EM Umbrella Community

كيف اعرف شغفي؟
كيف اختار هدفي؟
كيف اعرف اختار طريقي والاتجاه اللي مفروض امشي فيهو عشان احقق أهدافي واواصل للنقطة اللي اتبعتا مسارها في خارطة الهدف؟

- الجزء الاول ❤️.

بدايةً، مسألة تحديد الشغف بتتمحور في انو الإنسان بيبدا يكتشف نفسه ويكتشف ذاته ويعرف الحاجات العايز يعملها والحاجات اللي مابيحبها عشان يقدر يحدد هدفه وينجح ويطور نفسه ويكون شخص افضل، الحاجة اللي بتدي حياتك قيمة ومعنى 👌.

في كتاب "so good they can't ignore you" للكاتب : cal newport قسّم عقلياتنا في الاداء لقسمين :

1. عقلية الشغف
2.عقلية الحرفي

كتير مننا سمعو مدربين تنمية بشرية بيقولو اصنع شغفك وامشي ورا الحاجة اللي انت
بتحبها او بمعنى اصح ماحتقدر تنجز الا في حاجة انت بتحبها لانك حتبذل مجهود اكبر لانك بتحب البتعملو ودا منطقي طبعا،

لكن بتواجهنا مشاكل في الفكرة دي وهي كالتالي :
= ناس كتير ماعارفين هم اصلا شغوفين في شنو لانو معظمنا ممكن يكون مشى في مسار تقليدي بناء على رغبة الاهل او مستواه الدراسي.

=ناس كتير بيكون شغفهم وهمي في مجال مابيعرفو عنو حاجة ولا اصلا جربوهو ولا مرو بالصعوبات الفيهو. عشان كدا خت في بالك انو حبك لمجال أبداً ماسبب انك تمشي وراهو وتعتبرو شغفك وتخلي كل شي وراك وانت ماعارف النتائج الحتحصل عليها
وكلو بسبب رغبة عابرة أو اثارة لحظية ودا اهم اسباب التشتت البتخلي الزول تايه وماعارف يعمل شنو في حياته..

في دراسة عملوها على اشخاص لقياس مدى حبهم لعملهم وكانت النتائج انو اكتر ناس ماهرين في عملهم (هم اكتر ناس بيحبوهو) ممكن يجي في بالك طبعا انهم طلعو رهيبين كدا لانهم بحبو شغلهم لكن العكس تماما، الناس ديل قالو انو حبهم لشغلهم جاء بعد فترة من الزمن اثناء ممارستهم لشغلهم دا ولقى الكاتب انو في اسباب للشي دا وهي :

1- الابداع، وفسر انو طول ما العمل ممكن انفذه باكثر من شكل في مساحة الابداع وما اكون مقيد بنتايج دا بزيد حبي للعمل واقرب مثال المصممين والمبرمجين ..

2-التحكم، في الزمان والمكان وطريقة العمل والبريك الباخدو دا كلو بيأثر لانو طبيعي لو كنتا مضغوط وقرفان حكره الشغل دا وكل شي فيهو..

3-التأثير، ودا ليهو الاثر الاكبر لانو كل ماكان تاثير عملك ايجابي في الحواليك اكيد حيخليك تحبو وتبدع فيهو اكتر..

كدا عرفنا الاسباب البتخلي الناس مبسوطة في شغلها رغم انها مابتحبو او بتكره شغلها رغم انها بتحبو 💙.

هسي نجي للمهم وهو سبب نقاشنا الطويل دا، كيف اوصل لشغفي وكيف اعرف انا بحب شنو؟

قبل نبدا حقسم الناس لتلاتة اقسم وحتختار نفسك في اي قسم...

📌القسم الاول :شغال في مجال وبتحب مجال تاني
📌القسم التاني :شغال في مجال بتحبو لكن مامبسوط في وظيفتك او دراستك
📌القسم الثالث :ماعارف نفسك وين ولاهدفك شنو

اختار نفسك وين في التلاتة ديل وتابع معاي في البوست الجاي ان شاء الله، حنتكلم عن كيف اختار هدفي وحديك نصايح وانت بتختار وحديك تمرين بسيط يساعدك في انك تختار انت عايز شنو

- فكونوا بالقرب- 💕🌸..

قولو لي في الكومنتات انتو عارفين شغفكم ولا لا؟ وهل انتو مبسوطين بيهو؟
وهل هو نفس تخصصكم الجامعي ولا لا؟
حقرا كل الكومنتات ان شاء الله📎..

عذرا للاطالة، كل الحب ليكم ✨
تعديل :(رابط تحميل الكتاب)..
https://books-library.online/free-399068945-download

20 درس عميق في النجاح ماحتلاقيهم مكتوبين في الكتب 👌.

1. كل لحظة هتقضيها مع شخص عظيم حتخليك تندم على كل يوم ضيعته مع شخص تافه.
اختر رفقاء الرحلة بدقة شديدة، لانك حتكون زيهم غصب عنك💙.

2. النجاح في الحياة ما انك تشتغل 24 ساعة على حلمك..ولكن انك توازن بين الشغل والراحة..لان وقت الراحة هو أروع وقت هتنتج فيه أفكار وابداعات حتوصلك بسرعة🔕.

3. سرعة زوال المشاعر الإيجابية اكبر بمراحل من سرعة زوال المشاعر السلبية.
يعني لحظات الفرح والانتصار بتخلص بسرعة جدا. الخلاصة: لا تربط سعادتك بلحظة تحقق الحلم..لأنها لحظة سريعة جدا ولكن اربط سعادتك بكل لحظة بتعيشها حاليا✨..

4. إذا كنت أفضل واحد في شلتك ممكن تضيف عليها شلة جديدة اقوى واكتر ايجابية حتساعدو بعض وتدعمو بعض شديد❤️..

5. الأصل هو انك تكون مبسوط وسعيد ومستمتع طول يومك..كونك تعيس مكتئب حزين...يبقى انت لسة مافهمتا الحياة المفروض تتعاش كيف😁.

6. فشلك عمره ما يقدر يسجنك لأنه ماعندو أي دليل ضدك...خوفك منه هو دليله الوحيد👋!

7. الناقدين والكارهين هما ناس نفسهم يكونوا زيك بس ما عارفين .. فبدلا ما يطوروا نفسهم..بيطلعوا طاقتهم في محاربتك. اشفق عليهم وسامحهم..هي مشكلتهم ما مشكلتك.

8. كل ما هتحقق حلم...هتطمح لاضعافه...الأصل في رغباتك الإتساع والإزدياد...وده حيخليك لا تتعلق بحلم او هدف معين...ولكن تعلق بالرسالة والرحلة والنية الخالصة لله🙏.

9. انت ما محتاج تبالغ في التعبير وتقول اتغيرت 360 درجة..لان ده معناه انك لم تتغير اصلا. دايما المبالغة في أي شيء ماليها اي معنى✔️.

10. نادرا ما حتلاقي زوب عنده رغبة الحلم اللي عندك..اختر شركاء حلمك بعناية.. لو ماكان مليان قدامك شعلة من الحماس..إكس عليه ❌.

11. طالما صحيت من النوم الليلة ..انتا لسة ربنا عايزك تعمل شيء مفيد لنفسك وغيرك وآخرتك. استغل يومك صح📎.

12. اتعب اتعب...عشان توصل 👌.

13. كل ما حتكون صعب على نفسك .. الحياة حتكون سهلة عليك .. وكل ما حتكون سهل على نفسك .. الحياة حتكون صعبة عليك.🍂

14. خليك عاقل ومتزن في كل شيء في حياتك...إلا تطوير نفسك...خليك مجنون وجعان وذو شراهة مخيفة للعلم...وحتلاقي عشر أضعاف مجهودك ووقتك وفلوسك🌸.

15. ما معنى انو شخص سلك طريق ونجح فيه انك تسلك نفس الطريق عشان تنجح زيه..دور على طريقك..طريقك زي بصمة صباعك..فريد لم ولن يتكرر💭.

16. اسمع رأي الناس فيك..خد الإيجابي منه .. واعمل mute للسلبي المحبط منه. لإن الأخير هو الأغلب وخصوصا لو من أقرب المقربين منك💚.

17. عندما تتآمر كل معادلات الأرض ضدك في طريق أحلامك..تذكر أن معادلات السماء لها حسابات أخرى💌.

18. أحسن الظن بالناس في جميع الأحوال..انت أول واحد هترتاح❤️.

19. وأخيرا...أنجح وأسعد ناس في الحياة هما اللي عندهم ذاكرة سيئة تجاه أحداث ماضيهم السلبي.

بس ديل 19 صح؟ النصيحة رقم 20 قولوها لينا انتو

كسرة : ‏عوض ربنا دائماً بجي بعد التعب والحُزن ، ويبقى ليك بس شعور الفرحه والإمتنان ولذة الوصول، وعوض ربنا بكون مُبهر وجميل .🌻💜

كل الحب...

كم نصيحة مهمة أحب أنفعك بيها.

وريني ياتو وحده من النصائح هبشت الوتر الحساس بالنسبة ليك ؟

1. بطل تعمل Save للبوستات التعليمية من غير ماتنتفع بمحتواها وتشتري كتب أو تنزلها من غير ما تقرأها.. واياك تدفع في موبيل او لابتوب بدون ما تستغل امكانياتهم. المحتوى موجود ومتاح لكن الذكاء والكفاءة إنك تستفيد وتتعلم بدون تسويف من كل المتاح .. ارجوك استغل المتاح لو صادق مع نفسك.

2. أهم ما تمتلكه هو وقتك .. فاستفد بوقتك في يومك.. إياك تقع ضحية للماجريات والتعليق والرد والجدال لتقنع أحدهم.. وقتك وعمرك حرفياً بيتسرق في أخبار كورة وخصومات سياسية، وترندات رخيصة في منتهى التفاهة.. استثمر وقتك في تعليمك وفهم مواد تخصصك، وحصالتك في تعلم انجليزي صح قراءة وكتابة وسماعا ومحادثة وياريت لغة Python كلغة برمجة وضيف عليهم Soft skills.. واتعلم تسويق.. كل يوم ساعة استثمرهم واعزل نفسك.. وشوف النتيجة بعد سنة وحتدعي لي..

3. تعود إنك تناقش الأفكار وليس الأشخاص..
لما تهاجم مقال أو تضع تعليقا تحت منشور أحدهم.. تجنب الشخص ذاته، وتناول فكرته.. حتى مع زوجتك وأولادك واصحابك في العمل تجنب الشخص والبني آدم اللي أمامك واظهر الإحترام لشخصه لكن ناقش وارفض السلوك وقل وجهة نظرك.. هتقدر تحافظ على علاقاتك بهذه الطريقة

4. تعلم انك تحب نفسك وتقدرها وتُكرمها وتحافظ على صحتك النفسية، وتعتزل مايؤذيك ويؤلمك. حبك لنفسك يعنى تقبلها والرضا عنها كما هي مع تقييمها والإعتراف بعيوبها، والسعي إلى التغيير للأفضل تدريجيا وإياك تقارن نفسك ورزقك ودخلك بغيرك. كثف مجهودك حول تطوير نفسك.

5. تحمل مسؤولية أفعالك بغض النظر عن الآخرين.. وحينما تقع في مشكلة أو تعاني من أمر يواجهك.. بتكون ايجابي وتفكر في الحلول وتبدأ بنفسك وتقيمها بمنتهى الوضوح والصراحة، لكي تستطيع أن تتعامل معها وتُصلحها.

6. لا تبدي رأيك في كل موقف وكل شخص، خليك ذكي وتغافل. الناس في الغالب ترفض من يواصل تصحيح آرائهم وأفعالهم وينتقدهم، ويضيف مداخلات غير ضرورية.. وتخير معاركك بعناية.

7. أن تعطي وتمنح وتنفع وتساعد وبدون انتظار المقابل, لكن ليس على حساب صحتك وسلامك النفسي وأهل بيتك، لاتكن مُباح فتستباح، وتتعلم تقول لا.. ولا تُرضي غير الله فرضى الجميع غاية لا تدرك.

8. خفض سقف التوقعات ورفع سقف المعقولات.. معقول يحصل اي شيء طالما ممكن ولو بنسبة أقل من 1%.

9. دايما تكون هناك خطة 1 و 2 و 3 وتتوقع وتتفهم انك ممكن تشتغل ب 3 مهما كان صعوبتها وعدم تقبلك لها إلا في أضيق الحدود.

10. انت تسعى وتعمل مافي طاقتك لتكون مستعداً للفرصة وقتما تأتي، فتجني نتيجة سعيك، والفرصة هي اختيار الله لك وفي الغالب بتكون الأصلح، لكن عمرك ما هتستفيد من أي فرصة غير بالإستعداد الجيد وبناء المهارات وال CV المتميز.

11. اختر أصدقاءك وابني شبكة علاقاتك صح ومن تستشيره بناءا على أهليته، واهتماماتك واولوياتك في الحياة..خليك عقلاني شويتين، شبكة علاقاتك بتنقلك للأعلى وعي وإدراك وتفتيح ابواب مغلقة..

12. بتختار تخصصك ومجال دراستك بناءً على حبك للمجال والدخل المادي وإحتياج سوق العمل وكذلك مهاراتك اللي تمتلكها.. ((اتعلم تشتغل حاجه عمل مستقل Freelancing بعيدة عن تخصصك))

13. أن تعلم أن الحياة عبارة عن رحلة محورها ومركزيتها العلاقة مع الله.. فتترك وتتخلى لله وتحب في الله، "قل إن صلاتي ونسكي ومحياي ومماتي لله رب العالمين"

وذكر نفسك دوماً بهذه الآية

"كُلُّ نَفْسٍۢ ذَآئِقَةُ ٱلْمَوْتِ ۗ وَإِنَّمَا تُوَفَّوْنَ أُجُورَكُمْ يَوْمَ ٱلْقِيَٰمَةِ ۖ فَمَن زُحْزِحَ عَنِ ٱلنَّارِ وَأُدْخِلَ ٱلْجَنَّةَ فَقَدْ فَازَ ۗ وَمَا ٱلْحَيَوٰةُ ٱلدُّنْيَآ إِلَّا مَتَٰعُ ٱلْغُرُورِ"

#جرعة_وعي

_منقول بتصرف

نظرا لانو ناس كتار عندهم الشبكة نهاااائي ماف
وبشكوا من الشبكة
ح نلغي ان شاء الله اللايف لوقت تاني ان شاء الله
بس كونوا قريبين❤️✨

Live stream finished (3 minutes)

Live stream started

259🤔

ايوة قرينا الرقم صاح، 259 يوم كانت جديرة بأنه اي واحد فينا يكون في مكان تاني 😕

انشغلنا بحاجات مختلفة وظروف مختلفة اكتر وواجهنا ضغوطات اكتر.

كل الناس اللي كنت بتلاقيهم وخصوصا لو كنت زول اجتماعي وبتاع فعاليات😂 ماف او حتى نسيتها

_عاوزين تاني نعيد اللمة ❤️✨
تعالـــو نتلاقى ونتفاكر في اننا كيف نعيد ترتيب ايامنا الجاية
ما السنة الجاية 😉
لأنو السنة عبارة عن ايـــام

ما تفوت فرصة انك تختم معانا السنة دي

نتلاقى في "نختم رغم الظروف"
كلم صحبك وصحبتك وتعال بعدين
الساعة 9:00م بتوقيت السودان

في قناة التلغرام
t.me/Events2024

طولنا صح😅

اييييييييك لكن اشتقنا ليكم والله
انتو ما اشتقتو نعمل ورشة

عاوزين تختموا معانا السنة دي ولاكيف
ارح اشوف حماسكم

الكلمة الحلوة والدعم النفسي ف الأيام الصعبة ما بيتنسي✨❤️

مرات كتيرة بنكون على حافة الانهيار، او بننهار عديل، بنكتئب،بنخوض حروب مع نفسنا مافي زول بيعرفها غيرنا،

بنكون عايشين اصعب الاوقات بس كلمة واحدة قادرة تغيّر اي حاجة،وممكن تسأل نفسك بعدها،هو انا عِشت حاجة كعبة اصلاً؟‏

_انا ممتنّة كامل الامتنان لأي دعم نفسي جاني ف وقتو❤️

_ لأي يد طبطبَت علي ❤️

_ لأي كلمة حضَنت قلبي وهوّنت علي من تعب المرحلة ..
بالكلمة الحلوة لو شايلين جبل ف ضهرنا بنحِس كأنو ريشة 🌸🌸

#_90يوم_حرب (3 شهـور بالضبط)

- لو قدرنا نساعدكم بالكلام البسيط الفوق ده اعملو لينا اي حركة عشان تحمسنا في التعليقات ونقدر نواصل ..

- لو عندك اي سؤال اتفضل طوالي؟ لو ما عندنا ليه حل حنفكر مع بعض نحله كيف 😉

2- أفضل خيار حاليا متاح عندكم شنو ؟

🔰 تكونو موجودين في الخرطوم؟؟؟
🔰 تسافرو لي ولاية معينة بعد دراسة بسيطة وسؤال عن المنطقة والوضع الحالي ؟
🔰 تسافرو خارج السودان ؟

بس في شرط واحد إنكم تكونو بي أمن وأمان وحولينكم في جيران ومكان متوفر فيه مستلزمات (اكل وشراب وعلاج لو في حوجة مستمرة) 💚💙

🌟 والخيارات دي مربوطة بي خيط :-
1- الوضع الحالي في البيت ؟
2- الإمكانية ؟
3- أطفال وكبار السن؟
4- عدد الأفراد؟
5- هل في مصدر دخل في الوقت الحالي؟
6- وحبة تفكير لمن نمشي هناك نتحرك في شنو(نفكر ونحنا متحركين) ؟

وفي نفس الإتجاه كل الخيارات الحالية عندها (سلبيات و إيجابيات) ، نحاول نقعد بي رواقة ونتفاكر مع ناس البيت ده الحوجة الحالية في اي بيت سوداني محتاجين نقرب عشان نعرف عشان لو في مشكلة نفكر في الحلول كلنا 💚💙

١- الوضع عندكم في البيت كيف ؟

- لو إنت بتصرف مفروض تدخل ناس البيت في الصورة عندك كم؟ وتفكرو مع بعض قدر العندكم يقعدكم أطول زمن ممكن . والحلول شنو ؟؟ ونسمع كلنا من كلنا وحنلاقي حل ممكن عند أصغر زول في البيت 😉💚💙

- لو ما بتصرف طوالي بكره من الصباح تسأل عشان تعرف عشان نتشايل كلنا مع بعض وشوف بتقدر تقدم شنو طوالي بادر بيه..

الناس في البيت تتساعد بي اي شي اصلا عندنا زمن كتيررر في اليوم ...

محتاجة حسابات 👇
- عدد الأفراد كم؟
- محتاجين شنو بي صورة يومية؟
- هل في حوجة لي دواء بي صورة مستمرة ؟
- هل في أطفال ؟
- هل في كبار سن ؟

لو أسرة واحدة عملت التجربة دي وحكت القصة دي إن شاء الله حتساعك آسر كتيرة شديد تتشايل مع بعض ❤️

فكررررت كتيرررر !؟
زهجت!؟ فكرت تاني!؟ بطلت تفكر إنشغلت!؟ تاني رجعت تفكر !؟

قلت وااااااااااااي!؟ وحاسي إنك عملت كل شي !؟ تاني مافي شي غير تسلم آمرك لي ربنا 💚💙

هنا حنقول ليكم حاجة جميلة ، بعد الظلام الشديد بتطلع الشمس 😉

علما : الوضع الموجودين فيه حاليا جديد لكل سوداني، وأول مره في تاريخ السودان .. فمافي زول عنده خبره يورينا الصح شنو والغلط شنو ؟

لكن 😇 كترة الإحتكاك بالناس الكبيرة في السن الفترة دي مفيدة شديد

طيب رايك شنو !؟ تقراء البوست ده 👇🏻 حسب الوضع الإنت فيه حاليا بي شوية رواقة🙏🏻🙇🏼‍♂️

نهاركم سعيد 💙💚
القليل من كل شئ 💚💙

- بنتمنى إنكم تكونو بي أفضل حال ي رب واهلكم طيبين وسالمين . 🙏🏻❤️

- وعدناكم 😉 نعمل إستبيان صغير عشان نعرف نقدم محتوى بي آلية تصل لي جزء كبير، وعارفين مستوى شبكات الإنترنت ضعيف في مناطق و قوى في آخرى .

- بالدراسة الصغيرة الوصلنا ليها الشبكة بتكون كويسة علي كم زمن مختلف حسب المناطق بعد الساعة 10:00مساء وحتي الصباح الباكر .

- إن شاء الله اليوم 😍🔥 موعودين بي محتوى نقدر نخدم بيه بعض في ظل الظروف دي 🙏🏻 وربنا يقدرنا نتساعد في الأوقات الصعبة .

حبوبة قالت ليكم : ايد براها مابتصفق💚💙

🌟 بتتكلم معانا من ياتو ولاية حاليا؟؟ 😍 نحنا من الخرطوم / الكلاكلة .

EM.UMBRELLA ⛱️

Live stream finished (58 minutes)

حنبداء 10:10 بالزبط 😉

Live stream started

قبل ااي شي مشتاقين ليكم شديد
❤️❤️❤️❤️❤️

عشان كده قلنا نتلاقى الليلة ندردش ونتونس
في حاجات بتهمنا وبتهمكم
الفات من الشهور الفاتت كيف المتابعة
وواقفين وين هسه🌸✨

بعدين الساعة 10 م ل 10:45 تسمحوا لينا نحجز
زمنكم ده ونلاقيككم🤩🙈

#EM_Umbrella
#em_umbrella2026
#leadership
#EM_Umbrella _community

ويجمعنا من تاني
بأهلنا الطيبين وحُنان

رمضـــانا سوداني ✨🌙

مبارك عليكم الشهر تصوموا وتفطروا على خير

#EM_Umbrella
#em_umbrella2026
#EM_Umbrella_Community