الشاعرة العلوية فضيلة هاشم الموسوي

خادمات الحسين اليوم نورس الحلفي فاتحتلكم قناتها ونزلت الكم قصائد حماسيه حاره
والحلو قصائدها بالحسچه الشعبيه المرغوبه

تعالي وراي خلي نشترك بالقناة
ونقره قصيده قصيده وندعيلها بالتوفيق

الأشتراااك من هنا 👇🏻👇🏻👇🏻


https://t.me/nawrasalhalfy

https://t.me/nawrasalhalfy

تقول مولاتي زينب: -


مثـــل سبــــحة الـــزجية أمــنه
حنــــــــينه وجــــانــــت تــلـمنه
شمـــــعة وطفـــاها البين متعمد
وكطع خيط اليلم بينه وتطشرنه

💔💔💔💔💔💔💔💔💔
الشاعرة العلوية فضيلة الموسوي

#جديد_متوفر_2024

👈🏻ديوان مواجع أم البنين

👈🏻الجزء الثاني

🔥خاص بسفرتها ووفاتها الديوان راقي

للشاعرة والمله ام علي الإماره

اصدار مكتبة حسن الطريحي للطباعه والنشر والتوزيع
#النجف_الاشرف_سوق_الحويش

للطلب او الاستفسار
07832535076
07830861950


https://t.me/hrmrm7

قصيدة لمولاتي فاطمة الزهراء
حال مولاتي السيدة زينب

#جديد _حصريآ 🔥

✧────⊱◈◈◈⊰─────✧

ودعتني الجانت تضمني بحضنها
ودعتني. وانــة ماشبعــانة منـــها

راحت الشمعة بنزلنه
من بعدها ياهـو ألنـه
ودعتني. ودعتني

✧────⊱◈◈◈⊰─────✧

الراحت امها من الزغر شلها بعمرها
تعيشــه كلــه باليتـــم آآه يـــاقهرها
ثگيلة فرگــه الــوالدة تكسر ضهرها
هسة وياهــا بدة يـــحارب دهـــرها
ماخذتني وماترد للبيت چنها
ودعتني وانـة ماشبعـانه منها


✧────⊱◈◈◈⊰─────✧

جانـــت الخـــيمة التـلم البيـت كله
وهسة دون اعيونهــا مااريد أدخله
انشلت ايــده العالوجـه نيشان خله
ضربة البسمار توجــع ماهي ســهله
عايفتني وعايفة بالـروح ونها
ودعتني. وانة ماشبعانه منها

✧────⊱◈◈◈⊰─────✧

راحـــت الماجنــت افاركـــها ثواني
بالچــفن من طــولها اتمــدد عماني
امي وردة وبيـــده كاطعـــها زماني
كعدي يم صوت الحلو زينـب تراني
سامعتني. وسامعة الونة الاونها
ودعتني. وانـة ماشبـعانه منها

✧────⊱◈◈◈⊰─────✧

بيها اول ضــربة من دنياي صارت
من كسر أضلاعها ودمعـاتي سالت
جابعـد شيصيـر من زهرتنـه ماتت
بس خذوها ويا الجنازة روحي راحت
مرمرتني. من رفعني الابو عنها
ودعتني. وانــة ماشبعانة منها

✧────⊱◈◈◈⊰─────✧
تمت

خادمه أهل البيت العلويه فضيله هاشم الموسوي

ماذكرناه في عشره أيام.  رأته العقيله في يوم واحد 🚫 لا أجيز حذف الاسم وغير مبري الذمه من يتلاعب بالقصائد 🚫

أشتركو فيها فضلآ وليس أمرآ تجدون فيها كل ما هو جديد لشاعرتنا المبدعه

https://t.me/dmoh91

هذه نموذج من ديوان مواجع ام البنين الجزءالثاني 👌🏻🔥

ترقبو….

متابعيني الكرام خدام الحسين سيصدر قريبآ ديوان مواجع ام البنين الجزء الثاني ان شاءالله
خاص بالسفره ووفاتها

ديوان قمة الأبداع والحزن والشجن مااحچيلكم عنه وعن ترتيب القصائد وقوتهن وتعدد الأطوار بيهن

ثقو بالله ديوان نار 🔥🔥🔥

من يكمل طباعة انزل الكم اعلان واني خادمة لخدام الحسين

مع تحياتي لكم بالتوفيق

خادمتكم الشاعرة والمله
#ام_علي_الإماره

( نعي حدي )

لسان حال مولاتنا زينب بعد استشهاد الزهراء
✧────⊱◈◈◈⊰─────✧

يايمة فتحي عوينتج
زينب تراني ابنيتج
ضلمت علينه غرفتج
ترس المباني ريحتج
يالمانمل من شوفتج
يوجعني طاري فرگتج
واركض ركض المخدتج
ونوبة اشم ابشيلتج
وادعي تگرب ردتج
ونفرح ييمة بطبتج
محلاها ذيجة چلمتج
زينب تصيحي بشّفتج
وحيدر واخوتي بحجرتج
شيعودلنه گعدتج
الله يجازي الألمج
وايده اللي عمدا دفعتج
موت اخونه وطيحج

✧────⊱◈◈◈⊰─────✧

تمت

خادمه أهل البيت العلويه فضيله هاشم الموسوي

ماذكرناه في عشره أيام.  رأته العقيله في يوم واحد 🚫 لا أجيز حذف الاسم وغير مبري الذمه من يتلاعب بالقصائد 🚫

أشتركو فيها فضلآ وليس أمرآ تجدون فيها كل ما هو جديد لشاعرتنا المبدعه

https://t.me/dmoh91

رفعـــة راس خدمتـــكم. ورتبـة
هنيــالة البـسمكم صـعد. رتبـــة
كتبت بيدي النعي وبيدي. أرتبــة

لابن بنت النبي الزهرة الزجية


الشاعرة العلوية فضيلة الموسوي

بكل شدة صحت يحسين. فزعة
عليــك بداعـت الـمالــگت. فزعة
بــالمحـــشر ألــي عـبــاس. فزعة

يكتبني بسجل خدام أخية


بقلم الشاعرة العلوية فضيلة الموسوي

▪️عظم اللّٰه لكم الأجر يا سادتي..
وعظيم الأجر لك يا سيدي ومولاي صاحب الزمان عجل اللّٰه فرجك وسهل مخرجك بشهادة ابنتكم الدّرة الطاهرة السيدة فاطمة المعصومة شبيهة جدّتها الزهراء! عليهن السلام...


▪️وعظم اللّٰه لكم الأجر يا موالين▪️

نموذج من ديوان مواجع الزهراء الجزءالثاني
مقطع فديو حزين 💔😭🔥

للحجز والأستفسار المراسله عبر البوت اسهل الكم

حجزي منا 👇🏻👇🏻

@mahde84bot

قصيدة للزهراء لسان حال زينب عليها السلام

✧────⊱◈◈◈⊰─────✧

من عمت عين المنيه ماخذه أمي
خلت بكلبي حسرتي وزاد همي
أمي ماترجع بعد
ما محسبته أبد

ماخذه. أمي. ماخذه أمي

✧────⊱◈◈◈⊰─────✧

أمي راحت ونحرمنه بساع منهه
أمي بتراب الكبر غمض جفنهه
ليش مكسور الكلب عافت ابنهه
نامت امي بلترب
وأنه مكسورة كلب
من تضيك الدنيه ماالكاها يمي
ماخذه امي. ماخذه امي

✧────⊱◈◈◈⊰─────✧

عني شالت والگلب ماشي وراها
من عمت عينه الگبر مني خذاها
وضم عطرها والترب صاير غطاها
يحفر بگلبي أثر
لون خدها المنسطر
أعلية من رحتي يبمة ثگل هدمي

ماخذه أمي. ماخذه أمي

✧────⊱◈◈◈⊰─────✧

ثگلت همومي بغيابج يالحنينة
حتلو طيفج يزهرة يمر علينة
جنتي حته ابنومنه تشمين ادينه
وتالي نمتي عالثرة
وحشة يمة المگبرة
وهسة من بعدج يتيمة صاحو اسمي
ماخذه أمي. ماخذه أمي

✧────⊱◈◈◈⊰─────✧

عفتي بتج والزمن رايد سند
وانتي جنتي بدنيتي حزام وعمد
نذر انذر لو علية امي ترد
ورد انثر بالدرب
وامسح الدمع اليصب
الصار من بعدج ييمه هو سهمي
ماخذه أمي. ماخذه أمي


✧────⊱◈◈◈⊰─────✧

گبال عيني حملوو بيج ومشو
صحت بس خلوني اودع مارضو
بعد ماترجع يزينب بس حجو
جن خناجر مو حجي
واعتلى اعليها البجي
وباد من كثر البواجي يمة عظمي

ماخذه أمي. ماخذه أمي

✧────⊱◈◈◈⊰─────✧

تمت

خادمه أهل البيت العلويه فضيله هاشم الموسوي

ماذكرناه في عشره أيام.  رأته العقيله في يوم واحد 🚫 لا أجيز حذف الاسم وغير مبري الذمه من يتلاعب بالقصائد 🚫

أشتركو فيها فضلآ وليس أمرآ تجدون فيها كل ما هو جديد لشاعرتنا المبدعه

https://t.me/dmoh91

قصيدة للزهراء


كأني بلسان حال امير المؤمنين عندما دفن الزهراء في ذلك الليل المضلم. جلس الى جانب القبر وجعل يحدثها يقول

✧────⊱◈◈◈⊰─────✧

يم الحسن انة علي
ضلمةالگبر رجعي ألي

بلياج عمري بلاطعم
ياريته بضلوعي الألم

يم الحسن انة علي
يم الحسن انة علي

✧────⊱◈◈◈⊰─────✧

من ساعة البيدي حفرت كبرج يزهرة
حسـيت بـالدنيـا بـدونج والله گشرة
البيـده يوسـد زهرتـه ينكسـر ضـهرة
وانتي شمعة دنيتي
ياريت هاذي،حفرتي

ولاابقى بالدنيا شلي
.يم الحسن انة علي

✧────⊱◈◈◈⊰─────✧

يـم التـرب اگعـد واسولف عن جروحي
تدريني مااحجي لبشر بس انتي روحي
شحجيلج وصوتي اختفى بس سمعي نوحي
سمعيني اون يافاطمة
دنيا بدونج مضلمة

ياعزوتي وتالي هلي.
يم الحسن انة علي

✧────⊱◈◈◈⊰─────✧

ياوجهج اليضوي ويزيل هموم دنياي
يرويني صوتج ماجنت عطشان للماي
عوفي گبرج يالحبيبة ورجعي وياي
رجعي زينب تنتظر
واكفة بشمس الضهر

بيج همها ينجلي
يم الحسن انة علي

✧────⊱◈◈◈⊰─────✧

شلون اعوفج باللحد مااكدر ارجع
بيدي لازم ضهري شوفي وكسري يوجع
خاف ارد والونة تبقة بأذني تصدع
گلتي هاي اوصيتي
انت ادفن جثتي

بالليل احسن يالولي
يم الحسن انه علي

✧────⊱◈◈◈⊰─────✧
تمت

خادمه أهل البيت العلويه فضيله هاشم الموسوي

ماذكرناه في عشره أيام.  رأته العقيله في يوم واحد 🚫 لا أجيز حذف الاسم وغير مبري الذمه من يتلاعب بالقصائد 🚫

أشتركو فيها فضلآ وليس أمرآ تجدون فيها كل ما هو جديد لشاعرتنا المبدعه

https://t.me/dmoh91

(قصيدة للزهراء عن لسان امير المؤمنين )

✧────⊱◈◈◈⊰─────✧

عني مشيتي ودنيتي وحشة بلياج
ياريت لوحتة بحلم يازهرة والكاج

✧────⊱◈◈◈⊰─────✧

انة علي يم الحسن متعود اعلة عيونج
تدريني مااشم الهوى ضاك النفس من دونج
واولادج بحسرة بقو ازغار ويريدونج
يالزهرة حد امنيتي مالحضة انساج
             وحشة بلياج
   
✧────⊱◈◈◈⊰─────✧

يوم الشلت نعشج وبيدي ادفنتج
وبيدي حفرت كبرج ووسطه عفتج
ناديت رديلي ترا ماريد عمري بعدج
انتي الزجية الطاهرة والروح تهواج
            وحشة بلياج


✧────⊱◈◈◈⊰─────✧

جن صوت من نص الكبر يجاوبني وانة سمعتة
رد ياعلي لبيتي ترا ضلمة بدوني عفتة
وزينب زغيرة وتنتظر رجعتنة انة وانتة
وتكول حيف المرتضى باللحد خلاج
             وحشة بلياج

✧────⊱◈◈◈⊰─────✧

كلها يزهرة دنيتي رجلية ماتحملني
مااريد اعوفج يم حسن للدار شيرجعني
وسط البقيع اكضي العمر وترابج يوسدني
مابية حيل اسمع بجي ولوعة يتاماج
          وحشة بلياج

✧────⊱◈◈◈⊰─────✧

ماحيل ضل بفركتج يالماخذة كل حيلي
يالجنتي ألي شمعة وضوة ومنورتلي ليلي
بعدج زغيرة عالترب يازهرتي رديلي
نارج مسعرة بالكلب يالصعب فركاج
        وحشة بلياج
     
✧────⊱◈◈◈⊰─────✧


تمت

خادمه أهل البيت العلويه فضيله هاشم الموسوي (لا أجيز حذف الأسم وغير مبري الذمه من ينسبها لغيره)

ماذكرناه في عشره أيام.  رأته العقيله في يوم واحد

أشتركو فيها فضلآ وليس أمرآ تجدون فيها كل ما هو جديد لشاعرتنا المبدعه

https://t.me/dmoh91

قصيدة للزهراء

✧────⊱◈◈◈⊰─────✧

مانسيناج يزهرة مانسينـاج
من تونين يبضعة نون وياج

مانسينه عصرتج

يالوديعة وقصتج

من تونين يبضعة نون وياج

✧────⊱◈◈◈⊰─────✧

ريتنه اهناك يزهرة من وگعتي
بخافي الصوت يفضة من ندهتي
وين ابو حسين يجيني وينه صحتي
خل يرد اعدانه
قسو حيل ويانه
ماحضرناج يزهرة ماحضرناج

✧────⊱◈◈◈⊰─────✧

شلون طحتي عالارض محد يشيلج
ريت يمج شيعتج فزعة تجيلج
والعراق بغيرته يفز يعتنيلج
يگلب الدنيا گلب
شلون خدج ينضرب
نفزع وياج. يزهرة .نفزع وياج

✧────⊱◈◈◈⊰─────✧

صعبة نسمع بيج معصورة بحياطين
من الم بسمارهن زهرة تونين
ايده مشلولة عساه ابن الملاعين
ولايمدها لحضرتج
يالعفيفة ويصفعج
ريتنه اهناك حضرنه ريتنه اهناك

✧────⊱◈◈◈⊰─────✧

يمته يالمضلومة يضهر قائمج
ياخذ بثارج ويفني الضالمج
ويعلن اعليج الحداد ومأتمج
وعالقبر ينشر سواد
يصيح شوفو يالعباد
ماتركناج ييمة ماتركناج


✧────⊱◈◈◈⊰─────✧

يصيح يازهراء وفيت الوعد
اليوم اخلي اعداج مني ترتعد
شيعة عندي وياي شجعان وسند
اليوم ثارج ينطلب
والاعادي ترتهب
كلنه نفداج يزهرة. كلنه نفداج

✧────⊱◈◈◈⊰─────✧


تمت

خادمه أهل البيت العلويه فضيله هاشم الموسوي

ماذكرناه في عشره أيام.  رأته العقيله في يوم واحد 🚫 لا أجيز حذف الاسم وغير مبري الذمه من يتلاعب بالقصائد 🚫

أشتركو فيها فضلآ وليس أمرآ تجدون فيها كل ما هو جديد لشاعرتنا المبدعه

https://t.me/dmoh91

قصيدة للزهراء
كأني بسيدتي ومولاتي زينب عندما رجع امير المؤمنين من دفن الزهراء وهي واقفة بالباب تنتظر رجوع امها رأت علي داخل الدار وحده اخذت تخاطبه وتقول
(تقرآ ثقيل _ثلاث دكات )

✧────⊱◈◈◈⊰─────✧

يابوية امي وين عدمن عفتها
ماخذها نص الليل مارجعتها
رد بالحنينة
لاتأذينه
زهرتنة وسط تراب ليش تركتها

✧────⊱◈◈◈⊰─────✧

وحدك. اجيت الدار والدمعة تجري
حاجيـني يـالكـرار لتـكـول مـدري
وين تركتها وجيت موخلص صبري
تانيت بالباب
يرجعون الاحباب
ترجعلي والگة وياك امي جبتها

✧────⊱◈◈◈⊰─────✧

شمال الدهر غدار رجعك وحدك
شايلها نص الليل محد يسندك
وصوت الحسن وحسين ينحب يمردك
رجع الزهرة
زينب ازغيرة
صعبة المصيبة شلون هسة احملتها

✧────⊱◈◈◈⊰─────✧

ماشفت بس الاه واسمع الونه
من عصرت البسمار ماسكتت امنه
بس اعلى كيف تلوج ماتسمعنه
ضمت وجعها
عني وضلعها
ماتدري نص الليل تنحب شفتها

✧────⊱◈◈◈⊰─────✧

المضيعه امها بهالوضع حالي تعرفه
تدري العزيزة من تون ونتها كلفة
وشحالها بلياها توحشها الغرفة
مااريد اطبها
الفركة شصعبها
من عني ضمته الضلع تمشي عرفتها

✧────⊱◈◈◈⊰─────✧

خلتني افتر بالنزل واشتم عطرها
انشلت ايدة كون قنفذ من عصرها
ضلمة المكان وبي وحشتها شكبرها
جايمته ترجع
فركاها يوجع
والموته وياها سوة والله ردتها

✧────⊱◈◈◈⊰─────✧


تمت

خادمه أهل البيت العلويه فضيله هاشم الموسوي

ماذكرناه في عشره أيام.  رأته العقيله في يوم واحد 🚫 لا أجيز حذف الاسم وغير مبري الذمه من يتلاعب بالقصائد 🚫

أشتركو فيها فضلآ وليس أمرآ تجدون فيها كل ما هو جديد لشاعرتنا المبدعه

https://t.me/dmoh91

قصيدة للزهراء
كأني،بمولاتي زينب وهي تشتكي حالها لوالدتها الزهراء بعدما طال غيابها وتصف حال اخوتها الحسن والحسين

✧────⊱◈◈◈⊰─────✧

يمة ماشميت عطرج صارلي هواي
يمة كمت اخلاف عينج اغص بالماي

زهرة يمة. زهرة يمة

✧────⊱◈◈◈⊰─────✧

جنتي يمي مكابلتني وضاوية البيت
هسة اضلم صار يوحشني وتأذيت
جنحي مكسور وبدونج ماتهنيت
صافنة ودمعي على خدي وفاكدة الراي

زهرةيمة. زهرة يمة

✧────⊱◈◈◈⊰─────✧

انة زينب يم حسن ردي علية
اتذكري عندج بقت يمة ابنية
مكابلة السجادة كل صبح ومسية
شبيها من زغري تدولب بية دنياي
زهرة يمة. زهرة يمة

✧────⊱◈◈◈⊰─────✧

من اصد ابنج حسن يبجي وينادي
حنظل اغيابج صعب فتت افادي
ليش غابت من وكت بضعة الهادي
مارعوج وروعوج اشبيهم اعداي

زهرة يمة. زهرة يمة

✧────⊱◈◈◈⊰─────✧

تالي انظر للحسين بعتبة الباب
گاعد ومحني الضهر والجبد منعاب
ينشغ بليله ونهارة وگلبه عطاب
يصيح غبرة الدنيا يما وجارت وياي

زهرة يمة. زهرة يمة

✧────⊱◈◈◈⊰─────✧

نگعد اتلاثتنه يمة ونشتكي الحال
صعبة نتحمل غيابج كلنه اطفال
حيدر يباوع علينه والدمع سال
يگول مدمعكم جمر حسيته بچلاي

زهرة يمة. زهرة يمة

✧────⊱◈◈◈⊰─────✧

تمت

خادمه أهل البيت العلويه فضيله هاشم الموسوي

ماذكرناه في عشره أيام.  رأته العقيله في يوم واحد 🚫 لا أجيز حذف الاسم وغير مبري الذمه من يتلاعب بالقصائد 🚫

أشتركو فيها فضلآ وليس أمرآ تجدون فيها كل ما هو جديد لشاعرتنا المبدعه

https://t.me/dmoh91

سيصدر قريباً ترقبو ..👌🏻❤️‍🔥🔥


👈🏻ديوان مواجع الزهراء الجزء الثاني

ديوان يشمل جميع القصائد بجميع اطوارها
من هجوم الدار الى استشهادها الى اربعين الزهراء بجميع تفاصيل المصيبة

ترتيب الديوان على شكل مجالس مرتبه ومنظمه بحيث يسهل على المله تقرأ المجلس كامل صفحة من بعد صفحه

الديوان راقي بمعنى الكلمة أسبوع ويكمل طباعة انصحكم تحجزون النسخ من هسه عند المكاتب لأن بس ينزل يخلص كل اصدارات سلسلة المواجع من ينزلن يخلصن بسرعة

ثلاث روايات عندچ يفيدچ وتكتفين بي

الملاية الأخذت الجزء الأول شايفه شنو بداخل الديوان من صور شعرية ومفردات غير مطروقه الجزء الثاني اقوى من الجزء الأول

نسأل من الله القبول 🤲🏻

خادمتكم الشاعرة والمله ام علي الأماره

قصيدة طلب حاجة للزهراء
على أثر روؤيه منام أنكتبت القصيدة

حصريآ🔥

✧────⊱◈◈◈⊰─────✧

لاتفشليني يزهرة مچلبة بيج
بالحلم كلتيلي طلبي وانة أنطيج
ماأردج يالعلى أوليدي تلطمين
كلها تبجي لو يبو اليمة. تصيحين
ماأردج. ماأردج

✧────⊱◈◈◈⊰─────✧

وعد يازهرة نطيتي للينخوج
واللي بحسين وخواتينه يعزوج
كلتي سهلة كل حوايجهم الندبوج
واللي بالرضعان والشبان حلفوج
لاتخليني كسيرة يالزجية
بجاه مكسور الضلع واخته السبية
بي نحلفج. بي نحلفج


✧────⊱◈◈◈⊰─────✧

بالحلم اسمج اجاني وسال دمعي
جني حسيتج عرفتي شلون وضعي
طلبتي صعبة وحنت يازهرة ضلعي
بالمنام واسمج يردد بسمعي
كلتي انطيج ووعد هذا علية
صوت ملاية قرت وتصد الية
وانة أندبج. وانة أندبج

✧────⊱◈◈◈⊰─────✧

والمثل وضعج كريمة وماتقصرين
للبجت والتنعى واللي تصيح يحسين
وعد منج يالوفية وندري تنطين
ماترد مكسور خاطرها تخلين
وانة مكسورة ورت منج عطية
ترسي من فضلج يمهضومة ادية
كرم كلج. كرم كلج

✧────⊱◈◈◈⊰─────✧

بت رسول الله وتعودنه بكرمكم
محد انطانة ونريد الطلبة منكم
والله محتارة يزهرة شلون اكلكم
خادمة. ومنكم جزاتي انتظركم
صارلي اهواي انتظرها هالجزية
بداعت الركبت هزل حني علية
ردت فضلج. ردت فضلج

✧────⊱◈◈◈⊰─────✧
تمت

خادمه أهل البيت العلويه فضيله هاشم الموسوي

ماذكرناه في عشره أيام.  رأته العقيله في يوم واحد 🚫 لا أجيز حذف الاسم وغير مبري الذمه من يتلاعب بالقصائد 🚫

أشتركو فيها فضلآ وليس أمرآ تجدون فيها كل ما هو جديد لشاعرتنا المبدعه

https://t.me/dmoh91