EngliZi MasTeR by : Mr.Mohamed Farid

في النطق السريع

الأمريكان بينطقوا my
Ma

This is my house = this is ma house

A/an
بيسموهم في الأنجلش
Indefinite articles

يعني بالعربي ادوات نكرة

وانا هنا مش هكلمك عن طريقة استخدامهم لان الكل عارف ازاي بنستخدمهم وليه

لكن هقلك على حاجة ممكن متكنش عارفها عنهم

وهي اننا نقدر عادي نستخدمهم قبل الأسماء

ازاي

يعني ممكن نقول

An Ahmed
An Ibrahim
A Mohamed

لما تكون متعرفش عن الشخص غير اسمه وبس ..

مش احيانا في لهجتنا كدا لما تيجي تتكلم عن شخص متعرفش عنه اي شي غير اسمه تقول

واحد اسمه احمد عايزك . واحد اسمه ابراهيم دخل من هنا. هكذاااا

اهي ( واحد اسمه ) دي

بكل بساطة ممكن نقول بالانجلش

An Ahmed called you yesterday

واحد اسمه احمد اتصل بيك امبارح

من عجائب الإنجليزية :

أطول كلمة في الإنجليزية هي الكلمة دي

Pneumonoultramicroscopicsilicovolcanoconiosis

وهي كلمة انجليزية مكونة من ٤٥ حرف ليس لها اصل في الإنجليزية وكل مقاطعها مشتقة من اليونانية واللاتينية القديمة :

صيغت لأول مرة سنة ١٩٣٥ من قبل شخص اسمه إيفريت سميث وتشير إلى مرض في الرئة ناتج عن استنشاق الغبار البركاني

من غرائب وطرائف اللغة الإنجليزية :

كلمة ghoti ممكن نخليها تنطق زي كلمة fish

هقلك ازاي

ال gh نخليها تنطق زي صوت f في كلمة enough

وال O تنطق زي صوت ال O في كلمة women

وال ti تنطق زي صوت ال ti في كلمة nation

وبكدا تبقى كلمة ghoti تنطق زي كلمة fish

كلمات ومصطلحات في كرة القدم

⚽️ مصطلحات أساسية
- كرة القدم: Football / Soccer
- مباراة: Match
- هدف: Goal
- ركلة ركنية: Corner Kick
- ركلة حرة: Free Kick
- ركلة جزاء: Penalty Kick
- تسلل: Offside
- تمريرة: Pass
- تصدي: Save
- مدرب: Coach / Manager
- حكم: Referee

⚽️ مراكز اللاعبين في الملعب

1▪️حارس المرمى**
- العربية: حارس مرمى
- الإنجليزية: Goalkeeper
- الاختصار: GK

2▪️الدفاع**
- مدافع أيسر
- العربية: ظهير أيسر
- الإنجليزية: Left Back
- الاختصار: LB

- مدافع أيمن
- العربية: ظهير أيمن
- الإنجليزية: Right Back
- الاختصار: RB

- قلب دفاع
- العربية: قلب دفاع
- الإنجليزية: Center Back
- الاختصار: CB

- مدافع وسط
- العربية: مدافع وسط
- الإنجليزية: Central Defender
- الاختصار: CD

3▪️خط الوسط**
- وسط دفاعي
- العربية: لاعب وسط دفاعي
- الإنجليزية: Defensive Midfielder
- الاختصار: DM

- وسط مهاجم
- العربية: لاعب وسط مهاجم
- الإنجليزية: Attacking Midfielder
- الاختصار: AM

- جناح أيسر
- العربية: جناح أيسر
- الإنجليزية: Left Midfielder / Left Winger
- الاختصار: LM / LW

- جناح أيمن
- العربية: جناح أيمن
- الإنجليزية: Right Midfielder / Right Winger
- الاختصار: RM / RW

- وسط مركزي
- العربية: لاعب وسط
- الإنجليزية: Central Midfielder
- الاختصار: CM

4▪️الهجوم**
- مهاجم
- العربية: مهاجم
- الإنجليزية: Forward / Striker
- الاختصار: FW / ST

- مهاجم ثاني
- العربية: مهاجم ثاني
- الإنجليزية: Second Striker
- الاختصار: SS

- جناح هجومي
- العربية: جناح هجومي
- الإنجليزية: Wing Forward
- الاختصار: WF

Bad call

مش معناها اتصال خاطئ

معناها : قرار خاطئ

ولما تقول

Make a bad call
يعني يتخذ قرار خاطئ

I can’t sleep. I think coffee was a bad call

مش عارف انام . اعتقد ان القهوة كان قرار خاطئ ( شربها يعني )

I

EngliZi MasTeR by : Mr.Mohamed Farid pinned «رابط القناة على الواتساب https://whatsapp.com/channel/0029Va88OkT9RZAg7XLjV82B»

To be ( or sit ) on pins and needles

على أحر من الجمر

الضمائر في الإنجليزية مسمهاش. ضمائر متكلم ومخاطب وغائب . دا ف العربي بس

احنا في الإنجليزية بنسميهم كدا :

First person
Second person
Third person

وكل نوع في منه المفرد والجمع

First person
I , we ومشتقاتهما يعني me ,my , mine , us , our , ours

Second person
You ودي تنفع ف المفرد والجمع بمشتقاتها

Third person

He , she , it , they وكل مشتقاتهم

طيب ، الضمير لما يجي في الجملة بيحل محل اسم.. الاسم الي بيحل محله الضمير بنسميه antecedent

يعني مثلا بص للجملة دي

Ahmed smiled when he opened his box

الجملةدي فيها ضميرين :
He , his
والاتنين عائدين على Ahmed
يبقي ال antecedent هنا هو Ahmed.

I am hooked on coffee
أنا مدمن قهوة

Hooked on
مدمن على فعل شي معين

رابط القناة على الواتساب

https://whatsapp.com/channel/0029Va88OkT9RZAg7XLjV82B

الأفعال في الإنجليزية نوعين :

نوع بنسميه : linking
نوع بنسميه : action

النوع الاول : وظيفته في الجملة انه مجرد بيعرف او بيوصف الفاعل بتاع الجملة .. اشهر فعل من النوع دا هو to be

He is a doctor

الفعل is هنا بنسميه linking ودا لانه بيربط الفاعل he بالكلمة الي بعده الي هي doctor ربط تعريفي يعني بيعرفه هو مين

في افعال كتير تانية بتكون linking زي مثلا

Smell / look / appear / become / feel

وغيرها

لكن خلي بالك علشان تتاكد ان الفعل بيكون linking . احذفه من الجملة وحط مكانه to be .. لو معنى الجملة استقام وفضل زي مهي يبقي الفعل linking . غير كدا يبقى action


النوع التاني بنسميه action. والنوع دا من الأفعال حتى من اسمه تقدر تفهم .. بيعبر عن شي الفاعل بيعمله what the subject does

He plays football

الفعل play نوعه action.

عايز تتاكد ؟

شيله وحط مكانه مثلا is

ينفع نقول :
He is football

طبعا لا يبقى الفعل هنا action

طيب بص للجملة دي :

He feels happy

شيل الفعل feel وحط مكانه is

ينفع نقول

He is happy

ايوه ينفع . يبقى feel هنا linking

في اللهجة الامريكية
لا تنطق حرف t بعد n
اذا جاء بعدها احدي الحروف التالية [ e. i . y ]

- Wanted .... wanned
- Identify .... idennify
- Twenty .... twenny

You are one of a kind
أنت فريد من نوعك

I rest my case

أنا قلت الي عندي

My way or the highway

يا أنا يا انت

Every other day
يوم اه ويوم لا

I go to the gym every other day

أنا بروح الجيم يوم اه ويوم لا

Stay in your lane
خليك في حالك