جمعة مباركة ❤️
دى خلاصة عصارة فكرى بكل تفاصيل الباطنة تقريبا فضلت تلات ساعات بكتب فيهم وان شاء الله مش هتحتاجوا تعرفوا حاجة تانيه بعد كده
- عاوزه بس اقول كذا حاجة اولا طبعا ربنا يعينكم ويسدد خطاكم فى السنة دى اللى على قد ما هى طويلة لكن بجد مش صعبه صعوبتها بس فى طولها لكن ك محتوى وامتحانات ومذاكرة ف بالنسبالي كانت أمتع سنة عشان كده وزعوا جهدكم كويس ومتزهقوش وعادى جدا ناخد ريست لكن مطولوش
- الالتزام من اول يوم هيفرق اكيد خاصة الناس اللى هتبدأ عامات بلاش تتأخروا فى البداية حقيقى هتندموا
- حضور الراوندات على قد ما هو تقيل على قلبنا لكن مهم جدا ومش هتدرك الفرق غير وانت فى لجنة الامتحان وانت مش عارف تتكلم كويس أو ناسى الكلام و التكنيك
- الشيت مهم سيبك من اللى يقولك فاكس أو كده كده ده جروب يعنى اكيد فيه واحد هياخده مش مهم انا اللى آخده لأن مش بس علشان الامتحان لكن عشانك انت كدكتور بعد كده لازم تبقى عارف هنتكلم ازاى مع الحالة اللى قدامك
- انك تجرب على الحالة وتغلط فى الراوند افضل بكتير انك يوم الامتحان تبقى واقف قدام الحالة والدكتور مش عارفه هتحط ايدك ازاى ولا فاكر حاجة عشان كنت خايف تغلط فى الراوند
واخيرا السنة طويلة والمذاكرة مش قليله لكن احتسبوا كل ده عند ربنا وان شاء الله يكون فى ميزان حسناتكم
بالتوفيق يا رب ♥️