حتي اللقاء."! 🤎🤎🌿

مهم

جمعه مباركه ♥️

‏ اقول لك شويه تفاصيل تخليك تحب الصلاة وتوصل لدرجة الخشوع وتنتظم فيها لأنها هي الأساس اللي هتخلي مزاجك كويس ونفسيتك مطمئنة.
امشي بمبدأ ان صلاتك مش حاجة روتينية و مُجبر تعملها، لا بالعكس انت بتكون ماشي تقعد مع ربك شويه وهتقعد معاه خمس دقائق بس فى كل فرض.
‏كتير على اللي أنعم عليك بكل حاجه ؟؟
قبل كل فرض استعد للصلاة و كأنك ماشي تقابل واحد بتحبه جدًا
امشي و أنت ملهوف .. ولو واحد سألك ماشي وين : قوله ماشي اقعد مع ربنا شوية خليه احساس داخلي جواك ..
و أول ما ترفع ايدك وتقول : الله اكبر .. ابتسم ابتسامة مشتاق .. ‏انسى الدنيا كلها بمشاكلها و همومها فى اللحظة دي .. اقرا الفاتحة بكل راحة واسمع جواب ربك بعد كل آية، و متقرهاش بسرعة و كأن واحد بيجرى وراك .. و فى الاعتدال من الركوع لما تقول " سمع الله لمن حمده
احمده انت بطريقتك .. قول" الحمدلله يارب على كل النعم اللي انعمت علي بيها" .. ‏"الحمدلله حمدًا طيبًا مباركًا كما ينبغي لجلال وجهك ولعظيم سلطانك "
و اول ما توصل للسجود اتذكر انه أقرب ما يكون العبد لربه وهو ساجد .. لما تهمس ببطن الأرض و بيسمعك من في السماء
سبح ربك و إبدأ احكي ليه كل اللي في قلبك قوله يارب انا بحبك .. (يارب خليك معايا فى المحنه دى)
‏( يارب انا تايه وجهني للطريق الصحيح )
( يارب انا محتار فى الموضوع الفلاني ساعدنى ) .. احكي وفضفض لإن مافي واحد هيفهمك ولا هيحس بيك زى اللي خلقك .. لما تحكي معاه مش هتلاقى حواجز بينكم، احكي أي شي خطر في بالك مش لازم لغه عربية فصحى يعنى، هو اعلم بحالك منك بس بيحب يسمع صوتك .
‏يمكن تتلخبط في كلامك بس هو فاهم أي شي انت تقوله، و صدقنى مهما كانت مشكلتك كبيرة و صعبه، فى آخر كلامك هتحس براحه مش طبيعيه و هتبتسم لانك سلمت امرك لرب العباد
و بعد ما تخلص صلاة، سلم عليه بس مش السلام التقليدي، لانك بتسلم على ربنا حبيبك.. تخيل انك بتقول :
‏( حشتاق ليك يا رب وللكلام معاك، يارب امتا تجي الصلاة الجاية عشان أرجع اقعد معاك تاني في كلام كتير فى قلبي عايز احكيهو لك )
صدقني اول ما تخلص صلاه هتحس بعدها براحة وطمأنينة لانك كنت قاعد مع ربك حبيبك، و سلمت امرك وتوكلت عليه ولما تواجهك اي مشكلة فى يومك مش هتهز شعره منك ‏عارف ليه
لانك هتمشي فى الصلاة الجاية و تحكي لربك وتطلب منه يساعدك.
ربنا يرزقنا و اياكم الثبات والخشوع فى الصلاة

التُربة المفتوحة، ماسك كفن أسود شكله مُرعِب ونازل بيه التُربة، صوتهم كان مُرعِب، فجأة سمعت صوت من ورايا، صوت زمجرة كلب، بصيت ورايا وشُفته.. أنا مُستعد أقسِم لكم إن دا كان أكتر كلب غضبان شُفته في حياتي، حاولت أسكِّته عشان صوته عالي، بدأت أرجَع لورا عشان أبعد عنه، ساعتها دُست على فرع جريدة نخل قديم ناشِف مرمي على الأرض، الجريدة طقَّت تحت رجلي.
تـــــــــــــــــــك!
الصمت سيطر على كُل حاجة..
ساعتها فهمت اللي حَصَل.. بصيت ناحيتهم وأنا ببلع ريقي بصعوبة، كُلهم كانوا باصين ناحيتي، بابا كان أول واحِد إتكلِّم فيهم: " كرم! "
واحد فيهم سأله بصوت مُرعِب: " مين دا؟ "
مش هنسى صوته مهما حَصَل، الدم نشف في عروقي وجسمي كُله بيترعش وبابا بيقول بخوف وبصوت بيترعش: " وَلَدي! "
الراجل مد إيده وضرب بابا بالقلم على وشه بمُنتهى القوة وهو بيصرُخ بصوت هز التُرب: " إنت خُنت العهد! "
جريت.. جريت زي المجنون، موقفتِش لحَد ما وصلت البيت، أمي كانِت واقفة أدام باب البيت، بتدوَّر عليَّا وعينيها مليانة دموع، أول ما شافتني جرت عليَّا وحضنتني، بعد ثواني حسَّت برعشة جسمي وخوفي، بصت لي وهي بتقولي: " إنت كُنت في التُرب؟ "
هزيت راسي وأنا بترعش، صرخِت صرخة عُمري ما هنساها، وهي بتجري ناحية التُرب، كانت صرخة خوف بجد! ومن ورايا سمعت سلمى بتنادي عليها وهي بتقول: " ماما! "
وطلعت تجري وراها ناحية التُرب، أما أنا.. فكدا كانِت مقاومتي خلصت، وقعت على الأرض وأنا بيغمى عليَّا وكُل حاجة بتتحوَّل للون الأسود!
ومن ساعتها بدأ فصل جديد من حياتي، حياة كرم اليتيم!
دي كانِت آخر مرة أشوف فيها بابا أو ماما أو سلمى!
اختفوا من غير ما يسيبوا أي أثر، دوَّروا عليهم كتير أوي، بس محدش لقى لهم أثر، عشت مع جدتي شوية بعد ما الموضوع خلص، بس في النهاية قرَّرت أرجَع أعيش في البيت لوحدي تاني، إحساس سخيف انك تبقى تقيل على حد، أو إن حد يعاملك كويِّس بدافِع الشفقة مش أكتر..
عرفت إن بابا سايب لي فلوس كتير في بنك من البنوك، فلوس كتير لدرجة إني محتاج عُمرين فوق عُمري عشان أصرِفها، بس منين؟ غريبة دي؟ دا أنا أبويا كان تُربي! هي الشُغلانة دي بتكسِّب أوي كدا؟
عشت في البيت أسبوع واحِد بس، لحَد ما في ليلة.. سمعت صوت الـ ٣ خبطات!
دي كانِت أكتر ليلة مُرعِبة عدَّت عليا في حياتي كُلها!
بعد صوت الـ ٣ خبطات ما اختفى نور البيت كُله اتقطَع، وبدأت أسمَع صوت خطوات أقدام بتلف حوالين البيت، كانوا كتير.. كتير أوي.. صوت خطواتهم بيزيد! عددهم بيزيد! بدأت أسمع صوت الهمهمة الغير مفهومة اللي سمعتها قبل كدا عند التُربة، بعد شوية.. بدأوا يخبَّطوا على باب البيت! على الشبابيك! على الحيطان!
صوت الخبط كان عالي! وصوت الهمهمة كان مُرعِب! حطيت إيديا على وداني وقفلتها! غمضت عينيَّا وأنا بدعي ربنا كُل دا ينتهي بقى!
حسيت بحاجة غريبة، فتحت عيني وشُفتهم! أمي وأبويا وسلمى! واقفين أدامي.. وشهم مزرق وشعرهم منكوش! هدومهم مليانة ردم! عينيهم حمرا لون الدم! سلمي كانِت ماسكة رجل ماما وهي خايفة، ماما كانِت بتعيَّط! وبابا كان متضايِق، فجأة قالوا الـ ٣ بصوت واحِد: " كُله بسببَك! "
لأ.. لأ.. الميتين مبيرجعوش!
وأنا مش مجنون!
قُمت من مكاني وجريت في الضلمة ناحية الحمَّام، خبطت في كذا حاجة بس لأ.. أنا مش هقف، وصلت الحمَّام وقفت أدام الحوض وفتحت الحنفية، غطست راسي تحتها، الغريب إن المية كانِت نازلة منها دافية وتقيلة، قُمت وقفت أدام الحوض، سانِد عليه وبنهج بجنون، مش قادِر أصدَّق، صوت الهمهمة هيجنني!
دي اللحظة اللي النور رجع فيها!
بصيت لنفسي في المراية وأنا بشهَق، لو مش عشان الدم اللي نازِل من الحنفية ومغرَّق وشي وشعري، فعشان الـ ٣ اللي واقفين ورايا وباصين ليَّا وعينيهم مش بترمش حتى!
فجأة قالوا بصوت واحِد: " كُله بسببك! "
صرخت.. صرخت زي المجنون وأنا بجري برا البيت، الغريب.. إن مكانش فيه حد برا، صوت الهمهمات مسموع، صوت الخبط ظاهِر، صوت الخطوات بايِن، صوت الميتين وهما بيقولولي: " كُله بسببك " كان واضِح!
جريت لحَد بيت جدتي، اللي مكانش بعيد عن بيتنا، صوت خطواتهم وجريهم ورايا كان مخليني أجري بجنون، وصلت واترميت على باب البيت، كان هيتخلَع من تُقل جسمي، فضلت أخبَّط على الباب وأصرَّخ زي المجنون لحَد ما جدي فتح، اترميت في حضنه وأنا بهذي وبهلوس وبقوله: " ورايا.. جايين ورايا "
لمَّا هديت وحكيت له كُل حاجة فكَّرني مجنون، قال إني حاسِس بالذنب بسبب موتهم، وإني لو فضلت في البلد هتجنِّن، بعتوني عند خالتي في القاهرة، قعدت عندها وفضلت هناك لحَد ما خلصت جامعة واشتغلت، في الوقت دا كُنت قابلت رانيا واتجوّزتها، خلِّفت منها توأم، ولد وبنت، سامي وسلمى على اسم أختي الله يرحمها، واستقريت في القاهرة بشكل نهائي، لحَد ما عرفت إن جدي مات، كان لازِم أرجَع البلد بعد السنين دي كُلها عشان أحضر العزا وأقف آخد عزاه بما إني حفيده..