İnsan yönümlü şəhərlər ️ @city4people

İnsan yönümlü şəhərlər ️

15 Feb, 15:41

🔺 Bakı niyə "aqressivdir"?
⠀
🔸 Söhbət təbii ki, şəhərin mühitindən gedir. Biz dəfələrlə tarixi küçələrdən söhbət açmışıq, onların vəziyyətini göstərmişik, lakin çıxış yolu hər zaman var. Yeni vloqda biz "parallel küçələr" kimi tanınan ərazini gəzib həm mövcud vəziyyəti, həm də yaxşı həllər və çıxış yollarından danışacağıq.
⠀
➡️ https://youtu.be/h3nDUmlRoW4
⠀
✨ Fəaliyyətimə dəstək olmaq.
💡 Əməkdaşlıq və reklam.
⭐️ Özəl müzakirinə qrupuna giriş.

#vloq

726

İnsan yönümlü şəhərlər ️

14 Feb, 16:16

🌧️ Yağış + ❤️ Sevgi = TIXAC 🚙🚗🚕🚌

1,085

İnsan yönümlü şəhərlər ️

14 Feb, 08:26

🛴 Rəqəmsal İnkişaf və Nəqliyyat Nazirinin müşaviri Rəşad Bayramov bu gün işə skuterlə gəlib.

“Havaya baxmayaraq, cəmi 20 dəqiqəyə işə çatdım”.

9,068

İnsan yönümlü şəhərlər ️

13 Feb, 16:12

⬆️ Postdakı suala cavab isə, velosiped yolları birtərəfli, lakin küçənin hər iki tərəfində olmalıdır.

🚲 Bu cür nisbətən dar velozolağa istəsən belə maşınla daxil ola bilmərsən.

📸 Fotoda Afiyəddin Cəlilov küçəsidir. Düzdür, burada velozolaq yalnız bir tərəfdədir, lakin əksər küçələrimizə onları ikitərəfli təşkil etmək mümkündür.

🔹 Hətta ehtiyac olsa belə, bu cür zolaqlarda iki qarşı-qarşıya gələn velosipedçi ayrıla bilər, 1 saniyəlik bufer zonasına çıxmaqla.

#velosipedzolaqları

997

İnsan yönümlü şəhərlər ️

13 Feb, 11:21

🚲 Qorunan velosiped zolaqları — müxtəlif şəhərlərdən misallar.
⠀
💬 Şərhlərdə yazırlar ki, bizim velozolaqlar çox zəif qorunur və mövcud baryerlər sürücüləri ora girməkdən heç cür çəkindirmir. Fotolarda isə daha çox ABŞ şəhərlərindən misallardır. NACTO standartlarında hətta belə tövsiyyələr var ki, parklanma zolaqları olan yerlərdə "protected bike lane" təşkil olunsun. Bu cür zolaqlarda qəza riski də 28% aşağıdır.

🌳 Yaşıllıqla ilə təşkil olunan baryerlər həmçinin küçəyə əlavə gözəllik də qatır. Ağaclar hündür olsa, velosipedçilər üçün həm də kölgə yaradır (Sofiya misalında göstərmişdim).
⠀
☑️ Lakin bugünki kimi müşahidə olan halların qarşısını almaq üçün daha sadə yanaşma ola bilər. Sizcə nəyi nəzərdə tuturam?
⠀
#velosipedzolaqları

2,036

İnsan yönümlü şəhərlər ️

13 Feb, 08:28

Bakının 28 May küçəsində velosiped zolağına çıxan avtomobilin sürücü ilə bağlı tədbir görülüb.

Bakı şəhər Dövlət Yol Polisi İdarəsinin bölmə rəisi, polis kapitanı Toğrul Nəsirli Teleqraf-ın sorğusuna cavab olaraq bildirib ki, həmin sürücünün barəsində qanuna müvafiq tədbir həyata keçirilib.

996

İnsan yönümlü şəhərlər ️

13 Feb, 05:05

Bu hərəkəti sivil sözlərlə izah etmək mümkün deyil.
⠀
Belə hallar avtoxuliqanlıq kimi qiymətləndirilməlidir.

1,049

İnsan yönümlü şəhərlər ️

12 Feb, 13:20

❗️ İzləyicidən maraqlı rakursdan foto.
⠀
⬆️ Bura R. Zorge və 28 May küçələrinin kəsişməsidir. Yolun sol tərəfindən parklanma qadağandır, və bu qədər mikroavtobus məhz hərəkət zolağında dayanıb. Faktiki olaraq qanunsuz parkinq tam olaraq küçədə 1 hərəkət zolağını zəbt edib.
⠀
🔺 Sonra isə həmin qayda pozan sürücülər deyəcəklər ki, "tıxacların səbəbi avtobus və velozolaqlardır".

1,185

İnsan yönümlü şəhərlər ️

12 Feb, 06:49

🚊 Nəqliyyat dünyasında gözəllik belə olur.
⠀
🇫🇷 Lion şəhərində Alstom istehsalı olan 7-seksiyalı “Citadis” tramvay qatarları daha bir xəttə buraxıldı.
⠀
⚡️ Tramvay 70 km/s-d sürətlə hərəkət edə bilir, eyni anda 287 sərnişin daşıyır.
⠀
ℹ️ Qatarda LED-monitorlara çıxarılan informasiya sistemi və ödəniş terminalları var.
⠀
🔹 Ayrıca olaraq fikir verin, relslər yaşıl qazon ilə əhatə olunub ki, yay aylarında çox qızmasınlar. Həm də şəhərə görün necə gözəllik qatır.
⠀
🇦🇿 Bakıda, Gəncədə və Mingəçevirdə belə tramvay sistemlərini təsəvvür edin.
⠀
#tramvay

1,791

İnsan yönümlü şəhərlər ️

11 Feb, 08:23

🔄 Vağzal Meydanı əvvəl və sonra.

3-5 il əvvəl belə şəkilləri ancaq "Xarici Təcrübə" kimi paylaşırdım, artıq Bakıda belə transformasiyaların canlı şahidi olduq.

#ƏvvəlSonra

1,204

İnsan yönümlü şəhərlər ️

10 Feb, 15:29

💬 Şərhlərdə yazırlar ki, bu layihələndirmənin qiymətidir, təmirin özünə ayrılan məbləğ deyil.

Lap yaxşı, o zaman geniş-miqyaslı işlərin görülməsini gözləyirik. Güman ki, bununla bağlı rəsmi müraciət göndərəcəm, bəlkə detallı bir məlumat verərlər.

1,114

İnsan yönümlü şəhərlər ️

10 Feb, 11:34

🚧 Səkilərin bərpasına pul ayrılacaq.
⠀
🔹 Xəbərin yaxşı tərəfi bununla bitir. BŞİH deyir ki, Bakı şəhəri ərazisində səkilərdə, həyətlərdə, park və bağlarda abadlıq və yenidənqurma işlərinə 3 milyon manat ayrılacaq. Nəzərə alsaq ki, Bakı küçələrinin 80%-ində səkilər ilə problem yaşanır, bu çox az bir məbləğdir.
⠀
Dövlət proqramında səkilərin bərpasına ayrıca bənd ayrılıb, ümid edirəm, bu məsələyə daha ciddi yanaşarlar.
⠀
#səkilər

1,270

İnsan yönümlü şəhərlər ️

10 Feb, 06:32

🛣 Yeni yollar üçün ağacları köçürməyə dəyərmi?
⠀
🔸 Keçmişdə Bakı şəhərinin müxtəlif rayonlarında tikilən geniş yollar, qovşaqlar, yerüstü keçidlər avtomobil istifadəsini stimullaşdırdı, ətrafda aqressiv mühit yaradaraq şəhəri piyadalar üçün əlverişsiz etdi.
⠀
🔸 Bunun fonunda Bakıda yeni yolların və qovşaqların tikintisi üçün ağacların köçürülməsi kimi xəbərlər paylaşılır. Bu yeni qovşaqların görüntüsü necə olacaq, piyadalar, ictimai nəqliyyat və mikromobilliyin hərəkətinə necə təsir edəcək?
⠀
🔸 Tıxacların həlli multimodal küçələrin salınmasından, küçə sahəsini düzgün istifadə etməsindən keçir. Yol qovşağı çox vaxt tıxacı bir ərazidən digərimə köçürür. Yeni yolların və küçələrin salınması vacibdir, lakin həmin küçələr eynisəviyyəli və insan yönümlü prinsiplərin əsasında salınmalıdır. Ağacların olması mütləqdir.
⠀
🔸 Bəs yolların genişləndirilməsini niyə tıxac problemini həll etmir? Bu məqalədə cavab tapa bilərsiniz.
⠀
#yollarıngenişləndirilməsi

1,126

İnsan yönümlü şəhərlər ️

09 Feb, 18:59

🚊 Urbanistik həftə necə keçdi?

🔹 Hansı nəqliyyat növünü inkişaf etdirək? Bu infoqrafika ilə xatırlatdıq.

🔹 Nəqliyyat eksperti Rauf Ağamirzəyev "Əkinçi"də düzgün prioritetlərdən danışdı.

🔹 Mirzə Ağa Əliyev küçəsində səkilər təşkil olundu. Bakı üçün hələ ki nadir bir yenilik.

🔹 Amerikanın Niderlandın təcrübəsinə necə tətbiq etməsinə baxdıq.

🔹 Küçədə ağacların vacibliyindən danışdıq.

🔹 Tarixi fotoları canlandıraraq Bakı tramvayının 101 yaşını qeyd etdik.

🔹 İzzət Orucova küçəsində yaxşı və pis səkinin nümunəsinə baxdıq.

✨ Kanala dəstək.
💡 Kanalda reklam.
⭐️ Özəl müzakirinə qrupuna giriş.

#urbanhəftə

1,226

İnsan yönümlü şəhərlər ️

09 Feb, 13:16

⤴️ Bu küçənin əks tərəfi misal üçün belədir:

🔻 Səkinin böyük hissəsini kafe özü üçün teras düzəldib;

🔻 Qarajın girişində pandus yoxdur (eynisəviyyəli olmalı idi əslində);

🔻 Qalan səki hətta bir nəfərin hərəkəti üçün dardır.

🔸 Bakının əksər küçələrində əvvəldən sona qədər rahat piyada etmək mümkün deyil.

#səkilər

1,229

İnsan yönümlü şəhərlər ️

09 Feb, 10:33

⬆️ Bu geniş səkiyə baxın.
⠀
🔸 Adətən yeni tikilən binalarda səkiləri “artıq qalan” kiçik hissədə təşkil edirlər, burada isə mənzərə fərqlidir.
⠀
🔸 Düzdür, bir hissəsi avtomobil ilə gələnlər üçün “drop-off/pick-up” zonası kimi istifadə olunur, lakin eynisəviyyəli və daşla döşəndiyindən rahatlıqla ortaq zona kimi istifadə oluna bilər.
⠀
🔸 Yəgin ki, iaşə obyektlərinin terasları bu qədər önə çıxarılmasaydl, səki lap geniş olardı.
⠀
📍 İzzət Orucova küçəsi. Bu küçədə əks vəziyyət olan yer də var, bu dairəyə düşür. Oraya da mütləq “əl gəzdirmək” lazımdır.
⠀
#səkilər

771

İnsan yönümlü şəhərlər ️

08 Feb, 08:23

🚋 Bakı tramvayı bu gün 101 yaşını qeyd edə bilərdi.
⠀
🇦🇿 8 fevral 1924-cü ildə Bakıda ilk elektrik tramvay xətti fəaliyyətə başladı. 1939-cu ildə şəbəkənin uzunıuğu 117 km təşkil edirdi.
⠀
❌ Şəhər üçün ən dayanıqlı nəqliyyat növü 2004-cü ildə paytaxtın küçələrindən yığışdırıldı.
⠀
🚊 Bakıya bu gün hava-su kimi lazım olan tramvayın qayıtmasını gözləyirik.
⠀
🎥 Süni intellektlə canlandırılan tarixi fotolar.
⠀
#tramvay #tarixifoto

1,160

İnsan yönümlü şəhərlər ️

07 Feb, 12:05

🌳 Adi yaşıllıq küçəni necə dəyişə bilər.
⠀
✅ Ağaclar küçədəki ekosistemin balansını qorumağa kömək edir;
⠀
✅ Yay aylarında küçələrə kölgə salaraq kondisioner effektini verir;
⠀
✅ Küləyin qarşısını qismən alır;
⠀
✅ Yağış sularını qismən özünə alır və drenaj sistemlərini yükləmir;
⠀
✅ Küçədəki səs-küyü boğaraq bina sakinlərin yaşayışını daha rahat edir;
⠀
✅ Küçəni daha gözəl edir;
⠀
✅ Ağac olan küçədə gəzərək insanlar daha az stress yaşayır.
⠀
❓Hansı küçədə yaşamaq istəyərdiniz — parkinq və asfalt səhrası olan, yoxsa yaşıllıq ilə dolu?
⠀
#ağaclar

1,175

İnsan yönümlü şəhərlər ️

07 Feb, 06:03

🇺🇸 ABŞ Niderlandın təcrübəsini tətbiq edir.
⠀
🚄 Cənub Floridanın Dəmir Yolları insanların mobilliyini artırmaq üçün velosipedləri daşımaq üçün ayrıca vaqon ayırıb. Beləliklə, sərnişinlər stansiya qədər öz velosipedləri ilə gəlib, yığılmamış vəziyyətdə vaqona yükləyib yollarını davam edə bilər. Bir vaqona 14 velosiped yerləşir. Bu xidmətə görə əlavə pul ödəmək lazım deyil.
⠀
🔹 Belə bir təcrübəyə velosipedləşmiş Avropa şəhərlərində rast gəlinir (Niderland, Almaniya, Danimarka və s.). Həmçinin bizim Dəmir Yollarında da belə opsiya var (yeni Stadler Flirt qatarlarında).
⠀
🚲 Beləliklə, mikromobillik vasitələri "last mile" (son mil) kimi istifadəsi də stimullaşdırılır.
⠀
#ABŞ #qatarlar

1,948

İnsan yönümlü şəhərlər ️

06 Feb, 05:26

💡 Kaş hər gün belə xəbərlərin şahidi olardıq.
⠀
🚶 Mirzə Ağa Əliyev küçəsində bərpa olunmuş səki. Artıq piyadalar burada velozolaqla hərəkət etməyə məcbur olmayacaq.
⠀
☑️ Bəli, səki daha geniş ola bilərdi, amma unutmayaq ki, burada ümumiyyətlə hərəkət etmək mümkün deyildi. Əvvəlki vəziyyətin fotoları da əlavə olunur.
⠀
🟢 Belə təşəbbüslər bütün şəhərləri əhatə etməlidir.
⠀
#səkilər

2,260

İnsan yönümlü şəhərlər ️

04 Feb, 07:45

“İctimai nəqliyyat tıxacda dayanmamalıdır”

Nəqliyyat eksperti Rauf Ağamirzəyev avtobus və velosiped zolaqlarının tıxacda dayananlara narahatlıq yaratması haqda danışır.

Tam video burada.

@akinchiproject

1,296

İnsan yönümlü şəhərlər ️

03 Feb, 11:53

🟥 Bakıda tramvay və trolleybus xəttlərinin sxemi. 1988-ci i il. Vorovski, Çaykovski, Basin...

1,446

İnsan yönümlü şəhərlər ️

03 Feb, 06:57

🚊 Nəqliyyatın buraxılış qabiliyyəti. Urbanistikanın əsasları haqqında xatırlatma.
⠀
🔹 Şəhərin inkişafından və prioritetlərindən danışarkən, bu cür infoqrafikaları araşdırmaq çox faydalıdır. Rəlsli nəqliyyat (qatar, metro və tramvay) ən effektiv vasitədir, ona görə daha çox diqqət onların inkişafına ayrılmalıdır.
⠀
🔹 Misal üçün, 1 tramvay 3-5 avtobusu əvəz edə bilər. Eyni zamanda, 1 qatara ya tramvaya bir 1 sürücü lazımdırsa, avtobuslar 3-5 dəfə çox insan resursunu cəlb etmək lazımdır, onları təlimdən keçirmək, sosial təminatlarını ödəmək və s. Tramvaya investisiya yatırmaq hər bir böyük şəhər üçün faydalıdır.
⠀
🚙 Fərdi nəqliyyat vasitəsi nə qədər rahat olsa da, onlar heç vaxt şəhər daxilində effektiv nəqliyyat vasitəsi sayıla bilməz.
⠀
#infoqrafika

1,609

İnsan yönümlü şəhərlər ️

31 Jan, 06:09

✍️ Yeni Dövlət proqramının qısa təhlili.
⠀
✅ Dünən önəmli bir sənəd təsdiqləndi. Bu Dövlət Proqramına əsaslanaraq şəhər və nəqliyyat infrasfrukturunda ciddi islahatlar aparmaq olar. 28 sentyabr tarixində keçirilən müşavirədə qeyd olunan məsələlərə əlavə olaraq, belə bir yaxşı məqamlara fokus vurulub:
⠀
🔹 Şəhər inklüziv (hər kəs üçün əlçatan) olmalıdır. Piyadaların rahat hərəkəti təmin edilməlidir. Səkilər bərpa olunmalı, panduslar inşa olunmalıdır, səkilərin zəbt edilməsinə qarşı tədbirlər görülməlidir. Bu istiqamətdə hətta yeni texniki normativlər hazırlanacaq. Bakının (və ümumi olaraq bütün şəhərlərimizin) bu gün ən "yaralı" yeri səkilərdir. Bu bənd əla oldu.
⠀
🔹 Yeni piyada zonalarının yaradılması nəzərdə tutulub. Xaqani bağının ətrafı və İçərişəhərdən sonra, digər ərazilər də insanlara qaytarılacaq. İslam Səfərli və Nizami küçələrinə bitişik bir sıra digər ərazilərdə rahatlıqla piyadalaşdırmaq olar. Tarixi küçələrin şənbə/bazar günlərində piyadalaşmasını 24/7 olaraq tətbiq etmək olar.
⠀
🔹 Tıxacların qarşısını almaq üçün ictimai nəqliyyat inkişaf etdirilməlidir. Proqramda bu bir neçə dəfə vurğulanır. Bəli, bunu biz illərdi deyirik. Yaxşı alternativlər verilsə, insanların bir qismi avtomobilini evdə qoyub ictimai nəqliyyata üz tutar və tıxaclar azalar.
⠀
🔹 Yeni metrostansiyalar və tramvay xətləri salınacaq. 2030-cu ilə qədər 10 metrostansiya, perspektivə hətta 51 stansiyanın tikintisi qeyd olunub. Prinsipcə, maliyyə stabil şəkildə ayrılsa, bu real görünür. Tramvay hələ ki "Sea Breeze" üçün təsdiq olunmuş kimi görsənir, Mehdiabad-28 May marşrutu üçün ya tramvay, ya da metrobus (BRT) olacaq. Ümid edək ki tramvay olar, çünki o daha çox adam daşıya bilər, daha az yer tutur və daha dayanıqlıdır.
⠀
🔹 Yeni Suraxanı, Hövsan, Maştağa, Zabrat, Bağlar, Güzdək, Qaradağ — bu qəsəbələrdə dəmir yolları bərpa olunacaq və Bakının mərkəzindən çox qısa bir zamanda bu qəsəbələrə qatarla gəlmək mümkün olacaq. Əlavə olaraq, 20 yeni qatar alınacaq.
⠀
🔹 Avtobus zolaqlarının uzunluğu 160 km, velosiped zolaqlarının uzunluğu 100 km-ə çatdırılacaq. Velozolaqları əslində daha da uzun etmək olar. Hər küçədə velozolaq olmalıdır ki, velosiped və skuterlər real nəqliyyat vasitəsi kimi insanları cəlb etsin. Müqayisə üçün Berlində velozolaqların uzunluğu 620 km, Parisdə isə 1000 km-dir.
⠀
🔹 Proqramda bir neçə yeni yolların və qovşaqların tikintisi nəzərdə tutulub. Dairəvi və şəhərlərarası yollar əlbəttə ki lazımdır, lakin şəhər daxilində yeni tunellər və müxtəlif səviyyəli qovşaqların tikintisi müasir yanaşma sayılmır. Xüsusilə, 8.1.1.27 bəndində qeyd olunub ki, 8 noyabr prospektində yeni yol qovşağı tikiləcək ("Nargilə dairəsi" adlanan ərazidə). İnsan yönümlü prinsiplərinə uyğun təmir olunan prospektdə indi böyük yol qovşaq tikiləcək?
⠀
🔹 Proqramda yeraltı və yerüstü piyada keçidləri müsbət bir infrastruktur kimi təqdim olunur. Lakin daha çox məhz baryersiz mühitə fokuslanmaq və bu cür keçidlərin şəhər daxilində eynisəviyyəli alternativlərini təşkil etmək proqramın məqsədlərinə daha uyğun olardı.
⠀
✅ Dövlət başçısı qeyd etmişdir ki, ictimaiyyət öz təkliflərini verə bilər və biz də bundan sonra da müvafiq təkliflər hazırlayarıq, çalışarıq dövlət qurumları ilə sıx əlaqədə olaq.
⠀
☑️ Proqram 5 ili əhatə edir, əslində bu böyük bir müddət deyil və bu qısa zamanda şəhəri indikində qat-qat daha mobilli və insan yönümlü edə biləcəyik.
⠀
#dövlətproqramı

2,149

İnsan yönümlü şəhərlər ️

30 Jan, 19:30

🚊 Azadlıq prospektində müasir tramvay olsa belə olacaq.

Çox yaraşar 😍

Paylaşdı: Transport for Baku.

1,886

İnsan yönümlü şəhərlər ️

30 Jan, 16:59

⚡️ Nəqliyyatın inkişafına dair yeni dövlət proqramı təsdiq olundu.

34-səhifəlik sənəddir:
⬇️
https://azertag.az/store/manual/2025_01_30_679b9e27a2419.pdf

2,281

İnsan yönümlü şəhərlər ️

30 Jan, 16:18

🔄 İçərişəhərin transformasiyasına baxaq.
⠀
🔹 Keçən ilin sonunda İçərişəhərdə çoxdan gözlənilən transformasiya elan olundu. Artıq bu qoruğa kənardan avtomobillər buraxılmır.
⠀
🔹 Həmçinin, ətrafda olan Əziz Əliyev küçəsi və İstiqlaliyyət prospektinin bir hissəsi piyadalaşdırıldı.
⠀
❓ Bu urbanistik islahat nə dərəcədə şəhərə vacib idi, və bu qərardan sonra İçərişəhərdə vəziyyət nəcədir?
⠀
🔹 Cavab tapmaq üçün bu ərazidə gəzişdim və mövcud vəziyyəti sizə göstərdim.
⠀
➡️ https://youtu.be/b6VcFEPpRds

#vloq #içərişəhər

1,378

İnsan yönümlü şəhərlər ️

30 Jan, 10:55

🚲 8 noyabrda velosiped keçidlərinin təşkilinə başladılar.
⠀
🔹 Bura Xəqani Rüstəmov küçəsi ilə kəsişmədir. Bu kəsişmədə həmçinin yeraltı piyada keçidi mövcuddur, lakin əgər bu gün biz insan yönümlü şəhərlər konsepsiyasını ən yüksək səviyyədə müzakirə ediriksə, burada velokeçidlə yanaşı piyada keçidi də təşkil edilməlidir.
⠀
🔹 Zatən təcrübə onu göstərir ki, velosiped keçidlərini insanlar piyada keçidi kimi istifadə edir. İnklüziv, rahat və əlçatan şəhərlərdə keçidlər də əlçatan olmalıdır.

☑️ Bu haqda ətraflı olaraq bu vloqda danışmışdım.
⠀
#velosipedzolaqları #8noyabrprospekti

1,217

İnsan yönümlü şəhərlər ️

29 Jan, 14:44

💬 “Transport for Baku” səhifəsinin qısa təhlili:

Dünən Ölkə başçısının yanında nəqliyyatla bağlı baş tutan müşavirədə gələcək planlar aydın oldu.

Əslində bu tamamilə dərslik yanaşmasıdır, belə də olmalı idi. Nəhayət ki, nəqliyyata vahid yanaşma var və inkişaf strategiyaları əlaqələndirilir.

🚇 Metropoliten sıx şəhər mühitində və əsas hərəkətlilik dəhlizlərində böyük sayda sərnişinlərə xidmət edən sistemdir. Beş illik inkişaf planı elan edildi.

🚆 Şəhərətrafı dəmir yolu, Bakı alqomesiyasını (Bakı və Abşeron rayonunun) birləşdirərək bir növ yerüstü metro funksiyasını yerinə yetirir. Abşeron yarımadasının təməl nəqliyyat infrastrukturu olaraq bu sistem sərnişindaşıma sürətinə görə heç rəqibi yoxdur.

🚊 Metro və ya dəmir yolunun olmadığı ərazilər üçün müasir tramvay kütləvi sərnişindaşıma sistemi olacaq. Şimal-Cənub dəhlizində (Mehdiabad-Binəqədi-28 May) müasir tramvay Azadlıq prospekti boyu yüngül metro funksiyasını daşıyacaq.

1,259

İnsan yönümlü şəhərlər ️

28 Jan, 18:08

❗️ Bugünki önəmli müşavirədən əsas tezislər.
⠀
Gün ərzində bizim müzakirə qrupumuzda Prezident İlham Əliyevin sədrliyi nəqliyyat məsələlərinə həsr olunmuş müşavirədən hissə-hissə xəbərlər paylaşırlar. Tam videoya baxandan sonra izləyicilərə maraqlı olan tezisləri çatdırıram.
⠀
✅ Dünya şəhərləri avtomobil mərkəzli şəhərlər yanaşmasından İNSAN YÖNÜMLÜ yanaşmaya keçid etməkdədir — bəli, bu ifadə — insan yönümlü şəhər — bu cür yüksək səviyyəli müşavirələrdə səsləndirilməsi olduqca sevindirir!
⠀
✅ 112 km avtobus zolağı təşkil olunub. Gündəlik xəttə çıxan avtobusların sayı 1750-dən 2160-a qədər artıb. Taksilərin sayı 67 mindən 30 minə qədər endirilib. Taksi avtomobillərin yaşı 15-dən 8-ə çatdırılıb.
⠀
✅ Gün ərzində 630 mindən çox vətəndaş Bakı şəhərinin mərkəzinə doğru gəlir. Daxil olan avtomobillərin sayı 300 min.
⠀
✅ İctimai nəqliyyat, piyada və mikromobillik səyahətlərin payı 50% təşkil edir, qalan 50% fərdi avtomobil. Konsepsiyaya uyğun fərdi avtomobillərin payı 30-40%-ə qədər endirilməlidir.
⠀
✅ Qəzaların sayı Avropa İttifaqının səviyyəsinə çatdırılmalıdır (hər 100 minə 4 ölümdən aşağı). Qəzalar ümumiyyətlə ayrıca önəmli bir mövzudur, bu haqda hələ danışarıq.
⠀
✅ Yeni dövlət proqramı hazırlanır. Təsdiq olunandan sonra güman ki ictimaiyyətə təqdim olunacaq. Çox maraqlı olar təhlil etməyə, gözləyirəm.
⠀
✅ Səki infrastrukturunun təkmilləşdirilməsinə ehtiyac var. Bəli, səkilər gündəmə gətirilir, əladır!
⠀
✅ Velosiped zolaqların uzunluğu 35 km təşkil edir, 300 veloparkinq yerləri mövcuddur. Hər ay 200 min səfər velosiped və skuterlərin payına düşür.
⠀
✅ 9 yeni yol layihəsinin icrası həyata keçiriləcək. Əsas odur ki, yeni yollar multimodal olsun, avtomaqistral kimi salınmasın. Həmin küçələrdə piyada, ictimai nəqliyyat və velosipedçilər rahat hərəkət edə bilsin.
⠀
✅ 10 yeni metrostansiya inşa ediləcək (bu haqda artıq ətraflı məlumat verilib).
⠀
✅ Abşeron dairəvi dəmir yolu inkişaf etdiriləcək. Yeni dəmir yolları salınacaq, yeni qatarlar alınacaq. Hövsana və Hava limanında qatarla gedə biləcəyik.
⠀
✅ Mehdiabad və Sea Breeze istiqamətlərində tramvay planlaşdırılır. Sxemdə LRT/BRT kimi göstərilib. LRT - Light Rail Transit, BRT - Bus Rapid Transit. Yəni bu ya tramvay (ümid edək), ya da metrobus olacaq.
⠀
✅ Dövlət başçısı həmçinin qeyd etdi ki, ictimaiyyət nümayəndələri müvafiq dövlət qurumlarına öz tövsiyələrini və təkliflərini verə bilər. Bu da yaxşı bir siqnaldır. Misal üçün, son illər ərzində dövlət qurumlarına tərəfimdən göndərilən bir sıra təkliflər qəbul olunub.
⠀
🔹 Bir sözlə, bu müşavirədə çox vacib tezislər səsləndirildi. Şəhərin prioritetləri bəlli oldu. Hər zaman demişəm, siyasi iradə çox vacibdir. Bütün bu planların reallaşmasına hər birimizin böyük ümidləri var. Yaşayaq və görək.
⠀
📹 Tam video burada.

2,453

İnsan yönümlü şəhərlər ️

28 Jan, 07:32

🇮🇳 Hindistan bu dəhşətli tıxaclardan qurtulmaq istəyir. "Avtomobil xoşbəxtliyi" faciəyə çevrilib.
⠀
🔺 Fotolarda gördüyünüz bu dəhşətli vəziyyət Hindistanın müxtəlif şəhərlərində çəkilib. Əhalisi 1,4 milyard insan təşkil edən bu ölkədə istəsən belə "avtomobil xoşbəxtliyi" təmin edə bilməzsən. Böyük şəhərlərdə yollardakı vəziyyət acınacaqlıdır.
⠀
🔸 İndi isə ölkənin paytaxtı Dehli şəhərinə pik saatlarında girişi ödənişli etmək istəyirlər. Nyu-York keysi deyəsən digər ölkələrə misal olmağa başlayıb.
⠀

🔸 Təbii ki, Dehlidə ictimai nəqliyyat alternativləri var. Xüsusilə 289 stansiyadan ibarət olan metronu vurğulamaq olar. Lakin 33 milyonluq şəhərin mobilliyini təmin etmək asan bir iş deyil. Avtobusların sayı 7500-ə çatsa da, bu avtobuslar qrafiklər hərəkət etmir, ayrılmış zolaqlar çox azdır, texniki vəziyyəti də ürəkaçan deyil.
⠀
🚊 1963-cü ilə qədər bu şəhərdə tramvay hərəkət edib, lakin yolları genişləndirmək məqsədilə tramvay sistemi burada ləğv olunub (tanış mənzərədir?). Üzərindən 60 il keçəndən sonra səhvləri başa düşüb çıxış yolları axtarışındadır.
⠀
☑️ Bu post həmçinin onun üçün yazılıb ki, nə qədər geniş yollar tiksən də, nə qədər avtomobil istifadəsini stimulaşdırmaq kimi addımlar atsan belə, heç vaxt "xoşbəxt avtomobil gələcəyi" gəlməyəcək. Bu, riyazi cəhətdən mümkün deyil.
⠀
❗️ Heç kim nə sürücülərə, nə avtomobillərə qarşı deyil, burada sürücülərin düşmənləri yoxdur. Lakin yeni yollar, yeni körpülər, yeni tunellər, yolların genişləndirilməsi kimi şəhərlərə yaxşı bir şey vəd etmir.

#tıxaclar #hindistan

1,574

İnsan yönümlü şəhərlər ️

27 Jan, 18:06

“İnsan yönümlü şəhərlər” layihəsinin təsisçisi Anar Əliyev əvvəlki illərdə bir çox ölkələrdə tətbiq edilən avtomobil mərkəzli şəhər modellərinin özünü doğrultmadığını və piyadanın prioritet olmalı olduğunu bildirir.

Tam video burada.

@akinchiproject

1,127

İnsan yönümlü şəhərlər ️

27 Jan, 17:52

“İnsan yönümlü şəhərlər” təşəbbüsünün təsisçisi Anar Əliyevlə Bakının insanın mərkəzdə olduğu şəhərə çevrilməsi üçün atılmalı olan addımlar barədə danışdıq.

Avtomobil sahibləri üçün xoş səslənməsə də, insan mərkəzli şəhər modelində avtomobillər əhəmiyyət baxımından piyada, velosipedçi və ictimai nəqliyyatdan sonra gəlir.

Qonağımız COP29 ərəfəsində görülən işlərin yaxşı bir başlanğıc olduğunu qeyd etsə də, növbəti illərdə bu işləri daha iddialı şəkildə davam etdirməyi təklif edir.

Video burada.

@akinchiproject

951

İnsan yönümlü şəhərlər ️

27 Jan, 12:37

⬆️ Rotterdamın küçələrinə baxın.
⠀
🚴‍♂️ Adətən biz deyirik ki, velosiped zolaqları şəbəkələşmiş şəkildə təşkil olunmalıdır ki, öncədən bir marşrut qurmaq mümkün olsun.
⠀
🇳🇱 Niderlandın Rotterdam şəhərinə isə baxanda burada velozolaqsız küçə tapmaq sanki mümkün deyil. Bu 2 dəqiqəlik videoya baxıb şəhərin nə dərəcədə əlçatan, baryersiz, tıxacsız və insan yönümlü olmasına heyran olmaq olar.
⠀
🚶 Velozolaqları qoyaq qırağa, bir dənə pandusu olmayan piyada keçidi video boyunca görməyəcəksiniz. Reallıqdan danışsaq, nəyinki Bakı, heç digər Avropa şəhərləri belə infrastrukturla fəxr edə bilmir.
⠀
💡 Sadəcə belə videolara baxıb rahat və mobilliyi yüksək olan şəhər necə ola bilər — gəlin özümüz baxaq, dost və tanışlarımız ilə paylaşaq.
⠀
☑️ "Bizdə mümkün deyil, maşın çoxdur" deyənlər üçün statistika: Rotterdam Niderlandın ən avtomobilləşmiş şəhəridir. Ümumi isə ölkədə 18 milyon əhali və 10 milyon avtomobil var. Yəni hər 10 nəfərə 5 avtomobil düşür (Azərbaycanda bu rəqəm 10 nəfərə 1,7-dir).

🔹 Video: instagram / modacitylife.

#Niderland

1,171

İnsan yönümlü şəhərlər ️

27 Jan, 05:29

🚲 Səhərinizi belə gözəl mənzərə ilə açın.
⠀
🇩🇪 Almaniyanın Tübingen şəhərində 365-metrlik velosiped körpüsü. Dəmir yollarının üzərindən təşkil edilib.
⠀
🌧️ Yağmurlu havada is bu körpü isidilir ki, qar və yağış velozolağı sürüşkən etməsin.

#velosipedzolaqları #almaniya

2,174

İnsan yönümlü şəhərlər ️

24 Jan, 09:01

🔹 Kanal geri qayıtdı.

Bəzi köhnə videolara görə şikayətlər gəlmişdi (bizim vloqlar deyildi).

879

İnsan yönümlü şəhərlər ️

24 Jan, 07:37

❗️ Dostlar, bu gün hələ ki naməlum səbəblərə görə YouTube-kanalım bağlanıb.
⠀
Bununla bağlı hər hansı bir xəbərdarlıq məktubu almamışam (misal üçün, "şübhəli fəaliyyət", musiqinin icazəsiz istifadəsi və s.).
⠀
Problemlə bağlı Google-un dəstək xidmətinə müraciət etmişəm, lakin qeyd edim ki son iki ildə yüklənən bütün videolarda istifadə olunan musiqi YouTube-un musiqi kolleksiyasına daxil idi və istifadəsinə icazə verilirdi.
⠀
Hesab özü "hack" olunmayıb, iki-mərhələləi təhlükəsizlik ilə qorunur.
⠀
☑️ Kanalın 19,900 izləyicisi var idi.

896

İnsan yönümlü şəhərlər ️

23 Jan, 15:52

🇦🇿 Bu gün Bayıla gedirik.

🔹 Bakının unikal bir qəsəbəsidir. Relyefli küçələr, tarixi binalar və dəniz kənarına bulvara birbaşa çıxış.

💡 Vloq da unikal alındı. İlk dəfə olaraq qonaqlarımız sırasında kanalımızın patronları oldu.

💬 Bayılda yaşayan Cavad və Fəxri qəsəbənin əlçatanlığından və hekayələrindən danışdı.

🔹 Dilqəm İsmayılov isə buradakı memarlıqdan, landşaftı pozan yeni tikililərdən və tarixi binalarından danışdı.

➡️ https://youtu.be/6zfFbdhSn3Q?si=xR5ANSs2dSD4Kw2d

✅ Vloqun qonağı olmaq və yeni mövzuları müzakirə etmək istəyirsinizsə patronlarımızın sırasına qoşulun.

✅ Qapalı Teleqram-qrupunda müzakirə.

#vloq

990

İnsan yönümlü şəhərlər ️

23 Jan, 12:46

⬆️ Bu arada, Belqradın avtobusları da BMC-dir, rəngi də BakuBus rəngi.

Üstəgəl burada elektrobuslar, trolleybuslar və tarixi tramvay da hərəkət edir.

#Belqrad

920

İnsan yönümlü şəhərlər ️

23 Jan, 11:14

❓ Pulsuz ictimai nəqliyyat - yaxşı ideyadır yoxsa pis?
⠀
🇷🇸 Serbiyanın paytaxtı Belqradda ictimai nəqliyyat tamamilə pulsuz oldu. İlk baxışdan bu, çox əla bir ideya kimi görünə bilər. Hər kəs maşını evdə qoyub ictimai nəqliyyatdan istifadə edəcək, tıxac olmayacaq.
⠀
🔺 Lakin bu təşəbbüsün arxasında bir sıra problemlər görsənir:
⠀
🔹 Pulsuz heçnə olmur. Bu gediş haqqları olmayacaq deyə, daşıyıcılar şəhər büdcəsindən daha çox subsidiya alacaq. Bu da faktiki olaraq vətəndaşların vergiləridir.
⠀
🔹 Pulsuz ictimai nəqliyyatdan onun sui istifadəsinə gətirib çıxaracaq. İnsanlar 10-15 dəqiqə piyada gəzməkdənsə, avtobus və tramvaya minəcək (Belqradda metro yoxdur). Bu da daha çox sıxlığa səbəb olacaq. Veloicarələrin gəlirləri də azalacaq.
⠀
🔹 İstismar xərcləri artacaq, nəqliyyat vasitələrinin qulluğuna daha çox xərc lazım olacaq.
⠀
🔹 Faktiki olaraq, statistikanı aparmaq mümkün olmayacaq. İctimai nəqliyyatdan nə qədər insan istifadə edib, nə qədər insan avtobusa/tramvaya daxil olub — bilet vurulmayacaqsa, bu məlumat necə toplanacaq? Xəbərlərdə bu açıqlanmır. Statistika olmayanda isə idarəetmə çətinləşir.
⠀
🔸 Pulsuz ictimai nəqliyyat dünyada geniş yayılmış təcrübə deyil. Vaxtilə Tallində tətbiq etdilər ki (yerli sakinlər üçün), tıxaclar azalsın, lakin indiyədək ortada konkret araşdırma və sübut yoxdur ki, bu həqiqətən düzgün addım idi.
⠀
☑️ Məsləhət vermək kimi çıxmasın, amma Belqrad tıxaclardan qurtulmaq istəyirsə, digər üsullarla avtomobil istifadəsini destimulasiya etməlidir.

🇷🇸 Belqradda olanda ən çox gözümə dəyən problem — səkilərin kütləvi şəkildə parkinqə çevrilməsi oldu. Çox yerdə piyada gəzmək narahatdır. Bəli, müasir tramvaylar hərəkət edir, küçələrdə urbanistik islahatlar keçirilir, lakin inkişaf ediləsi məqam çoxdur.
⠀
✅ İctimai nəqliyyatı isə əlçatan etmək istəyiriksə, bunun üçün güzəştli tariflər tətbiq olunmalıdır.
⠀
🔸 Baxaq görək, Belqradda bu addım hansı nəticələr verəcək, lakin bunu qətiyən Bakı üçün nümunə götürmək olmaz.

#Belqrad

956

İnsan yönümlü şəhərlər ️

22 Jan, 11:59

⬆️ Mövzunun davamı olaraq faydalı bir kitab paylaşıram sizinlə.
⠀
📔 Bəlkə nə vaxtsa öz şəhərinizdə velosiped zolaqları təşkil edəsi olsanız, öz küçəniz üçün velozolaq layihə verməli oldunuz, və yaxud sadəcə urbanistika sayəsində maariflənmək istəyirsinizsə, NACTO-nun velozolaqların təşkilinə dair bu "Urban Bikeway Design Guide" faydalı olar.
⠀
📁 PDF formatında urbanistikaya dair digər kitablarım çoxdur. Maraqlı gəlsə, şərhlərdə yazın və 💯 reaksiyaları atın, vaxtaşıırı olaraq burada paylaşacam.
⠀
#kitablar

1,092

İnsan yönümlü şəhərlər ️

22 Jan, 08:22

🚲 Yaxşı velosiped zolaqlarının nümunəsi.
⠀
🇦🇺 Bura Sidneydir, Avstraliyanın ən böyük şəhəri, əhalisi 5.2 milyon insan təşkil edir. Dayanıqlı inkişafa doğru irəlləyən bir şəhər kimi, burada velozolaqlar salınır və bunun üçün yolun hərəkət hissəsini daraldırlar. Bəzi yerlərdə hətta küçə mebeli üçün də yer tapılıb.
⠀
🔹 Fotolarda maraqlı məqamlar toplanıb. Misal üçün, burada velokeçidlərdə təhlükəsizlik adacıqları quraşdırılır, ayrıcı zolaq isə bordürlar (səki daşı ilə) və yaxud yaşıl zolaq ilə hərəkət hissəsindən ayrılır.
⠀
☑️ Sidney şəhərinin hədəfi 220 km velozolaq təşkil etməkdir.
⠀
#velosipedzolaqları

2,039

İnsan yönümlü şəhərlər ️

21 Jan, 09:17

🇺🇸 Tramp yeni tıxacların səbəbkarı olacaq?
⠀
💬 Dünənki çıxışında ABŞ-ın yeni seçilmiş prezidenti Donald Tramp qeyd etdi ki, hər bir Amerika vətəndaşı ürəyi istəyən avtomobil ala biləcək, neft və yanacaq qiymətləri isə aşağı düşəcək (bunu dolayısıyla vurğuladı).
⠀
🔹 Sirr deyil ki, bu ölkədə avtomobil bir kultdur, şəhərlərin əksəriyyəti isə elə qurulub ki, avtomobilsiz həyat yaşaya bilmərsən. Nəticə olaraq, məsafələr çox böyük, parkinqlərlə verilmiş böyük kvartallar, piyada infrastrukturu bərbad, ictimai nəqliyyat və dəmiryolunun zəif inkişafı, kilometrlərlə ölçülən tıxaclar, səs və ekoloji kirliyi...
⠀
💡Qısa bir fakt: ABŞ-da avtomobilləşmə səviyyəsi 91,7% təşkil edir. Müqayisə üçün Azərbaycanda bu rəqəm 17%-dir. İndi isə D.Tramp deyir ki, biz avtomobilləri daha da əlçatan edəcəyik. İndi buna hər hansı bir dövlət investisiya ayıracaq yoxsa yox — bu açıqlanmır.
⠀
❗️ Amma başqa bir maraqlı rəqəm var. Hər il tıxaclar ABŞ iqtisadiyyatına 166 milyard dollar ziyan vurur.
⠀
🔹 Təbii ki, Amerikada hər bir ştatın öz büdcəsi var, nəqliyyat sahəsində qərarları özü verə bilir, lakin ABŞ tıxaclardan qurtulmaq istəyirsə, heç olmasa bir az da olsa alternativ istiqamətdə düşünməlidir. Hətta siyasi çıxışlar səviyyəsində bunu hərdən vurğulamaq lazımdır. Avtomobil kultunu yeritməklə isə sadəcə daha çox avtomobil istifadəsini və daha da bərbad tıxaclara gətirib çıxaracaq.
⠀
📸 Fotoda: Los Ancelesdə 7-zolaqlı yolda müşahidə olunan tıxac.

#ABŞ

1,222

İnsan yönümlü şəhərlər ️

20 Jan, 15:36

🚶 Neftçilər prospektindəki piyada və velokeçidinin faydası.

🚦 Əvvəl avtomobil hərəkətini nizamlayan işıqfor indi şəhəri piyada və velosipedçilər üçün daha əlçatan etdi.

#piyadakeçidləri

1,394

İnsan yönümlü şəhərlər ️

19 Jan, 14:54

🎙️ Baş plan — bir il keçdi, nə dəyişdi?
⠀
Bakı şəhərinin baş planın təsdiqindən düz bir il keçir. Bu bir il ərzində şəhərdə bəzi dəyişikliklər görsə də, perspektivimiz tam məlum deyil.
⠀
Bu sənədi ətraflı təhlil edən şəhərsalma üzrə memar Dilqəm İsmayılov öz fikirlərini, təkliflərini və xarici təcrübəni növbəti podkastımızda paylaşdı.
⠀
➡️ https://youtu.be/bOXnb9uPhOM
⠀
#podkast

2,472

İnsan yönümlü şəhərlər ️

19 Jan, 13:16

Şəhərsalma komitəsi reaksiya verib. Söküntü işləri dayandırılıb.

1,333

İnsan yönümlü şəhərlər ️

19 Jan, 10:18

🔺 Deyəsən, Sovetskidə olan-qalan tarixi binaları sökməyə başlayıblar.

Bu tarixi kvartalları niyə saxlamaq lazımdır haqqında çox yazdıq və ətraflı vloq çəkdik.

Lakin bu videodan görünən odur ki, söküntü prosesi artıq başladı.

1,450

İnsan yönümlü şəhərlər ️

18 Jan, 13:45

İmişlidə baş verən qəza haqqında.

1,339

İnsan yönümlü şəhərlər ️

17 Jan, 13:53

🚝 Bakı-Sumqayıt monorels layihəsi - yaxşı ki reallşamadı.
⠀
🔺 Belə bir şəkil göndərdilər, yazırlar ki, vaxtilə (hələ köhnə nazirliyinin vaxtında) Bakı-Sumqayıt arasında monorels tipli nəqliyyat təklif olunurdu. Amma yaxşı ki, bu nəqliyyat Bakıya gəlmədi, çünki bu böyük bir səhv olardı.
⠀
🔸 Monorels futurustik və müasir nəqliyyat növü kimi görsənsə də, o çox böyük büdcələr tələb edir.
⠀
🔸 Adi qatar və tramvaylardan fərqli olaraq, burada tam fərqli texnologiyalar istifadə olunur. Fərqli "relslər", fərqli qatarlar, yerüstü platformalar daha bahalıdır, estakadalar tikilməlidir, ehtiyat hissələri və qulluq — bir sözlə - büdcəyə bir yükdür.
⠀
🔸 Moskvada salınan monorels ziyana işləyir, hər il saxlanılmasına büdcədən pul ayrılır. Vaxtaşarı olaraq sökülməsi təklif olunur.
⠀
❌ Bakıya belə eksperimentlər lazım deyil. Mövcud qatar hərəkət edir, əlavə qatarlar almaqla intervalları azaltmaq olar. Eyni zamanda, Bakı-Sumqayıt yolunda ayrılmış zolaq var, bunu misal üçün metrobus tipli də etmək olar (BRT).

🔸 Dünyada bəzi monorels layihələri olsa da, şəhər nəqliyyatı kimi onları indiki zamanda heç kim inşa etmir.

❗️ P.S. Hələ fikir verin şəkildə göstərilən arqumentlərin arasında "avtonəqliyyatın fasiləsiz hərəkəti" göstərilib. Yəni, hətta o dövrdə bunu təklif edənlər avtomobil yönümlü düşünürdü.

1,584

İnsan yönümlü şəhərlər ️

16 Jan, 14:31

🔺 Tıxacların həllini geniş yollarda axtaranlara hər dəfə Yusif Səfərov küçəsini göstərin.
⠀
🔸 10-zolaqlıq yoldur. Faktiki şəhər daxilində maqistral. Lakin pik və qeyri-pik saatlarında burada tıxaca düşə bilərsiniz.
⠀
🚍 Yaxşı ki, burada heç olmasa ictimai nəqliyyat fasiləsiz hərəkət edə bilir.

📸 Video: instagram / Azerbaycan.

1,451

İnsan yönümlü şəhərlər ️

15 Jan, 12:02

🔄 Təhlükəsizlik adacıqlarının səkilərə qatılması — 🇺🇦 Dneprdən əla nümunələr.
⠀
🔹 Hərəkət zolaqları yenidən nişanlanır, "artıq" hissədə təhlükəsizlik adacıqlar yaradılır, bir müddət sonra isə səki tikilir.
⠀
❗️ Bakıya da təcili olaraq bu cür səki islahatları lazımdır. İki gün öncə göstərdiyim Droqal döngəsində bu cür etmək olar, misal üçün.
⠀
📸 Foto: Urban Dnipro.
⠀
#səkilər #əvvəlsonra

1,313

İnsan yönümlü şəhərlər ️

14 Jan, 17:19

⭕️ Ukrayna dairəsinin ən yaxşı həllini Road Safety səhifəsi fikirləşdi 😁

2,264

İnsan yönümlü şəhərlər ️

14 Jan, 11:24

🚊 Tramvay dar küçələrin "əsl malıdır". 🇨🇿 Praqa bunu ən yaxşı misalıdır.
⠀
🇦🇿 Bakıya tramvayın qayıtmasının müzakirələri hələ də davam edir, və hətta bəzi ekspertlər tramvayın Bakının dar küçələrinə sıxmayacağını kontr-arqument kimi gətirir.
⠀
🔹 Birincisi, Bakının əksər küçələri heç də dar deyil, tarixi mərkəzi çıxsaq demək olar ki hər yerdə ən azı 4 zolaqlı yollardır. Lakin hətta dar küçələr üçün ən effektiv nəqliyyat elə tramvaydır.
⠀
☑️ Müasir tramvayın eni təxmini 15-20% avtobusdan kiçikdir.
⠀
☑️ Tramvayın kiçik seksiyaları var, deməli avtobusdan fərqli olaraq o döngələrdə daha çevikdir.
⠀
☑️ Tramvay sırf ona ayrılmış yol ilə gedir, bunu öncədən hesablayıb hərəkətini millimetrə qədər proqnozlaşdırmaq olar.
⠀
☑️ Tramvaya əlavə vaqonlar qoşub avtobusdan qat-qat daha çox sərnişin daşımaq olar. Avtobusda 80-100 nəfər, tramvayda 200-400 nəfər.
⠀
📸 Fotolarda Praqanın mərkəzində hərəkət edən müxtəlif nəsilə aid tramvaylardır. Sadalanan faktların yaxşı sübutudur. Video sübutuna isə bu şəhərdən çəkdiyim vloqdan baxa bilərsiniz.

#Praqa #tramvay

1,465

İnsan yönümlü şəhərlər ️

13 Jan, 11:47

⬆️ İzləyicilərin göndərdiyi fotolarda səhər paylaşılan məqam öz sübutunu tapır.

Təhlükəsiz adacıqlarında sürücülər necə gəldi saxlayır. Ona görə bu adacıqlar fiziki olaraq səkiyə çevrilməlidir.

1,367

İnsan yönümlü şəhərlər ️

03 Jan, 07:30

🚲 Bakının yeni velosiped zolaqları qış vaxtında boş olur, Bakının iqlimi velosiped sürmək üçün uyğun deyil — bu cür fikirləri güman ki, eşitmisiniz.
⠀
💡 Lakin həm xarici təcrübə, həm də ekspertlər deyir ki, soyuq havada müvafiq qaydalara riayət etməklə normal şəkildə velosiped nəqliyyat kimi istifadə etmək olur. Hətta, APAR veloicarədən istifadə edən var, çünki şərait yaradılıb.
⠀
🔹 Yeni vloqda bu mövzunu daha dərin araşdırıb və, necə deyərlər, "mifləri dağıdırıq".
⠀
➡️ https://youtu.be/3MxIpCzPsPo

#vloq

716

İnsan yönümlü şəhərlər ️

02 Jan, 12:30

⬆️ Yəgin ki, gələcək nəsillər bu cür işlərə baxıb bizə güləcəklər.
⠀
🇦🇿 Ağcabədidə eynisəviyyəli piyada keçidi olan yerdə yerüstü keçid tikilib. Yolun dar hissəsinə düşür, sadəcə adacıqlarla buranı daha təhlükəsiz etmək olardı.
⠀
🔸 Lakin əvəzində böyük maliyyə və vaxt tələb edən, heç bir əlçatanlığı olmayan yerüstü keçidinin tikintisinə qərar verilib.
⠀
⚠️ İndi bu ərazi yeni qəza ocağı olacaq, çünki insanlar təbii olaraq yenə də keçidin altından keçəcək, sürücülər isə yerüstü keçidi görüb piyadaları gözləməyəcək.
⠀
🔸 Regionlarda yerüstü keçid tikmək deyəsən yeni dəbə çevrilib, bundan əvvəl Cəlilabaddan belə xəbərlər gəlmişdi. Bu heç də yaxşı tendensiya deyil və yeni qəzalara gətirib çıxaracaq.
⠀
#piyadakeçidləri

893

İnsan yönümlü şəhərlər ️

01 Jan, 17:10

❓ "Patreon" nədir və sizi niyə hər zaman dəstək olmağa çağırıram?
⠀
🔹 Təəssüf ki, Azərbaycanda kontent yaradan müəlliflərə dəstək göstərmək mədəniyyəti çox aşağıdır. YouTube-kanalını yaradanda əsas məqsəd maarifləndirmək, digər ölkələrin təcrübəsini göstərmək, Bakı və regionlardakı problemlərdən və çıxış yollarından danışmaq, — bir sözlə urbanistika mövzusunda faydalı və eyni zamanda maraqlı kontent yaratmaq olub.
⠀
🔹 Həm kanalda, həm digər sosial media hesablarında izləyicilərin artması yəgin ki, bu işin boşuna aparılmamasının göstəricisidir. Bugün minlərlə həmyerlimiz "insan yönümlü və müasir şəhər" necə olmalıdır, onun prinsiplərin nədir haqqında məlumatlıdır.

5-10 il əvvəl "geniş yollar və yeraltı keçidlər çox olmalıdır" deyənlər, bu gün öz küçəsində geniş səki və təhlükəsiz keçid tələb edirlər.
⠀
❗️ Lakin daha vacib məsələ odur ki, paylaşdığımız və danışdığımız mövzular şəhərdəki baş verən proseslərə təsir edir. Göstərdiyimiz uğurlu misallar artıq Bakıda tətbiq olunur, işıqlandırdığımız məsələlərə və müraciətlərə dövlət qurumlarından cavab gəlir, səhvlər düzəldilir.
⠀
🔹 Bu il də faydalı və maraqlı məzmunun hazırlanmasına davam etmək istəyirik. Bu işdə bizə ən yaxşı dəstək Patreon platformasında qoşulmaqdır. Çünki hətta kiçik, lakin müntəzəm şəkildə aylıq ianələr bizə işimizi planlaşdırılmış şəkildə davam etməyə kömək edir.
⠀
☑️ Əvəzində siz (sponsor statusundan asılı olaraq):
— yeni videoları və podkastları daha tez görəcəksiniz;
— əsas videolara düşməyən fraqmentləri görəcəksiniz;
— qapalı müzakirə qrupuna dəvət alacaqsınız;
— kitab və suvenirlər hədiyyə alacaqsınız;
— canlı görüşlərə dəvət olunacaqsınız.
⠀
💡 Yeni il bayramı ilə əlaqədar olaraq isə, yanvarın 4-nə qədər "URBAN2025" promokodu ilə abunəliyi 50% endirimlə rəsmiləşdirə bilərsiniz.
⠀
➡️ patreon.com/city4people
⠀
Dəstəyini əsirgəməyən hər kəsə təşəkkürlər. 🙏

982

İnsan yönümlü şəhərlər ️

31 Dec, 11:57

🇦🇿 Tarixi Gəncə, velosiped yolları ilə məşhur Qusar, Bakıya oxşar Sofiya, insan yönümlü Praqa — bu il sizin üçün 10 şəhərdən 25 geniş vloq gətirdik.
⠀
Dəstək olan hər kəsə təşəkkür! Siz də dəstəyinizi əsirgəməyin.
⠀
Gələn il görüşənədək ✌️ Yeni ildə hər kəsə uğurlar! 💚

1,024

İnsan yönümlü şəhərlər ️

30 Dec, 16:37

✅ Bu il nə gördük və gələn ildən nə gözləyək?
⠀
🔹 2024-cü il ən azı urbanistik cəhətdən Bakıya çox yenilik gətirdi.
⠀
🔹 İlk dəfə olaraq, Bakıda geniş velozolaqlar şəbəkəsinin təməli qoyuldu, avtobus zolaqları hətta heç vaxt təsəvvür edilməyən küçələrdə salındı, şəhərin geniş bir ərazisində piyada zonalar yaradıldı.
⠀
🔹 Bu islahatları çoxları "COP29" tədbirinə bağlayır və gələn ildə bunların davamını gözləmir. Sürücülər deyir ki, tıxaclar daha da artdı, amma bir milyona yaxın avtobus sərnişinlərinin daha tez evinə çatmasından danışan azdır. Heç rəqəmlərə baxmadan Bakıda velosiped və skuter istifadəçilərin sayının artmasını müşahidə etmək olar.
⠀
🔸 Təbii ki, "hər şey əladır" demək tezdir. Ona görə, növbəti ildə islahatlar mütləq davam etdirilməlidir, bunları yarımçıq qoymaq böyük səhv olar.
⠀
☑️ 2025-ci ildə bu istiqamətdə addımların atılmasına ümidim var:
⠀
🔘 İctimai nəqliyyatın "brutto müqavilə" sisteminə keçməsi, gündəlik, aylıq və endirimli tariflərin tətbiq edilməsi;
🔘 Avtobusların hərəkət cədvəlinin müəyyən edilməsi, dayanacaqlarda bu haqda məlumatın olması;
🔘 Yeni metrostansiyaların tikintisinə diqqət və maliyyənin ayrılması;
🔘 Tramvayın bərpasına dair qərarın verilməsi. Relsi nəqliyyat Bakıya hava-su kimi lazımdır;
🔘 Səkilərə böyük diqqətin ayrılması, çatışmayan küçələrdə səkilərin tikintisi və bərpası;
🔘 Velosiped zolaqların şəbəkələşməsi, velosiped və skuterin real alternativ nəqliyyata çevrilməsi üçün infrastrukturun yaradılması;
🔘 Və təbii ki, regionlarda urbanistik islahatların atılmasına start verilməsi. Azərbaycan tək Bakıdan ibarət deyil.
⠀
🔹 Çox ümumi səslənsə də, ən azı proseslərin başlanılması özü bir uğur olar.
⠀
🇦🇿 Xüsusilə Bakıda mobillik çox ağsayır. Bu, şəhər iqtisadiyyatına, insanların sağlamlığına, rifahına, əhvali-ruhiyyəsinə, yol təhlükəsizliyinə mənfi təsir edir. Bunun çıxış yolları, əlbəttə ki, var. Dünya təcrübəsində uğurlu misallar çoxdur.
⠀
✅ Gəlin, birgə maariflənək, yaxşı layihələrə dəstək verək, bəyənmədiklərimizə dair rəy bildərək və müraciətlər yazmaqla şəhərlərimizi daha insan yönümlü edək.
⠀
#analitika

1,248

İnsan yönümlü şəhərlər ️

29 Dec, 13:56

Ağır bir həftənin ədalətli yekunu.

Son ana qədər qəhrəmancasına təyyarəni idarə edən və 29 nəfərin həyatını xilas edən, lakin özü qəzanın qurbanına çevrilən AZAL uçuş heyətinə Milli Qəhrəman adı verildi.

Pilotlar İqor Kşnyakin, Aleksandr Kalyaninov və təyyarə bələdçisi Hökümə Əliyeva — siz əsl qəhrəmansınız.

Ruhunuz şad olsun. ❤️

1,272

İnsan yönümlü şəhərlər ️

28 Dec, 13:07

🚞 Gələn aydan Bakı-Balakən-Bakı qatar marşrutu bərpa olunur.
⠀
🔹 Son hadisələrin fonunda bu xəbər kölgədə qaldı, lakin bu marşrutun ilk dəfə pandemiyadan sonra bərpa olunması vacib xəbərdir.
⠀
🔹 Kim bilmirsə, son illər açılan Ağstafa və Qəbələ istiqamətində sürət qatarları deyil, klassik yataq tipli, lakin yenilənmiş vaqonlardan ibarət olan qatardır.
⠀
🔹 Tipik gecə qatarıdır, axşam 23:50 yola düşür, Balakənə saat 08:10-da çatır. İndiki infrastruktura görə təbii ki, Qəbələyə və Gəncəyə gedən sürətli “Stadler”lə müqayisə olunası deyil.
⠀
⚠️ Lakin nəzərə alaq ki, yataq tipli qatarlarda adətən sürət yox, rahatlıq prioritetdir ki, gecə vaxtı yatmaq mümkün olsun. Ümid edək ki, seçim olaraq bu istiqamətdə sürətli qatar da işləsin.
⠀
🔸 Və nəhayət, qiymət. ADY bu yaxınlarda dinamik qiymət siyasətinə keçib, belə ki, yüksək tələbat dövrü və adi günlərə əsasən tariflər fərqlənir (aviaşirkətlərdə, xarici ölkələrin dəmiryol nəqliyyatında olduğu kimi). Balakənə 17 AZN, daha yaxın Şəkiyə isə 15 manatdan başlayır (standart sinif). Ümumi 10 dayanacaq olacaq.
⠀
❓ İndi bu gedişlər nə dərəcədə öz qiymətini doğruldacaq, səyahət nə dərəcədə komfortlu olacaq, avtomobil və avtobusla nisbətən rəqabətli olacaq — bunu zaman və rəylər göstərəcək.
⠀
☑️ Son dəfə bu istiqamətdə 2012-ci ildə səyahət etmişəm, müqayisə etmək maraqlı olar. Qatar mövzuları maraqlıdırsa və qatar haqqında vloqlar görmək istəyirsinizsə ❤️ atın.
⠀
#qatarlar

1,558

İnsan yönümlü şəhərlər ️

27 Dec, 15:35

İzləyicidən yaxşı xəbər var.

Nizami küçəsində kəsilən səkini bərpa etdilər.

#səkilər

1,569

İnsan yönümlü şəhərlər ️

25 Dec, 15:24

💬 “Bizi kədərləndirən insanların kütləvi və gözlənilməz ölümüdür.

Halbuki, 2023-cü ildə ölkənin avtomobil yollarında 862 nəfər həlak olub. Qəzaların bəzilərinə yüksək sürət, bir çoxuna yolun işıqlandırılmaması, piyada keçidlərinin əlçatan olmaması, nahamar yol örtüyü, yolayrıcılarının düzgün təşkil olunmaması, bərbad infrastruktur səbəb olub.

Bu rəqəmlər hər il aşağı yuxarı eyni olur. 2024-cü ilin ilk 6 ayında 333 nəfər avtomobil qəzasında həyatını itirib.”

⬆️ Postu yazan İlkin Babayev ilə razıyam.

🔹 Əlavə edim ki, yol nəqliyyat hadisələri qarşısı alına biləcək ölümlərə daxildir və daha təhlükəsiz infrastruktur yaratmaqla bunu etmək mümkündür.

Təbii ki, bu fakt bugünki faciənin ağırlığını inkar etmir. Əminəm ki, araşdırma aparılacaq, nəticələr çıxarılacaq və bu cür qəzalar təkrar olunmaması üçün müvafiq tədbirlər görüləcək.

#qəzalar

1,880

İnsan yönümlü şəhərlər ️

25 Dec, 09:31

İndi isə Facebook-da aviasiya üzrə “ekspertlər” peyda olub, öz versiyalarını irəli sürür.
⠀
Təyyarə statistikaya görə ən təhlükəsiz nəqliyyat vasitəsidir, hər bir hadisə çox ciddi araşdırılır, aylar sonra rəy çıxarılır. Heç olmasa, “public”-də hər ağla gələn yazılmasın.
⠀
İlin sonunu dəhşətli bir hadisə ilə bitiririk. Allah ölənlərə rəhmət eləsin!

1,854

İnsan yönümlü şəhərlər ️

24 Dec, 15:43

🇦🇿 Gəncə insan yönümlü olmaq üçün tarixi bir şans.
⠀
❗️Gələn il Gəncə üçün qərarverici bir il olacaq.
⠀
🔹 Uzun illərdir ölkənin ikinci ən böyük şəhərində heç bir urbanistik islahat aparılmamışdır. İctimai nəqliyyat yumşaq desək çox zəif, şəhər infrastrukturunda isə heç bir müasir həllər tətbiq edilməmişdi.
⠀
🔹 İndi Gəncə üçün bir şans yaranıb. Dövlət başçısı elan edib ki, 2025-ci ildə Gəncədə nəqliyyat və şəhər infrastrukturu sahəsində yeni layihələr icra olunacaq. Və şəhər indi qərar verməlidir — ya burada vaxtilə Bakıdakı səhvləri buraxacaqlar — yolları genişləndirəcəklər, yeni körpülər və tunellər tikəcəklər, və yaxud da Bakının səhvlərindən öyrənib Gəncəni insan yönümlü edəcəklər.
⠀
🟢 Daha konkret danışsaq, şəhəri insan yönümlü etmək üçün:
⠀
☑️ Səkilə bərpa edilməli və genişləndirilməlidir;

☑️ Tarixi binaların bərpasına yanaşma dəyişməlidir, dizayn-kod qəbul edilməlidir;

☑️ Gəncənin əsas turistik məkanlarından biri olan Cavad xan küçəsinin ətrafındakı küçələr də piyadalaşdırılmalıdır;

☑️ Müasir standartlara cavab verən ictimai nəqliyyat təşkil edilməlidir (idealda tramvay bərpa olunmalıdır);

☑️ Geniş velosiped şəbəkəsi təşkil edilməlidir.
⠀
🔹 Gəncədən geniş urbanistik vloqumuz olub, bir çox məsələləri işıqlandırmışıq. Ümid edirəm Gəncədə aparılan islahatlar onu Qafqazın ən gözəl şəhərlərinə çevirmək üçün bir şans olacaq.
⠀
✌️ Gəncəlilərə uğurlar, təhlükəsiz və rahat şəhərdə yaşamaq arzulayıram. Bu posta bir ildən sonra qayıdarıq.

📸: Şəkil süni intellektin köməyi hazırlanıb.

#Gəncə

3,243

İnsan yönümlü şəhərlər ️

24 Dec, 08:15

🚲 Xəqani Rüstəmov küçəsindən yaxşı nümunə. Velosiped zolaqları küçənin hər iki tərəfində təşkil olundu.
⠀
🔹 Parkinq cibinə daxil olmadan küçə boyu davam edir.
⠀
#velosipedzolaqları #minivloq

2,786

İnsan yönümlü şəhərlər ️

23 Dec, 11:40

🔺 Keşlə bazarının söküntüsü təxirə salınsa da, lakin digər önəmli məsələ — bu ərazidəki yaşıllıqdır.
⠀
🔸 Bu ilin may ayında xəbər paylaşılmışdır ki, Bakıda yeni yol salınacaq, bunun üçün Keşlə bazarı söküləcək və paylaşılan layihədən görünür ki, ağaclar da bu ərazidə məhv olunacaq.
⠀
🔸 TV kanalların əksəriyyəti bunu “tıxac probleminin həlli” kimi təqdim edirlər, lakin unutmayaq ki, urbanistikanın fundamental qanunu var — daha çox yol, daha çox maşın cəlb edir. Heç bir yol qovşağı Bakıda tıxac problemini həll edə bilməz.
⠀
🔹 Tıxac probleminin həlli — yaxşı ictimai nəqliyyat, ayrılmış avtobus zolaqları, velosiped zolaqları, tramvayın bərpa edilməsi və metronun sürətli inkişafından keçir.

2,441

İnsan yönümlü şəhərlər ️

21 Dec, 09:07

🚇 Metrodan gələn il üçün gözləntiləriniz nədir?

#sorğu

1,812

İnsan yönümlü şəhərlər ️

20 Dec, 15:29

🎙 YENİ PODKAST!
⠀
Kanalda və səhifələrdə urbanistika haqqında danışanda hər zaman uğurlu xarici təcrübəyə istinad edirik. Bəs belə müqayisələr aparmaq düzgündürmü? Ümumiyyətlə Bakı hansı ölkə və şəhərlərə baxıb nümunə götürməlidir?
⠀
Bugün İsveçdə təhsil alan urbanist-tətqiqatçı Bayram Axundovda bu və digər mövzulara aydınlıq gətirdik.
⠀
➡️ https://youtu.be/jt4bAt7xNj4
⠀
Bu platformalarda həmçinin dinləyə bilərsiniz:

☑️ Apple Podcast
☑️ Spotify

3,120

İnsan yönümlü şəhərlər ️

20 Dec, 10:38

⬆️ Belə küçədə piyada gəzmək istəyərdiniz?
⠀
💬 Hərdən yazırlar ki, Babək prospektində onsuzda piyada gəzən yoxdur, orada səkilər elə parkinq kimi istifadə olunsa problem deyil. Lakin sözügedən prospektin yalnız bir hissəsində çəkilən bu fotolara baxın.
⠀
🔺 Dağıdılmış bordürlar, pillələr... Baryersiz mühitdən söhbət gedə bilməz. Bu cür aqressiv mühitdə nəyinki əlil arabası ilə, heç sağlam insan normal hərəkət edə bilməz.
⠀
🔹 Piyadaları qınamaqdan öncə, gəlin birinci onlar üçün şərait yaradaq.

4,444

İnsan yönümlü şəhərlər ️

20 Dec, 06:06

✅ “Sadə həllər — effektiv nəticələr” rubrikası.
⠀
❓ Qaldırılmış kəsişmələr küçəyə nə verir?
⠀
🇩🇪 Fotolarda Almaniyanın Şverin şəhəridir. Burada örtük materialının dəyişməsi ilə sürücülərə işarə verilir ki, sürəti azaltmaq lazımdır. Eyni zamanda, döşəmə daşları hamarlanıb ki, araba ilə hərəkət edənlər rahat keçə bilsin.
⠀
🔹 Bundan əlavə, qaldırılmış hissənin önündə yağış sularının axması üçün kanalizasiya lükları nəzərdə tutulub ki, yağışlı havalarda burada gölməçələr yaranmasın.
⠀
🔹 İctimai nəqliyyatın keçmədiyi yaşayış zonalarında belə kəsişmələr küçələri qat-qat daha təhlükəsiz edir.
⠀
#təhlükəsizlik

2,664

İnsan yönümlü şəhərlər ️

19 Dec, 12:28

💬 “Ağır tıxaclar avtobus və velosiped zolaqlarından sonra başladı” deyənlər üçün fotolar.
⠀
🔹 Bəzən yaddaşımız çox qısa olur. Bakıda tıxaclar son 15 il ərzində müşahidə olunursa, son 5 il ərzində onlar lap ağır səviyyəyə çatıb.
⠀
🔹 Bütün dünyada ayrılmış avtobus və velosiped zolaqları məhz tıxaclara alternativ kimi salınır. Tıxaclarla mübarizənin yeganə yolu — küçəyə çıxan avtomobil sayının azaldılmasıdır.
⠀
🔸 Məhz AZALDILMASI, tam ləğvi deyil, bəzi sürücülər bunu səhv bu yozur. Bu gün ictimai nəqliyyatdan və velosipeddən istifadə edənlərə birinci növbədə elə sürücülər təşəkkür etməlidir ki, onlar yola maşınla (ya taksi ilə) çıxıb əlavə tıxac yaratmayablar.
⠀
🔹 Bu gün Bakıda salınan avtobus və velosiped zolaqları minlərlə insanın mobilliyini artırıb. Daha detallı statisika da paylaşılsaydı bəlkə arqumentlər daha inandırıcı olardı.
⠀
📸 Fotolar 2021-2022-ci illərə aiddir.
⠀
#tıxaclar

1,585

İnsan yönümlü şəhərlər ️

09 Dec, 09:41

🇵🇱 Varşavada insan həyatlarını necə xilas edirlər?
⠀
🔸 Ötən il Varşavada yol qəzalarında cəmi 29 nəfər həyatını itirib. Müqayisə üçün, Bakıda bu göstərici 188 nəfər olub (6 dəfədən çox). İndi deyəcəksiniz, "Varşava axı Bakıdan balacadır", amma 1991-ci ildə Varşavada bu rəqəm 314 idi.
⠀
❓ Bəs insanları xilas etmək üçün şəhər bələdiyyəsi nə edir? Artıq sizə dəfələrlə danışdığım "Vision Zero" proqramının təcrübəsinə əsaslanaraq təhlükəli kəsişmələri və piyada keçidlərini müəyyən edib və hər il onların təkmilləşdirməsinə 40 milyon zlot (təxmini 10 milyon dollar) xərcləyir. Sürücülər üçün bəzi cərimələr $1200-a qaldırılıb (bu çox böyük rəqəmdir, orta maaş Polşada $1550).
⠀
🔸 Varşavadan geniş urbanistik vloq paylaşmışdım, yəgin ki əksər küçələrin nə dərəcədə təhlükəsiz olduğuna fikir verdiniz. Ayrıca olaraq piyada keçidlərində təhlükəsizlik adacıqlarını göstərmişdim.
⠀
⚠️ "Vision Zero" yol hərəkətinin təhlükəsizliyinə dair ən uğurlu proqramıdır. Vətəni İsveç olsa da, bu gün bir çox ölkələrində tətbiq olunur. Biz də həyatlarımızı xilas etmək istəyiriksə, bu proqramı qəbul və tətbiq etməliyik.
⠀
✍️ Araşdırma haqqında daha ətraflı Bloomberg-in məqaləsində oxuya bilərsiniz.
⠀
#visionzero #qəzalar #varşava

600

İnsan yönümlü şəhərlər ️

07 Dec, 11:45

📊 Dostlar, sorğumuz davam edir.

2 dəqiqə vaxt ayırıb, şəhərdə mobillik haqqında anketi doldurun. Artıq bir mənzərə ortada var, lakin daha çox rəy daha düzgün nəticələrə çıxaracaq.

Hər bir səs önəmlidir:

➡️ https://forms.gle/ao5bBrz9DRNCwffW8

886

İnsan yönümlü şəhərlər ️

06 Dec, 13:52

⬆️ Lövhələri artıq quraşdırmağa başlayıblar.

1,057

İnsan yönümlü şəhərlər ️

06 Dec, 10:21

🚇 Yeni metrostansiyasının görünüşü belə ola bilər.
⠀
🔸 Hazırda tikintisi davam edən B-4 stansiyasının konsept fotoları paylaşılıb. Şəkillərdə “Qələbə” adı şərtidir, stansiyanın rəsmi adı hələ yoxdur.
⠀
🔸 Metrostansiya bənövşəyi xəttində yerləşir, “8 noyabr”-dan sonra gələcək.
⠀
📸 Paylaşdı: @bakinskiy.mawinist
⠀
#metro

1,163

İnsan yönümlü şəhərlər ️

05 Dec, 14:11

🚊 Bir dəqiqəlik təsəvvür edin axşam işdən evə 2 saat tıxacda deyil, 20 dəqiqəyə belə tramvay ilə çatırsınız.

📍 Strasburq.

2,186

İnsan yönümlü şəhərlər ️

04 Dec, 12:28

🚲 “Caspian Plaza”dan Xətai metrosuna 19 dəqiqəyə velosipedlə çatdım.
⠀
Onun 5 dəqiqəsi Yusif Səfərov küçəsinin keçməsinə getdi. Bu küçədə svetofor fazaları çox ədalətsiz paylanılıb.
⠀
Cəfər Cabbarlı və Şixəli Qurbanov küçələri çıxmaq şərtilə, bütün səyahət velozolaqlarda baş verdi. Ən böyük “challenge” Qış Parkını keçməkdir. Burada bütün keçidlər yeraltıdır, şəhər mərkəzində bu vəziyyət qəbulolunmazdır.
⠀
Yol boyu N qədər velosipedçi və skuterlər istifadəçiləri (xanımlar daxil olmaqla) gördüm.
⠀
Bir sual, məndəki ssenaridə bundan yaxşı alternativ nə ola bilərdi?
⠀
🔹 Avtomobil ilə gedib küçələrdə əlavə tıxac yaradacaqdım, əlavə maşın üçün yer axtarmaq və parkinq ödəmək;
🔹 İctimai nəqliyyatda gedib əlavə vaxt itkisi və yer tutacaqdım;
🔹 Taksidə tıxacda ən azı 30 dəqiqə vaxt və əlavə 3-5 AZN.
⠀
✅ Yoxsa daha tez və pulsuz (abunəliyim var) variantdan istifadə etmək?
⠀
Təbii ki, bu ssenari hər dəfə uyğun olmaya bilər, kimsə bəlkə gülüb yan keçər, amma bu sadəcə şəhərdə mobilliyin çeşidli olmasının önəmli olmasının bir misalıdır.

1,166

İnsan yönümlü şəhərlər ️

02 Dec, 12:56

⬆️ Beləliklə, Bakıda avtobus zolaqların aktual xəritəsi belə görsənir.

Müəllif: Azər Axundov.

#avtobuszolaqları

1,666

İnsan yönümlü şəhərlər ️

02 Dec, 11:25

🚌 Azadlıq prospekti vacib dəhlizlərdən biridir, burada avtobus zolağının təşkili əla oldu.
⠀
🔹 Bircə o sağdakı cib də səkiyə qatılsaydı, bu sıx piyada axını olan küçədə daha geniş səki yaranardı.
⠀
#avtobuszolaqları

5,543

İnsan yönümlü şəhərlər ️

30 Nov, 13:18

🚌 “28 May” nəqliyyat habında belə bir stendlər quraşdırılır.

Güman ki, məlumat lövhələri olacaq.

#vağzalmeydanı

2,696

İnsan yönümlü şəhərlər ️

29 Nov, 13:22

⚡️ Özəl kanal üçün “Black Friday” endirimi.
⠀
💬 Dostlar, bilirsinizki, bizdə daha bir Telegram-kanal var. Bu kanalda public-də çıxmayan postlar, vloqların və podkastların anonsları, səhnəarxası görüntülər və öncədən linkləri paylaşıram.
⠀
🔹 Bu kanala qoşulmaqla həm eksklüziv kontent, həm işimizə dəstək göstərmiş olursunuz.
⠀
🔹 Məbləğ çox simvolikdir, əlavə olaraq bu gün qoşulan dostlar üçün xüsusi endirim var — 50%.
⠀
⚠️ Endirim çox limitli olacaq (ilk 10 nəfərə).
⠀
Dəstək üçün hər kəsə təşəkkür! 💚
⠀
➡️ Kanala giriş ⬅️

1,649

İnsan yönümlü şəhərlər ️

29 Nov, 10:05

🔄 Ukrayna dairəsində yaranan tıxac haqqında hər kəs danışır.
⠀
❓ Bir sual — işlər bitməmiş niyə nəticə çıxarırıq? Hər kəs şikayət edirdi ki, burada konflikt nöqtələri çoxdur, qəzalar baş verir. İndi burada bir layihə icra edirlər, eynisəviyyəli keçidlər təşkil edirlər. Ən azı bu məsələlər həllini tapacaq.
⠀
🔸 Vaxtilə belə "monstr" dairələr salmaq bir dəb idi (bütün post-sovet ölkələrində rast gəlmək olar), çünki "gigantizm"i sovetlər çox xoşlayırdı (dünənki podkastda bu haqda danışdıq). Səbr edək, baxaq nəticə necə olacaq.

1,597

İnsan yönümlü şəhərlər ️

28 Nov, 15:02

🎙 Bu axşam insan yönümlü podkastın ilk buraxılışını dinləmək sizi dəvət edirik.
⠀
Dilqəm İsmayılovla Bakının memarlığının bugünki vəziyyətindən və gələcəkdə mümkün olan addımlarından danışacağıq, Mikrorayonlar, stalinkalar, xruşovkalar və "novostroykalar"la nə edək? Ümumiyyətlə Bakı şəhərinin indiki şəhərsalma yanaşması onu hara aparacaq?
⠀
➡️ https://youtu.be/e8HcdKRUC14
⠀
✔️ Kanala dəstək.
✔️ Özəl Telegram-qrupunda müzakirə.

1,489

İnsan yönümlü şəhərlər ️

28 Nov, 13:16

🌳 Bu gün açılışı baş tutan Nəbatat bağı.

#parklar

1,624

İnsan yönümlü şəhərlər ️

28 Nov, 10:14

💫 Fəvvarələr meydanı və "Tarqovu" heç də hər zaman piyada zonaları olmayıb.
⠀
Bakının bu tarixi fotoları 1976-cı ilə aiddir. Bu küçələri indi bu cür təsəvvür etmək çətindir. Yəgin ki, 10 ildən sonra Əziz Əliyev küçəsinə də oxşar retrospektivdən baxacağıq.

📸 foto: baku.history
⠀
#tarixifoto

1,145

İnsan yönümlü şəhərlər ️

27 Nov, 07:05

📊 Bu infoqrafikada ən maraqlısı nədir?
⠀
🔹 Amsterdam və Kopenhagen dünyanın velosiped paytaxtlarıdır, bu aydındır. Lakin digər misallara baxın — Helsinki və Stokholm. Bu Skandinav paytaxtlarında iqlim Bakıdan daha sərtdir. Yağmurlu günlərin sayı da daha çoxdur.
⠀
🔸 Lakin inkişaf etmiş velosiped infrastrukturu sayəsində, bu ölkələrdə velosiped effektiv nəqliyyata çevrilib. Hətta şimali şəhərlərdə bu göstərici daha isti Barselonadan yüksəkdir.
⠀
🇦🇿 Müqayisə üçün, Bakıda velosipedin nəqliyyat kimi payı heç 1% təşkil etmir.
⠀
❗️ Bu diaqram üçün vacib bir qeyd əlavə etmək lazımdır. Çox vaxt Avropada insanlar çalışırlar iş yerindən çox uzaq yaşamasınlar. Amma bu yenə də veloinfrastrukturun yüksək səviyyədə inkişafı ilə birbaşa bağlıdır.

🇸🇪 Stokholm misalını bu reportajda göstərmişdim.
⠀
#infoqrafika

1,016

İnsan yönümlü şəhərlər ️

25 Nov, 08:39

🗳 Söz sizdə: Bakıda urbanistik islahatlara dair rəyinizi paylaşın.
⠀
🔹 2024-cü il Bakını dəyişdirən urbanistik islahatlarla yadda qalır. Bu il ərzində şəhərimizdə velosiped və avtobus zolaqları təşkil olundu, yeni piyada zonaları salındı, və bir sıra digər yeniliklər reallaşdı.
⠀
📊 Bəs sizin fikriniz necədir? Hansı islahatlar sizcə effektiv oldu, şəhərdə hərəkət edərkən davranışınız necə dəyişdi? 2 dəqiqə vaxt ayırıb sorğuda iştirak edə bilərsiniz. Sorğuların nəticələri açıq şəkildə saytımızda paylaşılacaq.
⠀
➡️ https://forms.gle/ao5bBrz9DRNCwffW8

1,936

İnsan yönümlü şəhərlər ️

24 Nov, 13:45

🚲 Son bir ildə velosiped istifadəçilərin sayı artıb və artmaqdadır.

🔹 Velozolaqlar qıraqdan boş görsənsə də, şəkildəki mənzərə də artıq nadir hal deyil.

🔹 Velosipedlər daha az yer tutur, avtomobillər kimi gözə çarpmır. Lakin infrastruktur genişləndikcə, istifadəçilər artır.

🔹 Bir dəqiqəlik fikirləşin ki, Bakıda bütün küçələrdə velosiped zolaqları var. Qısa məsafələrdə və müvafiq ssenariləedə velo və skuter ən yaxşı alternativə çevriləcək.

📍 Afiyəddin Cəlilov küçəsi.

#velosipedzolaqları

1,116

İnsan yönümlü şəhərlər ️

23 Nov, 12:42

🔹 8 noyabr prospektində daha bir svetofor va daha bir kəsişmə. Piyada və velosiped keçidləri də təşkil olunar çox güman ki.

⤵️

https://t.me/azerbaijantransport/3721

1,248

İnsan yönümlü şəhərlər ️

22 Nov, 15:52

💡 İzləyicidən kreativ ideya.

Ukrayna dairəsində eynisəviyyəli keçid təşkil olunsun, yerüstü keçid isə kafe kimi fəaliyyət göstərsin.

#izləyicilərdən

1,292

İnsan yönümlü şəhərlər ️

22 Nov, 10:04

⬆️ Ukrayna dairəsi belə olacaq.

Layihənin foto və videosu paylaşıldı.

Yerüstü keçid istisna olmaqla, hər tərəfdən eynisəviyyəli piyada keçidləri təşkil olunacaq.

1,294

İnsan yönümlü şəhərlər ️

22 Nov, 07:31

💬 "Şəhərləri avtomobillər üçün deyil, insanlar üçün edək".
⠀
🔹 Çox yox, 10 il bundan öncə bu ifadəni Azərbaycanda səsləndirənə gülərdilər. Lakin artıq bu konsepsiya hətta rəsmi səviyyədə bir strategiya kimi səsləndirilir.
⠀
🔹 COP29 çərçivəsində "Bolt" şirkətinin təşkil etdiyi "City for People in Baku: Transforming Urban Spaces for a Sustainable Future" tədbirində iştirak etdim. Spikerlər və panel iştirakçıları birmənalı olaraq Bakının gələcəyini insan yönümlü istiqamətində inkişaf etməsini vurğulamışdır.
⠀
🚲 Spikerlər arasında həmçinin bu yaxınlarda görüşdüyüm Parisdən Bakıya 6500 km velosipedlə yürüş edən "COP29 Bike Team" komandasının üzvü Guillaume Otrage da iştirak edib.

1,249

İnsan yönümlü şəhərlər ️

21 Nov, 16:21

❗️ Ukrayna dairəsindən yaxşı xəbər var.

Bu layihə deyəsən reallaşır.

Foto: İlkin Babayev.

1,224

İnsan yönümlü şəhərlər ️

21 Nov, 13:26

📍 8 noyabr prospektinin yenidənqurmasının əsas üstünlüklərindən həmçinin o oldu ki, burada bir neçə işıqforla tənzimlənən yeni kəsişmələr təşkil olundu.
⠀
🔹 Bu da öz növbəsində yeni eynisəviyyəli piyada keçidlərinin salınmasını mümkün etdi. Təbii ki, idealda, buradakı bütün yerüstü keçidlərin eynisəviyyəli alternativləri də yaradılmalıdır.
⠀
📸 Fotolarda: 8 Noyabr prospekti, Gəncə prospekti ilə Polad Həşimov küçəsinin yenilənən kəsişməsi.
⠀
#8noyabrprospekti

1,294

İnsan yönümlü şəhərlər ️

20 Nov, 16:25

🚌 Avtobus zolağının üstünlüyü.

#izləyicilərdən

1,211

İnsan yönümlü şəhərlər ️

20 Nov, 08:17

🚲 Moskvanın velosiped zolaqlarına baxaq.
⠀
🔹 Əsas diqqət çəkən məkan nədir? Velosiped zolaqlarına yanaşma bütün küçələrdə eyni deyil. Bufer zonasının olması arzuolunandır lakin hər yerdə mütləq deyil.
⠀
🔹 Hərəkət zolaqlarının sayı biri keçmirsə, velozolaqları təhlükəsiz buferi olmadan avtomobil yolu ilə birgə təşkil etmək olar. Bunu "Vision Zero" deyir".
⠀
🔹 Əksər hallarda isə zolaqlar birtərəfli və küçənən hər iki tərəfində salınır.
⠀
#Moskva #velosipedzolaqları

1,278

İnsan yönümlü şəhərlər ️

19 Nov, 14:11

❗️ 20 yanvar dairəsində İctimai Səhiyyə və İslahatlar Mərkəzinin binası "yenidənqurmadan" sonra.

1,356

İnsan yönümlü şəhərlər ️

17 Nov, 16:38

🌳 Mərkəzi Nəbatat Bağı yenidənqurmadan sonra.
⠀
Layihə və foto: MB Architects.

#parklar

1,589

İnsan yönümlü şəhərlər ️

17 Nov, 11:32

❗️ Hərdən sadəcə adam olmaq lazımdır.

Videonu izləyici göndərib yazır ki, iki nəfər “Apar” elektrik velosipedini icarəyə götürüb arxasında ayaq üstü gedir.

Sabah isə hadisə baş versə, velosipedlər tez sıradan çıxsa, yazacaqlar ki, “Bakıya yaraşmır”.

1,923

İnsan yönümlü şəhərlər ️

14 Nov, 15:36

❓ Niyə kredit? Öz pulumuz yoxdur ki?!
⠀
💬 Bu tip şərhlər bu gün müxtəlif səhifələrdə çox yazıldı. Yəni, 2-3 milyard manat nədir ki, Azərbaycanın büdcəsində belə məbləği tapmaq olmaz?
⠀
❗️ Gəlin 3 əsas məqamı vurğulayaq:
⠀
1️⃣ Birincisi, 2-3 milyard heç də aşağı məbləğ deyil, birdən birə dövlət büdcəsinə belə yük hər hansı bir infrastruktur layihəsinə verilmir. Hətta Qarabağın bərpasına dövlət büdcəsindən fiks məbləğ ayrılır hər il. Halbuki, indi bu ən prioritet məsələlərdən biridir.
⠀
2️⃣ Bu cür kreditlər (müxtəlif beynəlxalq investisiya və inkişaf banklarından) aşağı faizlə və uzun müddətə verilir (20-30 il də ola bilər). Beləliklə, bu borcu layihə inkişaf edərkən hissə-hissə, proqnozlaşdırılmış şəkildə qaytarırsan. Dövlət büdcəsinə böyük yük olmur.
⠀
3️⃣ Bu cür kreditlər imkan verir ki, bir sıra infrastruktur layihəsinə parallel başlayasan. Misal üçün, bütün büdcəni sən metroya ayırsan, sabah tramvay salmaq üçün (şərti olaraq) dövlət büdcəsində artıq maliyyə tapılmayacaq.
⠀
🔹 "Loru dilində" desək, təsəvvür edin 1000 AZN maaş alırsınız, amma evinizə həm soyuducu, həm paltaryuyan, həm kondisioner almaq lazımdır, əlavə kifayət qədər digər xərcləniz var. Gedib 500 manata bir avadanlıq almaqdansa, onu eyni qiymətə faizsiz sizə kredit verirlər, özü də 20 illik, aylıq ödənişi 5 manat.
⠀
🔹 Və məişət texnikasından fərqli olaraq, metrostansiyalar "köhnəlmir", şəhərə ömürlük qalır. Sadəcə illik bəzi əməliyyat xərcləri olur, onu öz büdcədən qarşılayırsan.
⠀
🔹 Və qeyd edim ki, belə kredit heç də hər ölkəyə verilmir. Gərək ölkənin kredit reytinqi yaxşı olsun, banklar əmin olsun ki, sən bu borcu qaytara biləcəksən (məişət kreditində də bu var, "credit score" deyirlər). Görünür ki, Azərbaycanın bu reytinqi yaxşıdır.
⠀
🚇 Bir sözlə, uzun illərdən sonra Bakı metrosunun tunelində işıq görsəndi, məncə buna sevinmək lazımdır. Milyonlarla Bakı sakininə üçün bu xeyir gətirəcək.
⠀
#metro #analitika

1,655

İnsan yönümlü şəhərlər ️

14 Nov, 09:17

🚇 Tramvayı bilmirəm, amma deyəsən nəhayət metronun inkişafına ümid yaranır.
⠀
🏦 Avropa İnvestisiya Bankı Bakıda metronun inkişafına pul (kredit) ayırmaq niyyətini təsdiq etdi. Yaxın illərdə 3-4 yeni stansiya və nəhayət qırmızı/yaşıl xətlərinin ayrılması mümkün görünür.

🔹 Beləliklə, intervalları azalacaq, milyonlarla Bakı sakinlərin mobilliyini artırmaq mümkün olacaq.
⠀
🔹 P.S. Hələ məbləğ haqqında açıqlanmır və saziş imzalanmayıb.
⠀
➡️ Metroda zəruri atılacaq addımlar haqqında ilin əvvəlində bu vloqda danışmışıq.

#metro

1,462

İnsan yönümlü şəhərlər ️

13 Nov, 11:32

🇬🇪 Tiflisdən tarixi binanın bərpa nümunəsi.

Sökmək əvəzinə yaşayış binalarına ikinci həyat vermək olar. Bu cür binalar və küçələr bizim regionun özünəməxsus tarixidir və şəhərə unikallıq, ab-hava qatan məkanlardır.

🇦🇿 Bakının heç olmasa tarixi hissəsində bu cür kvartallar saxlanılmalıdır.

1,444

İnsan yönümlü şəhərlər ️

12 Nov, 12:43

🔸 Bakının demək olar ki, son tarixi kvartalları və məhəllələri sökülə bilər.
⠀
💬 Bəziləri deyir ki, burada tarixi binalar saxlanılacaq, lakin tarix tək binalar deyil, ümumi olaraq küçələr və kvartallar deməkdir. Bunları necə qoruyaq, necə bərpa edək və nəyə görə bu çox önəmlidir?
⠀
🔹 Bu haqda memarlar Dilqəm İsmayılov və Abdul Hüseynov yeni vloqda danışdı.
⠀
➡️ https://youtu.be/uA4qfPfO9bI
⠀
✔️ Kanala dəstək.
✔️ Özəl Telegram-qrupunda müzakirə et.
⠀
#vloq

1,332

İnsan yönümlü şəhərlər ️

11 Nov, 14:54

📣 Müsabiqənin qalibi saat 19:00-da Instagram-da seçiləcək.

1,192

İnsan yönümlü şəhərlər ️

11 Nov, 06:28

✅ COP29-un Bakıya gətirdiyi ən yaxşı islahat bu oldu.
⠀
🔄 Vağzal meydanı və 28 May metrosunun ətrafı yenidənqurmadan əvvəl və sonra — sadəcə müqayisə edin. Əvvəllər xaotik və nizamsız məkan bu gün səliqəli nəqliyyat habına və əlçatan ictimai məkana çevrilib.

🔸 Bəzi nüanslar olsa belə, birmənalı bu dəyişikliyi uğurlu urbanistik transformasiya adlandırmaq olar.
⠀
#vağzalmeydanı #COP29 #əvvəlsonra

2,120

İnsan yönümlü şəhərlər ️

10 Nov, 10:00

❗️Bakının tarixi kvartallarını sökmək deyil, qorumaq və bərpa etmək lazımdır.
⠀
🔸 Həm buradakı tarixi binalarını, həm də Bakıya xas olan o mühiti və ruhu bu məhəlləlır daşıyır. Və onları İçərişəhər kimi gözəl turistik məkana çevirmək olar.
⠀
❗️ Amma deyilənə görə bura söküləcək, buna qətiyyən yol vermək olmaz. Onsuzda Bakının siması pozula-pozula gedir.

📸: Dilqəm İsmayılov

13,382

İnsan yönümlü şəhərlər ️

05 Nov, 16:43

🚍 Yeni elektrobuslar artıq Bakı küçələrində sınanılır.

1,785

İnsan yönümlü şəhərlər ️

05 Nov, 09:55

🚲 Dilarə Əliyeva küçəsində yeni salınan velosiped zolaqları haqqında.
⠀
🔸 Burada da velozolaqlar yolun bir tərəfində təşkil olunub. Nədənsə bu artıq bir standarta çevrilib, bu yanaşma hər yerdə tətbiq edilir. Baxmayaraq ki, bir təklifim olub ki, zolaqlar küçənin hər iki tərəfində olsun (çünki küçə özü çox canlı və ikitərəflidir), bunun üçün yolun kəsiyi tam şərait yaradır.
⠀
🔹 Fotolarda həmçinin Azadlıq prospektindən misallar gətirdim, orada yeni hərəkət təşkil olunandan sonra velozolaqlarda artıq kənar xəttdən istifadə olunmur, və bufer zonanı da daha kompakt etmək olur.
⠀
✅ Bu küçədə yenidən zolaqlanma işlərini aparmaq heç vaxt gec deyil. Velosiped zolaqları küçədə elə salınmalıdır ki, onlar həqiqətən velosipedi və skuteri bir nəqliyyat vasitəsi kimi istifadəsini stimullaşdırsın.

#velosipedzolaqları

805

İnsan yönümlü şəhərlər ️

03 Nov, 14:50

🚶 Uzun illərdən sonra, burada piyada keçidi təşkil olundu.
⠀
✍️ Dəfələrlə müraciətlər yazırdım ki, Şəmsi Bədəlbəyli və Azadlıq prospektinin kəsişməsində böyük piyada axını var, mütləq keçid lazımdır. Lakin imtina cavabı alırdım.
⠀
🔹 Artıq burada hərəkətinin təşkili dəyişir, svetofor qoşulacaq və bu ərazi daha təhlükəsiz olacaq.
⠀
#piyadakeçidləri

2,050

İnsan yönümlü şəhərlər ️

02 Nov, 15:05

Güman ki, bir çoxlarınız vloqlara birbaşa keçid edib baxırsınız, ya da YouTube özü tövsiyyə edir yeni videoları əsas səhifədə.

🔹 Amma xatırladıram ki, kanala abubə olsanız məndən suvenir qazana bilərsiniz.

🇩🇪 Berlindən tramvay suveniri bu müsabiqənin şərtlərini yerinə yetirənlərin birinə hədiyyə edəcəm.

✅ Müsabiqə hələ 1 həftə davam edəcək, qoşulmaq gec deyil. ✌️

#müsabiqə

1,124

İnsan yönümlü şəhərlər ️

01 Nov, 13:27

Vağzal meydanı. Yenidənqurmadan sonra ilk gün və ilk təəssüratlar.

#vağzalmeydanı #minivloq

1,135

İnsan yönümlü şəhərlər ️

01 Nov, 09:22

Gözün aydın, Bakı! 💚

#əvvəlsonra

1,286

İnsan yönümlü şəhərlər ️

01 Nov, 06:12

🌳 Dəmiryol vağzalı meydanı əsaslı təmirdən sonra rəsmi açıldı.
⠀
❗️ Bu transformasiya COP29 çərçivəsində ən önəmli urbanistik islahat oldu.
⠀
Artıq Bakı sakinləri öz şəhərinin əsas nəqliyyat meydanlarından utanmayacaqlar.
⠀
Foto: Bəxtiyar Haciyev.
⠀
#vağzalmeydanı

1,120

İnsan yönümlü şəhərlər ️

31 Oct, 15:53

🔹 Və gündəm ictimai nəqliyyatdırsa, gəlin daha bir uğurlu xarici təcrübəyə baxaq.
⠀
🇵🇱 Bu gün Varşavaya yollanırıq. Azərbaycan kimi keçmiş sosialistik Polşada bu gün müasir urbanistik islahatlar baş tutur.
⠀
🔄 Küçələr insan yönümlü transformasiyadan keçir, tunellər əvəzinə piyada zonaları yaradılır, metro və tramvay isə şəhərin bir çox hissəsini əhatə edir. Və maraqlıdır ki, Varşavada maaşlar Bakıdan çox olsa, ictimai nəqliyyatda gediş o qədər də baha deyil.
⠀
🔹 Videonun qonağı isə Varşavadan yaşayan həmyerlimiz və izləyicimiz İsmayıl Axundov olacaq.
⠀
✅ Yaxın əyləşin, maraqlı olacaq: https://youtu.be/ngdZsayyyQo

#Varşava #urbanvlog

1,825

İnsan yönümlü şəhərlər ️

31 Oct, 10:44

Ⓜ️ Metro xəbərləri. Yeni xətlər və stansiyalar haqqında bəzi planlar aydın oldu.
⠀
💬 Tədqiqatçı Azər Axundov yazır:
⠀
Daha öncə “Xocəsən” stansiyasının açılışında təqdim edilən istiqamətlərdən fərqli olaraq, bu sxemdə 2 prioritet istiqamət qeyd olunub:
⠀
🔹 Bənövşəyi xəttin Ağ Şəhərə kimi uzadılması.
🔹 Yaşıl xəttin “Həzi Aslanov” stansiyasına kimi uzadılması
⠀
Sxemdə bu işlərin icra olunması üçün 3.8-4 milyard AZN investisiyanın tələb olunduğu da qeyd olunub.
⠀
Sxemdə ən maraqlı məqam isə bənövşəyi xətdə yeni stansiyanın əlavə olunmasıdır. Belə ki, metronun təsdiqlənmiş konseptual sxemində bənövşəyi xətt üzrə “B-5” stansiyası Xarici İşlər Nazirliyi ətrafında, “B-6” stansiyası isə Hökümət Evi ətrafında nəzərdə tutulsa da, bu gün göstərilən sxemdə bu iki stansiyanın arasına yeni bir stansiya da əlavə olunub və qırmızı xəttin “Sahil” stansiyasına keçid kimi göstərilib.
⠀
Çox güman ki, bu plan hələ tam təsdiqlənməyib və bu səbəbdən sxemdə bənövşəyi xətt üzrə dəqiq stansiya sayı əvəzinə 5-6 stansiyanın tikintisi qeyd olunub. Yəni “Sahil” stansiyası yanında keçid stansiyası olarsa 6, olmasa 5 stansiya tikilməlidir. Bu əslində çox yaxşı fikirdir, çünki konseptual sxemdə bənövşəyi xətlə qırmızı xətt ancaq “Xalqlar Dostluğu” stansiyasında kəsişirdi.
⠀
“Sahil” stansiyasının şəhər mərkəzində olmasını nəzərə alaraq ona keçid stansiyası tikilərsə bənövşəyi xətlə birbaşa şəhər mərkəzinə çıxış təmin olunar. Eyni zamanda, bu istiqamətdən mikrorayonlar istiqamətinə qayıdanlar artıq yüklənmiş “28 May” stansiyası əvəzinə “Sahil” tərəfdən də metroya giriş əldə etmiş olar. Nəzərə alsaq ki, bənövşəyi xəttin stansiyaları köhnə stansiyalar kimi 5 yox 7 vaqonlu qatarı qəbul edə biləcək şəkildə tikilir, bu stansiya daha çox sərnişinin şəhər mərkəzindən kənarlara daşınmasına kömək edə bilər.
⠀
🔸 Hər bir halda, hələ ki, dəqiq bir məlumat yoxdur, lakin bu planların açıqlanması kiçik də olsa ümid yaradır. Dəqiq olan tək bir şey var, o da metroya mütləq investisiya ayırmağın vacib olmasıdır.

#metro

1,348

İnsan yönümlü şəhərlər ️

31 Oct, 08:58

Yeni BYD elektrik avtobusları yaxın günlərdə artıq Bakı yollarında fəaliyyət göstərəcək.

🔹 Daşıyıcı BakuBus olacaq.

#ictimainəqliyyat

2,107

İnsan yönümlü şəhərlər ️

31 Oct, 07:26

✅ Azadlıq prospektinin bu hissəsində ayrılmış zolaq təşkil olundu.
⠀
Hələ ki zolaq "COP29" kimi qeyd olunub, lakin burada avtobus zolağı mütləq lazımdır, çünki burada 5 müntəzəm marşrut keçir. Zərifə Əliyeva küçəsində olduğu kimi, ayrılmış zolağı avtomobil zolaqlarının sayını saxlamaqla təşkil etmək mümkündür. Sadəcə zolağın enini bir qədər azaltmaq lazım olacaq.
⠀
❓ Sizcə COP-dan sonra başqa harada ayrılmış zolaqları saxlamaq lazımdır?
⠀
#avtobuszolaqları

1,042

İnsan yönümlü şəhərlər ️

30 Oct, 08:55

💬 #İzləyicilərdən:

“Bayraq meydanından “Dəniz Mall”-a kimi avtobusla 2 dəq 20 saniyə. Maşınla bu yolu ən az 40 dəqiqəyə gedirdim.”

#avtobuszolaqları

2,793

İnsan yönümlü şəhərlər ️

29 Oct, 07:28

🌳Vağzal Meydanı demək olar ki hazırdır.

Yaxın günlərdə açılışı gözlənilir.

#vağzalmeydanı

1,248

İnsan yönümlü şəhərlər ️

28 Oct, 13:08

🚶 Bura piyada keçidi və svetofor lazımdır.
⠀
🔸 Əziz Əliyev küçəsi avtomobillər üçün bağlanandan sonra, Neftçilər prospekti ilə həmin küçənin kəsişməsində svetofora artıq ehtiyac qalmayacaq.
⠀
🚦 Beləliklə, svetoforu daha lazım olan yerə — Bakının iki çox önəmli "cazibə mərkəzləri" birləşdirən məkana quraşdırmaq lazımdır (İçərişəhər, Qız Qalası və Dənizkənarı Bulvarı birləşdirmək üçün).
⠀
🚷 Təxmin 10 il əvvəl bu məkanları birləşdirən piyada keçidi "tıxaclar olmasın deyə" ləğv olundu. Tıxac problemi, təbii ki, həll olunmadı, çünki tıxacların əsas səbəbi piyada keçidləri deyil.
⠀
❌ Nəticədə isə, bu yerdə yolu keçmək üçün indi ən yaxın piyada keçidi 220 metr aralıdadır - Kukla Teatrın yaxınlığındad (o da yeraltıdır və azmobilli insanlar üçün əlverişsizdir). Bu hələ bir tərəfə olan məsafədir.

💬 Əvvəl deyirdilər ki, Neftçilər prospektində əlavə svetofor daha çox tıxac yaradacaq, amma artıq belə bəhanə yoxdur. Sadəcə mövcud svetoforun yeri dəyişir.
⠀
🔸 Şəhər mərkəzinin piyadalaşması yaxşı addımdır, amma şəhərin əsl insan yönümlü transformasiya yalnız o vaxt başlayacaq ki, biz piyada keçidlərini də əlçatan edəcəyik.
⠀
#piyadakeçidləri

731

İnsan yönümlü şəhərlər ️

28 Oct, 08:46

🚲 Qala divarları boyunca velosiped zolaqları təşkil olundu.
⠀
📍 Əziz Əliyev küçəsində izləyicimizin çəkdiyi fotolar. Yoxuşa qalxmaq üçün təcrübəli velosipedçi olmalısan, yaxud skuter və ya elektrik velosiped köməyin olsun 🙂
⠀
#velosipedzolaqları

808

İnsan yönümlü şəhərlər ️

27 Oct, 09:02

⛔️ Və nişanlar artıq qoyuldu. Əziz Əliyev küçəsi və İçərişəhər avtomobil ilə giriş qadağandır.
⠀
COP29-un Bakıya gətirdiyi daha bir önəmli islahat. Bu ərazinin piyadalaşdıırılması ona yeni nəfəs verəcək. İçərişəhər əsl tarixi qoruğa çevriləcək.
⠀
🔸 Foto: Road Safety səhifəsindən.

#piyadalaşma

962

İnsan yönümlü şəhərlər ️

25 Oct, 16:17

🚲 Belə bir mənzərini gözləmirdim!

💬 “Salam. Velozolaqlar olan yerlərdə biz ailəvi olaraq velosipedlərdən istifadə edirik.”

🔸 Videonu izləyici göndərib.

#izləyicilərdən #velosipedzolaqları

2,100

İnsan yönümlü şəhərlər ️

25 Oct, 11:20

⚡️ Və artıq rəsmi.

İçərişəhərə gələn həftədən kənar avtomobillər buraxılmayacaq.

Qoşa Qalanın önü isə piyada zonası olacaq.

#piyadalaşma

1,283

İnsan yönümlü şəhərlər ️

24 Oct, 15:03

Velosiped zolağının xeyri.

1,016

İnsan yönümlü şəhərlər ️

24 Oct, 06:55

Ⓜ️ “Ulduz” metrosuna gedən yolda səkilər yoxdur.
⠀
💬 İzləyici yazır ki, bu küçədən hər gün minlərlə insan işə gedib/gələrkən istifadə edir. Amma burada səki yoxdur.
⠀
🔸 Bəli, Bakı üçün tipik mənzərədir, və bu problem tək səki məsələsi deyil. Metrostansiyalara, ümumiyyətlə ictimai nəqliyyata, əlçatanlıq olduqca önəmlidir. Dayanacağa qədər məsafənin bir qismini biz hər zaman piyada gedirik. Buna “last mile” (son mil) deyirlər.
⠀
🔸 Və əgər bu son mil rahat və təhlükəsiz deyilsə, nəqliyyat özü də cəlbedici olmayacaq. Ona görə şəhərləri əlçatan etmək və mobilliyini artırmaq üçün ilk növbədə hər yerdə təhlükəsiz səkilər salınmalıdır.
⠀
#səkilər

2,473

İnsan yönümlü şəhərlər ️

23 Oct, 15:22

🚊 Şəhərdə geniş metro, qatar və tramvay şəbəkəsi olsa, həmin şəhər tıxacda batmaz.

🔹 Bakıda metro və qatar sistemi olsa da, onlar geniş bir şəbəkə təşkil etmir. Tramvay 20 ildir sökülüb və hələ ki qaytarılmasına ümid çox azdır.

🇩🇪 Bu gün Berlinin misalında sizə iki önəmli məsələyə toxunacağıq — niyə tramvayın qaytarılması önəmlidir, və həmçinin mövcud ictimai nəqliyyatı detallara fikir verərək daha cəlbedici etmək olar?

➡️ https://youtu.be/kxOJ0Q8lzMY

P.S. Video sentyabr ayında çəkilib və bu vloqun davamıdır.

#Berlin #urbanvlog

1,898

İnsan yönümlü şəhərlər ️

23 Oct, 12:12

❌ Yenə də köhnə səhvlər.
⠀
🔸 Zərdabi küçəsində yolu təmir edib yenidən nişanlayıblar, amma yenə də görürük ki, zolaqlanma müasir standartlara uyğun çəkilməyib. Və baxmayaraq ki, parkinq burada nəzərdə tutulub, yolun qırağında bu haqda heç bir nişanlanma yoxdur.
⠀
🔸 Necə olur ki, 8 noyabr prospektində və digər təmirdən çıxmış küçələrdə zolaqları problemsiz 3 metr edə bilirik, amma Yasamala çatanda bu mümkün deyil?
⠀
🚲 İndi desən ki, burada velozolaq üçün yer də var, sürücülər hay-küy salacaqlar ki, bəs "zolaqlarımız onsuzda dardır".

1,277

İnsan yönümlü şəhərlər ️

23 Oct, 08:10

❓ Yevlax belə ola bilərdi?
⠀
🇷🇺 Bura Rusiyanın Usolye-Sibirskoye şəhəridir (İrkutsk vilayəti). Əhalisi cəmi 75 min nəfər təşkil edir (bizim Yevlax şəhərindən bir qədər böyük). Bu şəhərdə heç vaxt ciddi bir tıxaclar müşahidə olunmasa da, şəhər rəhbərliyi bir mobillik proqramı qəbul etdi, küçələri daha insan yönümlü və təhlükəsiz etsin.
⠀
🚲 Proqram çərçivəsində velosiped zolaqları, cibsiz avtobus dayanacaqları, yeni tramvay dayanacaqları (bəli, hətta bu kiçik Sibir şəhərində tramvay var!), səkilər və küçə mebelləri salındı.
⠀
🔸 Rusiyanın urbanistləri özü şokdadılar, çünki Rusiyanın əksər böyük şəhərlərində bu cür islahatlar baş vermir.
⠀
Foto: Иркутский транспорт

1,296

İnsan yönümlü şəhərlər ️

22 Oct, 11:55

🌧 Drenaj var, amma su asfalta yığılır.
⠀
🔸 Bakıda bəzi yerlərdə bu cür yağış kanalizasiyanın qapaqları olsa da, onlar düzgün quraşdırılmayıb, asfalt örtüyündə meyillilik nəzərə alınmayıb.
⠀
⬆️ Nəticə isə bu olur. Təzəlikcə təmirdən Afiyəddin Cəlilov küçəsində su yığılır velozolağa və drenaja getmir.

1,194

İnsan yönümlü şəhərlər ️

22 Oct, 07:26

Bakıda piyadaya qoyulan hörmət bir videoda.

2,824

İnsan yönümlü şəhərlər ️

21 Oct, 19:28

Şəhərin ruhu

Urbanist tədqiqatçı Bayram Axundov deyir ki, şəhərlərin ruhu həmin şəhərlərdə yaşayan insanların yaratdığı mədəni dəyərlərdən formalaşır.

Tam video burada.

@akinchiproject

1,154

İnsan yönümlü şəhərlər ️

21 Oct, 14:48

Deyəsən Bakıya yeni növ velosipedlərə ehtiyac var 🛶

📍 Bülbül prospekti.

1,216

İnsan yönümlü şəhərlər ️

21 Oct, 12:34

ℹ️ Yeni radar nişanları belə olacaq. Artıq aeroport yolunda quraşdırılıb.
⠀
🔸 Bakının bir çox yerlərində yeni standartlara uyğun nişanların quraşdırılmasına başlanılıb.

🔹 Artıq radar nişanı belə olacaq (lövhəsində "i" əvəzinə kamera işarəsi). Deyəsən, bu bir pilot layihədir, çünki yeni standartlar keçən il təqdim olunsa da, qanunda öz əksini tapmayıb.
⠀
🔸 Hətta sökülən Cavanşir körpüsünün yerində yeni standartlara uyğun nişanlar quraşdırıldı, amma qısa zamanda söküldü.

❗️ Xatırladım ki, standartların təqdim edilməsindən artıq bir il keçir, amma hələ də Yol Hərəkəti Haqqında qanunda öz əksini tapmır.

#qanun

2,367

İnsan yönümlü şəhərlər ️

20 Oct, 13:04

🚶 Piyadalar üçün şərait ən önəmli məsələdir.
⠀
Yusif Səfərov küçəsindən #minivloq.
⠀
#piyadakeçidləri

1,231

İnsan yönümlü şəhərlər ️

19 Oct, 09:03

🚍 Dayanacağı başa düşdük, amma səki niyə dardır?
⠀
🔸 Hər kəs bu dayanacağı qınayır ki, niyə bu gündədir, amma əsas sual başqadır.
⠀
🔸 Bu yaxınlarda sizə göstərmişdim ki, bu cür kompakt dayancaqlar Londonda var. Dar səkilərdə quraşdırılır. OK.
⠀
❓ Bəs yenidənqurulan 8 noyabr prospektində (AYNA məhz bu prospektdən nümunə paylaşıb) səki niyə dar olsun? Velozolaq saldılar, əla, amma piyadalar üçün şərait ikinci planda qalmamalıdır.
⠀
#dayanacaqlar

649

İnsan yönümlü şəhərlər ️

18 Oct, 11:03

⬆️ Azadlıq prospekti və Şəmsi Bədəlbəyli kəsişməsinin eskiz videosu — belə olacaq.

798

İnsan yönümlü şəhərlər ️

18 Oct, 10:54

✅ Nəhayət bu problem öz həllini tapır.
⠀
🔹 Azadlıq prospekti və Şəmsi Bədəlbəyli küçələrinin kəsişməsi svetoforla nizamlanacaq, burada piyada keçidi təşkil olunacaq. Bu kəsişmə haqqında mən hələ keçən ilin əvvəlində yazmışdım, iki dəfə müraciətlər göndərmişdim və imtina cavabını almışdım (o vaxt BNA baxırdı bu işlərə).
⠀
💬 Yadımdadır ki, bəzi izləyicilər hələ bu piyadaları söyürdürlər, "canları çıxsın 300 metr dairə vursun" yazanlar var idi. Lakin təhlükəsiz və insan yönümlü şəhərlərdən danışırıqsa, böyük piyada axınları olan yerlərdə mütləq piyada keçidi təşkil etmək lazımdır. Əks halda konflikt və qəzalar qaçılmazdı.
⠀
🚍 Bu arada, Azadlıq prospektinin bu hissəsində də avtobus zolağı olacaq ("28 May" habı ilə birləşəcək).

#piyadakeçidləri

799

İnsan yönümlü şəhərlər ️

18 Oct, 08:15

🇦🇿 Bakı əvvəl və indi.
⠀
🚊 Tramvay xətləri bu günə gəlib çatsaydı, təsəvvür edin, müasir "Stadler", "Skoda" və yaxud "Alstom" tramvayları indi bu küçələrdə hərəkət edərdi. Müasir tramvay 3-5 avtobusu əvəz edə bilərdi.
⠀
❌ Bakı küçələrindən tramvayı yığışdıranlar, şəhərin ictimai nəqliyyatına ən böyük zərbə vuranlar siz oldunuz.
⠀
Foto: Arif Hacisoy

799

İnsan yönümlü şəhərlər ️

17 Oct, 17:01

⬆️ Əgər bu xəbəri düzgün başa düşdümsə, Bakıya evakuatorlar qayıdır.

🚫 Dayanma-durma qaydalarını pozan və nəqliyyat axınını ləngidən avtomobillər “kənarlaşdırılacaq”. Güman ki, burada evakuasiya nəzərdə tutulur.

🔸 Bakıda evakuatorlar sonuncu dəfə BNA vaxtında peydə olunmuşdur. Hərəkətə maneə törədən nəqliyyat vasitələri cərimə meydançasına təxliyyə olunurdu və 40 AZN cərimə edilirdi.

#cərimələr

997

İnsan yönümlü şəhərlər ️

17 Oct, 10:00

❌ "COP-dan sonra avtobus və velosiped zolaqları ləğv olunacaq".
⠀
💡 Tutaq ki, belə oldu. Və siz bu xəbərə sevinirsiniz, COP29-un bitməsini səbirsizliklə gözləyirsiniz. Açığı mən heç bunu tam istisna etmirəm, bu şəhərdə nə desən baş verə bilər.
⠀
🤩 Sürücülərimiz ciddi bir xəyal yaşayırlar ki, avtobus zolağı olmasa, tıxac olmaz? "Nə yaxşı olar, maşınla artıq hər yerə çatmaq mümkün olacaq".
⠀
❗️İndi bir dəqiqəlik təsəvvür edin ki, bu zolaqlar ləğv olundu (ya da ki nəzarət dayandırıldı). Nə baş verəcək?
⠀
☑️ Son zamanlar avtomobildən imtina edib ictimai nəqliyyata üz tutan bəzi sakinlər yenə də yollara qayıdacaq, maşın çoxalacaq, tıxac daha da bərbad olacaq.
⠀
☑️ Avtobusda son aylar ərzində daha tez çata bilən yüz minlərlə sərnişin indi yenə də tıxacda qalacaq, çünki zolaqlar işləməyəcək. 20 dəqiqə gedə biləcəyi yolu indi yenə də 40-50 dəqiqəyə gedəcək. Hələ, 20 dəqiqə dayanacaqda qış havasında gözləməli olacaq.
⠀
☑️ Avtobusa minmək istəməyənlər taksi sifariş verəcək, tələbat çoxalacaq, Uber/Bolt-un hətta ekonom taksiləri minimum 4-5 manat olacaq (pik saatlarında bundan da baha).
⠀
☑️ Yolların acınacaqlı vəziyyəti görən insanlar metroya üz tutacaq. Yeraltı nəqliyyatda sıxlıq və vəziyyət daha da bərbad olacaq.
⠀
☑️ Əvvəllər qısa səfərlər üçün velosiped ya da skuter istifadə edənlər zəbt olunmuş velozolaqları görəndən sonra yenə də ya avtomobilə/taksiyə üz tutacaq (tıxac çoxalacaq). Və yaxud onsuzda həddinən artıq yüklənmiş ictimai nəqliyyata əlavə yük verəcək.
⠀
❓ İndi sual: Siz həqiqətən düşünürsünüz ki, ayrılmış zolaqların ləğvi ilə xoşbəxt olacaqsınız? Tıxacda daha az vaxt keçirəcəksiniz? Ciddisiniz?
⠀
#tıxaclar

956

İnsan yönümlü şəhərlər ️

16 Oct, 10:52

🚍 Zərifə Əliyeva küçəsində avtobus zolağı salındı, amma Neftçilər prospektində avtobuslar tıxacda qalır.
⠀
🔸 Dünən AYNA açıqladı ki, Neftçilər prospektində COP29 zolağı çəkiləcək və yalnız tədbir vaxtı qüvvədə olacaq (noyabrın 1-dən etibarən).
⠀
❗️ Lakin bu prospektdən eyni zamanda 5 marşrut hərəkət edir. Zərifə Əliyeva küçəsindəki dəyişiklikdən sonra avtobuslar tıxacda daha az vaxt itirsə də, Muzey Mərkəzindən "Four Seasons" hoteli istiqamətində olan hissədə ictimai nəqliyyata prioritet verilmir.

❌ Avtobuslar ləngiyir, cədvəl pozulur, sərnişinlər Neftçilər prospektində (hər iki tərəfində) 20-30 dəqiqə soyuq havada avtobus gözləməli olur.
⠀
❓ Niyə? Çünki biz öz isti avtomobilində əyləşən sürücüləri daha prioritet hərəkət iştirkaçısı sayırıq. Əfsuslar olsun ki, bu prospektinin əhəmiyyətini nəzərə alaraq, burada BUS zolağını təşkilinə inanmıram.
⠀
#ictimainəqliyyat #avtobuszolaqları

964

İnsan yönümlü şəhərlər ️

15 Oct, 08:21

🚶 Piyadanın prioriteti ən aşağıdadır Bakıda.
⠀
🔸 Daha bir sübutu izləyici göndərib. COP29 öncəsi bir sıra küçələrdə təmir işləri aparılır, amma yalnız avtomobillər düşünülür (və hərdən BUS və velozolaq salınır). Asfaltı dəyişirlər, amma səki necə var elə də qalır.
⠀
🔸 Piyada səkisində də abadlıq işləri görmək olardı, onları genişləndirib səliqəli tamet daşları baryersiz mühit yaratmaq olardı. Buradakı açıq qrunt yağışda palçığa çevrilir, və bu palçıq bütün şəhərə yayılacaq.
⠀
🚷 Amma piyadaları düşünən yoxdur. Halbuki, müasir şəhərdə ən yüksək prioritet piyada olmalıdır, çünki hər birimiz ilk növbədə piyadayıq ilk növbədə.
⠀
#səkilər

1,034

İnsan yönümlü şəhərlər ️

14 Oct, 16:27

🛑 Bir gün şəhər dayanacaq.
⠀
💬 Tural Yusifovun bugünki çıxışı nə qədər emosional olsa da, razılaşmamaq çətindir.
⠀
🔹 Şəhərin ictimai nəqliyyatına maliyyə ayrılmalıdır. Xaotik tikintilərə son qoyulmalıdır, baş planda nəzərdə tutulan nəqliyyat islahatları icra olunmalıdır. Yoxsa bir gün lap pis olacaq vəziyyət.

1,343

İnsan yönümlü şəhərlər ️

14 Oct, 11:26

🚳 BNA-nın vaxtında təşkil edilən zolaqlar artıq yararsız hala düşür və təhlükə mənbəyinə çevrilib.

Onsuzda səhvləri çox idi bunların, özü də səkilərdə salınıb və piyadaların yolunu daraldır.

Bu zolaqlar yenidən təşkil olunmalıdır.

🔸 Foto: Emin Rasulzadə

#velosipedzolaqları

1,901

İnsan yönümlü şəhərlər ️

14 Oct, 07:06

❌ Tıxacların şəhərə gətirdiyi ziyanı:
⠀
☑️ İqtisadi ziyan - insan resursları düzgün isftifadə oluna bilmir.

☑️ İnsanlarda stres səviyyəsin artırılması, əhalinin sağlamlığına birbaşa təsiri.

☑️ Havanın çirkləndirilməsi (nəzərə alın ki, ölkədə 80% avtomobillərinin yaşı 10 ildən çoxdur).

☑️ Səs kirliyi, siqnallar heç də əhvali-ruhiyyəmizə yaxşı təsir etmir.

☑️ Küçələrin normadan artıq yüklənməsi, ictimai nəqliyyatın qrafiklərin pozulması.
⠀
🔸 Bakı şəhərində nəqliyyat islahatları çox zəif templə gedir, maliyyə və subsidiyaların ayrılmasına (metro, avtobus, tramvay) hava-su kimi ehtiyac var. Bu niyə edilmir, mən bilmirəm.
⠀
Video: Tural Yusifov.

#tıxaclar

1,108

İnsan yönümlü şəhərlər ️

13 Oct, 10:40

🚊 Evinizə tramvay gəlsin.
⠀
🇩🇪 Berlin vloqunu diqqətlə izlədinizsə, hazırda müsabiqə keçirilir. Youtube-da abunə olun, videonun altında şərh yazın, və bu “Berlin tram” hədiyyəni qazanmaq şansını əldə edin.
⠀
🔴 Qalib canlı yayımda Instagram-da açıqlanacaq. Təsadüf şəkildə “commentpicker” saytı vasitəsilə 1 qalib seçiləcək.

Bakı küçələrinə hələ qayıtmasa da, heç olmasa evinizdəki rəfinizi tramvay bəzəsin 🙂.

1,388

İnsan yönümlü şəhərlər ️

12 Oct, 09:01

🌧️ Yağışlı Bakı belə ola bilərdi, amma bura Strasburqdur.
⠀
#tramvay

2,099

İnsan yönümlü şəhərlər ️

İnsan yönümlü şəhərlər ️ (Azerbaijani)

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️

İnsan yönümlü şəhərlər ️