العباقره|ملـخـصات📚

ركزززززز جدا ازاى حتكتب الرغبات علشان ميكنش في غلط

⬛ طريقة كتابة الرغبات و أهمية ترتيبها .
في عندنا طريقتين لكتابة الرغبات :
🟨 الطريقة الأولـــــى :
🔸 في حالة انك محدد كليه معينة حابب انك تدخلها ودا بغض النظر عن محافظة الكلية .
مثال للتوضيح 👈 نفترض مثلا أن الكلية دى كلية حقوق و عايز تدخلها حتى لو فى محافظه بعيدة ، هتلاقي نقطة واحدة نراعيها وهي التوزيع الجغرافي . تابع وهشرح 👇
🔸 بعد دخولك الموقع بيقولك دخل كلية ، هتدخل حقوق مثلاً ، بيبقي جنبها حرف " أ " الأول
( يعني أنك بتدخل المحافظات بالترتيب الاقرب ليك انت " دا اسمه التوزيع الجغرافي " ، والموقع بيوجهك لده من البداية )
- ثم "ب " ثم " ج " ثم باقى المحافظات بالترتيب اللى عايزه ودا زي ما اتفقنا أسمه التوزيع الجغرافى يا شباب .
🟥 مش فاهم لساا !!! ايه " أ " ، " ب " ده ؟
🔸 معنى " أ " ان الموقع بيقولك دى أقرب جامعة لمحافظتك " ب " أبعد شوية و " ج " أبعد اكتر وهكذا ، والباقى بيقولك بتكمل زي ما انت عايز خلاص .
🟥 ايه لازمة دا طيب ؟؟
🔸 دلوقتي انت اخترت كليه فبتدأ تكتب الكلية دي في كل المحافظات الموجودة بس بترتيب الأقرب و بعدين الأبعد و هكذا .. فدلوقتي لو الأقرب دي كانت بتقبل مجموع اكبر من مجموعك فكدا مش هتتقبل فيها و هتنزل على إلى بعدها وهكذا هتتقبل في كلية بتقبل من مجموعك .
مثال للخطوات :
انا محافظة الدقهلية مثلا فبحط المحافظة بتاعتي في أول اختيار وبعدين الأبعد وهكذا .
1- حقوق المنصورة نطاق " أ "
2- حقوق دمياط نطاق " أ "
3- حقوق الزقازيق " أ "
4- حقوق طنطا " ب "
5-حقوق بنها " ب "
6- ونكمل بقى حقوق باقي المحافظات بمزاجك بس الموقع هيجبرك * تدخل اللى فوق الأول ثم باقى المحافظات .
🟥خلصت كلية حقوق ؟
🔸 هتدخل على الكلية التانية اللى عايز تدخلها حتى لو فى محافظه تانية وهتمشى بنفس الخطوات وهكذا .
🟨 الطريقة الثانية :
🔹 في حالة ان مفيش كلية معينة بفكر فيها بس عايز حاجة * من محافظتي *
_ كتابة الرغبات هتكون كالاتي :
1- حقوق المنصورة و هكذا لحد ما تخلص حقوق
2- تجاره المنصورة و هكذا لحد ما تخلص تجاره
3- آداب المنصورة و هكذا لحد ما تخلص آداب
4- تربية المنصورة و هكذا لحد ما تخلص تربية
5- حقوق دمياط و هكذا لحد ما تخلص تجاره
6- تجاره دمياط و هكذا لحد ما تخلص تجاره
7- آداب دمياط و هكذا لحد ما تخلص آداب
🔹 وهكذا باقى الكليات بنفس الترتيب بقي تكمل
🔹 ملحوظة :-
📢 ترتيب الرغبات مهم جداً جداً لان موقع التنسيق اول حاجة بيشوفها هو الكليه من مجموعك ولا لأ ، لو مجموعك تمام قبلت ، لو لأ خلاص بتنزل على إلى بعدها و هكذا و هكذا لحد ما يوصل لأول كلية واخدة من مجموعك بتتقبل فيها و عشان كدا
🔹 مهم جداً جداً الترتيب .
⬛📢 ابطال الثانوية العامة 💪
⬛🚦 دلوقتي هنا في نصائح مهم جداً وانت بتكتب الرغبات .
◽1- حاول على قد ماتقدر تكتب الرغبات كلها ، واستغل كل رغبة واكتبها وراعي جداً جداً و 📢 للمرة المليون ترتيب الرغبات دي * ، والسبب أن أول كليه فيهم مجموعك هيجيبها هتتقبل فيها علطول ، فعشان متندمش بعد كدا .
◽2- فى نظامين لكتابة التنسيق زي ما اتكلمت قبل كدا .
انت هتشوف انت حابب انهي نظام فيهم و تمشي عليه .
◽النظام الاول
♦️- لو انت مقرر كلية معينة وعايزها برغبة شديدة جداً يبقي هتكتب الكلية فى نطاق " أ " الأول ثم " ب " ثم " ج " ثم باقي المحافظات الموجودة كلها عشان تتقبل في اقرب محافظة ليك وكمان اول محافظة بتقبل من مجموعك ، وبعدين تدخل على الكلية التانية بقي وهكذا .
◽النظام الثاني
♦️- لو انت مش عايز تروح مكان بعيد عن محافظتك ف هتكتب كل الكليات اللى فى محافظتك انت الأول ودا علشان انت مش عايز تغترب وكمان مش فى دماغك كلية معينة .
◽3- رقم الجلوس هيكون مطلوب منك اول ما تدخله اتاكد من بياناتك كويس جداً و مجموعك .
◽4- اقرا قواعد التوزيع الجغرافي و التوزيع الأقليمى كويس قبل ماتبدا الرغبات خالص .
◽5- حاول تجيب ورقة 📄 و قلم 🖊️ و تكتب الرغبات و ترتبهم مع نفسك كويس جدا فى الورقة الأول و بعدين دخلهم على الموقع .
◽6- الموقع بيفضل فاتح 3 أيام او اكثر كمان تقدر خلال 3 أيام دول تعدل فى رغباتك ، لكن مفيش داعي نلجئ للتعديل يا شباب ، ركز كويس جداً ورتب اولوياتك بمنتهي الدقة وبعدين قدم الرغبات .
7- 🟥 تحذير 🟥
رقم جلوسك و الرقم السرى بتاعك محدش يعرفهم غيرك أو حد كمان موثوق منه جداً وبس ، عشان متتعرضش لأن حد ممكن يغير رغباتك .
_ متلجئش أبداً لحد من فيسبوك متعرفهوش أنه يعملك دا ، لأ لأ و ثم لأ ، ممكن يساعدك في الخطوات واحدة واحدة بس مش اكتر لكن انت تعمل كل حاجة بنفسك و عشان تكون متطمن حتي .

اسْتّقبِلوا اقدَاركُم بنفسٍ راضِيه
فاللّهُ يَعلمُ وأنتمُ لا تَعلّمون.♥️

بمناسبة اقتراب ظهور نتيجة الثانوية العامة، وفي ظل التوتر النفسي والعصبي من نفسك ومن كل اللي حواليك، من باب الرضا واليقين والإيمان بالله وبالقدر خيره وشره، تعبت وعملت اللي عليك، سعيت واجتهدت ده دورك ورسالتك وقومت بيهم الحمدلله..

النتيجة والتوفيق ده من ربنا، إن قُدرلك نتيجة مُرضية ليك افرح واشكر ربنا عليها، وإن كانت غير متوقعة بالنسبالك سواء ظلم تصحيح أو لأ، وبكيت وزعلت ومفرحتكش، اوعى تزعل، واوعى تسخط ويهتز إيمانك بالله، كل مؤمن مُبتلىٰ، الدرجات والثانوية عمرهم ماكانوا تحديد مسار ولا نهاية العالم، والدنيا مبتقفش، في مليون باب ربنا بيفتحهم بيعوضك فيهم عن كل حاجة اتمنيتها ومأخدتهاش بل أفضل وأحسن مليون مرة من اختيارك، بس اصبر شوية وهتنال أفضل مما تمنيت، الدنيا فانية واحنا جايين في رحلة صغيرة وماشيين،
خليك فاكر دايما كلام ربنا في كتابه العزيز:

﴿إِنَّا لَا نُضِيعُ أَجْرَ مَنْ أَحْسَنَ عَمَلًا﴾
﴿أَنِّي لَا أُضِيعُ عَمَلَ عَامِلٍ مِنْكُمْ﴾
﴿وَأَنْ لَيْسَ لِلْإنْسَانِ إِلَّا مَا سَعَى * وَأَنَّ سَعْيَهُ سَوْفَ يُرَى﴾

أكتر من مواساة ربانية عن كل المرات اللي حسيت فيها إن مجهودك راح على الفاضي، وإن سعيك كان بلا نتيجة، وتعبك ومحاولاتك مأخدتش بيهم أي حاجة، عن كل الأيام اللي انتهت وأنت بتشعر بمرارة عدم وصولك لشيء كنت بتتمناه ونفسك فيه..

ربنا مبيضيعش تعب حد، أنت بتثُاب على سعيك، بغض النظر عن النتيجة، وبرضو متيأسش، وافتكر إن كله بييجي بأوانه، وبترتيب أحسن من ترتيبنا لنفسنا.

#ثانوية_عامة

للتذكير

"‏﴿وَيَأْتِيكُمْ خَيْرٌ مِّمَّا أُخِذَ مِنكُم ۚ﴾"

ربنا دايمًا عنده خير كتير ليكم، حتى لو حسيتم إن في حاجة اتاخدت منكم.

في كل خسارة في نعمة وفي كل محنة في منحة، خلي إيمانك قوي واعرف إن إللي جاي أحسن بكتير من إللي راح، اصبر وتوكل على الله، وهتلاقي الخير جاي ليك بأشكال وأوقات مختلفة.

ما تخليش اليأس يسيطر عليك، لأن ربنا بيحب الصابرين والمطمئنين بقضاؤه، دايمًا في حاجة حلوة مستنياك في الطريق .♥🖇

التكملة
أما المناعة السلبية مبيكونش فيها استجابة مناعية (أولية وكدا) بمعني مبيبقاش فيه زمن لظهور الأجسام المضادة دي بتظهر علطول مبتاخدش وقت لانك بتحقن اجسام مضادة أساسًا

في المناعة الإيجابية بتتكون خلايا ذاكرة
في المناعة السلبية لا تتكون خلايا ذاكرة.

المناعة الإيجابية بتحصل بطريقتين
يا إما إنك تتصاب بعدوي عادي وتحصل الاستجابة المناعية الأولي لهذه العدوي وهتكون إنت إلي عملت كل حاجه ذاتيًا

يا إما عن طريق أخذ لقاح ودي طريقة صناعية واللقاح بتكون الكائن الممرض إلي فيها يا إما ميت يا إما ضعيف جدا بحيث ميأثرش اوي لكنه هيؤدي إلي تكوين استجابة مناعية وهنتعرض للأنتيجين وننتج استجابة مناعية أولية ونكون خلايا ذاكرة وهكذا.

يا إما فيه عندي مناعة سلبية والمناعة السلبية دي إني أديك مصل مثلا والمصل بيحتوي علي أجسام مضادة جاهزة كدا والمثال التاني عليها وهو الاجسام المضادة إلي بتنتقل للجنين من الأم
في المناعة السلبية عموما لا يتم التعرض للأنتيجين بتاع الكائن الممرض (مش القصد ان الاجسام المضادة مش هترتبط بيه لأ القصد ان قبل انتاج الاجسام المضادة بتتعرف او الخلايا البلعمية والبائية بتتعرض للأنتيجين وده مش بيحصل في المناعة السلبية لا يتم التعرض للأنتجين من قبل الخلايا البائية أو البلعمية الكبيرة ده طبعًا علي العكس تمام مع المناعة الإيجابية)
طبعًا المناعة الإيجابية بيكون فيها استجابة مناعية (اولية وهكذا) يعني بيكون في زمن قبل ظهور الاجسام المضادة في الدم

بعد ساعات قليله نقول وداعا 👩‍🦯وانا زهقت

شبااااااب ركزو ف الكام معلومه دول📌

يمين في شمال
قدام و ورا
بس أوعى تخبط في الرصيف

علشان مفيش بروتوبلازم

السيوبرين / اللجنين » الخلايا اللي موجود فيها دول دي خلايا تتميز بدعامة تركيبية فقط
ليس لها علاقة بالدعامة الفسيولوجية

المواد التركيبية الخارجية »» الكيوتين / السيوبرين »» الحفاظ على أنسجة النبات الخارجية و الحيلولة دون فقد الماء .

المواد التركيبيبة الداخلية » السليلوز / اللجنين » اكساب النبات القوة والصلابة وعلى حسب هو موجود فين بيدعم النبات ويحافظ على وظائفه الحيوية .

ألياف وخلايا حجرية
اللي بيخليهم يأدوا دورهم هو
اللجنين اللي فيهم + أماكن تواجدهم
يعني الألياف هي اللي بتبقى في نسيج الخشب
والخلايا الحجرية توجد في غلاف البذور والكمثرى والتفاح

الكيوتين لا ينفذ الماء
السيوبرين لا ينفذ الماء
اللجنين يتشرب الماء فقط ولا ينفذه
السليلوز بيعدي أي حاجه الدنيا معاه بسيطة والنية سالكه

ضغط البروتوبلازم يتناسب طرديا مع حجم السائل داخل الفجوة العصارية

د محمد بيقول في اللايف النبات بيدلدل لما النتح بيكون كبير
طلع عنده حق