Defence Construction Enterprise

እንኳን ለብርሃነ ጥምቀቱ በሰላም አደረሳችሁ

የሥራ ቦታን ከቆሻሻ ፅዱ ማድረግ ዘርፈ ብዙ ጠቀሜታ አለው፡፡

ጥር 9/2017ዓ.ም

የመከላከያ ኮንስትራክሽን ኢንተርፕራይዝ ሠራተኞች ጽዱ የሆነ የሥራ አካባቢን ለመፍጠር መስሪያ ቤቱን ግቢ ለሥራ ምቹ ሁኔታን ለመፍጠር ጥር 9 ቀን 2017 ዓ.ም የጽዳት ዘመቻ አካሄዱ፡፡

የሥራ ቦታን ምቹ ማድረግ ለሰዎች አካላዊ፣ ኢኮኖሚያዊ፣ ማኀበራዊና ሥነ - አእምሮአዊ ጤንነትንና ደኀንነትን ለመጠበቅ አስተዋጽኦ ከሚያደርጉ መሠረታዊ ፍላጎቶች አንዱ ነው፡፡  በመሆኑም ሰዎች አብዛኛውን ጊዜ የሚያሳልፋት በስራ ቦታቸው ስለሆነ አንድ መስሪያ ቤት ንጽህናው የተጓደ ከሆነ በጤና ላይ ሊያስከትል የሚችለው ጉዳት በቀላሉ የሚገመት አይሆንም፡፡

ለሥራ ምቹ ያልሆነ መስሪያ ቤት ሠራተኞችን ለቅዝቃዜ፣ላልተፈለገ ሙቀት፣ለተለያዩ አደጋዎች፣ለከፍተኛ ድምፅ፣ለተለያዩ ተላላፊ በሽታዎች መፈጠርና መሠራጨት እንዲሁም ለሥነ አእምሮአዊና ማኀበራዊ ቀውስ መፈጠር ዋነኛ ምክንያት ነዉ፡፡

የመከላያ ኮንስትራክሽን ኢንተርፕራይዝ ለሠራተኞው ሆነ ለባለድርሻ አካላት ምቹ እና ጽዱ የሆነ የሥራ አካባቢን ለመፍጠር በቃሊቲ የሚገኘውን የመስሪያ ቤቱ ግቢ ውስጥ የጽዳት ዘመቻ አካሂዷል፡፡

የሥራ አካባቢን ጽዱ እና ምቹ ማድረግ ረጅሙን ጊዜያችንን የምናሳልፈው ስራ በምንሰራበት መስሪያ ቤት ውስጥ በመሆኑ የሥራ አካባቢን ምቹ እና ለሥራ ተስማሚ ማድረግ የሁሉም ሠራተኛ ኃላፊነት ነው፡፡ ዛሬ የተጀመረው የጽዳት ዘመቻ ቀጣይነት ያለው ሲሆን ሁሉም የሥራ መሪ እና ሠራተኛ በተመደበበት የሥራ ቦታ ላይ አካባቢውን በንጽህና መያዝ እና ማጽዳት ይጠበቅበታል።

በጽዳት ዘመቻው ከተሳተፉ ሠራተኞች መካከል የምንሰራበትን መስሪያ ቤት ውብና ጽዱ ለማድረግ የበኩላቸውን ሚና እየተወጡ መሆናቸውን ተናግረዋል፡፡

የጽዳት ዘመቻው በአስተባባሪዎች አማካኝነት ሠራተኛው እንዲያጸዳ በተመደበበት ቦታ ለግማሽ ቀን ተከናውኗል፡፡

እንኳን ለኢየሱስ ክርስቶስ የልደት በዓል በሰላም አደረሳችሁ!!

እንኳን ለጌታችን ለመድኃኒታችን ለኢየሱስ ክርስቶስ የልደት በዓል አደረሰን፤ አደረሳችሁ!!

የ2017ዓ.ም በሠራተኛው መካከል የሚካሄደው የበጋ ወራት ስፖርት ውድድድ ላይ መከላከያ ኮንስትራክሽን ኢንተርፕራይዝ በልዪ ልዪ የስፖርት አይነቶች ይሳተፋል።

         ታህሳስ27ቀን 2017ዓ.ም

የኢትዮጵያ ሠራተኞች ማኅበራት ኮንፌዴሬሽን/ኢሰማኮ/አዘጋጅነት የ2017ዓ.ምን የበጋ ወራት በሠራተኛው መካከል የሚካሄደው የቤተሰብ ውድድር ታህሳስ 27ቀን 2017ዓ.ም በኢትዮጵያ ስፖርት አካዳሚ በተለያዪ የስፖርት ውድድሮች ተጀምሯል።

በመክፈቻው ፕሮግራሙን  ያስጀመሩት የኢትዮጵያ ሠራተኞች ማኅበራት ኮንፌዴሬሽን ፕሬዚዳንት፣ አቶ ካሳሁን ፎሎ በመክፈቻ ንግግራቸው ስፖርታዊ ውድድሮች በሠራተኞች መካከል መካሄዱ ሠራተኞቹ እርስ በርሳቸው ልምድ የሚለዋወጡበት፣ በአሠሪና ሠራተኛው መካከልም ጥሩ ግንኙነት እንዲዳብር በማድረግ ምርትና ምርታማነትን በመጨመር ለኢንዱስትሪ ሰላም መስፈን የላቀ አስተዋጽ እንዳለው ገልጸዋል።

በእለቱም ሩጫ፣ ገመድ ጉተታ፣ ማሰሮ ሰበራ በሁለቱም ጾታዎች፣ እንቁላል በማንኪያ በሴቶች እና የወንዶች እግር ኳስ ጨዋታዎች የተካሄደ ሲሆን መከላከያ ኮንስትራክሽን ኢንተርፕራይዝ በማሰሮ ሰበራ በሴቶች አንደኛ በመውጣት የወርቅ ሜዳሊያ ተሸላሚ ሆኗል። በአትሌቲክስ በሁለቱም ጾታ በአጭር ርቀት ተወዳድረው በሴቶች አራተኛ ደረጃ ይዘው ሲወጡ በወንዶች ተሳታፊ ሆነዋል።

ኢንተርፕራይዙን ወክለው በክብር እንግዳነት የተገኙት የሰው ሀብት ልማት አስተዳደር መምሪያ ስራ አስኪያጅ፣ አቶ ዳንኤል ለገሰ የሜዳልያ ሽልማት ለአሸናፊ ተወዳዳሪዎች ሰጥተዋል።

እስከ ሰኔ ወር መጨረሻ ድረስ በሚዘልቀው በዚህ ውድድር ከተለያዩ መስሪያ ቤት የተውጣጡ ሰላሳ አንድ ማኅበራት የተውጣጡ 1300 የሚሆኑ ወንዶች እና ሴቶች በአሥር የተለያዩ የስፖርት ዓይነቶች እንደሚፎካከሩ ይጠበቃል።

👉የጨረታ ማስታወቂያ

የመከላከያ ኮንስትራክሽን ኢንተርፕራይዝ ግንባታ በሚያከናውንባቸው የግንባታ ፕሮጀክቶች ለሚገኙ ሠራተኞች የሙስና እና ብልሹ አሰራሮች መከላከያ ስልቶች ላይ ለሁለት ቀናት ስልጠና ተሰጠ።

                   ታህሳስ 22/ 2017 ዓ.ም

"ወጣቶችን ያማከለ የፀረ ሙስና ትግል የነገን ስብዕና ይገነባል" በሚል መሪ ቃል የተጀመረውን ሃገር አቀፍ የፀረ ሙስና ንቅናቄ የመከላከያ ኮንስትራክሽን ኢንተርፕራይዝ ግንባታ በሚያከናውንባቸው የግንባታ ፕሮጀክት ሠራተኞች የሙስና እና ብልሹ አሰራሮች መከላከያ ስልቶች ላይ ለሁለት ቀናት የእውቀትና የክህሎት ስልጠና ተሰጠ።

የስልጠናው ዋና አላማ በኢንተርፕራይዙ ስለ ሙስና ወንጀል ምንነትና አመጣጥ፣ የመከላከያ ዘርፍ ለሙስና ያለው ተጋላጭነት የዳሰሳ ጥናት እና የሚያስከትለው ጉዳት እንዲሁም መከላከያ ስልቶች ላይ ሠራተኛው እንደ ሀገርም ሆነ እንደ ኢንተርፕራይዝ የሙስናን አሰከፊነት እና የሚስተዋሉ ብልሹ አሰራሮችን በጋራ ለመከላከል ዓላማ አድርጎ የሚሠጥ የእውቀትና የክህሎት ሥልጠና ነው።

ስልጠናው  በድሬዳዋ የመከላከያ የሠራዊት የመኖሪያ አፖርትመንት ግንባታ፣ የፌደራል ፖሊስ የምስራቅ ኢትዮጵያ ፈጥኖ ደራሸ ፖሊስ ቢሮና በካምፕ ግንባታ፣ የምስራቅ እዝ ቢሮ ግንባታ፤ ሐረር ፌዴራል ፖሊስ ሪፈራል ሆስፒታል ግንባታ፣ በነቀምት የነቀምቴ-ሶጌ -ካማሽ መንገድ ግንባታ፣ የነቀምቴ ከተማ ባይፖስ መንገድ ግንባታ፣ የወለጋ ዩኒቨርስቲ ዋናው ካምፖስ ውስጥ ለውስጥ መንገድ ግንባታ፣ ነቀምቴ አየር ማረፊያ ግንባታ፤ አምቦ ወሊሶ መንገድ ግንባታ፤ ሆምቾ አሙኔሽን ኢንጂነሪንግ የውስጥ ለውስጥ መንገድ ግንባታ፤ አዲስ አበባ ዙሪያ የሚገኙ ጎፋ የሠራዊት መኖሪያ አፖርትመንት፣ ቆሬ ዋር ኮሌጅ ማስፋፊያ ግንባታ እና ጃንሜዳ ስታፍ አመራር ኮሌጅ የተማሪዎች ማደሪያ ግንባታ ፕሮጀክቶች ከታህሳስ 21-22/2017ዓ.ም የግንባታ ፕሮጀክቶቹ በሚገኙበት ቦታ የሙስናና ብልሹ አሰራሮች መከላከል ስልቶች ላይ የእውቀት እና የክህሎት ግንዛቤ ያገኙበት ስልጠና ነው።

ሙስና እና ብልሹ አሰራሮችን በጋራ ለመከላከል እየተሠራ መሆኑ ተገለፀ።

  ታህሳስ 22/ 2017 ዓ.ም

እንደሃገር እየተሰጠ ያለውን "ወጣቶችን ያማከለ የፀረ ሙስና ትግል የነገን ስብዕና ይገነባል" በሚል መሪ ቃል የተጀመረውን ሃገር አቀፍ የፀረ ሙስና ንቅናቄ መነሻ በማድረግ በኢ.ፌ.ዴ.ሪ ሀገር መከላከያ ሚኒስቴር ዘርፍ ስር ካሉት ተጠሪ ተቋማት ውስጥ አንዱ የሆነው የመከላከያ ኮንስትራክሽን ኢንተርፕራይዝ ከከፍተኛ አመራሩ በመጀመር እስከ ታችኛው እርከን ድረስ ላሉ ሰራተኞች ሙስና እና ብልሹ አሰራሮችን በጋራ ለመከላከል በሥነ ምግባራዊ አመራር ላይ የእውቀትና የክህሎት ሥልጠና ተሰጠ።


የመከላከያ ኮንስትራክሽን ኢንተርፕራይዝ የዋና ሥራ አስፈጻሚ ጽ/ቤት ምክትል ዋና ሥራ አስፈጻሚ አቶ ደረጄ ተፈራ፣ ሙስና መገለጫው ይለያይ እንጂ መሠረቱ አንድ ነው፡፡ ሙስና ጥቂቶች በህገወጥ መንገድ የሚበለፅጉበት፥ በአንፃሩ ልማትን በመንፈግ ድህነት የሚስፋፋበት፣ ግጭትና ዓመፅ በመቀስቀስ ሰላምና መረጋጋት በማሳጣት  ለብዙ ሃገራት ለመፈራረስ ምክንያት እየሆነ በሀገር ላይ የሚደቅነው አደጋ በርካታ በመሆኑ በጋራ መታገል ይገባልም ብለዋል።


ሥልጠናው የሰጡት በመከላከያ ሚኒስቴር የስነ- ምግባር መከታተያ ዳይሬክቶሬት የሙስና ስጋት ተጋላጭነት ጥናት ቡድን መሪ ሻምበል ጌትነት አንዱዓለም ፣ በኢንተርፕራይዙ የሚገኙ ሰራተኞች ስለ ሙስና ወንጀል ምንነትና አመጣጥ፣ የመከላከያ ዘርፍ ለሙስና ያለው ተጋላጭነት የዳሰሳ ጥናት እና የሚያስከትለው ጉዳት እንዲሁም መከላከያ ስልቶች ላይ ሠራተኛው እንደ ሀገርም ሆነ እንደ ኢንተርፕራይዝ የሙስናን አሰከፊነት እና የሚስተዋሉ ብልሹ አሰራሮችን በአግባቡ ተረድተው በፀረ-ሙስና ትግሉ የራሳቸውን አሰተዋጽኦ እንዲያበረክቱ ዓላማ አድርጎ የሚሠጥ ሥልጠና መሆኑንም ተናግረዋል።

ስልጠናው የተሰጠው በአዲስ አበባ ቃሊቲ በሚገኘው የመከላከያ ኮንስትራክሽን ኢንተርፕራይዝ የመሰብሰቢያ አዳራሽ ነው።

ኮሚሽነር ጀነራል ደመላሽ ገ/ሚካኤል በድሬዳዋ የምሥራቅ ኢትዮጵያ ፈጥኖ ደራሽ የፖሊስ ካምፕ ግንባታን ጎበኙ
***********

የኢትዮጵያ ፌደራል ፖሊስ ኮሚሽነር ጀነራል ደመላሽ ገ/ሚካኤል በድሬዳዋ በግንባታ ላይ የሚገኘውን የምሥራቅ ኢትዮጵያ ፈጥኖ ደራሽ የፖሊስ ካምፕ ተዘዋውረው ጎብኝተዋል።

ግንባታው ለሠራዊቱ ምቹ የሥራ አካባቢን በመፍጠር የግዳጅ አፈፃፀም ስኬታማነትን ከፍ ወዳለ ደረጃ የሚያሳድግ መሆኑ ተገልጿል።

በመሆኑም ግንባታው በጥራትና በፍጥነት እንዲጠናቀቅ ስትራቴጂክ አመራሩ ከፍተኛ ትኩረት ሰጥቶ የማይቋረጥ የቅርብ ክትትልና ድጋፍ እያደረገ እንደሚገኝም ተገልጿል።

ከዚህ በተጓዳኝ ኮሚሽነር ጀነራል ደመላሽ በድሬደዋ የሚገኘውን ደረቅ ወደብ፣ ነፃ የንግድ ቀጣና እና ምድር ባቡርን ጎብኝተዋል።

በዚህም በሥራ ላይ የሚገኙትን የፖሊስ አመራር እና አባላትን በማነጋገር የተቋማቱን ደህንነት በጀግንነት እየጠበቁ መሆኑን አረጋግጠዋል።

በቀጣይም ሠራዊቱን በሰው ኃይልና በሎጂስቲክ በማጠናከር የሠራዊቱን ሁለንተናዊ አቅም የሚያሳድጉ ሥራዎች እንደሚሰሩ ኮሚሽነር ጀነራል ደመላሽ ገልፀውላቸዋል።

የሠራዊቱ አመራር እና አባላትም ስትራቴጂክ አመራሩ እየሰራ ባለው የለውጥ ተግባር በጣም ደስተኛ መሆናቸውን መግለፃቸውን የኢትዮጵያ ፌደራል ፖሊስ መረጃ ያመለክታል።

በመከላከያ ሚኒስቴር ሥር ስር ከሚገኙ መስሪያቤቶች ለተውጣጡ  አመራሮች የሙስና እና ብልሹ አሰራሮች መከላከያ ስልቶች ላይ  ሲሰጥ የቆየው ስልጠና ተጠናቀቀ።
          
                     ታኀሳስ 18/2017 ዓ.ም

በመከላከያ ሚኒስቴር ሥር ለሚገኙ  ከሚገኙ መስሪያቤቶች ለተውጣጡ አመራሮች የሙስና እና ብልሹ አሰራሮች መከላከያ ስልቶች ላይ ለሁለት ቀናት  ሲሰጥ የቆየው ስልጠና ተጠናቀቀ።

ከአዲስ አበባ ዩኒቨርስቲ ሶሺዮሎጂ ትምህርት ክፍል  ተባባሪ ፕሮፌሰር ኮማንደር ደመላሽ ካሳዬ (ዶ/ር)ሲሰጥ የቆየው የሙስና መገለጫዎች፣ የወታደራዊ አመራር የሥነምግባር መገለጫዎች፣ ሙስናን የሚጸየፍ የሥራ መሪ መለያዎች፣ ሙስናን የምንከላከልበት ስልታዊ እና ቴክኒካዊ የአሰራር ሥርዓቶች ላይ ግንዛቤ በመፍጠር የአመራሮችን አቅም ለማሳደግ ታቅዶ የተሰጠ ስልጠና ነው።

በመከላከያ ሚኒስቴር የመከላከያ ስነ-ምግባር መከታተያ ዳይሬክቶሬት፣ የመከላከያ ኮንስትራክሽን ኢንተርፕራይዝ፣ የመከላከያ ኮንስትራክሽን ዲዛይን ድርጅት፣ የመከላከያ ግንባታ ግብዓት ማምረቻ ድርጅት እና  የመከላከያ ኢንጅነሪንግ ኢንዱስትሪ ኮርፖሬሽን በጋራ ያዘጋጁት ስልጠና ነው።

ሰልጣኞቹ በሰጡት አስተያየት በሁለት ቀናት ውስጥ የወሰድነው ሙያዊ ሥልጠና ለሀገር ሁለንተናዊ እድገት እንቅፋት የሆነውን ሙስናን መከላከል የአመራሮች ሚና ከፍተኛ ስለሆነ ሙስናን በዘላቂነት ለመከላከል እንደሃገር የተዘረጋውን  የጸረ ሙስና የአሰራር ሥርዓት በተቋማቸው ተግባራዊ ማድረግ እንዳለባቸው፤ ለዚህም  አመራሩና አባላቱ በሙስና መከላከል ላይ በቂ ግንዛቤና እውቀት እንዲጨብጡ ለማድረግ ሙያዊ ሥልጠናው ቁልፍ ሚና እንዳለው ገልጸዋል።

በቀጣይም በዚህ ስልጠና የተሳተፍ አመራሮች በተቋማቸው ውስጥ ላሉ ሰራተኞች ግንዛቤ በመፍጠር ሰራተኞው ሙስናን እንዲጸየፍ የማብቃት ሥራ መሥራት ይጠበቅብናል ብለዋል።

የጥንቃቄ መልዕክት

ዛሬ ማለትም ታህሳስ 17 /2017 ዓ.ም ጀምሮ ብዙ የቴሌግራም አካውንቶች ከላይ በተጠቀሰው የማስገሪያ (phishing link) እና ሌሎች ተጨማሪ ማስገሪያዎች አማካኝነት መረጃዎች እየተመዘበሩ ስለሆነ ከማንኛውም የቴሌግራም ተጠቃሚ (ከምታውቁት እና ከማታውቁት ) ግለሰብ ሊንክ ቢላክላችሁ መክፈት እንደሌለባችሁ እና ወዲያውኑ እንድታጠፉት እናሳስባለን!!

ሙስና ለሃገር ህልውና አደጋ ከመሆኑ በፊት መከላከል እንደሚገባ ተገለጸ።

                     ታኀሳስ17/2017ዓ.ም

"ሥነ-ምግባራዊ አመራርነት ለተቋማዊ ተልዕኮ ስኬት" በሚል ርዕስ በመከላከያ ሚኒስቴር ስር ከሚገኙ መስሪያቤቶች የተውጣጡ  የመከላከያ ከፍተኛ መኮንኖች እና አመራሮች እንዲሁም ሲቪል አመራሮች  በሥነ ምግባርና በሙስና መከላከል ላይ በመከላከያ አዛዥነት እና ስታፍ ኮሌጅ ሥልጠና እየተሰጠ ይገኛል።

የመከላከያ ኢንጅነሪንግ ኢንዱስትሪ ኮርፖሬሽን ዋና ዳይሬክተር አቶ ጌታቸው ኃይለማርያም፣ ሙስና የህግ የበላይነትን ያጠፋል፣ የኢኮኖሚ እድገትን ያቀጭጫል፣ ማህበራዊ አገልግሎቶች ተደራሽነት ያዳክማል፣ የኢንቨስትመንት ፍሰት ይገታል እንዲሁም ሥርዓት አልበኝነት እንዲንሰራፋ ምቹ ሁኔታን ስለሚፈጥር በዘላቂነት ልንከላከለው እንደሚገባ በመክፈቻ ንግግራቸው ገልጸዋል።

ሙስናና ብልሹ አሰራርን የሚጸየፍ ዜጋ ለማፍራት እና የነገውን መልካም ስብዕና ለመገንባት እንደሃገር በተዘረጋው ሙስናን የመዋጋት የአሰራር ስርዓቶችን ተግባራዊ ማድረግ የሁላችንም ኃላፊነት ነው ሲሉ አቶ ጌታቸው ገልጸዋል።

ከአዲስ አበባ ዩኒቨርስቲ ሶሺዮሎጂ ትምህርት ክፍል የሶሻል ዲቨሎፕመንት ተባባሪ ፕሮፌሰር ኮማንደር ደመላሽ ካሳዬ (ዶ/ር) በሙስናና ብልሹ አሰራር መከላከያ ስልቶች፣ በሙስና ዓይነቶች እና ትኩረት በሚሹ ጉዳዮች ላይ በሃገር ላይ እየደረሰ ያለውን ችግር በአፅንዖት በመመርመር ቁጭት እንዲያድርባቸው እና ሃገራችን በዘረጋችው ስትራቴጅዎች ላይ ንቁ ተሳትፎ እንዲኖራቸው ለማድረግ የሚረዳ የዕውቀትና የክህሎት ስልጠና እየሰጡ ይገኛል ።

ለሁለት ቀናት በሚቆየው በዚህ ስልጠና ላይ በተለያዩ የኃላፊነት  ደረጃዎች  ላይ የሚገኙ ከፍተኛ መኮንኖች እና አመራሮች እንዲሁም ሲቪል አመራሮች እየተሳተፍ ይገኛል።

ስልጠናውን በመከላከያ ሚኒስቴር የመከላከያ ስነ-ምግባር መከታተያ ዳይሬክቶሬት፣ የመከላከያ ኮንስትራክሽን ኢንተርፕራይዝ፣ የመከላከያ ኮንስትራክሽን ዲዛይን ድርጅት፣ የመከላከያ ግንባታ ግብዓት ማምረቻ ድርጅት እና  የመከላከያ ኢንጅነሪንግ ኢንዱስትሪ ኮርፖሬሽን በጋራ ያዘጋጁት ስልጠና ነው።

👉የጨረታ ማስታወቂያ

👉የጨረታ ማስታወቂያ

👉የጨረታ ማስታወቂያ

የመከላከያ ኮንስትራክሽን ኢንተርፕራይዝ ዋና ሥራ አስፈጻሚ ኮሎኔል ሰጠኝ ሊኪሳ (ኢንጂነር) ከኢንተርፕራይዙ የሥራ መሪዎች እና ሠራተኞች ጋር ትውውቅ አደረጉ፡፡

ኀዳር 17/2017ዓ.ም

የመከላከያ ኮንስትራክሽን ኢንተርፕራይዝ ዋና ስራ አስፈጻሚ ኮሎኔል (ኢንጂነር) ሰጠኝ ሊኪሳ ከኢንተርፕራይዙ የሥራ መሪዎች እና ሠራተኞች ጋር ህዳር 17 ቀን 2017ዓ.ም ትውውቅ አደረጉ፡፡

በትውውቁ መድረኩ ላይ የመከላከያ ኮንስትራክሽን ኢንተርፕራይዝ በዋና ስራ አስፈጻሚ እንደገለጹት ቀደም ሲል በመከላከያ ኮንስትራክሽን ኢንተርፕራይዝን ከባለሙያነት እስከ ሥራ መሪነት ባለው የሥራ ደረጃ ሲሰሩ የቆዩ መሆኑን አስታውሰው ኢንተርፕራይዙ የመከላከያ የግንባታ ፍላጎት ለማሟላት የተቋቋመ ቢሆንም ከጊዜ ወደ ጊዜ ዓላማውንና ተግባሩን ምን እየመሰለ እንደመጣ በግልጽ የሚታይ መሆኑን ተናግረዋል፡፡

አይይዘውም በአሁን ወቅት የኢንተርፕራይዙ የሥራ መሪዎች ለሥራ ያላቸው ቁርጠኝነት ቁልፍ ጉዳይ በመሆኑ ብዙ ነገር ለመቀየር፣ ተቋሙን በለውጥ ጎዳና ለማራመድ የሚተጉ እና ለውጡን በጋራ ለማስቀጠል ከፊት ተሰላፊ ሆነው ሠራተኛውን በአግባቡ ማሠራት የሚችሉ ቁመና ላይ መሆን እንዳለባቸው በአጽንዖት አስገንዝበዋል፡፡

በትውውቁ ላይ የኢንተርፕራይዙ ሠራተኞች ሃሳባቸውን ሲገልጹ በኢንተርፕራይዙ ውስጥ የሚስተዋሉ እና መፈታት ያለባቸውን ችግሮች አንስተዋል፡፡

የኢንተርፕራይዙ ዋና ሥራ አስፈጻሚ በማጠቃለያ ንግግራቸው የኢንተርፕራይዙን ሰራተኞች በአመለካከት፣ በአሰራር እና አገልግሎት አሰጣጣችን ከዚህ በላይ መስራት እና በዘመናዊ ቴክኖሎጂ ጋር አብሮ መጓዝ ብንችል በምናስመዘግበው ውጤታማ የግንባታ ሥራ አፈጻጸም ሃገር ጠቅመን እኛም ተጠቃሚ እንሆናለን፡፡ በቀጣይ ሁሉም የኢንተርፕራይዙ የሥራ መሪዎች እና ሰራተኞች በሙሉ አቅም ወደ ስራ በመግባት ኢንተርፕራይዙ ከኛ የሚጠብቀውን ውጤት ለማምጣት በአመለካከት ለጋራ አላማ መቆም፣ በሥራ ውጤት ለማምጣት ሁሉም እንደአንድ አካል ሆኖ በባለቤትነት ስሜት መስራት ይኖርበታል ሲሉ ዋና ሥራ አስፈጻሚው ኮሎኔል (ኢንጂነር) ሰጠኝ አሳስበዋል።

የድሬዳዋ ከተማ ውስጥ የተገነባው የሠራዊት መኖሪያ አፓርትመንቶች ግንባታቸው ተጠናቆ ለባለቤት ለማስረከብ የቅድመ ዝግጅት ሥራ እየተከናወነ ይገኛል፡፡

ኀዳር 17 /2017ዓ.ም

በመከላከያ ኮንስትራክሽን ኢንተርፕራይዝ በድሬዳዋ ከተማ የተገነባው የመከላከያ ሠራዊት የመኖሪያ አፓርትመንት የግንባታ ፕሮጀክት ግንባታው በተሳካ ሁኔታ ተከናውኖ ለባለቤት ለማስረከብ የቅድመ ዝግጅት ሥራ እየተከናወነ ይገኛል፡፡

የመከላከያ ኮንስትራክሽን ኢንተርፕራይዝ ከሚገነባቸው ግንባታዎች መካከል አንዱ በድሬዳዋ ከተማ የሚገነው የመከላከያ ሠራዊት መኖሪያ አፓርትመንቶች የግንባታ ፕሮጀክት አንዱ ነው፡፡
ባለ አራት ወለል የሆኑት እና በ 2 ነጥብ 9 ቢሊዮን ብር በላይ በሆነ ወጪ ግንባታቸው ሲከናወን የቆየው የመከላከያ ሠራዊት የመኖሪያ አፓርትመንቶች ግንባታቸው ተጠናቆ ለባለቤት ለማስረከብ ጥቂት የሚባሉ የእርማት ሥራዎች እየተከናወኑለት ይገኛል፡፡

ሰባት መቶ ስልሳ ስምንት አባዋራዎችን ተጠቃሚ የሚያደርገው አፓርትመንቱ ባለ ሶስት መኝታ ሰባት ብሎክ፣ ባለ ሁለት መኝታ ስምንት ብሎክ እና ባለአንድ መኝታ አምስት ብሎኮች አሉት፡፡

አፓርትመንቶቹ በውስጣቸው ዘመናዊ ኪችን፣ ቁምሳጥን፣ መብራቶች፣ የመብረቅ መከላከያ፣ ሳተላይት ዲሽ፣ የዋይፋይ መሥሮች፣ የውሃ ፖምፕ አካባቢዉ ሞቃታማ ስለሆነ ክፍሎቹን ማቀዝቀዣ ኤል ጂ ኤሲ እና የባኞቤት እቃዎች ተገጥሞላቸዋል።

አካባቢው ሞቃታማ በመሆኑ በአፓርትመንቶቹ ዙሪያ ዛፎችን በመትከል እና በመንከባከብ አረንጓዴ የማድረግ ሥራም ተከናውኗል፡፡ በአፓርትመንቶቹ መካከል የውስጥ ለውስጥ መንገድ በኮብልስቶን ተሰርቶ ተጠናቋል፡፡

👉የጨረታ ማስታወቂያ

ጨረታ ማስታወቂያ

ጨረታ ማስታወቂያ

ጨረታ ማስታወቂያ

ጨረታ ማስታወቂያ

👉የጨረታ ማስታወቂያ

👉የጨረታ ማስታወቂያ

👉የጨረታ ማስታወቂያ

በሁርሶ ኮንቲንጀንት ማሰልጠኛ የተገነባው ዘመናዊ የስብሰባ አዳራሽ ግንባታ

ኅዳር 4/2017ዓ.ም

በሁርሶ ኮንቲንጀንት ማሰልጠኛ የተገነባው ዘመናዊ የስብሰባ አዳራሽ ግንባታ በ2,950 ስኩዌር መሬት ላይ ግንባታው ያረፈ ነው፡፡

የስብሰባ አዳራሹ ደረጃቸውን የጠበቁ ዘመናዊ ወንበሮች፣ ሙቀትና ቅዝቃዜ እንዲሁም ሽታ መቆጣጠሪያ ኤሌክትሮ መካኒካል፣ የድምጽ እና የፕሮጀክተር ሲስተም የተገጠመለት ነው።

ከዚህ በተጨማሪ የተሟላ አገልግሎት መስጠት የሚያስችል ዘመናዊ ካፍቴሪያ፣ የኦዲዮ ሲስተም፣ የድምጽ መቆጣጠሪያ፣ እና ደረጃቸውን የጠበቁ መጸዳጃ ቤቶች ያሉት የመሰብሰቢያ አዳራሽ ነዉ።

የግንባታ ፕሮጀክቱ ባለቤት በመከላከያ ሚኒስቴር የመከላከያ መሃንዲስ ዋና መምሪያ ሲሆን ዲዛይንና ቁጥጥሩን የመከላከያ ኮንስትራክሽን ዲዛይን ድርጅት እያማከረ ነው፡፡

በአሁኑ ወቅት አዳራሹ ለባለቤት ለማስረከብ በውስጥ የተገጠሙ ኤሌክትሮመካኒካል ሲስተሞች አገልግሎት መስጠት የሚችሉ መሆናቸውን ሙከራ እየተደረገላቸው ይገኛል፡፡

👉የጨረታ ማስታወቂያ

👉የጨረታ መዝጊያና መክፈቻ ቀን ስለማሳወቅ

የ2017 የመጀመሪያው የ100 ቀናት የሪፎርም እና ዋና ዋና የኢኮኖሚ አፈጻጸም ሪፖርት ላይ ውይይት ተካሄደ፡፡
ጥቅምት 26 ቀን 2017ዓ.ም

የመከላያ ኮንስትራክሽን ኢንተርፕራይዝ የ2017 የመጀመሪያው የ100 ቀናት የሪፎርም እና ዋና ዋና የኢኮኖሚ አፈጻጸም ሪፖርት ላይ ከኢንተርፕራይዙ ሠራተኞች ጋር ውይይት ተካሄደ፡፡

የ100 ቀን የሪፎርም እና ዋና ዋና የኢኮኖሚ አፈፃፀም ሪፖርት ያቀረቡት የመከላከያ ኮንስትራክሽን ኢንተርፕራይዝ የዋና ሥራ አስፈጻሚ ጽ/ቤት ምክትል ዋና ሥራ አስፈጻሚ አቶ ደረጄ ተፈራ፣ እንደሀገር ኢትዮጵያ ያለችበት ደረጃ፣ ዓለም አቀፍ የፖለቲካል ኦኮኖሚ አዝማሚያዎችና ለኢትዮጵያ ያለው እንደምታ፣ በሪፎርሙ ተጠባቂ ፋይዳዎች ምን ነበሩ፣ የኢኮኖሚ ሪፎርሙ አፈጻጸም ውጤቶችና አዝማሚያዎች፣ እንዲሁም የዋና ዋና ፕሮጀክቶች አፈፃፀምን የያዘ በመሆኑ ባለፉት ሶስት ወራት ያስመዘገብናቸው ስኬቶች፣ የውጭ ምንዛሬያችን ያለበት ደረጃ የምናይበት ውይይት መሆኑን ገልጸዋል።

ለውይይቱ መነሻ እንደሀገር ተዘጋጅቶ በቀረበው የውይይት ሰነድ ላይ የተመዘገበውን ውጤት እንደሀገር ለማስቀጠል፣ የተሻለ ለውጥ ለማምጣትና ለውጡን ለማፅናት ሁሉም በተሰማራበት መስክ በትጋት መሥራት እንደሚገባ የጋራ ግንዛቤ ተፈጥሯል፡፡ ለተነሱ ጥያቄዎች፣ ሀሳብና አስተያየቶች ምላሽና ማብራሪያ በምክትል ዋና ሥራ አስፈጻሚው አቶ ደረጄ የሰጡ ሲሆን በቀጣይ የተቋሙን የመፈፀም አቅም ለማሻሻል ሁሉም ፈፃሚ የበኩሉን ድርሻ እንዲወጣ በማሳሰብ ውይይቱ ተጠናቋል።

👉የጨረታ ማስታወቂያ

👉የጨረታ ማስታወቂያ

👉የጨረታ ማስታወቂያ

የ ጨረታ ማስታወቂያ

መከላከያ ኮንስትራክሽን ኢንተርፕራይዝ ባለ አንድ እና ባለሁለት መኝታ ክፍሎች ያሉት የሠራዊቱ የጋራ መኖሪያ ቤት ግንባታ በአዲስ አበባ ጎፋ ካምፕ እየገነባ ይገኛል፡፡

ጥቅምት 27/2017ዓ.ም

የመከላከያን የመሰረተ ልማት ፍላጎት ለሟሟላት በጥራት እየሠራ የሚገኘው መከላከያ ኮንስትራክሽን ኢንተርፕራይዝ አዲስ አበባ ጎፋ ካምፕ እየተገነባ የሚገኘው የሠራዊት የጋራ መኖሪያ ቤቶችን በምዕራፍ አንድ ባለ አራት ፎቅ 10 ብሎኮች ገንብቶ ለሠራዊቱ አገልግሎት እየሠጠ ይገኛል፡፡ በምዕራፍ ሁለት ባለ አራት ፎቅ 20 ብሎኮችን እየገነባ ነው፡፡

እየተገነቡ ከሚገኙት ሃያ ብሎኮች መካከል ባለአንድ መኝታ ከሆኑት አስር ብሎኮች መካከል ሰማኒያ አባዋራ የሚይዙ ሁለቱ ብሎኮች ሙሉ በሙሉ ግንባታቸው ተጠናቆ ለባለቤት ርክክብ ተደርጓል፡፡

ከተጠናቀቁት ሁለቱ ብሎኮች በተጨማሪ ሶስት ብሎኮች በባለቤት ፍላጎት ሥራቸውን ለማጠናቀቅ የፊኒሽንግ ሥራ እየተሰራላቸው ይገኛል፡፡ በተጨማም ሁለቱ ባለ አንድ መኝታ በቅርብ ጊዜ አጠናቆ ለባለቤት ለማስረከብ እየሰራ ይገኛል፡፡

የግንባታ ፕሮጀክቱ ባለቤት የመከላከያ መሃንዲስ ዋና መምሪያ ሲሆን ዲዛይንና ቁጥጥሩን የሚያከናውነው ደግሞ የመከላከያ ኮንስትራክሽን ዲዛይን ድርጅት እያማከረ ይገኛል፡፡ ግንባታውም ፊዚካል አፈጻጸሙ 72 ፐርሰንት ሲሆን ፋይናንሻሉ 41 ፐርሰንት ላይ ደርሷል፡፡

መከላከያ ኮንስትራክሽን ኢንተርፕራይዝ ግንባታዎች ጥራትና ደረጃቸውን የጠበቁ እንዲሆን አባለቤት እና ከተቆጣጣሪ እና አማካሪ ድርጅት ጋር በቅርበት እየተገኛኘ የመኖሪያ ቤቶችን ግንባታ በተያዘላቸው ጊዜ ለማጠናቀቅ ጥረት እያደረገ ይገኛል፡፡

የመከላከያ ኮንስትራክሽን ኢንተርፕራዝ በመገንባት ላይ የሚገኘው የደባርቅ - ቧሂት - ድልይብዛ 100.2 ኪሎ ሜትር ርዝመት ያለው አስፋልት መንገድ ግንባታ ፕሮጀክት
ጥቅምት 18/2017ዓ.ም

በአማራ ክልል ሰሜን ጎንደር ዞን 100.2 ኪሎ ሜትር ርዝመት ያለው የደባርቅ - ቧሂት - ድልይብዛ አስፋልት መንገድ ግንባታ ፕሮጀክት በመከላከያ ኮንስትራክሽን ኢንተርፕራይዝ በመሰራት ላይ ነው፡፡

የመንገድ ፕሮጀክቱ የተጀመረው ከሁለት ወር በፊት እ.ኤ.አ ሐምሌ 10, 2024 ሲሆን 100.2 ኪ.ሜ. የሚሸፍን በአስፋልት ኮንክሪት ደረጃ የሚገነባ ነው፡፡ ለግንባታው የተያዘለት በጀት 4 ነጥብ 174 ቢሊዮን ብር ወጪ የሚሸፈነው በፌደራል መንግስት ነው።

በአሁኑ ወቅት የአፈር ቆረጣ ስራ፣ የጠጠር መፍጫ ክሬሸር ተከላ ስራ፣ ለግንባታው የሚያስፈልጉ የሰው ኃይል እና ማሽነሪዎችን ሟጓጓዝ እና የቅየሳ ስራዎች በመሥራት ላይ ይገኛል፡፡

ፕሮጀክቱ ሁለት አቅጣጫዎች ያሉት ሲሆን 27 ኪሎ ሜትር (ከደባርቅ - በለስ) እና 36.2 ኪሎ ሜትር (ከመካነብርሃን - ቧሂት) እንዲሁም 39 ኪሎ ሜትር የሚረዝመውን ነባሩን የበለስ - መካነብርሃን መንገድ ፕሮጀክትን አስፋልት ኮንክሪት የማንጠፍ ስራን የሚያካትት ነው።

የመከላከያ ኮንስትራክሽን ኢንተርፕራይዝ ከኢትዮጵያ መንገዶች አስተዳደር ውል በመውሰድ በተቀመጠለት ጊዜ ለማጠናቀቅ የቅድመ ዝግጅት ሥራዎች ተሰርተው ግንባታው ተጀምሯል፡፡ የኢትዮጵያ መንገዶች አስተዳደርን ወክሎ የማማከር ሥራን የሚሰራው ደግሞ የበለስ ኮንሰልቲንግ ኃ/የተ/የግል/ማህር ነው።

ይህ መንገድ በተለያዩ የመንገድ ስራ ተቋራጮች ተጀምሮ ሳይጠናቀቅ በመቆየቱ የአራት ወረዳ ነዋሪዎችን በየዳ፣ ጃንአሞራ፣ ጠለምት እና የደባርቅ ወረዳ ነዋሪዎች ዞን ከተማ ወደ ሆነችው ደባርቅ ከተማ በቀላሉ በመምጣት በሆስፒታል ደረጃ ሕክምና እና ሌሎች ማህበራዊ አግልግሎቶችን ማግኘት እንዳይችሉ አድርጓቸው ቆይቷል።

የመንገዱ ግንባታው ሲጠናቀቅ በክረምት ወቅት የሚቋረጡ ማህበራዊ መስተጋብሮችን እና በአካባቢው በተደጋጋሚ በሚፈጠር የመሬት መንሸራተት የሚቸገረውን የአካባቢውን ማህበረሰብ ችግር ይቀርፋል፡፡ በአካባቢው የሚኖሩ አርሶ አደሮች ያመረቱትን ምርት በቀላሉ ወደ ገበያ እንዲያደርሱ ይረዳቸዋል፡፡ ወረዳዎቹንም በቅርበት የሚያስተሳስር በመሆኑ እድገታቸው እንዲፋጠን ያደርጋል።
ከዚህ በተጨማሪም በተባበሩት መንግስታት የትምህርት የሳይንስና የባህል ድርጅት /ዩኔስኮ/ በዓለም የተፈጥሮ ቅርስነት የተመዘገበውን የሰሜን ተራሮች ብሔራዊ ፓርክ (ራስ ደጀን) ለመጎብኘት ለሚመጡ የውጭ እና የአገር ውስጥ ጎብኝዎች ምቹ ሁኔታን ይፈጥራል፡፡

#የመከላከያ_ሠራዊት_ቀን
#ኢትዮጵያ

ጥቅምት 15/2017ዓ.ም


ለ117ኛ ጊዜ እየተከበረ የሚገኘው የሰራዊት ቀን በጦር ሀይሎች ጠቅላይ መምሪያ "በፈተናዎች ውስጥ እየተገነባ የመጣ ሠራዊት!" በሚል መሪ ቃል እየተከበረ ይገኛል፡፡

በመርኃ ግብሩ ላይ የኢፌዴሪ ፕሬዝዳንት ታዬ አፅቀስላሴ ፣ የጦር ሀይሎች ጠቅላይ ኤታማዦር ሹም ፊልድ ማርሻል ብርሀኑ ጁላ፣ የመከላከያ ሚኒስትሯ ኢንጂነር አይሻ መሃመድ፣ የሠራዊቱ ከፍተኛ አመራሮች ፣የመከላከያ የክብር አምባሳደሮች ፣አባት አርበኞች ፣ ጥሪ የተደረገላቸው እንግዶች እና የሠራዊት አባላት እንዲሁም የተቋሙ ሲቪል ሰራተኞች በተገኙበት በድምቀት እየተከበረ ነው።

ጀግኖቻችን እንኳን ለ117 ኛው የመከላያ ሠራዊት ቀን በዓል አደረሳችሁ፡፡

መከላከያ ኮንስትራክሽን ኢንተርፕራይዝ

👉የ ጨረታ ማስታወቂያ

👉የ ጨረታ ማስታወቂያ

👉የ ጨረታ ማስታወቂያ

👉የ ጨረታ ማስታወቂያ

👉የ ጨረታ ማስታወቂያ

👉የ ጨረታ ማስታወቂያ

👉የ ጨረታ ማስታወቂያ