بوستات تحفيزات دراسيه نصائح📚🩷.

وقفت لي متكمل سعي
انا تعبت انا دايما درجتي وحشة في الامتحانات
انا مش عارف اذاكر المادة كذا انا خايف من دي انا مش عارف انا تعيت انا انطفيت
انا طاقتي خلصت انا و انا وانا والخ من الصيااااااح

هقولك انت اي؟
انت ولله تقدر تقدر طالما واثقة فالله انه هيجبر بخاطر ومن جابر الخواطر الا الله ♥
ولله كلنا تعبنا كلنا درجتنا وحشة كلنا انطفينا بس بركعتين لله تنزاح كل همومك وخوفك ولله انت تقدر لسة بدري لسة 6شهور ولله اتلحق لو قبل الامتحان بشهر اتلحق طالما واثق بالله وداخل الامتحان بيقين ان ربنا هيجبرك لو مهما كانت صعوية الامتحان لو مهما كانت الظروف انت متخيل انت مشيت قدا اي ارجع بكام شهر وراء كده امتحانات تانية
اهو دي لحظات من ايامي في المرجعات مش هقول مكنتش خايف ولا دحيح ولا مقفل كله لا كنت خايف وقلقان ومتواتر بس كملت كملت عشان ارضي ربي عليا وارضي اهلي وميندموش ع حاجه دفعوها كنت بكمل عشان حلمي مش هقول دكتور هو فعلا انا بحلم بكدا بس انت توريد وانا اوريد والله يفعل ما يريد ورب الخير لا يفعل الا الخير مهم كانت النتيجة لانها مش بايدك انت في ايدك اي دلوقتي تعمله انك تسعي وتستمر في الطريق اللي انت ماشي فيه الاستمرارية اساس النجاح ولله يارفاق

على فكره انا زي زيك متراكم عليا وخايف وساعات مبذاكرش بس بقوم وبذق عشان ربنا يجزيني ع قد تعبي وري لله انك بتعمل اخرك وربنا هيكرمك وكرم الله لا ينتهي

فا استمر عافر اجتهد اغلط اقع وقوم مهو السلم مش بنطلعو مرة واحدة درجة درجة بنوصل للنهاية

وبعض الجمال   معلقة معايا
نقطة وراء نقطة بتملي البرميل وخطوة ورا خطوة نمشي الف ميل

فا استمر
ربنا ييسر امراكم ويحقق احلامكم ويسعد قلوبكم ويفرج همومك 💖💖✨🤲🏼🫶

عافر حلمك يستاهل عافر تعبك يستاهل

دائما موفقين ❤

ـ
المنهج خلاص اتراكم عليا، وللأسف أهداف بداية السنة راحت..

دي الجملة الشهيرة اللي بتقولها الفترة دي وإن خلاص مفيش أمل،
طب أنا عندي رأي تاني لو ممكن كده نجيب كوباية الشاي أو القهوه ونسمع الكلمتين دول:

- أنا مؤمن جدًا بإن الإرادة إذا عزمت وتوكلت.. يبقي تبًا للمُستحيل.

- أنا بقولك الكلام من واقع تجربه والله حقيقي، مفيش مستحيل طالما قررت تبدأ.

- المستحيل هيفضل ملازمك طول ما انت باصص لورا ومش بتعمل حاجة.

- لكن إن قررت البدأ من دلوقتي وقررت تحط قدامك الآية
{وَأَعِدُّواْ لَهُم مَّا ٱسْتَطَعْتُم مِّن قُوَّةٍۢ}

صدقني النتائج هتكون مُبهرة بالنسبة ليك.

هات آخرك واعمل اللي عليك في اللي فاضل من السنة، وكل ما تضعف افتكر إن ربنا عايز منك سعي.

أما النتيجة فـ دي بتاعت ربنا، والمُقارانات اللي هيّدخلك فيها الشيطان اللي من نوعية:

فيه غيرك يستحق لأنه بدأ من أول السنة، فيه غيرك خلّص المنهج، فيه غيرك بدأ من بدري وحقق كل أهداف السنة.. وما إلى ذلك.

- كلها أفكار شيطانية الغرض منها إلهائك عن المهام بتاعتك.

- اللي بدأ ربنا يكرمه، ، إنت ملكش دعوة بحد، ركز علي نفسك زي ما ربنا لما هيكرمك.. هيكرمك علي أساس سعيك إنت.

لو انت فاشل زي ما بتقول مكنش الشيطان فضل ملازمك، لأنه خايف لما تقوم تكسر الدنيا وتعمل كتير.

فـ بلاش تخليه ياخد الفرصة وقوم ابدأ من دلوقتي.

اقرأ دول واتعلم تذاكر صح ازاي ..!

المذاكره بتبقى  ممله جداً بالنسبه للشخص ال مجربش الطريقه دي
جربوها صدقوني هتلاقوا فرق من اول
يوم 🔥♥️
الطريقه بقي :
1- النظره العامه :بص علي الفهرس
2-ذاكر بصوت عالي
3- الكلام اللي بتقوله لنفسگ مخك بينفذه يعني حفز عقلگ ،مخگ مش قليل
بلاش تقول لنفسك مش فاهم مخگ اكبر من شوية الورق  دول .
4- وقت المذاكره 40بس مش اكتر البريگ من 5 ل 10 دقايق مش اكتر برضو.
5- نظام الاكل مذاكرش بدون اكل و مذاكرش و انت واكل كتير كل نص بطن كدا.
6- افتح الشباك و حافظ علي انك تكون في مكان فيه هوا نقي.
7- اياك و المنبهات دي دمار للعقل بتحفزه لمده قليله و بعد فتره بتعمل للعقل خمول تام و ارتباك ف الاعصاب.
8- النوم بدري اخرك كده 1 بليل العقل من 1 ل 3 الصبح ف حالة ترتيب المعلومات يعني لو ذاكرت في الوقت ده مش هتكون مركز خالص.
9- ربط المعلومات ببعض سواء بكلمه او موقف او كلمة سر او اغنيه او اي حاجه تفكرك بيها.
10- سجل المذاكره بصوتك واسمعها صدقني انت بعدها هتقدر تدرس المنهج اصلاً.
11- الخريطه الذهنيه مهمه جداً اعمل خريطه لكل ماده اكتب فيها الدروس هتسهل كتير.
12 - ارمي موبيلگ بره الاوضه اللي بتذاكر فيها فاهم  اقفله كمان الموبيل سبب فشىلنا كلنا   
و حاول خلي منبه جمبك عشان تعرف انجزت ايه ف وقت قد ايه
13 اقعد في مكان هادي وحافظ ع تروقيه .
14- مكان منظم مش عش فراخ
15- مذاكره منظمه تذاكر بخط حلو اقرا كل صفحه قبل ما تذاكرها و خطط عشان المعلومات تثبت
16- متذاكرش و في دماغگ كلمة امتحان انت بتذاكر عشان تفهم علم من علوم الكون
17- قول الاذكار علي طول و دعاء المذاكره
*للعلم علم العالم ده كله عباره عن 13%
بس من قدرات العقل *✨♥️

"بص يا صاحبي ، النجاح مش بيجي بالساهل، لازم تعب وصبر. ،كل الى بتذاكروا دلوقتي هتلاقيه قدامك بعدين في صورة حلمك اللي بيتحقق. مفيش حاجة مستحيلة، أهم حاجة تبدأ، حتى لو خطوة صغيرة.

فكّر كده: الوقت اللي بتضيع فيه ممكن تستثمره في حاجة تفيدك وتقرّبك من هدفك. شد حيلك، كفاية تأجيل، وركز. وافتكر دايمًا إن تعبك النهارده هو راحة بكرة. شدّ حيلك، مستقبلك بين إيديك!"

"لو حسيت إنك تعبت أو زهقت، خد دقيقة وافتكر ليه بدأت أصلاً. شوف مستقبلك قدام عينيك وافتكر إن كل مجهود بتعمله النهارده هيبقى سبب إنك تفتخر بنفسك بعدين. مفيش حاجة اسمها 'مش قادر'، في حاجة اسمها 'لسه ما حاولتش كفاية'.

خليك فاكر إن النجاح مش مرتبط بالذكاء بس، هو مرتبط بالإصرار والاجتهاد. شيل فكرة الفشل من دماغك، وبدلها بفكرة 'أنا هحاول لحد ما أوصل'. كل خطوة بتاخدها النهارده هي اللي هتحدد مكانك بكرة. متوقفش، انت تستحق الأحسن!"

بالتوفيق🩵

-صباح الخير..

عايز تنجح؟!📚
متركزش مع رأي ناس فيك وكلامهم عليك ركز ف حلمك و هدفك وبس خلي دايما كلام الناس سواء إيجابي أو سلبي يبقي دافع ليك انك تبقي احسن من الاول ؛ متقارنش نفسك بحد ايا كان مين قارن نفسك بنفسك قارن نفسك السنة الي فاتت ب السنة الي قبليها قارن نفسك السنادي بالسنة الي فاتت قارن نفسك دلوقتي بنفسك من كام سنة ؛ شوف فين غلطاتك الي عملتها وصلحها واتعلم من غلطاتك ؛ خليك دايما عندك ثقة ف نفسك و ف ربنا قبل اي حاجه ؛ قرب من ربنا وصلي ومتسبش نفسك لدماغك وشيطانك و دي أهم خطوة في نجاحك ؛ اسعي ورا حلمك واتعب واجتهد عشان مفيش حاجه حلوة بتيجي بالساهل ، (لكل مجتهد نصيب) . لو تعبت هتلاقي بس انت اتعب وابداء واعمل كل الي عليك ❤.
https://t.me/cc_w_cc

فـويـس -- رقـم 3 -- فـويـسـات تـحـفـيـزيـه
https://t.me/cc_w_cc

فـويـس -- رقـم 2 -- فـويـسـات تـحـفـيـزيـه
https://t.me/cc_w_cc

فـويـس -- رقـم1-- فـويـسـات تـحـفـيـزيـه
https://t.me/cc_w_cc

‌‏ما أسهل تضييعَ الوقت! وما أصعبَ الالتزام! .. الأولُ لا يحتاج إلى أي جهد، والثاني يصعَد بك إلى المجد، فاخترْ لنفسك ما يناسبها وما يليق بها.💙✨
https://t.me/cc_w_cc

"الذي رتب هذه الحبات داخل قشرتها ، قادر أن يدبر حياتك وأمورك. "🖤

الا ي نفس هل ضاقت بڪ الحيل🥺💗💗🍭

صَباح الخير..

ما دُمتَ تسعى،فلا تُذعِن لمُعضلةٍ
لا بُدَّ - من خاضَ دربَ السّعْيِ - أن يصِلا:')


أذكاركم وورد القرآن ونشوف يومنا "اللهّم بركة الوقت، ويُسر السعي، ودهشة النتائج."🖤

ڪُل اللِ راح مڪنش بتاعك، بس خليك واثق أن ربنا هيعوضك عن ڪُل اللِ مڪنش ليك فيه نصيب قبل كدا 🫶🏼♥️♥️♥️♥️♥️♥️♥️♥️♥️♥️♥️♥️♥️♥️🌚

صباح الخير

يلا نشرب قهوة ونذاكر تاني ☕
معلش، مش هتعمل حاجة طول السنة غير انك تذاكر

دي الأولوية السنة دي، فلازم تدي كل حاجة حقها.

لأنك مش هتفضل في الثانوية طول عمرك!
فليه متذاكرش وتعمل اللي عليك كل يوم!

لازم يكون عندك عزم وتحكم في نفسك شوية ، لأنك لو معرفتش تتحكم فيها عشان تذاكر وتبذل المجهود المطلوب منك دلوقتي..

مش هتعرف تتحكم فيها في اي حاجة في حياتك وهتتأخر!

قول لنفسك بصوت عالي انا المتحكم في نفسي وانا اللي بقرر بكامل وعي ذاكر امتا وارتاح امتى!

ذاكر وترجي من الله يحقللك حلمك ♥️

وبس سلام، موفقين يا أبطال 🌻

عافر هيبتك تستاهل "

-
لابأس أن نتعثر ، لابأس أن نتألم..
‏المهم أن لا نقف المهم أن لا نستسلم
‏المهم أن نكون أقوى دومًا😌💪

‏"دعها على اللّـهِ أقدارًا مُقدّرةً لم يخلق اللّـهُ إنسانًا وينساهُ"💜✨

- لدي حلم و سأحققه يومًا ما ولن انسى ولن استسلم أبدًا ❤️.
𝐼 𝒉𝒂𝒗𝒆 𝒂 𝒅𝒓𝒆𝒂𝒎 𝒂𝒏𝒅 𝒊 𝒘𝒊𝒍𝒍 𝒎𝒂𝒌𝒆 𝒊𝒕 𝒄𝒐𝒎𝒆 𝒕𝒓𝒖𝒆 𝒐𝒏𝒆 𝒅𝒂𝒚 𝒂𝒏𝒅 𝒊 𝒘𝒊𝒍𝒍 𝒏𝒆𝒗𝒆𝒓 𝒇𝒐𝒓𝒈𝒆𝒕 𝒂𝒏𝒅 𝒊 𝒘𝒊𝒍𝒍 𝒏𝒆𝒗𝒆𝒓 𝒈𝒊𝒗𝒆 𝒖𝒑

استمر ولن يخيب الله سعيك وتعبك 💗.

- تأمل ڪل هذا الڪفاح سيڪون جزءًا من قصتك، وليس معاناتك ⚖🤎.