𝑭𝑨𝑫𝑭𝑨𝑫𝑨𝑨 𓂆 ..🥀

@fadfadaa_h

بقول الي يجي ع بالي .. وبتعامل بمودي الحالي..🖤🥀
شخص ترميله عيوبك فيقولك ياجميل...🫂🖤

𝑭𝑨𝑫𝑭𝑨𝑫𝑨𝑨 🥀 (Arabic)

تعريف بقناة '𝑭𝑨𝑫𝑭𝑨𝑫𝑨𝑨 🥀':nnقناة 𝑭𝑨𝑫𝑭𝑨𝑫𝑨𝑨 🥀 هي قناة تليجرام تهدف لنشر الإيجابية والتفاؤل بالحياة. بتعاملها بموده الحالي، تحاول القناة إلهام متابعيها وتشجيعهم على النظر إلى الجوانب الإيجابية في الحياة. شعارها 'بقول الي يجي ع بالي .. وبتعامل بمودي الحالي.. 🖤🥀 شخص ترميله عيوبك فيقولك ياجميل... 🫂🖤'.

من هو المستهدف؟nnقناة 𝑭𝑨𝑫𝑭𝑨𝑫𝑨𝑨 🥀 تستهدف الأشخاص الذين يبحثون عن الإلهام والتفاؤل في حياتهم اليومية. سواء كنت تبحث عن جرعة يومية من الإيجابية أو مجرد تشجيع لتحقيق أهدافك، فإن هذه القناة ستكون لك.

ما هي المحتوى؟nnيتضمن المحتوى الذي تقدمه قناة 𝑭𝑨𝑫𝑭𝑨𝑫𝑨𝑨 🥀 اقتباسات ملهمة، نصائح للتفكير الإيجابي، ومقالات تحفيزية. بالإضافة إلى ذلك، قد تجد أيضًا مشاركات تشجيعية وجميلة تذكرك بقيم الحب والتفاهم.

إذا كنت تبحث عن قناة تليجرام تضيء يومك وتحفزك على تحقيق أحلامك، فإن قناة 𝑭𝑨𝑫𝑭𝑨𝑫𝑨𝑨 🥀 هي الخيار المثالي لك. انضم إلينا اليوم لتبدأ رحلة التفاؤل والإيجابية معنا! 🖤🥀

𝑭𝑨𝑫𝑭𝑨𝑫𝑨𝑨 𓂆 ..🥀

29 Jan, 00:50

بنوزع لينكات جيفتات بريميوم هنا لاول 10 تم 🏃‍♀ .

𝑭𝑨𝑫𝑭𝑨𝑫𝑨𝑨 𓂆 ..🥀

28 Jan, 18:44

مينفعش تجبر حد انك تبقا اولويه عنده زي ماهو اولويه عندك .. مينفعش تجبر حد يختارك .. اصل هتعمل ايه مع حد عنده حريه الاختيار ومع ذلك مختاركش؟؟!

𝑭𝑨𝑫𝑭𝑨𝑫𝑨𝑨 𓂆 ..🥀

27 Jan, 10:33

اغلب مشاكلك النفسيه .. بتكمن في ان الشخص الي دايقك ماقومتش عجنته في ساعتها ..

𝑭𝑨𝑫𝑭𝑨𝑫𝑨𝑨 𓂆 ..🥀

26 Jan, 21:45

ياريت متقولش فلان استحاله يعمل كده .. علشان فلان ده بالذات هيحققلك كل المستحيلات ..

𝑭𝑨𝑫𝑭𝑨𝑫𝑨𝑨 𓂆 ..🥀

25 Jan, 19:28

انت مواليد شهر كام يا جميل 🙊♥️ ؟

𝑭𝑨𝑫𝑭𝑨𝑫𝑨𝑨 𓂆 ..🥀

25 Jan, 13:27

اوقات بتلاقي نفسك بتعمل حاجات غريبه مش شبهك ولا بتاعتك .. بتخبط يعني بمعني اصح .. وتايه .. ومش عارف محتاج ايه .. ولا فاهم بتعمل ايه..

𝑭𝑨𝑫𝑭𝑨𝑫𝑨𝑨 𓂆 ..🥀

24 Jan, 20:47

الاكتئاب في البيت ده حاجه خرا اوي ..
يعني تبقا حزين ومعندكش طاقه تواجه العالم النهارده..ومش عارف هل هزمك الخوف ام اخافتك الهزائم .. بس واقف تغسل المواعين عادي ..

𝑭𝑨𝑫𝑭𝑨𝑫𝑨𝑨 𓂆 ..🥀

23 Jan, 22:07

بحاول اهندل .. بس الوضع مأندل ..

𝑭𝑨𝑫𝑭𝑨𝑫𝑨𝑨 𓂆 ..🥀

21 Jan, 19:44

اتعالجو ياجماعه والله العلاج النفسي مش عيب .. ماتسيبوش نفسكم كده بجد..

𝑭𝑨𝑫𝑭𝑨𝑫𝑨𝑨 𓂆 ..🥀

20 Jan, 21:28

كلمتين مني اسمعهم مش هتخسر حاجه هم خلاصة الدنيا دي .. وانت في ابتدائي بتكون شايف اصعب حاجه في حياتك والي خانقك ومخليك مش عارف تنام هي المواد بتاعتك وامتحاناتها وخلاص شايفها اخر الدنيا .. تطلع مرحله كمان وهي الاعدادي تكتشف ان الاعدادي اصعب ويجيلك ضيق تنفس وياريت ارجع ابتدائي تاني وياعيني بتتخنق وامتحانات اصعب واكبر من الابتدائي وتعدي .. تطلع لمرحله الثانوي تكتشف نفس الموضوع .. تطلع للكليه نفس الحوار انك شايفها اصعب مرحله قابلتك من المراحل الي فاتت وهكذا .. المشكله هنا انك مكمل وده مش علشان انت شاب مخلص جامد فحت بقا لا دي حكمه ربنا وهو اصلا الي مخليك تكمل .. بعيدا بقا عن حتة زي دي وهتخلينا نخرج عن سياق الكلام .. وهي الزيتونه بتاعت الكلام ده كله .. ازبل واسوأ وفي نفس الوقت احسن فتره هتقابلك وهي الفتره بتاعت مدرسه الحياه .. وهي انك بقا خلصت بقا فتراتك التعليميه كلها ... ابتدائي واعدادي وثانوي وكليه .. وهوب دخلت في الدنيا بقا بمعني لبست في الواقع.. شوفت الناس الكويسه والناس الي مش كويسه .. اتعاملت مع اللئيم ومع الكذاب ومع بتاع الحوارات ومع الملاوع ومع الي بوشين ومع الي مبيقبلش يغلط نفسه حتي لو هيخترع حاجه جديده تثبت انه صح بس المهم انه ميكونش او ميطلعش نفسه غلط.. وزي مبتعرف الوحش بتعرف الحلو بمعني عرفت ناس كويسه الناس الامينه والحقانيه والي مبتقبلش بالظلم والي بتحاول تمشي بحق الله .. علشان كده قولتلك تعتبر اسوا واحسن فتره لانك بتشوف فيها الحلو والوحش وبتتعلم .. ونا بسميه تطبيق للعلم الي انت اتعلمته .. بتاخده نظري في المدارس وتيجي تطبقه في الحياه وجنبه بقا السلطات بتاعته انواع الناس والاماكن والشخصيات والحالات وكل حاجه .. فانت متشوفش المدارس والكليات انيل حاجه.. لا ده الحياه شايله حاجات كتير ودي الحاجه الي يبقا عندك حق وقتها تبقا شايفها تقيله فعلا .. وبعيدا بردو عن ان كل فتره وليها مشاكلها ووقتها بتبقا حاسس انها نهاية الدنيا فعلا وقتها بتبقا شايف كده .. بس استوعب وافهم ان الي جاي بعد ده كله دمار يامعلم .. وزي ماحنا عارفين في الاخر ان الدنيا فانيه ..

𝑭𝑨𝑫𝑭𝑨𝑫𝑨𝑨 𓂆 ..🥀

19 Jan, 16:57

انت مواليد شهر كام يا جميل 🙊♥️ ؟

𝑭𝑨𝑫𝑭𝑨𝑫𝑨𝑨 𓂆 ..🥀

19 Jan, 10:22

بخخخخ قفشتكككك يالي نفسك تغير نغمةة موبايلك ومش لاقي الاغاني الجامدة الي تحطها يلا خش بسرعةة جبتلك قناة فيها كل اغاني الدنيا متجمعةة كده تقدر تنزل براحتك وتحط نغمات وهنخربها يجامدييين الحقوو القناه بسرعةة قبل الحذف🎧❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️.ا

𝑭𝑨𝑫𝑭𝑨𝑫𝑨𝑨 𓂆 ..🥀

19 Jan, 09:26

بنوزع لينكات جيفتات بريميوم هنا لاول 10 تم 🏃‍♀ .

𝑭𝑨𝑫𝑭𝑨𝑫𝑨𝑨 𓂆 ..🥀

18 Jan, 01:27

جروب دردشه عام 🙊🔥

𝑭𝑨𝑫𝑭𝑨𝑫𝑨𝑨 𓂆 ..🥀

16 Jan, 21:42

في مواقف العتاب فيها قلة قيمه .. بمعني ايه..
انه مينفعش اجي اعاتبك ع انك لما عرفت اني زعلانه منك مجيتش تجبر بخاطري .. مينفعش اعاتبك ع عشمي الزياده فيك الي مكنش في محله.. واصله ؟!

𝑭𝑨𝑫𝑭𝑨𝑫𝑨𝑨 𓂆 ..🥀

15 Jan, 20:56

الزمن علمني طول ماالواحد مغلطش في حد .. يبقا الي اتلوي لوحده يتعدل بردو لوحده ..

𝑭𝑨𝑫𝑭𝑨𝑫𝑨𝑨 𓂆 ..🥀

13 Jan, 17:33

نا لاحظت انه بيتم اساءه فهمي باستمرار لدرجه اني لما بكلم حد فاهمني بحس ان تم انقاذي من الغرق .. الي هو بجد انت فاهمني؟! .. فاهم دماغي بجد ؟! .. شكرا والله ... بس الحمدلله بيرجع تاني يفهمني غلط .. فمبقتش فارقه بقا

𝑭𝑨𝑫𝑭𝑨𝑫𝑨𝑨 𓂆 ..🥀

09 Jan, 22:15

برجع من الشغل مش عاوزه صداع .. وعاوزه اقعد ساكته متكلمش ولقمه حلوه..
نا بقيت رجاله ..

𝑭𝑨𝑫𝑭𝑨𝑫𝑨𝑨 𓂆 ..🥀

08 Jan, 09:21

تعالي اقولك ازاي تبوظ علاقتك مهما كانت قويه .. بص ياسيدي ..اي حاجه تزعلك شيلها في قلبك .. وماتبينش .. ولو يعني غصب عنك بان ع وشك او الي قدامك سألك مالك .. طبعا عارف هتقول ايه .. كلمتين مالهمش تالت " مافيش وماليش" .. وامشي بقا ع الوصفه دي اسبوع كده .. بعدها هتلاقي نفسك بتنفجر في الي قدامك ع موقف قد كده .. ولو حصل يعني واتكلمتو .. فماتقلقش مش هتعرفو تتكلمو .. ده اسبوع زعل ! .. هتتكلمو في ايه ولا في ايه .. المواضيع هتكبر وتزعلو انتم الاتنين اكتر...

بيوت كتير بتتهد بسبب التراكمات والبعد وقله الكلام ..اسبوع بقا قاعد بتعمل سناريوهات وظنون كتير بتنط في دماغك .. ولما تتشحن بتبتدي تحاسب الي قدامك ع ظنك .. فهي تشوفك ظالم ..وانت تشوفها طبعا مقصره.. وكل ده علشان متكلمناش في وقتها .. وع الاقل يعني مقولناش ان احنا محتاجين نرتب وقت علشان نقعد نتكلم ..
سهلو الحياه ع بعض .. وصفو النفوس اول باول..

𝑭𝑨𝑫𝑭𝑨𝑫𝑨𝑨 𓂆 ..🥀

06 Jan, 22:44

بقيت احس ان يومي بقا عباره عن صداع وبس ...

𝑭𝑨𝑫𝑭𝑨𝑫𝑨𝑨 𓂆 ..🥀

06 Jan, 07:10

يارب هون🤲..

𝑭𝑨𝑫𝑭𝑨𝑫𝑨𝑨 𓂆 ..🥀

05 Jan, 19:56

نا عارفه انك بتعافر وتعبان علشان توصل .. اقعد استريح انت ماشي غلط اصلا ..

𝑭𝑨𝑫𝑭𝑨𝑫𝑨𝑨 𓂆 ..🥀

04 Jan, 23:07

عمرها ماجت معايا بالساهل .. ولا جت بالحظ .. ولا جت اصلا ..

𝑭𝑨𝑫𝑭𝑨𝑫𝑨𝑨 𓂆 ..🥀

03 Jan, 23:08

...

𝑭𝑨𝑫𝑭𝑨𝑫𝑨𝑨 𓂆 ..🥀

02 Jan, 22:14

ونا بسلف نفسي فلوس من الفلوس الي محوشاها..

𝑭𝑨𝑫𝑭𝑨𝑫𝑨𝑨 𓂆 ..🥀

01 Jan, 18:35

حبيت افكركم ياحلوين ان النهارده المفروض كان اول رجب والمفروض بكره اول خميس في رجب .. وكالعاده بصوم اثنين وخميس والـ3 ايام القمريه من شهر رجب وشعبان ورمضان وربنا يديمها عليا عاده ويثبتني يارب .. فحبيت افكركم والي حابب يصوم يعني وكده .. وربنا يتقبل منا ومنكم ياحلوين ..✨🫶

𝑭𝑨𝑫𝑭𝑨𝑫𝑨𝑨 𓂆 ..🥀

31 Dec, 19:05

دي ليلة راس السنة مش ليلة القدر ..
خفوا رسايل سامحني و سامحيني ..
منكم لله كلكم..

𝑭𝑨𝑫𝑭𝑨𝑫𝑨𝑨 𓂆 ..🥀

30 Dec, 19:29

الحقيقه الي محدش يقدر ينكرها هي ان الندم عموما سئ ..
بس ايه اخف ؟!
ياريتني اتكلمت؟! .. ولا ياريتني مااتكلمت ؟!!

𝑭𝑨𝑫𝑭𝑨𝑫𝑨𝑨 𓂆 ..🥀

29 Dec, 17:29

اعتقد محدش فينا كبير ع انه يطلب مساعده او حتي يطلب من حد يكون جنبه ويدعمه حتي ولو بكلمه .. المهم وقت مبتوصل للشعور ده الي هو احتياجك لحد يكون جنبك .. يشاء السميع العليم ان الي تحتاجلهم دول بينك وبينهم مشاكل .. في منهم الي هتلاقيه فاكر الزعل الي بينكم ووقت متروح تطلب منه يقف جنبك ويساعدك هتلاقيه بيقولك لا وامشي وسيبني في حالي وابعد عني وهكذا .. وفي الي هتلاقيه قام راكن كل القرف الي بينكم ع جنب واخدك احتواك وهداك وفهمك وسمعك كويس .. وبعدين دور معاك ع حلول .. او حتي لو مش هيدور ع حلول .. كونه هداك وسمعك دي تكفي ... بس طبعا نرجع ونقول متحتاجش لحد اصلا من الاول ومتتحوجش للاشكال الي احنا عايشين معاها دي ..كلهم اشكال مايعلم بيها الا ربنا .. وادعي ربنا هو الي هيسندك ..

𝑭𝑨𝑫𝑭𝑨𝑫𝑨𝑨 𓂆 ..🥀

28 Dec, 21:33

لحظات بتعدي عليك وبتسال نفسك فيها سؤال مالهوش اجابه ... وهو نا عملت ايه في حياتي علشان حاجه بحبها تروح مني او حاجه قدمتلها كل خير وحاولت فيها باقصي جهودي ومنفعتش او نتيجتها مكانتش زي ماكنت مرتبلها .. سؤال بيجي في لحظات غريبه وندور ع إجابته مش لاقينها .. والاجابه الوحيده الي بنقولها لنفسنا ان اكيد ربنا عارف الصالح لينا فين .. وهي دي فعلا الاجابه الصح .. بس محتاجين نبطل توهان ودوخه .. ونهدي ع نفسنا ونبطل جلد فيها .. نقدر نعمل كده بمزاجنا والله .. بس احنا الي طاقتنا مشطبه وبتشحر..

𝑭𝑨𝑫𝑭𝑨𝑫𝑨𝑨 𓂆 ..🥀

28 Dec, 21:25

ذكريات كذابه .. وحاضر غريب .. ومستقبل مُبهم ..

𝑭𝑨𝑫𝑭𝑨𝑫𝑨𝑨 𓂆 ..🥀

26 Dec, 21:22

من ترك شيئاً لله..عوضه الله خيراً منه..

𝑭𝑨𝑫𝑭𝑨𝑫𝑨𝑨 𓂆 ..🥀

25 Dec, 21:44

بكاء اليوم لا تؤجله الي الغد حتي لا تبكي ع شاي بدون نعناع ..

𝑭𝑨𝑫𝑭𝑨𝑫𝑨𝑨 𓂆 ..🥀

24 Dec, 21:27

لو افترضنا انك عايش حاله كلها ألم ووجع و overthinking وما الي ذلك من كل الحاجات دي .. وجيت قولت لنفسك يلا نحاول بأي طريقه نطلع نفسنا من العك ده .. وفعلا بدات تحاول بشتى الطرق تطلع نفسك من ده .. بس الحقيقه الي هتصدمك ان كل محاولاتك دي ع الفاضي ... فسسسسسسسسسستك يعني ... مش قصدي احبطك والله بس هي دي الحقيقه ..
طول مانت عايش حاله خليك عايشها .. متحاولش تتظاهر او تعيش نفسك في حاله تانيه انت مش عاوزها او مش هتعيشها صح ... لانك بتحمل نفسك حاجه جديده تعملها فبالتالي بتبذل مجهود وطاقه انت اصلا محتاجهم فهتلاقي ده كله ع الفاضي وبتخسر اكتر .. فـ خد وقتك في الحاله الي انت فيها دي لحد ماتطلع منها ..او متطلعش .. انت وطاقتك بقا .. يااما الكميه الي عندك تطلعك يااما لا .. اصله مش بمزاج صاحبك الي عمال يقولك فك بقا .. طب تعالي نخرج .. طب تعالي نصطبح .. ايا كان عرضه عليك يعني ... فـ مشي بطاقتك مش بمزاج اهل اي حد تاني ..

𝑭𝑨𝑫𝑭𝑨𝑫𝑨𝑨 𓂆 ..🥀

22 Dec, 21:41

يارب حطني في المكان الصح اللي الاقي فيه راحتي .. متخلينيش اتخبط في جهات متناسبنيش .. وخد بايدي من بين كل البعثره والتشتت ده للطمأنينه اللي محتجاها يارب ...

𝑭𝑨𝑫𝑭𝑨𝑫𝑨𝑨 𓂆 ..🥀

21 Dec, 20:05

- نا زعلان منك
= اولع
- اتكلمي باسلوب احسن من كده
= بعد اذنك اولع

𝑭𝑨𝑫𝑭𝑨𝑫𝑨𝑨 𓂆 ..🥀

20 Dec, 22:30

في انتظار يوم الجمعه من النهارده....

𝑭𝑨𝑫𝑭𝑨𝑫𝑨𝑨 𓂆 ..🥀

20 Dec, 17:08

تعالو نسجل بعض واتساب 👇🏼❤.

𝑭𝑨𝑫𝑭𝑨𝑫𝑨𝑨 𓂆 ..🥀

17 Dec, 21:59

..❤️‍🩹

𝑭𝑨𝑫𝑭𝑨𝑫𝑨𝑨 𓂆 ..🥀

17 Dec, 20:44

عدو الانسان توقعاته ..

𝑭𝑨𝑫𝑭𝑨𝑫𝑨𝑨 𓂆 ..🥀

16 Dec, 22:15

غريبه اوي الشخصيات الي بيفرق معاها الظاهر بس .. هو اه اكيد انت مش هتشم ع ظهر ايدك وتفهم انك فارق مع الي قدامك من غير ميظهرلك .. بس صدقوني ياجدعان بتبان والله .. يعني خلاص احنا مش بهايم اوي كده لما مش هنفهم غير من الظاهر بس يعني .. الظاهر ده خلوه للغريب .. لكن اكيد هتتفهم من حاجات تانيه غير الظاهر .. عقول عجيبه .. ربنا يهدينا يارب ..

𝑭𝑨𝑫𝑭𝑨𝑫𝑨𝑨 𓂆 ..🥀

16 Dec, 20:40

مفيش وقت اقعد مع نفسي فيه ... وبعدين لالااا العلاقات مش مهمه نهائي ..

𝑭𝑨𝑫𝑭𝑨𝑫𝑨𝑨 𓂆 ..🥀

16 Dec, 19:04

والله ومن غير حلفان كمان مبقاش ليا طاقه ولا نفس اعمل اي حاجه .. واديكـ/ـي بتقولـ/ـي لسه صغيره .. صغيره وعامله كده امال لما اكبر... حقيقي اقسم بالله الواحد علشان يعرف يعيش في الوقت الي احنا عايشينه ده مينفعش يفكر غير في نفسه وبس ولو حد قربله يدوس عليه بمعني الكلمه مش يركنه ويشيله من طريقه لا يدوس عليه يفعصه .. يلا الحمدلله

𝑭𝑨𝑫𝑭𝑨𝑫𝑨𝑨 𓂆 ..🥀

15 Dec, 20:56

I'm not good enough for anything..💔

𝑭𝑨𝑫𝑭𝑨𝑫𝑨𝑨 𓂆 ..🥀

15 Dec, 19:24

ثمن النُضج مدفوع من قلبك ..

𝑭𝑨𝑫𝑭𝑨𝑫𝑨𝑨 𓂆 ..🥀

15 Dec, 12:59

بلاها شغل النهارده .. نهدي شويه..

𝑭𝑨𝑫𝑭𝑨𝑫𝑨𝑨 𓂆 ..🥀

13 Dec, 21:54

باظت .. وبايظه .. وبتبوظ .. وهتبوظ ..

𝑭𝑨𝑫𝑭𝑨𝑫𝑨𝑨 𓂆 ..🥀

13 Dec, 21:53

اتدمرت .. ومتدمره .. وبتدمر ..وهتدمر..

𝑭𝑨𝑫𝑭𝑨𝑫𝑨𝑨 𓂆 ..🥀

13 Dec, 21:44

اكتشفت مؤخرا .. او ممكن نقول ادركت ان قرب اي حد مني غلط .. واني شخص لا يصلح لأي علاقات سواء صداقه..علاقات بين الاهل..حب..ارتباط ايا كان مسمايات العلاقات ايه كلها متنفهش معايا ومتنفعنيش ..
نا شخص اتخلق علشان يكون لواحده ومع نفسه وفي حياته يصلحها.. يبوظها ..يحرقها يولع فيها يعمل فيها الي هو عاوزه لواحده .. انشالله حتي تقف متكملش .. انشالله حتي يعيش بيتنفس بس .. بس اهم حاجه يكون لوحده..

𝑭𝑨𝑫𝑭𝑨𝑫𝑨𝑨 𓂆 ..🥀

13 Dec, 11:55

❤️‍🩹🫶..

𝑭𝑨𝑫𝑭𝑨𝑫𝑨𝑨 𓂆 ..🥀

10 Dec, 22:06

بصي اولا مش شرط لما تصلي الاستخاره حاجه تظهرلك ع طول .. لا انتي بتصليها عادي واكتر من مره كمان ومبتستنيش حاجه تظهرلك .. انتي بتمشي في الموضوع وتشوفي مرتاحه والدنيا تمام تكملي .. مش تمام تخلعي ..
المهم مدام هي عكت معاكي اوي كده يبقا متبطليش فرك .. روحي لحد كبير باباكي بيسمعله .. حد من اعمامك او اخوالك او جدك او اي حد دخليه في الموضوع وكبريه واشتكي لناس بره البيت خلي الموضوع يكبر فهماني.. اصل معلش يعني ايه تاني خطوبه ليكي وخايفه من باباكي والكلام ده .. يعني هو نتي خايفه تبقي فاسخه خطوبتك ومش خايفه تتجوزي وبعدين تبقي مطلقه!! بالعقل كده يعني شايفه ايه؟!
وبعدين انتي مع واحد ناقص لما تتفقي معاه انكم تنهو الموضوع ويلف من وراكي يكلم مامتك ويفتن عليكي سوري يعني دي حركه و*ـخه وناقصه ومتطلعش من راجل ..ركزي يابنتي وشوفي الصح واعمليه واتعبي فيه حتي لو هتنضربي الف مره.. بس متعمليش حاجه غصب عنك .. انتي الي هتعيشي ياحبيبتي..ونا هدعيلك والله بان ربنا يجعل نصيبك مليان بالخير ليكي وبس وربنا يصبرك ويقويكي ..

𝑭𝑨𝑫𝑭𝑨𝑫𝑨𝑨 𓂆 ..🥀

01 Dec, 14:52

محتاج مجلد مضمون بزياده قويه 🌷؟
زياده من 200:250 واكثر في كل مره تنزل قناتك 🌷؟
والدعم 4 مرات في الاسبوع 🌷؟
اشترك في مُجلد ليندا الرابع بسرعهه قبل ما يكتمل 😂❤️✅.
نقبل القنوات المتفاعله فقط ✅.
للاشتراك : @Folder_Linda
لو محظور : @tawasollinda_bot

𝑭𝑨𝑫𝑭𝑨𝑫𝑨𝑨 𓂆 ..🥀

30 Nov, 21:15

نظريه انك تضغط ع حد علشان تطلع احسن ماعنده دي في معجون الاسنان مش في البني ادمين ..

𝑭𝑨𝑫𝑭𝑨𝑫𝑨𝑨 𓂆 ..🥀

28 Nov, 17:21

❤️‍🩹❤️‍🩹🫶

𝑭𝑨𝑫𝑭𝑨𝑫𝑨𝑨 𓂆 ..🥀

28 Nov, 12:34

محتاج مجلد مضمون بزياده قويه 🌷؟
زياده من 200:250 واكثر في كل مره تنزل قناتك 🌷؟
والدعم 4 مرات في الاسبوع 🌷؟
اشترك في مُجلد ليندا الرابع بسرعهه قبل ما يكتمل 😂❤️✅.
نقبل القنوات المتفاعله فقط ✅.
للاشتراك : @Folder_Linda
لو محظور : @tawasollinda_bot

𝑭𝑨𝑫𝑭𝑨𝑫𝑨𝑨 𓂆 ..🥀

27 Nov, 15:57

عـندك وتس اب 🥺؟

◯ ايي

◯ لا

𝑭𝑨𝑫𝑭𝑨𝑫𝑨𝑨 𓂆 ..🥀

27 Nov, 00:05

نا بقول دايما ان الذكي او الذكيه .. الي ميوصلش للي قدامه انه بيخسر حاجه بسبب حاجه .. بمعني ان نا ماكونش مأمنه ع حبك ليا مهما تقولي كلام حلو مهما تعملي بس مأمنش بردو .. الانسان ميأمنش ..
انت مش ضامن نفسك فما بالك الي قدامك .. متضمنش الي قدامك هيصبر طول عمره ولا لا ... متضمنش ان الي قدامك هيفضل يحبك طول عمره .. متضمنش ان الي قدامك هيرضي يضحي علشانك طول العمر .. متضمنش ان الي اخدته وبقا معاك وهو قابل بحاجه هيفضل قابل بيها طول عمره .. يامقلب القلوب ثبت قلبي ع دينك.. بين غمضه عين ربنا بيبدل حالنا من حال لحال ..
فلما نا امنلٰك او امنلٖك فنا بالتالي مش باخد الي بتقوله ع محمل الجد والاهتمام .. برغم اني ممكن اكون في أعماقي لو جات لحظه الخساره نا مش هكون قادره اخسرك ... علشان كده مينفعش نأمن او نضمن حاجه من حد ..

𝑭𝑨𝑫𝑭𝑨𝑫𝑨𝑨 𓂆 ..🥀

26 Nov, 23:40

اه وربنا ..

𝑭𝑨𝑫𝑭𝑨𝑫𝑨𝑨 𓂆 ..🥀

23 Nov, 01:17

يارب..

𝑭𝑨𝑫𝑭𝑨𝑫𝑨𝑨 𓂆 ..🥀

22 Nov, 19:12

اللهُمَّ إنك لا تحمّل نفسًا فوق طاقتها فلا تحمّلني من كَرب الحياة ما لا طاقة لي به ، وباعد بيني وبين مصائب الدنيا كما باعدت بين المشرق والمغرب يا رب..

𝑭𝑨𝑫𝑭𝑨𝑫𝑨𝑨 𓂆 ..🥀

22 Nov, 00:59

هنفضل ننام ونقلق من نومنا كده لحد امتي ..

𝑭𝑨𝑫𝑭𝑨𝑫𝑨𝑨 𓂆 ..🥀

21 Nov, 21:20

يارب هونها وخليك معايا نا بحاول ..

𝑭𝑨𝑫𝑭𝑨𝑫𝑨𝑨 𓂆 ..🥀

21 Nov, 18:43

الكل بيبص للتجارب ع انها بتعلم وبس .. لكن ماحدش بيشوف الضريبه اللي بندفعها من روحنا ومشاعرنا وصحتنا ..
اه التجارب بتعلم لكن كمان بتوجع .. بتتعب
. بتكسر .. بتحولنا لشخصيات تانيه .. فاقدين برائتنا وعفويتنا ..
فقبل ماتقول التجارب بتعلم خليك عارف كويس انت عيشت ايه .. وعانيت ازاي قبل ماتتعلم ..

𝑭𝑨𝑫𝑭𝑨𝑫𝑨𝑨 𓂆 ..🥀

20 Nov, 20:33

مش قادره اتجاوز فكرة اني مابقتش اعرف اطلع احسن ماعندي زي قبل كده .. ودايما بقيت شايفه الي بقدمه قليل في اي حاجه عموما سواء كانت دراسه .. او علاقات .. او تاسك لنفسي او لحد ..
النسخه القديمه الي كانت شطوره جدا و مُرضيه الي حد ما .. مش عارفه اتعامل مع حياتي دلوقتي زيها ..

𝑭𝑨𝑫𝑭𝑨𝑫𝑨𝑨 𓂆 ..🥀

18 Nov, 17:11

ممكن ميجيلكش الي انت عاوزه بس هيجيلك الي انت تستحقه .. ممكن متوصلش لما تتعب بس هتوصل لما تكون جاهز .. ربنا مش هيبعتلك الي بتتمناه بس هيبعتلك اللي محتاجه ..
احنا بنعمل الي علينا بس ربنا عالم امتي وازاي وفين يعوضنا ..❤️‍🩹

𝑭𝑨𝑫𝑭𝑨𝑫𝑨𝑨 𓂆 ..🥀

17 Nov, 17:40

المشكله مابتبقاش في الخلاف .. المصيبه بتبقا في الغل المستخبي ..

𝑭𝑨𝑫𝑭𝑨𝑫𝑨𝑨 𓂆 ..🥀

17 Nov, 14:58

ايام وبنعيشها وفاكرين اننا عايشين ..

𝑭𝑨𝑫𝑭𝑨𝑫𝑨𝑨 𓂆 ..🥀

16 Nov, 13:12

انت مواليد شهر كام يا جميل 🙊♥️ ؟

𝑭𝑨𝑫𝑭𝑨𝑫𝑨𝑨 𓂆 ..🥀

15 Nov, 20:32

اتعود لما حد يثبتلك انك مش غالي عنده .. متعافرش معاه تاني ... والاحسن متستناش يثبتلك حاجه زي دي ووفر وقتك علشان ورانا حاجات كتير نعملها اهم ..

𝑭𝑨𝑫𝑭𝑨𝑫𝑨𝑨 𓂆 ..🥀

14 Nov, 20:50

هتعدي ...

" قُل اللَّهُ يُنَجِّيكُم مِّنْهَا وَمِن كُلِّ كَرْبٍ"

𝑭𝑨𝑫𝑭𝑨𝑫𝑨𝑨 𓂆 ..🥀

14 Nov, 11:11

نا لو اعرف ان نا هكبر علشان اتشحطط الشحططه دي مكونتش كبرت ..

𝑭𝑨𝑫𝑭𝑨𝑫𝑨𝑨 𓂆 ..🥀

09 Nov, 19:00

..❤️‍🩹

𝑭𝑨𝑫𝑭𝑨𝑫𝑨𝑨 𓂆 ..🥀

09 Nov, 07:40

كترت ظاهره في البلد غريبه .. لا هي مش غريبه هي قلة ادب وسفاله وجربعه وتربيه شوارع .. وهي ان بنوته تبقا ماشيه في الشارع في حالها مؤدبه ومحترمه غصب عن عين التخين ويجيلها واحد يضربها ويجري .. وبغض النظر بقا عن هو بيضربها فين .. وهي تلف تجيب امه من شعره وتهلهله ده ميبقاش عيب طبعااااا اطلااااقا .. دي تقلع الكوتشي بتاعها وتديله بيه ع دماغه كمان ... تربيه هباب وجيل مهبب ومستقبله مايعلم بيه الا ربنا ... خافو ع بنات الناس علشان هتتردلكم ياحلوين مهما كبرت ومهما قولت فكك وطنش وبتاع لا هتتردلك ووقتها ابقا خلي حرقه قلبك دي تنفعك ياساافل ..

𝑭𝑨𝑫𝑭𝑨𝑫𝑨𝑨 𓂆 ..🥀

06 Nov, 20:41

المشكله مش اني باخد قرارات غلط .. المشكله اني بفكر كويس اوي قبل مااخدها ..

𝑭𝑨𝑫𝑭𝑨𝑫𝑨𝑨 𓂆 ..🥀

04 Nov, 19:37

شبشب حمام وصقفوا بيه ع وشي لو لاقيتوني بثق في حد تاني وبقول عليه غلبان ..

𝑭𝑨𝑫𝑭𝑨𝑫𝑨𝑨 𓂆 ..🥀

02 Nov, 06:56

هنرتاح ... ممكن مش النهارده ولا بكره .. ويوم الاربع تقريبا كمان مش هينفع..

𝑭𝑨𝑫𝑭𝑨𝑫𝑨𝑨 𓂆 ..🥀

31 Oct, 21:01

الساعه 11 بقالها ساعه ..

𝑭𝑨𝑫𝑭𝑨𝑫𝑨𝑨 𓂆 ..🥀

31 Oct, 20:35

الي بيتكلمو عن متاعب المهنه .. حضرتك تعرف ان كاريري ممكن يتدمر علشان مالك عض انس من ودنه!!

𝑭𝑨𝑫𝑭𝑨𝑫𝑨𝑨 𓂆 ..🥀

31 Oct, 17:40

اكيد في مشاعر تانيه غير ان نا مش طايقه حد طول الوقت ..

𝑭𝑨𝑫𝑭𝑨𝑫𝑨𝑨 𓂆 ..🥀

29 Oct, 20:31

حبيب القلب....🌚♥️♥️♥️♥️♥️✨

𝑭𝑨𝑫𝑭𝑨𝑫𝑨𝑨 𓂆 ..🥀

29 Oct, 16:13

بيتلخص طموح الانسان اليومي في 3 حاجات .. انه ميقابلش حد يصدعه .. انه ميدخلش في حوار يصدعه .. انه ينام اخر اليوم من غير overthinking يصدعه..

𝑭𝑨𝑫𝑭𝑨𝑫𝑨𝑨 ..🥀

25 Oct, 20:22

يارب ..

𝑭𝑨𝑫𝑭𝑨𝑫𝑨𝑨 ..🥀

24 Oct, 20:46

ياااخي قطعت خلفي وربنا ..😹♥️♥️♥️♥️♥️🤭

𝑭𝑨𝑫𝑭𝑨𝑫𝑨𝑨 ..🥀

23 Oct, 19:00

بعد سنين من المقاوحه .. اقتنعت ان فعلا حتي لو بنتكلم في الصح .. فمش كل الصح بيتقال .. لان مش دايما هتكون بتكلم بني ادم عقله قادر يدرك ان ده الصح .. ولا دايما هيكون عنده شجاعه تصحيح المفاهيم والتخلي عن معتقداته الغلط .. او حتي الاعتراف بده فاهم الاعتراف حتي مش هيكون قادر يعمله!!
وانك تعرف تاخد كل واحد ع قد عقله وتكلمه بالطريقه الي يفهمها .. هو ده الصح .. في مواقف كتير بتطلب الحكمه بدل الذكاء حفاظا ع هدر الطاقه ..
بس للاسف طبعا عرفنا ده متاخر بعد ما طاقتنا شطبت وخلصت .. وكمان ولا هنتعامل بالحكمه ولا حتي بالذكاء .. والي هيجي قدامنا هنديله بالجزمه ع دماغه ودماغ الي خلفوه ..

𝑭𝑨𝑫𝑭𝑨𝑫𝑨𝑨 ..🥀

23 Oct, 18:45

حد ياخد الخطوة و يلبس شتوي يا جماعة بدل ماكلنا هنتلج من البرد كده ومكسوفين نقول ..

𝑭𝑨𝑫𝑭𝑨𝑫𝑨𝑨 ..🥀

22 Oct, 17:11

ملخص السنه دي .. ادي ع القد علشان مش بيطمر في حد ..

𝑭𝑨𝑫𝑭𝑨𝑫𝑨𝑨 ..🥀

21 Oct, 21:02

احيانا النوم بيكون هو المهرب الوحيد لكل الي انت فيه .. بس حتي المهرب ده قافل في وشك ...

𝑭𝑨𝑫𝑭𝑨𝑫𝑨𝑨 ..🥀

21 Oct, 20:31

نقطه ومفيش من اول السطر ..

𝑭𝑨𝑫𝑭𝑨𝑫𝑨𝑨 ..🥀

21 Oct, 20:24

احيانا الواحد بيكون عنده حق في انه يفضل قافل ع نفسه وميعرفش ولا يقرب لاي حاجه ولا لاي حد ويفضل في حاله ومع نفسه حتي لو هيجيله توحد ويموت لوحده ..

𝑭𝑨𝑫𝑭𝑨𝑫𝑨𝑨 ..🥀

20 Oct, 21:00

شكلها بايظه بايظه ..

𝑭𝑨𝑫𝑭𝑨𝑫𝑨𝑨 ..🥀

16 Oct, 18:43

يقضو حوائجهم بالكتمان .. ويجرو ورا حوائجنا علشان يعرفوها ..

𝑭𝑨𝑫𝑭𝑨𝑫𝑨𝑨 ..🥀

15 Oct, 20:58

في مشاعر مهما حاولت تشرحها للناس .. بيكون صعب اوي حد يفهمها او يتفهمها ..
القلق .. الانتظار .. التوهان .. اللخبطه .. والتفكير الزياده .. محدش بيشوفهم ابدا وهم بيغلو جواك .. ومحدش بيفهم ليه مزاجك متعكر او متغير ..
الكل مبيشوفش المعركه الي دايره جواك .. وبيشوفو بس اثر المشاعر دي ع وشك وانفعالاتك ..

𝑭𝑨𝑫𝑭𝑨𝑫𝑨𝑨 ..🥀

14 Oct, 18:49

وبعدين تستوعب انك استهلكت نفسك اكتر من اللازم في مسارات تمشي اليها لكنها لا تمشي اليك ...

𝑭𝑨𝑫𝑭𝑨𝑫𝑨𝑨 ..🥀

12 Oct, 19:32

المفروض : ده موهيته بلو بيري ..
الحقيقه : دوا كحه نوفاسيد ..

𝑭𝑨𝑫𝑭𝑨𝑫𝑨𝑨 ..🥀

09 Oct, 06:01

مش ناقصه بشر ع الصبح ..

𝑭𝑨𝑫𝑭𝑨𝑫𝑨𝑨 ..🥀

07 Oct, 19:00

قبل ما تشتكي من الحسد .. اعمل حاجة تتحسد عليها ...

𝑭𝑨𝑫𝑭𝑨𝑫𝑨𝑨 ..🥀

06 Oct, 17:44

لا بص عاوزاك تسيب فعلك وتمسك في رد فعلي .. قماشته احلى ..

𝑭𝑨𝑫𝑭𝑨𝑫𝑨𝑨 ..🥀

06 Oct, 17:24

صلي كل فروضك وشوف مستقبلك وابعد عن الناس ..

𝑭𝑨𝑫𝑭𝑨𝑫𝑨𝑨 ..🥀

04 Oct, 18:51

كل حاجه بترفضها دلوقتي ممكن تتقبلها في مرحله ما بعدين .. فمتبالغش في الرفض ..
وكل حاجه متقبلها دلوقتي ممكن ترفضها في مرحله ما بعدين بردو ..فمتبالغش في القبول..

𝑭𝑨𝑫𝑭𝑨𝑫𝑨𝑨 ..🥀

03 Oct, 21:17

الله لا اله الا انت سبحانك اني كنت من الظالمين..

𝑭𝑨𝑫𝑭𝑨𝑫𝑨𝑨 ..🥀

02 Oct, 16:10

ايه ولاد الهبله الي عاملين رياكت بيضحك ده ..

3,499

subscribers

496

photos

101

videos

Best Similar Channel

ᥣᥱᥲᖇꪀ ƒᖇ᥆ꪔ ᥣᎥƒᥱ🤎🦋⊁

27,261 subscribers

ميمز قشطه

17,874 subscribers

𝙗𝙖𝙝𝙜𝙖𝙖💙

16,861 subscribers

هُنا حيث الدفءٌ🤎.

14,479 subscribers

〽️eme𝚂 𝙻𝚘𝚊𝚛𝚍 🥂ميمز مصري Telegram Channel

〽️eme𝚂 𝙻𝚘𝚊𝚛𝚍 🥂ميمز مصري

12,649 subscribers

لـ زِيـَاد حِلـمي ↻.

11,428 subscribers

⤷ 𝐒𝐀𝐅𝐄 𝐂𝐎𝐑𝐍𝐄𝐑🪽🦋

11,100 subscribers

مِسْڪ 🌿

10,442 subscribers

- ليالينا زمان .

10,310 subscribers

عباد الشمس''🌻✨

10,293 subscribers

Random Similar Channel

ونَـــس العُـــمر 🌷✨|•

2,949 subscribers

3,989 subscribers

لِّيَطْمَئِنَّ قَلْبُكْ🇵🇸♥️ ↻

2,326 subscribers

𝒘𝒂𝒓𝒎 𝒗𝒊𝒃𝒆𝒔 ♡

4,287 subscribers

شاب من المسلمين يسعي لإصلاح نفسه اولا

1,881 subscribers

• 𝗣𝗶𝗻𝘁𝗲𝗿𝗲𝘀𝘁 💗🌷'

3,481 subscribers

°↺m7md |♥️

5,107 subscribers

ءَنا عملت اِيه؟!

4,889 subscribers

@abdullah_81103

يوميات إنسان عبيط

8,632 subscribers

𝑌𝑂𝑇𝑆𝐻𝐸 ֪ ࿐

1,420 subscribers

أناشيد القوم

2,051 subscribers

💥متوسطة السنابل للبنات👩🏼‍🏫📚

1,747 subscribers

ادريبك قمـمر ‌‏ ‏ᴖ̈.

9,199 subscribers

جرائم الخسيس المجرم بشار الفسد وداعميه في سوريا

17,169 subscribers

• اسماء • افتارات • صور بنات • شباب • اختصارات • زخرفة • رمزيات • اقتباسات • عبارات • انكليزية • فيديوهات • اغاني • مقاطع • بنات

2,464 subscribers

محمّد 📚.

6,431 subscribers

صفحة براون للمقارنات 🥇⌚️.

1,478 subscribers

مواليد وأفراح أهل البيت

3,656 subscribers

صور_بروفيلات_ حالات واتس اب😍❤️

4,504 subscribers

قطوف شيخنا ابن عبد الغفار

قطوف شيخنا ابن عبد الغفار

1,443 subscribers