الشاعر عزت السماوي

من القصائد القديمة التي لم استطع تجاوزها وكتابة قصيدة غيرها عند نشر مولاتي فاطمة لقميص الحسين ( عليهما السلام) في إستقبال محرم
**
جـبت الـقميص المنسحـﮒ .... ومذبوحـه بـي قصة عشـﮒ
زيــــن وسـلــم مــن الـحرﮒ
بــس باﮔــــته سـيــوف
♦♦
هـذا الـقميص أللي أنسـلـب .... شـــــوفـــــو أشـــكــتـــب
يـــــا شيـعـــــه فــرهـــدونـــي
أسـمع قميصه أشـبي حـﭼـي....يــــــــوزع بــــــــﭼـــــــي
للــــي أجـــــو نـــــعـــــونــــي
نــظـرولـي بيــه ﭼــم رمــح .... وشــــــابــــــع جــــــرح
وكـــــل هــــــذا ســـلـبـــونـــي
وشوفوا القـميص أشبي أثر.... فـــــــــوﮒ الـــحـــجــــــر
بــحــوافـــــر مـــا رعــونـــــي
حــســـــــــين ... يـــايـــمــه .. يــــايـــمـــه .. يـــــايـــمـــه
♦♦♦
سمعوا صـدى أخـيول الـترض .... فـــــــــــــوﮒ الأرض
شــــــوفـــــــوا أثــــــرهـــــــن
وهم سمعوا ﭼم طفله البـﭼت .... مـــــــــــن أنــــﭼـــــوت
بـــــــهـــــــذا حــضـــــنـهــــن
وركضن خـواتـه بــلا وعــي .... الـــصــرخــــه نـــعــــي
وآه مـــــن ســـمـــعـــــهــــــن
يـﮔوم ويـطيــح أعله الـتـرب .... بـــــــولــــيــــه غــــرب
الـــطـﮔــــــــه شــــــتمـــهــــن
حــســـــــــين ... يـــايـــمــه .. يــــايـــمـــه .. يـــــايـــمـــه
♦♦♦
لــــمـن رحـتلـه بيـا وضـع .... ﮔــــاضــــي الــــدمــــــع
وأبـﭼــــــيـتـــه حــــســــــره
خــليتـه بـحضــانـي العمر .... ومــــــــات الــــصـبــــــر
مــــــــن شـــفـــت نـــحــــره
أســمـع نـحر سـولـف ألـم .... جــــــــرح الـــســـهــــــم
ﭼـــــــن يُــــمــــــه ســطـــره
معقوله يُــمه أنته الـترف .... تــــــنــــــزف نــــــــزف
والــــشيبــــــــه حــــــمـــــره
حــســـــــــين ... يـــايـــمــه .. يــــايـــمـــه .. يـــــايـــمـــه
♦♦♦
هـذا الـقميـص شـﮔد حضن.... واصـــــبـــح وطـــــــــن
للـــــــمـــالـــــــــه نـــــاصــــر
رغـم الجرح فـوﮒ الـجرح .... وعــــــــﮔـــب الــــذبـــح
عـــــــــــزب حــــــــوافــــــــــر
عـريان عـرش الله الـظهـر .... وظــــــل مـــنصــهــــر
والــــــتــــــــرب ســـــــاتــــــر
وجــمـر الـخيم واصـل ألـه .... شـــــيتـــــــــحمــــلــــه
وأختــــــــــه تـــــــناظـــــــــــر
حــســـــــــين ... يـــايـــمــه .. يــــايـــمـــه .. يـــــايـــمـــه
♦♦♦
شحـﭼـي وشسولف ياهظم .... ســـــــﮔـــم بســﮔـــــــــم
وزينـــــــــب سبــــــــــــوهــــه
نــسوان مـاتعــرف سبـــي ....وي أجــــــنبــــــــــــــــي
ولــــــــــــــيه ولــــــوهــــــــــه
بنيتـي ﭼبيره أعله الـهـزل .... وحــــــــــادي نــــــــــذل
أشـــــــــــﮔد بــــــهــذلوهــــــه
جــــــابت عــمرهــا مدلـله .... وبـــــــكــربلـــــــــــــــه
شـــــــــــــو شتمــــــــوهــــــه
حــســـــــــين ... يـــايـــمــه .. يــــايـــمـــه .. يـــــايـــمـــه
♦♦♦
الـخنصر لـﮔيتـه عــد شمـــر .... بـــــدرب الـــــيســــــــر
شســــــــوو بــــــــحالـــــــه
سلابـه مـايــــرحـم طفــل .... يـــــــم الــــهـــــــــــــزل
هـــــــــــضموا أطفــــالــــــه
أرذل بــشــر شــال الــصبع .... آه يــــــــالــــــصبــــع
بـــــــهــــــذل عـــــيالــــــــه
خـنصـر مشـه ويـه الضعن .... رتــــــــل محــــــــــــن
الله بـــــــــــــﭼــــــالــــــــــه
حــســـــــــين ... يـــايـــمــه .. يــــايـــمـــه .. يـــــايـــمـــه
♦♦♦
راح أمشـي واتـرك دمعتـي .... وي حـسرتـــــــــــــي
الـــــــكم هـــــــــدايــــــــــــا
واﮔـصد بناتــي بيــــا درب .... ويـــــــــه الغــــــــرب
صـــــــــــارن سبـــــايــــــه
وصنّــــي اجـيبلهــــن خــدر .... درب الــــــــيســــــــر
رﮔـــــــــد عبـــــــايـــــــــــه
راحـــن يــطــبــن للـقــصـر.... وكـــلــفــــه الـــسـتـــر
مــــا عـــنـــــده رايـــــــــه
♦♦♦
عزت السماوي

هل الشهر شدو الحيل هذا محرم فاطمة
بحزانكم صوت الآه خل يوصل لسابع سمه
***
إتمسك بگلبك زين بالك تخلي حاير
الدنيا ضيعه وغربيل يا فشلته اللي خاسر
ما تسوه تخسر وحسين لجلك يسحگه الحافر
المفروض كلحنه نموت لمصابه يوم العاشر

چا لشوكت بس ونين
ويوميه مذبوح حسين
الحب صدگ خلّص راح يا كبر هاي النعمه

***
غزّر بواچيك حيل واتحزمك أم الكافل
وإنذر دموعك لحسين بس جرحه خلك شايل
ضيّع كشختك بالطين خيلومك الما قابل
سيدنا رايح يا ناس والشمر بخته عايل

منهوبه سادة عدنان
شلنه بحچي شگال فلان
عدنه مصيبة عطشان ذبحوه وفت گلبه الضمه

****
فزّع جروحك لحسين يستاهل أبن الزهره
مولاك ظل ينفث آخ من الحروره بصدره
وتعبان وتوغزه رماح فوگاها گطعو نحره
والراس رفعوه برماح ويشوف رگضت خدره

بهذا الشهر شد الحيل
للداست بصدره الخيل
للباقي فوگ التربان وبنحره يابس دمه

****
بهذا الشهر ضحكت ناس وحسين تجري دموعه
وشاف اهله كلهم ميتين ون ونته المسموعه
والتهضم أكثر شمات شافوه حناها ضلوعه
وتالي نوله وصار الصار واخته تشوف اللوعه

وصاحتله خويه الصيوان
طلّعو منه النسوان
گوم انتهض صارت نار نسوانكم تطلب حمه

****
أخت الكوافل ذولاك هذا الشهر يسبونها
هيبة علي تالي تصير مچتوفه ويشتمونها
يا هضمتك يا عباس زينبكم يعرفونها
والله حسافه بديوان بعيونهم يولونها

وتفرح عيون الشمات
لو عاينو علويات
إنطيها حگ هالچلمات زينب غدت متشتمه

***

عزت السماوي

ضعن حبيبي وصل... كل الهلا مولاي
اتفضل لكربله ...فايض وسطها الماي
نوّخ نياگ الضعن ...والرايه خلها فياي

رحلة سفركم چانت طويله
نصبو خيمكم لجل العقيله
راحه تريد ازغار الهواشم
وحيل الكوافل كافل يشيله

أهلاً نگلك والهلا اوهام
ونگولها مولاي كل عام
وندري الحچي تاليته بالشام
ومچان إلكم مامش امچان

والتجي مدلـله ..... تركض بكربله
رهمت ويا وسف ...... بت علي بالفله

مولاي .. مولاي .. هضمه الهلا مولاي
مولاي .. مولاي .. هضمه الهلا مولاي
****
كل المنازل إلك ... من گلبي هذا الصوت
ملكك سمه اويه الأرض ... وأي ريه بيها تفوت
يالمسكنك بالگلب ... وشفناهن احلا بيوت

أهلاً وسهلاً يالكلشي بيه
أحضى بخدمتك ناعم عليه
تكسرني الأهلاً والله حبيبي
أحچيها تعرض خيل اعوجيه

كل عام گلبي يصيرلك بيت
اهواي انهضم لو اكول تانيت
وتدري المتانه شينفع الميت
أنطر وأنه ادري تموت عطشان

يالكطعت الدرب ..... لديره كلها غرب
وتالي جسمك بقى..... عاري فوگ الترب

مولاي .. مولاي .. هضمه الهلا مولاي
مولاي .. مولاي .. هضمه الهلا مولاي
****
جاي بترافة ورد ... شايل ضوه الإسلام
وجايب رسايل صبح... تروي ضمه الأيام
سَفرة عبير السمه ... لوادم وجهه إلثام

إسمك حبيبي ولله حبيبه
ما شمّو اسمك حاله عجيبه
چلمه بلسانك تهدي العوالم
بس آل اميه فعلوا مصيبه

شيفيد دگ الراح بالراح
مصباح اجيتوا بأثر مصباح
وتاليها تخلص روس برماح
شتلگه راسك صار عالزان

يا هضم كتلتك ..... وحدك بغربتك
ماكوا ناصر يجي ..... ويفزع لطيحتك

مولاي .. مولاي .. هضمه الهلا مولاي
مولاي .. مولاي .. هضمه الهلا مولاي
****
كل البخت عالوضِح ... أشرف شرف بالكون
أبيض بياض انوجد ... بعبيهن أسود لون
خدر العفيفه نصع ... بس ما تنظره عيون

بهودج عرشهن كل وحده اميره
وداير عليهن غيرة عشيره
يا ربي زينب طبت وطنّه
طبت عقيله وطلعت أسيره

نوگ الوضِح واهوادج الهيل
وضلمه الخدر يمه ضوه الليل
إنباگ تالي ما بگه الحيل
وخدر الله الأعظم بيد شيطان

چلمه كلفه انحچت ..... وشكثر صوتت
يابو فاضل حسين ..... زينب اتسلبت ( زينب اتشتمت)

مولاي .. مولاي .. هضمه الهلا مولاي
مولاي .. مولاي .. هضمه الهلا مولاي
****
گلبك معابد عشگ .. يا سيد الأحرار
بي صلو أهل الصدگ .. وهالصرنه إلك انصار
ما شفنه مثلك وطن .. بگلبك وطنه صار

چلمه چبيره وبالحيره تطلع
إقبل أگلك لو اگلك ارجع
هالحيره تكسر كلمن يريدك
والجايب اهله يجازونه مصرع

إرجع شني تفيد اويه مذبوح
بس گوه اريدن تقنع الروح
ولهسه دمك حار ويفوح
يلّي متت مقهور حيران

تنظر لعيلتك ...... وحيرتك قهرتك
من شفتها الخيم ...... وجت بعيلتك

مولاي .. مولاي .. هضمه الهلا مولاي
مولاي .. مولاي .. هضمه الهلا مولاي
****

عزت السماوي

ضعن آل محمد ( عليهم السلام) هذه الأيام
****
متن يسبگ متن اصحابه سبعين
واللبيك تـسبـگ كـل حـچيهم
غزلهم بالدرب ياهو اول يموت
ويبچي حسين من ايصد عليهم
وگـلهم والنعـم منكم يصـحبان
ومقـبض سيفهـم دخـن بديهـم

تروحون ابقى محتار
وأظل من دون انصار

واناديكم والاگي السكته اللي اجواب
واصـيح حسـينـكم من دون نـغـار

السلامُ على أهل بيت العلا
مرحباً يا كِرام إنزلو كربلا
*****
رقيه تنام مامونه بهالأيام
وفوگاها ترف يا ناس رايه
ما تستاحش الوياها عباس
ويسگي بجوده حنيه اويه مايه
تسيّر عالهوادج ونسة گلوب
وما بين السور محظونه آيه

بعدها بنص الأحضان
آيـه بضـعن قـرآن

حميده وياها واطفال المضعنين
ومأمـنات يـم رايـات عـدنـان

السلامُ على أهل بيت العلا
مرحباً يا كِرام إنزلو كربلا
*****
شابع ماي ومناغه اويه الأزغار
عبد الله شحلاته ابين اهله
النوگ تهزه ما محتاج كاروك
وعيون الرباب بعينه قبله
كل ساعه ويمره يشمه الحسين
ويبچي من النحر لمن يقبله

ويگله ادور الأيام
ومن اضماك متنام

گرب يوم التدور بشفتي الماي
وأدورلك عذب ما بين الخيام

السلامُ على أهل بيت العلا
مرحباً يا كِرام إنزلو كربلا
*****
رمله بهالليالي تشوفه عريس
وتتمايز ابنها خطوه خطوه
يمحله طولك وليدي يجسام
يمن صرت لضعنه هذا سلوه
يوصية أبوك لعمك حسين
بالطف لو يريد حسين نخوه

و تحله أكثر اهناك
من تتغطه بدماك

ومدرعة الحسن مطرزه برماح
وأگــل لوالدك وافه بوصاياك

السلامُ على أهل بيت العلا
مرحباً يا كِرام إنزلو كربلا
*****
بعدها اسمائهن يالهاشميات
أسمهن حده ظهر الطف مصيبه
أم الأكبر أم عبد الله وأم عون
وحدتهن تصير أسم الغريبه
والتهضم يعالم موش بس هاي
غرايب كلفه و الأصعب سليبه

علـويات يـا ناس
وفنه البالنظر جاس

يصفن تالي غـربه بـين الأجـناب
من يغفه إعله شاطي الموت عباس

السلامُ على أهل بيت العلا
مرحباً يا كِرام إنزلو كربلا
*****

عزت السماوي

ممنون لحليب أمي وطهارتها
عالحايط صور حيدر ديانتها

ما مرتنه شده وطولت يومين
الشايب يم عجوزه ايعگد شيلتها

أحبك يا علي وذاك الحنان البيك
الروح الما تضجلك يا ( قذارتها)

فقط روح التحبك الها معنى الروح
ومن طينك علي صارت نضافتها

علي شيسوه النفس يا رازق الأنفاس
لو ما أسمك بهالريه شهگتها

أگولن يا علي بكل شده والكلفات
أحلها بيا علي وما تبقى كل شدات
يالتگضي الثگال وتبقى لا هيهات
كافي اعلينه قمبر حل كلافتها

علي وهنيالنا بطاريك يابو حسين
يفرحة شفتي ويا محله چلمتها

أردد يا علي وچم يا علي وللموت
الدليل بجثتي يمك تالي دفنتها

أخير احجايه ( احبك) والأصل معروف
ممنون لحليب أمي وطهارتها

هنيالنا وعدنا علي ** هنيالنا
هنيالنا وعدنا علي** هنيالنا
***
يالأسمك أكسير المحب .. ماكوا مثل أسمك أسم
لفضك عباده سيدي .. يا علي قرآن الزلم
ماكوا مهم بهالعمر .. بس أنت مولاي المهم
تاج انت صاير بالعرش .. يالراسمك ربك رسم

ما مش كفو .... كاس الصبر منه شرب
ما مش كفو .... بس انت يا سيد العرب
ما مش كفو .... تكليفك من العالي رب

هنيالنا وعدنا علي ** هنيالنا
هنيالنا وعدنا علي ** هنيالنا
***
حيره حرت يا سيدي .. خالق لچن أنت عبد
مالك مقادير الخلق .. وي طاري أسمك تنوجد
سبحانه الله شميزك .. عند أنبياء الله وِرِد
حيدر علي حيدر علي .. يا لذة أسماء القصد

إسمك علي .... من الله مقياس النطف
إسمك علي .... والطاهر بحبه انعرف
إسمك علي .... إسم الشرف لهل الشرف

هنيالنا وعدنا علي ** هنيالنا
هنيالنا وعدنا علي ** هنيالنا
***
****
تملك مقامات وأبد .. ما واصل لشخصك أحد
سبحانه رب الكونك.. بيك أكتفى الله الصمد
أنت العلي نفس العلي .. لكن تجلى بالجسد
رب الجلاله بلا صور .. بيك الله مولاي انوجد

أكثر بعد .... القاضي يوم الآخره
أكثر بعد .... عالكلشي عندك مقدره
أكثر بعد .... هالكون أنت مصوّره

هنيالنا وعدنا علي ** هنيالنا
هنيالنا وعدنا علي ** هنيالنا
***
يالما تفرق بالبشر .. لكل الخليقه انت تحن
يالتأوي كائن من يكن .. يا معُطي دون أن تُمِن
الحب والحرب عندك سوه .. هاي الحقيقه ومو أضِن
عطفك رحمتك خيمتك .. يا موطني وبيك أطمإن

دخيلك علي .... آنه ذنب وانت العفو
دخيلك علي .... يالرحمتك شملت عدو
دخيلك علي .... مولاي غير اسمك شكو

هنيالنا وعدنا علي ** هنيالنا
هنيالنا وعدنا علي ** هنيالنا
***
عند الله مقياس الصدگ .. بس التبع نهجك صدگ
غلطان اليدور أحد .. بس إلكم يلوگ العشگ
واليحترگ إلكم غداً .. يم الله ميلوحه الحرگ
ما أشرك بگلبي بشر .. بس يا علي نبضي اليدگ

شنهو العمر .... لو ما لحيدر ننذره
شنهو العمر .... وجيران حتى المگبره
شنهو العمر .... بس حيدره يا حيدره

هنيالنا وعدنا علي ** هنيالنا
هنيالنا وعدنا علي** هنيالنا
***

عزت السماوي

الجزء الثاني لقصيدة ( هنيالنا وعدنا علي) التي كتبت منها الجزء الأول قبل عدة سنوات 👇👇

موش بس باب لمرادك
الله بابــه انتـه رادك
بأبواب المراد ........ بأبواب المراد
****
أنته ابن سلطان كلشي
مستحيل الباب وحده
انته يم كل العوالم
باب الك لا ما تسده
حاشا عطفك ما يردني
ما يردني وآنه عبده

چفك چفوف الأنيس الما تردني
اهواي طشرني الوكت وانته تلمني

يا حبيبي بداعتك ...روحي خلهه بعازتك
احضني دوم بصايتك ... يا حبيبي

ودمعي لا يگطع ونينه
للحنان البي ربينه
ودمعي خله يخط حنينه
بأبواب المراد.....بأبواب المراد
*****
يا جواد الجود أنته
يا نهر رحمه وعطايه
أرزقني شوگ يصفي گلبي
هاك أيدي خذهه هايه
الشوگ قمه وآنه باقي
لهسه ما صاعدلي بايه

وظلت بكيفك حبيبي أنته رحمان
دوم خلي الشوگ إلكم بيه سلطان

وأنته تسگي أهل العشگ....للي يعطشكم صدگ
للحنه راسه ويدگ ... يا ملاذي

الشوگ ناداني وأجيتك
وشكري بعتابك بچيتك
أنطيتني من أرتجيتك
بأبواب المراد......بأبواب المراد
*****
كبر جرحك ويه عمرك
يلّي جرحك آه يجدي
وچم جرح لخته الغريبه
البيهه صارت غربه تحدي
وتمشي وأحبال البديهه
مو دمه كوثر تندّي

أنته كل خطوه المشتهه بساعتك عام
يعني عمرك كربله والكوفه والشام

خطوه من عمرك ردت..أرد احس آنه نحت
ولعد بيبانك رحت .. يا جوابي

إكرم عيوني بدموعي
وهالأجيت بكل خضوعي
ويحله لو يمك خشوعي
بأبواب المراد....بأبواب المراد
****
يا كريم أطلب طلبتي
وما تردهه بيك أدري
كله عمري خله دمعه
وبمحرم خلصه عمري
وزيد ونّي عالمخيم
وأللي صاحت راح خدري

مدني من گلبك جرح ما يهده لو يوم
للبقه عاري الظهر مسلوب الهدوم

گلبي هذا ورادته...لا ترده بغايته
فدوه أنطي حاجته.. يم عتبتك

بالدموع آنه خلودي
لمن يعفرن خدودي
هذا كل معنى وجودي
بأبواب المراد.......بأبواب المراد
***
يلّي شايل ضعن عمتك
وشايل أجروح الخرايب
والتهضمك والتكسرك
منيلك أم المصايب
جنازتك شالوها وادم
أنعاف جدك عالترايب

آخ يا جرح السبيه بالدواوين
لمن عرفوا هاي زينب أخت الحسين

دموعي ما ريدن تشح ... وريت ما تشفي الجرح
ليل آنه والصبح ... وي دموعي

عايش آنه بظل جروحي
الموش إلكم شنهو نوحي
بالعلگ أسرهه روحي
بأبواب المراد........بأبواب المراد
*****
عزت السماوي

لو ضاگت أگصد للجواد
واسجد على باب المراد
كل شده تهون اعله اعتابه هذا الحنّان
حاشا ترد چف المبسوطه إبن السلطان
إبن السلطان
***
تضيگ وتنغلگ بيبان ... وگلبك فايض بهمه
وبعتاب الجواد تشوف ... كلمن دمعته واسمه
ماي وجوهنه يزداد ... طلب لو ردنه من يمه
ومفتاح الوصِل وياه ... چلمه يحبها هالچلمه

بأسم الحسين إبدي السلام
بأسم الحسين إنهي الكلام
موضوع البي جيتك رايد أبچي العطشان
حاشا ترد چف المبسوطه ابن السلطان
إبن السلطان
***
سولف ويه إمامك حب ... حچي الدمعات طاريه
وگله مقصر آنه اوياك ... وقصوري وين تاليه
ماخذ گلبي كله حسين ... وماخذ كل حچي البيه
وأنته تحب اللي يحبوه ... ويشمله عطفك وفيه

كلكم أهل بيت العزاء
حسين التميز للبكاء
إرزقنه دموع لأيامه هذا الضمآن
حاشا ترد چف المبسوطة إبن السلطان
إبن السلطان
***
ذكرى شعندك بعمرك ... وعيت إعله الهضم والآه
إمامه اتسلمت بصباك ... ونفسر هالأمر معناه
أجدادك چتل وبسم ... وشفت موت الرضا ويلاه
و يضل بهدمه كلمن مات ... محد گال سلبناه

الأكبر بعمرك سليب
الأب غريب ابنه غريب
مولاي اطلب منك جمره بدمعة لهفان
حاشا ترد چف المبسوطة إبن السلطان
إبن السلطان
***
هضمه چبيره من نحسب ... صرت يمته وعشت غربه
كلفه آل بيت الله ... بالبلدان هم صعبه
وچم ديره وبلد طبيت ... لابد ناس تتربه
ولكن ما فتت مگيود ... وحرمه اوياك متّربه

بآل الحسين شگد سبو
وبعمتك يا ما مشو
خل جرحي إعله مصاب الحره بذاك الديوان
حاشا ترد چف المبسوطة إبن السلطان
إبن السلطان
***
مولاي اسألك بالآه ... المنك طلعت بونه
خلينه بأمانك دوم ... وعلينه ياما إلك منه
نريد الشارب اعله حسين ... يگطّر منه مدمعنه
نضيع ومدري وين نصير ... إذا مو چفكم يلمنه

آخر تواسيلي وأروح
لا تفطم بگلبي الجروح
أصعد أنزل أبعد أرجع يمكم حيران
حاشا ترد چف المبسوطة إبن السلطان
إبن السلطان
***

عزت السماوي

منبرك ربان گلبي
وصمته ما بين الضجيج شبيح دمعي
ومحله صمته الغربل شما بيه طيش
وصار دربي ... وآ يدربي
اهواي دخان وسراب
ودوم أگل لروحي بس من ماي حظرتهم أشربي
هواي شربي
هواي حيل هواي اشربي
حتى يتغلغل نبعهم والنتيجه يصير قربي
والله مامش ثاني عندي
حسين حبي
هواي احب لحسين حبي

كيف بك وانت تسير على درب يتجلى الله لعباده بخلقه ليعرفوه وفي نفس الوقت ينهاهم عن ان يصفوه, فما اعظم الظهور وما اشد الخفاء, وما اعظم النور وما اشد الاستتار.

✍️ رعد عبد السادة علي

فيزياء الكون تبدأ من الصمت
وفيزياء الذر تبدأ من الطينة
وفيزياء المادة تبدأ من الذرة
وفيزياء الحسين تبدأ من الدمعة
والرب عادة يحتفظ بالأشياء القيمة

✍️ رعد عبد السادة علي

أتت رقراقةً وآنست روحي ولامست شغاف القلب هكذا ودون تكلف بحق حبيبي وسيدي ومولاي ومالك رقي في آخرتي ودنياي السلطان ابا الحسن الرضا ( صلوات الله وسلامه عليه)

ارد اسـأل لـكـن اسـألـمـن
محـتار ابـدي منين بـهـاي

بيمن متنسيه وصرت انت
يـالمــخـلـوق مـرايـة مـاي

شـفّـاف ورقّـة انـفــاســك
تـنـشـاف بـصـدرك مـولاي

مـن زغـرك بانت حنيـتـك
بيك مـن الحـنـيـه اهـواي

شبيت وعطفك شب اكثر
ظـل يأنـس بالـرايح جـاي

يالتأنس حـتى بخـطواتك
يالما تـجـرح حـتى فـيـاي

هادئ چنك فـيّ وتـضـوي
مـا شــايـف فـيّ وضــوّاي

ودعـتك گـلبي اويه ذنوبه
وظـل يـمـك مـولاي الـراي

لو بـس الكم تبقى سـنيـنه
لـو مـا تـطــوّل بـي دنـيـاي
**
يـا سلـطـان بكـيفـك ظـلت
عبـد آنـه وانـت الـسـلطـان

مشـيني بنـضرات عـيونـك
يـالبـيـهن مـأوى الـرحـمـان

مـا هـمني شـما گـالـوا عني
كـل هـمـي بعـيـنـك انـسـان

مـن صـياد الـدنيـا دخـيـلك
جـيت ارعش رايد احـضـان

واصطاديت الخوف برحمه
وتدري بگلبي ونيته شچـان

تحب كل نيه التطـلب رأفـه
والأحـــلـى بــنـيـة غـــــزلان

يدخيل اسمك شنهي حروفه
روحي تلفضه وموش الـسان

أسـمـك راحـه بطـعم اللـهـفـه
وبسـمـك هـنـيـالـه اللـهــفــان

راء وضــاد وألــف حــروفـك
يــالبـيـهــن مــأوى الـرحـمـان

قبل عدة أيام وبين الكلام من هنا وهناك على مواقع التواصل جلست عند حرم سيدي ومولاي أبا عبد الله الحسين ( عليه الصلاة والسلام) ولساني يلهج بهذا الذكر
(سيدي نحن بحماك) و ( عباس نحن بحماك) وتكلمت بلسان قلبي وكل قلبٍ طاهر بكسرة قلب على ما يجري في الساحة الحسينية وقلت
****
مكــســور والكـسره بعـتـبـتك جـبـره
واليـنجبـر يـم غـيرك اعـظـم كـسـره

اليبچي لهضمتك ما يهضمونه الناس
المـا يـعرف آلامـك مـنو اللي يقـدره

يمـوزع ارزاق الـدمـع والـشـوغــات
والحـسره مـنـك مـو بكيفي الحسره

كلشي الوجع لمصابك ينضف الروح
الما روحـه تنـضف بيـك شـله بعمره

يحسين والغربه العشتها بنص جيش
ما گـلـنه بـس حـسـين عـنـه شـكبـره

يحسين والنضره الأخيره إعله ام عون
بـس انـت گـدها اللـي نــلــوذ بكـتره

هـم تخـلص ونـتلاگـه يـم الله ويـاك
وهــذا الگـلب مــولاي تــكـفل أمـره

مــذنـب ? ارحــمــه
خــاطئ ? انــت الــتــواب
عــيشني جـنـة رحـمـتـك بالـنـضـره

مولاي ضـلمه وبـس حنانك ينـشاف
ورادوا يحجبوها شيـضـيـع الـقـدره

مولاي بـس اسـمك اشـوفه وينضاگ
وبـس لعـتـبتـك تستـحـق المـشـتـاگ
كلـشي انـوخـذ بـس الدمع ما ينـبـاگ
مــو هـسه بسـمك صــار ويـه الــذره

مولاي اخير احجايه ( إكسرني) اعليك
مــكســور والـكسـره بعـتبـتـك جـبـره

ما ضعنه وبعد صوتك يرن بينه
والينسى وگفتك من عمت عينه

يمرجع فطره يا خادم لبو السجاد
يرادود اليلـطم النـاس لحـسـيـنه

يشـادود العقـائد والفـقـه للناس
شمحلاتك على المنبر تحاچينه

يراي الدين يمثبت عقائد خوش
يـمدلي الظـلام بمـذهبه وديـنـه

يالهادي الغجر يدخيلك شسويت
فلا قبـلك ولا بـعدك مسـويـنه

يمحلاتك وگفتك طولك وطاريك
بس انت العلى الباطل تحچينه

يالمخلينه وادم ما تهم للموت
ما واحد إجه ومثلك يخلينه

يا مرجع يشدون اعله بابه علوگ ?
ويا مرجـع رحـيله يـمـر يـبـچـينه ?

عموماً نشكر الله اعليك حيل اهواي
والينسى وگـفـتك مـن عـمت عـيـنه

*****
تنويه // كل ما ذكرته 👆👆 بإستثناء آل محمد ( عليهم الصلاة والسلام) فهم فعلو ذلك وأكثر وما فعله محمد الصدر ( رضوان الله عليه) ما هو إلا إمتداد لما فعلوه هم ( عليهم السلام) فرحم الله من قرأ سورة الفاتحة لروحه الطاهرة

من الآن وصاعداً سيتم النشر بإستمرار ولا يقتصر النشر على الشعر فقط بل كل ما هو منوع نجده ملائم لقلوبكم وافكاركم إن شاء الله

ينضاگ كلشي الينلمس
الما يُلتمس ما ينضاگ

وياچ مختلف الحچي
الحنيه ضوگ العشاگ

من اعظم مصاديق الحزن
مولاتي لو صار فراگ

واعظم مصايق القرب
مولاتي من ليچ اشتاگ

**
ما شوفج بعيني صحن
شفتج يمعصومه اوطان

تسليم گلبي بعتبتچ
دوم لعتبتچ لهفان

بس يمكم اتسمه عبد
ما تابع لأياً كان

فضلج علي صب الدمع
ما عرفه معنى الخذلان

منكم صرت والكم أرد
ثبتيني يخت السلطان

أسعدكم الله بولادة السلطانة سيدتي ومولاتي فاطمة المعصومة ( عليها السلام) و مبارك للقلوب الطاهرة الذين أودعوا قلوبهم عند أعتابها رهينةً للدموع