جرعه تحفيزيه بتخليك ترتبين
نفسك أذا كنتي تخبصين بترجعين تلتزمين
واذا ملتزمه بتلتزمين أكثر
فكري مع نفسك كم باقي للك
وتوصلين لهدفك
كم من الوقت
وكم من الوزن
تخيلي نفسك وشعورك بذاك الوقت لما تقولين الحمد الله أنا وصلت
أمانه مابتكونين فخوره أنك قدرتي ووصلتي
ليش دايم نخلي أهدافنا كأنها شي صعب
فكري دايم أن أي رجيم مايملك فانوس علاء الدين
ويوصللك لهدفك في مده قصيره
وعي نفسك وخلي هدفك الشكل
بسألك أذا نقصتي ميزان والشكل ماتغير بتكونين مبسوطه
ولا أذا تغير شكللك والميزان ماتغير أفضل
أكيد الشكل وأنك تغيرين مقاس أفضل
عارفين مابقي شي عن شهر رمضان
شدي حيلك
وبيجي أول يوم العيد وبتسمعين فلانه وش سويتي ماشاء الله مرا نحفانه
وقتها الكلام الحلو هذا بيخلي عيدك عيدين
مافي أجمل من الرشاقه والخفه والاهـم منهم الصحه
خلي هذي البدايه بدايه مختلفه💪
لا حسيتي نفسك كسلتي مليتي
أدعي يارب قوي عزيمتي وأرادتي
حاسه نفسك جداً مضغوطه
وقاعده تخربين ارتاحي يوم يومين وارجعي أقوى من أول