🇺🇿 Elyor NAZAROV She'rlari ✍️ @elyor_nazarov

🇺🇿 Elyor NAZAROV She'rlari ✍️

29 Jan, 05:13

#Shafyor_akalarimizga.. 🚖

Mashina - tulporda yuribman,
Yoz bo'yi xomxayol suribman.
Qish kelib, afsuski erta-kech,
Metanda navbatda turibman.

Yangidan boshlandi azoblar,
Svet yo'q, toshadi g'azablar,
Eh yomon charchadi asablar,
Metanda navbatda turibman.

Mashinamga zarur bir dori,
Gaz bitgan, ishlamas matori,
Dardi bir shafyorlar qatori,
Metanda navbatda turibman.

Tanim ko'p uzoqdir rohatdan,
Xotinjon, qolmadi toqatdan,
Bir kosa olib qo'y, ovqatdan,
Metanda navbatda turibman.

Qil sig'mas, hech kimning ko'ngliga,
Kelganmiz sinovning burniga,
Bolamni erkalash o'rniga,
Metanda navbatda turibman.

Najot yo'q, termular ko'zlarim,
Sovuqdan qizarib yuzlarim,
Osh damlab kutishar do'stlarim,
Metanda navbatda turibman.

Uyoqda qop ketib, qilar ish,
Dilimga alamlar urar nish,
Navbatim ertaga kelarmish,
Metanda navbatda turibman.

Kutmoqda, yosh ila qari ham,
Elyorga yor, ilhom pari ham,
Zeriksam, she'r yozib hali ham,
Metanda navbatda turibman.

✍️Elyor NAZAROV

T.me/Elyor_NAZAROV_sherlari

2,986

🇺🇿 Elyor NAZAROV She'rlari ✍️

28 Jan, 14:33

She'rim yozsam, she'r bilmading,
Qalbingdan hech yer bermading.
Butun qishloq bildi sevgim,
Faqatgina sen bilmading.

Bilmading zor kutganimni,
Har kun alam yutganimni,
Seni ilk bor ko'rgan kunim,
Shoir bo'lib ketganimni.

Izlayverib mahallangdan,
Loy ko'changda izim qoldi.
Eshitmading ey bevafo,
Dilimda ming so'zim qoldi.

Muhabbatni pulga o'lchar,
Tog'larga teng kelolmadim.
Boyning qizi - oy sanamga,
Oyni olib berolmadim.

Tugadi eng so'nggi umid,
Mulzam qaytdi sovchilarim.
Onam yig'lar, yomg'ir tinmas,
Yurakda yosh tomchilarim.

Gul uzatsam, gul bilmading,
Oshiq dilim, dil bilmading.
Butun qishloq bilgan sevgim,
Faqatgina sen bilmading.

Ko'nglim senga o'yin bo'ldi,
Yolg'iz menga qiyin bo'ldi.
Ayriliqda dog'da qoldim,
Dong'i ketgan to'ying bo'ldi.

Kunim o'tar g'amxonada,
Sen kelinsan, Farg'onada.
Yoring bo'lolmadim afsus,
Shoir bo'ldim bahonada.

Qishloq hanuz o'sha-o'sha,
Mehmonga kel yo'ling tushsa.
Balki, meni eslagaysan,
She'rlarimga ko'zing tushsa...

✍️Elyor NAZAROV

T.me/Elyor_NAZAROV_sherlari

1,108

🇺🇿 Elyor NAZAROV She'rlari ✍️

26 Jan, 14:48

#PREMYERA 🔥

"O'n sakkiz yoshim" 🎶

✍️ Elyor NAZAROV she'ri

🎤 Munisa Norsafarova ijrosida

Alam, anduhlarim o'ldirib,
Yuragimga orzu to'ldirib,
Bolalardek shodon kuldirib,
Qaytib kelsang edi yoshligim!

Eng navqiron, o'n sakkiz yoshim,
Muhabbatdan aylangan boshim,
Qaylardasan ey qalamqoshim,
Qaytib kelsang edi yoshligim!

Sen umrning nurli hiloli,
Ilk sevgisan - armon visoli,
Qishda kelgan bahor misoli,
Qaytib kelsang edi yoshligim!

Ishq gulobin totgan bo'lardim,
Baxt qo'shig'in aytgan bo'lardim,
Men o'zimga qaytgan bo'lardim,
Qaytib kelsang edi yoshligim!

Olib, sinovlarning tamg'asin,
Qaytarsayding ortga hammasin,
Kengaytirib do'stlar davrasin,
Qaytib kelsang edi yoshligim!

Gar yashirsang go'zal bag'ringga,
Ko'nar edim, barcha shartingga,
Yetmaganman afsus qadringga,
Qaytib kelsang edi yoshligim!

✍️Elyor NAZAROV

T.me/Elyor_NAZAROV_sherlari

2,059

🇺🇿 Elyor NAZAROV She'rlari ✍️

26 Jan, 14:33

https://youtu.be/z1RjjxcrngE?si=SiMLsPOAbqtTkjwB

205

🇺🇿 Elyor NAZAROV She'rlari ✍️

24 Jan, 14:38

Deydilar: shodlik qadri,
Bilingay kulfat bilan.
Sinalgay yigit mardi,
Vatanga xizmat bilan.

Buyuklar aytar kalom,
Allohdan kutgin in'om,
Inson ulug'dir mudom,
Azizdir, mehnat bilan.

Dillaring nurga to'lgay,
Davrangda quvonch ungay,
Mushkuling oson bo'lgay,
Yaxshi do'st, ulfat bilan.

Yangragin, navo bo'lgin,
Va'daga vafo bo'lgin,
Dardlarga davo bo'lgin,
Bir shirin suhbat bilan.

G'animat bil, vaqtingni,
Sog'ligingni, taxtingni,
Xudo bergan baxtingni,
O'lchama qiymat bilan.

Shukur qilgin, dil so'zim,
Ko'p dema, kam-u ko'stim,
Xasislik qilma do'stim,
Hammasi navbat bilan.

Umringni bosadi zang,
Gar nomardga yalinsang,
Baxting shudir, tanilsang,
Ehtirom, hurmat bilan.

Haloldir, kimning ishi,
Bahordir, yoz-u qishi,
Toza iymonli kishi,
Siylanar jannat bilan.

Qalbing sochib tarovat,
Tiling aytsa salovat,
Kelgay rohat, halovat,
Qilingan zahmat bilan.

Ezgulik bo'lib qanot,
Ishq bilan shirin hayot,
Elyorning she'ri bunyod,
O'tli muhabbat bilan!

✍️Elyor NAZAROV

T.me/Elyor_NAZAROV_sherlari

2,160

🇺🇿 Elyor NAZAROV She'rlari ✍️

22 Jan, 14:53

Aslida dard emas hech bir muammo,
Tashvishlar to'ldirsa ko'ngil xonamni.
Qadrini juda kech angladim ammo,
Men erta qaritib qo'ydim Onamni.

Hayoting yo'llari goh baland pastdir,
O'tgan umr aslo qaytib kelmasdir,
Uni keksaytirgan yillar emasdir,
Men erta qaritib qo'ydim Onamni.

Aytadi omon bo'l, mehri jonday chin,
Sog'intirma bolam Onangga achin,
Oq tushgan sochiga, yuzida ajin,
Men erta qaritib qo'ydim Onamni.

Uningdek sodiq do'st topmadim faqat,
U sahiy farishta, men-chi beshafqat
Kechir Parvardigor gunohim qat-qat,
Men erta qaritib qo'ydim onamni.

Yonimdagi baxtni afsus ko'rmapman,
Toshbag'ir qalbimda so'ngan lolamni.
Bitta farzand bo'lib shuni eplabman,
Men erta qaritib qo'ydim Onamni.

Ba'zan qadalsa ham yuragimga o'q,
Duosi asragay bundan ko'nglim to'q
Ey faqir hayotim senda ayb yo'q,
Men erta qaritib qo'ydim Onamni.

Ona rozi bo'ling qo'llang har nafas,
She'rga aylantiray fig'on nolamni.
Endi Onam uchun yashagayman bas,
Men erta qaritib qo'ydim Onamni.

✍️Elyor NAZAROV

T.me/Elyor_NAZAROV_sherlari

2,151

🇺🇿 Elyor NAZAROV She'rlari ✍️

21 Jan, 10:12

🌧️ YOMG'IR 🌧️ 🎶

✍️ Elyor NAZAROV she'ri

🎹 G'ayratbek Xamroqulov musiqasi

🎤 Mushtariy Xamroqulova ijrosi

Baxtlimisan mendan uzoqda,
Yor hijronni ko'rdingmi tatib.
Har kun qo'zg'ab xotiralarni,
Yomg'ir yog'ar, seni eslatib.

Qora bulut, ishqim osmoni,
Dard alamlar, sirdoshlarimdir.
Yo'g'ayotgan yomg'ir aslida,
Bevafo qiz ko'z yoshlaridir.

Esingdami yomg'ir ostida,
Qilgan edik, ahdupaymonlar.
Sen va'dangdan tongandan beri,
Tez-tez yig'layabdi osmonlar.

Muhabbatning eshigin yopding,
Sensizlikda yurak bag'rim qon.
Yomg'irdan-ku pana joy topdim,
Lek, topmadim g'amga soyabon.

Shodlantirib, qayg'uga solib,
O'tib borar dunyo biri kam.
Ko'z yoshingdan andoza olib,
Yomg'ir yog'di, to'ying kuni ham.

Tomchilarga yuzlaringni tut,
Mendan xabar eltadi yomg'ir.
Bevafodan darak bormi deb,
Derazamni chertadi yomg'ir.

Bevafolar yig'lasin faqat,
Sen yig'lama, kulib ket yomg'ir.
Iltimosim, yog'ganing mahal,
Gunohlarni yuvib ket yomg'ir.

✍️Elyor NAZAROV

T.me/Elyor_NAZAROV_sherlari

1,505

🇺🇿 Elyor NAZAROV She'rlari ✍️

20 Jan, 10:31

"Kim boy bo'lsa baxtga egadir".
Boylikni - baxt deymiz negadir?
Aslida baxt sog'lik omonlik,
Baxt hamisha oddiylikdadir!

Eskirsa ham ustingda to'ning,
Qolmasin hech birovga kuning,
Ochiq bo'lsin har lahza qo'ling,
Baxt hamisha oddiylikdadir!

Sinovlarda yurishingdir baxt,
G'am kelsada kulishingdir baxt,
Har dam shukur qilishingdir baxt,
Baxt hamisha oddiylikdadir!

Qaytar dunyo tushmay yodiga,
Ko'plar mingan kibr otiga,
Quloq tutma nafsning dodiga,
Baxt hamisha oddiylikdadir!

Ota-onang yoningda bo'lsa,
Sevgan yoring joningda bo'lsa,
Farzandlaring tinch o'ynab kulsa,
Baxt hamisha oddiylikdadir!

Qo'rqma darddan, yomg'ir-u seldan,
Ne bo'lmasin, ajralma eldan,
Saroy qurma, bog' qolsin sendan,
Baxt hamisha oddiylikdadir!

Shoh-u gado birdir loyimiz,
Osmon emas yerdir poyimiz,
Axir, bitta borar joyimiz,
Baxt hamisha oddiylikdadir!

Asos yo'qdir ko'ngil g'ashlashga,
Sabab bisyor, to'ylar boshlashga,
Nima yetsin oddiy yashashga,
Baxt hamisha oddiylikdadir!

✍️Elyor NAZAROV

T.me/Elyor_NAZAROV_sherlari

6,583

🇺🇿 Elyor NAZAROV She'rlari ✍️

18 Jan, 11:43

#Tez_kunda yangi qo'shiq #PREMYERASI 🔥

"O'n sakkiz yoshim"

✍️ Elyor NAZAROV she'ri

🎤 Munisa Norsafarova ijrosi

T.me/Elyor_NAZAROV_sherlari

920

🇺🇿 Elyor NAZAROV She'rlari ✍️

17 Jan, 13:34

Umri - gulgun bahorlar,
Ko'zlarida baxt porlar.
Eng badavlat odamdir,
Ota-Onasi borlar!

Duosin olib yurar,
Mehriga qonib yurar,
Yengilmas, g'olib yurar,
Ota-Onasi borlar!

Sezilmaydi, g'amlari,
To'lib borar kamlari,
Go'zal har bir damlari,
Ota-Onasi borlar!

Qadri baland bo'yidan,
Bayrami ko'p, to'yidan,
Fayz ketmaydi uyidan,
Ota-Onasi borlar!

Rohat, farog'atlisiz,
Huzur halovatlisiz,
Siz juda omadlisiz,
Ota-Onasi borlar!

Nomardga yalinmaydi,
Quvonchi arimaydi,
Hech qachon qarimaydi,
Ota-Onasi borlar!

Qaddi tog'dek, savlatli,
Ham davlat, ham jannatli,
Ilohiy muhabbatli,
Ota-Onasi borlar!

Tashvishlardan xorimang,
Kam-u ko'stdan, zorimang,
Armonlardan nolimang,
Ota-Onasi borlar!

Asrab avaylangiz bas,
Omonatdir har nafas,
Sizga qilaman havas,
Ota-Onasi borlar!

Ular boshingiz toji,
Sevgingizning muhtoji,
Ikkisin qiling hoji,
Ota-Onasi borlar!

✍️Elyor NAZAROV

T.me/Elyor_NAZAROV_sherlari

2,103

🇺🇿 Elyor NAZAROV She'rlari ✍️

15 Jan, 14:19

Ko'payib, iymoni zaiflar,
Tani sog', yuragi mayiblar,
Yaxshiga - malomat ayblar,
Oqibat yo'qolib bormoqda...

Urchigan, dillarda razolat,
Barchasi hasaddan dalolat,
Qolmagan el ichra adolat,
Oqibat yo'qolib bormoqda...

Odamlar tiyolmas jahlini,
Oshirgan mehrning narxini,
G'am bosib ko'ngilning shahrini,
Oqibat yo'qolib bormoqda...

Do'st - do'stni chuqurga itargan,
Otaga o'g'il qo'l ko'targan,
Haqiqat ko'zlari ko'kargan,
Oqibat yo'qolib bormoqda...

Ergashib, nafs degan illatga,
Ne bo'ldi, mehmondo'st millatga,
Hurmatlar aylanib minnatga,
Oqibat yo'qolib bormoqda...

Duch kelsa, g'iybatni bo'lishgan,
Dunyo deb qanchasi urushgan,
Jigarlar yuz ko'rmas bo'lishgan,
Oqibat yo'qolib bormoqda...

Erlar mast, zinoga boylanib,
Ayollar fahsh ishga shaylanib,
Bolalar yetimga aylanib,
Oqibat yo'qolib bormoqda...

Vijdonlar sotilib, yakunmi,
Ezgulik milt etgan chaqinmi,
Azizlar qiyomat yaqinmi?
Oqibat yo'qolib bormoqda...

✍️Elyor NAZAROV

T.me/Elyor_NAZAROV_Sherlari

3,447

🇺🇿 Elyor NAZAROV She'rlari ✍️

13 Jan, 15:02

14-Yanvar hazili.. 😊

O'zgaribdi kalendar,
Iloj qancha, xabar shu...
Har yil o'tar, darbadar,
O'n to'rtinchi yanvar bu...

Ko'pchilikka dard emas,
Axir, eslash shart emas,
"Sakkizinchi mart" emas,
O'n to'rtinchi yanvar bu...

Kutmaymiz hech iltifot,
Bo'lavering qizlar shod,
Qaram bo'lmagan ozod,
O'n to'rtinchi yanvar bu...

Tillo uzuk, zeb olar,
Siz keraksiz, deb qolar
Mart oyi ham keb qolar,
O'n to'rtinchi yanvar bu...

Xavotir olib yurmang,
Xayolga tolib yurmang,
Bayram deb, borib yurmang,
O'n to'rtinchi yanvar bu...

O'tmang aslo panalab,
Yolg'onlarni saralab,
Qizlarga qo'ymas talab,
O'n to'rtinchi yanvar bu...

Joninggiz bo'lsin omon,
Yetaklang baxtlar tomon,
Go'zallar ko'rmang yomon,
O'n to'rtinchi yanvar bu...

Bizda g'urur, sevgi jam,
Mard yigitlar, chekmas g'am,
Qizlar yoqtirmas bayram,
O'n to'rtinchi yanvar bu...

O'zgaraver kalendar,
Biz xursandmiz, zafar shu...
Kimga baxt, kimga xatar,
O'n to'rtinchi yanvar bu...

✍️Elyor NAZAROV

T.me/Elyor_NAZAROV_sherlari

3,883

🇺🇿 Elyor NAZAROV She'rlari ✍️

13 Jan, 04:40

Xalq deb Vatan deb
Xizmatda har dam
Eng ulug' yo'lda
Eng sobit qadam
Musaffo osmon
Elda hurlik jam
Sizga yor bo'lsin
Matonat chidam
Sarkarda Temur,
Bobur posbonlar
Doim bor bo'ling
Botir posbonlar!

Yurtning koriga
Tog'dayin tirgak
Siz buyuk qalqon
Siz bir sheryurak
Or va nomuschun
ursa bu yurak
Sizday alp bo'lsin
Har bitta erkak
Ko'zlari olov
mohir posbonlar
Doim bor bo'ling
Botir posbonlar!

Joniday asrab
saqlar sarhadni
Yurtboshimizdan
Olib rag'batni
Unutmay aslo
Qalbdan himmatni
Vatan deb bilgay
Chin muhabbatni
Yovni quvmoqqa
hozir posbonlar
Doim bor bo'ling
Botir posbonlar!

Zimmangizdadir
Eng ardoqli burch
Shaxdingiz qo'shar
Kuchingizga kuch
Siz tillo zarmas
Sadoqatga o'ch
Xoinliklarga
Sira kelmang duch
Ahil va birdam
Qodir posbonlar
Doim bor bo'ling
Botir posbonlar!

O'zbegim nomin
Dildan qo'ymaysiz
O'zingizdan ko'p
bizni o'ylaysiz
Allohdan mudom
Tinchlik so'raysiz
To'y-u bayramni
baxtni kuylaysiz
Asli san'atkor
Shoir posbonlar
Doim bor bo'ling
Botir posbonlar!

✍️Elyor NAZAROV

@Elyor_NAZAROV_sherlari

3,756

🇺🇿 Elyor NAZAROV She'rlari ✍️

13 Jan, 04:40

Vatan uchun, yurt uchun,
Xizmatga bel bog'lagan.
Jasur yurak harbiylar,
O'z burchini oqlagan.
O'zbegim jannatmakon,
Xudo o'zi alqagan.
Baxtim, tinchlik deganni,
Balolardan saqlagan.

Qilgan jondan qasamyod,
Taslim qilar yovlarni.
El farovon bo'lsa bas,
Oshgay barcha g'ovlarni.
Sodiq o'z qo'rg'oniga,
Yo'latmas birovlarni.
Hech kim so'ndirolmaydi,
Qalbdagi olovlarni.

G'anim bilan kurashda,
Qurbon ketdi qanchasi.
Shunday botir harbiylar,
Yovuzlik kushandasi.
Musaffo osmon uchun,
Shukur qilsa bandasi.
Yurtda Alplar borligi,
Yaratganning tuhfasi.

O'zbekiston - Ona yurt,
Tuprog'i oltindandir.
Baxtli kunlar davomli,
Barchasi oldindadir.
Harbiylar xizmat qilsa,
Zulmat ham oydindadir.
Xalqimning har o'g'loni,
Kuch-qudrat ostindadir.

Omon bo'ling harbiylar,
Sizga hayot omonat.
Rivojlanish, yuksalish,
Taraqqiyot omonat.
Ta'zimdamiz biz mudom,
Doim yuring salomat.
Shijoatingiz haqqi,
Tinchligimiz kafolat.

✍️Elyor NAZAROV

T.me/Elyor_NAZAROV_sherlari

665

🇺🇿 Elyor NAZAROV She'rlari ✍️

11 Jan, 13:23

Aylanmasin bayram ertakka
Paypoq berib yurmang ermakka.
Agar xursand bo'lsin desangiz
Mehr sovg'a qiling erkakka!

Erkak uchun zarur e'tibor
Tushunadi buni esi bor
Sevgingizni qilmasdan inkor
Mehr sovg'a qiling erkakka!

Erkaklarga sinovlar dardmas
Erkak ishqdan bo'ladi sarmast
Qimmatbaho tuhfalar shartmas
Mehr sovg'a qiling erkakka!

Asta quchib tabriklang jo'shib
Hadya oling bozorga tushib
Ne olsangiz yoniga qo'shib
Mehr sovg'a qiling erkakka!

Qalbin yoqib olovlar bilan
Siylang yog'li palovlar bilan
Teng qilmang hech birovlar bilan
Mehr sovg'a qiling erkakka!

Tashvishlarni daf etib yiroq
Ichsa ichsin yuz gramm aroq
Ey ayollar koyimang ko'proq
Mehr sovg'a qiling erkakka!

Qo'rqmas jasur pahlavonim deng
Ishonganim yolg'iz borim deng
Shirin so'zlang begim jonim deng
Mehr sovg'a qiling erkakka!

Ro'zg'orga bosh, tayanch-u tirgak
Vatan uchun xizmatda sergak
Bola chaqam deb yashar erkak,
Mehr sovg'a qiling erkakka!

Erkaklarga har kuni bayram
Mehr sovg'a qiling erkakka!

✍️Elyor NAZAROV

@Elyor_NAZAROV_sherlari

3,164

🇺🇿 Elyor NAZAROV She'rlari ✍️

10 Jan, 14:35

Sevgi lazzat bo'lsa ham,
Azobi ulkan ekan.
Vafosi bor oshiqlar,
Visolga yetgan ekan.

Eskisimiz, yangining,
Taqdir sinov jangining,
Demak, bizga Tangrining,
Nazari tekkan ekan.

Armon kelsa, qatma-qat,
Qo'rqmagin bundan faqat,
Ko'nglimizga muhabbat,
Sehrini to'kkan ekan.

Jafo ko'paygan sayin,
Dilning kuymog'i tayin,
Hijronlar ham atayin,
Bizga ko'z tikkan ekan.

Bari tushadi izga,
Shaydoman senday qizga,
Go'zalmassan bejizga,
Seni oy tuqqan ekan.

Ko'zing charos, qoshing yoy,
Qaldirg'ochdek erkatoy,
Iforing ham hoynahoy,
Gullardan yuqqan ekan.

Ajralmas, tutashganlar,
Qalbiga ergashganlar,
Baxt uchun kurashganlar,
Baxtga yo'liqqan ekan.

Dardlar tushar yelkadan,
Umidim ko'p ertadan,
Sen sabab, men telbadan,
Bir shoir chiqqan ekan...

✍️Elyor NAZAROV

T.me/Elyor_NAZAROV_sherlari

1,572

🇺🇿 Elyor NAZAROV She'rlari ✍️

08 Jan, 15:47

#Onangni_intizor_qilmagin 🎶

✍️Elyor NAZAROV she'ri

🎹Halimjon Aliyev musiqasi

🎤Adolat Ismoilova ijrosi

Iztirob chekmasin g'am yutib
Qo'ymagin volidang unutib
Bedordir diydoringni kutib
Onangni intizor qilmagin.

Sen yarim ko'nglini to'qlab tur
Ko'ksiga bosh qo'yib uxlab tur
Xabar ol har lahza yo'qlab tur
Onangni intizor qilmagin.

Umrini baxshida etolgan
Yiqilsang qo'lingdan tutolgan
Kim seni Onangday kutolgan?
Onangni intizor qilmagin

Poyiga fido qil o'zingni
Husniga to'ydirgin ko'zingni
Qumsagan bir shirin so'zingni
Onangni intizor qilmagin

Oshiqib yurmagin yor uchun
Ko'plar do'st davlating bor uchun
Farzandlik nomus-u or uchun
Onangni intizor qilmagin

Kech kelsang ming hadik jonida
Tonggacha darvoza yonida
Mehriga to'yib qol borida
Onangni intizor qilmagin.

Maqtanma pul boylik qasr-la
Yo'ldosh bo'l saxovat sabr-la
Elyor sev asragin qadrla
Onangni intizor qilmagin.

Afsuski vaqtida ilg'ashmas
Ona bor armonlar ergashmas
Hech kimsa Onaga tenglashmas
Onangni intizor qilmagin.

@Elyor_NAZAROV_sherlari

2,543

🇺🇿 Elyor NAZAROV She'rlari ✍️

07 Jan, 10:19

#Umr_haqiqati

Yo'lim uzun deb yurmang,
Hammadan qolar dunyo.
Shohni ham gadoni ham,
Tobutga solar dunyo.

Mehr va imkon topib,
Bog' etish mumkin cho'lni.
Lekin, topmoq osonmas,
Ko'ngilga borar yo'lni.

Ravon, egri, yo'llar ko'p,
Kim qaysidan ketadi?
Taqdir yo'li baribir,
Qiyomatga eltadi.

Komil inson baxtini,
Tilloga almashtirmas.
Bandani faqatgina,
Haq yo'li adashtirmas.

E'tiqod bog'lab turar,
Allohni, quli bilan.
Jannatga kirsa bo'lar,
Saxovat yo'li bilan.

G'animatdir umrimiz,
O'tkinchi hoy-u havas.
Eng muhimi hayotda,
Mazmunli yashasak bas.

Aslida biz tug'ilib,
Bozorga borodirmiz.
Bozordan kafan olib,
Mozorga borodirmiz...

✍️Elyor NAZAROV

T.me/Elyor_NAZAROV_sherlari

4,110

🇺🇿 Elyor NAZAROV She'rlari ✍️

04 Jan, 14:39

Ishq manzilin, diydordan oling,
Otash dillar tutmoqda so'zni.
Ey do'stlarim menga ishoning,
Baxtli kunlar kutmoqda bizni!

Kelmoqdadir, shodliklar yo'qlab,
Endi yashang ko'ngilni to'qlab,
Sevingaymiz hali biz ko'plab,
Baxti kunlar kutmoqda bizni!

Boshimizni egolmas sinov,
Kamsitolmas bizlarni birov,
Istasangiz o'ynayman garov,
Baxtli kunlar kutmoqda bizni!

Aldanmaylik, yolg'on g'iybatga,
Nima yetsin axir hurmatga,
Sodiq qolsak halol mehnatga,
Baxtli kunlar kutmoqda bizni!

Bir jon bo'lsak agar hammamiz,
Shudir yomonlarga zarbamiz,
Buzmasak bas, ahil davramiz,
Baxtli kunlar kutmoqda bizni!

Ko'p qiynaldik, sinovdan o'tdik,
Eldan olis yurtlarni ko'rdik,
Qadrdonlar qadrini bildik,
Baxtli kunlar kutmoqda bizni!

Vaqt yo'qotmang, endi o'ylanib,
Chetda turmang aslo iymanib,
Qani do'stlar qo'ying jilmayib,
Baxtli kunlar kutmoqda bizni!

Elyor she'rin, o'qib quvoning,
Tark etmasin ezgulik sizni.
Ey do'stlarim menga ishoning,
Baxli kunlar kutmoqda bizni!

✍️Elyor NAZAROV

T.me/Elyor_NAZAROV_sherlari

1,715

🇺🇿 Elyor NAZAROV She'rlari ✍️

03 Jan, 05:34

Bugun 3-yanvar "Xalqaro Onalar kuni"

Poyi jannat, duosi qutlug',
Borligi baxt, ming bora qulluq.
Yetti milliard inson ichida,
Onam kabi mehribonim yo'q!

Sinov bersa beshafqat hayot,
Yor-u do'stdan ko'rmadim najot,
Dardlarimga malham bo'lgan zot,
Onam kabi mehribonim yo'q!

Mushtiparim, g'amimga sovchi,
Aybimga u tovon to'lovchi,
Har soniya meni o'ylovchi,
Onam kabi mehribonim yo'q!

Ona bo'lib, mendek beboshga,
To'lib ketgan ko'zlari yoshga,
O'n sakkiz ming olamda boshqa,
Onam kabi mehribonim yo'q!

Azob ko'rib, hurmat ko'rmagan,
Himmatini qimmat bilmagan,
Sevgisini minnat qilmagan,
Onam kabi mehribonim yo'q!

Vafo qilmas makkor sanamlar,
Yuragimga solgan alamlar,
Eshiting, ey aziz odamlar,
Onam kabi mehribonim yo'q!

Shodlik quchsin har bir onini,
Men farishta atay nomini,
Alloh, omon saqla jonini,
Onam kabi mehribonim yo'q!

Poyi jannat, duosi qutlug',
Borligi baxt, ming bora qulluq.
Yetti milliard inson ichida,
Onam kabi mehribonim yo'q!

✍️Elyor NAZAROV

T.me/Elyor_NAZAROV_sherlari

3,630

🇺🇿 Elyor NAZAROV She'rlari ✍️

01 Jan, 05:35

🎄 #Yangi_yil_muborak 🎄

O'zim tahsil olayotgan O'zbekiston davlat san'at va madaniyat institutining "IJODIY PARVOZ" 📰 gazetasida "Yoshligim" deb nomlangan yana bir she'rim chop etilibdi. ✍️

T.me/Elyor_NAZAROV_sherlari

1,952

🇺🇿 Elyor NAZAROV She'rlari ✍️

01 Jan, 05:34

#gazeta

📰 "Ijodiy parvoz" gazetasining dekabr oyi sonini elektron ko'rinishda mutolaa qilishingiz mumkin.

524

🇺🇿 Elyor NAZAROV She'rlari ✍️

31 Dec, 08:52

Assalomu alaykum, aziz va muhtaram kanalimiz a'zolari! Barchangizni Yangi 2025-yil bilan chin qalbdan muborakbod etaman. Yangi yil har birimizning xonadonimizga tinchlik, xotirjamlik fayz-u baraka olib kelsin. O'ylagan ezgu niyatlarimiz, orzu xayollarimiz o'z ijobatini topsin. Ilohim yurtimiz tinch, osmonimiz musaffo bo'lsin. Alloh barchamizni o'z panohida saqlasin! Bayram kayfiyati yil bo'yi hamrohimiz bo'lsin!
❄️🎄🎉✨🎈

Ortda qolsin, qayg'u alam,
G'am qolmasin hech bir dilda.
Omon bo'ling azizlarim,
O'ynab kuling yangi yilda!

Kulib tursin qaro ko'zlar,
Ey iymonli yorug' yuzlar,
Armon nima bilmang do'stlar,
Baxtga to'ling yangi yilda!

Bugun bayram kuylar qiling,
Shirin-shirin o'ylar qiling,
Nasib qilsin, to'ylar qiling
Shodon yuring yangi yilda!

Ushalsin chin maqsadingiz,
Xalq deb qiling xizmatingiz,
Kulib boqsin qismatingiz,
Himmat ko'ring yangi yilda!

Mehr bo'lsin qalbga ko'zgu,
Tark etmay ishq degan tuyg'u,
Xudo yorlab, ko'plab ezgu,
Ishlar qiling yangi yilda!

✍️Elyor NAZAROV

@Elyor_NAZAROV_sherlari

3,386

🇺🇿 Elyor NAZAROV She'rlari ✍️

30 Dec, 14:12

🎄 #Yangi_yil_muborak 🎄

Intizor kutgandim, yuragim mushtoq,
Yangi orzularim qordayin oppoq.
Xayr eski yilim, yana bir yoshim,
Yangi yil o'zingdan umidim ko'proq.
Boshlab kel, ezgulik quvonchni yana,
Xush kelding yangi yil, baxtli tantana!

Sen bilan kelgaydir kutilgan diydor,
Tashqarida sovuq, lek qalbda bahor.
Ming shukur azizim yana birgamiz,
Senga yetganlar bor, yetmaganlar bor.
Murodga yetkazib shod qilding mana,
Xush kelding yangi yil, baxtli tantana!

O'tgan kunlarimni eslaganim dam,
Yarmi sevinch bo'ldi, qolgani alam.
G'amlarni haydab sol sendan iltimos,
Archangdek bezatgin yuraklarni ham.
Tugasin armonlar, araz va gina,
Xush kelding yangi yil, baxtli tantana!

Mustaqil Vatanga yarashar bayram,
Xalqmiz, ezgulikni ko'ramiz baham.
Yaxshi kayfiyatda o'tsin yangi yil,
Doim muhabbatdan yozsin bu qalam.
Omad bo'l, bizlarni tark etma sira,
Xush kelding yangi yil, baxtli tantana!

✍️Elyor NAZAROV

T.me/Elyor_NAZAROV_sherlari

3,777

🇺🇿 Elyor NAZAROV She'rlari ✍️

27 Dec, 05:45

Ko'kdalalik ijodkorlardan 🎄 #Yangi_yilda 🎄 yangi qo'shiq #PREMYERASI 🔥

🎶 #Maktabdagi_sevgim 🎶

✍️ Elyor NAZAROV she'ri

🎹 Sardorali Bolliyev musiqasi

🎤 Sardorali Bolliyev ijrosi

Yuragimni yondirasan,
Xayollarga toldirasan,
Shunday shirin xotirasan,
Maktabdagi sevgim mening!

Nozi go'zal, qora qosh qiz,
Eslab-eslab ko'zda yosh qiz,
Oshig'i ko'p, sinfdosh qiz,
Maktabdagi sevgim mening!

Shaydo bo'lib, bir martada,
Paydo bo'ldi ishq o'rtada,
O'tirardik bir partada,
Maktabdagi sevgim mening!

O'n bir yillik go'zal damlar,
Qancha-qancha sirni jamlar,
Qiynar sog'inch degan g'amlar,
Maktabdagi sevgim mening!

O'tdi yoshlik, o'yinqaroq,
Goho shodlik, goho firoq,
Yoding dilda o'chmas chiroq,
Maktabdagi sevgim mening!

Taqdir toshi tegib boshga,
Yo'llar bo'ldi, boshqa-boshqa,
Kelgan eding, o'n to'rt yoshda,
Maktabdagi sevgim mening!

Omad kabi kulmagansan,
Qalb amriga ko'nmagansan,
Afsus, nasib bo'lmagansan,
Maktabdagi sevgim mening!

T.me/Elyor_NAZAROV_sherlari

https://t.me/+2D3cyIsqzsNkY2Ni

507

🇺🇿 Elyor NAZAROV She'rlari ✍️

25 Dec, 15:19

Yaxshiman deb, ey banda,
Yomondan nolimagin.
Hamma ayb odamlarda,
Zamondan nolimagin.

Azoblansa ham joning,
Toptalmasin hech shoning,
Xato bo'lsa nishoning,
Kamondan nolimagin.

Oyoqqa tur yiqilsang,
Baxt kulmaydi, o'kinsang,
Boshoq bo'lmay to'kilsang,
Samondan nolimagin.

Ishqdan kechib, xor qancha,
Or sotganga, kor qancha?
Burda nonga zor qancha,
Taomdan nolimagin.

Nafs uchun, yelib shoshib,
Qirg'oqdan ketma toshib,
O'tolmay qolsang oshib,
Davondan nolimagin.

Haqdan ketma yuz burib,
Shukur qil, ko'pni ko'rib,
Yolg'on dunyoda turib,
Yolg'ondan nolimagin.

Qilmasang gar vafoni,
Tortgaydirsan jafoni,
Zahar inson zaboni,
Chayondan nolimagin.

Qalbing uyi, pok bo'lsa,
Qadring baland tog' bo'lsa,
To'r bir muchang sog' bo'lsa,
Armondan nolimagin.

Men yaxshi deb, ey banda,
Yomondan nolimagin.
Barcha gunoh bizlarda,
Zamondan nolimagin.

✍️Elyor NAZAROV

T.me/Elyor_NAZAROV_sherlari

1,669

🇺🇿 Elyor NAZAROV She'rlari ✍️

23 Dec, 05:28

#Tamaraxon

Tugamagan Tashvishlarni Taxladingiz,
Tuyg'ularim Tuproqlarga Tashladingiz,
Taxtlar Topib, Tillolarni Tanladingiz,
Tengsizlikda Tenglashmadik, Tamaraxon.
Taqdirimiz Tutashmadi, Tamaraxon.

Tuzoq Tushdim, Tug'yonlarning Tog'larida,
To'lg'onaman Tushlaringiz Tollarida,
Taskin Topmay, Tanburlarning Torlarida,
Tengsizlikda Tenglashmadik, Tamaraxon.
Taqdirimiz Tutashmadi, Tamaraxon.

Toshkentlarning Tosh-u Tamonnasi Turli,
Taomlari Tansiqmasdir, Taxir Tuzli,
Ta'riflasam, Toshbag'irsiz Tovus Tusli,
Tengsizlikda Tenglashmadik, Tamaraxon.
Taqdirimiz Tutashmadi, Tamaraxon.

Tanim Tabib, Toqatlarim To'kilmaslar,
Toshmehrlar Tuyg'ularga Tutilmaslar,
Telbadirlar, Toxirlarni Tushunmaslar,
Tengsizlikda Tenglashmadik, Tamaraxon.
Taqdirimiz Tutashmadi, Tamaraxon.

Taajjub, Ta'bir Tamoyili Ta'zir To'plash,
Tasodifmi? Talvasaga Taqdir To'qnash,
Tolemidi, Tushkunlikka Tushib To'xtash,
Tengsizlikda Tenglashmadik, Tamaraxon.
Taqdirimiz Tutashmadi, Tamaraxon.

✍️Elyor NAZAROV

T.me/Elyor_NAZAROV_sherlari

1,991

🇺🇿 Elyor NAZAROV She'rlari ✍️

21 Dec, 13:16

#PREMYERA 💥

#Xayolimdan_chiqmayapsan 🎶

✍️ Elyor NAZAROV she'ri

🎹 Halimjon Aliyev musiqasi

🎙️Halimjon Aliyev ijrosi

Chekib mendek dard-u firoq,
Balki, eslab yig'layapsan.
Hayotimdan ketding biroq,
Xayolimdan chiqmayapsan...

Orzu, umid, ahdimdasan,
O'ylasam har vaqtimdasan,
Nafasimda, aqlimdasan,
Xayolimdan chiqmayapsan...

Berganing g'am, bilganing noz,
Qalbimdasan kecholmam voz,
Sevgim haqqi so'zlarim rost,
Xayolimdan chiqmayapsan...

Bahor bo'lib, qishlarimda,
Oqqush misol hushlarimda,
Ko'zim yumsam tushlarimda,
Xayolimdan chiqmayapsan...

Axir, bir so'z demay menga,
Yuragimga chiqding ega,
Ey bag'ritosh aytgin nega?
Xayolimdan chiqmayapsan...

Taxir bo'ldi, ishqning ta'mi,
Armonmidi visol dami,
Unutishga imkon qani,
Xayolimdan chiqmayapsan...

Sen ko'nglimda kuylaganim
va she'r qilib so'ylaganim,
O'zimdan ko'p o'ylaganim,
Xayolimdan chiqmayapsan...

Sensizlikka ko'nolmayman,
Sen kelmasang, o'lolmayman,
Afsus, ket deb quvolmayman,
Xayolimdan chiqmayapsan...

T.me/Elyor_NAZAROV_sherlari

319

🇺🇿 Elyor NAZAROV She'rlari ✍️

20 Dec, 15:01

Bevafoga aylanmasin, hech bir oshiq,
Nigohlari o'zga yorga qayrilmasin.
Nafs izmida, yonidagi baxtdan kechib,
Sevgan jufti halolidan ayrilmasin.

Rishtalarni uzar ekan xiyonatlar,
Boqiy bo'lsin, ahd-u paymon diyonatlar,
Ko'ngillari muhabbatga inoyatlar,
Dilda iymon, zilolidan ayrilmasin.

Visol bo'lsa, ikki qalbning rizosida,
Bog'langaydir sadoqatning imzosida,
Porlab tursin, mangu sevgi fazosida,
Kulib boqqan, hilolidan ayrilmasin.

Omon bo'lsin, ul ko'zlari shahlolari,
Majnunlarga quchoq ochgan sahrolari,
Qo'sha qarib, Toxirlar-u Zuxrolari,
Shirin-shirin xayolidan ayrilmasin.

Sog'inch aro, qancha hijron g'amni yutgan,
Chin sevganlar, bir umrga so'zin tutgan,
Oshiq inson o'z uyida intiq kutgan,
Go'zal sohibjamolidan ayrilmasin.

Ajratmasin bir-birimiz taqdir nogoh,
Nizo chiqmas, oqibatni etsak panoh,
Qo'llayversin har bandani qodir Alloh,
Farzandlarning kamolidan ayirmasin!

✍️Elyor NAZAROV

T.me/Elyor_NAZAROV_sherlari

3,081

🇺🇿 Elyor NAZAROV She'rlari ✍️

19 Dec, 13:44

Taqdir hukmi, Xudodandir,
Sevgim - mehri fidodandir.
Mening har bir baxtli kunim,
Onam qilgan duodandir!

Allohimning saxovati,
Yaqinlarim halovati,
Uyim fayzi, tarovati,
Onam qilgan duodandir!

Yurgan yo'lim oqligi ham,
Kulsam, ko'nglim chog'ligi ham,
To'rt muchamning sog'ligi ham,
Onam qilgan duodandir!

Uzoqdirman, xatarlardan
Omon qaytdim, safarlardan,
Xulosam shu - zafarlardan,
Onam qilgan duodandir!

Olg'a borsam, burilmasam,
Iztirobda bo'g'ilmasam,
Hatto, g'amda yiqilmasam,
Onam qilgan duodandir!

Yaratgan kuch berib tursa
Halol rizqim kelib tursa,
Agar omad kulib tursa,
Onam qilgan duodandir!

Sabrim, ahdim, qat'iyatim,
Doim xushdir kayfiyatim,
Yaxshi bo'lsa har niyatim,
Onam qilgan duodandir!

So'zlaridan dilim obod,
Nasihati jonga najot,
Men yashagan shirin hayot,
Onam qilgan duodandir!

Davlatimdir, durim asli,
U bor jannat, yerim asli,
Barcha yozgan she'rim asli,
Onam qilgan duodandir!

✍️Elyor NAZAROV

T.me/Elyor_NAZAROV_sherlari

3,164

🇺🇿 Elyor NAZAROV She'rlari ✍️

17 Dec, 13:30

Nima yetsin, qaynoq mehr taftiga,
Aka-uka, aziz opa-singillar.
Ob-havo sovusa ham mayliga,
Bir-biridan sovumasin ko'ngillar.

Tark etmasin odamiylik bizlarni,
Inson zoti arosatda qolmasin.
Muzlasa ham tog'lar, daryo, dengizlar.
Vijdonimiz aslo muzlab qolmasin!

Samimiylik yo'qolmasin yurakdan,
Bir shirin so'z, shodlantirar miskinni.
Laylak qorlar yog'sa mayli falakdan,
Qovog'idan qor yog'masin hech kimni.

Ifor sochib tursin sevgi gullari,
Iymoninggiz shaytonlarga oldirmang.
Ravon bo'lsin oqibatning yo'llari,
Or nomusni izg'irinda qoldirmang.

Tark etmasin, qalbni iliq tuyg'ular,
Hamrohingiz shirin diydor chog'lari.
Umringizni bezasin sho'x kulgular,
Sovqotmasin, hech ham visol bog'lari.

Sovuq kunlar chekinadi ortiga,
Eng muhimi ezguliklar bor bo'lsin.
Vafo qilsin, har kim yor-u do'stiga.
Barchamizga Alloh madadkor bo'lsin!

Muzlasa ham tog'lar, daryo, dengizlar,
Vijdonimiz aslo muzlab qolmasin!

✍️Elyor NAZAROV

T.me/Elyor_NAZAROV_sherlari

3,585

🇺🇿 Elyor NAZAROV She'rlari ✍️

15 Dec, 04:15

Taqdir kulib boqqanda,
Yurakni ishq yoqqanda.
Birinchi bor uchrashdik,
Birinchi qor yog'ganda...

Nigohlar to'qnash kelib,
Beixtiyor dil berib,
Taftingda ketdim erib,
Birinchi qor yog'ganda...

Falak boshdan dur sochdi,
G'amlar berkinib qochdi,
Qalbda sevgi gul ochdi,
Birinchi qor yog'ganda...

Sochlaring silab qorlar,
Bizni visolga chorlar,
Ko'nglimizda bahorlar,
Birinchi qor yog'ganda...

Qismatga ko'nib shartta,
Qoldik bedavo dardda,
Oshiq bo'ldik, ilk marta,
Birinchi qor yog'ganda...

Kesishib yo'llarimiz,
Tutashdi qo'llarimiz,
Birlashdi dillarimiz,
Birinchi qor yog'ganda...

Oppoq orzu, ahd topdik,
Eng beg'ubor vaqt topdik,
Bir umrlik baxt topdik,
Birinchi qor yog'ganda...

✍️Elyor NAZAROV

T.me/Elyor_NAZAROV_sherlari

3,995

🇺🇿 Elyor NAZAROV She'rlari ✍️

13 Dec, 12:48

Odamiylik hur ne'mat,
U bozorda sotilmas.
Nomusli inson sha'nin,
Aslo loyga botirmas.

Yolg'on dunyo ko'rganing,
Niqobi ko'p, ochilmas.
Chin do'stim deb yurganing,
Sinov kelsa topilmas.

Arosatga eltguvchi,
Boylik, kelib-ketguvchi,
Ishq hammaga yetguvchi,
Taroziga tortilmas...

Oson yo'lni tanlagan -
Malomatni jamlagan.
Omonatni anglagan,
Xiyonatga botinmas.

Noshukurdir bandasi,
Nafs uning kushandasi.
Halol mehnat qilganga,
Rizq eshigi yopilmas.

Mansab deb qasam ichib,
Baxt o'rniga g'am bichib,
Haqiqatdan voz kechib,
Qochgan inson, botirmas.

Rost shu: mangu turmoqqa,
Kelajakni ko'rmoqqa,
Ko'kda Xudo bo'lmoqqa,
Yerda hech kim qodirmas.

Kim iymonga mubtalo,
Uzoqdir undan balo,
Demak, Elyor avvalo,
Odam bo'lgin, shoirmas.

✍️Elyor NAZAROV

T.me/Elyor_NAZAROV_sherlari

3,712

🇺🇿 Elyor NAZAROV She'rlari ✍️

11 Dec, 12:47

Savdoyiga o'xshashim mumkin,
Qo'rqmadim hech telba bo'lishdan.
Men yashashdan to'xtashim mumkin,
To'xtamayman sizni sevishdan!

Yengolmaydi, g'am-g'ussa alam,
Rejalarim taqdir buzsa ham,
Hijroningiz yo'lim to'ssa ham,
To'xtamayman sizni sevishdan!

Yolg'izlikda abgordir holim,
Sizda fikrim, sizda xayolim,
Mening tengsiz sohibjamolim,
To'xtamayman sizni sevishdan!

Sevgisizlik dilning kulfati,
Muhabbatdir, ko'nglim ulfati,
Chiroyingiz haqqi hurmati,
To'xtamayman sizni sevishdan!

Ba'zan, ayriliqda yig'ladik,
Ba'zan, qalbni kuydirdi hadik,
Sog'inchingiz menga esdalik,
To'xtamayman sizni sevishdan!

Qalbim ichra qadringiz bo'lak,
Siz nafasim, qanchalar kerak,
To'xtasa ham ko'ksimda yurak,
To'xtamayman sizni sevishdan!

Eshitsinlar, yaqin yotgacha,
Yo'limiz bir diyonatgacha,
Vafodorman qiyomatgacha,
To'xtamayman sizni sevishdan!

Sevib shodman, sizdek nigorni,
She'rga soldim ko'nglimda borni,
Ma'zur tuting, oshiq Elyorni,
To'xtamayman sizni sevishdan!

✍️Elyor NAZAROV

T.me/Elyor_NAZAROV_sherlari

3,023

🇺🇿 Elyor NAZAROV She'rlari ✍️

09 Dec, 16:46

Ori bo'lsin, tog'dan balandda,
Qaddi bukilmasin erkakning.
Umri o'tsin, doim hurmatda,
Qadri to'kilmasin erkakning.

Matonati dunyoga ustun,
Iymoni sof, vijdoni butun,
Qanot bo'lsin, ro'zg'ori uchun,
Rizqi uzilmasin erkakning.

Undan uzoq bo'lsin xiyonat,
Unga yo'ldosh bo'lsin diyonat,
Sabr bilan qurgan omonat,
Taxti buzilmasin erkakning.

Har ishini aytmang xato deb,
Yiqilganda kulmang, ado deb,
Kamsitmangiz uni gado deb,
Qalbi ezilmasin erkakning.

Halol ishlab davlat ham topar,
G'iybatlarning eshigin yopar,
Orzulari daryoday oqar,
Yo'li to'silmasin erkakning.

Yomonlikni fosh qilib yursin,
Sinov kelsa dosh bo'lib yursin,
Farzandlarga bosh bo'lib yursin,
Dardi sezilmasin erkakning.

Elyor she'ri, ko'ngildan shoda,
Alloh baxtin qilsin ziyoda,
Bu o'tkinchi, yolg'on dunyoda,
Boshi egilmasin erkakning.

✍️Elyor NAZAROV

T.me/Elyor_NAZAROV_sherlari

4,052

🇺🇿 Elyor NAZAROV She'rlari ✍️

05 Dec, 13:36

#Dildagi_gaplar

Qotmoqda toshdek qalblar,
G'azablar qo'zg'almoqda.
Zamonda hech ayb yo'q,
Odamlar o'zgarmoqda.

O'zgarmoqda urf-odat,
Qadriyatlar teskari.
Gunohlarga ergashib,
Ko'plar savobdan nari.

Bormoqda nafs yo'lida,
Hatto, do'stlar yot bo'lib.
Ishonganing bir zumda,
Ketar seni mot qilib.

Botib g'amli tikanlar,
Mehr zor-zor yig'laydi.
Bir qoringa sig'ganlar,
Bir hovliga sig'maydi.

Qarich yerni talashib,
Tinch yashashga ulgurmas.
Aka-uka, qir pichoq,
Opa-singil, yuz ko'rmas.

Vijdon bilan qilib jang,
Qalbga hasad ekarlar.
Oxiratni unutmang,
Oqibatsiz jigarlar.

Chora izlamang puldan,
Davo yo'q, dil dardiga.
Yetmoq kerak vaqtida,
Ota-ona qadriga.

Qaytar dunyo baribir,
O'z so'zini aytadi.
Har qilmishing kun o'tib,
Farzandingdan qaytadi.

Birovga ozor berib,
Topmagan, hech kim foyda.
Fayz-u baraka bo'lmas,
Hurmat, Izzatsiz joyda.

Aslimiz - toza iymon,
Chin mehrning narxi yo'q.
Oqibatsiz insonning,
Shaytondan hech farqi yo'q.

✍️Elyor NAZAROV

T.me/Elyor_NAZAROV_sherlari

2,594

🇺🇿 Elyor NAZAROV She'rlari ✍️

02 Dec, 10:01

Alam-anduhlarim o'ldirib,
Yuragimga orzu to'ldirib,
Bolalardek shodon kuldirib,
Qaytib kelsang edi yoshligim!

Eng navqiron, o'n sakkiz yoshim,
Muhabbatdan aylangan boshim,
Qaylardasan ey qalamqoshim,
Qaytib kelsang edi yoshligim!

Sen umrning nurli hiloli,
Ilk sevgisan - armon visoli,
Qishda kelgan bahor misoli,
Qaytib kelsang edi yoshligim!

Ishq gulobin totgan bo'lardim,
Baxt qo'shig'in aytgan bo'lardim,
Men o'zimga qaytgan bo'lardim,
Qaytib kelsang edi yoshligim!

Asrab, jonim fidolarimni,
Tinglab ko'ngil sadolarimni
Yuvardim men xatolarimni,
Qaytib kelsang edi yoshligim!

Olib, sinovlarning tamg'asin,
Qaytarsayding ortga hammasin,
Kengaytirib do'stlar davrasin,
Qaytib kelsang edi yoshligim!

Kelmadi bu boshga nimalar,
Bag'rim sog'inchlarda qiynalar,
Qaytganidek yurtga turnalar,
Qaytib kelsang edi yoshligim!

Gar yashirsang go'zal bag'ringga,
Ko'nar edim barcha shartingga,
Yetmaganman afsus qadringga,
Qaytib kelsang edi yoshligim!

Beg'uborim mening yoshligim!

✍️Elyor NAZAROV

T.me/Elyor_NAZAROV_sherlari

3,230

🇺🇿 Elyor NAZAROV She'rlari ✍️

30 Nov, 16:14

#Onajon

✍️ Muhammad Yusuf she'ri

🎙 Afzal RAFIQOV o'qigan

Har bir farzand uchun ibrat namunasi bo'ladigan she'r. 😢

...Sog‘inch haqda she’rlar
Yozdim o‘zimcha,
Mendan peshonangda
Dog‘lar tizimcha.
O‘g‘il bo‘lmay o‘lay,
Attang, ming attang.
Qiz tug‘sang netardi,
Ko‘proq qiz tug‘sang!..
Tirgak bo‘lolmadim
Bitta qizingcha
Uyalmay shoirman
Deyishimga boq...

T.me/Elyor_NAZAROV_sherlari

2,600

🇺🇿 Elyor NAZAROV She'rlari ✍️

29 Nov, 13:23

Baxt keltirmas, mol-u dunyo,
Do'st yo'q, Haqdan bo'lak senga.
Yaxshi odam bo'lay desang,
Odamiylik kerak senga.

Hayot - past-u baland so'qmoq,
Kimga darsdir, kimga to'qmoq,
Eng muhimi, go'zal axloq,
Odamiylik kerak senga.

Mehri yo'qlar, aslo boymas,
Bog' qil, tillo saroylarmas,
Jannat uchun chiroylarmas,
Odamiylik kerak senga.

Farqliman desang hayvondan,
Har ishni qilgin vijdondan,
Kuch olib yasha iymondan,
Odamiylik kerak senga.

Shon-u shuhrat, oshno emas,
Kerilma, sen tanho emas,
Qimmat kiyim, sarpo emas,
Odamiylik kerak senga.

Hamma qochsa g'azabingdan,
Uyal, nasil nasabingdan,
Hech foyda yo'q mansabingdan,
Odamiylik kerak senga.

Gar sabringni qilsang ulfat,
Chekinadi har bir kulfat,
Topay desang elda hurmat,
Odamiylik kerak senga.

Yomonlikdan qilsang hazar,
Yaratgandan tushgay nazar,
Mingta olimlikdan afzal,
Odamiylik kerak senga.

✍️Elyor NAZAROV

T.me/Elyor_NAZAROV_sherlari

2,476

🇺🇿 Elyor NAZAROV She'rlari ✍️

28 Nov, 13:43

Sizni so'rasa qalbim,
Visoli izsiz dedim.
Kuyib ketmoqda bag'rim,
Sevgimga essiz dedim.

Ishq nochor etdi meni,
Hijron xor etdi meni,
Yor qurbon etdi meni,
Sevgimga essiz dedim.

Yo'llarim bosdi tikan,
Orzudan armon ulkan,
Sevmoqlik gunoh ekan,
Sevgimga essiz dedim.

Yuragimda qonli yosh,
Beradirman qanday dosh,
Ey bagʻritosh, qalamqosh,
Sevgimga essiz dedim.

Qilgan edim, dil izhor,
Mensimayin ketdi yor,
Dard ichida hokisor,
Sevgimga essiz dedim.

Chiroyda tengsiz dedim,
Vafoli, qizsiz dedim,
Ammo, oxir-oqibat,
Sevgimga essiz dedim.

Orzu, ko'kda hiloldir,
Chin tuyg'ular uvoldir,
Muhabbat ham xayoldir,
Sevgimga essiz dedim.

Hijronlar, ochko'z nahang,
Dunyolari bo'ldi tang,
Kechib ketdingiz attang,
Sevgimga essiz dedim.

Qolsangiz, ahd qilardik,
Ishqim baham ko'rardik,
Baxtlarga ulgurardik,
Sevgimga essiz dedim.

Netay, faqat siz dedim,
Ko'nglimga egiz dedim,
Bugun Elyor afsusda.
Sevgimga essiz dedim.
Sevgimga essiz dedim...

✍️Elyor NAZAROV

T.me/Elyor_NAZAROV_sherlari

1,229

🇺🇿 Elyor NAZAROV She'rlari ✍️

26 Nov, 13:19

Shom-u sahar yo'l qarab,
Ko'zim giryon, kelmasang.
Sochilgayman har taraf,
Yuragim qon, kelmasang.

Ishq sharobi mast qilgan,
Hijron dilga qasd qilgan,
Sog'inchdan bag'rim kuygan,
Dilda fig'on, kelmasang.

Eshit, mungli nidoman,
Kelsang ming bor fidoman,
Seniz hushdan judoman,
Bo'lgum sarson, kelmasang.

Shamol kabi, shoshib kel,
Visolga yo'l ochib kel,
Bahorim gul sochib kel,
Umrim xazon, kelmasang.

Chidab, g'amda yonishga,
Mahkumman zor qolishga,
Baxtlar tomon borishga,
Yo'qdir imkon, kelmasang.

Yog'ilar dard, malomat,
Topolmayman halovat,
Qalbimga qil saxovat,
Holim yomon, kelmasang.

O'tay dunyo bahridan,
To'ydim azob, qahridan,
Qutqar armon shahridan,
Topmam darmon, kelmasang.

Boshqa do'st yo'q, alamdan,
Sirdosh qog'oz, qalamdan,
Sensiz oshiq tanamdan,
Chiqmagay jon, kelmasang.

Shom-u sahar yo'l qarab,
Ko'zim giryon, kelmasang.
Sochilgayman har taraf,
Yuragim qon, kelmasang.

✍️ Elyor NAZAROV

T.me/Elyor_NAZAROV_sherlari

2,411

🇺🇿 Elyor NAZAROV She'rlari ✍️

24 Nov, 15:13

24-Noyabr Xalqaro do'stlar kuni!

Do'stim asrab bir-birimiz,
Omonatli do'st bo'laylik!
To'lgunicha paymonamiz,
Sadoqatli do'st bo'laylik!

Havas qilsin, bizga yog'iy,
Ishonchimiz - umri boqiy,
Do'stlik tuyg'usi ilohiy,
Saodatli do'st bo'laylik!

Oqibat - sevgiga bog'liq,
Diydor shirin, vaqti chog'liq,
Mehr sochib, quyosh yanglig',
Haroratli do'st bo'laylik!

Arimasin, ezgu tilak,
Qarimasin aslo yurak,
Sinov kelsa tog'day tirgak,
Matonatli do'st bo'laylik!

Aka-uka, jonday qardosh,
Ham qalbdoshmiz, hamda sirdosh,
Saxovatga bo'lib yo'ldosh,
Diyonatli do'st bo'laylik!

Birdamlikka kelmas xatar,
Sotqinlarni dushman atar,
G'ururlari osmon qadar,
Salobatli do'st bo'laylik!

Oramizdan qil ham o'tmay,
Hech bir g'ovni pisand etmay,
Haq yo'lidan chiqib ketmay,
Hidoyatli do'st bo'laylik!

Mingta zog', bir bulbul emas,
Ishqsiz ko'ngil, ko'ngil emas,
O'n yil emas, yuz yil emas,
Qiyomatli do'st bo'laylik!

✍️Elyor NAZAROV

T.me/Elyor_NAZAROV_sherlari

2,607

🇺🇿 Elyor NAZAROV She'rlari ✍️

22 Nov, 14:25

O'tkinchi dunyoga aldanib qolmay,
G'aflatning ipiga bog'lanib qolmay,
Yo'qotgach bir umr afsusda yonmay,
Borida qadrlash kerak Onani
Borida qadrlash kerak Otani.

Hayot tashvishlarin bir chetga surib,
Nurli diydorini g'animat bilib
Har lahza avaylab, xizmatin qilib,
Borida qadrlash kerak Onani
Borida qadrlash kerak Otani.

Oq yuvib, oq tarab qilishgan katta,
Endi bo'lsa yolg'iz, yuragi dardda
İntizor qilmasdan boring albatta
Borida qadrlash kerak Onani
Borida qadrlash kerak Otani.

Or bo'lsa, oqibat chetga otilmas,
Sevgisi beminnat aslo sotilmas
Do'st-u yor topilgay, ular topilmas,
Borida qadrlash kerak Onani
Borida qadrlash kerak Otani.

Ular bor, uyingiz fayzli axir,
Ularsiz oshingiz bo'ladi taxir,
Faqat mehr bering, qilmangiz qahr,
Borida qadrlash kerak Onani
Borida qadrlash kerak Otani.

Beg'ubor bag'riga bosh qo'yib uxlang,
Shirin duosidan ko'nglingiz to'qlang,
Har kun xabar oling, har kuni yo'qlang,
Borida qadrlash kerak Onani
Borida qadrlash kerak Otani.

✍️Elyor NAZAROV

T.me/Elyor_NAZAROV_sherlari

2,444

🇺🇿 Elyor NAZAROV She'rlari ✍️

20 Nov, 16:11

Hech pishmagan savdosi,
Dunyosi bozor ekan.
Bir kun ko'rsang muruvvat,
Bir kuni ozor ekan.

Oqib ketgaydir bari,
Davlatingga ishonma.
Menman degan zo'rning ham,
Manzili mozor ekan.

Oyga yetmagay qo'ling,
Baxtni keltirmas puling,
Gulzor atalmish yo'ling,
Asli tikonzor ekan.

Nafsga berib omonlik,
Qilma zinhor yomonlik,
Kim-ki iblis tomonlik,
Baloga duchor ekan.

Mayli dard yut, alam yut,
Sabr qil, barin unut,
Vijdoningni toza tut,
Boshqasi bekor ekan.

Bildim, tilim raqibim,
Oshiq dilim habibim,
Shifo so'rsam, tabibim,
O'zi ham bemor ekan.

Osmon qular nolangdan,
Daryo toshgay jolangdan,
Ba'zan Ota onangdan,
O'zgasi ag'yor ekan.

Kimlarga keng, kimga tor,
Anduhlaring qilmas kor,
Xor qilganlar, bo'lgan zor,
Qaytar dunyo bor ekan.

Topay desang halovat,
Tangriga ayt salovat,
Qilsang ehson, saxovat,
Xalqing senga yor ekan.

Tavbada ko'z yoshlasang,
Halol oshing oshlasang,
Alloh deb yo'l boshlasang,
Alloh madadkor ekan.

✍️Elyor NAZAROV

T.me/Elyor_NAZAROV_sherlari

1,348

🇺🇿 Elyor NAZAROV She'rlari ✍️

17 Nov, 03:32

#Talabalar_kuni

O'qing, shijoatli yoshlar,
G'alabalar kuni bugun!
Dillar ichra bayram boshlar,
Talabalar kuni bugun!

G'aflatlardan ketib nari,
Olg'a borgan maqsad sari,
Yurt ertasi, xalq gavhari,
Talabalar kuni bugun!

Temuriydan bunyod bo'lgan,
Navoiyga zuryod bo'lgan,
Kelajakka najot bo'lgan,
Talabalar kuni bugun!

Sinovlarni qilmas pisand,
Parvoz etar, doim baland,
Qancha dono, qancha talant,
Talabalar kuni bugun!

Ko'zda porlab baxt uchquni,
Izlanishda kun-u tuni,
"Oltin davr" derlar buni,
Talabalar kuni bugun!

Ota-onasin rizosi,
Intizomdir chin ustozi,
Shodligining yo'q qiyosi,
Talabalar kuni bugun!

Insonga bosh sarbon - o'qish,
Ko'pchilikka armon - o'qish,
Shunday ulug' davron - o'qish,
Talabalar kuni bugun!

Qadrdonlar ey kursdoshlar,
Qani ketdik, bayram boshlar,
O'ynab kuling aziz yoshlar,
Talabalar kuni bugun!

✍️Elyor NAZAROV

T.me/Elyor_NAZAROV_sherlari

1,868

🇺🇿 Elyor NAZAROV She'rlari ✍️

16 Nov, 14:25

O'tdi zamon, o'tdi onlar,
Sog'inarman qumsab jonlar.
Ta'mi ketmas dimog'imdan,
Onajonim yopgan nonlar.

Tun yarmida xamir qorib,
Tandir yoqib, charchab, horib,
Bolamga deb, jizza solib,
Onajonim yopgan nonlar.

To'lin oyning aksi tushgan,
Qaynoq mehr, naqshi tushgan,
Muhabbati bilan pishgan,
Onajonim yopgan nonlar.

Bolalikning zo'r damlari,
Bilinmasdi hech kamlari,
Boldan shirinroq ta'mlari,
Onajonim yopgan nonlar.

Kulcha tutib, erkalatib,
Zulmat ichra nur taratib,
Uyg'otardi, bo'y taratib,
Onajonim yopgan nonlar.

Baxt topmadim, dunyo kezdim,
G'amlar yutib, qalbim ezdim,
Katta bo'lib, qadring sezdim,
Onajonim yopgan nonlar.

Yoshlik bo'lding, xasis menga,
Lek, har daming laziz menga,
Onam kabi aziz menga,
Onajonim yopgan nonlar.

She'rlar bitib, erta tonglar,
Eslab-eslab qumsar jonlar.
Ta'mi ketmas dimog'imdan,
Onajonim yopgan nonlar.

✍️Elyor NAZAROV

T.me/Elyor_NAZAROV_sherlari

1,976

🇺🇿 Elyor NAZAROV She'rlari ✍️

14 Nov, 11:33

🔥 #PREMYERA

"Yomon bo'ldi" 🎶

✍️ Elyor NAZAROV she'ri

🎹 Maqsud Qo'chqorov musiqasi

🖥️ Akmal Ahmedov musiqiy sayqali

🎙️ Muhammadbek Yaxshiboyev & Fazliddin Fayz ijrosi

Oshib ketdi oqibatning narxi do'stim,
Pul bo'libdi insonlarning dardi do'stim.
Faqatgina yolg'on dunyo bozorida,
Buncha arzon odamzotning qadri do'stim.

Boylar boyga boqadigan zamon bo'ldi,
Maddoh obro' topadigan zamon bo'ldi,
Qarsak chalib tursang sendan yaxshisi yo'q,
Haqiqatni talab qilgan, yomon bo'ldi.

Xotin kabi, g'iybat qilgan erkaklar bor,
Keksayganda bolasiga ermaklar bor.
Qand berganing, pand beradi bir kun kelib,
Va'dalar bor, bajarilmas ertaklar bor.

Sal kuchaysang, oyog'ingdan chalishadi,
Ishonganing to'rt so'm pulga alishadi.
Foydang yo'qmi kerakmassan ko'plariga,
O'lmasingdan go'ringni ham qazishadi...

Yaxshilikka almash, qalbda alamingni,
Adolat deb ishlat, Elyor qalamingni.
O'tkinchimiz barchamizdan qolar dunyo,
Hech to'xtatma Alloh uchun amalingni...

T.me/Elyor_NAZAROV_sherlari

2,639

🇺🇿 Elyor NAZAROV She'rlari ✍️

14 Nov, 11:26

https://youtu.be/qRlhmqmItdI?si=GfmHEH2Ob3an0o1l

256

🇺🇿 Elyor NAZAROV She'rlari ✍️

13 Nov, 17:45

Yangi qo'shiq #PREMYERASI

"Yomon bo'ldi" 🎶

✍️ Elyor NAZAROV she'ri

🎙️ Muhammadbek Yaxshiboyev & Fazliddin Fayz ijrosi

📆 Ertaga ⏰ 16:00 da

#NevoMusic #YouTube kanalida

T.me/Elyor_NAZAROV_sherlari

1,161

🇺🇿 Elyor NAZAROV She'rlari ✍️

12 Nov, 15:10

To'lgunicha paymonamiz,
Yorug' yuzda, yuzlashaylik.
Sevgi bo'lsin parvonamiz,
Muhabbatdan so'zlashaylik!

Turgan ekan, yurak urib,
Sevinchimiz baham ko'rib,
G'am, tashvishni chetga surib,
Muhabbatdan so'zlashaylik!

Mehr - ko'ngil degan joyda,
Oshiq inson, juda boyda!
G'iybatlardan nima foyda,
Muhabbatdan so'zlashaylik!

Savob olib kelar nafni,
Ishq egallab olsin qalbni,
Diyonatdan oching gapni,
Muhabbatdan so'zlashaylik!

Nolimoqqa yo'qdir toqat,
Diydor suvdir, visol ovqat,
Bitmas lazzat, jonga rohat,
Muhabbatdan so'zlashaylik!

Sharq-u g'arb, shimolga qadar,
Tinglasin, shamolga qadar,
Shomdan tortib, tongga qadar,
Muhabbatdan so'zlashaylik!

Orzu, umid jilolansin,
G'arib dillar orolansin,
Xasta yurak davolansin,
Muhabbatdan so'zlashaylik!

Elyor she'ri, baxtdan bayon,
Barchasi Allohga ayon,
Ey do'stlarim bundan-buyon,
Muhabbatdan so'zlashaylik!

✍️Elyor NAZAROV

T.me/Elyor_NAZAROV_sherlari

1,697

🇺🇿 Elyor NAZAROV She'rlari ✍️

09 Nov, 15:21

#Maktabdagi_Sevgim_mening

Yuragimni yondirasan,
Xayollarga toldirasan,
Shunday shirin xotirasan,
Maktabdagi sevgim mening!

Nozi go'zal, qora qosh qiz,
Eslab-eslab ko'zda yosh qiz,
Oshig'i ko'p, sinfdosh qiz,
Maktabdagi sevgim mening!

Shaydo bo'lib, bir martada,
Paydo bo'ldi ishq o'rtada,
O'tirardik bir partada,
Maktabdagi sevgim mening!

Kunduzlari qaynoq taftim,
Tunlar bedor yozgan xatim,
Eng birinchi muhabbatim,
Maktabdagi sevgim mening!

O'n bir yillik go'zal damlar,
Qancha-qancha sirni jamlar,
Qiynar sog'inch degan g'amlar,
Maktabdagi sevgim mening!

O'tdi yoshlik, o'yinqaroq,
Goho shodlik, goho firoq,
Yoding dilda o'chmas chiroq,
Maktabdagi sevgim mening!

Taqdir toshi tegib boshga,
Yo'llar bo'ldi, boshqa-boshqa,
Kelgan eding, o'n to'rt yoshda,
Maktabdagi sevgim mening!

Omad kabi kulmagansan,
Qalb amriga ko'nmagansan,
Afsus, nasib bo'lmagansan,
Maktabdagi sevgim mening!

✍️Elyor NAZAROV

T.me/Elyor_NAZAROV_sherlari

1,566

🇺🇿 Elyor NAZAROV She'rlari ✍️

07 Nov, 13:20

Qalbingni aylama hasratga nishon,
Ozorlar tushsa ham ba'zan o'rtaga.
Bugundan nolima, Allohga ishon
Yaxshi kunlarimiz ko'pdir ertaga!

Mayli kelaversin sinovning gali,
Barchasin yengamiz birlikda hali
Shukurdan boshlanar baxtning avvali,
Yaxshi kunlarimiz ko'pdir ertaga!

Bu dunyo arzimas, kuyinmoq uchun
Yashagin sevgiga to'yinmoq uchun
Ko'p narsa shart emas suyunmoq uchun
Yaxshi kunlarimiz ko'pdir ertaga!

Yo'lingni kesmasin nafs degan qilich
Izlagin adolat, iymondan ilinj,
Ota-onang hayot, jigarlaring tinch
Yaxshi kunlarimiz ko'pdir ertaga!

Kimlar erk deb yashar, kimlardir ermak
Qayta nasib bo'lmas dunyoga kelmak
Sog'liging joyida, eng boysan demak
Yaxshi kunlarimiz ko'pdir ertaga!

Oshing halol ekan bo'lmagaysan xor
O'ylab ko'r shu kunga yetmaganlar bor,
Holingdan shikoyat qilmagin zinhor,
Yaxshi kunlarimiz ko'pdir ertaga!

Elyor yuragingda jaranglab kuylar
Chin dildan xohlasang ushalgay o'ylar,
Xudo nasib qilsa ko'ramiz to'ylar,
Yaxshi kunlarimiz ko'pdir ertaga!

✍️Elyor NAZAROV

@Elyor_NAZAROV_sherlari

1,825

🇺🇿 Elyor NAZAROV She'rlari ✍️

06 Nov, 03:53

🌧️ YOMG'IR 🌧️ 🎶

✍️ Elyor NAZAROV she'ri

🎹 Halimjon Aliyev musiqasi

🖥 G'ayratbek Xamroqulov

🎤 Mushtariy Xamroqulova ijrosi

Baxtlimisan, mendan uzoqda,
Yo hijronni ko'rdingmi tatib.
Har kun qo'zg'ab xotiralarni,
Yomg'ir yog'ar, seni eslatib.

Qora bulut, ishqim osmoni,
Dard alamlar, sirdoshlarimdir.
Yo'g'ayotgan yomg'ir aslida,
Bevafo qiz ko'z yoshlaridir.

Esingdami yomg'ir ostida,
Qilgan edik, ahdupaymonlar.
Sen va'dangdan tongandan beri,
Tez-tez yig'layabdi osmonlar.

Muhabbatning eshigin yopding,
Sensizlikda yurak bag'rim qon.
Yomg'irdan-ku pana joy topdim,
Lek, topmadim g'amga soyabon.

Shodlantirib, qayg'uga solib,
O'tib borar dunyo biri kam.
Ko'z yoshingdan andoza olib,
Yomg'ir yog'di, to'ying kuni ham.

Tomchilarga yuzlaringni tut,
Mendan xabar eltadi yomg'ir.
Bevafodan darak bormi deb,
Derazamni chertadi yomg'ir.

Bevafolar yig'lasin faqat,
Sen yig'lama, kulib ket yomg'ir.
Iltimosim, yog'ganing mahal,
Gunohlarni yuvib ket yomg'ir.

✍️Elyor NAZAROV

T.me/Elyor_NAZAROV_sherlari

2,107

🇺🇿 Elyor NAZAROV She'rlari ✍️

04 Nov, 14:36

Yaqin yurmay savobga,
Do'st tutingan sarobga,
Mushuk chiqmas oftobga,
Tekinga nima qoldi?

Rostlar yolg'on sharhlangan,
Boylik deb baxt sarflangan,
Muhabbat ham narxlangan,
Tekinga nima qoldi?

Gap kelganda "Farishta"
Qorni qizg'onar qishda,
Manfaat bor har ishda,
Tekinga nima qoldi?

To'g'rilarni yo'llashdi,
O'g'rilarni qo'llashdi,
Or nomusni pullashdi,
Tekinga nima qoldi?

Foyda kelmadimi bas,
Boshlanar gina araz,
Tuyg'u bormi beg'araz,
Tekinga nima qoldi?

G'iybatchi tosh otuvda,
Hayo, zino, totuvda,
G'urur, vafo, sotuvda,
Tekinga nima qoldi?

Mensimasalar sizni,
O'rtanib g'am yeysizmi
Adolat yo'q deysizmi,
Tekinga nima qoldi?

Omadingning oqqani
Har kimsaga yoqqani,
Ko'rsatib qo'y soqqani,
Tekinga nima qoldi?

Firib o'yin hakami,
Cheksiz g'aflat raqami
Insof sariq chaqami,
Tekinga nima qoldi?

Xazon dil gulzorida,
Haqsizlik ozorida
Bu umr bozorida,
Tekinga nima qoldi?

Halovat bor, ne kerak
Taskin ol, she'rdan yurak,
Alloh mehridan bo'lak,
Tekinga nima qoldi?

✍️Elyor NAZAROV

@Elyor_NAZAROV_sherlari

2,493

🇺🇿 Elyor NAZAROV She'rlari ✍️

01 Nov, 14:40

Temuriydir nasabingiz,
Yuksak g'urur, sharafingiz,
Go'zal to'rtta tarafingiz,
Qashqadaryolik bo'lsangiz!

Surxon bilan ahil og'a,
Biri yengdir, biri yoqa,
Nurli manzil, Oltin voha,
Qashqadaryolik bo'lsangiz!

Shahrisabz "Oq saroy"li,
Har go'shasi ko'p chiroyli,
Soylari sho'x, to'lin oyli,
Qashqadaryolik bo'lsangiz!

Quyosh kabi chaqna deysiz,
Tamaddunga sahna deysiz,
Har kun tandir go'shtni yeysiz,
Qashqadaryolik bo'lsangiz!

Nishon, Kitob, G'uzori bor,
Cho'l bag'rida gulzori bor,
Dong'i ketgan bozori bor,
Qashqadaryolik bo'lsangiz!

Mashhur doim yalla kuyi,
Ko'kdaladir tarvuz uyi,
Ko'pkarisiz o'tmas to'yi,
Qashqadaryolik bo'lsangiz!

Hislar bo'lib guyo dengiz,
Chiroqchida "yaxni" yeng siz,
Futbolda "Nasaf" tengsiz,
Qashqadaryolik bo'lsangiz!

Beqiyosdir ta'rif, sharhi,
Durdonadir Qarshi shahri,
Polvon, chavandozlar faxri,
Qashqadaryolik bo'lsangiz!

Qalbdan qalbga mehr yuqib,
Baxtning libosini to'qib,
Layk bosasiz, she'rim o'qib,
Qashqadaryolik bo'lsangiz!

✍️Elyor NAZAROV

T.me/Elyor_NAZAROV_Sherlari

2,259

🇺🇿 Elyor NAZAROV She'rlari ✍️

01 Nov, 13:44

#Chempionliklar bardavom bo'lsin Nasafim! 🏆

Zo'r o'ynab, erishar maqsadga,
Raqibni tushirar g'azabga.
Himoya qilar yurt sha'nini,
G'alaba yarashar, Nasafga!

Maydonga or uchun tushgaydir,
Shu sabab, zafarlar quchgaydir,
"Osiyo Ajdari" uchgaydir,
G'alaba yarashar, Nasafga!

Qalbida jasorat namoyon,
Muxlislar sen bilan yonma-yon,
Tarixda ilk marta Chempion,
G'alaba yarashar, Nasafga!

Xalq ichra obro'si ko'p baland,
Har goli go'zaldir, chin san'at,
Sinovga qilmaydi, hech pisand,
G'alaba yarashar, Nasafga!

Porloqdir ulug'vor ertasi,
Yutuqlar mehnatning mevasi,
Chempion, kubokning egasi,
G'alaba yarashar, Nasafga!

Dunyolar hayratda lol bo'lar,
Mozgovoy - Messidek gol urar,
Qo'llaymiz, omadlar yor bo'lar,
G'alaba yarashar, Nasafga!

Yuzida Temurning siymosi,
So'zlasak topilmas qiyosi,
Qarshida - O'zbegim jamoasi,
G'alaba yarashar, Nasafga!

Ulug'lik nomini yoqladi,
Har o'yin ishonchni oqladi,
Chempion. Xudoyim xohladi,
G'alaba yarashar Nasafga!

✍️Elyor NAZAROV

T.me/Elyor_NAZAROV_Sherlari

3,425

🇺🇿 Elyor NAZAROV She'rlari ✍️

31 Oct, 11:51

Volidangiz darbadar,
G'amlar ichra qaritmang.
Farzand bo'lsangiz agar,
Onangizni ranjitmang!

Axir, u mushtipar jon,
O'ksitmangiz hech qachon,
Dunyoda eng mehribon,
Onangizni ranjitmang!

Yosh oqmasin ko'zidan,
Nur yog'ilsin yuzidan
Bahra oling so'zidan,
Onangizni ranjitmang!

Halol oq sutni berib,
Ulg'aytirgandir yelib,
Ta'zim qiling egilib,
Onangizni ranjitmang!

Xabarlashing holidan,
Faxrlaning boridan
Qo'rqingiz uvolidan,
Onangizni ranjitmang!

Zoriqmasdan o'sdingiz,
Yo'qdir, kam-u ko'stingiz
Sadoqatli do'stingiz,
Onangizni ranjitmang!

Maslahatin eting yod,
Ardoqlangiz umrbod
O'tkinchidir bu hayot,
Onangizni ranjitmang!

Ko'ngildan rozi qiling,
Boshingiz toji qiling
Albatta hoji qiling,
Onangizni ranjitmang!

Dardiga bo'ling malham,
To'g'risi, e'tibor kam,
Qodir Alloh uchun ham,
Onangizni ranjitmang!

So'zimga soling quloq,
Baxtingiz bo'lsin porloq
Har nimadan muhimroq,
Har kimsadan ulug'roq,
Onangizni ranjitmang!

✍️ Elyor NAZAROV

T.me/Elyor_NAZAROV_sherlari

2,424

🇺🇿 Elyor NAZAROV She'rlari ✍️

29 Oct, 13:45

Oromim yo'q, qaydaman?
Kelsang, baxtga qaytaman,
Hozir rostin aytaman,
Chin dildan sevdim seni.
Ko'ngildan sevdim seni.

Bir ko'rishda boylandim,
Devonaga aylandim,
Majnun bo'lib saylandim,
Layloyim bildim seni.
Ko'ngildan sevdim seni.

Ishq dardi yuqqan kecha,
Sog'inch yo'liqqan kecha,
To'lin oy chiqqan kecha,
Tushimda ko'rdim seni.
Ko'ngildan sevdim seni.

Qaro qoshi, yoy sanam,
Malohatga boy sanam,
Bilib qo'ygin oy sanam,
Xayollar qildim seni.
Ko'ngildan sevdim seni.

Telbaman, dil ham bemor,
O'zing tabib, o'zing yor,
Hislarim etdim oshkor,
Vafodor bildim seni.
Ko'ngildan sevdim seni.

Agar bo'lsang yupanchim,
Ertamga ko'p ishonchim,
Erkam, shirin quvonchim,
Shodligim dedim seni.
Ko'ngildan sevdim seni.

Aylanding ishq fasliga,
Elyorning nafasiga,
Ko'nglimning lavhasiga,
She'r qilib, yozdim seni.
Ko'ngildan sevdim seni.

Chin dildan sevdim seni!

✍️Elyor NAZAROV

T.me/Elyor_NAZAROV_sherlari

2,188

🇺🇿 Elyor NAZAROV She'rlari ✍️

27 Oct, 13:46

Davri o'tgay har narsaning,
Xazon to'ksa, bog' chidamas.
Bu dunyoning ishlariga,
Telba tugul, sog' chidamas.

Deysan: hayot shunday safo,
Ayt kimlarga qilgan vafo,
Dard yuborsa gar bedavo,
Gado mayli, shoh chidamas.

Ishq o'lchanmas qiymat bilan,
Mehr tengdir, ziynat bilan,
Davlat topgin mehnat bilan,
Yotib yesang, tog' chidamas.

Sevgan ko'ngil qolib tursa,
Oshiq ahddan tonib tursa,
Tildan zahar tomib tursa,
Bulbul yig'lar, zog' chidamas.

Qilib g'iybat, mish-mishlarin,
Chayondek sanchar nishlarin,
Ba'zilarning qilmishlarin,
Eshitgan quloq chidamas.

Nogoh yurtni bosganda yov,
Johil millat bo'lolmas g'ov,
O'z xalqini sotar darrov,
Tashvishga, qo'rqoq chidamas.

Go'zallikni etib yakson,
Buncha shafqatsizdir inson,
Yovuzlikdan qular osmon,
Yer titrar, tuproq chidamas.

O'tkinchidir, boy-u zor ham,
Qiyomatda topgay barham,
Siz maqtagan, tillo zar ham,
Ko'nglimdan ko'proq chidamas.

✍️Elyor NAZAROV

T.me/Elyor_NAZAROV_sherlari

2,457

🇺🇿 Elyor NAZAROV She'rlari ✍️

24 Oct, 22:10

Qalblar sevgi vatani,
Savob iymondan darak.
Qutlayman har bandani,
Do'stlar Juma muborak!

Duoga oching qo'lni,
Tanlab oling Haq yo'lni,
Xushnud aylang ko'ngilni,
Do'stlar Juma muborak!

Ziyoga eltgan zina,
Saxovatdir birgina,
Shukur yetkazganiga,
Do'stlar Juma muborak!

Bir huzurbaxsh salom bu,
Yaratgandan kalom bu,
Eng tabarruk ayyom bu,
Do'stlar Juma muborak!

Vijdon deb, yonib kuyib,
Joynamozga bosh qo'yib,
Poklaning nurga to'yib,
Do'stlar Juma muborak!

Ko'ngil baxtga ko'milsin,
Shaytonlar ham quvilsin,
Gunohimiz yuvilsin,
Do'stlar Juma muborak!

G'aflatlarning chorasi,
Diyonatning tolasi,
Ezgulik zuvolasi,
Do'stlar Juma muborak!

G'am g'ussalar eridi,
Hislar she'r bo'lib yeldi,
Chin nurafshon kun keldi,
Do'stlar Juma muborak!

✍️Elyor NAZAROV

T.me/Elyor_NAZAROV_sherlari

1,901

🇺🇿 Elyor NAZAROV She'rlari ✍️

23 Oct, 14:01

Qo'limdagi atirgul,
Yor uchun, beqadr gul.
Bilarmisan dardlarim,
Ishq azobi nadir gul?

Ikkimizdan kechgan qiz,
Boshqasin topib ketdi.
Tikonlaring g'am bo'lib,
Yurakka botib ketdi.

Xiyonatdan charchadim,
Yashir meni bag'ringga.
Vafosizlar arzimas,
Sening xushbo'y atringa.

Osmon uzoq, yer qattiq,
O'rtada g'am tig'ladi.
Ko'nglimning faryodiga,
Atirgullar yig'ladi.

O'ylamading hech meni,
Bag'ritoshsan bunchalar.
Atirguldan jilvagar,
Atirguldek g'uncha lab.

Qiz bola deganlari,
Palaxmon toshi ekan.
Bizni aldagan ko'zlar,
Yo qalam qoshi ekan.

U qiz endi begona,
O'z baxtini topganmish.
Eshitdingmi atirgul,
To'yi bo'layotganmish.

Atirgullar his qiling,
Elyor yozgan satrni.
Ming afsuski qaytadan,
Yozib bo'lmas taqdirni.

Atirgulim, atirgul,
Muhabbatga asir gul.
U qiz jabr qoldirdi,
Endi bizga sabr gul...

✍️Elyor NAZAROV

T.me/Elyor_NAZAROV_sherlari

2,267

🇺🇿 Elyor NAZAROV She'rlari ✍️

21 Oct, 04:10

#Tabriknoma

🇺🇿 Aziz yurtdoshlar!
Barchamiziga O‘zbek tili bayrami muborak bo‘lsin!

T.me/Elyor_NAZAROV_sherlari

2,270

🇺🇿 Elyor NAZAROV She'rlari ✍️

21 Oct, 03:54

21-Oktabr "O'zbek tiliga davlat tili maqomi berilgan kun" 🇺🇿🇺🇿🇺🇿🇺🇿🇺🇿

Navoiyning bo'stonida ungan gulim,
O'zbekligim, o'zligimga borar yo'lim.
Tabarruksan, Vatan kabi Ota meros,
Onam kabi muqaddassan, Ona tilim!

Yuragimga ishq baxsh etgan allam o'zing,
Har nafasda faxrlangan pallam o'zing,
Zabonimdan yayrab chiqqan yallam o'zing,
Onam kabi muqaddassan, Ona tilim!

Sen Cho'lponsan, Abdullosan yoki Mashrab,
Turkiy tilim, ko'ngillarga qutlug' matlab,
Ta'rifingni aytsam boqiy maqtab-maqtab,
Onam kabi muqaddassan, Ona tilim!

Qancha to'siq qo'yishmasin avvalimsan, ,
Borsan abad ruhimdagi sayqalimsan,
Dillar aro qad ko'targan haykalimsan,
Onam kabi muqaddassan, Ona tilim!

E'zozda bo'l, ardoqlasin seni hargiz,
Istiqloldek sharaflisan, mehring laziz,
Qadring baland bo'lsin doim, qadri aziz,
Onam kabi muqaddassan, Ona tilim!

✍️Elyor NAZAROV

T.me/Elyor_NAZAROV_sherlari

1,402

🇺🇿 Elyor NAZAROV She'rlari ✍️

20 Oct, 15:19

Yaxshini o'rgandim, yomondan,
Orzuni o'rgandim armondan.
Boshimga balolar yog'dirib,
Aylashdi qaddimni kamondan.

Hayotning bir qismi sinovlar,
Javobi topilmas so'rovlar,
G'iybatlar joningni egovlar,
Qo'rqaman chayonmas, insondan.

Qalbimga qadaydi xanjarlar,
Nodonlar maqsadi - janjallar,
Uqubat nishini sancharlar,
Ularning farqi yo'q, hayvondan.

Hayotim aylangan charxpalak,
Har bosgan qadamim yaxmalak,
Gunohim ne ekan, ey falak?
Bahorni izlayman, xazondan.

Sevgandi yuragim bechora,
Bir go'zal ishqida ming pora,
U nasib qilmadi, nachora,
Sog'inchni o'rgandim hijrondan.

Har joyda so'zlashar pul bilan,
Boylarning ishi yo'q, qul bilan,
Biz rosa qiynaldik dil bilan,
Chidamni o'rgandim zamondan.

O'zgartib bo'lmagay qismatni,
Tarozi belgilar qiymatni,
Nazarga ilmasdan g'iybatni,
G'ururni o'rgandim osmondan.

Charchadim, insofsiz nodondan,
Najotni izladim iymondan.
Elyorni ko'rgani, bilgani,
Barchasi yaratgan Xudodan!

✍️Elyor NAZAROV

T.me/Elyor_NAZAROV_sherlari

2,371

🇺🇿 Elyor NAZAROV She'rlari ✍️

19 Oct, 14:04

#Ezgu_tilak

Yolg'izlikda hech kimning,
Paymonasi to'lmasin.
Bu dunyoda odamzot,
Tirnoqqa zor bo'lmasin!

Bolalar kulgusidan,
Shodlikka ko'milsin yer.
Karami keng, Allohim,
Farzandsizga farzand ber.

Farzandsizlik og'ir dard,
Bu eng katta ozordir.
Bolali uy - bozordek,
Bolasiz uy - mozordir.

Tunlarni tongga ulab,
Alla aytsin Onalar.
Tug'ilsin Xasan, Husan,
Fotima-yu Zuxrolar.

Xudoyim bergan farzand,
Eng buyuk ne'mat chindan.
O'g'ilmi, qiz farqi yo'q,
Zuryod qolsin har kimdan.

Qondoshlik o'lmas rishta,
Qiymati doim baland.
Ota-Ona chirog'in,
Yoqadi bir kun farzand.

O'nta bo'lsa, o'rni bor,
Ko'paysin kichkintoylar.
Tug'ilsin har oilada,
Alpomish, Barchinoylar.

Dilbandlar ulg'aytiring,
Shirin tashvish, o'y surib.
O'g'il uyla, qiz chiqar,
Hech charchamang to'y qilib!

Yozilar she'r, poyandoz,
Shoir Elyor, dil tafti.
Barchaga nasib etsin,
Ota-Onalik baxti!

Bu dunyoda hech kimsa,
Tirnoqqa zor bo'lmasin.
Ilohim, har bir uyda,
Chaqoloqlar yig'lasin!

✍️Elyor NAZAROV

T.me/Elyor_NAZAROV_sherlari

1,834

🇺🇿 Elyor NAZAROV She'rlari ✍️

18 Oct, 12:59

Ko'kdalalik ijodkorlardan yangi qo'shiq 🔥

🎶 "To'yimda o'ynang Onam"

✍️ Elyor NAZAROV she'ri

🖥️ Anvar studio musiqasi

🎤 Sardorali Bolliyev ijrosi

Munisam, sajdagohim,
Quvonchga to'ymang Onam!
Baxtim ko'rib ilohim,
To'yimda o'ynang Onam!

Dilga havas o'rnatib,
Ko'zlarimni quvnatib,
Hammamizni o'ynatib,
To'yimda o'ynang Onam!

Siz bor vayronam, qasr,
Mehringizdir benazir,
Keling davram muntazir,
To'yimda o'ynang Onam!

Faxrimizning ramziga,
Fayz berib, ishq bazmiga,
Xorazmcha lazgiga,
To'yimda o'ynang Onam!

Olqishlaylik jo'r bo'lib,
Rayhon bo'lib gul bo'lib,
Dadam bilan bir bo'lib,
To'yimda o'ynang Onam!

Shudir shavkat, shoningiz,
Baxtga egiz nomingiz,
Tabarruk xiromingiz,
To'yimda o'ynang Onam!

Shodon kunim sizniki,
Samo - yerim, sizniki,
Suluv kelin sizniki,
To'yimda o'ynang Onam!

Chaling, sho'x-sho'x tarona,
Onamga jon parvona,
Allohimga shukrona,
To'yimda o'ynang Onam!

T.me/Elyor_NAZAROV_sherlari

378

🇺🇿 Elyor NAZAROV She'rlari ✍️

18 Oct, 12:57

Ko'kdalalik ijodkorlardan yangi qo'shiq 🔥

🎶 KO'KDALALIK YIGITLAR

✍️ Elyor NAZAROV she'ri

🎹 Hayit Muhammad musiqasi

🎤 Sardorali Bolliyev ijrosi

Raqsga tushing zo'ridan,
Davramizning to'ridan,
Qolishmaysiz bo'ridan,
Ko'kdalalik yigitlar.

El ishongan nor bo'ling,
Nomus bo'ling, or bo'ling,
Har dam baxtga yor bo'ling,
Ko'kdalalik yigitlar.

G'amlarga dosh bergaysiz,
Hech kimga bosh egmaysiz,
Jasurlikda sherdaysiz,
Ko'kdalalik yigitlar.

Yetib orzu o'ylarga,
O'ynang qo'shiq kuylarga,
Fayz kiriting to'ylarga
Ko'kdalalik yigitlar.

T.me/Elyor_NAZAROV_sherlari

344

🇺🇿 Elyor NAZAROV She'rlari ✍️

16 Oct, 14:19

Davring kelsa, ulfating bisyor,
Xushomadlar qilinar ekan.
Sen ularni do'st dema zinhor,
Do'st sinovda bilinar ekan.

Oshingni yeb, ko'plar yoningda,
Lekin, aqli faqat molingda,
Tashlab qochar abgor holingda,
Do'st sinovda bilinar ekan.

Ishonchingga kirmoqchun g'anim,
Farishtadek ko'rinar ekan.
Bu dunyoda shudir bilganim,
Do'st sinovda bilinar ekan.

Gar yiqilsang yovning ko'ngli chog',
Yaqinlar ham hattoki yiroq,
Ba'zi qarindoshdan yaxshiroq,
Do'st sinovda bilinar ekan.

Yuksalsin deb bo'lishar zina,
Darddoshingdir qilmaslar gina,
Do'stni yomon kuningda sina,
Do'st sinovda bilinar ekan.

G'aming olar, dard berib ketmas,
Yolg'on va'da, qand berib ketmas,
Keragida pand berib ketmas,
Do'st sinovda bilinar ekan.

Sen qanchalik iztirob cheksang,
Dushman shuncha suyunar ekan.
Ahvollingga Ota onang va
Haqiqiy do'st kuyunar ekan.

Yashab bo'lmas, sevgisiz baxtsiz,
Bermoq kerak, mehrni shartsiz,
Do'stga fido bo'lsangiz mardsiz,
Do'st sinovda bilinar ekan.

✍️Elyor NAZAROV

T.me/Elyor_NAZAROV_sherlari

2,362

🇺🇿 Elyor NAZAROV She'rlari ✍️

14 Oct, 06:30

Baxtlimisan, mendan uzoqda,
Yo hijronni ko'rdingmi tatib.
Har kun qo'zg'ab xotiralarni,
Yomg'ir yog'ar, seni eslatib.

Qora bulut, ishqim osmoni,
Dard alamlar, sirdoshlarimdir.
Yo'g'ayotgan yomg'ir aslida,
Bevafo qiz ko'z yoshlaridir.

Esingdami yomg'ir ostida,
Qilgan edik ahdupaymonlar.
Sen va'dangdan tongandan beri,
Tez-tez yig'layabdi osmonlar.

Muhabbatning eshigin yopding,
Sensizlikda yurak bag'rim qon.
Yomg'irdan-ku pana joy topdim,
Lek, topmadim g'amga soyabon.

Shodlantirib, qayg'uga solib,
O'tib borar dunyo biri kam.
Ko'z yoshingdan andoza olib,
Yomg'ir yog'di, to'ying kuni ham.

Tomchilarga yuzlaringni tut,
Mendan xabar eltadi yomg'ir.
Bevafodan darak bormi deb,
Derazamni chertadi yomg'ir.

Bolishingni jiqqa ho'l qilib,
Yoshing seldek oqqanda, esla.
Har lahzada afsuslar chekib,
Meni yomg'ir yog'ganda, esla.

Bevafolar yig'lasin faqat,
Sen yig'lama, kulib ket yomg'ir.
Iltimosim, yog'ganing mahal,
Gunohlarni yuvib ket yomg'ir.

✍️Elyor NAZAROV

T.me/Elyor_NAZAROV_sherlari

1,837

🇺🇿 Elyor NAZAROV She'rlari ✍️

12 Oct, 16:09

Baxt yo'lida, azobni g'am bilmaydi,
Halol yurar, egri yo'ldan yurmaydi.
Dadil yengib o'tar barcha sinovni,
Asil yigit yiqilmaydi, sinmaydi.

Yo'qchilikda yo'qolmaydi bardoshi,
Mard yigitga g'urur bo'lar yo'ldoshi
So'nmaydi hech uning mehr quyoshi,
Asil yigit yiqilmaydi, sinmaydi.

Nolimaydi, g'amlar abgor etsa ham,
Goho omad yuz o'girib ketsa ham,
Taqdir uni bir musofir etsa ham,
Asil yigit yiqilmaydi, sinmaydi.

Yigit piri qo'llar ekan har zamon,
Rizqi uzilmaydi uning hech qachon
Odimlaydi doim yaxshilik tomon,
Asil yigit yiqilmaydi, sinmaydi.

G'aflat bilan o'z umriga qasd etmas,
Nafs balosi uni aslo mast etmas,
Nomardlarning oldida hech past ketmas,
Asil yigit yiqilmaydi, sinmaydi.

Oldirmaydi og'zidagi oshini,
Ko'rsatmaydi zinhor ko'zda yoshini,
Tog'lardan ham tik tutadi boshini,
Asil yigit yiqilmaydi, sinmaydi.

Yarar har dam Ona Vatan koriga,
Shukur qilar, Alloh bergan boriga,
Jon berishga tayyor do'stu yoriga,
Asil yigit yiqilmaydi, sinmaydi.

✍️Elyor NAZAROV

T.me/Elyor_NAZAROV_sherlari

2,277

🇺🇿 Elyor NAZAROV She'rlari ✍️

11 Oct, 16:49

Jondek asrang oydek sohibjamolingiz,
Unga ayting barcha shirin kalomingiz,
Yolg'izlikda ayro qolib o'ksimasin.
Kulib yursin doim juft-u halolingiz.
Sizdan faqat mehr ko'rsin ayolingiz!

Gul ko'nglini hijron zahri tig'lamasin,
Orzu bering, uni armon cho'lg'amasin,
Uyingizning farishtasi yig'lamasin,
O'zga yorga ketmasin hech xayolingiz.
Sizdan faqat mehr ko'rsin ayolingiz!

Ishqni bilmas, dil izmida yurmaganlar,
Yonidagi shodligini ko'rmaganlar,
Xor bo'ladi o'z juftini xo'rlaganlar,
Yordan kechmoq, bu aslida zavolingiz.
Sizdan faqat mehr ko'rsin ayolingiz!

Uchmang sira bevafolar xiylasiga,
Yolg'on dunyo qilgan soxta jilvasiga
Sevgi qasrin alishmang dard kulbasiga,
Farzandingiz onasi, baxt kulolingiz,
Sizdan faqat mehr ko'rsin ayolingiz!

G'am chekmasin yo'lga qarab bedor tunda,
Birga bo'ling yaxshi kunda, yomon kunda,
Shukronalik, farovonlik gashti shunda,
Gulga to'lsin mudom umr bahoringiz.
Sizdan faqat mehr ko'rsin ayolingiz!

✍️Elyor NAZAROV

T.me/Elyor_NAZAROV_sherlari

1,968

🇺🇿 Elyor NAZAROV She'rlari ✍️

08 Oct, 16:26

Oshib ketdi oqibatning narxi do'stim,
Pul bo'libdi insonlarning dardi do'stim.
Faqatgina yolg'on dunyo bozorida,
Buncha arzon odamzotning qadri do'stim.

Boylar boyga boqadigan zamon bo'ldi,
Maddoh obro' topadigan zamon bo'ldi,
Qarsak chalib tursang sendan yaxshisi yo'q,
Haqiqatni talab qilgan, yomon bo'ldi.

Xotin kabi, g'iybat qilgan erkaklar bor,
Keksayganda bolasiga ermaklar bor.
Qand berganing, pand beradi bir kun kelib,
Va'dalar bor, bajarilmas ertaklar bor.

Sal kuchaysang, oyog'ingdan chalishadi,
Ishonganing to'rt so'm pulga alishadi.
Foydang yo'qmi kerakmassan ko'plariga,
O'lmasingdan go'ringni ham qazishadi...

Zo'rman deya, bu olamga solmagin dod,
Shoh bo'ldingmi, kun kelganda bo'lgaysan mot.
Sen qanchalik bandasidan yashirsang ham,
Qilmishlaring ko'rmoqdadir Yaratgan zot.

Yaxshilikka almash, qalbda alamingni,
Adolat deb ishlat, Elyor qalamingni.
O'tkinchimiz barchamizdan qolar dunyo,
Hech to'xtatma Alloh uchun amalingni...

✍️Elyor NAZAROV

T.me/Elyor_NAZAROV_sherlari

1,442

🇺🇿 Elyor NAZAROV She'rlari ✍️

06 Oct, 13:44

Yuragimga yozilgan isming,
She'rlarimga qo'yilgan nomsan.
Baxtim hamda shukronam o'zing,
Allohimdan buyuk in'omsan.

Taqdirimni bezagan chechak,
Menga malak, menga dildorsan.
Isming aytib uradi yurak.
Yaxshiyam-ki dunyoda borsan!

Go'zaldirsan Shirinmi, Layli,
Sevgim ortar ko'rganim sari.
Yashagayman sening tufayli,
Ey qalbimning sirli dilbari.

Senga pardoz, odob - hayodir,
Libosing ham nomus, vafodan.
Men oshiqqa mehring najotdir,
Baxtimizdir yolg'iz Xudodan.

Kulib yurgin, g'am ko'rma erkam,
Sen yig'lasang, yig'laydi dilim.
Dardlar bizni yengolmas hech ham,
Qo'llarimiz tutashsa gulim.

Orzularning oltin manzili,
Taronasan, kuysan, navosan.
Ta'rifingda shoirlar tili,
Boshlarimga qo'ngan humosan.

Nasib etsa, Alloh diydorni,
Bir kun menga munosib yorsan.
Maftun aylab, oddiy Elyorni,
Shoir qilgan ko'zi xumorsan!

✍️Elyor NAZAROV

T.me/Elyor_NAZAROV_sherlari

1,697

🇺🇿 Elyor NAZAROV She'rlari ✍️

04 Oct, 14:18

"Sizni yaxshi ko'raman Ona" 🎶

✍️ Elyor Nazarov she'ri

🎤 Jonli ijroda: "Nihol" mukofoti va "Shuhrat" medali sohibasi, xonanda Malika Egamberdiyeva

Qayga ketmay, sizga qaytaman,
Bolamanda axir, men bola.
Hech aytmadim bugun aytaman,
Sizni yaxshi ko'raman Ona!

Yo'lim kutib ko'zingiz namda,
Shodon yurdim, siz qolib g'amda,
Garchi bunga arzimasamda,
Sizni yaxshi ko'raman Ona!

Mehringizdan goh o'girib yuz,
Hol so'rmadim, chunki qalbim muz,
Qizg'onganim, ikki og'iz so'z,
"Sizni yaxshi ko'raman Ona"

Nahot shunday zolim yurakman,
Boshqalarga faqat ermakman,
Sizdan bo'lak kimga kerakman?!
Sizni yaxshi ko'raman Ona!

O'ylamay siz qadri balandni,
Hurmatnimas, qildim minnatni,
Kechiring men nodon farzandni,
Sizni yaxshi ko'raman Ona!

Qulman, sizni rozi qilguncha,
Bir kun emas, toki o'lguncha,
Omon bo'ling dunyo turguncha,
Sizni yaxshi ko'raman Ona!

Yozganlarim she'r emas, alam,
Qog'oz yig'lab, sindi-ku qalam,
Farishtaga o'xshaysiz biram,
Sizni yaxshi ko'raman Ona!

T.me/Elyor_NAZAROV_sherlari

3,044

🇺🇿 Elyor NAZAROV She'rlari ✍️

02 Oct, 14:28

Faqir qolar edi, hayot bisoti,
Muhabbat bo'lmasa, visol bo'lmasa.
Yashay olmas edi hech inson zoti,
Agarda dunyoda ayol bo'lmasa!

Mehri qimmatroqdir dunyodan magar,
Vafo va sadoqat xayol bo'lmasa.
Yozilmas edi she'r, birorta asar,
Agarda dunyoda ayol bo'lmasa!

Bizning baxtimiz deb o'zidan tonar,
Oy chiqmas osmonga hilol bo'lmasa.
Barcha go'zalliklar qadrsiz qolar,
Agarda dunyoda ayol bo'lmasa!

Ulardek dardimiz tushingan qaysi,
Qaniydi hislari uvol bo'lmasa.
Qolmasdi bir nafas uyimiz fayzi,
Agarda dunyoda ayol bo'lmasa!

Ba'zida qalbiga beramiz ozor,
Suvni ham ichmaymiz, zilol bo'lmasa.
Biling-ki g'aflatga bo'lardik duchor,
Agarda dunyoda ayol bo'lmasa!

Yo'qdir ishqingizda yonib kuymagan,
San'atkor, musavvir, kulol bo'lmasa.
Hatto jannatda ham chiroy bo'lmagan,
Agarda dunyoda ayol bo'lmasa!

Ular bor sevishga qodir yuraklar,
E'zozlang, ardoqlang, malol kelmasa.
Tan oling, hech kimmiz aziz erkaklar,
Agarda dunyoda ayol bo'lmasa!

✍️Elyor NAZAROV

T.me/Elyor_NAZAROV_sherlari

2,169

🇺🇿 Elyor NAZAROV She'rlari ✍️

01 Oct, 04:37

1-Oktabr "O'qituvchi va murabbiylar kuni"ga ✨
Barcha o'quvchilar nomidan...

Ta'lim berib charchamang hech,
Shogirdlardan olqish oling.
Mehr tutib, erta-yu kech,
Yo'lboshimiz bo'lib qoling.

G'amlar ko'rmang o'qituvchim,
Bizga baxtni tutmoqdasiz.
Faqat biz deb, zahmat chekib,
Qancha azob yutmoqdasiz.

Ham ma'naviy, ham axloqiy,
Tarbiyani sizdan oldik.
Soyangizda ahil-inoq,
Biz bir oila bo'lib qoldik!

Aytgan so'zlaringiz ezgu,
Doim quvonch ulashasiz.
Ustoz sizga ming bor rahmat,
Baxtimiz deb kurashasiz.

Umidingiz ko'p bizlardan.
Ishonchingiz oqlagaymiz.
Mehnatingiz samarasin,
Quvonchingiz xohlagaymiz.

Ko'proq o'qib, bilim olib,
Bo'lsak sizga biz munosib.
Faxrlanib yursak ustoz,
Nomingizga she'rlar yozib.

Yonimizda bo'ling har dam,
Siz bor, bayram ba'zimdamiz.
O'qituvchim omon bo'ling,
Sizga har on ta'zimdamiz!

✍️Elyor NAZAROV

T.me/Elyor_NAZAROV_sherlari

2,435

🇺🇿 Elyor NAZAROV She'rlari ✍️

30 Sep, 16:51

#Premyera 💥

"Makkor do'stlarim" 🎶

✍️ Elyor Nazarov she'ri

🎸 Umidjon Anvarjonov musiqasi

🎤 Umidjon Anvarjonov ijrosi

🎥 Kilipmeker: Oyatullo Mahmudov

Omad ketsa, yetti yot bo'lib,
Omad kelsa, takror do'stlarim.
Suyanchingmiz deyishar kulib,
So'ng yiqitar, makkor do'stlarim.

Yuragiga nafrat ekmasa,
Tinch yotolmas boshim egmasa,
Agar bir zum foydam tegmasa,
Voz kechishga tayyor do'stlarim.

Men kulgan payt, ranggi somonim,
Ovozalar qilar yomonim,
Bilishadi nozik tomonim,
Dushmanimdan ayyor do'stlarim.

G'iybat qilib ko'rsatishar bo'y,
Men g'am yutsam, qilishadi to'y,
Chehralari hamisha xushro'y,
Lekin qalbi g'ubor do'stlarim.

Havas emas, hasadda yurgan,
Shayton bilmas, nayrangni bilgan,
Qo'ynimizga ilondek kirgan,
Sirim sotgan, kibor do'stlarim.

Oqibatli ko'ngilda gard yo'q,
Nahot baxtni o'ylashga vaqt yo'q,
Do'stlikdan ham ulug'roq taxt yo'q,
Bo'ling siz ham iqror do'stlarim.

T.me/Elyor_NAZAROV_sherlari

3,153

🇺🇿 Elyor NAZAROV She'rlari ✍️

30 Sep, 16:01

https://youtu.be/Rl_UmOSaIcU?si=N_PyeN-x7URhrJFt

1,438

🇺🇿 Elyor NAZAROV She'rlari ✍️

29 Sep, 15:49

Saodat topgaysan, qanoat bilan,
Har banda go'zaldir, diyonat bilan.

Ayb emas, eskini kiyib yurganing,
Asl baxt - nafsingni tiyib yurganing.

Ezgulik aylaydi qalblarni obod,
Senga tosh otganga, muhabbating ot.

Agar halol bo'lsa, har tishlam noning,
El ichra yuksalar hurmating shoning.

Obro'ying to'kadi, hasad va g'iybat,
Kishiga bergaydir oddiylik ziynat.

Hech qachon itlarga oshing oldirma,
Ko'ngil ol, birovning ko'nglin qoldirma.

Sog'liging qadrla, bo'lmasdan bemor,
Mehnat qil, bekordan Xudo ham bezor.

Alloh omonatin qaytarib olar,
Dunyosi o'tkinchi, hammadan qolar.

Axir, dog'i bordir to'lin oyning ham,
Oxir manzili bir, gado boyning ham.

Gunohing o'rnini savoblar olsin,
Yaxshi bo'l, ortingdan yaxshi nom qolsin.

Tillolar yig'sa ham inson qasrga,
Faqat kafan bilan ketar qabrga...

✍️Elyor NAZAROV

T.me/Elyor_NAZAROV_Sherlari

2,214

🇺🇿 Elyor NAZAROV She'rlari ✍️

🇺🇿 Elyor NAZAROV She'rllari (Uzbek)

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️

🇺🇿 Elyor NAZAROV She'rlari ✍️