الي يدخل حياتج
-يعني شنو انتي قحط؟
-والله مصدكه بروحج فد شي
-تره انتي الغلطانه واني سويت هيج وياج بسببج
هذا جاي يشوفج وينبهج على عدم ادراكج لقيمتج وانه انتي تعتبرين نفسج شي عادي مُسّلم بي! هاي اذا متكونين تشوفين نفسج سيئه وخلف الله علي هو وياج!
وطبعاً اكيد تختلف الرسائل من بنية للثانية بأختلاف المستوى الي هي بي! وهاي الامثله عامة شامله فقط لتقريب الصورة!
هسه كتبيلي كدرتي تفهمين رسالة العلاقة الي انتي بيها لو لهسه؟

من الاخطاء الشائعة الي نسويها من نجي نخلي اهداف السنة الجديدة هو الحماس🥹.
اجواء التحضير والاستعداد للسنة الجديدة يصير بيها طاقة مرتفعة
فغالباً نتحمس! خاصة اذا جانت السنة الي احنا بيها هي مو افضل سنة!
فنخلي توقعات ع ذواتنا للسنة الجديدة بوجود طاقة الحماس ڪلش اكبر من طاقتنا!
فمثلاً انتي لا وظيفة ولا شغل هسه بهالسنة! تگومين تخلين هدف الثراء للسنة الجديدة!
زين حبيبتي استهدي بالرحمن! لا ابد الا اصير ثرية🤣
تبدي السنة الجديدة وبما انه الهدف طاقته اكبر من عدنا راح يخربطلنا كلشي
واختبارات الهدف تبدي بتدميرنا فنتراجع وتخلص السنة واحنا عالقين بنفس المكان 🥹.
زين فاطمه شنو الحل؟
الحل بالاتزان من خلال التدرج (اسيطر ع الحماس وما اخلي يقودني و ارجع القيادة لذاتي)
يعني هسه انتي ما عندج لا شغل ولا عمل منين تجيبين المال حتى تصيرين ثرية!
اذاً نخلي نية ايجاد عمل
مناسبة جداً لطاقتنا وبنفس الوقت خادمة واختبارتها تكون مناسبه فنگدر نكمل.
وهذا الشي راح نسوي سويه بكورس التحضير للسنة الجديدة
ابقى وياج طول شهر ديسمبر من اول يوم لاخر يوم واحنا نشتغل يومياً بتدريبات بسيطه تحضيراً للسنة الجديدة والسعر ناار وشرار شكد مناسب 🙊
تفاصيله وطريقة الاشتراك مثبته بهايلايت "كورس ٢٠٢٥"

أبرز الأخطاء التي تحتاجين تتجنبيها ببداية العلاقة:

-التوقعات غير الواقعية: انتي محتاجه تكونين واقعية وتتعرفين على الشخص بعمق بدال تتخيلين شلون لازم يكون.

-التسرع بالالتزام: اخذي وقتج لتقييم العلاقة وملائمتها الج قبل متخطين خطوة الزواج.

-عدم وضع حدود واضحة: إذا ما وضحتي حدودج الشخصية من البداية ممكن راح يوصلج هالشي لشعور بالضغط أو فقدان الخصوصية.
وحاولي انه تتكلمين بصراحة عن احتياجاتج والي تتوقعينه من العلاقة.

-التضحية الزائدة عن الحد: بالبداية راح يكون عندج ميل لإرضاء الشريك بشكل مفرط على حساب نفسج.
بس حبابه تذكري أنه العلاقة الصحية تتطلب توازن بين العطاء والأخذ.

-الاعتماد الكلي على الشريك: ف احتفظي باستقلاليتج سواء عاطفيًا أو ماديًا.

-التغاضي عن العلامات التحذيرية: تجاهل السلوكيات أو العلامات اللي تدل على عدم توافقكم مثل الغيرة المفرطة وعدم الاحترام أو عدم تحمل المسؤولية.
• ثقي بحدسج ولا تخافين من التراجع إذا حسيتي بعدم الارتياح.

-عدم التواصل بوضوح: السكوت عن الأمور المهمة أو تجنب النقاشات الصعبة خوفاً من الخلاف راح يدمرج لذلك الحوار الصريح مطلوب حتى يخلي أساس متين للعلاقة.

-التمسك بالماضي (العلات الماضية)

ونصيحة:
العلاقة ببدايتها مثل بذرة تحتاج إلى اهتمام متوازن. واحرصي على التعرف على الشريك بشكل حقيقي ويا الحفاظ على احترامج لذاتج ولحدودج.
🌹 🌹
واريد اذكرج ببرنامج التحضير للسنة الجديدة والي راح اكون وياج بي لمدة شهر نناقش عدة مواضيع بتطبيقات يومية من ضمنها العلاقات بسعر اسثتمار جداً مناسب و تفاصيله بهايلايت "كورس 2025"

بوحدة من الاستشارات البنيه جانت تحجيلي
عمرها ٣٧ سنة ولحد هسه ما كملت بأي علاقة! لا عاطفية ولا صداقة ولا زمالة
حتى علاقتها ويا اهلها منقطعه
هي سافرت حتى تدرس بره العراق و اول ما غادرت اهلها قرروا قطع التواصل وياها.
جانت دتسأليني ليش؟ ليش هيج يصير ويايه؟ اني حلوة وحبابه وما اذي بس ليش محد يبقى بحياتي؟؟
بعد التنقيب لگينه عدها معتقد يگول اني لا استحق العلاقات ليش؟ لانه طول عمرها وهي صغيره تسمع من امها انتي محد راح يكدر يعيش وياج انتي متنحملين انتي متتعاشرين.
هي ما فلترت هذا الكلام "طبيعي مجان عدها الادوات"
تبنت هاي المعتقدات عن ذاتها وحتى لمن امها توقفت عن هذا الكلام هي بقت تكوله لنفسها باللاواعي!
فأجالها تأكيد انه حتى اهلها تخلوا عنها! فهي فعلاً محد يتحملها محد يبقى وياها !!
ومئات المعتقدات الي انبنت بكل حياتها على معتقد واحد عن الذات جابته وياها من الطفوله بدون ما تحرره وتشتغل علي!!
معتقداتنا عن ذواتنا وحده من اقوى الادوات الي يا اما تبني النا واقع جيد يا اما تبني النا جحيم!
احنا الي نختار !!
بكورس التحضير prepare
بأول ايام راح نشتغل ع هذا الموضوع بعمق. نطلع الافكار بكل الجوانب ونعرف منين اجتي وننظفها ونحررها ونطهر هاي المساحة بأخر قطرة بيها.
اذا جاهزه تكونين ويانا بطاقة الجماعة الرهيبة هاي فكلش انصحج تشتركين وتكدرين تشوفين تفاصيل الكورس بهذا الهايلايت
https://www.instagram.com/s/aGlnaGxpZ2h0OjE4NDY2MzM4MDI4MDMxNTgz?igsh=MTh2MHJwaXRta3B2aw==

حبايبي ❤️
الي يعرفوني من بداياتي يعرفون اني شنو غايتي من هاي الاسعار.
احنا منكدر ننكر انه عدنا وعي جمعي يشوف انه الحاجه الغاليه زينه والرخيصه مو تمام.
فيحتاج اوضح شغله مهمه.
سعر الكورس ابد ميمثل الكورس!
كل كورس اني اسوي اخلي بي معلومات بملايين بغير مكان صدقاً مو مبالغه ولا تباهي!
اني اقدم ١٠٠ ضعف المبلغ كمعلومات وقيمة.
اني اكدر اسوي اسعار مرتفعه وبأمكاني هالشي وهم اعرف اكو راح يشتركون بس اني اشعر بالمسؤوليه تجاهكم 🥹 احس انه اني اريد افيدكم شكد ما اكدر
وهمين اني استفاد ويكون اكو مقابل علمود تكمل عملية التبادل بفعالية اكبر.
لذلك اني اخلي اسعار مناسبه للجميع علمود الكل يكون عنده فرصة التغيير متاحة كخيار يكدر يختاره مو بس الناس المقتدرة مادياً ❤️

اليوم رحت دا اخذ ارومي
بلغتني المس مالته انه ارومي ڪلش زين كأستيعاب
بس كمستوى دراسي اكو اشياء بعده ميعرفها (علماً انه عمره 5 سنوات)
مثلا ً ميعرف كل الحروف العربية اعتقد!
فأني كتلها اي صحيح لانه اني مو ڪلش مهتمة بموضوع التدريس بعد وقت احس لاحگ علي.
ف بالطريق فكرت
اني ليش مو ڪلش مهتمة بموضوع الدراسة! وفعلاً اني دائماً أأكد هذا الشي انه الدراسه اخر همي لانه اني مُدركة مقياس نجاح الانسان ابد ما اله علاقه بالدراسه.
فأني شبه مهمشتها ولا منطيتها اي اهمية!
(اني مؤمنه ماكو شي يصير صدفة!) فهي نبهتني ع هذا الموضوع لسبب!
وفعلاً لكيت نفسي اني متطرفه و ما مخليه ذرة اهتمام لموضوع التعليم المدرسي! (غالباً اني اعلمه عن مدرسة الحياة)
فرأساً غيرت النية ولغيت القديمة!
نويتله انه ياخذ من الدراسه النفع الي فعلاً يخدمه بمسار نجاحه بالحياة وقررت انه ارجع التدفق بهذا الجانب لانه ابد منكدر ننكر اهميته بمجتمعنا !
فراح احاول اخلي لنفسي دور بتعليمه الدراسي واساسيته بالاضافه الى اساسيات الحياة 🙊
حبيت اشارك وياكم هالشي لانه ممكن بدون وعي اكو احد من قربه عليه اكتسبه وتبناه
*التعليم المدرسي مو مقياس لنجاح الانسان بالحياة (صحيح بس مو معناه نهمل هالجانب)❌
ننوي ان يساهم التعليم المدرسي بجزء واسع وكبير من نجاحه بالحياة
✅
يلا شنسوي نبلش نتعلم تكملة الحروف 🤣

شنو محتاجين للسنة الجديدة؟ 2025

شوكت من حقي اتراجع عن اي قرار وشلون؟

مساء الخير حبايبي شلونكم ❤️
دا افكر ع شهر ١٢ نسوي مجموعة مدفوعة مو مجانيه نبدي من بدايته لنهايته نتجهز ونتحضر للسنه الجديدة
(نقفل الملفات القديمه ونتعلم شلون نفتح جديدة خادمه)
المجموعة عددها محدود وشرط التطبيق اول بأول
مبلغ الاستثمار لحد هسه ما محددته 🙊
بس اكيد هو بين ال٢٥-٥٠
منو يحس نفسه يشترك؟ خلي اشوف العدد الي مستعد حتى ارتب الوضع ❤️
شوفوني نفسكم بالكومنتات ❤️

مأساة ومعاناة الطفل الداخلي شلون نحررها؟

القصه ابداً مو يم الايباد ! بس هذا سؤال ردته يهيء الاساس عدكم الي يستقبل الفكرة الي راح اطرحها..
حبايب احنا منين استلمنا القيادة؟؟
احنا جنا اطفال واستلمنا السستم من طفل!
هذا الطفل انزرع بي سوفت وير (افكار معتقدات سلوكيات)
من الاباء والمدرسه والمجتمع.
اليوم لمن اني استلمت القياده واريد اخلي السوفت الوير الي يخدمني وين المساحه الي انصبه بيها!!
غير افرمت القديم؟؟
سمية الناصر عدها جمله رهيبة (كل ما كان هو ما زال)
يعني ماكو شي اسمه الطفل الداخلي مو مهم!
ماكو شي اسمه اشتغل ع الحاضر وها هيه!
هسه اني بالحاضر خليت كفر جديد وستكر جديد وسويته جديد وهم ما اكدر احمل علي الي اريده ! لانه عندي دور امسح القديم وافرغ المساحه.
الطفل الداخلي ونظامه راح يبقى يقودكم وانتوا بالغين
وتعلقون بمكان ومتدرون شديصير! ياربي اني مو واعيه! اني مو دا اشتغل ع نفسي! ليش ع ساعه هيج اسوي ؟ ليش بدون سبب اسوي رد الفعل هذا!!
انتي دتتناقشين بعقل الناضج ومراح تلگين جواب لانه غالباً
اكو طفل جوه محبوس ديقود! محتاج سوفت وير جديد محتاج يتحرر.
نظفتي الحاضر اشتغلتي رتبتي قريتي اخذتي استشارات وكورسات وماكو شي ديتغير ويستمر ودترجعين لنفس النقطه!!
هاي دعوى انج ترجعين للطفله الي جواج!
سنوات واني اشتغل ع وعي الناضج والطفوله اخذت مني جزء صح! بس مجان جزء عميق
وبعد صراع! اكتشفت انه اكو طبقات عميقه فعلاً بطفولتي بعدها تسحبني
(هي بوعي الناضج تافهه جداً لدرجة ما اخذتها بنظر الاعتبار)
بس هي بوعي الطفولة جانت مؤثرة لدرجة سوت نظام وتفعل واستمر ويايه لحد اللحظه الي قررت ارجعله واحرره.
و إن شاء الله هاليومين راح اسويلكم محاضره مجانيه اشرحلكم بيها هالموضوع بعمق وافهمكم شنو محتاجين تسوون مبدئياً حتى تعرفون تنطلقون

اكو وحده من المدربات الحبيبات اني متابعتها بحسابي الخاص
من زمان
وبالعادة حسابي الخاص ما مفلترته من ٢٠١٣ ف تلكون بي كلشي وكلاشي🤣
المهم! هي ما شاء الله معروفه وعدها مئات الالاف من المتابعين
فطلعلي ستوري الها شجانت دتگول!
(لتخلون البيت والسياره اهداف لان هاي اشياء هي تجيكم مو انتوا تروحولها!) طبعا اني اختصرت الكم كلامها الكثير .
اني كأنسانه اشاركها بالمجال فهمت قصدها!
بس اني متأكده الاف شعروا بالذنب وهمه يقرون هذا الكلام وتوقعوا انه بيهم مشكله لانه مخلين البيت والسياره هدف!
وحسوا بمشكله لانه هالاشياء ما اجتهم!
علماً انه هاي الانسانه اللطيفه عدها سياره سعرها يتجاوز ال٣٠٠ مليون عراقي وعدها سكن بمجمع سكني يتجاوز سعره ال٧٠٠ مليون عراقي!
فهي تملك هاي الاشياء بأجود طبقه امتلاك (وربي يزيدها من فضله ونعمته ويزيد الجميع 😍)
ودتطالب الاخرين انه ميسعون الهن ! وغلط السعي الهن لان هايه مو اهداف! هاي اشياء تجيكم انتوا متروحولها😊.
كلامها ممكن صحيح! بس ابداً ميقال بهالطريقة.
حبايب
من حقكم وكلش من حقكم تخلون السياره هدف
وتخلون البيت هدف
وتخلون الفلوس هدف
و اي شي مادي ڪلش من حقكم تحطوا هدف
بالاول وبالتالي احنا دنعيش تجربه ارضيه ماديه! ع شنو هالمثاليات؟
منو بينا ميريد الماديات؟ عليمن دنضحك؟
بس اهم حاجه تشوفون هاي الاشياء انه هي اشياء تسهل حياتكم
تخلي حياتكم اكثر متعه ويسر!
بس مو اشياء تقيمكم!! يعني انتي رائعه وقيمة بدون سياره! السياره تجي بس تسهل حياتج بالنقل
انتي رااااائعة وقيمة اذا كاعده ايجار! البيت الملك حيجي يضيفلج مشاعر امان وسكن.
من حقكم وكلش من حقكم تخلون اهداف ماديه
وتسعون للماديات! بس لتنسون قيمتكم!
قيمتكم متجي منهن! قيمتكم موجوده وبالحفظ والصون! بس رجعوا فعلوها بأتصالكم بالله!
لانه هو اصلا الرزاق وكل الرزق يجي منه 😍
فمجرد غيري النية من الهدف! بدال متردين سياره حتى الناس تشوفج قيمه وتشوف قيمتج
اطلبي السياره حتى تسهل النقل بحياتج
وها اها 😍 ❤️

بظل الاوضاع والظروف الي دنمر بيها بالوقت الحالي
مستويات مشاعر الخوف بدت ترتفع ف ردت شي سهل وبسيط اساهم من خلاله بتسكين هاي المشاعر علمود نكدر نسويلها ادارة 🥹.
سويتلكم تأمل الحمايه والتحصين مجاني وبسيط ومناسب لجميع مستويات الوعي ❤️ ❤️
🥹
https://youtu.be/gk3TXURkuwc?si=wISVlk_7Q9tuCx6J

حبيباتي برنامج الى الله اقرب
عدة حلقات هو اسمعوهم كلهم
ضغطوا ع الرابط يوديكم للفويز الاصلي وجواه الباقيات
🌹
https://t.me/byfatima96/19

شلون اكدر اقدر ذاتي !
اول شي خلي اعرف شنو يعني تقدير الذات بمفهومه البسيط.
اقدر ذاتي يعني استشعر انه اني انسان قيم مُكروم من الله عز وجل بهذه الروح العظيمة القيمة بغض النظر عن اي شي ثاني
اني قيم حتى لو معندي شهادة
اني قيم حتى لو خشمي جبير
اني قيم حتى لو مادياً بائس
اني قيم بكل الحالات والاحوال
زين شلون ابدي اقدر ذاتي!
لمن ابدي اشتغل ع سد الفجوات والثغرات الي سوت عندي خلل بالتقدير
والي غالباً هي انزرعت بالطفولة او المراهقة احياناً وامتدت وكبرت لوقتي الحالي هذا .
هل هذا معناه انه لازم ارجع انبش بالطفولة واطلع كل المشاكل والُعقد وكل الامور الي اني اصلا هاربه منها؟
لا طبعاً .. مكانات بسيطة كلش نرجعلها نرمم بيها ..
مثل الانتقادات والحب المشروط الي جانت تتقدملي من القائمين ع رعايتي والي وصلتلي من خلاله انه اني ما مقبول ولا استحق.
والاهم من هذا كله تبدي تأكدين فكرة انه انتي بس كونج من خلق الله فأنتي قيمه ! مجرد محتاجه ترجعين تفعلين هاي القيمة بأتصالج العميق بالله. زين شلون فاطمه؟ تحملي مسؤولية حياتج بالكامل وابدي عملية الاصلاح خطوه خطوه.. برنامج "الى الله اقرب" ممكن يكون الج اول خطوه وهو مجاني بالكامل تكدرين تدزيلي رساله ع الخاص وادزه الج
اما باقي التفاصيل الي ذكرتها فوك فهي موجوده بشكل تطبيقات عملية عميقه بكورس الثقة بالنفس "مدفوع وتفاصيله بهايلايت كورسات" ❤️

قبل مده كان عندي مناسبه "زواج صديقتي"
ولانه اني نادر ما احضر مناسبات فقررت هالمره احضر بكامل اناقتي
و وصيت اضافر صناعيه لانه احس ڪلش راح تضيف لشكلي
وجنت شايله هم! اول مره حجرب هالنوعية شلون اذا ما بقت ملتصقه بأضافري؟ شلون اذا بنص الحفله وانشلعت شراح اسوي بالله! شلون راح يصير شكلي بأضفر مشلوع؟
وشلون وشلون وشلون 🙊
اجه يوم العرس وقررت انه اخلي الاضافر اخر شي قبل ما اطلع علمود اكسب اكثر وقت احافظ عليهن من الاحتمالات الي اني مخليتها.
وطلعت من البيت واني افتح الباب بحذر واتحرك بحذر واسوق بحذر وكلشي اسوي بحذر حتى متنشلع الاضافر
ومن وصلت كل حركه اسويها مدروسه وبحذر 🤣 تالي عشر دقايق وانشلعوا اضفرين 😒
اكيد تضايقت لانه حسيت شكلي خرب وخاصه انه فعلاً اول موصلت كل صديقاتي جانوا مبهورين من جمال ايدي بالاضافر 😒😒.
نفس الاضافر البارحه وره المغرب عجبني الصقهم! اني ممحتاجه شي! ولا اريد شي! مجرد اتونس بيهن!
غسلت مواعين شلت فراش البيت غسلت ملابس الفين حاجه سويت ونمت بيهم وكعدت سويت ريوك غسلت مواعين ومن اجه وقت الصلاة اني كوه شلتهم من ايدي!🤦🏻‍♀️
شنو الفكرة الي اريد اوصلها من هاي القصة!! كلشي نحتاجه حتى يغذيلنا شعور راح نفوت بي تعلق وغالباً كلشي راح يمشي عكسسسس الي نريده تماماً (وهذا الي صار ويايه بالمره الاولى جنت محتاجه الاضافر تكمل اناقتي وتخلي ايدي حلوة طول الحفله وكأنما اني بدونهم راح اكون ناقصه! والي صار شنو؟ فعلاً تجلالي هالشي الي اني اصلا رافضته!!)
بينما الاشياء الي نسويها بمتعه بدون مشاعر احتياج وبتسليم تام! انه عادي صارت الحمدلله مصارت هم الحمدلله وكلش عادي! هي نفسها الاشياء الي فعلاً رب العالمين يغنينا بيها لحد ما يرضينا! (وهذا الي صار ويايه البارحة! اني مجنت رايده شي مجرد خليتها دا اتونس بيها وقت! شكد هذا الوقت مو مهم وشراح يصير مو مهم اني ممحتاجه شي! لذلك استمتعت فعلاً لحد ما اني قررت اوخرهم من ذاتي!)
شكد هذا المثال بسيط!! بس هو تجلي حقيقي لاحد قوانين الحياة الاساسيه الي رب العالمين خلاها بالارض!
لذلك هذا الشي ينطبق ع كل جوانب حياتنا!!
يعني اي شي نريده احنا لازم نريده و نختاره بأكتفاء حتى يضيفلنا من الي اصلا موجود عدنا!! مو حتى يسد النا احتياج وينطينا اشياء ما موجوده عدنا !!
فيا حبيبتي حاولي انه كلشي بحياتج تختاري من باب زيادة مو من باب سد حاجة ونقص 🥹
وهسه كليلي شلونها الاضافر مو تجنن؟ 🤣

شنو علاقة الاضافر بالزواج؟
ما الها علاقه طبعاً بس تعالوا اشرحلكم فكرتي

هل يا ترى راح يشكرونا اطفالنا من يكبرون؟

منو بينا ميريد يحقق اهدافه ونواياه؟
اكيد كلنا نريد نحقق كلشي نطمح اله
بس شلون؟
وحده من الخطوات المطلوبه هو تحويل امنياتنا لنوايا!
زين لحظه فاطمه شنو يعني؟؟
تعالوا خلي نوضح:
*النوايا: هي رغبه يكون دافعها حُب واكتفاء وعزه "عدم احتياج" (اني حُره ومستمتعه بالمشي واشوف نفسي اريد سياره تزيد من حريتي واستمتاعي)
واذا ما تحققت هالرغبه او النيه ڪلش عادي لانه التسليم موجود والادراك كذلك بانه خطة رب العالمين تصب بصالحي اياً كانت واني فقط محتاجه اركز ع الجانب الجيد (لا بأس السياره راح تجي بوقتها اني هسه المشي ديخدمني ويقوي عضلاتي😎)
فيعني النيه هي تخليني بطاقة تسليم اعيش من خلالها بحالة قبول للحاضر واللحظه الحاليه و اطمح للاحسن من خزان مكتفي بالله ومملوء.
*اما الامنيات: هي عباره عن رغبات يكون دافعها احتياج و استمداد قيمة من الخارج!
(اريد سياره لانه الناس من تشوفني عندي سياره يكومون يحسبولي الف حساب!)
واذا ما تحققت هالرغبه يدخل الانسان بحالة غضب وغل ومشاعر غير خادمة (طبعا ميصير عندي سياره اني بس عبير الموخوش ادميه يصير عدها هو الله ينطي الجوز للما عنده سنون) فغالباً مخلين الشيطان هو ولينا 🙊 .
لذلك لمن اريد احقق هدف خلي اشوف نفسي اني ليش اريده؟ شنو الدافع مالتي؟
هلو هو نيه؟ ام امنية؟
وطبعاً شرحت هالشي بالتفصيل وشلون نحول امنياتنا الى نوايا بكورس "كوني" وحالياً علي عرض الاشتراك المبكر يومين وينتهي
وكل تفاصيله بهايلايت كوني فليفوتكم ❤️
هسه كتبولي بالتعليقات انتوا غالبكم تنون لو تتمنون؟ 🙊🙊

منگدر ننكر انه احنا الاناث نشئنه بداخل بيئه ومجتمع عنده ڪلش هوايه معايير لازم نلبيها حتى ندخل ضمن دائرة القبول!
اي مره تملكين او تسوين شي ميوافق هاي المعايير اول شي يقدموا الج ع طبق من ذهب هو شعور العار! "طمي نفسج احسن" شكد سهل تنگال 🤦🏻‍♀️!!
تشبعنا بهذا الشعور بمرحلة ڪلش مبكره من حياتنا لدرجة اكتفينا وصرنا نصدره لنفسنا وللاخرين يعني مو بس نستقبل منا!
و اكثر شي يضرب الاستحقاق والتسخير هو مشاعر العار (والخوف كذلك)
وخليني اوضحلج شنو هي مشاعر العار وشنو فرقها عن مشاعر الذنب او التأنيب لان بالعاده يصير اكو خلط بينهن.
*التأنيب او الذنب: اني سويت تصرف سيء
*العار او الخزي: اني اصلا شخص سيء!
طمي نفسج احسن معناها انتي سيئه! ما مقبوله! فتشربتي بهذا الشعور وصرتي فعلاً تحسي 🥹 ولانه خزان الشعور موجود عندج بالاساس
فللاسف كل الي راح يظهر بحياتج راح يكدر يملي الج (زوجج،خطيبج،مديرج،صديقاتج،الخ)!
والحل انج تتخلصين من هذا الخزان او ع الاقل تحكمين غلقه حتى محد يكدر يتلاعب بي بمساحتج.
شلون؟ برحلة حُب الذات والتشافي🥹🥹
بلشي تعرفي ع نفسج من جديد! حرريها وشافيها من كل الجروح الي بيها!
اخذي استشارات اسمعي بودكسات اشتركي كورسات اقري كتب المهم لتبقين بنفس الوعي الي انتي بي هسه!
وحالياً اني مسويتلج كورس "كوني" شرحتلج بعض التفاصيل الي جداً تخدمج بخصوص العار واكو بي مواضيع ثانيه رائعه ف شوفي بهايلايت كوني . خاصه انه هو علي عرض التسجيل المبكر خمس ايام وينسد🥹.

بهاي السلسلة
https://youtu.be/Vms7Qa-0hwc?si=idpw2KbU3x3EFFmg

الطفل كائن يولد بفطرة يريد يكون محور الكون
يحس بوجوده من خلال الاهتمام والحُب والرعايه
اذا فقدهن! يعني فقد ذاته!
ومره قريت عباره خليت جسمي يقشعر
"اذا ما اهتميت بطفلك مراح يبطل يحبك،راح يبطل يحب ذاته" 🥹
لذلك وحده من الاشياء الي الطفل يسويها غالب الوقت هو لفت الانظار للحصول ع الانتباه الي من خلاله يكدر يحصل ع الاهتمام! ولأنه هو طفل صغير لهسه المنطق ما كامل عنده! غالباً راح يختار يجذب الانظار بالتصرفات السيئة للاسف 🥹 (يضرب،يأذي،يغلط،الخ).

فيا حبيبتي أول خطوه انتي محتاجه تسويها كأم قبل متقومين سلوك الطفل هو اهتمامج بي!
اي وقت يسوي تصرفات سيئه اسألي نفسج
شكد دا اوصله اهتمام وحُب رعايه هالفتره؟ هل هي كافيه؟ هل هي بالطريقه المناسبه اله؟
واذا تردين تفاصيل اكثر عن لغات الحُب اني مسويتلج كورس مصغر مجاني ع اليوتيوب بس راسليني ع الخاص وادزلجيا.
هسه كتبيلي بالتعليقات من شنو دتعانين ويا طفلج هالفترة؟