Dentin Team ( 4 )🦷

مساالخير اصدقائي 💟
كيفكن وشو اخباركن ☺️
كيف عملتو ب امتحانات العملي ؟ انشالله تمام ؟
هلق بما انو خلصنا عملي صار وقت نشد ونبلش نظري

وشو في مادة ظريفة نبلش فيها غير التقويم ؟ 😂
لهيك جيتكن اليوم بقسم الدكتور فادي
قسمنا الملف يلي بعتو الدكتور على 3 محاضرات
الأولى والتانية سهلين كتير ورح تحسو حالكن بتعرفو اغلب معلوماتهن
التالتة يا حلوين بدها هز كتاف😃🧨
مو لانو صعبة او طويلة  لا ابدا هي بس فيها شغلات ومصطلحات جديدة واول مرة بتمر علينا  لهيك ركزو منيح وانتو عم تدرسوها  

🟣فيكن تحصلو على المحاضرات ابتداءا من بكرا من مكتبة عاج
بوت التواصي :
@libraryteam_bot

موفقين كومات كومات 💜💜

مرحبا اصدقائي 🌷🤍
رح نضيف على محاضرات التخدير و القلع محاضرة ظريفة و يلي هي :

📌 ادوات التخدير الموضعي 1

هي صح المحاضرة جزئين و ممكن تشوفوها طويلة بس هي جدا سهلة و اغلبها مرق معنا بالمذاكرة و الفحص بلا ما ننتبه 🤍

موفقين لبكرا كتير 🌷
و للتوصية عالمحاضرة مع باقي محاضرات التخدير و القلع ... هاد البوت
@libraryteam_bot

مسك الختام ❤️
بالبداية مسالخيرات 💙
الحمد الله عالسلامة خلصنا من امتحانات وزنقة العملي ودخلنا بزنقة النظري💔🥲
انشالله الكل بكون قدم تمام💙
اليوم رح نبلش بمادتنا الظريفة لهيدا الفصل واكيد هالمادة هيي التخدير والقلع
ولان تأخرنا عليكن ف اكيد بعد هالتأخير ما رح يكون معنا محاضرة وحدة ولا تنين
من بكرا انشالله رح يتوفر بالمكتبة المحاضرات التالية
📌الاعتبارات التشريحية ( ويلي هنن
1) التجويف الفموي
2) العظام
3) العضلات
4) الاوردة
5) الشرايين
6) الأعصاب)

وهدون من قسم الاعتبارات التشريحية بس قسمناهن ع كذا محاضرة
ولسا كمان محاضرة

📌وأدوات القلع

هيك خالصين وانشالله بقية المادة عالطريق كمان
طبعا هالتأخير كلو لان عم نتعب عالمحاضرات كتير بحكم ضخامة المادة

وهلا بقا موفقين بكرا ب معركتنا الاخيرة
وللتوصية عالمحاضرات
@libraryteam_bot

واكيد✨
متل مامتعودين على عاج المحاضرات مشروحة بالكامل من شرح الدكتور وبعض الشرح الاضافي لتوصلكن المعلومة بشكل كامل ❤️❤️
وهالحكي بكافة موادنا ❤️

مرحبا❤️
معكن زميلتكن براءة
رح كون معكن بمادة التقويم لهاد الفصل
وان شاء الله اقدر ساعدكن قدر الامكان بهالمادة الضخمة❤️❤️
بداية مادة التقويم اغلب المعلومات يلي فيها معلومات جديدة وهي اكتر مادة النظري فيها بينفصل عن العملي
فا ياريت تحاولو من هلق تمرقو اكبر كمية منها
وطبعا
جبنالكن اليوم أربع محاضرات من قسم الدكتور شادي يلي هنن:
١.مدخل إلى علم التقويم
٢.النمو والتطور قبل الولادي
٣.اسباب وتصنيف سوء الاطباق ١
٤اسباب وتصنيف سوء الاطباق ٢
وطبعا لسا المفاجآت بهالمادة كتار فا ترقبوا ❤️
أي سؤال بيخطرلكن انا موجودة ❤️
بوت التوصية :
@libraryteam_bot
كونوا بخير❤️

مرحبا أصدقاء عاج المحبين 🤍✨️
جيتكن اليوم بمحاضرة لمادة المداواة اللبية (السادسة)
واللي هي الجزء الثاني من حشي النظام القنيوي
وكالعادة فينا نوصي من بوت التوصية الآتي :
@libraryteam_bot

مثبتة لتراجعو النقاط بسهولة 🔥
الكومبوزيت
https://t.me/dentinteam2/4965
الحاجز المطاطي
https://t.me/dentinteam2/4975
المساند والأوتاد
https://t.me/dentinteam2/4987
كسور وصدوع الأسنان
https://t.me/dentinteam2/4994
الأملغم
https://t.me/dentinteam2/4999
الحساسية السنية
https://t.me/dentinteam2/5002

🔴معالجات منزلية من خلال معاجين الأسنان والمضاميض الفموية الحاوية على الفلورايد وشوارد البوتاسيوم
🔴معالجات في العيادة
✅الفلورايد : ينقص من نفوذية العاج
✅الفرنيش : وحده أو مضاف له فلوريد الصوديوم بتركيز ٥٪ ، لكن يزول بعد فترة قصيرة من الزمن
✅ نترات البوتاسيوم: شوارد البوتاسيوم تنقص الإثارة العصبية
✅الأوكسالات : خفض نفوذية العاج وإغلاق الأقنية
✅هيدروكسيد الكالسيوم : إزالة الحساسية التالية للجراحة حول السنية
✅فوسفات/سيلكات الكالسيوم: إنقاص نفوذية العاج وإغلاق الأقنية العاجية
✅الجراحة حول السنية : يجب أن تكون ك خيار ثاني بسبب كلفته
✅الالدهيد : الفورم /الغلوتر الدهيد
يرسب البروتينات اللعابية في القنيات العاجية
✅التشريد الفلوري : تحريض انتشار الشوارد داخل النسج بواسطة التيار الكهربائي ، بالمشاركة مع فلوريد الصوديوم
✅الاسمنت الزجاجي الشاردي: بشكل سيال
✅اللواصق والراتنجات :كالسيلانت والبوند والكومبوزيت ، حيث تطبق موضعياً أكثر من الحالات المعممة
المشكلة تعود عند فقدان جزء من المادة بسبب عودة انكشاف القنيات العاجية
✅الليزر

🔎تعتمد معالجة الحساسية العاجية على آليتين مختلفتين:
١. تعديل إثارة العصب السني من خلال شوارد البوتاسيوم
٢.إغلاق الأقنية العاجية

🔴دلالات على الحساسية عند الفحص :
✅توقف الألم عند توقف المحرض
✅المظهر اللماع للعاج

🟡محرضات الحساسية العاجية
١. محرضات حرارية : بشكل كبير البرودة، بشكل ضعيف أو معدوم السخونة
٢.محرضات ميكانيكية : تفريش ، تقليح ، أطعمة قاسية
٣.محرضات كيميائية (حلولية) : حموض ، سكر ، ملح
٤.تخريض بالتجفيف (تبخير): هواء

☘الاهتراء Abrasion : تأثير أجسام أجنبية عالأسنان مثل التفريش الخاطئ أو الجائر
☘التآكل Erosion : سببه كيميائي حمضي
☘الانسحال Attrition : تماس الأسنان مع بعضها كالصرير
☘آفات جهود إطباقية Abfraction : جهود إطباق لا مركزية

🔺أكثر السطوح إصابة بحساسية العاج هي السطوح الدهليزية
🔺الحساسية العاجية تصيب الإناث أكثر من الذكور
🔺تنقص الحساسية مع التقدم بالعمر وتصيب الأعمار مابين ٢٠-٤٠

🔴نظريات حساسية العاج:
١.نظرية النقل : استطالات مصورات العاج المكشوفة على سطح العاج تثار بمحرضات كيميائية أو ميكانيكية ويتحرر نواقل عصبية بالتالي بتحرض النهايات العصبية والإحساس بالألم
💥في جدل حول هي النظرية انو هل الاستطالات تصل لسطح العاج وهل هيي بتحرر نواقل عصبية
٢.النظرية العصبية: المحرضات تؤثر بشكل مباشر على النهايات العصبية المتوضعة ضمن الأقنية العاجية
٣.النظرية الهيدروديناميكية : النظرية الأكثر انتشاراً وقبولاً
السائل الذي يملئ الأقنية العاجية يضطرب عند حدوث تحريض حراري أو فيزيائي
💥البرودة وتجفيف الهواء تدفع السائل نحو الخارج أما السخونة والمحرضات الحلولية كالسكر والملح تدفع السائل نحو الداخل مما يثير الألياف العصبية

💥يزداد قطر الأقنية العاجية بالاقتراب من اللب ويزداد عددها
💥السن المعالج لبياً يكون هش وقصف ؟؟؟؟!!
✅في الحالة الطبيعية تكون الأقنية العاجية مملوءة بالسائل القنيوي الذي يلعب دور هام بإزالة الضغوط الواصلة للعاج وينقطع هذا السائل عند انقطاع التروية الدموية للب
💥العاج عبارة عن:
٧٠٪ مواد غير عضوية أي بلورات الهيدروكسي اباتيت
٣٠٪ مواد عضوية قالب كولاجيني وماء

#الحساسية_العاجية

🦷الصقل يعمل علي تحقيق انطباق حفافي وتمادي واضح بين الحدبات
🦷بعد الصقل لا تتصلب حشوة الأملغم بشكل كامل لذلك نقوم بالانهاء والتلميع بعد 24 ساعة
🦷 الانهاء يعني ازالة الزوائد وتحقيق ميازيب وتمادي واضح ويكون باستخدام سنابل خاصة
• التلميع يعتمد على أقراص ( كومبوزيت ) وسنابل ( الأملغم ) وبالأملغم بعد السنابل نستخدم رؤوس ثم كؤوس مطاطية ثم فراشي تلميع باستخدام مسحوق الخفان مع الماء
• كتير مهم التبريد مع التلميع بالاضافة الى التلميع بشكل متناوب
🦷 فائدة تلميع حشوة الأملغم :
يمنع التصاق بقايا الطعام أو اللويحة و تمنع التآكل لأنه يجعل سطح حشوة الأملغم ذو طبيعة فيزيائية واحدة بالتالي يمنع التيارات الغلفانية التي تسبب تآكل حشوة الاملغم ( لأنو اذا كان الأملغم مصعد مثلا بتطلع منو ذرات أملغم بالتالي بصير تآكل )
📌يفضل دهن حشوة الأملغم بعد الانتهاء بالفرنيش للحفاظ على سطح الاملغم من تغير الابعاد لأنه خلال الساعة الأولى بيتقلص فبتدخل جراثيم قبل حدوث التمدد المتأخر

☠️الأملغم
يتكون الاملغم من
فضة 60% ، قصدير 6_8% ، نحاس فيما سبق كانت النسبة قليلة بعدا رفعوها لل 17_33% ورفع نسبة النحاس حسنت الخواص
الخواص :
✨القساوة هي الخاصية الأهم لفهم الخواص الميكانيكية للمواد ( مثلا عند مقارنة نوعي كومبوزيت القساوة الاكبر تعني خواص افضل )
✨القوة الضاغطة : قوتين على استقامة واحدة متقابلتين
✨القوة الشادة : قوتين على استقامة واحدة متعاكستين
✨قوة القص : قوتين متقابلتين وليستا على استقامة واحدة
💎لفهم قوة الارتباط حكينا عن قوة القص وقوة الشد
💎 القوة الضاغطة بالنسبة للاملغم هي 76000_70000 باوند على الانش المربع
💎 القوة الضاغطة للنسج السنية على الميناء المدعوم بالعاج هي 70000 باوند على الانش المربع
💎القسافة : هي رد فعل السطح تجاه القوة المفاجئة غير المتوقعة
💎يتميز الاملغم بقسافة مقبولة أفضل من الميناء
📍تغير الأبعاد :
1_ تصلبي :
هو المشكلة الأساسية بالمواد الترميمية بشكل عام وبالكومبوزيت بشكل خاص ويكون بالاملغم مقبول ، تغير الابعاد التصلبي بالاملغم : خلال الساعة الأولى تقلص تصلبي يتبعه خلال ال 7 ساعات التالية تمدد يعاوض التقلص التصلبي لكن بنسبة أقل يبقى الترميم يعاني من تقلص مقداره 6_4 ميكرون لكن سانتي متر مكعب وهو رقم مقبول لحد ما لأنو ما عندي ترميمات باحجام كبيرة
💎يتناسب التقلص التصلبي طردا مع حجم الترميم لذلك اسعى دائما أن يكون التحضير أصغر ما يمكن
2_ حراري :
ما كتير عنا فروقات حرارية بالتم مثلا ابرد مادة ممكن اشربا حرارتا 5_7 درجات وأكثر شي سخن ممكن اشربو حرارتو ممكن 40 درجة لذلك ما عندي فروق حرارية كبيرة لذلك بالأملغم عامل التمدد الحراري مو كتير مهم
💎عامل التمدد الحراري للنسج السنية 7.6 ×10^-6
3 _تمدد متأخر :
المسؤول عنه هو التوتياء / الزنك
عند نقل الأملغم باليد على الحفرة المحضرة بنقلو رطوبة وبيحدث التفاعل
Zn + H2o ------> Zno +H2
وال H2 هو المسؤول عن التمدد المتأخر
▫️المزج : عنا مزج يدوي يستمر 90 ثانية ( دقيقة ونص ) 180 دورة بالدقيقة والقوة المطبقة : 1_2 كغ ويوجد مزج آلي مردوده أفضل ومنتظم
• 🍁الأملغم ليس مادة ساكنة هو مادة لا تتفاعل مخبرياً لكن تتفاعل بالحفرة الفموية
• 🍁التقبل الحيوي مثالي لكن المشكلة هو الزئبق الذي له تأثير علي المريض وعلى الطبيب بشكل أكبر
•▫️ الزئبق ما لازم تتجاوز نسبتو 42% وال 58% للخليطة
•▫️يوجد الأملغم عشكل كبسولات منها دك ومنها برم ( فتل ) وأكيد البرم أفضل لأنها ما بتسرب زئبق أثناء المزج أما الدك احتمال تسرب
• 📍العزل يكون حسب عمق الحفرة ونوع الترميم والعزل ممكن بطبقة عازلة أو قاعدية والفرق بين الطبقة القاعدية والطبقة العازلة هو عمق التحضير
•🎀 طبقة عازلة: مثل ماءات الكالسيوم ، فرنيش ، أكسيد زنك وأوجينول
• 🎀طبقة قاعدية : مثل GIC ، بولي كربوكسيلات ، فوسفات الزنك ، كومبومير
•🧨 بالحفر العميقة بحط طبقة عازلة وقاعدية
•🧨 بالحفر الضحلة منحط بس طبقة عازلة من ماءات الكالسيوم
• 🧨بالحفر الضحلة جدا منعزل بالفرنيش
• 🧨لا يوضع أكسيد الزنك والأوجينول تحت الكومبوزيت لأنه يمنع تماثر الكومبوزيت
•🪷 إذا رممت GIC بحفرة صنف خامس ما بعزل لأنو ارتباطو بالنسج السنية قوي وبالعزل بضعف هالارتباط
•🪷يمنع منعا باتاَ بعد العزل أن يكون هناك ماءات كالسيوم على الجدان أو الحواف منوضع الماءات فقط على الجدار اللبي سواء قاعدي أو محوري لأن أيا بقايا بتضل بتاخد مكان الحشوة وبتنحل مسببة تسرب حفافي

# شوية ملاحظات عن الاملغم

🧬الاعراض المرافقة للصدوع :
🍭زيادة الحساسية السنية ولاسيما على الحرارة والبرودة والحلوى ( تشمل الصدوع الخارجية )
🍭 الم موضعي أطباقي ضمن السن ( صدوع داخلية )
🍭الم غير محدد المكان
🍭 التهاب لثوي عندما يكون الصدع تحت خط اللثة نتيجة دخول الجراثيم وعدم القدرة على السيطرة عليها
🍭 تموت لبي نتيجة إهمال السن المتصدع والمعالج اللبية للسن المتموت نسبة نجاحها أقل من استئصال اللب
🪷 ليست كافة صدوع وكسور الاسنان مترافقة بالم وانما ذلك يعتمد على مدى خطورة وشدة الصدع ودرجة حساسية المريض للمثيرات
🎀 يمكن اكتشاف الكسر باستخدام :
▫️ضوء جهاز التصليب
▫️باستخدام أداة لفحص الحدبات ،تقوم بتركيز قوى العض على الحدبة المفحوصة
▫️يمكن استخدام صباغ خاص
▫️التصوير الشعاعي ( نادرا ما تظهر الصدوع بالصورة الشعاعية )

القيمة الطبيعيه لسكرالدم الصيامي: ٧٠_١٢٠

وينقص بفقر الدم

💚الكريات الحمر:
تزداد ب كثر الحمر الاولية والثانوية +المرتفعات
تنقص بحالات فقر الدم

💚الكريات الدموية البيضاء:
تزداد ب: الاخماج /الاورام الخبيثة/ انحلتا الدم/حمة رثوية والتهاب مفصل رثياني/ احتشاء عضلة قلبية/ امراض التكاثر النقوي
تنقص ب:تشعع وكثرة الوحيدات الخمجية وانتان الدم وعفونته

✔️من الممكن اخد عينة من مجموعة كبيرة من الحالات والامراض
✔️الخزعه الاستئصالية
* ازالة كانل الافة مع حواف هامشية سليمه
* تستطب: الافات الصغيرة (من عدة ملمترات حتى ٢سم)+ افات حميده محدده
* التخدير : حول الآفة(بشقين اهليليجيين) ولييييس ضمنها+ بزاوية حاده
* تندب الجرح يكون بالمقصد الأول


✔️الخزعه الاستقصائية
* ازالة جزء فقط من الآفه
* تستطب: عند كون الآفة اكبر من ١ او ٢ سم+ عند الشك بالخباثة


✔️الخزعة الارتشافية(البزل)
* يتم سحب او شفط ستئل او هلابا من داااخل الآفة
* باستخدام محقنة ذات ابرة دقيقة
* تسطتب:الآفات صعبة الوصول للفحص النسيجي الروتيني +بهدف اجراء فحص خلوووي مثل(اورام غدد_امراض العقد اللمفيه_آفات ضمن عظمية_آفات نحوي سائل )
* الشفوفية بالعظم: يتم رىشفها لاستبعاد خطر الآفة الوعائية
* تتم ب ابره رفيعه للبزل(٢١او ٢٣)
* قد تغير موضع الابره بشكل متكرر للحصول على الموقع المراد
* حصيل الرشف يفرش على شريحه زجاجيو بمحلول هوفان

بالاضافة لهالطريقتين

🔻الخزعة: كلمة مشتقة من اليونانيه
🔻يتم اللجوء الى الخزعات عند كون النسج غير سليمه ... ويتم اللجوء له للتأكد من وجود مرض او مسبباته او امتداده
🔻الأمر المشترك بين انواع الخزع المختلفة: استخدام اداة حاده
🔻تتعلق طريقة خد العينه: بالنسيج المراد فحصه
🔻افضل وسط لحفظ الخزعات لاجراء تحاليل نسيجيه: فورمول (بتركيز ١٠بالمئة)
🔻اما الخزع بهدف اجراء تلوين تألقي مناعي : تنقل الخزعة طازجه دوووون تثبيت

استطبابات اخذ الخزع

المبادئ الاساسية لأخذ الخزع❤️

#نقاط_القسم_الثاني

🔻تجميعه متلازمة جوغرن
انذكرت بكذا محل وارتبطت باكتر من علامة سريرية هنه:
تشقق زوايا الفم
تورم الوجه المعمم
انتباج العنق
انتباج الغدد اللعابية

⬇️الاشكال التي تساوي 1cm او اكبر
اللطخة Patch
اللويحةPlaque
الفقاعه Bulla
العقيدةNofule

⬇️اصغر او تساوي 1cm :
البقعة macule
الحطاطه papule
الحويصل vesicle

وهيدي الفقرة اقل اهميه ...حتى بالنظري ما انذكرت بس مننزلها هون ليكون كلو موجود... يلي بحب يتطلع عليها

وهلا كالعادة ختاما مع الرسالة يلي بتضل قابلة للتعديل من هلا ل بكرا قبل المادة بدقائق
موفقين كتير💙💙


📌 اسرع طريقة من حيث ظهور الأثر التخديري هي التخدير في العظم
📌 الفرق بين التخدير باللثة والتخدير تحت الغشاء المخاطي ؟!
الذي يدل عالتخدير باللثة هو ابيضاض اللثة الاني
اما بالتخدير تحت الغشاء المخاطي حدوث انتفاخ في مكان الحقن
📌 اصعب سن من ناحية القلع ⬅️ الرحى الاولى العلوية بسبب:
*لان الصفيحة الدهليزية تحوي مرتكز الناتئ الهرمي الذي يتصل مع العظم الوجني ويزيد من السماكة العظمية للصفيحة الدهليزية
* لها ثلاث جذور بمحاور مختلفة ومساحة كبيرة
* قريبة من الجيب الفكي وهو بنية حيوية هامة

📌 اشيع طرق التخدير بالفك العلوي ⬅️ التخدير فوق السمحاق
📌 اشيع طرق التخدير بالفك السفلي ⬅️ التخدير بالرباط ( حقنة مؤلمة جدا)
📌التخدير الارتشاحي فوق السمحاق فعال تماما في المنطقة الامامية للفك السفلي ولكن بسبب السماكة العالية للصفيحة الدهليزية في المنطقة الخلفية يتم استبدال الليدوكائين بالارتيكائين اثناء التخدير فوق السمحاق لان الارتيكائين له قدرة عالية على الانتشار ضمن الأنسجة العظمية

📌 علائم ومؤشرات التخدير
* غياب الالم اثناء العمل
* تنميل الشفة

📌 الميزاب الدهليزي العلوي والسفلي مكان مناسب في كل نقاطه للتخدير فوق السمحاق؟؟؟!
لانه يحوي النهايات العصبية التي تنقل حس الالم

📌لماذا يتم تخدير الجهة الحنكية / اللسانية بالرغم من تخدير العصب الرئيسي للسن بتقنية التخدير الارتشاحي؟!
لان الجهة اللسانية يعصبها عصب اخر مختلف عن العصب الذي يعصب الجهة الدهليزية

📌بحال وجود الأسنان 21/22/23 ماهي تقنية التخدير المناسبة للمعالجة اللبية او القلع؟!!
التقنية المناسبة هي التخدير بالحقنة تحت الحجاج
لان عند القلع بحالة التخدير فوق السمحاق نحتاج ل ٦ غرزات ( لكل سن غرزتان واحدة دهليزية واخرى حنكية)
وعند المعالجة اللبية نحتاج ٣ غرزات ( لكل سن غرزة)
وهذا ما يجعله تخدير راض فيعوض عنه بتخدير ناحي

نوطة العملي هي فيها تقنيات التخدير الموضعي ادرسوهن منها ⭐️🍃

🌷اشهر حقنة تخديرية يمكن ان تقود الى انكسار الامبولة السنية هي:

حقنة الرباط PDL

🌷 احساس بالحرق اثناء التخدير يعود الى:

🔹️الخرطوشة التخديرية التي يحتوي محلولها المخدر على مقبض وعائي

🔹️الخرطوشة التخديرية التي سخنت الى درجة عالية نسبيا

🔹️الخرطوشة التخديرية التي نفذ اليها محلول المادة المطهرة

🔹️استجابة طبيعية ل PH الملحول المخدر

🌷 المشاكل الناجمة عن التعامل مع الامبولات السنية:

🔹️وجود فقاعة داخل الخرطوشة
🔹️خروج السدادة المطاطية
🔹️احساس بالحرق اثناء الحقن
🔹️وجود السدادة الخلفية الملتصقة
🔹️الصدأ على الغطاء المعدني
🔹️التسرب اثناء الحقن
🔹️انكسار الخرطوشة

ملاحظات :

💫احد وظائف المخدر الموضعي هي زيادة فترة تأثير المخدر الموضعي في مكان حقنه

💫ظهور الفعل المخدر في الخرطوشات السنية الغير حاوية على مقبض وعائي اسرع من الخرطوشات الحاوية على مخدر وعائي

💫حقن المحلول المخدر الغير حاوي علي مقبض وعائي يحقق راحة اكبر للمريض من الحاوية على مقبض وعائي (يسبب المحلول المقبض احساس بالحرق اثناء الحقن)

🌷الاجزاء الرئيسية لخرطوشة التخدير:

🔹️الانبوب الاسطواني الزجاجي البلاستيكي
🔹️السدادة الخلفية
🔹️الغطاء المعدني
🔹️الحاجز المطاطي (السدادة الامامية)

🌷المشاكل أو الصعوبات الناجمة عن التعاطي مع الابر السنية:

الالم اثناء ادخال الابرة
انكسار الابرة
الالم اثناء سحب الابرة من النسيج
تأذي المريض او الطبيبمن الابرة التخديرية

🌷الاجزاء الرئيسية في الابرة:

🔹️ساق الابرة او طرفها الذي سيدخل في النسج
🔹️راس الابرة او شطبها
🔹️وصلة الابرة
🔹️ملائم التثبيت على المحقنة
🔹️طرف الابرة الذي سوف يدخل في المحقنة

🌷ساق الابرة:

🔹️الطول :

الابر الطويلة : (٨-١٥ انش) او (٤٠ انش) تستخدم في التخدير الموضعي الاحصاري / الناحي

الابر القصيرة: (١ - ٢٥ انش) تستخدم في التخدير الموضعي الارتشاحي

الابر السنية القصيرة جدا: (١٣-١٥ ملم و الكوج ٣٠) مخصصة لاجراء التخدير في الرباط السنخي السني او الحاجز العظمي السنخي السني


💫 ملاحظة: تنكسر الابرة في العادة عند وصلتها لذلك لا يجب ان يدخل من الابرة في النسج عند اجراء التخدير الناحي اكثر من ٣٢ - ٢٥ ملم الا في بعض الحالات الاستثنائية

🔹️الكوج:
قطر اللمعة الداخلية
كلما كبر الرقم الذي يشير الى هذا القطر كلما قلت ثخانة الابرة (يعني الابرة ذات الكوج ٣٠ ارفع من الكوج ٢٥)

الاشكال الرئيسية و الاكثر استخداما : الكوج ٢٥ ، ٢٧ ، ٣٠

🌷العناية و التعامل مع الابر:

🔹️1 .لا يمكن استعمال الابرة السنية الواحدة عند أكثر من مريض.

🔹️2 .يجب تغيير الابرة السنية عند المريض الواحد، وللجلسة المعينة بعد كل إدخال في النسج، أو بعد 3_2 إدخال في النسيج كحد أقصى

🔹️3. يجب استعمال الابر المعقمة والنبوذة فقط

🔹️4 .لا يجب إدخال الابرة السنية في النسج حتى وصلتها لارتفاع خطر انكسار الابرة عند وصلتها .

🔹️5 .لا ُتغير اتجاه الابرة عندما تكون موجودة داخل النسيج، إلا بما تسمح فيه الطرق التقنية المتبعة.

🔹️6 .يجب أن تبقى الابرة مغطاة بغالفها طالما هي خارج الاستخدام



💫 لماذا يجب تغيير الابر السنية بعد اكثر من استعمال لنفس المريض؟

لأن الابر السنية تصبح كليلة الرأس بعد 3_4إدخالات، الأمر الذي يقود إلى ظهور الألم أثناء مثل هذا الدخول (إدخال رضي )، وكذلك بعد انتهاء الاثر التخديري وعودة الحس.

💫 لماذا لا يجب ادخال الابر السنية حتى وصلتها اثناء الحقن؟

لارتفاع خطر انكسار الابرة عند وصلتها .

🌷 تحدث الشرشرة في الابر النبوذة:

🔹️إما بسبب عيب صنعي من المعمل ( هذا نادر)
🔹️أو نتيجة لتكرار استخدام الابرة عند نفس المريض و في نفس الجلسة

رأس او شطب الابرة:

🌷الشكل الرأس هو :
🔹️الشطب القصير المستدير
🔹️ أفضل زاوية للشطب هي زاوية 45

💫 إذا صادفت في طريقها عصبا أو وعاء لا تدخل
فيه بسبب حركة هذه الأعضاء و سرعة تزلقها أمام هذا الشكل من الشطب.

🌷 المعايير التي يجب توفرها في المحقنة التخديرية:

🔹️ متينة و تتحمل الضغط
🔹️معدة للاستخدام المتكرر
🔹️معدة لتحقيق عملية رشف فعال
🔹️خفيفة الوزن و قابلة للتعقيم
🔹️ بسيطه تسهل الاستخدام باليد الواحدة للجراح

#تجهيزات_التخدير_الموضعي

اولا:

🌷 ادوات التخدير الموضعي:
🔹️المحقنة
🔹️الابرة
🔹️الخرطوشة التخديرية

🌷العناية و التعامل مع المحقنة:

🔹️غسل و تنظيف المحقنة بعد كل استعمال و تخليصها من الدم و اللعاب ثم تعقيمها بالاوتوكلاف
🔹️يجب تفكيك اجزاؤها القابلة للحل بعد كل خمس تعقيمات بالاوتوكلاف و ان تزيت
🔹️تنظيف المخطف بالفرشاة بعد كل استخدام

🌷المشاكل الناجمة عن التعاطي من المحاقن التخديرية:

🔹️التسرب اثناء الحقن
🔹️انكسار الخرطوشة
🔹️المخطف المنحني
🔹️انفكاك المخطف من السدادة اثناء الرشف
🔹️الترسبات السطحية

هي لخصتن من الكتاب لحتى ما تروحو وقت علين وبينضاف لهل المخدرات البوبيفكائين هاد تأثيرو طويل الامد بستخدمو بالجراحات الواسعة كتير لحتى يضل يعملي تسكين بعد ما يطلع المريض من العملية كمان يعني ممكن تأثيرو يطول ساعات كتيرة.
بقية المواد المخدرة ركز عالفعالية والسمية وتركيز كل مادة بالامبولة كم يعني هيك شغلات غير هيك نظري ما بيجي

هون لسا في جملتين من التعليمات :
١-تناول الاطعمة الطرية والسائلة ومضغ الطعام على الجانب الاخر
٢- تجنب المشروبات الحارة والساخنة في اليوم الاول
٣- يفضل الاكل بعد زوال التخدير لتفادي العض على النسج المخدرة
( بسبب التخدير بتكون الشفة منملة مثلا ومافي احساس بالشفة فبعد القلع وقت ياكل المريض ممكن يعض بقوة من دون ما يوصل لاحساس الالم فبصير في تورم بالشفة والتهابات لاحقة هي منلاحظها غالبا عند الاطفال بعد التخدير بسبب غياب الاحساس بالشفة وبحسو كانها اسفنجية فبصيرو يعضو عليها لتتورم
⚡️هي خلوها معلومة ببالكن لتنبهو اي طفل تقلعولو او تعالجو بعد التخدير ما يعض عالشفة لان رح يعض بقوة كبيرة مابيوصل لاحساس الالم بتكونو بقلع سن لبني بتصيرو بمصيبة اكبر تقرحات بالشفة وتورم ⚡️ )

🌸 لماذا نضع القطنة بعد القلع لمدة ساعة الى ساعة ونصف ؟
١ـ لتماسك العلقة الدموية مع النسج الرخوة لانها تكون في البداية هشة وضغط الدم يدفعها للخارج فيعود النزف
٢- لان الانزيمات الموجودة في اللعاب تحل العلقة فالقطنة تحمي العلقة من اللعاب

هو ادوية غالبا ما ننسأل بس هالسؤال ما ضل حدا ما انسأل عنو بالعملي لهيك رح ارجع ذكر فيه

التغطية الثلاثية
تتألف من
١) البنسيليتات لتغطية الهوائيات إيجابية الغرام
٢) الغليكوزيدات لتغطية الهوائيات سلبية الغرام
٣) الميترونيدازول لتغطية اللاهوائيات

امبيسلين 500mg او 1g
حقنة عضلية او وريدية ثلاث مرات يوميا
جينتامايسين 40mg او 80 mg
حقنة عضلية مرتين يوميا
ميترانيدازول 250mg او 500mg
حبة ثلاث مرات يوميا

تتطبق الوصفة لمدة ثلاث ايام ثم بشكل فموي لمدة خمسة أيام على الاقل

هي شوية ملاحظات من شرح الدكاترة بالنظري وممكن تكون مشروع سؤال عملي

⚠️ هي الرسالة قابلة للتعديل بأي لحظة

قاطع الرباط
المستقيم للفك العلوي ( شكل السكين
بزاوية منفرجة أو قائمة للفك السفلي يلي بساهم ب مسكة الرباط المعدلة
بشكل منجلي لقاطع الرباط الوحشي المستخدم في الزوايا والنقاط التي يصعب الوصول اليها مثل وحشي الرحى الثالثة )
نقوم بقطع الرباط اللثوي الدائم وليس الرباط السني السنخي ( الرباط السني السنخي يتمزق تلقائيا عند توسيع الجوف السنخي)


مبدأ عمل الكلابة
• مبدأ الاسفين
رأس الكلابة بيندخل بالمسافة الرباطية بين السن والجوف السنخي
• مبدأ رافعة من الدرجة الأولى
الها نقطة استناد ومحور دوران ( المفصل ) وذراع القوة ( هيي القبضة ) وذراع المقاومة ( فكي الكلابة )

الخلع هو المرحلة الأولى للقلع

ضم السنخ
بعد عملية القلع يتم ضم طرفي السنخ بشكل بسيط بواسطة الشاش ل
1. تخفيف النزف
2. تقريب حواف الجرح مما يسبب شفاء اسرع

*أكثر سن عرضة للكسور بالفك العلوي
الضاحك الأول والثاني ( وبشكل اكبر الثاني)
*أصعب الأسنان بعملية القلع
الرحى الاولى العلوية لان الها ٣ جذور بمحاور مختلفة ومساحة كبيرة ولأنها قريبة من الحيز الفكي

كيف ممكن خدر سن فيه انتان؟؟؟!
قلنا مضاد استطباب اي تقنية تخدير هو وجود الانتان لهيك بهيك حالة بخدر بمنطقة بعيدة ( تخدير ناحي)

مسالخيرااات💙
🚫كتير كتير مهمين

💫طبعا انتبهوا صار عنا وضعية الكرسي خلال القلع وخلال التخدير حاولوا تفرقوا بينهن اذا ما تحدد بالمذاكرة اذكروا التنين بالتخدير والقلع 💫

🌸 وضعية كرسي المريض اثناء التخدير الموضعي :
يكون كرسي المريض بوضع استلقاء او نصف استلقاء لتجنب حدوث الغشي الوعائي التائهي
( هي الحالة بسبب عمل متعاكس للجملة الودية ونظيرة الودية بسبب الخوف والقلق بصير نقص بكمية الدم المؤكسج الوارد للدماغ او هبوط ضغط وممكن يفوت المريض بحالة صدمة لهيك منتخذ هي الوضعية وقت التخدير )

سؤال هام ⁉️
🌸 كيف نحدد كم امبولة تخدير يحتاج المريض؟
⚡️ اولا نتاكد من الحالة الصحية للمريض ( غير مدمن كحول )
في حال كانت الحالة الصحية سليمة اول جواب لسؤال كم امبولة بيحتاج المريض هو :
وزن المريض
ثانيا - نوع المادة المخدرة
🔹ملاحظة هامة 🔹
عمر المريض لا يؤثر في تحديد عدد امبولات التخدير
التدخين يؤثر على التخدير العام اكثر من الموضعي

🌸 وجود فقاعة داخل امبولة التخدير :
⚡️ اذا كانت صغيرة بقطر ١-٢ ملم امر طبيعي فهي فقاعة نتروجين موضوعة من قبل المعمل اثناء التحضير لمنع دخول الاوكسجين اثناء التعبئة
⚡️ اذا كانت كبيرة وقرب السدادة المطاطية مع انبثاق السدادة للخارج هذا ناتج عن تجميد الامبولة ولا ينصح باستخدامها

ضلوا متابعين القناة اي ملاحظة او فكرة مهمة بشوفها رح نزللكن اياها ان شاء الله 🩵
ركزوا باقي تقنيات التخدير لو قراءة عالسريع استطباب ومضاد استطباب كل وحدة منهن لان ما رح الحق نزلهن
وموفقين بكرا بآخر معركة بهالاسبوع المتعب🩵🩵

هيك منكون خلصنا مراحل القلع 🤍

اخر خطوة هي تعليمات بعد القلع

ملاحظة هامة
كل حركات القلع بالفك العلوي يعني حركة قلقلة السن هي دهليزي حنكي ما عدااا الرباعية العلوية نبدا للحنكي ثم دهليزي ليش⁉️
لان الصفيحة الدهليزية عند جذر الرباعية بتكون رقيقة لحتى ما تنكسر

بعد اختيار الكلابة المناسبة منبدا بالقلع
حركات القلع هي خلع وقلع
الخلع : هي قلقلة السن ليخرج من مفصله
القلع : هو سحب السن للخارج
اذا كان سن بالفك العلوي :
نحو الخارج والاسفل والدهليزي
اذا كان سن بالفك السفلي
نحو الخارج والاعلى والدهليزي

🌸 مسك السنخ في الجهة العلوية اليسرى:
مسكة الملقط سبابة اليد اليسرى في الدهليزي والابهام في الحنكي
🌸 مسك السنخ في الجهة العلوية اليمنى :
مسكة الملقط لكن السبابة في الحنكي والابهام في الدهليزي
🌸 مسك السنخ من الناب السفلي اليمين الى الرحى الثالثة اليسار
مسكة المخلب السبابة في الدهليزب والوسطى في اللساني والابهام تحت الذقن
🌸 مسك السنخ من الناب السفلي اليمين حتى الرحى الثالثة السفلية اليمين
مسكة المقلاع
الطبيب خلف المريض والابهام في اللساني والسبابة في الدهليزي والوسطى خارج الفم

مسك السنخ خطوة مهمة اثناء القلع هلا منشرح كيفية مسك السنخ 🔥 ركزوا الفوائد

وهلق بعد ما خلصنا محاضرة المعالجة اللبية اللي عطا فيها الدكتور ميسم اللب السني (مو داخلة) فينا نقلكم انو المحاضرات اللي نزلت ل اللبية كافية ووافية 🤍💪🏻🔥

صباح الخير 🌸
متل ماتابعنا معكن بالمداواة ١ و٢ رجعنالكن اليوم بالمداواة ٣ بأول محاضرة من قسم كل دكتور
🦷أخطاء تطبيقات الكومبوزيت
🦷الحاجز المطاطي ١

طبعاً نحنا تقصدنا ننزل اليوم محاضرة عن الكومبوزيت كرمال تدرسوها بالعطلة لأنو أغلب الاسئلة بالمذاكرة رح تجي منا ف ركزوا عليا بكل تفاصيلا وبالأخص الشرح السريري
موفقين دكاترة 🥰🥰
هاد بوت التواصي :
@libraryteam_bot
ولأي سؤال نحنا موجودين عهالبوت
@Team3aj2_bot

مرحبا اصدقائي 🌷

بالنسبة ل نوطة التخدير والقلع يلي داخلة معنا بالمذاكرة .. القسم الاول من النوطة صار جاهز و موجود بالمكتبة 🌷

موفقين كتير🌷

هاد أول مربع شرح هيك عالخفيف بمحاضرة محااليل الغسل والارواء 🤍😊

يسعد اوقاتكم 🤍🔥
كنت معكم بأول تسميع باللبية وهلق بقلكم انو المذاكرة انشالله بأيدي أمينة

فهلق جاييكم بخبر قنبلة 😊🤍
المحاضرة الماضية حكيت الدكتور باسم سليم وقلي انو ( انشالله ) اللي داخل للمذاكرة هو نفسه اللي دخل معنا المرة الماضية ..
ف لهيك جيتكم بأول 5 محاضرات انعطت بمقررنا :

1.تحضير حفرة الدخول (محاضرة حلوة وكيوت كتير)

2 . تحديد الطول العامل (محاضرة ع شكل 24 سؤال و أجوبتهن )

3.محاضرة الادوات المستخدمة بالمعالجة اللبية(محاضرة صعبة وطويلة) بس ماتاكلوا همها 😉

4.محاليل الغسل والارواء ( المحاضرة الاحلى واللي رح تشوفوا فيها صفحتين شرح صفحة معلومات و3 صفحات شرح و صفحة معلومات🤣)

5. حشي النظام القنيوي الجزء الاول (اللي داخل بالمذاكرة)

وبالنسبة لمحاضرة اللب السني : لسا ما انعطت لما حدا يسال 🙂 فلهيك ما مننزلها تحسبا لكلمة وحدة انضافت من شرح 😊🔥
وهي بوت التوصية : @libraryteam_bot

مسا الخير اصدقائي 💟
كيفكن وكيف الهمة عالاسبوع القادم 🔥

🟣الجزء التاني من نوطة التقويم القسم العملي صار جاهز وموجود بالمكتبة

موفقين كتير كتير 💜💜

⬇️الاشكال التي تساوي 1cm او اكبر
اللطخة Patch
اللويحةPlaque
الفقاعه Bulla
العقيدةNofule

⬇️اصغر او تساوي 1cm :
البقعة macule
الحطاطه papule
الحويصل vesicle

🔻تجميعه متلازمة جوغرن
انذكرت بكذا محل وارتبطت باكتر من علامة سريرية هنه:
تشقق زوايا الفم
تورم الوجه المعمم
انتباج العنق
انتباج الغدد اللعابية

طقات المفصل الفكي الصدغي

مهم

🔻اكيد اكيد حيجي لشي مجموعة عن الغدد ومقارنتن... بقا انتوا وحظكن ويلي بالاحمر اهممم شي

+ درسو جفاف الفم احتمال يجي مقارنه بين اسباب الجفاف المؤقت والدائم

بعرف انو كتار بس قالت الدكتورة حفظوهن اكيد❤️
ولا تنسوا الاشكال السريرية للآفات 100% جايين

واخيرا هالفقرة اللذيذة 🥰

مسا الخير دكاترة 🦷😇
التقرير الاسبوعي السابع .. 💗

يا مسا الخيير🥰
كيفكن مع بداية المذاكرات.. للأسف اتأكد انو مذاكرة امراض الفم بتضمن النوطه كاملة...
كم نقطه
١.النوطه طويلة شوي بس فيها جزء كبير سهل ومُعاد
٢. الاهم  النوطه صارت متوفرة بالمكتبة مع التنبيه عالمهم
٣.قسمناها على قسمين القسم الاول جاهز مشان يلي بدو يبلش بكرا فورا فينو يجيبو ويلي هو يعتبر 70% تقريبا من كل يلي المطلوب مننا.. والتاني ان شاءالله عن قريب

رابط بوت المكتبة للتوصية @libraryteam_bot
كل التوفيق🥰❤️

مسا الخير دكاترة 🤍✨
التقرير الاسبوعي السادس 🤍

مسالخيرات💙
هي نوطة العملي شاملة لاكتر الاسئلة يلي عم يسألوها المعيدين بالجلسة
ادرسوها منيح
النوطة التانية بالمكتبة كمان فيها شغلات كتير مهمة
موفقين كتير 💙

وهيك فيني قلكم (وبإذن الله) لمّينا أهم أفكار اللبية و حاولنا نغطيها بشكل تام واتذكرو شو اشتغلتو بتحديد الطول العامل (المعادلة) وهو هام جدا 😊🤍
موفقين جدا 🤍

بالنسبة للادوات :
لدينا بالمعالجة اللبية أدوات يدوية وأخرى آلية ..
🦷الادوات اليدوية : مراة ، مسبر D1 D5 ،ملاقط قطن ،مجرفة ،مدكات ،ادوات بلاستيكية ، بنس ، مسبر حول سني ومسطرة

🦷ادوات حفرة الدخول :
✨️السنابل :
من اجل التحضير الاولي : شاقة مخروطية ، ISO-010 , ISO 012

وفي حال وجود تحضيرات او ترميميات : سنابل الماسية مدورة

لازالة سقف الحجرة : ISO (010 ,014 , 018)

🦷 المبارد والموسعات (الاهم) :
المبارد :تستخدم لتوسيع القناة الجذرية من خلال حركة ادخال واخراج متبادلة
وللمبارد اربعة او ثلاثة وجوه مع عدد حلزنات كبير

الموسعات توسع القناة من خلال حركة دائرية
والموسعات تتالف من 3 وجوه ولها عدد اقل من الحلزنات

🦷 هااام
الخليطة المستخدمة حاليا في صنع الأدوات: النيكل تيتانيوم وذلك أدى الى ازدياد مرونة الاداة مقارنة بالستانلس ستيل

🦷 يتم ادخال الابرة الشائكة بتماس مع احدى جدران القناة وتدار بمقدار ربع الى نص دورة وتسحب مع النسيج اللبي خارج القناة لان شفراتها متوضعة بشكل غير مركزي
...........................................
مبارد K FILE
🦷تستخدم لتوسيع القناة الجذرية من خلال حركة ادخال واخراج متبادلة
وللمبارد اربعة او ثلاثة وجوه مع عدد حلزنات كبير
🦷تزيل العاج على كامل جدران القناة الجذرية
🦷يجب التخلص من الأداة عند تشوهها فورا
............................
مبارد H file
🦷 تمتلك حلزنات متوضعة بشكل منتظم لتسمح بإجراء قطع فقط خلال البرد لانه يملك زاوية أكثر إيجابية والشفرة ذات زاوية قاطعة

🦷مهيأ للكسر بشكل اكبر بكثير من K files
🦷يتحرك مع عقارب الساعة وعند حركته بعكس عقارب الساعة يصبح غير فعال

وأخيراااا!
تذكرو ألوان المبارد منيح وبرافو عليكن شارفتو على الانتهاء 🤍😊

بالنسبة للغسل والارواء :
🦷 هدفه :
1 دفع البرادة العاجية نحو الخارج ومنع الانسداد
2حل الأنسجة الحية والمتموتة في المناطق التي لايمكن الوصول اليها بالتحضير
3 تامين الفعل المزلّق للأدوات

🦷 الخواص المثالية لمحلول الارواء :
1 يمتلك فعالية عالية بال((((التطهير))))
2 غير محسس وغير سام
3 يفرق بين الانسجة الحية والمتموتة
4 يحتفظ بفعاليته في الانسجة السنية القاسية
.....
له الكثير من الأنواع منحكي بالاهم حسب الترتيب الاتي :

🦷 هيبوكلوريد الصوديوم:
1 الاكثر استخداما
2 يحل الانسجة اللبية ((المتموتة)) العضوية فقط
3 يستخدم بعدة تراكيز الاهم منها 5.25%
4 يستخدم بالتبييض المنزلي
5 لايزيل طبقة اللطاخة
6 صفاته الاساسية :مطهر والتراكيز المنخفضة منه تسبب تخريش اصغري ويحل النسج العضوية

🦷 الكلورهيكسيدين
1 يعتبر مادة مضادة للجراثيم واسعة الطيف وذلك بتاثير طويل الامد لانه يرتبط مع بلورات الهيدروكسي اباتيت
2 لايتفوق على هيبوكلوريد الصوديوم
3 ينصح باستخدامه بتركيز 2 %
4 يمكن استخدامه كضماد في الاقنية

🦷MTAD , Tetraclean
المحلول الاول القادر على حل اللطاخة لوحود حمض الستريك في تركيبه

* بروتوكول الارواء : 1.3% هيبوكلوريد صوديوم يليه غسل ب MTAD لمدة 5 MIN

🦷 EDTA
1 يزيل طبقة اللطاخة
2 يفضل استعماله في نهاية العمل
3يستخدم بتركيز 17% لمدة (دقيقة)
4 لاااااا يمزج مع الهيبوكلورد

🦷 الماء الاوكسجيني
تركيزه 3-5%
فعال ضد الجراثيم والفيروسات والخمائر

🦷يود البوتاسيوم اليودي
قليل الاستعمال
تركيزه 2-5%
يمكن ان يسبب حساسية ويلون العاج

طريقة الارواء : تسمى طريقة { المحقنة }
* تسمح بتوضع المحلول بشكل دقيق
* تسمح باعادة تجديد السائل
* تسمح بتماس مباشر مع العضويات الدقيقة
* يجب تجنب حشر الابرة ضمن القناة لمنع اندفاع السائل خارج الذروة

مرحبا بالنسبة للبية 🤍✨️
رح نضيف مسج صغير (المسا) نحكي فيه عن الارواء والمبارد وهيك منكون خالصين ☺️✨️🤍

🦷 طرق الحشو هي كالآتي
✨️التكثيف الجانبي للكوتابيركا (البارد) :
بعد تجفيف القناة باقماع ورقية ، يغمر القمع الرئيسي بالsealer (الاوجينات) ويطبق ضغط مناسب للوصول للنقطة المرجعية

نضع مكثفة اصغر من القمع (اذا القمع الرئيسي اسود منحط الاخضر ) تترك لمدة 15 ثانية بعدها نضع قمع كوتابيركا(بلون المكثفة اللي حطيناها) مغمور بالsealer ومنكفي لنوصل لختم الثلث المتوسط من القناة الجذرية

🦷 يجب الا تعالج الكوتا بشكل مبالغ فيه و الا أصبحت هشة ومتكسرة ولاتسمح بالتكثيف

🦷لايمكن ختم القناة دون المعجون الحاشي الsealer

✨️التكثيف الحراري العمودي (مامنستخدمه حاليا )

هي هيي صورة المخروطين
المخروط الازرق الكبير هو التضيق الذروي جدرانه من العاج وقاعدته باتجاه التاج

الاصفر الصغير جدرانه من الملاط اامغطي للثقبة الذروية وقاعدته باتجاه ذروة السن

ويلتقيان بالتضيق الذروي تماما

🦷 الطول العامل Working length: المسافة الممتدة على طول القناة بدءا من نقطة تاجية ثابتة ( الحد القاطع او السطح الاطباقي)
🦷 وسائل التحديد :
1 الصورة الشعاعية الذروية : الاشيع ؛ طول السن مطروح منه 0.5 ل 1 ملم
2 النقطة الالمية او النزف الدموي (غير موثوقة)
3 قائمة الاطوال الوسطية (الجدول اول شي)
🦷 أهم شي عنا : الفرق بين الثقبة الذروية والتضيق الذروي
الثقبة AF: الفوهة الذروية الاساسية التي يتصل منها لب السن مع النسج حول السنية
التضيق AC : التقاء العاج مع الملاط في المنطقة الذروية ؛ اضيق نقطة على طول القناة

🦷يمكن تقسيم الذروة الى مخروطين متقابلين (هلق بحطلكن صورة وبشرحا)
🦷ينتهي التحضير قبل الذروة (عند التضيق) لسببين
الاول ينتهي العاج واللب
الثاني لانها منطقة مناسبة لتوضع مادة الحشي وعدم خروجها والاهم عدم خروج سوائل الارواء والتسبب بصدمة هيبوكلوريد الصوديوم

هاد الكتف اللي قد يتشكل بحفرة الدخول للاسنان الأمامية

حفرة الفار وهي امتدادلحفرة الدخول على الجدار المحوري

في الأسنان الأمامية :
🦷نبدأ بازالة النخر / الحشوات الدائمة (مع تهيئة شكل حفرة الدخول)
🦷اما في السن السليمة ف نبدا من منتصف السطح الحنكي / اللساني (بسنبلة مدورة)
🦷نبدأ العمل بشكل (عمودي) وذلك عند اجراء تخطيط حفرة الدخول
🦷 بعدها نقوم بتعديل زاوية السنبلة من المتعامد والى المائل وذلك حتى اختراق سطح الحجرة اللبية
🦷يتبع ازالة الحجرة اللبية ارواء غزير ب(هيبوكلوريد الصوديوم)
🦷نسبر فوهات الاقنية الموجودة ثم نزيل الكتف ونوسع الفوهة (بالسنابل ذات النهاية غير العاملة -Endo z- / سنابل Gates Glidden
(هلق بنزللكم صور عن ازالة الكتف)

في الأسنان الخلفية
🦷 نبدأ بازالة النخر / الحشوات الدائمة (مع تهيئة شكل حفرة الدخول)
🦷 نقطة هامة بالنسبة لبدء الدخول
في الضواحك السفلية :
الضاحك الاول نقطة البدء(منتصف) المنحدر اللساني للحدبة الدهليزية
الضاحك الثاني : وهي تكون في (ثلث) المنحدر اللساني للحدبة الدهليزية

في الأرحاء :
العلوية: بين الارتفاع المعترض و الخط الانسي
السفلية : بين الميزاب الوحشي الدهليزي و اللساني و الخط اللانسي
🦷نفتح سقف الحجرة اللبية و نزيلها
وفوهة القناة الاكبر بالارحاء:
العلوية : بجهة القناة الحنكية
السفلية : بجهة القناة الوحشية
🦷 نحدد فوهات الاقنية الجذرية مع الانتباه لعدم ظهور حفرة الفأر ( هلق بحطلكم صوىة عنها )
🦷 نزيل الانتفاخات العاجية العنقية( بالسنابل ذات النهاية غير العاملة -Endo z- / سنابل Gates Glidden )
🦷نتحقق من تامين مدخل مستقيم

منبلش بهاد الجدول اللي يعتبر مهم جدا جدا كسؤال نظري
لانه يعتبر نقطة الانطلاقة بهالمادة ومنركز بشكل أساسي على :
✨️1 شكل فوهة الدخول
✨️2 الطول الوسطي

مرحبا كيفكم ..

متل مامنعرف غالبا بكرا عنا مذاكرة نظرية بمادة المعالجة اللبية ..

ولأنو عاج معكم كل خطوة بخطوة
هي الأفكار اللي انذكرت بمحاضرات النظري وتعتبر مهمة ومشروع سؤال ( منقول انشالله مارح ننقص عليكم شي )
يلا باشروا بهمة حلوة عهالبردات ❄️💙

مراااحب💙
رجعتلكن من جديد بس هالفصل مع مادتنا الجديدة والظريفة ومحبوبة الجماهير ( التخدير والقلع 1 )
ورح نبدا هي المادة ب نوطتين عملي
🔷النوطة الأولى هي النوطة الرسمية يلي نزلت منسقة وجاهزة
🔷اما النوطة الثانية ف هيي فيها كل شي بهمك بالتخدير والقلع من تعصيب ل أدوات القلع وتقنية قلع كل سن ل مسكات السنخ ل الكتير من النصائح وطرق التعامل اثناء القلع

النوطة التانية كتير كتير مهمة ولازم تدرسوها لان بكل جلسة عملي الدكاترة عم يسألو ع أمور موجودة فيها
لهيك من اليوم فيكن تجيبو النوط من المكتبة
وبالاخير موفقين كتير كتير ولأي سؤال نحنا موجودين عالبوت 💙
@Team3aj2_bot

🦷 الارتفاعات الشمعية:
🍄وظيفتها:
1⃣ التحديد المبدئي للبعد العمودي للوجه.
2⃣ توجيه مستويات الاطباق.
3⃣ تأمين المكان لتنضيد الأسنان.
4⃣ إعطاء شكل القوس التي سوف تنضد عليها الأسنان.
5⃣ تخمين شكل الأسنان الاصطناعية المنتقاة .
6⃣ يجب أن ينطبق الارتفاع الشمعي العلوي على السفلي بشكل آني ومباشر وبكل النقاط ووفق ارتفاع عمودي مبدئي عندما يطبق المريض فمه.

🍄 أبعادها :
العرض ⬅️ 4 ملم في الأمام و 8-10 ملم في الخلف.
الارتفاع ⬅️ 12 ملم في الأمام و 8 ملم في الخلف

☄الحليمة القاطعة تكون مائلة للحنكي
☄المنطقة الأمامية تجميلية (الشمع بارز نحو الدهليزي قليلا)
☄المنطقة الخلفية وظيفية (الشمع يكون على السنخ ونحو الدهليزي قليلا)

مساؤو أصدقائنا

مساء الخيرات جميعا مرة تانية☺️
كيفكن 😁

🟣حبيت شارك معكن عينة بسيطة من محتوى النوطة

🚨وبدي نوه على شغلة انو بآخر النوطة ضفنا أوراق اضافية للاستزادة ودعما لمعلوماتنا

موفقين كتير 💟

مساالخير جميعا...كيفكن😁💟
انشالله اموركن بخير ؟ كيفو العملي معكن ؟

🟣جاييتكن اليوم بنوطة عملي التقويم يلي قسمناها على جزئين

⬅️الجزء الأول بينتهى عند دراسة الأمثلة الجبسية
⬅️وبقية النوطة (الجزء التاني ) من بعد هالفقرة ولآخر النوطة

فيكن تحصلو على الجزء الأول من  النوطة من المكتبة ابتداءا من اليوم الساعة 12

موفقين كتير 💟💟

مسا الخير دكاترتنا الحلوين🥰
#التقرير_الاسبوعي_الثالث
موفقين ❤️❤️

مسا الخير دكاترة 🤍✨
التقرير الاسبوعي التاني..
موفقين جميعا❤️❤️

للي حابب يعرف شو لازمنا لمادة اللبية اليوم 🤍
🍁بغض النظر عن عدد الاسنان
تذكروا انو بدنا 8 أسنان

شو هي أمراض الفم؟؟
إعداد: هاني ياسين
#طب_الفم
#السنة_الرابعة

مرحباً مرحباً ..
معكن خطوة بخطوة 🤍👏🏻

مرحبا كيفكن 🤍✨️✨️
نحنا اشتقنالكن كتير ، وجايين مع خبر نشارككم فيه
نحنا فتحنا باب التطوع لفريق عاج هالسنة ، شروط التطوع :
🍁 وجود لابتوب
🍁الالتزام والتعاون مع اعضاء الفريق
🍁 يكون سنة رابعة (امزح امزح)
أي حدا حابب ينضم لعائلة عاج و يكون جزء منها يبعتلي دايركت ع حسابي :
@AL_AYHAM64

من اجواء ورشتنا التعريفية مبارح 💙🦷

https://www.facebook.com/share/p/KX5gGBtmRj3nWyRV/?mibextid=xfxF2i

#جامعة_تشرين
#عروض_السنة_الرابعة
العرض الشامل لادوات السنة الرابعة 🩵
تاريخ بدء تسليم العروض مع بداية الاسبوع القادم 1/10/2024 واحتمال قبل كم يوم ان شاءالله 🩵
سبب تأخير بدء العرض :
1- حتى نحضر اول جلسة من كل مادة ونعرف اذا في اي مادة ناقصة ونتأكد منها
2- وحتى يكونو طلاب المحافظات رجعوا وما نكرر العرض بسعر مختلف او نجبر حدا يدفع اجار تحويل لحجز العرض
3-رح يكون في معرض ومؤتمر بدمشق بتاريخ 26/9 ومثل ما منعرف بالمعرض ممكن تنزل الاسعار اكتر من هيك 🩵
يعني كلشي كلشي لصالحكم اصدقائي 🩵🩵
للاستفسار او الحجز المسبق:
للحجز او لاي سؤال تلغرام من خلال النقر على :
@Alam_Dental_Supplies
الاستفسار واتس اب حصرا على الرقم :
0953226263

https://www.facebook.com/share/181R34socxxtDBGw/

مساؤو زملائنا 🤍 ..
هلق رح يكون قدامنا ملف بيشبه الملف اللي نزلناه من فترة للأدوات
بس هالمرة معه شغلتين حلوين 💪🏻 واللي هن :
1. عرض قدمته شركة العم للأدوات المطلوبة مننا بهالمرحلة

2. أسعار الأدوات (قبل وبعد العرض) كرمال اللي حابب ياخد بعض الادوات فقط

تبقوا بخير بانتظار ابداعتكم🤍💪🏻

مسا الخير♥️
طلاب السنوات الرابعة والخامسة
رح تتوافر عنا خدمة طباعة كروت الشخصية عن طريق مكتب تصاميم وطباعة
والتسليم رح يكون عنا بالمكتبة
لطلب والتوصية ع المعرف @bteroe
متوفر طباعة 1000 او 200 كرت حسب الرغبة وبأسعار ممتاز
وهي رابط غروب المكتب ع التلغرام👇
https://t.me/futuredesig

https://www.instagram.com/reel/DARIsHHCWW-/?igsh=MWR4OWJoMDFmY2dkOA==

https://www.facebook.com/share/1G9n2yqKZr/?mibextid=oFDknk