غرايّب :) Telegram Gönderileri

مصيبة لاتردت قيمتك في عين من قيّمت
‏يشوفك بالسهل وأنته تشوفه بالسما السامي

‏ختام السالفة ياطيّب العشرة كرِمت ودِمت
‏هذا حقك علي وحق هقواتي على اوهامي

‏وتذكرني لامنها خابت أوهامك بمن وهّمت
‏و عرفت الفرق في حب الخشوم وحب الأقدامي :)

يمثلني جداً بيت ابن جدلان لمّا قال :
‏«كثر ما حن صدري للونيس و كثر ما درهمت
‏—فجر صدري حنيني و اتعب الأقدام درهامي » .

ثنايا طلّتك على ثنايا الخاطر المشروح
‏يباشرها قصيدٍ عنك لا كفّى ولا وفّى

‏صباح الخير يا كل الوجيه اللي ترد الروح
‏ماهي بعض الوجيه اللي تردّ الليل لا قفّى .

‏يا عساني فدى .. حمر الخدود النديّه
‏اقطعي بي حبل حزنك وخوفك و ريبك

‏والله إنك بـ وجهي .. بإذن رب البريّه
‏ماضي وحاضر ومقبل صباك و مشيبك .

ليلةٍ جابتك . . يا جعلها سرمديّه
‏لو يمرّك بها لحظة سكوت اختصرها

‏السوالف معك ماهي حروف ابجديه
‏السوالف معك غيمه يرشّرش مطرها .

‏والله إن اللي تحـبه .. لو الدنيا تميّل
‏لاطرى وجهه ، يخليك ذو صدرٍ رحب

‏تشعر إن الذاكره .. دايم تسوي جميل
‏كل ما جابت على البال وجه اللي تحب .

‏ازعل على كيفك كثر ماتبي وارض
‏وخذ بدال العام عشرين عامي

‏لا قامت الساعه ولا ضاقت الارض
‏ومانيب لا جايع ولانيب ضامي

‏واسمك ليا من طاح من شاشة العرض
‏تراه ماهو . . من كبار الاسامي

‏ومواصلك لاهوب سنه ولا فرض
‏ومواجهك ، ماهو كل اهتمامي .

‏مدغم ابو شيبه يقول :
‏« ودّي إني في المجره وأسولف للنجوم
‏لا أتكلم مع هل الأرض ، ولا أسمع كلام »
‏— وأنا والله ودّي بعد .

‏طيبَة الخاطر مالها رجُوع ونهاية مؤسفة
‏جسّدها متعب التركي :
‏" حتى لو جابتك . . الأشواق صوبي
‏أنا اعتبرتك مّت من ضمن الأموات " .

‏تكرار المواقف يعلمك إن خاطرك ماله قيمه .