لامرئيات الفن السابع 📽 Telegram Posts

"رُسم بالكلمات" وثائقي شبكة BBC هو واحد من افضل الوثائقيات واكثرها اهمية ممكن تشوفها في حياتك....

الوثائقي ده بيقتبس حياة الرسام الهولندي "فينسنت فان جوغ" بس بطريقة صادقة جدا بدون اي تحريف وده بسبب أنها مبنية على الرسائل اللي كتبها فان جوغ نفسه لاصدقائه وكان النصيب الاكبر من الرسائل ديه لاخيه الأصغر "ثيو"

وكان عدد الرسائل ديه بالظبط 902 رسالة وده عطى ماتريل كبير وصادق للوثائقي الذي لم يتعدى مدته الساعة وعشرين دقيقة فقط...ورغم كدة كان دسم جدا ومليان معلومات حقيقية.

طريقة عرض وسرد الوثائقي ده مميزة ولذيذة وخفيفة على القلب رغم داسامتها وده راجع للممثل "بنديكت كومبرباتش" اللي قدم دور فينسنت فان جوغ.

مش عاوز اطول عليك بس حقيقي الوثائقي ده من اصدق وأهم الأعمال اللي اتكلمت عن فينسنت فان جوغ لأنها مبنية على رسائله الخاصة بدون اي امكانية للتحريف عشان كدة يعتبر من اصدق الماتيريل الحقيقية اللي ممكن تقابلها في حياتك عنه.

📌بقلم/ عبدالرحمن أسامة ✅️

فيلم The Gorge هو افضل فيلم ممكن تشوفه الشهر ده عشان تختم مشاهداتك قبل رمضان 💛

فيلم قادر يعزلك عن العالم كله لمدة ساعتين بكل سهولة لأنه حقيقي بيشدك وبيبهرك كمُشاهد، تحسه وجبة لذيذة ولايت كدة وكمان مُشبعة..ميكس غريب لكن حقيقي.

القصة
اتنين قنـ.ـاصين محترفين بياخدوا مهمة تأمين في مكان مجهول وغريب اسمه "الأخدود" بشرط واحد انه مفيش حد يخرج من المكان مهما حصل وبأي ثمن، لدرجة ان المهمة بتكون مدتها سنة كاملة لكل شخص....بس المرادي واللي محدش توقعه ان الاتنين اللي على الابراج بيتواصلوا مع بعض رغم انه محـ.ـظور عليهم وبتنشأ مابينهم قصة حب هتخليهم يكتشفوا حقيقة المكان ده.

عجبني جدا التصوير والمؤثرات وشكل الوحوش...ولسبب ما سرية المكان والاجواء بتاعته فكرتني بيأجوج ومأجوج معرفش ليه الصراحة 😅

الفيلم من بطولة الجميلة أنيا تايلور جوي بطلة مسلسل The Queen's Gambit بتاع الشطرنج، وبطولة الممثل مايلز تيلر بطل الفيلم العظيم Whiplash.

في النهاية تجربة لذيذة وممتعة بصرياً وقدرت تجمع بين المغامرة والغموض والخيال العلمي وكمان معاهم الرومانسية الجميلة الخفيفة على القلب ديه.

📌بقلم/ عبدالرحمن أسامة ✅️
📌متاح 👈 للمشاهدة المباشرة 👉

فيلم "The Brutalist" للممثل العبقري أدريان برودي هو فيلم روائي ملحمي بكل ما تحمله الكلمة من معنى.

قصة الفيلم بتتكلم في فترة ما بعد الحـ.ـرب بعام 1947، يفر المهندس المعماري (لاسلو توث) وزوجته (إيرزيبيت) من أوروبا إلى الولايات المتحدة، ويتسبب عمل غامض لتغيير مجرى حياتهما للأبد.

وعشان مكدبش عليك البطل يهـ.ـودي وبتيجي سيرة إسـ.ـرائيـ.ـل بكل وضوح وطبعا على غرار افلام زي The Pianist او Schindler's List بتكون معمولة بغرض التعاطف الجمهوري ليهم...بس في عز أحداث زي ديه هتقدر تفصل؟!

يعني ببساطة شديدة لو قدرت تفصل فأنت هتكون قدام فيلم ملحمي عظيم ولو مقدرتش تفصل يبقى عمرك ما هتقدر تستمتع مهما كانت جودة العمل...والنهاية انت سيد قرارك!

الفيلم اترشح لــ 10 جوائز أوسكار بالفعل..وأنا اقولك من دلوقتي واضمنلك انه هيكتسح جوائز الأوسكار الحفل اللي جاي سواء فنياً لأنه يستاهل او اجندات بتخدم المصالح على أرض الواقع.

الفيلم مدته 3 ساعات كاملة يطغى عليهم التمثيل الاسطوري لأدريان برودي الفيلم كمان للكبار فقط ومش اي حد هيقدر يتخطاه لأنه واقعي ومؤلم.

📌بقلم/ عبدالرحمن أسامة ✅️
📌مُتاح 👈 للمشاهدة المباشرة 👉 🔎

فيلم Vincent & Theo 1990

جاري رفع الفيلم....

2️⃣ الفيلم بيمشي في خطين..الخط الأول للرسام فينسنت فان جوغ والخط التاني لاخوه الأصغر ثيو فان جوغ سواء في الفترة اللي عاشوا فيها مع بعض او حتى في الفترات اللي كانوا متفرقين فيها....لدرجة ان اوقات كنت بحس ان ثيو هو البطل الحقيقي للسيرة الذاتية ديه.

يُحسب للفيلم برضو ذكر الفنان الفرنسي بول جوجان والفترة اللي جمعته مع فينسنت فان جوغ وتأثيرهم الكبير على بعض.

في النهاية اقدر اقولك من انه اصعب أفلام السير الذاتية اللي هتشوفها في حياتك وحقيقي علاقة فينسنت بأخوه ثيو هي من اكتر العلاقات الجميلة في التاريخ.

📌بقلم/ عبدالرحمن أسامة ✅️

1️⃣ معظمنا يعرف الرسام الهولندي فينسنت فان جوغ وحياته الحزينة ورغم انه مباعش طول حياته غير لوحة واحدة الا ان لوحاته في العصر الحالي هي من اغلى اللوحات في العالم ومن اشهر فنانين التاريخ.....طيب كنت تعرف حاجة عن اخوه ثيو؟!

ثيو فان جوغ هو الاخ الأصغر لفينسنت وكان بيشتغل تاجر فني يعني ببساطة كان بيبيع لوحات وكان من اكثر الداعمين في حياة فينسنت وليه الفضل والدور الأكبر اننا نشوف لوحات عظيمة زي "ليلة النجوم."

فيلم Vincent & Theo 1990 هو فيلم من أفلام السيرة الذاتية اللي اتعملت عن حياة الفنان فينسنت فان جوغ واخوه ثيو فان جوغ وحياتهم واختلافتهم وتقريباً كل المواقف اللي جمعت مابينهم طوال حياتهم.

المختلف برضو في الفيلم ده غير انه مركز على حياة الاخ الاصغر لفينسنت "ثيو" انه كمان يعتبر الفيلم الوحيد اللي اتعمل بطريقة اجتماعية بعيد عن الشاعرية او النفسية والاجواء اللي متعودين عليها....هنا كل حاجة في الفيلم واقعية بدرجة شديدة.

2️⃣ للوهلة الأولى هتفكر انها انتـ.ـحـ.ـار جماعي بس لما بتتفاجأ بالأحداث المتتالية والمفاجأت الغريبة اوعدك وقتها بحاجتين، اول حاجة انك هتغير رائيك من الصـ.ـدمات اللي هتشوفها في القصة ديه..وتاني حاجة انك قدام واحد من أقسى الوثائقيات اللي ممكن تشوفها في رحلة حياتك عموماً.

كلمتين محشورين في زوري من زمان وكان نفسي اقولهم وجت الفرصة: ياريت يا جماعة تبرزوا دور الطب النفسي وتهتموا بالمرضى النفسيين وبنفسية الناس لأن والله والله ما تقل خطورتها عن مرضى السرطان وياريت متكسفش من ابنك او بنتك لو عندهم مرض نفسي وشاركهم وصاحبهم لأني والله ده بيفرق جدا معاهم وبيجيب نتيجة إيجابية وبينقذ حاجات كتير كان ممكن نقدر نتفاداها لو اهتمينا بالموضوع من بدايته بجد وبعدنا شوية عن معتقد التجاهل والوقت بيحل كل حاجة...لا...اتحمل مسؤوليتك كأب او كأم وواجه المشكلة ❤️

📌بقلم/ عبدالرحمن أسامة
📌متاح للمشاهدة 👈 المباشرة والتحميل 👉

1️⃣ مسلسل وثائقي 3 حلقات فقط وقادر يشيب شعر رأسك بكل ما تحمله الكلمة من معنى !!

وثائقي نتفليكس "بيت الأسرار" بيتكلم عن أكبر الجـ.ـرائم واغربها واللي حصلت احداثها تحديدًا بداخل دولة الهند وكانت من قضـ.ـايا الرأي العام اللي بيتكلم عنها الناس في الاعلام في الشارع وكل مكان..لدرجة ان الوزير نفسه اتدخل من اول يوم وراح يزور مسرح الجريـ.ـمة بنفسه عشان بس يحاول يستوعب قسـ.ـوة المشهد اللي قدامه...

انت قدام عيلة كاملة متكونة من 11 فرد بأجيالها الثلاثة يعني ( الجدة - الاولاد وازواجهم - والاحفاد ) اكتشفوا جثـ.ـثهم وهي متعلقة على احبال شـ.ـنق جنب بعض في قلب بيتهم بدون اي دليل او رسالة توضح ايه اللي حصل ووصلهم لكدة!

ومن هنا بتبدأ رحلة الاستكشافات والنظريات والتحقـ.ـيقات في حل اللغز الغامض ده...

للوهلة الأولى هتفكر انها انتـ.ـحـ.ـار جماعي بس لما بتتفاجأ بالأحداث المتتالية والمفاجأت الغريبة اوعدك وقتها بحاجتين، اول حاجة انك هتغير رائيك من الصـ.ـدمات اللي هتشوفها في القصة ديه..وتاني حاجة انك قدام واحد من أقسى الوثائقيات اللي ممكن تشوفها في رحلة حياتك عموماً.

2️⃣ من اكتر الشخصيات اللي هتزعل عليها وانت بتتفرج على الوثائقي هي شخصية مغني الميتال ( واللي كان واخد شابتر ومنحني كبير في القضـ.ـية ) وده بسبب انه اتهاجم ظلم وكان بيتعامل انه مشتـ.ـبه فيه وفي الآخر طلع انه كان متواجد في دولة تانية خالص وقتها.

وديه كانت القضـ.ـية الابرز في الوثائقي مع قضـ.ـايا آخري فرعية زي قضـ.ـية الداليا السوداء وقضـ.ـية ريتشارد راميريز القـ.ـاتل المُتسلسل واللي بالمناسبة اتعملهم فيلم ومسلسل وثائقي خاص بيهم

وطبعا كان فندق سيسيل مركز الاحداث كان مصدر إلهام لاعمال كتير منها افلام ومسلسلات كتير جدا ومتنوعة

وثائقي صادم ومعمول باحتراف شديد مع تركيز علي عامل السوشيال ميديا واللي كان مؤثر جدا في القصة

Crime scene : the vanishing at the cecil hotel 2021

📌بقلم/ عبدالرحمن أسامة
📌 متاح للمشاهدة وللتحميل 👈 برابط مباشر 👉