لامرئيات الفن السابع 📽 @cinemaartegy Channel on Telegram

لامرئيات الفن السابع 📽

@cinemaartegy

⛔️ روابط قنوات اليوتيوب ⛔️

⭕️https://youtube.com/channel/UCYtChp3oEhZ8Td5QrfSmuMw?si=hlFEXX4w7LhJWURq

⭕️https://youtube.com/channel/UCKprJecRLiRRWY-y7o5kCfw?si=Sk8qzpwj4zo_0Wrx

لامرئيات الفن السابع 📽 (Arabic)

لامرئيات الفن السابع هو قناة تلغرام تهتم بالسينما والفن السابع. تقدم القناة محتوى ثري ومميز يتناول أحدث الأفلام والمسلسلات والأحداث السينمائية. إذا كنت من عشاق السينما وتبحث عن مكان للحصول على تحليلات مميزة ومعلومات شيقة عن عالم السينما، فإن قناة لامرئيات الفن السابع هي الوجهة المناسبة لك. تابعنا على قنواتنا الأخرى على يوتيوب وفيسبوك لمتابعة المزيد من المحتوى المثير والمسلي. تفضل بزيارة قناتنا على يوتيوب: https://www.youtube.com/@theseventhart7 وكذلك القناة القصيرة: https://youtube.com/@theseventhart7shorts. كما يمكنكم متابعتنا على صفحتنا على فيسبوك للمزيد من التحديثات والأخبار السينمائية: https://www.facebook.com/abdo.osama.5492?mibextid=ZbWKwL وhttps://www.facebook.com/profile.php?id=100004501184252&mibextid=ZbWKwL

لامرئيات الفن السابع 📽

19 Jan, 15:38

2️⃣ مشهد بيجي في نص الفيلم جميل ومُعبر جدا وبيعرفك ان التواصل مش لازم يكون بالكلام او الرسائل بس..انما ممكن يكون عن طريق تحضير الأكل بإخلاص وحب لشخص عزيز على قلبك..والدليل على كدة لما كبيرة الطهاة بتتعب شوية وبتاخد اجازة فبيجي صاحب القصر وعشان يوصلها حبه فبيبدا يحضرلها الأكل بنفسه....

ورغم انهم مكنوش قاعدين مع بعض معظم المشهد الا انهم كانوا متواصلين وقريبين لبعض اكتر من اي حد....كانوا بيتكلموا بلغة الحب الخاصة بيهم عن طريق تحضير الأكل بحب واتقان شديد، وقدروا يعبروا عن اللي جواهم من غير حتى ما يكونوا شايفين بعض.

لسبب ما افتكرت فيلم "خرج ولم يعد" لمحمد خان وانا بتفرج رغم ان فيه فرق كبير في الثقافات والتناول ولكن روحهم كانت قريبة لبعض.

تجربة عذبة وجميلة ومفيدة للقلب 🤍 وتشجعك على الحب والطبخ وبنصح بيها جدا جدا جدا الحقيقة.

📌بقلم/ عبدالرحمن أسامة
📌 متوفر بالتعليقات للمشاهدة 🔎 ✅️
8,008
لامرئيات الفن السابع 📽

19 Jan, 15:36

1️⃣ فيلم يحببك في الأكل وعمايل الأكل نفسها ويخليك تحب وقفة المطبخ عشان تحضر أكل ❤️

الفيلم الفرنسي 🇨🇵 The Taste of Things هو افضل هدية ممكن تقدملها لنفسك او للناس اللي بتحبها عشان تتفرجوا عليه..حرفياً لو كل دكاترة القلب اتجمعت عشان يرشحوا فيلم مفيد يبهج القلب ويفرحه مش هيلاقوا افضل من الفيلم ده.

قصة الفيلم
في إطار رومانسي درامي، يدور العمل حول علاقة تجمع بين الطباخة الماهرة يوجين وبين الذواق المُخضرم دودين، وكيف يُصبح عالم الطهي والطعام منفذًا لعلاقة حب غير عادية.

حابب أقولك انه فيلم شاعري من الدرجة الأولى وبيخليك كمُشاهد قاعد مُبتسم تلقائي وحاسس بالبهجة...فيلم الحوارت فيه قليلة ولكنها مؤثرة وعذبة جدا وشاعرية قادرة تلامس قلبك بكل صدق الحقيقة.

المشهد الافتتاحي العبقري في الفيلم ده لا يقل عن 15 دقيقة كاملة مفيهاش حاجة بتشوفها غير ناس واقفة في المطبخ وبتحضر اكل وبرغم كدة مفيش ثانية واحدة هتحس بالملل بالعكس هيتولد جواك شعور وتمني ان الحياة تتوقف من حواليك وتستمر بس بالطريقة الجميلة والعذبة ديه بعيد عن ضجيج العالم الخارجي!
7,619
لامرئيات الفن السابع 📽

17 Jan, 15:32

2️⃣ وطبقاً لطبيعتي لم أستطع أن اربط البتة ربطا صحيحاً بين توسلي البديهي للحصول على الماء وبين حملي إلى الخارج بتلك الطريقة المرعبة للرجل العملاق والدي...والدي الذي هو السلطة العليا أن يأتي بلا سبب تقريباً ويحملني من فراشي ويضعني على الشرفة...وان اكون حينذاك مثل اللاشيء بالنسبة إليه

..وكان علينا دوماً أن نحترس من عدم سقوط الطعام على الأرض، لكن تحتك كانت معظم بقايا المائدة! ولا يجوز الانشغال بغير الطعام، لكنك كنت تنظف وتقص اظافرك و تبري أقلام الرصاص وتنظف اُذنيك بنكاشة الأسنان..

"كان من شأن هذه الأمور أن تكون بحد ذاتها تفاصيل لا أهمية لها على الإطلاق، ولم تثقل على نفسي إلا لكونك أنت...أنت الإنسان القدوة بالنسبة لي، لم تكن نفسك لتحافظ على الوصايا التي فرضتها عليّ..."

الصورة من مسلسل قصير مُقتبس حياة الكاتب فرانز كافكا وسيتم ترجمته إلى العربية قريباً بإذن الله.
11,026
لامرئيات الفن السابع 📽

17 Jan, 15:32

✍️ من أعظم واحزن الرسائل اللي قرأتها في حياتي للكاتب " فرانز كافكا "

الوالد الاعز سألتني مرة.. لماذا أدعي أنني أخاف منك؟!

ولم أعرف كالعادة أن اُجيبك بشيء بسبب هذا الخوف نفسه الذي استشعره أمامك...ولأن تعليل هذا الخوف يتطلب تفاصيل أكثر مما استطيع ان اجمّعه إلى حدّ ما في الكلام وعندما احاول هنا أن اجيبك كتابةٍ..فلن يكون الأمر إلا ناقصاً كل النقص، وذلك لأن الخوف ونتائجه يعيقني ازاءك في الكتابة ايضا!

ولأن حجم الموضوع يتجاوز ذاكرتي وعقلي كثيراً..أما بالنسبة لك فإن المسألة كانت دائماً في غاية البساطة على الأقل عندما كنت تتحدث عن ذلك أمامي وأمام آخرين كثيرين دون أن تنتقيهم.

واقعة من السنوات الأولى ربما تذكرها انت ايضاً...كنت أبكي ذات مرة في الليل استعطف واستعطف جرعة ماء، ليس عطشاً بالتأكيد وإنما على الارجح كي أثير ازعاجاً واتسلى, اذ لم تنفع عدة تهديدات شديدة...

أخذتني من السرير، وحملتني الى الشرفة وتركتني هناك وحيداً أمام الباب المغلق فترة من الزمن وانا ارتدي القميص الداخلي.. أريد أن احدد خصائص أساليب تربيتك وتأثيرها عليّ...لقد أصبحت مطيعاً لك بعد ذلك، لكنني اُصبت بخلل داخلي..
10,606
لامرئيات الفن السابع 📽

14 Jan, 15:50

فيلم No Smoking 2007 🚭
19,540
لامرئيات الفن السابع 📽

14 Jan, 15:27

جاري رفع الفيلم....
18,379
لامرئيات الفن السابع 📽

14 Jan, 15:27

4️⃣ بيجي مشهد في نص الفيلم كان ذكي اوي...

بيروح البطل عشان يسافر من مكان لمكان لمكان عشان يشرب سيجارة ومحدش يعرف...لدرجة ان هو نفسه مكنش عارف هو فين، ومع ذلك اول ما طلع السيجارة عشان يشربها...ظهر العقاب علطول، وهنا بتعرف انك مهما روحت ديما الحساب هيفضل وراك مش مربوط بمكان او حتى زمان.

في النهاية واحدة من أعظم واغرب تجارب حياتي حقيقي لفيلم ملهوش شبيه وفريد من نوعه جدا جدا ويجبرك انك تعيد مشاهدته كذا مرة عشان تكتشف فيه تفاصيل جديدة 👌

📌اكتشاف وترشيح / محمد أسامة ✅️
📌بقلم/ عبدالرحمن أسامة ✅️
18,538
لامرئيات الفن السابع 📽

14 Jan, 15:25

3️⃣ عشان كدة الفيلم بيمشي في مسارين...المسار الأول وهو " النفس الفاسدة " والمسار التاني هو " الشخص الحقيقي " ولازم تعرف تفرق مابينهم عشان تفهم احداث الفيلم.

"سماعات الأذن" هتلاحظ كمُشاهد ان كل اللي دخلوا المصحة حاطين سماعات للاذن طب ليه؟ ببساطة عشان هي كناية واسقاط ان الارواح ديه او الأنفس البشرية الفاسدة والضعيفة وصلت لهنا بسبب انهم مكنوش بيسمعوا لضمائرهم (الصوت الداخلي للإنسان) وكانت انفسهم الفاسدة نشطة بدرجة كبيرة جدا ..وديه بتكون اول خطوة في تهذيب النفس...انك تسمع صوت ضميرك.

"العُملة" في الفيلم هنا كان ديما بيشير إلى العملة خصوصًا في المشهد الأخير وتسديد الديون...وديه كانت رمزية مباشرة وواضحة عن اسقاط ديني وهو الحساب عشان كدة مرضاش ياخد الحساب من مراته،، وان كل اعمالك ليها مردود ولسة هتدفع وتحاسب على كل آثامك وغلطاتك اللي عملتها في الدنيا..وفي آخر مشهد هتفتكر الآية الكريمة اللي بتقول.......... يَا لَيْتَنِي قَدَّمْتُ لِحَيَاتِي (24)
15,748
لامرئيات الفن السابع 📽

14 Jan, 15:24

2️⃣ المرحلة الأولى: لو شرب سيجارة او لمسها..هيخطفوا اخوه المريض صاحب الرئة الواحدة ويحطوه في اوضة وينشروا فيها كل الدخان اللي شربه في حياته لحد ما يمـ.ـوت!

المرحلة الثانية: لو شرب سيجارة تانية...هيقـ.ـطعوله صوباعين من ايده "اللي بيتمسك بيهم السيجارة"

المرحلة التالتة: لو شرب سيجارة تالتة...هيتخلصوا من مراته اللي كانت السبب الرئيسي انه عاوز يبطل ويفضل وحيد.

بعد كل ده لو فضل عنده عزيمة يشرب سيجارة رابعة هيسيبوه من غير عقـ.ـاب، ومن هنا بتبدأ أحداث الفيلم في التصاعد بدرجة رهيبة لحد ما توصل للنهاية الاسطورية الماستربيس👌


عشان تفهم الفيلم 💯 لازم تعرف ان موضوع الفيلم الرئيسي هو " النفس البشرية " وملذاتها وقوة تحكمك فيها...عشان كدة فأول البوست قولتلك هتفتكر الآية الكريمة........ إِنَّ النَّفْسَ لَأَمَّارَةٌ بِالسُّوءِ إِلَّا مَا رَحِمَ رَبِّي ۚ إِنَّ رَبِّي غَفُورٌ رَّحِيمٌ (53)

الفيلم ببساطة شديدة جدا بيدور حوالين انك لو مقدرتش تتحكم في نفسك..ملذاتك هتتحكم فيك وستصبح روحك هائمة بلا معنى، وعلى العكس تماماً لو قدرت تتحكم في نفسك هتعيش في نعيم لأنك قوي.
14,644
لامرئيات الفن السابع 📽

14 Jan, 15:23

1️⃣ من أعظم وأعظم وأعظم الأفلام اللي اتكلمت عن النفس البشرية اللي شوفتها في حياتي!

قبل اي حاجة لازم تعرف انه فيلم صعب جدا ومُعقد ومش اي حد نهائي ممكن يفهمه لانه مليان تفاصيل ملهاش اول من آخر ومش هتقدر تفهمه غير بآخر مشهد ومحتاج تركيز رهيب.

طول ماانا بتفرج على الفيلم ده مفيش في دماغي غير الآية الكريمة اللي بتقول" إِنَّ النَّفْسَ لَأَمَّارَةٌ بِالسُّوءِ إِلَّا مَا رَحِمَ رَبِّي (53) "

الفيلم الهندي No Smoking او بالعربي "ممنوع التدخين" 🚭 بيتكلم عن شخص مُـ.ـدمن شرب السجائر لدرجة الشراهة ومغرور ومتكبر ونفسه متحكمة فيه لأبعد الحدود بس كل حاجة هتتغير لما مراته هتطلب الانفصال عنه لو مبطلش سجاير...وقتها بيقرر يروح مصحة تأهيل عشان يسمع كلامها ويبطل ومن هنا حرفياً بيبدأ الفيلم....

اهم حاجة متنساش ان الفيلم غريب لدرجة السيريالية ورغم كدة ليه رسالة واحدة وتفسير واحد لشرحه....بالمناسبة الفيلم مقتبس من قصة قصيرة للكاتب ستيفن كينج

بيروح مصحة التأهيل عشان يبطل سجاير وهناك بيقابل صاحب المصحة وبيمضي معاه عقد بينص انه مُجبر يسمع كلامه في اي حاجة عشان يمنعه عن التدخين....ووقتها بيعدي على 3 مراحل:
14,404
لامرئيات الفن السابع 📽

11 Jan, 15:29

الفيلم القصير "صانع الدُمى"

حابب اقولك انك انهاردة هتشوف واحد من افضل الأفلام القصيرة اللي ممكن تشوفها في حياتك!

القصة
زوج وزوجة بيـ.ـتوفى ابنهم وبيروحوا لدجال بيوعدهم انه هيرجع ابنهم فعلا بس على هيئة دُمية فيها روحه وان حياتهم هترجع سعيدة بس بشرط واحد بس وهو عدم استخدام الدمُية ديه لأكتر من ساعة يومياً لأن العـ.ـواقب هتكون وخيمة..ومن هنا بيبدا الفيلم!

الفيلم فيه بلوت تويست في مشهد النهاية يخليك تقوم من مكانك وتسقف حرفياً!

فيلم The Dollmaker 2017 فيلم قصير أمريكي حاز على جوائز عديدة في مهرجانات عالمية ومن أعلى الأفلام القصيرة مُشاهدة حول العالم.

📌ترجمة/ عبدالرحمن أسامة
24,369
لامرئيات الفن السابع 📽

08 Jan, 19:00

ملخص الفيلم الإندونيسي " صـ.ـلاة العـ.ـاهرة " أصبح متاح اليوم الان على قناة " لامرئيات الفن السابع " على اليوتيوب 🔥❤️✅️✅️
29,385
لامرئيات الفن السابع 📽

08 Jan, 16:54

الفيلم الإندونيسي المثير للجدل صـ.ـلاة العـ.ـاهرة
30,071
لامرئيات الفن السابع 📽

08 Jan, 16:32

جاري رفع الفيلم....
28,762
لامرئيات الفن السابع 📽

08 Jan, 16:31

الفيلم الإندونيسي المثير للجدل " صـ.ـلاة العاهـ.ـرة "

الفيلم ده هو واحد من اكتر الأفلام الجدالية الصـ.ـادمة اللي ممكن تشوفها في حياتك، وقبل اي حاجة لازم تعرف انه مبني على أحداث حقيقية حصلت بالفعل.

الفيلم ببساطة شديدة بيتكلم عن بنت فقيرة ومن عيلة بسيطة جدا ودخلت مدرسة داخلية إسـ.ـلامية وكانت من أشطر الطلبة ومن المتفوقين كمان لحد ما اتعرفت على شيخ من المنافقيـ.ـن اللي بيتكلموا بالباطل بأسم الـديـ.ـن لخدمة اهواهم الشخصية....

ومن هنا بتبدا صراعـ.ـاتها النفسية وبتتحول الشخصية تماماً من اقصى اليمين لاقصى اليسار وبتشتغل "عاهـ.ـرة"

الفيلم بيمشي في طريقين..الطريق الاول وهو حياتها وهي طالبة متفوقة وحرفيا كانت بتتكسف من خيالها وماشية على الصراط المستقيم

الطريق التاني وهو العكس تماما وهي بائعة هوى، وبتتنقل المشاهد ما بينهم بكل سلاسة.

الفيلم درامي وصادم بكل الحدود ومتوجه للكبار فقط 🔞

📌اكتشاف/ محمد أسامة
📌بقلم/ عبدالرحمن أسامة

الملخص سيصبح متاح على قناة اليوتيوب "لامرئيات الفن السابع" ان شاء الله اليوم الساعة العاشرة✅️✅️
29,917
لامرئيات الفن السابع 📽

06 Jan, 15:16

✍️ من أعظم واحزن القصص القصيرة اللي قرأتها في حياتي للكاتب الإسباني " رافاييل نوبوا "

لم أسامح ابداً أخي التؤام...

الذي هجرني لست دقائق في بطن أمي، وتركني هُناك وحيداً مذعوراً في الظلام عائما كرائد فضاء في ذلك السائل اللزج....مُستمعاً إلى القبلات تنهمر عليه من الجانب الآخر

كانت تلك أطول ست دقائق في حياتي..وهي التي حددت في النهاية أن أخي سيكون الإبن البكري والمُفضل لأمي

منذ ذلك الوقت صرت أسبق أخي في الخروج من كل الأماكن..من الغرفة، من البيت، من المدرسة، من القداس، من السينما...مع أن ذلك كان يكلفني مشاهدة نهاية الفيلم

في يوم من الأيام التهيت...فخرج أخي قبلي إلى الشارع وبينما كان ينظر إلي بإبتسامته الوديعة..دهسته سيارة!

أتذكر أن والدتي لدى سماعها صوت الضربة هرعت من المنزل ومرت من أمامي تصرخ أسمي...ذراعها ممدودتان نحو جثة أخي....

وأنا لم اُصحح لها خطئها ابداً..مِتُ أنا وعاش أخي.

الصورة من فيلم The Man in the Iron Mask لليوناردو دي كابريو واللي كان طالع فيه بدورين لشخصيتين عكس بعض تماماً.

📌اختيار القصة/ محمد أسامة
📌متاح للمشاهدة بالتعليقات 🔎 ✅️
28,133
لامرئيات الفن السابع 📽

05 Jan, 15:23

لسة متفرج على فيلم قصير حالاً لا يتعدى مدته الدقيقتين ورغم كدة كان مؤثر وقادر يلامس قلبك بدرجة عجيبة الحقيقة!

الفيلم بيبدأ ببنت صغيرة بتدخل "متجر للهدايا" وبتشاور على عُقد او قلادة شكلها جميل جدا وبتقول لصاحب المحل انها عاوزة تشتريها لأختها الكبيرة عشان تبتسم من تاني!

بيستغرب صاحب المحل من كلامها وبيسألها على الفلوس اللي معاها لأن القلادة غالية..بتطلع كل الفلوس اللي معاها "مبلغ زهيد جدا" بيفكر شوية الراجل وبياخد منها الفلوس القليلة وبيلف القلادة في علبة هدايا بشكل شيك وبيديهالها..وبتمشي البنت الصغيرة وهي مبسوطة جدا!

بيجي تاني يوم وبتيجي الأخت الكبيرة عشان ترجع القلادة وبتقول لصاحب المحل ان شكلها غالي جدا واختها الصغيرة مكنش معاها غير مبلغ قليل....ومن هنا بيبدا جمال الفيلم


الفن مش مرتبط بعدد دقائق او معدات تصوير معينة..الفن ديما لغة للتعبير عن اجمل مشاعر ممكن تحسها في حياتك حتى لو كانت في نظر غيرك انها بسيطة والفيلم ده خير دليل على الكلام ده وبس كدة ❤️

📌ترشيح/ محمد أسامة
📌بقلم/ عبدالرحمن أسامة
27,771
لامرئيات الفن السابع 📽

01 Jan, 15:24

4️⃣ المشهد التاني وهي بتتكلم مع ابنها بعد ما اكتسب عـ.ـدوات الناس كلها في سبيل تنفيذ وصية ابوه، بتجري الام وبتاخده فحضنها وبتقول:

- إذا كان لديك خدش كالاطفال فسأمـ.ـزق العالم، انت الآن مُغطى بالـ.ـدمـ.ـاء ولا استطيع فعل شئ......

حتى العم وهو الشخصية التالتة والاخيرة في مُعضلة شكسبير كانت ليه دوافعه الشخصية المحبوكة حتى وان كنت تختلف معاها، لانه ببساطة مكنتش مسألة غيـ.ـرة وحـ.ـقد من اخوه بس هو كان بيحب مرات اخوه لدرجة انه بقى مَعمي، وده كان بارز جدا في المشهد الأخير في الملحمة العظيمة ديه اللي قدمهالنا شكسبير.

في النهاية اقدر اقولك ان فيلم Haider هو اعظم اقتباس لمسرحية هاملت على الشاشة. ومن اعظم الأفلام اللي هتشوفها في تاريخ حياتك عموماً.

📌بقلم/ عبدالرحمن أسامة
📌رابط مباشر للمشاهدة والتحميل ✅️💯
36,820
لامرئيات الفن السابع 📽

01 Jan, 15:22

3️⃣ يعني عندك البطل او الابن وهو الشخصية الرئيسية اللي بتدور عنها الاحـ.ـداث، وعلى عكس ناس كتير فهمت ان البطل كان مشوش وتائه طول القصة...بس احب اقولك لا، هو عارف كل حاجة من الأول!

الابن من اول مُقابله ليه مع عمه ووالدته كان واثق وعارف الحقيقة وانهم على علاقة ببعض، ورفضه القاطع انه يروح بيت عمه عشان يشوف امه وفضل انه يروح يقعد مع الحطام بتاع البيت اللي كان عايش فيه ابوه تخليداً لذكراه...


ويكفيني اقولك انه في اول مقابلة لمامته وعمه كان كلامه ليهم كالآتي....

-يبدو أنكم سعداء بغياب أبي، او الإنتاج الرومانسي يبدأ بعد رحيله؟

وهنا بتيجي الأم او الضلع التاني الرئيسي في مسرحية شكسبير
وبتكون الزوجة الخائنـ.ـة ومُدمرة البيت الأولى، بس هل ده منعها من حبها لابنها ؟
وهنا بتتجلى عظمة كتابات شكسبير لاني مفيش اسود وابيض هنا الكل رمادي بس درجات، بمعنى تانى لكل شخصية دوافعها المحبوكة.

وده بيظهر اكتر في المشهد التاني وهي بتتكلم مع ابنها بعد ما اكتسب عـ.ـدوات الناس كلها في سبيل تنفيذ وصية ابوه، بتجري الام وبتاخده فحضنها وبتقول:

- إذا كان لديك خدش كالاطفال فسأمـ.ـزق العالم، انت الآن مُغطى بالـ.ـدمـ.ـاء ولا استطيع فعل شئ.
28,932
لامرئيات الفن السابع 📽

01 Jan, 15:21

2️⃣ مفهوم الكلمة العبرية "شوتزباه"

وديه صعب التعبير عنها بكلمات فهشرحالك على هيئة مواقف:

الموقف الاول بيتكلم عن واحد قتـ.ـل ابوه وامه وبعدها طلب من المحكـ.ـمة حُكم مخفف، جه القاضي وسأله ليه شايف انك تستحق الحُكم المُخفف؟

رد عليه وقاله "لأنني يتـ.ـيم الآن!"

الموقف التاني لسـ.ـارق مصارف بيعدي على مصرفين، اول مصرف بيدخله بيسـ.ـرق الفلوس اللي فيه، تاني مصرف بيدخله بيفتح حساب باسمه وبيحط فيه الفلوس اللي سـ.ـارقها من المصرف الأول.

بيجي بعدها مشهد عظيم جدا وهو "مشهد التهـ.ـديد وكشف الحقائق" بين الابن ووالدته كان غاية وهتتوقف عنده كتير جدا الحقيقة كمُشاهد لما بتشوف الام وهي بتتكلم مع ابنها في يوم زفافها من عمه وبتقوله

-هل تتذكر ما كنت تقول عندما كنت طفـ.ـلاً؟
...عندما سأكبر سأتزوج أمي، كنت تنحشر بيني وبين أبوك دائما، حتى إذا لمسني كنت تتشاجر معه.

بيرد عليها ابنها وبيقولها...والآن أخيه يلمسك، ماذا أفعل الآن يا أمي؟

شكسبير هنا خلق 3 شخصيات محورية بدوافع اقل ما يُقال عنها انها بحبكة عظيمة.
22,661
لامرئيات الفن السابع 📽

01 Jan, 15:19

1️⃣ الفيلم ده مَبني على ملحمة شكسبير مسرحية "هاملت" صاحبة المقولة الأشهر ( أكون أو لا أكون ) 👌

الفيلم ده بيجسد المعنى الحرفي لكلمة "ملحمة الخـ.ـيانة الكُبرى" شكسبير هنا خلق مُعضلة صعبة جدا جدا لبطل القصة..وهي ببساطة شديدة جداً بتتكلم عن وصية بيتركها الاب لابنه الأمير بيطلب منه فيها الانتقـ.ـام لمـ.ـوته...

بس مش هنا الغريب لسة..المُعضلة الحقيقة ان الانتقـ.ـام ده نفسه هيكون ضد والدته وعمه عشان اتسببوا فمـ.ـوت ابوه، انت متخيل؟

بطريقة ابسط بكتير هو قدام طريقين..اول طريق انه ينفذ وصية ابوه بس وقتها هيضطر يتخلص من امه وعمه..او تاني طريق انه يترك وصية ابوه بس يعيش بالذنـ.ـب ده طول حياته!

لدرجة اني فيه مشهد بيتكلم فيه الاب مع صديقه عن الانتقـ.ـام، فلما جت سيرة اخوه كان مصمم على الانـ.ـتقام منه، بس لما جت سيرة مراته فقال
" سأتركها لله يحاسبها "

مين اب هيطلب من ابن انه ينتـ.ـقم من امه ؟

وعشان تبدا تدرك سخرية القدر والمُعضلة اللي خلقها شكسبير في المسرحية لازم تعرف كمُشاهد او كقارئ مفهوم الكلمة العبرية "شوتزباه"
19,803
لامرئيات الفن السابع 📽

31 Dec, 15:15

مابين كل افلام الحرباء جوني ديب ده هيعتبر اكتر فيلم مقرب لقلبي حقيقي ❤️

القصة
(تشارلي) طفل صغير، يعيش حياة سعيدة ولكنها فقيرة مع والديه وجدوده الذين يحبونه ويدعمونه، ويحلم بالعثور على التذكرة الذهبية التي تمنحه فرصة زيارة مصنع (ويلي وونكا) الغامض للشوكولاتة، يتحقق الحلم ويعثر (تشارلي) على التذكرة ليخوض مع جده الرحلة المثيرة التي يرافق الفائزين خلالها السيد (ويلي وونكا) نفسه.

فيلم اجواءه ساحرة وجميلة ومناسب للمشاهدة العائلية وبنصح بيه جدا جدا خصوصا من اول ما بتبدا المسابقة مابين الاولاد الفائزين جوا مصنع الشيكولاتة وحرفياً الفيلم بيقدر يدخل فقلبك البهجة.

Charlie and the Chocolate Factory (2005)🎂

📌بقلم/ عبدالرحمن أسامة
📌متاح للمشاهدة بالتعليقات 🔎 ✅️
26,378
لامرئيات الفن السابع 📽

30 Dec, 15:10

بمناسبة رأس السنة هرشحلك انهاردة اكتر فيلم انيمشين مرتبط عندي بالأجواء الشتوية ديه ☃️🤍

القصة
فتى صغيرٍ تراوده الشكوك حول وجود سانتا كلوز، في عشية عيد الميلاد يجد البطل الصغير نفسه دون مقدمات على متن قطارٍ سحري متجه إلى القطب الشمالي حيث منزل سانتا كلوز. خلال تلك الرحلة المثيرة، يواجه الفتى الكثير من المفاجآت ويخوض العديد من المغامرات، يكتشف عن نفسه الكثير بواسطة تلك المغامرة المثيرة التي توضح له أن أكثر العجائب غرابة في الدنيا قابلة للحدوث ولكن فقط مع من يؤمنون بها.

المعنى الحقيقي لفيلم مغامرات عائلي ممتع بصرياً وبيعيشك أجواء جميلة جدا الحقيقة وقادر انه يعزلك عن العالم كله بجماله واحلامه، الفيلم من إخراج روبرت زيمكس ومأخوذ عن رواية بنفس الإسم واللي عامل الأداء الصوتي العبقري توم هانكس ل5 شخصيات كاملة منهم الولد البطل ومُحصل القطار.

"بنصح بيه جدا الحقيقة"

The Polar Express (2004)⛄️

📌بقلم/ عبدالرحمن أسامة
📌متوفر للمشاهدة بالتعليقات 🔎 ✅️
9,316
لامرئيات الفن السابع 📽

30 Dec, 01:34

Squid Game 2

مسلسل لعبة الحبار الجزء الثاني

يعود الفائز السابق سيونج جي هون (لي جونج جاي) إلى المنافسة المميتة بعد بضع سنوات من فوزه بجائزة قدرها 45.6 مليار وون . مصممًا على إنهاء اللعبة الملتوية مرة واحدة وإلى الأبد، يضع جي هون نصب عينيه القضاء على الرجل الأمامي الغامض، العقل المدبر وراء كل شئ

📌 متوفر الجزء الاول والثاني كاملين "للمشاهدة والتحميل" ✅️💯
10,846
لامرئيات الفن السابع 📽

29 Dec, 15:25

3️⃣ تعال بقى نتكلم عن فيكتور اللي شوفناه في احداث المسلسل...انت شايف شخص تقريبا في الخمسينات من عمره، فنفس الوقت افعاله وطريقته وافكاره كلها بتدل انه نفس الولد اللي لسة عنده 12 سنة...

فيكتور كبر جسمانياً بس عقله لسة عقل ولد عنده 12 سنة ميعرفش حاجة غير "النجاة" وفيه ناس بتعتبره انه الأكثر معرفة بين الجميع والمفتاح لحل لغز المدينة الغريبة ديه واحترامهم ليه عالي جدا وده بيبان في الغرفة الاعلى الخاصة اللي واخدها في "كولوني هاوس" وديه حاجة محدش قدر يوصلها غير عدد ضئيل جدا من السكان.

فيكتور هو افضل شخصية اتكتبت واتمثلت في تاريخ أجزاء المسلسل كله وهو سببي الوحيد في متابعة المسلسل لحد دلوقتي 👌

📌بقلم/ عبدالرحمن أسامة
📌 رابط مباشر "للمشاهدة والتحميل" ✅️💯
11,431
لامرئيات الفن السابع 📽

29 Dec, 15:23

2️⃣ ولما نرجع لماضيه هتلاقي انه كان ولد صغير في السن وكان عايش مع ناس برضه منهم عيلته...لحد ما مـ.ـاتوا كلهم في يوم...وفضل فيكتور لوحده في المدينة كلها في سن ميتعداش ال12 سنة تقريبا!!!

فالفترة ديه فيكتور كان وحيد تماماً بدون اي اشخاص او بشر حواليه وفاقد لكل الاشخاص اللي كان يعرفهم...وكان عليه ان ينجو بنفسه من الوحـ.ـوش كل يوم من غير طلاسم!

انت متخيل الحقبة اللي قبل الطلاسم عاملة ازاي؟ هو فضل عايش فيها لوحده تماماً في سن صغيرة جدا !

تعال بقى نتكلم عن فيكتور اللي شوفناه في احداث المسلسل...انت شايف شخص تقريبا في الخمسينات من عمره، فنفس الوقت افعاله وطريقته وافكاره كلها بتدل انه نفس الولد اللي لسة عنده 12 سنة...
10,194
لامرئيات الفن السابع 📽

29 Dec, 15:22

1️⃣ لو سألتني تدي لمين لقب "الشخصية الأكثر وحدة في تاريخ المسلسلات"...هرد عليك من غير تردد وهقولك انه "فيكتور" من المسلسل الرعب والغموض النفسي From

انت حرفيا قدام افضل شخصية اتكتبت في المسلسل كله وهو السبب الوحيد اللي مخليني لسة بتفرج على المسلسل ده، لأني عندي فضول رهيب اعرف مصير شخصية زي فيكتور...هيكون عامل ازاي؟

بس قبل مااكلمك عنه لازم تعرف سريعاً نبذة عن العالم اللي عايش...

مسلسل From ببساطة بيتكلم عن مدينة غريبة ومحدش يعرف مكانها بس لو دخلتها فيوم من الأيام مش هتعرف تخرج منها...قواعد المدن كتيرة بس هنا فيه قاعدة واحدة بس...مهما حصل متخرجش من بيتك بليل عشان الوحـ.ـوش!

ليه بقول على "فيكتور" انه من اكثر الشخصيات وحدة في تاريخ المسلسلات؟!

ببساطة شديدة عشان انت قدام أقدم شخص اتوجد في المدينة ديه حتى قبل "بويد" مش بس كدة...كمان هو كان موجود فالمكان ده قبل احداث الجزء الاول ب40 سنة كاملة، انت متخيل؟؟؟؟؟
10,356
لامرئيات الفن السابع 📽

24 Dec, 15:14

الفيلم ده مجنووووون حرفياً وممتع ومسلي لأقصى درجة ممكنة الحقيقة ❤️

الفيلم التايلاندي Bad Genius اختار انه يتكلم على موضوع جديد من النصـ.ـب والاحتيـ.ـال وهو "الغش" وعشان أكون دقيق معاك فهو بيتناول قصة طالبة في المرحلة الثانوية ذكية بدرجة العبقرية وبتقدر تستفاد من ذكائها بأنها تغشش اصدقائها في الإمتحانات بمقابل مـ.ـادي بطرق جديدة ومبتكرة عشان محدش يقدر يكتشفها، لحد ما بتوصل للتحدي الاكبر في حياتها وهو اختبار "ستيك الدولي" ولازم تبتكر خطط اذكى واقوى عشان تغشش بقية الطلبة بمقابل مـ.ـادي كبير جدا...ومن هنا بتبدأ أحداث الفيلم الحقيقية.

فيلم عبقري وتصاعدي وسريع جدا ومناسب للمشاهدة العائلية، ده غير انه مستوحى من أحداث حقيقية وبنصح بيه جدا جدا جدا.

📌بقلم/ عبدالرحمن أسامة
📌متاح للمشاهدة بالتعليقات 🔎✅️
24,406
لامرئيات الفن السابع 📽

23 Dec, 15:10

2️⃣ حاول متستناش أحداث كتيرة من الفيلم لأنه تقريباً مفيهوش أحداث بس فالمقابل بيقدم حالة فنية عظيمة هتعيش لسنين طويلة لأنه فيلم تصاعدي على الرغم من الرتم البطئ اللي بدأ بيه الا انك في النهاية هتفهم مدى عظمة الفيلم ده.

الفيلم إخراجه عبقري وبينتقل بين الماضي والحاضر بسلاسة شديدة ومتقنة، الفيلم حاصل على تقييم من النقاد أعلى من 90% والفيلم شارك في إنتاجه بن افليك ومـ.ـات ديمون ومقتبس عن رواية بنفس الاسم.

في النهاية تجربة درامية عظيمة وليها رسالتها وبتوصف الشعور بالوحدة بطريقة واقعية وبتتكلم عن حقبة حدثت بالفعل بأداء تمثيلي خرافي هتستمتع بيه جدا كمشاهد الحقيقة.

📌بقلم/ عبدالرحمن أسامة
📌متاح للمشاهدة بالتعليقات 🔎 ✅️
24,371
لامرئيات الفن السابع 📽

23 Dec, 15:09

1️⃣ كيليان ميرفي عامل اداء تمثيلي مش هبالغ لو قولتلك ووصفتهولك بأنه اداء اسطوووري في فيلمه الجديد 👌

فيلم Small Things Like These 2024 هو فيلم بطعم الوحدة بيتقدملك كمُشاهد سينما بس على طريقة الروايات الأدبية وبيتكلم عن رب أسرة مُصاب بالأرق (قلة النوم) وبيبدأ يختـ.ـل توازنه النفسـ.ـي أكتر بعد ما دخل الشك قلبه لما بيشوف افعال قاسيـ.ـة وظالمـ.ـة بتحصل للنساء بداخل الدير المحلى للقرية...بعدها بيبدا الصـ.ـراع النفسـ.ـي الحقيقي بداخله لما بيستعيد ذكريات طفولـ.ـته القديمة واشبـ.ـاح الماضي وبيعرف انه لازم يختار بين إلتزام الصمت او مواجهة الظُلـ.ـم !

كيليان ميرفي بيقدم فالفيلم ده دور واقعي وحقيقي عن الشخص اللي بيشعر بالوحدة على الرغم من وجود الناس حواليه بحكم الجواز والخلفة والشغل الا انك فعلاً كمُشاهد بتشعر لاارداياً بوحدته، لأنها مش مجرد وحدة مصتنعة او شكلها شيك زي معظم الأفلام او الأعمال الفنية...شعور الوحدة هنا اللي بيقدمه كيليان ميرفي واقعي بشكل يخـ.ـوف!
22,297
لامرئيات الفن السابع 📽

17 Dec, 15:10

3️⃣ الفيلم حقيقي اخراجه عظيم جدا وموسيقى تصويرية جبارة ومليان رمزيات ومشاهد مُعبرة جدا رغم انه اتعمل سنة 1962 وكانت اعظم نسخة معبرة عن اجواء الرواية وعمقها رغم انها كانت مغيرة شوية في أحداث الرواية...وفيه برضو نسخة من الفيلم اتعملت سنة 1993 وديه كانت مقتبسة الرواية كاملة بالحرف من بطولة كايل ماكلاشلان والسير أنتوني هوبكنز بس للاسف كانت جافة الا مشهد "الكنيسة" اللي تقدر تشوفه كمقطع لوحده...لان نسخة انهاردة بتاعت 1962 هي تجربة فنية بديعة لا تُنسى.

في النهاية اقدر اقولك ان "المُحـ.ـاكمة" وبدون اي مبالغة هي اعظم عمل ديستوبيا لفرانز وكافكا وان فيلم انهاردة هو واحد من الأفلام العميقة والسوداوية اللي مش هتقدر تنساها طول حياتك.

📌بقلم/ عبدالرحمن أسامة
📌متاح للمشاهدة بالتعليقات 🔎✅️
30,519
لامرئيات الفن السابع 📽

17 Dec, 15:09

2️⃣ تقدر تقول ان رواية ( المُحاكمة ) هي تجسيد كامل لسخط كافكا عن فكرة { السُلطة } وده ظاهر بشكل مُباشر في الرواية واحداثها وكمان تقدر تشوفه بشكل أعمق وغير مباشر في سُلطة والد كافكا على كافكا وتأثره بيه وقت كتابة الرواية وكل ده كان ظاهر في سخط كافكا كمان ناحية الأصول والجذور اللى نابعة من فكرة الإرهاق النفسي والضغوط اللى بيتعرضلها الإنسان على مدار حياته بمختلف المُسميات تحت أصل واحد وهو السلطة!!

الفيلم حقيقي اخراجه عظيم جدا وموسيقى تصويرية جبارة ومليان رمزيات ومشاهد مُعبرة جدا رغم انه اتعمل سنة 1962 وكانت اعظم نسخة معبرة عن اجواء الرواية وعمقها رغم انها كانت مغيرة شوية في أحداث الرواية...وفيه برضو نسخة من الفيلم اتعملت سنة 1993 وديه كانت مقتبسة الرواية كاملة بالحرف من بطولة كايل ماكلاشلان والسير أنتوني هوبكنز بس للاسف كانت جافة الا مشهد "الكنيسة" اللي تقدر تشوفه كمقطع لوحده...لان نسخة انهاردة بتاعت 1962 هي تجربة فنية بديعة لا تُنسى.
24,278
لامرئيات الفن السابع 📽

17 Dec, 15:08

1️⃣ الفيلم ده مبني على رواية فرانز كافكا "المُحاكمـ.ـة" وتعتبر من أشهر الروايات العالمية اللي بتتحط ضمن تصنيفات الدستوبيا او ما يُعرف بأدب المدينة الفاسـ.ـدة..وبتحكي ببساطة عن عالم تخيلي بيتحـ.ـاكم فيه المواطنين بدون اي تهـ.ـمة واضحة...وعليك مسؤولية معرفة الذنب او الجُـ.ـرم المنسوب إليك كمان!!

،،لكنني لست مُذنباً، كيف يمكن أصلا أن يكون أي منا مُذنباً، نحن بشر،،

قصة الفيلم بتتكلم عن "جوزيف K" اللي بيصحى من نومه فجأة وبيلاقي قدامه شخصين بيقولوله إنه متهم في قضـ.ـية بس محدش يعرف سببها، ومع ذلك بيسبوه حر طليق...فبيفكر انها مزحة او مقلب بس كل حاجة هتتغير لما يتم إخطاره باقتراب موعد مُـ.ـحاكمته في الجـ.ـريمة التي لا يعرفها، يبدأ في إدراك حقيقة الأمر، فيكتشف أن الأمر أصعب مما يتصور، ومن هنا بتبدأ الأحداث العبثية والسـ.ـوداوية والصـ.ـادمة لرواية كافكا....

"رثاء للعدالة وهجاء للسُلطة وانحطاط كامل لما وصلت إليه النفس البشرية."
22,770
لامرئيات الفن السابع 📽

15 Dec, 15:30

الفيلم رتمه سريع ويخلي عندك فضول ونهم كمُشاهد وبيخليك تفكر وتحاول توصل لحلول واجابات ويمكن العيب الوحيد للفيلم ان النصف الثاني منه مش بقوة النصف الاول رغم ان كان فيه حوارات ذكية جدا في كشف الحقائق تغفر الحتة ديه.

الفيلم من إنتاج شركة A24 وانا من محبين الشركة ديه بشكل شخصي لأن اغلب أعمالها تشبه الأجواء العامة والسوداوية لبلاك ميرور وكمان The twilight zone بس بإمكانيات وتصوير بيخاطب الجيل بتاعنا بشكل ظاهر ومتميز الحقيقة.

ملحوظة سريعة: الفيلم يشبه كتير فيلم Mother بس على أجواء وأفكار دينية اكتر.

📌بقلم/ عبدالرحمن أسامة
📌متاح للمشاهدة بالتعليقات 🔎 ✅️
28,312
لامرئيات الفن السابع 📽

15 Dec, 15:29

1️⃣ "المهرطق" ببساطة شديدة هو شخص من ذات عقيدتك وملهوش اي هدف في الحياة غير انه يزعزعلك العقيدة ديه..يعني شخص بيمثل إنه معاك بس هو في الحقيقة أكبر عدو ليك.

فيلم Heretic 2024 او المهرطق بالعربي هو واحد من الأفلام النادرة اللي ممكن تشوفها في حياتك لأنها غير خاضعة لأسس سينما متعارف عليها..هي ببساطة بتخليك كمُشاهد وانت بتتفرج مشدود لأنك بتتفرج على فكرة جديدة وبتحاول تتنبأ ايه اللي ممكن يحصل في المشهد اللي جاي، وبرضو مش هتعرف!

الفيلم بيتكلم عن راهبتين بيروحوا لمنزل شخص عشان يدعوه إلى الدين بس كل حاجة هتتغير لما الشخص يبدأ يسألهم أسئلة فلسفية ويحبسهم في البيت وبيديهم الاختيار الحر لأبواب للخروج اول باب مكتوب عليه "الإيمان" وتاني باب مكتوب عليه "عدم الإيمان" ومن هنا بتبدأ أحداث الفيلم الحقيقية...
27,001
لامرئيات الفن السابع 📽

10 Dec, 15:28

نور الشريف الله يرحمه كان بيتكلم عن مشهد "الصرخة" في فيلم العراب في لقاء تلفزيوني وبيقول في ممثلين بيقعوا في غرام البكاء...

اي مشهد حزن لازم يبكي وبحرقه وفاكر ان دا كدا اداء محترف!

هنا بيفرق الممثل الدارس المثقف عن الممثل المفتعل..هنا بالخبره والدراسه عارف ان تقبل الصدمه لبعض الناس مش زى بعضه في ناس بتعيط وفي ناس بتتقبل الصدمه ببرود مش مستوعب ايه اللي بيحصل اروح انا اقول للمخرج انا مش هعيط في المشهد دا يقوم المخرج مضايق وازاي يانور ؟!
لازم تعيط هنا في كارثه، انا بقى اقوله انا هعيط في المشهد الاخير وهبكي بصوت واطي دا يدمرك كمشاهد وانت بتتفرج لكن الصويت اللي بيحصل في المياتم اللي بيعمله الممثلين حاليا دا مينفعش !!

واشاد "نور الشريف" فبفيلم the godfather lll
وقال عبقريه المخرج في مشهد الصرخة ويقوم المخرج بعمل تقريب على وجه أل باتشينوا وهو يقوم بالصراخ في وجه الكون والقدر وانت ترى تفاصيل العروق نافره وانفعال قاسي فيقوم المخرج بكتمان صوت صرخه أل باتشينوا ...وتلك اللحظه قامت بالتأثير علي مشاعرى آلاف المرات بدلاً من أن يقوم المخرج بأدخال صوت موسيقي في الخلفيه او احتفاظه بصرخه الممثل...

📌بقلم/ منار علي
35,677
لامرئيات الفن السابع 📽

08 Dec, 15:32

فيلم Adaptation 2002
37,088
لامرئيات الفن السابع 📽

08 Dec, 15:24

2️⃣ الفيلم ماشي في مسارين..اول مسار عن تحويل رواية إلى سيناريو فيلم سينمائي ومعاناة الكاتب وصراعاته النفسية مع نفسه، والمسار التاني لأحداث الرواية نفسها بتتعرض قدامك لايف كمُشاهد.

سير الأحداث في الفيلم ده ديما غير متوقعة ونهاية استحالة تقدر تتنبأ بيها وأداء عالمي من نيكولاس كيدج كالعادة، وتقدر تطلع منه باقتباسات كتيرة جدا وهتلاقيني سيبهالك في الكومنتـ.ـات.

الفيلم مقتبس من رواية واترشح لخمس جوائز أوسكار فاز منهم بواحدة وحاصل على تقييم 90% من النقاد.

في النهاية اقدر اقولك ان الفيلم ده عبارة عن موسوعة حقيقة وصادقة عن كتابة الروايات 👌

📌بقلم/ عبدالرحمن أسامة
37,031
لامرئيات الفن السابع 📽

08 Dec, 15:23

1️⃣ مابين كل أفلام نيكولاس كيدج ده هيعتبر اكتر فيلم مقرب لقلبي حقيقي ❤️

قبل اي حاجة لازم تعرف انك لو كاتب او سيناريست او شخص مهتم بالروايات عموماً فأنت قدام واحد من اكتر الافلام المهمة اللي ممكن تشوفها في حياتك.

فيلم Adaptation 2002 بيتكلم عن اخين تؤام واحد منهم كاتب سيناريوهات مبدع حقيقي بس عنده مشاكل نفسية وتقلب مزاجي حاد والاخ التاني مستحدث وبيكتب سيناريوهات هابطة بس ناجحة مع الناس وزي ما بيتقال كدة "بتبيع"

الفيلم عبقريته ببساطة انه هدم الشكل التقليدي للبطل..فيلم واقعي عن صراع المدرستين الأدبية والربحية (الإبداع والنمطية) بس اعظم حاجة اتكلم عنها الفيلم وشرحها هي "حالة الشغف" وقد ايه شئ نادر جدا ومميز!
29,675
لامرئيات الفن السابع 📽

07 Dec, 15:20

معظمنا نعرف الكاتبة "سيلفيا بلاث" ومدى تأثيرها خصوصا فئة الروائيين ومعظمنا برضو نعرف انها كانت بتعاني من الاكتئـ.ـاب في عز شبابها، بس الجديد انه من قريب ظهر تقرير بيفيد اني سيلفيا كانت مُـ.ـصابة ايضاً "باضـ.ـطراب الشخصية الحدية" بجانب الاكتـ.ـئاب اللي كان عندها.

فيلم "Sylvia" بيعرضلك حياة الشاعرة والكاتبة الأمريكية "سيلفيا بلاث" والعلاقة بينها وبين زوجها الشاعر الإنجليزي تيد هيوز، وكيف أثر زواجهما على سليفيا وانحدار حياتها الاجتماعية والارتقاء بكتابتها نتيجة لهذا، وبيرصدلك مراحل حياتها المختلفة من مشروع جواز فاشل ومشروع كاتبة ناجحة في رحلة بين التخبط والمعاناة والشهرة.

وديه حاجة انا مؤمن بيها بشكل شخصي اني الابداع والفن بيأتي من اكثر الاماكن ظلاما مش من النور، وده يثبتلك مقولة "على قدر معاناتك يأتي قدرك" يعني سيلفيا على قد مرضها النفسي كان عندها مخزون ابداعي وكان متمثل معاها في الكتابة زي بالظبط فان جوخ كانت موهبته متوظفه في الرسم مصاحبة لكل الألم والمعاناة !

تجربة درامية وكئيبة جدا جدا خصوصا انها عن قصة حقيقية...

📌بقلم/ عبدالرحمن أسامة
📌ترشيح/ منار علي
📌متاح للمشاهدة بالتعليقات 🔎✅️
32,472
لامرئيات الفن السابع 📽

04 Dec, 15:06

2️⃣ حابب أقولك ان بعد نص ساعة من الفيلم بالظبط بيتقلب ل "12 Angry Men" الفيلم الشهير اللي كان بيتكلم عن هيئة محلفين بتنقسم في قرارها عن المشتبـ.ـه به..11 شخص بيقولوا انه مُذنـ.ـب وشخص واحد بس بيعارضهم بيقول انه غير مذنـ.ـب وبتبدأ المـ.ـعركة العقلية حرفياً مابينهم بس الفرق في فيلم انهاردة والمختلف ان البطل نفسه ليه دوافع شخصية في فعل ده.

فيلم Juror 2 من إخراج وكتابة كيلنت استوت وهو الفيلم الأخير في مسيرته الناجحة والطويلة وحصل على تقييمات عالية جدا من النقاد وشبه مرتفعة من الجمهور.

في النهاية تجربة جميلة جدا كفيلم رغم انه ممكن يكون طويل شوية، بس عظمة وقوة الفيلم إنه بيقدر يخليك كمُشاهد تتفاعل وتفكر بينك وبين نفسك قدام مُعضلة أخلاقية صعبة جدا الحقيقة ولازم تعرف تحلها..

📌بقلم/ عبدالرحمن أسامة
📌متاح للمشاهدة بالتعليقات 🔎✅️
37,430
لامرئيات الفن السابع 📽

04 Dec, 15:05

1️⃣ أنت هنا مش قدام فيلم هتتفرج عليه وتمشي وخلاص..أنت قدام مُعضلة أخلاقية محبوكة الأركان من الدرجة الأولى، وقبل اي حاجة لازم تعرف يعني ايه مُعضلة اخلاقية!

ببساطة شديدة جداً "المُعضلة الأخلاقية" هي انك تختار مابين حاجتين غير خاضعيـ.ـن لمفهوم الصح او الغلط..انما هتكون وجهة نظرك للموضوع هي الفاصلة وبطريقة فلسفية شوية لازم تتقبل ان الإختيارين هيكون فيهم ظُلـ.ـم...وأشهر المعضلات الأخلاقية عبر التاريخ مُعضلة اسمها "مُعضلة القطار" وديه هسيبهالك في الكومنتـ.ـات..

انما المُعضلة اللي هتواجهك في الفيلم هنا هتكون مختلفة شوية لأنها هتخليك تتسائل وتتفاعل معاها كمُشاهد..وبتتكلم عن شخص بيشارك ضمن هيئة محلفين لتحديد إذا كان المشتـ.ـبه فيه مـ.ـذنب او غير مـ.ـذنب بس بيتفأجا الشخص ده نفسه او "المحلف رقم 2" انه هو مـ.ـرتكب الجريـ.ـمة الأصلي! وهنا بيكون قدام اختيارين أولهم انه يتلاعب بهيئة المحلفين ويطلعه غير مذنـ.ـب عشان يريح ضميره او يسيب كل حاجة زي ماهي ويتعايش طول حياته مع الذنـ.ـب ده...
36,889
لامرئيات الفن السابع 📽

28 Nov, 15:17

2️⃣ فيلم يخليك تخلص كل مخزون العياط اللي عندك فحضر جنبك علبة مناديل لأنها هتكون تجربة درامية قوية حد السوداوية ومع ذلك الفيلم ده بيعلمك ان الحياة اصلها "التقبل" وبيخليك تفهمها بشكل واقعي وهتطلع منه بمشاعر كتير متلغبطة بعد ما تخلص مشاهدته بس الأكيد أنها هتكون حقيقية...

ملحوظة سريعة معرفش في حد اخد باله منها ولا لا...وهي ان الاخين التؤام وعلى الرغم من حبهم للروايات النخبوية او ذات القيمة الا انهم جت عليهم فترات متفرقة وكان بيقرأه عن عمد روايات هابطة...وهنا الكاتب عاوز يوصلك كمُشاهد غير ان الحياة عبارة عن جولات الا انه حقيقة فعلاً ان النفس ساعات تشتاق لحاجات بسيطة او سطحية حتى لو عكس مبادئ الشخصية لغرض الاستمتاع او التخفيف من أثقال الحياة او حتى من باب الفضول.

📌بقلم/ عبدالرحمن أسامة
📌متاح للمشاهدة بالتعليقات 🔎 ✅️
59,188
لامرئيات الفن السابع 📽

28 Nov, 15:16

1️⃣ يعود "آدم إيليوت" المخرج الحائز على جائزة أوسكار بعد غياب دام 15 سنة بفيلم انيميشن اسمه Memoir of a Snail او مذكرات حلزون وأقل ما يقال عنه انه واحد من أهم وأفضل أفلام العام وهيفضل محفور في ذاكرتك للأبد!

اول حاجة لازم تعرفها انك متنخدعش بأنه فيلم انيمشين لأنه بيتصنف ضمن فئة "الكبار فقط" بسبب جراءة المواضيع اللي بيطرحها وطريقة تناولها...

الفيلم بيتكلم عن أخين تؤام منعزلين عن العالم وبيحبوا الكتب جدا وامهم اتـ.ـوفت وقت ولادتهم وعايشين مع والدهم ولسوء الحظ بيتوفـ.ـى هو كمان...ووقتها الدولة بتقرر تفصل مابينهم لتحسين حظوظهم في التبني فبتتفرق طرقهم وبتكون الطريقة الوحيدة المتاحة للتواصل ما بينهم هي "الجوابات او الرسائل"

السرد في الفيلم ده عظيم جدا وقادر يستحوذ عليك كمُشاهد من أول دقيقة ورغم ان مدته ساعة ونص بس إلا انه فيلم دسم وبيخليك تنغمس فيه بسرعة وكأنك جزء من العالم ده!

"الاقتباسات" كمان في الفيلم بديعة جدا الحقيقة لدرجة ان الواحد واخد كمية اسكرين-شوت لاحصر لها...هبقى انزلها في الكومنتـ.ـات...
48,175
لامرئيات الفن السابع 📽

26 Nov, 15:05

في الفيلم القصير ده العياط (البكاء) بقى أونلاين وكمان بيكسب فلـ.ـوس!!😂

فيلم FRAGILE هو تجربة غريبة جدا وفكرتها جديدة الحقيقة وبيتكلم عن بنت وحيدة وحزينة بتقابل شاب بيقولها إنه مخرج أفلام وعنده مـ.ـوقع فكرته جديدة وبيطلب منها انها تطلع معاه على بث مباشر بمقابل مـ.ـادي.

ببساطة شديدة فكرة اللايف او البث المباشر اللي هي هتعمله عبارة انها تطلع تعيط وطبعا هيكون قدام المُشاهدين ومش مطلوب منها اكتر من كدة!

وبما أنها وحيدة وحزينة فكانت بتفتكر مواقف بتخليها تعيط قبل ما تطلع على اللايف وده خلاها تاخد تقييمات مرتفعة جدا وطبعا المقابل المادي بيزيد، بس المشكلة كلها هتبدأ لما مش بتعرف تعيط مع الوقت وبتضطر تستخدم أساليب تانية عشان تزيف عياطها وتفضل نجمة ومشهورة!

لحد ما بنوصل لنهاية الفيلم الحتمية والمميزة وهتفكرها حلقة هربانة من المسلسل التكنولوجيا السودادي "Back Mirror"

📌ترجمة/ عبدالرحمن أسامة
49,598
لامرئيات الفن السابع 📽

24 Nov, 16:49

2️⃣ الفيلم كان عامل ازمة في الهند وقت عرضه واعمال عنف كبيرة بين الهندوس والمسلمين لدرجة إنهم كانوا عارضين مكافأة لقتل القائميين على الفيلم...

" حق الجوهر " وده يعتبر جوهر قصيدة بادمافاتي لمحمد جياسي وده حق بتطلبه النساء من ازواجهم قبل الحرب عشان لو ماتوا إنهم ينهوا حياتهم عشان ميقعوش آسرى في ايد العدو...

ومن اكتر الحاجات اللي عملت ضجة في الفيلم برضه كانت اغنية binte dil misriya mein لاني الناس اتقسمت في ترجمة الأغنية بين " فتاة قلبي مصرية " و " فتاة قلبي مسجونة بالداخل " وده راجع لكلمة مِصر في الهندي وناس قالت انها كان بلغة الاوردو القديمة معناه السجن، بس اللي اقدر اقولهولك اني " سعد لمجرد " عمل الاغنية النسخة العربية ومتذكرش فيها مصر نهائي، بس اللي اقدر اضمنهولك بعيد عن اختلاف الترجمة اني الأغنية هتفضل في بالك ديما لانه جميلة جدا حقيقي.

وفي النهاية اقدر اقولك إنه من اعظم التجارب السينمائية اللي هتشوفها في حياتك.
Padmaavat 2018

📌بقلم/ عبدالرحمن أسامة
📌متاح للمشاهدة بالتعليقات 🔎
53,226
لامرئيات الفن السابع 📽

24 Nov, 16:48

1️⃣ الفيلم ده مبني على القصيدة الملحمية اللي كتبها الشاعر الصوفي
" مالك محمد جياسي " واللي كانت سنة 1540، وكانت بتتكلم عن قصة خيالية مجازية عن رغبة سلطان دلهي علاء الدين الخلجي في الحصول على الملقبة بادمافاتي، ملكة شيتور. حتى وهي متجوزة ! وحق" الجوهر.." اللي هشرحهولك في باقي البوست..

قصة او قصيدة تقدر تقول إنها تُحاكي مسرحيات "شكسبير العالمية" من ولاء وخيانات وحب وكره واعتلاء العرش، تقدر تقول كل حاجة وعكسها ماعدا " الحرب " ده الشئ الثابت الوحيد في الملحمة ديه...

الحوارات في الفيلم واخدة الطابع الروائي لاني زي ما قولتلك إنها مبنية على قصيدة للصوفي مالك جياسي واللي احداثها خيالية بس شخصيات حقيقية ماعدا شخصية " بادمافاتي " اللي قائم عليها الصراع...

دور " علاء الدين " واللي قام بيه رانفير سينغ الدور ده مرعب لانه بيجسد شخصية مجنونة حقيقي ومع ذلك قوية، فتخيل لما يتجمع الجنون والقوة في شخص واحد وهو ده علاء الدين خلجي، لدرجة انه في مرة من المرات من كتر جنونه لما قتل سلطان دلهي اللي هو متجوز بنته اساساً، المهم بعد ماقتله راحلها وامرها إنها تمارس معاه الحب احتفالاً باللي لسة حاصل!
41,389
لامرئيات الفن السابع 📽

23 Nov, 17:04

102 not out فيلم
37,520
لامرئيات الفن السابع 📽

23 Nov, 16:50

2️⃣ الاختبار التالت والاخير : وده اصعب اختبار والهدف الحقيقي للأب، وهو انه يخلي ابنه يرفض حفيده، لانه شايف اني حفيده بيستغل ابوه

ومن هنا بيبدا الصدام الحقيقي بين الاب والابن بسبب الحفيد...

حابب اقولك ان فيلم 102 not out على قد ما هو بيقتلك ضحك، الا انه فيه رسائل مهمة جدا وفيه مشاهد لو قليلة فيها دارما اجتماعية بتأثر فيك جدا كمشاهد، والفيلم فيه مفاجئات كتيرة جدا ومنحنيات في القصة متتوقعهاش

في النهاية واحدة من اعظم التجارب الهندية اللي شوفتها في حياتي، وهتعيش معايا فترة طويلة جدا

📌ترشيح/ محمد أسامة
📌بقلم/ عبدالرحمن أسامة
37,543
لامرئيات الفن السابع 📽

23 Nov, 16:48

1️⃣ الفيلم الهندي "102 سنة في تلك الحياة لا تكفي"

تقريبا ده اكتر فيلم خلاني اضحك بالطريقة ديه، وده بسبب الفكرة الغريبة جدا اللي بيعتمد عليها الفيلم

وهي ببساطة بتتكلم عن اب عنده 102 بس عنده طاقة يعيش لاكتر، وابنه عنده 80 سنة بس استسلم لدورة الحياة الطبيعية

فتخيل الاب عنده حيوية ونشاط اكتر من الابن 😂 بس طبعا مجنون واللي عامل الدور ده " اميتاب باتشان " المهم بيحط ابنه قدام اختبارات ولو فشل فيها هيوديه دار المسنين!

الاب هو اللي هيودي الابن دار مسنين، انت متخيل !

المهم بيتفقوا على "3 اختبارات"

اولهم مثلا انه يكتب رسالة حب، لمراته زي المراهقين، وتاني اختبار بيجي وهو " الذكريات " وهو انه يزور الاماكن اللي كان سعيد فيها فطفولته
34,946
لامرئيات الفن السابع 📽

21 Nov, 15:43

فيلم 1984
38,953
لامرئيات الفن السابع 📽

21 Nov, 15:09

جاري رفع الفيلم...
6,315
لامرئيات الفن السابع 📽

21 Nov, 15:09

" شرطة الفكر " وده ارعب حاجة ممكن يتخيلها عقلك، انت مش مجرد شخص ممنوع عنه القراءة او الكتابة انت ممنوع عنك الفكر نفسه، وكان فيه شرطة عشان تحقق الكلام ده، لدرجة اني في مرة من كتر غسيل المخ واحد كان فخور اوي اني بنته بلغت عنه شرطة الفكر، وبيحمد ربنا انهم اكتشفوا قبل ما الموضوع يكبر ويخون الدولة، السوداوي في الموضوع نفسه ان هو نفسه مكنش يعرف هو اذنب بايه حتى !

في النهاية اقدر اقولك انه اعظم عمل سياسي في تاريخ البشرية، من سنة 1949 تاريخ كتابة الرواية وحتى يومنا هنا، للعبقري جورج أورويل واللي حابب اقولك انه ليه برضو عمل تاني لا يقل اهمية عنه وهو رواية " مزرعة الحيوان "، في النهاية هقدر اقولك اني الفيلم اخراجه عظيم خصوصاً النصف التاني، بس برضو الرواية اعظم في التفاصيل اكتر واكتر، وفي النهاية العمل نفسه يستحق كل ثانية من وقتك لانه يعتبر مرجع تاريخي كامل في عصرنا الحديث....

📌ترشيح/ محمد أسامة
📌بقلم/ عبدالرحمن أسامة
41,782
لامرئيات الفن السابع 📽

21 Nov, 15:08

2️⃣ القصة كلها بتعتبر بتبدا بعد ما يبدا يعرفك قواعد العالم اللي عايشين فيه، وهنا بتنشأ قصة حب متمردة بتكون ركيزة القصة اللي بتدور في أحداثها في 1984 في أوشينيا، إحدى الدول الثلاث العظمى التي اقتسمت العالم بعد حرب عالمية طاحنة. ويدور معظم الحبكة في لندن، عاصمة مقاطعة إيرستريب 1 الذي كانت تسمى إنجلترا أو بريطانيا. وتغص المدينة بملصقات لرئيس الحزب مكتوب عليها «الأخ الأكبر يراقبك»، في حين تراقب شاشات العرض الحياة العامة والخاصة للسكان.

"لن يثوروا حتى يعوا ولن يعوا إلا بعد أن يثوروا."

" الاخ الكبير يراقبك " وديه كانت شاشة منتشرة في كل بيت وكل شارع وكل مكان شغل بتراقب افعالك اليومية، المضحك في الموضوع اني الناس اللي كانت شغالة مع الحكومة كانت عندها امتياز قفل الشاشة ديه عكس عامة الشعب!

" فعاليات الكراهية " وديه من اعظم كنايات كتبها جورج أورويل الحقيقة وهي عبارة عن تجميع الشعب في الساحة وتسليط غضبهم على العدو وحالة الحرب الدائم في الدولة، وطبعا مش لازم اقولك اني العدو وهمي ومجرد ستارة على فشل الدولة في ادارة شؤونها، لدرجة انهم كان بيقطعوا النور عن الشعب بجدول يومي عشان اليوم ده.
35,415
لامرئيات الفن السابع 📽

21 Nov, 15:07

1️⃣ الكاتب جورج أورويل كتب رواية اسمها " 1984 " رواية سياسية من نوع الدستوبيا او " ادب المدينة الفاسدة! " وعملت ضجة كبيرة لدرجة إنها تقريباً اترجمت بكل لغات العالم، واتمنعت برضه في كتير وكتير من الدول خصوصاً الدول الديكتاتورية، وكل ده سنة 1949 سنة صدور الرواية، وانهاردة هكلمك عن الفيلم المقتبس منها.

زي ما قولتلك في اول البوست اني الرواية سياسية كلها اسقاطات مباشرة وغير مباشرة عن القمع وانعدام الحريات وغسيل الدماغ!

الفيلم بيتقدملك بطريقة او بنوع الديستوبيا او ادب المدينة الفاسدة وهي عكس " اليوتوبيا " وهي ادب المدينة الفاضلة، وهنا بمعنى بسيط بيقدملك عالم مختلف بقواعد مختلفة بطريقة سير مختلفة بس بتكون " الرمزيات " وهنا بتكون كل رمزية ليها دلالة واسقاط على شئ من الواقع...
33,744
لامرئيات الفن السابع 📽

20 Nov, 17:03

بمناسبة وصولنا 100,000 جه الوقت اننا نجاوب على اكتر سؤال كان بيتسأل الفترة اللي فاتت:

📌 الإعلانات

بالنسبة لموضوع الإعلانات فهو الباب مفتوح لاي مجال نعمله اعلان عندنا هنا في القناة بشرط وحيد ان المحتوى نفسه يستاهل ويكون متعوب عليه.
للإستفسار عن سعر وتفاصيل عرض الإعلان من خلال الاتفاق والتواصل مع أ/ محمد

وده الاكونت الخاص به للتواصل والاتفاق:
@Mohamed294969
45,138
لامرئيات الفن السابع 📽

19 Nov, 15:29

2️⃣ كوميديا الفيلم رهيبة وبمعتمدة بشكل رئيسي على كوميديا الموقف وبطريقة بسيطة ومفهومة بدون اي عناء، حاجة تخليك تضحك من قلبك بجد تقدر تقول او تختصر الكلام ده وتقول ان الفيلم ده حقيقي روحه حلوة وخفيف على القلب.

شخصيات الفيلم متنوعة جدا ولذيذة وخصوصا دور الظابط اللي حرفيا هتستنى المشاهد اللي بيظهر فيها من كتر ما هيفصلك ضحك 😂

تقييمات الفيلم عالية جدا ووصلت لرقم 100% من النقاد، و8.5/10 للمشاهدين.

تجربة جميلة جدا جدا وقادرة تنسيك اي هموم وتخليك تضحك من قلبك بجد وبنصح بيه جدا جدا جدا وكمان ينفع عائلي.

📌ترشيح: محمد أسامة
📌بقلم/ عبدالرحمن أسامة
📌 متاح للمشاهدة بالتعليقات 🔎
63,701
لامرئيات الفن السابع 📽

19 Nov, 15:27

1️⃣ الفيلم ده فكرته مجنـ.ـونة × مجنـ.ـونة لأبعد الحدود وقادر يخليك تبتسم من قلبك بكل بساطة وبدون تكلفة الحقيقة ❤️

الفيلم الهندي Laapataa Ladies مُرشح دولة الهند 🇮🇳 لجائزة الأوسكار لافضل فيلم أجنبي هو الطف فيلم ممكن تشوفه السنادي

قصة الفيلم بتتكلم عن حدث غريب جدا لفتاتين بيصادف انه نفس اليوم وكمان بيركبوا قطر واحد مع ازواجهم وبسبب "الساري والطرحة الموحدة" حاجة زي فستان الفرح الأبيض عندنا وطرحة بتغطي الوجه كاملاُ كنوع من العادات والتقاليد عندهم، بتحصل لغبطة وبتتبدل العروسين من غير ما حد ياخد باله..ومن هنا بتبدأ أحداث الفيلم الحقيقة.

كوميديا الفيلم رهيبة وبمعتمدة بشكل رئيسي على كوميديا الموقف وبطريقة بسيطة ومفهومة بدون اي عناء، حاجة تخليك تضحك من قلبك بجد تقدر تقول او تختصر الكلام ده وتقول ان الفيلم ده حقيقي روحه حلوة وخفيف على القلب.

شخصيات الفيلم متنوعة جدا ولذيذة وخصوصا دور الظابط اللي حرفيا هتستنى المشاهد اللي بيظهر فيها من كتر ما هيفصلك ضحك 😂
53,420
لامرئيات الفن السابع 📽

17 Nov, 15:50

فيلم The Bang Bang Club
48,263
لامرئيات الفن السابع 📽

17 Nov, 15:35

2️⃣ الصورة اللي قتلـ.ـت صاحبها 📷

"كان هناك نسران في هذا اليوم نسر له أجنحة والنسر الآخر لديه آلة تصوير"

فيلم The Bang Bang Club كان آمين في نقل الأحداث الحقيقية للقصة بكفاءة عالية، ومش بس كدة هي عرضت قصة اربع شباب اصدقاء ومغامرات وكواليس عمل المصورين الصحفيين في الميدان الحـ.ـربي وقت الأحداث واقدر اقولك انك لو استمتعت بفيلم Civil War مرة فأنت هتستمتع بأحداث الفيلم ده 100 مرة لأنه مقتبس على أحداث حدثت بالفعل.

📌ترشيح/ محمد أسامة
📌بقلم/ عبدالرحمن أسامة
47,356
لامرئيات الفن السابع 📽

17 Nov, 15:33

1️⃣ الصورة اللي قتلـ.ـت صاحبها 📷

الفيلم ده مبني على قصة حياة المُصور "كيفن كارتر" ورحلة عمله إلى السودان لتغطية أحداث المجـ.ـاعة وتم التقاط أشهر صوره على الإطلاق واللي تم بيعها ونشهرها في جميع الصحف العالمية وسببت ضجة كبيرة جدا في العالم وأخذ عليها جوائز كمان، بس وقتها مكنش يعرف ان الصورة ديه هتخليه ينهي حياته...

القصة ببساطة شديدة بدأت في عام 1993 في قرية يود في السودان وحصل وقتها ان "كيفن كارتر" سمع صوت أنين لفتاة صغيرة وهزيلة للغاية وعلى بُعد ٢٠ متر تقريبا حواليها فيه نسر منتظر وفاتـ.ـها ليأكلها ووقتها كيفن انتظر 20 دقيقة كاملة عشان يلتقط الكادر المناسب او الصورة المناسبة للحدث ولما رجع لبلده وانتشرت الصورة لأول مرة في صحيفة نيويورك تايمز واستلم جائزة "بولتزر" مسلمش بعدها من الانتقادات لأنه مساعدش الطفلة واكتفى بتصوير الصورة، وبعدها شعر بتأنيب الضمير وفي سنة 1994 قرر إنهاء حياته.

ويُقال ان السبب الرئيسي في إنهاء حياته كانت اتصال من مُشاهد أثناء حلقة مباشرة على ناشونال جيوغرافيك وكان كيفن كارتر ضيف في الحلقة ديه واتصل وقاله "كان هناك نسران في هذا اليوم نسر له أجنحة والنسر الآخر لديه آلة تصوير"
48,501
لامرئيات الفن السابع 📽

13 Nov, 17:04

أصبح الآن متاح 🔥 ملخص مسلسل Don't Come Home كامل على قناة اليوتيوب ✅️
28,926
لامرئيات الفن السابع 📽

06 Nov, 15:13

2️⃣ المسلسل 6 حلقات محتاج تركيز شديد وعند نهاية كل حلقة بتجبرك كمُشاهد تفتح الحلقة اللي بعدها علطول من غير ما تحس بسبب كمية المفاجأت الغير المتوقعة، المسلسل كمان بيسحلك معاهم في حل اللغز والرتم بيفضل يعلى حلقة عن حلقة وبيزيد غرابة، لحد ما بتوصل للحلقة الرابعة ومن هنا كل حاجة حرفياً بتتغير وبتتحول تماماً!

حابب اقولك كمان ان المسلسل ده عبقري بكل النواحي حتى اختيار اسمه "لا تعودي إلى المنزل" مش هتعرف قيمته غير في اخر مشهد فآخر حلقة.

فالنهاية تجربة عظييييمة ومختلفة بكل المقاييس وبرشحها جدا جدا جدا.

📌ترشيح: محمد أسامة
📌بقلم/ عبدالرحمن أسامة

|للتحميل| مباشر بحجم 5 جيجا 🔎
| للمشاهدة المباشرة | ✅️✅️✅️
48,219
لامرئيات الفن السابع 📽

06 Nov, 15:12

1️⃣ بعد 4 ساعات متواصلة على مسلسل الرعـ.ـب الجديد لشبكة نتفليكس، فأنا جاي اقولك سيب اي حاجة بتعملها وروح اتفرج عليه حالا !

المسلسل ده ماستربيس وحبكته عظيمة عظيمة عظيمة، ومهما حاولت تتوقع النهاية برضو النهاية هتكون صادمة ليك كمُشاهد بكل الطرق الحقيقة !

المسلسل القصير الآسيوي Don't Come Home هو من فئة الرعـ.ـب وبيمشي في مسارين، اول مسار عن ام وبنتها بيتنقلوا لبيتهم القديم وهناك بتحصل حاجتين..اول حاجة بنتها بتبدأ تشوف شبـ.ـح وتاني حاجة بتختفي في يوم من الأيام كأنها لم تكن! وبتبدأ رحلة البحث عن بنتها المفقودة، تاني مسار لمحققة القضيـ.ـة اللي بتكتشف حاجات اغرب واغرب وبتبدأ تشك فالناس كلها حتى الأم نفسها!
40,303
لامرئيات الفن السابع 📽

01 Nov, 16:16

2️⃣ قصة الفيلم
قصة حقيقية لأول محاكـ.ـمة جنائـ.ـية بتاريخ كوريا يشارك فيها مواطنين عاديين كهيئة محلفين والتي جرت عام 2008 حيث يتوجب على المحلفين الثمانية اكتشاف حقيقة القضية بأنفسهم.

بعيد عن قصة الفيلم حابب اقولك ان عالم القانون ذات نفسه ساحر وممتع وماتيريل لكتير من الأفلام وحتى المسلسلات لطبيعته السينمائية يعني اتأكد انك هتشوف حاجة ممتعة جدا ومفيدة للعقل.

كوميديا الموقف عالية جدا في الفيلم ده وخفيفة على المُشاهد وحتى الدرامية اتخدمت عشان تاثر عليك وانت بتتفرج يمكن العيب الوحيد للفيلم هو انه مدته طويلة شوية بس اول ما بتعدي النصف الاول وتوصل للنصف التاني من الفيلم اضمن انك هتشوف عظمة.

📌بقلم/ عبدالرحمن أسامة
📌 مشاهدة مباشرة ✅️
41,547
لامرئيات الفن السابع 📽

01 Nov, 16:15

1️⃣ الفيلم الكوري ده مبني على أول محاكـ.ـمة جنائـ.ـية بتاريخ كوريا يشارك فيها مواطنين عاديين كهيئة مُحلفين سنة 2008.

فيلم Juror 8 الكوري اللي مقتبس عن قصة حقيقية حصلت بالفعل يشبه كتير فيلم 12 Angry Men اللي اتعمل سنة 1957 بس الفرق هنا ان الفيلم الكوري احداثه حصلت فعلا على على ارض الواقع، وده لو تعلمون عظيم وهقولك ليه...

فيلم 12 Angry Men هو متربع على عرش افلام القانون وده لا خلاف عليه وكمان ده مش كلامي ده كلام موقع imdb الشهير للافلام ده غير انه متصنف في المرتبة الخامسة على افضل افلام عبر التاريخ بعد شاوشنك والعراب وباتمان..فما بالك انك هتشوف انهاردة قصة مقاربة ليه وكمان مبنية على قصة حقيقية..انت متخيل؟!

قصة الفيلم
قصة حقيقية لأول محاكـ.ـمة جنائـ.ـية بتاريخ كوريا يشارك فيها مواطنين عاديين كهيئة محلفين والتي جرت عام 2008 حيث يتوجب على المحلفين الثمانية اكتشاف حقيقة القضية بأنفسهم.
34,121
لامرئيات الفن السابع 📽

31 Oct, 15:33

"الماضي مجرد قصةٍ نرويها لأنفسنا بإستمرار"

حلقة انهاردة بتناقش مفهوم "النوستالجيا" وهي ببساطة من غير شرح كتير بتتكلم عن شعور الإنسان بالحنين إلى الماضي سواء إلى أشخاص او أماكن او حتى احساسك ناحية نفسك..لدرجة ان بعض جامعات علم النفس عرفته كمـ.ـرض نفـ.ـسي وأطلقت عليه مصطلح Nostalgia Syndrome او متلازمة النوستالجيا، واختلف العلماء اذا كان الإحساس ده نفسه إيجابي ولا سلبي!!

حلقة انهاردة بقى صاحبة أهمية كبيرة جدا الحقيقة ومعالجة ورؤية مختلفين نهائي عن الدارج، الحلقة بتتكلم عن ممثل مسرحي مشهور بيكبر في السن وبيبدا يحس بالنوستالجيا ناحية نجاحه وناحية زوجته المتوفـ.ـية..بعدها بيدخل في فجوة زمنية وبيرجع للماضي وبيقابل مراته وبيلاقي كل حاجة متغيرة!

The Twilight Zone S02E09
30,059
لامرئيات الفن السابع 📽

31 Oct, 03:14

حلقة جديدة من مسلسل The Twilight Zone انهاردة ان شاء الله الساعة السابعة 👽🔥
30,150
لامرئيات الفن السابع 📽

30 Oct, 10:07

3️⃣ الحسنة الوحيدة للفيلم بلا منازع هي تمثيل العبقري "خواكين فينكس" وتقدر تقول انه اداء اوسكري عظيم بامتياز وهيجبرك تستمتع بيه كل ثانية الحقيقة.

من ناحية "الأرقام والتقييمات" فالفيلم فاشل فشل تام في شباك التذاكر ومقدرش يجمع نصف تكلفة إنتاجه.....ومن ناحية التقييمات مكنش افضل حال وكان تقييم النقاد 30% وتقييم الجمهور (5.3/10)

📌 رابـ.ـط المُشاهدة في التعليـ.ـقات 🔎 عشان اللي حابب يتفرج على الفيلم وعلى الأداء العبقري لخواكين فينكس.

📌بقلم/ عبدالرحمن أسامة
29,358
لامرئيات الفن السابع 📽

30 Oct, 10:06

2️⃣ احنا بنتقبل الأفكار الغريبة والمعالجات الجديدة وانا بشكل شخصي بعشق الأفلام النفسية بس الفيلم ده فشل ما بعده فشل وسطحي بطريقة فجة، واللي يعصبك حقيقي انك عندك ماتيريل محبوبة وكتيرة للفيلم ده ورغم كدة ظهر بشكل سطحي مع محاولة صنع تعمق زائف انت ذات نفسك معطتهوش حقه ففيلم ساعتين ونص وغير جدير لجماهير شخصية "الجوكر" ولا جدير لجماهير الأفلام النفسية اللي بعتبر نفسي واحد منهم ولا جدير بجماهير الأفلام الهابطة!

المشكلة حتى ان الواحد ميقدرش يعتبره تجربة جديدة لمخرج جديد عشان نبرر السطحية ديه...بس لا انت عندك ماتيريل كامل عبر السنين سواء افلام او كوميكس تقدر تتعمق من خلالهم وتظهر رؤيتك مهما كانت غريبة او غير معتادة..ده حقك وساعتها هيتقال اختلاف وجهات نظر بس لا...انت عملت فيلم سطحي باهت!
15,616
لامرئيات الفن السابع 📽

30 Oct, 10:05

1️⃣ والله الواحد عاوز يجيب كل القائمين على الجزء التاني من فيلم الجوكر ويحاكمهم بتهمة اهدار الموارد "الأدبية والمالية"

الفيلم ده مهزلة بكل المقاييس كأنك قدام عرض مسرحي هزلي ميلودرامي...طيب حضرتك عامل فيلم عن شخصية "الجوكر" فينه؟

الفيلم المفروض بيعرضلك حياة شخصية آرثر فيلك او الجوكر بداخل مصحة نفسية وهناك بيتعرف على بنت اللي هي المفروض هارلي كوين فنفس الوقت بتبدا محاكمته وصراعه النفسي بين الشخصيتين اللي جواه!

حتى محاولة تصنع جانب آخر من شخصية الجوكر من الناحية النفسية فالفيلم ده فهو فشل ما بعده فشل، حتى لو تقبلت الفكرة المختلفة يا سيدي ماشي بس فين التعمق؟ كلها افكار سطحية غير مكتملة ومعروضة بطريقة باهتة ومهترئة وغير مؤثرة تماماً

وايه كل الأغاني ديه حضرتك؟ طب مثلا لو حابب تعمل فيلم غنائي ناجح ومؤثر كنت روح اتعلم من فيلم Les Misérables "البؤساء" اللي اتعمل سنة 2012
16,364
لامرئيات الفن السابع 📽

28 Oct, 15:44

2️⃣ الحالة اللي عند مات ديمون في الفيلم ده واللى كتير ميعرفوهاش، تُعرف بإسم : Attachment disorder او ما يسمى ب"اضطراب التعلُّق التفاعلي" حالة نادرة ولكن خطيرة تجعل الرضيع أو الطفل الصغير غير قادر على تكوين علاقات صحية مع الوالدين أو مقدِّمي الرعاية. وقد يُصاب الطفل بهذا الاضطراب إذا لم تُوفَّر له الاحتياجات الأساسية من الراحة والمودة والتغذية، ولم يكن الطفل قادرًا على تكوين علاقات مستقرة من المحبة والرعاية مع الآخرين، او بكلام ابسط بكتير "بتخلي الشخص ديما مشغل آليات دفاعية عشان ميدخلش اي علاقة مع اي شخص"

المميز كمان في الفيلم وكان مُفاجئ ليا بشكل كبير اني الفيلم من كتابة مات ديمون و بن أفليك والاغرب اكتر انهم حصلوا على الأوسكار كأفضل قصة.

الفيلم اترشح لجوائز كتير واخد جائزتين أوسكار واحدة فيهم للعبقري روبن ويليامز.

تجربة اجتماعية عظيمة جدا ومهمة وبتخليك تفهم اكتر في العلاقات والاهداف الشخصية وبتفيدك كمان بشكل شخصي.

📌بقلم/ عبدالرحمن أسامة
📌متاح للمشاهدة بالتعليقات 🔎
17,066
لامرئيات الفن السابع 📽

28 Oct, 15:43

1️⃣ فيلم Good Will Hunting 1997 هو واحد من اعظم الأفلام اللي ممكن تشوفها في حياتك عموماً ده غير انها هتفيدك كمان بشكل شخصي!

اول ما هتشوف الصورة ممكن يجي في بالك انها صورة بتجمع بين اب وابنه، بس لا الصورة ديه في الحقيقة هتجسد علاقة صداقة قوية جدا بين شاب والدكتور النفسي بتاعه...

قصة الفيلم بتتكلم عن شاب ضال بالحياة ومشتت لاقصى درجة رغم امكانياته ومهاراته العالية،شاب بيناضل حتى من أجل العثور على هويته الخاصة، وعلى الرغم من قدرته على حل المشكلات الخاصة بالأخرين، إلا أنه لديه العديد من المشكلات مع نفسه، حتى يلتقي بزميله الروحي الذي يساعده لإيجاد طريقًا لنفسه فى الحياة.
17,565
لامرئيات الفن السابع 📽

21 Oct, 14:03

2️⃣ انما قصة الفيلم الحقيقية بتركز على اتنين صحاب واحد منهم عبد والتاني سيد وبتبدا معرفتهم منذ الطفولة لما جنرال كبير بيشتري عبد مهمته الوحيدة انه يفضل يتجلد كل ما ابن الجنرال يفشل في تدريب السيـ.ـف، انت متخيل؟ يعني ابنه كل ما يفشل يضرب العبد !

المهم بعدها العبد بيقرر يدرب ابن الجنرال وبتبدا صداقة قوية مابينهم على مر السنين لحد ما بيحصل سوء تفاهم مابينهم وبيتحولوا لاعداء وبما انه فيلم سياسـ.ـي كمان بجانب الأكشن اللي فيه، بيتحول العبد إلى رمز للثـ.ـورة وابن الجنرال بيدخل البلاط الملكي وبيكون الذراع اليُمنى للملك الفاسـ.ـد ومن هنا بتبدا الأحداث الحقيقية للفيلم.

البطل او العبد شخصيته مبنية على "مياموتو موساشي" أسطورة الساموراي الخالدة.

في النهاية اقدر اقولك انه فيلم سياسـ.ـي درامي وحربي أكشن بيجمع زيجات كتير مهمة في توصيل رسالة ورغم كدة مش دسم وبرضو مش لايت بس هو لذيذ جدا ويستحق المشاهدة.

📌بقلم/ عبدالرحمن أسامة
📌متوفر للمشاهدة بالتعليقات 🔎
25,862
لامرئيات الفن السابع 📽

21 Oct, 14:02

1️⃣ "وعُدتُ من المعاركِ لستُ أدري علامَ أضعتُ عُمري في النِّزالِ"

أحدث أفلام شبكة نتفلكس الكورية فيلم Uprising او بالعربي (الانتفاضـ.ـة/الثـ.ـورة) اللي مبني على أحداث تاريخية وشارك في كتابتة المخرج بارك شان ووك اللي اتشهر بفيلم Old boy.

الفيلم بيبدأ بباحث كوري مخضرم ومشهور بيعمل دعوة جديدة في أنحاء المدن الكورية واللي بتنص على "الملك والعبد متساوون وكمان كل واحد عنده الفرصة انه يكون ملك!" وده طبعا بيخلي الملك يتجنن لما بيوصله الكلام ده وبيأمر بأعـ.ـدام المسؤوليين عن الكلام ده...وبيعمل مشهد افتتاحي عظيم جدا وانت بتشوف طريقة غضبه وخوفه وتوتره ان الكلام ممكن يكون صح! بعيد عن الكلام بس حقيقي استمتع بالتمثيل المُعبر في المشهد ده وهيجبرك تعيده كذا مرة من قوته!
21,181
لامرئيات الفن السابع 📽

20 Oct, 10:14

2️⃣ الفيلم مقتبس من رواية نيكوس كازانتزاكيس، واللي كان ديما بيتعرض بهجوم من الكنسية بسبب كتاباته الفلسفية وافكاره لدرجة اني الكنسية منعت دفنه واعطاءه قبراً، ودُفن بعيداً وكتب على قبره " لا اخشى شيئاً، فأنا حر "

من ضمن القصص اللي بتقابل زوربا وصديقه المثقف الهادئ قصة
" الأرملة " وديه على قد ما كانت مطمع من رجالة القرية كلهم، الا انها كانت بتحتقرهم كلهم، ومش حابب احرقلك نهاية القصة، بس اوعدك انها هتفضل ديماً في بالك...

طب ببساطة ايه اللي بيميز " زوربا اليوناني " فاقدر اقولك اني المبارة الحوارية اللي مابين شخصين فلسفتهم في الحياة عكس بعض تماماً، فخلقت حالة عظيمة جدا بكل المقاييس + الموسيقى الأيقونينة حقيقي، واداء رائع جدا من انتوني كوين " زوربا اليوناني "

في النهاية اقدر اقولك إنه عمل ايقوني، وانه اعظم عمل في التاريخ اتكلم عن مفهوم " فلسفة الحياة "
Zorba the Greek 1964

📌بقلم/ عبدالرحمن أسامة
📌متاح للمشاهدة بالتعليقات 🔎
21,003
لامرئيات الفن السابع 📽

20 Oct, 10:13

1️⃣ "زوربا اليوناني" هو اعظم اعمل اتكلم عن مفهوم فلسفة الحياة وده من خلال انه بيعرضلك وجهتين نظر لشخصين عكس بعض تماماً !

اولهم شخص مثقف ومولع بالكتب وغني، والتاني شخص غير مُتعلم ولكنه مُتكلم تقدر تقول عايش حياته بالفهلوة زي ما بيتقال، والاغرب من كل ده القدر اللي بيجمعهم وتبدا وجهات نظرهم ونقاشتهم حوالين المواقف اللي بتقابلهم، وبتخليك انت كمُشاهد حبة تميل للجنب ده، وحبة تميل للجنب التاني، بس اعظم حاجة في الحوارات مابينهم هو رؤية كل واحد فيهم عن " الحرية "

القصة
رجل مثقف يُدعَى (باسيل) غارق في الكتب ، يلتقي مصادفة برجل أُمِّيّ ، مدرسته الوحيدة هي الحياة وتجاربه فيها ، يُدعَى (زوربا) . سرعان ما تنشأ صداقة بين الرجلين ، ويتعلم فيها المثقف الكثير عن الحياة منه ، يقرر الغني المثقف الاستثمار في منجم فحم ، جاعلا صديقه (زوربا) هو المدير لهذا المشروع.
19,063
لامرئيات الفن السابع 📽

19 Oct, 16:15

"أبنتي أعرف انكِ ظُلمتي، كنت دائمًا أصب غضبي عليكي..ولم يهتم احداً بكِ كثيراً، لا أستطيع أن أعبّر لكِ عن مدى أسفي، انتِ..

منذ اللحظة التي استطعتي المشي فيها، لم يبدو أنك بحاجة إلى أحد، كان يمكننا أن نتركك بمفردك..ثم عندما توفيت والدتك بدوتِ بخير أيضاً..كان يجب أن أدرك أن هذا غير ممكن بل مستحيل!

لقد كنتِ تتألمين بالقدر نفسه، ولكنني كنت اتألم كثيراً ولم استطع أن أرى ذلك حتى انشغلت في حياتي مرة اُخرى ونسيت....

أشكرك لأنكِ قمتِ بعمل أفضل مني..لأنكِ اعتنيتي بنا"

فيلم His Three Daughters بيتكلم عن أب بيجمع حواليه بناته الثلاثة "العطوفة، العصبية، المُنتشية" قبل نهاية حياته وبتبدا تطاردهم جراح الماضي. بتقييم عام من النقاد وصل 97%، تقدر تقول عليه فيلم "حب البنات" بس نسخة درامية روائية وعموماً هو واحد من أفضل أفلام العام.

📌بقلم/ عبدالرحمن أسامة
📌 متوفر للمشاهدة بالتعليقات 🔎
26,490
لامرئيات الفن السابع 📽

18 Oct, 15:39

الفيلم الانيمشين The Wild Robot او الروبوت البري هو أفضل فيلم انيميشن نزل السنادي وبدون اي منازع الحقيقة 💚

القصة
تجد روبوت ذكية تُدعى (روز) نفسها على متن جزيرة معزولة بعد تحطم مركبتها، وفي سبيل النجاة من الظروف البيئية القاسية تنشأ بينها وبين الحيوانات رابطة قوية، وتعتني في طريقها بصغير إوز يتيم.

فيلم اجواءه ساحرة جدا ومليان كمية مشاعر لا توصف ومؤثر ومهم جدا لأنه بيرسخ مفاهيم حقيقية وبمنتهى البساطة بدون اي تكليف الحقيقة ده غير أنه ممتع وبيتصنف كفيلم مغامرات عائلية، فيلم حقيقي الواحد مكنش عاوزه يخلص وهو بيتفرج، ومناسب لكل الفئات والأعمار وبنصح بيه جدا جدا جدا.

📌ترشيح/ محمد أسامة
📌بقلم/ عبدالرحمن أسامة
📌متوفر للمشاهدة بالتعليقات 🔎
21,045
لامرئيات الفن السابع 📽

16 Oct, 16:19

2️⃣ قواعد العقار ببساطة..اول حاجة بيتولد جسد اضافي مُحسن من رحم الجسم الأصلي، يعني جسمين لشخص واحد وبيتم التبديل ما بينهم كل 7 ايام بالظبط لأنه الجسد التاني الغير المستخدم وقتها بيكون فحالة ثُبات..ومن هنا بتبدأ الموازنة، ومع ذلك تقدر تستخدم الجسد الجديد اكتر من 7 ايام بس هيعود بالسلب على الجسد الأصلي ويزيد عمره بطريقة سريعة عن المعدل الطبيعي ومن هنا بيبدا الصراع النفسي !!

الفيلم مليان تفاصيل كتيرة الحقيقة ومشهد افتتاحي عبقري وإخراج لا يقل جنوناً عن فكرة الفيلم.

يمكن تحفظي الوحيد كان النهاية رغم اني متفهمها بس كنت اتمنى انك تشوفلها طريقة عرض مختلفة لا اكثر خصوصا وان الفيلم نفسي دسم لأقصى درجة.

المهم كل ده كوم وتمثيل ديمي مور فحتة تانية خالص وكأنها بتجسد مشاعر او عواطف هي عاشتها فعلا مش مجرد تمثيل نهائي!

فالنهاية اقدر اقولك فيلم The Substance من الأفلام المهمة جدا اللي نزلت السنادي وهيكون ليها تأثير كبير مع مرور السنين وتجربة مجنونة وجريئة وطرح ذكي لاقصى درجة مع تحفظ بسيط على النهاية.

📌بقلم/ عبدالرحمن أسامة
📌 متاح للمشاهدة بالتعليقات 🔎
24,788
لامرئيات الفن السابع 📽

16 Oct, 16:18

1️⃣ عارف مقولة "ليت الشباب يعود يومًا" و "الجسد لا يرحم"؟

طيب فيلم انهاردة بيحققلك بالظبط المقولة ديه، بس هل عمرك فكرت فالعواقب..

قبل اي حاجة لازم تعرف انه فيلم مجنون × مجنون لأقصى درجة وغير مناسب للمشاهدة العائلية تماماً بأعلى حتى من المستويات السائدة!

الفيلم ده بيفترض انه فيه عقار جديد بيرجعك لشبابك بس بقواعد صارمة ودقيقة لاقصى درجة، فنفس الوقت فيه ممثلة فالاربعينيات من عمرها وكانت حاصلة على جائزة أوسكار وكانت ناجحة نجاح باهر بس طبعا لحكم السن مبقتش بتطلب زي الاول في افلام مشهورة وحتى البرنامج اللي كانت بتقدمه جالها قرار من الإدارة بالاستغناء عن خدماتها بس لحسن الحظ او لسوءه بيقع معاها العقار ده...ومن هنا بتبدا الأحداث السريعة والمجنونة للفيلم

بس اوعى تتخدع في الفيلم لأنه رغم انه متصنف رعـ.ـب نفسي الا انه اقدر اقولك انه درس قاسـ.ـي جدا ومتعمق في النفس البشرية...
19,243
لامرئيات الفن السابع 📽

15 Oct, 16:02

3️⃣ الغريب في الفيلم انك بتتعاطف فيه مع المسخ مش الدكتور فيكتور فرانكشتاين عكس المتوقع وبتبدأ تعرف ان المسخ أكثر بشرية مننا احنا البشر وده بيظهر في كذا مشهد..اهمهم مثلا المشهد اللي كان مع العيلة الريفية وراح ساعدهم في حصد المحصول في عز الشتاء القارص.

مشهد فلسفي كمان بيتسأل فيه "المسخ" عن اسمه...بيسكت شوية وبيتردد وهو متأثر وبيعيط وبيقول "لم يعطني اسماً ابداً" إشارة إلى والده او صانعه الدكتور فيكتور فرانكشتاين.

بس أهم مشهد واللي بيظهرلك حقيقية الكائن ده وقد ايه هو بشري هيكون المشهد الأخير للفيلم وده مش هحرقهولك عشان تستمع بيه.

الفيلم بيضم أبطال كتير منهم روبرت دي نيرو اللي عامل دور "المسخ" والحرباء الجميلة هيلينا بونهام كارتر، وحابب أقولك انك هتستمه بأجواء الفيلم وأخراجه ممتع لأقصى درجة رغم انه قديم وسيب كل ده على جنب واستمتع بالحوارات والمباريات الكلامية والفلسفية في المشاهد اللي بيظهر فيها المسخ فرانكشتاين حتى لو قليلة عشان الحقيقة هتكون من مستوى عالي وراقي جدا جدا جدا.

📌بقلم/ عبدالرحمن أسامة
📌ملخص الفيلم متاح على قناة اليوتيوب ✅️
📌متاح للمشاهدة بالتعليقات 🔎
17,755
لامرئيات الفن السابع 📽

15 Oct, 15:59

2️⃣ فيلم Mary Shelley's Frankenstein سنة 1994 بيتناول شخصية فرانكشتاين وكمان العالم المجنـ.ـون فيكتور فرانكشتاين

وبيعرضلك قصة حياتهم اللي تقدر تقسمها إلى 3 مراحل

المرحلة الأولى وهي "الولادة" وديه بتتكلم عن دوافع العالم المجنون في صناعة "المسخ" والخطوات التي أدت إلى ولادته.

المرحلة الثانية وهنا بيجي دور "المسخ" وتعرفه على العالم القاسـ.ـي لحد ما بيروح مع عيلة لطيفة في الريف وبيبدا يقضي وقت لذيذ جدا وهناك بيبدأ يتعلم القراءة والكتابة والتفكير، لحد ما بيتصـ.ـدم وبيعرف انه مجرد مسخ او وحش مهما حاول انه يتغير هتفضل نظرة العالم ليه هي هي مش هتتغير.

المرحلة الثالثة والأخيرة بتبدا رحلة المسخ للانتقام من صانعه الدكتور فيكتور فرانكشتاين وهناك بيجي مشهد عكس المتوقع والمسخ بيطلب من العالم المجنون انه بس عاوز رفيق....او صديق...بيسكت شوية وبيطلب منه زوجة! بس بشرط انها تكون نفس نوعه عشان تتقبله، حتى المسخ عارف ان الحب اساسه "التقبل"
15,455
لامرئيات الفن السابع 📽

15 Oct, 15:58

1️⃣ أفلام كتير اتكلمت عن "فرانكشتاين" بس فيلم واحد فقط هو اللي اقتبس الرواية الأصلية للكاتبة الإنجليزية ماري شيلي المخترعة والمبدعة الأصلية لشخصية فرانكشتاين.

طب مين هو "فرانكشتاين"؟

هو ببساطة "مسخ" اتولد من تجارب عالم مجنـ.ـون مكنش قادر يتقبل فكرة المـ.ـوت وكان عاوز ينتصر عليه فعمل مختبر وقدر يوصل ان الكهرباء ليها عامل كبير في كيمياء الإنسان البشري وراح بعدها جمع جثـ.ـث من المقـ.ـابر يمين وشمال لحد ما جمعهم في جسد واحد قوي جدا ومع عدد كبير من التجارب بيقدر يدب الحياة في الجسد ده...، بس المفاجأة كلها ان رغم ضخامة الجسد ديه وقوتها البدنية الا انها حرفياً وكأنها طفل لسة مولود جديد!

يعني لسة عاوز يتعلم المشي الكلام الحركة، وده بيخلي العالم المجنـ.ـون فيكتور فرانكشتاين ينهي التجربة ويفقد شغفه بالموضوع كله !

بس هو نسى حاجة واحدة ان "المسخ" اللي اتولد ده لسة عايش وهرب وبيتعـرض للقسـ.ـوة البشرية لمجرد انهم خايفين منه لأنه مختلف!

فكرك وقتها اي شعور هينتصر جواه على التاني...البراءة والحب كطفل لسة مولود جديد، ولا الغضـ.ـب والانتقـ.ـام اللي اتعلمهم من البشر؟
16,059
لامرئيات الفن السابع 📽

11 Oct, 15:44

"العزلة في هذا العالم ليست بجريـ.ـمة بل هي خدمة ندين بها إلى أنفسنا"

حلقة فلسفية جدا الحقيقة ومن اكتر الحلقات الغريبة في تاريخ المسلسل وده راجع لكذا عامل...منهم انها حلقة من ضمن 6 حلقات اتصورت بشريط فيديو ضمن خطة تخفيف الإنتاج، وتاني سبب هو الافتتاحية الغريبة للحلقة وتقريبا مفيش اي شرح وسط الاجواء اللي مش مفهومة لحد نصف الحلقة تقريباً، بس مع حوارات مهمة وفلسفية للغاية، واخيراً "النهاية" اللي هتيجي تصدمك كمُشاهد.

الحلقة بتدور حوالين صراع فكري وفلسفي بين اب وبنته وطريقة حياتهم...انت عندك من ناحية الأب قرر ينغلق على نفسه وأسرته من العالم الخارجي ويعوض الفراغ ده عن طريق روبوتات بشرية بس على الناحية التانية بنته عندها شعور ان الروبوتات بدأت تتحكم فيهم مش العكس ومن هنا جاتلها فكرة انها تسيب البيت....وبتخير والدها بين اختيارتين "الأول انها هتهرب من البيت فعلا....التاني انه يدمر الروبوتات اللي صنعها بنفسه..."

وحابب اقولك انك حتى لو مش بتتفرج على المسلسل..تقدر تتفرج على الحلقة ديه لوحدها خصوصا وانها 20 دقيقة فقط!

The Twilight Zone S02E08
21,794
لامرئيات الفن السابع 📽

11 Oct, 03:56

The Angel Heart 1987

جودة فائقة ✅️
20,402
لامرئيات الفن السابع 📽

09 Oct, 16:07

The Angel Heart 1987

جودة متوسطة ✅️
24,177
لامرئيات الفن السابع 📽

09 Oct, 15:40

2️⃣ موسيقى الفيلم ده عظيمة لأقصى حد ممكن تتخيلها وليها حالة خاصة ومختلفة عن اي رتم ممكن تكون سمعته في حياتك.

حابب اقولك حاجة أخيرة عن نهاية الفيلم ده وهي انه صاحب نهاية أصلية وصادمـ.ـة وجريئة جداً لدرجة انها متاخدة في نهاية فيلم مشهور جدا جدا ومحدش كان يعرف انها اصلا مستوحاة من الفيلم ده بس طبعا مش هقولك على اسمه عشان الحـ.ـرق...بس هقولك تلميح بسيط، الفيلم المشهور ده اتعمل سنة 2003.

🚫 تـ.ـحذير غير مُناسب تماماً للمشاهدة العائلية

📌 بقلم/ عبدالرحمن أسامة ✅️
📌 ترشيح/ محمد أسامة ✅️
23,209
لامرئيات الفن السابع 📽

09 Oct, 15:38

1️⃣ كلنا شوفنا دور "الشيـ.ـطان" اللي عمله آل باتشينو، طب كنت تعرف ان الممثل روبرت دي نيرو جسد دور الشيـ.ـطان هو كمان بس قبله ب 10 سنين؟

فيلم Angel Heart 1987 مبني على رواية اسمها "الملاك الساقط" واتصنف الفيلم وقت عرضه أنه من أهم وأفضل 20 فيلم رعـ.ـب عبر التاريخ، وعن نفسي اقدر اقولك أنه من أعظم 5 افلام تحت تصنيف الرعـ.ـب النفسـ.ـي او زي ما بحب اقول عليهم " الرعـ.ـب الروائي" بما انه بيحمل لغز وقصة عميقة ذات قيمة وأهمية ودرامية عالية جدا !

قصة الفيلم بتحكي عن محـ.ـقق خاص بيتكلف بمهمة بحث عن شخص مفقود وفخلال رحلة البحث ديه بتبدأ الأحداث السريعة والرحلة النفسية للبطل واكتشاف الحقائق والصدمات وربط الخيوط بالأدلة لحد ما بتيجي النهاية تضرب بكل حاجة عرض الحائط وبتلاقي نفسك قدام بلوتويست مش طبيعي وحرفيا هياخد منك شوية وقت لحد ما تستوعبه كويس!

طبيعي اننا نشيد بأداء روبرت دي نيرو بس الحقيقة المرادي عاوز اشيد بالأداء الخرافي للممثل "ميكي رورك" البطل الرئيسي للعمل اللي ميقلش اداءه عن روبرت دي نيرو ويمكن كمان كان يتفوق عليه في بعض الأحيان !
18,936
لامرئيات الفن السابع 📽

05 Oct, 17:48

2️⃣ فيلم Blink Twice

يعني حضرتك جايب جزيرة طويلة عريضة وعامل اختراع جديد عشان تغتـ*صب فيها الستات؟ طب ما هو بالعقل ماتعملها بالتراضي 😂 حاولت امشيها وقولت "الدافع النفسي لفكرة الإجبار" نفسها بس هرجع واقولك يعني مكلف نفسك وعامل جزيرة خاصة واختراع جديد عشان تجبر فيها الستات؟ حتى لو قولت ان فيه عامل تعذـ* يب ده فحد ذاته مضحك لأنك مش قدام سلسلة Hostel مثلا!

اللي بيزعل ان الفيلم اخراج ممتاز جدا ومحافظ على عامل التوتر والفضول ناحية كل مشهد وهو في الحقيقة مسلي جدا وقادر يسحلك معاه من اوله لاخره من غير ما تاخد بالك...رغم العيوب اللي كنت تقدر تتلاشها لو قدرت تهتم بحبكة القصة اكتر من كدة!

ورغم كدة نهاية الفيلم اللي كانت مفاجأة ليا كمُشاهد وطريقة الإنتقام الجديدة والصايعة حرفياً قدرت تخليني أغفر نواقص القصة.

في النهاية اقدر اقولك تجربة مجنونة ولذيذة جدا تستاهل المشاهدة رغم بعض العيوب في القصة اللي كانت محتاجة اهتمام اكبر وبدون اي تحيز لأي أجندة.

🚫 تحذير غير مناسب للمشاهدة العائلية 🚫

📌بقلم/ عبدالرحمن أسامة
📌 متاح للمشاهدة بالتعليقات
📌 ملخص الفيلم أصبح متاح على قناة اليوتيوب Shorts ✅️
24,260
لامرئيات الفن السابع 📽

05 Oct, 17:46

1️⃣ رغم عيوب الفيلم الا انه فعلاً قادر يخليك تقوم تسقف بسبب النهاية بتاعته اللي بتتمثل فطريقة الانتقـ.ـام اللي هتشوفها ومش هتقدر تنساها!

فيلم BLINK TWICE بيتكلم عن شاب مليـاردير عنده جزيرة خاصة وبيطلع يستجم فيها مع مجموعة من الأصدقاء عشان يبدأ اختراعه الجديد...في نفس الوقت بيتعرف على نادلة جديدة وبيعجب بيها وبيحبها وبيطلب منها ان تسافر معاه للجزيرة وبتوافق..ومن هنا بتبدأ الأحداث الحقيقية للفيلم.

إخراج الفيلم ده مش طبيعي واجواءه بتخليك عاوز تكمله وبتشدك تتفرج مشهد بعد مشهد من غير اي ملل نهائي مع عناصر تمثيلية جيدة جدا الحقيقة!

طب عيوب الفيلم بتتمثل في ايه؟ هي نقطتين واحدة منهم هي "الأجندة النسوية" اللي هو يلا نعمل فريقين الفريق النسائي بتاعنا الحلو والفريق الرجالي الوحش ده ونبدأ المدعكة عشان حقوق المرأة طبعاً مع اهمال الحبكة حتى لو بتنتقص من الفكرة...كل ده مش مهم المهم بس نزرع الافكار ديه في دماغك.

تاني عيب هو "الدافع" اللي هو السبب فده كله
24,165
لامرئيات الفن السابع 📽

04 Oct, 15:59

"لن تجد نفس الشخص مرتين، ولا حتى في نفس الشخص"
- محمود درويش
Breaking Bad (2008–2013)

📌 مشاهدة وتحميل المسلسل كاملاً ✅️
23,322
لامرئيات الفن السابع 📽

01 Oct, 13:36

حلقة انهاردة من منطقة الشفق بأسم "الْعَرَّاف" بيفترض فيها الكاتب ان فيه آلة بتتنبأ بالمستقبل عن طريق الأسئلة اللي بتحتمل إجابتها "نعم" او "لا"

بتبدا الحلقة باتنين متجوزين جديد ورايحين يقضوا شهر العسل بس بتتعطل عربيتهم في مدينة غريبة وبيطلعوا بعدها على مطعم وهناك بيشوفوا تلك الآلة الشيطانيـ.ـة واللي هتتنبأ ليهم بحدوث حادثـ.ـة سيئة جداً لو خرجوا من المطعم قبل الساعة الثالثة، ومن هنا بيبدأ الصراع الفكري بين الزوجين بين التصديق والتكذيب...

حلقة فلسفية بامتياز ومفيدة جدا في توجيه رسالة مهمة ونهاية ذكية.

The Twilight Zone S02E07
30,011
لامرئيات الفن السابع 📽

01 Oct, 02:37

انهاردة ان شاء الله حلقة جديدة من Twilight Zone وعذراً على التأخير 🤍
24,717
لامرئيات الفن السابع 📽

29 Sep, 16:32

الحلقة الثالثة والأخيرة
29,646

2025 All Right Reserved

Disclaimer: The content displayed on this website is solely provided by the respective Telegram channels. We hold no ownership or responsibility for the content shared by these channels.