🫂ሰው ሁን ከሰውም ሰው🫂

በጨዋታ መሀል......

እሷ....ባል ፈልግልኝ እስኪ ጥሩ ፀባይ ካለው ይበቃኛል አለችኝ።

የምሯን እንደሆነ ንግግሯ ያስታውቃል።

እኔ....ፍቅረኛ ኖሮሽ ያውቃል?

እሷ....ነበረኝ..ዛሬ ነገ እንጋባለን እያለኝ ህልሙ ለይ ተመስጦ...ቀኔን በልቶ...ተራ ምክንያቶች ደርድሮልኝ ተለየኝ😔😔...አሁን ሌላ አግብቶ ወልዶ እየኖረ ነው አለች በተሰበረ ልብ...💔💔

የኔ ወንድም ልምከርክ....ካልወደድካት ካላገባሀት ተዋት በቃ ውብቷ ሳይጠፋ የፈለገችውን አማርጣ በጊዜዋ ታግባ።

አውቃለው ትዳርን የሚሰጠው ፈጣሪ ነው ....ግን ጊዜ ከወንድ ልጅ የበለጠ ለሴት ልጅ ትልቅ ትርጉም አለው።

━━━━━━✦✗✦━━━━━━

✍Tazi

²“Love is a serious mental disease.”

`` በየቀኑ ስለራሳችን አዲስ ነገር እያገኘን ህይወትን እንኖራለን፤ ከዛ "እኔ እኮ በደንብ ነው የማውቃችሁ" የሚል ደደብ ይመጣል!``

                -Cioran

Mental Health Matters
==================

በሰዎች ተከበው ብቻቸውን የሆኑ እና ብቸኝነት የሚያሰቃያቸው ብዙ ሰዎች አሉ:: በአካል አብረን ስለዋልን አብረን ስላደርን አብረን ነን ማለት አይደለም::

አብረውን ካሉ ሰዎች ጋር በስነልቦናም በመንፈስም ልንገናኝ ይገባል:: Spiritual and Emotional Intimacy ሊኖረን ይገባል ደስተኛ ሆነን ሰዎችን ደስተኛና ጤናማ ለመሆንም ለማድረግም::

ብዙ ነገራችን አብሮ መዋል ወይም ማደር ላይ ብቻ ስለሚመሰረት ብዙዎች የውስጣቸውን መከፋት , ብሶት , ጭንቀት እና ፍርሀት አብረዋቸው ላሉ ሰዎች ማጋራት ሳይችሉ ቀርተው በጭንቀት በድብርት የሚሰቃዩ ብዙዎች ናቸው::አለፍ ሲልም ራሳቸውን የሚያጠፉ ሰዎች እየተበራከቱ ነው::

ከጎናችን ላለ ሰው የአእምሮ ሁኔታ ቅድሚያ መስጠት እጅግ በጣም አስፈላጊ ነገር ነው:: ስሜታችንን ልንፈታተሽ ይገባል:: እንዴት ነህ ? ዛሬ ምን አስደሰተህ ? ዛሬ ምን አስከፋሽ ? ወዘተ የሚሉት ጥያቄዎች ትንሽ ቢመስሉም ተጠይቀው ለሚመልሱት ሰዎች ግን እፎይታን ይሰጣል::

የሚሰማችሁን በውስጣችሁ አምቃችሁ አትያዙ:: ንስሀ አባት የሌላችሁ የንስሀ አባት ይዛችሁ ስለመንፈሳዊ ጤናችሁ ተመካከሩ::

ስነልቦናዊ እና እለታዊ ጉዳዮችን የቅርቤ ለምትሉት ሰው አጋሩ:: የሚሰማችሁን አምቃችሁ አትያዙ!! ከጎናችሁ ያለን ሰው አዋሩ::

ከፍ ያለ የስሜት መረበሽ ሲገጥማችሁ የህክምና እርዳታ ለማግኘት ሞክሩ::
ድብርት ቅብጠት አይደለም ህመም ነው::

Yohannes Yaya (mental health specialist)

✍Tazi

የግብዣ ጥሪ ለ ቅዳሜ

የጋራ የስነ ልቦና ጉዳት እና ፈውስ -
ልዩ ትምህርታዊ ውይይት


የጋራ ስነ ልቦና ጉዳት ማህበረሰቦችን በጥልቅ የሚነካ እና ለረጅም ጊዜ የሚቆይ ጉዳት ነው።

በዚህ ልዩ የትምህርት ውይይት በኩል የጋራ የስነ ልቦና ጉዳት  ምንነት፣

መንስኤዎችን እና መፍትሄዎችን በጥልቀት እንመረምራለን።

በዚህ ውይይት ላይ የሚካተቱ ዋና ዋና ነጥቦች፡-

የጋራ ስነ ልቦና ጉዳት ምንድን ነው?

የሚያስከትሉ ምክንያቶች ምንድን ናቸው?

#በግለሰቦች እና በማህበረሰቦች ላይ የሚያሳድረው ተጽእኖ ምንድን ነው?

ለመዳንስ ምን መደረግ ይገባል?

በማህበረሰባችን ውስጥ የጋራ የስነ -ልቦና ጉዳት ለማስወገድ እንዴት መሥራት እንችላለን?

ይህ ውይይት ለእርስዎ ጠቃሚ የሚሆነው ለምንድን ነው?

በተሻለ ለመረዳት ይረዳዎታል።

ከሌሎች ጋር በመተባበር መፍትሄዎችን ለማግኘት ያስችልዎታል።

አዎንታዊ ለውጥ ለማምጣት የሚያስችል እውቀት እና አቅም ይሰጥዎታል።



እንዳያመልጡት! ይህ ውይይት ለሁሉም የተከፈተ ነው።


Collective Trauma and Healing - A Special Educational Discussion

Collective trauma is a deep-rooted wound that can affect entire communities, groups, or nations. In this special educational discussion, we will delve into the nature, causes, and solutions to collective trauma.

Key topics to be covered in this discussion include:

What is collective trauma?

What are the causes of collective trauma?

What is the impact of collective trauma on individuals and communities?

What can be done to heal from collective trauma?

How can we work together to address collective trauma in our community?

Why should you attend this discussion?

Gain a deeper understanding of collective trauma.

Collaborate with others to find solutions.

Acquire knowledge and skills to create positive change.

      🔘 Speaker , Dr. Ashenafi Negash (MD) Psychiatrist

Yekatit 12 hospital medical college

✅🔘 ቀን: ቅዳሜ  13/2017 ዓ.ም l [NOV. 23/2024]

✅🔘 ሰዓት: [ 1:00 PM EST  በኢትዮጵያ ከምሽቱ  3:00 ላይ ]

✅🔘 ቦታ:https://t.me/sage_ethiopia ]

Don't miss out! This discussion is open to everyone.

#CollectiveTrauma #Healing #Community

ወንድ ልጅ እህቱን የሚቆጣጠራትን እና የሚያስብላትን ያህል ለሌሎች ሴቶችም ሐላፊነት የሚሰማው ቢሆን ኖሮ አንድም ሴት ባልተጎዳች💔  ነበር።

✍ታዚ

ሰው ስለፈለገ ብቻ አያገኝም፣
ስላልጠየቀም አያጣም፣
እድል እንዳሻት ናት፣
ለአመታት የለመኗትን ነስታ፣
ማለዳ የጠየቋትን ታድላለች፣
.
.
ታድያ ምን ይሆን ሚያኖረን??
ሁሉም ነገር አልጋ በአልጋ ላለመሆኑ ከዚህ ህይወት በላይ ማሳያ የለም፥ አንዳንዴ ሁኔታዎችን መቀየር አንችልም የማይቀየሩ ሁኔታዎችን ለመቀየር በመሞከር አንድከም
ጊዜውን ጠብቆ ሁሉም ነገር ይለፍ...ከዛ ግን ደህና ይሆናል!!

social media
✍ታዚ

ከአንድ ሳምንት በፊት ደውላ እንደደበራትና ከቻልኩ እንዳገኛት ጠይቃኝ ነበር!....እኔም በሰዓቱ “ውይ አንቺና ድብርት ግን ስትዋደዱ!... ወይ ለምን ተጋብታችሁ አብራችሁ አትኖሩም እ'? ብዬ ቀለድሁባት

...እሷም “ ሰርግ ደግሰን እወቁልን አላልንም እንጂ ከተጋባንማ ቆየን እኮ"አለችኝ...ያው ሁሌ ስለምንቀላለድ ንግግሯን ከ ቁም ነገር ሳልቆጥረው ሰሙኑን እንደማገኛት ነግሪያት ስልኩን ዘጋሁት!

ከሁለት ቀን በኋላ ደግማ ደወለችልኝ...ጫጫታ ቦታ ነበርኩ!...ስልኬ ሶስት ግዜ እንደ ጠራ አነሳሁትና “ቤቲዬ ጫጫታ ቦታ ላይ ነኝ ያለሁት አይሰማኝም መልሼ ልደውልልሽ!?...አልኳት!

"እዮብ በጣም ከፍቶኛል ምትችል ከሆነ አሁን ቤት ና በናትህ..አለችኝ

ያለሁበት ቦታ ጫጫታ ብዙም እያሰማኝ ስላልነበር “ቆይ ቤቲዬ ከ 5 ደቂቃ በኋላ ደውልልሻለሁ እሺ' ብዬ ስልኩን ዘጋሁት!....ቀኔ አድካሚ ስለነበር መደወሉን ረስቼ ቤቴ እንደገባሁ እራቴን እንኳ ሳልበላ ተኛሁ!...ጠዋት ተነስቼ ስልኬን ሳየው ቴክስት ገብቶልኛል... ቤቲ ነበር የላከችው!..ሰዓቱን አየሁት!... ትናንት ምሽት ሁለት ሰዓት

ነው የተላከው….. “ቻው እሺ እዮብዬ የማልደበርበት ቦታ ሄጃለሁ" ይላል!...ምን ለማለት ፈልጋ ነው? ግራ ገባኝ...ስልኳ ላይ ደወልኩ አይነሳም!...ደጋግሜ ሞከርኩ መልስ የለም!...ጫማዬን አደረኩና የቤቴን በር እንኳ ሳልቆልፍ በፍጥነት ወጣሁ!

የነ ቤቲ በር ላይ ስደርስ ድንኳን ተጥሏል! ልቤ ለሁለት ሲሰነጠቅ ተሰማኝ!...እግሬ እየተንቀጠቀጠ ወደ ውስጥ ገባሁ!...እናትየው የቤቲን ፎቶና የሆነ ወረቀት በእጃቸው ይዘው ግራና ቀኝ በሁለት ሰዎች ተይዘው እያቃሰቱ ቁጭ ብለዋል! ...ሰማይ ምድሩ ተደበላለቀብኝ!...የግዴን “ም… ምንድነው ማዘር'' ብየ ጠየኳቸው!...ምንም መልስ አልሰጡኝም!...ከ ጎን ያለችው ልጅ እምባ በተናነቀው ድምፅ! ልጃቸው አርፋለች አለችኝ!....''ማ ..ቤቲ?'' አልኳት...''አዎ'' አለችኝ!....''እራሷን ከ ማጥፋቷ በፊት ይሄን ወረቀት ፅፋ ነበር'' ብላ ከ እናትየው እጅ ላይ ወረቀቱን ወስዳ ሰጠችኝ!...እጄ እየተንቀጠቀጠ ተቀበልኳትና አየሁት ....''አይዞሽ የሚለኝ ሰው ብቻ ነበር የፈለኩት ....'' ይላል! ምንም አላልኩም.... ወረቀቱን እንደያዝኩ እግሬን እየጎተትኩ ከድንኳኑ ወጣሁ!...በእርግጥ ወዴት እንደምሄድ አላውቅም!

! ይሄ ፅሁፍ የሚያስተምረን በሂወታችን ችላ የምንለው ነገር እስከ ሂወት ማጣት ድረስ ዋጋ እንደሚያስከፍለን ነው

✍ታዚ

አንድ ብልህና እውነተኛ ወንድ ሚልዮን ሴቶችን የሚያፈቅር ሳይሆን አንድ ሴትን በሚልዮን መንገድ ማፍቀር የሚችል ነው።

Unkown
✍ታዚ

Emotional Intelligence ምንድን ነው?

Emotional intelligence ('የስሜት ልህቀትን') በተመለከተ ዳንኤል ጎልማን ጥሩ መጽሃፍ ጽፏል::

ለመሆኑ Emotional intelligence ምንድን ነው?

I- የመጀመርያው  Self Awarness and recognizing emotion ነው::

ይህም ሁነቶችን ተከትሎ ምን እየተሰማን እንደሆነ ውስጣዊ ስሜቶቻችንን ማጤንን እና በቃላት መግለጽ መቻላችንን ያመለክታል::

በነገራችን ላይ ስሜቶቻችን የሰውነት ስርዓታችንን የመወሰን አቅም አላቸው:: ታዲያ self awareness መኖሩ አንድም የሰውነት ስርዓትን እንደማስጠበቅ ነው::

እዚህ ጋር Alexythymia የሚባል ነገር እናንሳ:: ይህ ችግር ያለባቸው ሰዎች ምን እየተሰማቸው እንደሆነ ይህ ነው ብለው መናገር አይችሉበትም:: በዚህም ምክንያት ብዙ ተግዳሮቶች ሲገጥማቸው ይስተዋላል::

ሌላም በከባድ Trauma ያለፉ ሰዎች ከሚቸገሩባቸው ጉዳዮች አንዱ ስሜታቸውን ማጤን እና መግለጽ አለመቻላቸው ነው:: በስነልቦና ህክምና ወቅትም ይህን ችሎታ እንዲያዳብሩ ይሰራል::

- Managing emotion:-

ስሜቶቻችንን ካጤንን በኋላ መግራት እንድንችል ይጠበቃል:: አሪስቶትል እንደሚለው 'መናደድ ቀላል ነው.. ግን ይህን ንዴት በትክክለኛው ቦታ፣ በትክክለኛው ሰው ላይ፣ ለትክክለኛ አላማ፣ በተመጠነ ሁኔታ መጠቀሙ ችሎታን ይጠይቃል '::

ታዲያ ይህ ችሎታ ያላቸው ሰዎች ስሜቶቻቸውን አጢነው መግራት የሚችሉ፣ 'የስሜት ልህቀት' ያላቸው ናቸው::

- Motivating oneself-

ስሜቶቻችን የተገሩ ሲሆኑ ያኔ ውስጣዊ ሰላላምን እንቀዳጃለን፤ እምቅ ችሎታዎቻችን መገለጥ ይጀምራሉ:: ስሜታችንን መግራት በመቻላችን የአላማ ሰዎች እንሆናለን፣ ከግልፍተኛ ውሳኔዎች እንታቀባለን፣ እምቅ ችሎታችንን እንረዳለን፣ ከራሳችን ጋር መናበብ ይቻለናል:: ይህ ደግሞ ያበረታናል::

- Recognizing emotions in others

የራሳችንን ስሜቶች ማጤን፣ መረዳት እና መግራት ስንችል፤ የሌሎችን ስሜት ማጤን እና መረዳት ይቻለናል:: Empathy, self-attunment ..የሚባሉ ጽንሰ-ሃሳቦች እዚህ ጋር ይመጣሉ::

የስሜት ልዕልና ላይ ስንደርስ ርህራሄ እና እዝነት ያለን ሰዎች እንሆናለን:: ነገሮችን በሌሎች ጫማ ላይ ሁነን መመዘን እንጀምራለን፤ ለኛ ብቻ ሳይሆን የሌሎች ስሜትም ግድ የሚሰጠን ሰዎች እንሆናለን:: ከራሱ ጋር መደማመጥ እና መግባባት የቻለ ሰው ከሌሎች ጋር መደማመጥ እና መግባባት አይከብደውም::

- Handling relationships

ከላይ የተጠቀሱ ጉዳዮችን ስናዳብር ተገባቦታችን መልካም ይሆናል፤ ሰላማዊ ግንኙነቶችን መፍጠር ይቻለናል:: ይህም የስራ፣ የትዳር እና ሌሎች የህይወት መስኮቻችንን በአግባቡ እንድንመራ ያስችለናል::

**
አነዚህን ጉዳዮች ከግምት ውስጥ በማስገባት 'Emotional intelligence' ከ 'IQ' አስፈላጊነቱ ቢበልጥ እንጂ አንደማያንስ መረዳት እንችላለን..የሚያስበልጡትም አሉ::

ቢቻል በሁለቱም ልህቀት ቢኖረን መልካም ነው:: IQ ላይ ብቻ ትኩረት ማድረጉ ግን ብዙ ዋጋ ያስከፍላል:: እውቀቱ ኑሯቸው ነገር ግን ማህበራዊ ክህሎታቸው ሳይዳብር ቀርቶ ከሰው ይሁን ከራስ ተግባብቶ መኖር እና መስራት ያቃታቸው ብዙ አሉ::

አሻም አሻም!

ዶ/ር እስጢፋኖስ እንዳላማው- የአዕምሮ ህክምና ስፔሻሊስት

✍ታዚ

Anxious Preocupied Attachment Style

ከሰዎች ጋር የምታረጉት ማንኛውም አይነት የቅርርብ ወይም የ connection አይነት Attachment Style ይባላል። የእናንተን attachment Style በማወቃችሁ ከሰዎች ጋር በምታደርጉት ማንኛውም አይነት ግንኙነት ላይ የተፈጠሩትን ስህተቶች ማወቅ ትችላላችሁ።  አራት አይነት Attachment styles አሉ። ከአራቱም አንዱን ልንገራችሁ። በምትገቡበት Relationship ውስጥ ለዛ ሰው ብቁ እሆን አልሆን እያላችሁ የምትጨነቁ ከሆነ፣ Overthinker ከሆናችሁ ማለትም ከዚያ ሰውጋ ያወራችሁት ነገሮች አእምሯችሁ ላይ በተደጋጋሚ እያወጣችሁ እያወረዳችሁ የምትጨነቁ ከሆነ በራስ፣ መተማመን እናሙዳችሁ አንዴ ከፍ አንዴ ዝቅ እያለባችሁ የምትቸገሩ ከሆነ፣ በዋነኝነት ደግም Constant Reassurance የምትልጉ ማለትም በዛ ሰው ህይወት ውስጥ ቦታ እንዳላችሁ አሁንም አሁንም በተደጋጋሚ ካልተነገራችሁ ሰላም የማይሰማችሁ ከሆተ Anxious Preocupied Attachment Style ትጠቀማላችሁ ማለት ነው።

ይሄን style የሚጠቀሙ ሰዎች በሚገቡበት R/ship ውስጥ የፍቅረኛቸውን ደስታ አስቀድመዎ የራሳቸውን ደስታ ይዘነጉታል። በR/ship ውስጥም እንደሚፈልጉት ያህል ትኩረት ካልተሰጣቸው ይለዩኝ ይሆን እያሉ በጣም ይጨነቃሉ። ስለሚጨነቁም ምንም ያህል የማይገባቸው ነገር Relationship ውስጥ ቢፈጠር ለራሳቸው መቆም ሆነ ያንን r/ship ማቆም ይከብዳቸዋል።
ይህም ባህሪ የሚዳብረው ከልጅነት ሲሆን On and Off ከሆኑ አሳዳጊዎች ካደጉ ማለትም ይህ የሚሆነው ፍቅራቸውን አንዴ ከሚሰጡ አንዴ ደገሞ ዝም አሳዳጊዎች ነው።Incosistent በሆነ ቤተሰብ ውስጥ ማደግ ማለትም ከአሳዳጊዎቻቸው ጋር ያላቸው ግንኙነት ጥሩ የሚባል ቢሆንም አሳዳጊው ልጁ በዛ ሰዓት የሚያስፈልገውን ነገር ለማሟላት ሁሉንም ሰዓት አልተገኘም ወይም ደግሞ በተደጋጋሚ በሚፈለግበት ቦታ ላይ አልተገኘም ማለት ነው። ይህ ድግግሞሽ አለው እናም ይህ ድግግሞሽ ነው የልጁን አዕምሮ Programming የሚሰራው ። ስለዚህ ከእንዲህ አይነት Attachment Style ካላቸው ልጆች እጅግ በጣም ለሰው የሚሰጡት ቦታ ከፍ ያለ ይሆንና ግን ሁሌ ሰው ትቶኝ ሊሄድ ይችላል የሚል ፍራቻ ኖሯቸው ነው የሚያድጉት።

ለዚህም መፍትሔ የሚሆነው ትኩረታቸውን ከሌላው አንስተው ወደ ራሳቸው እንዲያደርጉ ራስን በማሰልጠን ነው።

✍️በኃይሉ(ታዚ)

This video is about fearful avoidant attachment style

ኪራ በዚህ ቪድዮ ስለ fearful avoidant attachment style መፃፍ የምፈልገውን ልብ በሚያርስና ግልፅ በሆነ ቋንቋ ነው ያብራራው እዩት ራሳችሁን ታገኙበታላችሁ።
✍ታዚ

this video is about anxious attachment style

Attachment styles
➖➖➖➖➖➖➖
ትልቆች ሁነን ስለራሳችን እንዲሁም ስለሌሎች የሚኖረን አተያይ እና ተግባቦት:  በልጅታችን ከወላጅ/አሳዳጊዎቻችን: በተለይም ከእናታችን ጋር የሚኖረን ግንኙነት እና መቀራረብ መሰረት የሚቃኝ ነው::

በተለይም የመጀመርያዎቹ 3 አመታት ይህ Attachment የሚከወንበት ወሳኝ ጊዜ እንደሆነ ይነገራል::

ይህ Attachment ካደግን በኋላ በሚኖሩን ግንኙነቶች ይገለጣል::


1️⃣ Anxious/Preoccupied

ስለራሳቸው አነስተኛ ግምት ያላቸው ናቸው:: ከራሳቸው ይልቅ ሌሎችን አግዝፈው ያያሉ::

ለራሳቸው በሚኖራቸው አነስተኛ ግምት ምክንያት : በጓደኝነት መሃል መከዳትን አብዝተው ይፈራሉ::

ዘወትር ጓደኞቻቸው እንደማይከዷቸው መተማመኛን እንዲሰጧቸው ይሻሉ:: ይህ ጓደኞቻቸው ላይ መታከትን ሊፈጥር ይችላል::

አብዝተው Reassurance ይፈልጋሉ::

2️⃣ Avoidant/Dismissive

ለራሳቸው የተሻለ ምልከታ አላቸው:: በአንጻሩ ለሌሎች አሉታዊ ምልከታ ይኖራቸዋል::

ብቻቸውን መሆንና ነገሮችን በራሳቸው ማድረግን ይመርጣሉ::

ከሌሎች ሰዎች ጋር መቀራረብን እንደ ጥገኝነት ሊቆጥሩት ይችላሉ::

በዚህም ምክንያት ጋብቻንና ሌሎች መወዳጀቶችን ሲሸሹ ይስተዋላል::

3️⃣ Disorganized

ስሜታቸውን መግራት አይችሉበትም፤
በመፈለግና አለመፈለግ መሃል ይዋልላሉ
ስሜትን ለማጋራት ይሰስታሉ ምክንያቱም እንጎዳለን ብለው ስለሚያስቡ

ግልፍተኝነት፣ ስሜትን ለመቆጣጠር መቸገር፣ ራሳቸው ላይ ጉዳት ማድርስ(በሰበብ አስባቡ ራስን ለማጥፋት ማንገራገር እንዲሁም መሞከር) እና የስሜት መለዋወጦችን መለያ ባህርያቸው ናቸው::

4️⃣ Secure:

የተረጋጉ እና በሚኖራቸው ግንኙነቶች መማመን ያላቸው ናቸው::

ግንኙነቶቻቸው የተረጋጉ እና ሰላማዊ ናቸው::

ነገሮችን ከስሜታዊነት ይልቅ በጥበብና በብልሃት ስለሚፈቷቸው የስነልቦና ልዕልናቸው ከፍ ያለ ነው::

የናንተ Attachment style የቱ ነው?


✍️ታዚ

አድናቂያችሁ ነኝ!

• ሌላ አማራጭ መከተል ስትችሉ የምትወዷቸውን ቤተሰቦቻችሁን መርዳት ስላለባችሁ ብቻ የማትፈልጉትን ስራ ለምትሰሩ፣

• ትዳር ይዛችሁ የግል ሕይወታችሁን መኖር ስትችሉ እናንተ ከሄዳችሁ ደጋፊ ለሌላቸው ሰዎች ስትሉ እቅዳችሁን ይቆይልኝ ላላችሁ፣

• ሌላ ስፍራ ሄዳችሁ መኖር ስትችሉ የእናንተ በአካባቢው መገኘት ለሕልውናቸው ወሳኝ ለሆነላቸው ሰዎች ስትሉ እግራችሁን ለሰበሰባችሁ፣

• ሌላ ሕይወት መጀመር ስትችሉ ለልጆችሁ ስትሉ ለጊዜውም ቢሆን የብቸኝነትን ኑሮ ይዛችሁ ለምትታገሉ ብቸኛ ወላጆች (Single Parents)፣

• ለተደረገባችሁ ክፉ ነገር አጸፋ ብትመልሱ ለብዙ አመታት የተገነባ ነገር እንዳይፈርስ በማለት ብዙ ነገር በትእግስትና በዝምታ ለተሸከማችሁ፣

ለእናንተና መሰሎቻችሁ ታላቅ አክብሮትና አድናቆት አለኝ!

ፈጣሪ ያግዛችሁ! ይካሳችሁ! ለሌላው ብላችሁ ለእናንተ የሚበጀውን በተዋችሁት ሁሉ በብዙ እጥፍ ይስጣችሁ!


ፈጣሪ ያሰባችሁትን ያሳካላችሁ ። በብዙ እጥፍ ይባርካችሁ🙏

መልካም ቀን ተመኘሁላችሁ

Via D.r Eyob Mamo

✍Tazi

ፍቅር እንዳማረበት እንዲዘልቅ የሚያደርጉ 10 መንገዶች
#Share (ላገባም ላላገባም የሚሰራ ነው።)
__
የፍቅር ተፈጥሮአዊ አካሄድ አልጋ በአልጋ እንዳልሆነ ይታወቃል፡፡ የፍቅር ግንኙነቱ ሲጀመር የነበረው ፍቅር በሂደት እየቀነሰ የነበረው እንዳልነበረ ሊሆን ሁሉ ይችላል፡፡ በመሰረቱ ካልታረመ፣ ካልተኮተኮተ፣ በጥቅሉ አስፈላጊው እንክብካቤ ካልተደረገለት ዝም ብሎ ማበቡን እና መልካም ፍሬ ማፍራቱን የሚቀጥል ምንም ነገር የለም፡፡ ያልተሰራበት ግንኙነት እጣ ፈንታው ደስታ አልባ መሆን ነው፡፡ ሌላው ቀርቶ እጅግ በጣም ጥሩ የሚባሉ፣ ለብዙዎች ምሳሌ ሆነው የሚቀርቡ የፍቅር ግንኙነቶች እንኳን ፍፃሜያቸው የማታ ማታ መራራቅ አልፎ ተርፎም መለያየት ሊሆን ይችላል፡፡ ትልቁ የፍቅር ሕይወት ፈተና ሲጀመር የነበረው ፍቅር እንዳማረበት እንዲዘልቅ ማድረግ ነው፡፡

ምንም እንኳን ፍቅርን ለመመስረት ሁለት ሰዎች አስፈላጊ ቢሆኑም እንዲፀና እና ይበልጥ አስደሳች እንዲሆን ለማድረግ ግን አንድ ሰውም በቂ ሊሆን ይችላል፡፡ ኃላፊነቱን ግን አስቀድሞ መውሰድ ይጠይቃል፡፡ የፉክክር ቤት ሳይዘጋ ነው የሚያድረው፡፡ ክፍቱን የተተወ ቤት ውስጥ ብዙ ነገር ገብቶ ይወጣል፤ ብዙ ነገር እንዳልነበረ ይሆናል፡፡ ያለመጠባበቅ የቻልነውን ያህል ለማድረግ ጥረት ማድረግ አስፈላጊ የሚሆነው በዚህ ምክንያት ነው፡፡ ውጤቱ ላይ ትኩረት ማድረግ ጥሩ ነው፡፡ ዋናው ነገር ከእሷ ወይንም ደግሞ ከእሱ መምጣቱ ሳይሆን ዞሮ ዘሮ የሁለቱ የፍቅር ግንኙነት ጣፋጭ እና ፅኑ መሆኑ ነው፡፡ ፍቅራችሁ የሚፀናበት ይበልጥ የፈካ እና የደመቀ፣ ዘመናትን የተሻገረ መሆን የሚችለው ያለመጠባበቅ ኃላፊነት ወስዳችሁ መስራት ያለባችሁን መስራት ስትችሉ ነው፡፡ ምንም ተባለ ምንም አንድ ሰው ሁልጊዜም ኃላፊነቱን መወጣት መጀመር አለበት፡፡ በራሱ ሊንቀሳቀስ እና ሊለወጥ የሚችል ምንም ነገር የለም፡፡ የትዳር ግንኙነት ሲሆን ደግሞ ለማደስ ጥረት ካልተደረገ ወደ መፍረሱም ሊያቀና ይችላል፡፡

ቀጥሎ የትዳር ህጎች ከሚል መጽሐፍ ውስጥ ያገኘናቸውን 10 ፍቅር እንዳማረበት እንዲዘልቅ ያደርጋሉ የሚባሉ ህጎችን አለፍ አለፍ ብለን እናስቃኛችሁ፡፡ እነዚህ ተግባራት ላገቡ ብቻ ሳይሆን ላላገቡና በፍቅር ግንኙነት ላሉም የሚጠቅሙ ተግባራት ናቸው ፡፡

1✍ስሜትን የሚያነቃቁ ነገሮችን ማድረግ

መቼም አብሮ ሲኖር የሚያጋጭ፣ የሚያቀያይም፣ ቅሬታ የሚፈጥር ወዘተ ብዙ ነገር ይኖራል፡፡ ስሜት ይህንን ተከትሎ ይቀዘቅዛል፡፡ ፍቅር ስሜትም ነው በአንድ ጎኑ፡፡ በመሆኑም ስሜትን የሚያነቃቃ ደስታ የሚፈጥር ነገር ማድረግ የአድናቆት አስተያየት መስጠት ለአብነት ያህል አስፈላጊ ነው፡፡ ስራዬ ብላችሁ ማድነቅን ተለማመዱ፡፡ “ትላንት ማታ ጓደኛዬ ቤት በጣም ተጫዋች ሆነህ ነበር ያመሸኸው፤ ደስ ብሎኛል”፣ “አምሮብሻል” ወዘተ ዓይነት አድናቆት ሊሆን ይችላል፡፡ ከትችታችን ይልቅ አድናቆታችን በጣም መብለጥ ይኖርበታል፡፡

2✍ትችትን መቀነስና አድናቆት መጨመር

በአንፃሩ ትችት ትዳር ሲመሰረት አካባቢ አስፈላጊ ነው ይላሉ ብዙ ሰዎች፡፡ ጊዜ በነጎደ ቁጥር ግን ሰዎች ለትችት አለርጂክ መሆን ይጀምራሉ፡፡ ስለዚህ በተቻለ መጠን ትችትን መቀነስ አንድ አንድ ነገሮችን አይቶ እንዳላዩ ማለፍም ያስፈልጋል፡፡ መነገር አለበት የምንለው ነገር ካለም ከሁለት እና ሶስት አረፍተ ነገር ባልበለጠ እርዝማኔ መገልፅ ይመከራል፡፡ እርግጥ ነው ለትዳርና ፍቅር መጽናት አስፈላጊ የሆኑ መስተካከል ያለባቸው ነገሮች ከሆኑ፤ ግንኝነቱን በማይጎዳ መልኩ መነጋገሩ አስፈላጊ ነው፤ ምክኒያቱም አለባብሰው ቢያርሱ በአፈር ይመለሱ እንዳይሆን፡፡ ስለዚህ ትችቱ ለፍቅር ግንኝነቱ ሲባል እንጂ እጸጽን ነቅሶ ለማውጣትና የእራስን ትክክለኝነት ለማጉላት መሆን የለበትም፡፡ ትችት በምንሰጥበት ጊዜ ከጥሩ ጀምረን መሀል ላይ ትችታችንን ገልጸን ከዛም በአድናቆት ወይም በበጎ ነገር መደምደም ይመከራል (ሳንድዊች እስታይል እንደሚባለው)፡፡

3✍አዳማጭ ሁኑ

ማደመጥ ለፍቅረኛችን ወይንም ለትዳር አጋራችን የምንሰጠው ትልቁ ስጦታ ነው፡፡ ትርጉም መስጠታችሁን፣ ተሳሳተ የምትሉትን መረጃ ማስተካከላችሁን ጥላችሁ በሙሉ ልባችሁ ማዳመጥ ጠቃሚ ነው፡፡

4✍ራሳችሁ ላይ ትኩረት አድርጉ

ለራሳችሁ፣ ጓደኞቻችሁ፣ ቤተሰባችሁ ወዘተ ከትዳራችሁ በተጨማሪ ጊዜ መስጠት ጥሩ ነው፡፡ የግላችሁ ጊዜ ማሳለፊያ ልምድ ይኑራችሁ፡፡ በራሳችሁ እና በራሳችሁ ጉዳይ ላይ ምንም ትኩረት የማታደርጉ ይልቁንም ሙሉ ትኩረታችሁ የትዳር አጋራችሁ ላይ ከሆነ ተቺዎች ወይንም ደግሞ ጭንቀታሞች ትሆናላችሁ፡፡ እያንዳንዷን እዚህ ግባም የማትባል ጉዳይ እያነሳችሁ ስትጥሉ አሰልቺ እና አፋኝ ዓይነት ግንኙነት እንዲኖራችሁ ታደርጋላችሁ፡፡

5✍ይቅርታ ጠይቁ

ምንም እንኳን ለተፈጠረው ችግር የእናንተ እጅ ድርሻ ትንሽ እንደሆነ ብታስቡም “እኔ ይኼ ችግር እንዲፈጠር ለተጫወትኩት ሚና ይቅርታ ይደረግልኝ” ማለትን ተለማመዱ፡፡

6✍ይቅርታ ካልተጠየኩኝ ሞቼ እገኛለሁ አትበሉ

አንድ አንድ ጊዜ ይቅርታ ሳይጠይቁ ሰዎች መተዋቸውን፣ ለውጥ ለማድረግ ፍላጎት እንዳላቸው በተለያየ መንገድ ሊገልፁ ይችላሉ፡፡ይቅርታ ካልተጠየኩ ሞቼ እገኛለሁ ማለት ግን አላስፈላጊ ተደራራቢ ችግር ይፈጥራል፡፡ ዋናው ቁም ነገር ተፈላጊው ለውጥ መምጣቱ ነው፡፡

7✍ዘወትር ፈላጊዎች አትሁኑ

በስሜት የራቀ የሚመስል ሰው ጫና ሲደረግበት ይበልጥ ይርቃል፡፡ መተንፈሻ አየር መስጠት፣ ራስ ላይ ትኩረት ማድረግ በአንፃሩ የራቀንም ያቀርባል፡፡ የት ወጣች የት ገባች ውጤታማ አይደለም፡፡

8✍ሀሳባችሁን አጭር እና ለስላስ በሆነ መንገድ ግለፁ

ደጅ ደጁን የሚል ሰው አንድ አንድ ጊዜ ህመም የሚፍጥረበትን የቃላት ልውውጥ ሽሽት ውስጥ ይሆናል፡፡ ስለዚህ ሀሳብን አጠር አድርጎ፣ በተለሳለሰ መንገድ መግለፅ ጥሩ ነው፡፡ ከዚህ በተጨማሪ ድምፅንም ጭምር ዝቅ አድርጎ መናገር ተገቢ ነው፡፡ ከጣራ በላይ ድምፅን ከፍ አድርጎ መናገር ቁጣ ይመስላል፤ ከሆነም በዛ መልኩ መግለፁ አስፈላጊ አይደለም፤ ከመፍትሄነት ይልቅ የባሰ ችግር ፈጣሪነቱ ይጎላል፡፡

9✍ሁሉን መስዋዕት አታድርጉ

ተለዋወጭ ሰው መሆን አስፈላጊ ቢሆንም ሁሉንም ነገር ለእርስ በእርስ ግንኙነቱ ሲባል መስዋዕት ማድረግ ግን አይመከርም፡፡ ጫና እየተደረገባችሁ ሁሉንም እምነታችሁን፣ ምርጫችሁን እና መንገዳችሁን ገደል አትክተቱ፡፡

10✍በመጠኑም ቢሆን ሁለታችሁም የግልጊዜ ይኑራችሁ

ሰዎች በባህሪያቸው የሚሳቡት ከእርስ በእርስ ግንኙነቱ ውጪ ሌሎች ተጨማሪ የሚወዳቸው የራሱ ነገሮች ወዳሉት ሰው ነው፡፡ የመጽሐፍት ክበብ፣ በጎ ፍቃድ፣ ዋና ወዘተ ሊሆን ይችላል ባላችሁ ትርፍ ጊዜያችሁ መሞከሩ ይመከራል፡፡ ለብቻችሁ የሚኖራችሁ ጊዜ በጋራ ለሚኖራችሁ ጥሩ ቆይታ አስተዋፅዖ ያደርጋል፡፡ሁሌ አብሮ መሆን መዛዛግና መሰለቻቸት ሊፈጥር ይችላል ፡፡

በነጋሽ አበበ

✍ታዚ

የስነ ልቦና ማማከር ሆነ ማንኛውም እርዳታ ይፈልጋሉ? እንግዲያውስ በአንድ ጥሪ ርቀት ብቻ እንገኛለን… ቴሌ ሳይካትሪን ይጠቀሙ… መጓጓዝ አይጠበቅብዎትም! እንድግዳ መቀበያ ክፍልም መጠበቅ አያሻዎትም! ከጣትዎ ርቀት ብቻ የሚገባዎትን አገልግሎት ያግኙ፡፡

ቀጠሮ ለማስያዝ 8187 ይደውሉ ወይም [email protected] ላይ መልዕክትዎን ያስቀምጡልን

የጭንቀት ህመሞች ብዙ አይነት ናቸው:: የተወሰኑትን ለመጥቀስ ያህል:-
ከቅርብ ሰዎች መራቅን መፍራት(Separation Anxiety)
ከመጠን ያለፈ ጭንቀት(Generalize Anxiety Disorder)
ከልክ ያለፈ አይናፋርነት(Social Anxiety Disorder)
የተወሰኑ ቦታዎች ላይ ለማውራት መለጎም(Selective mutism)
ድንገተኛ የመረበሽ እና የመራድ ስሜት(Panic disorder)....

እነዚህ የጭንቀት ህመሞች ህመሞች ህጻናት እና ታዳጊዎች ላይም ይከሰታሉ:: ታዲያ እንደየእድሜያቸው ጭንቀታቸውን የሚገልጡበት መንገድ ይለያያል::

በምስሉ ላይ ህጻናት በጭንቀት እና ድብርት ችግር እየተሰቃዩ መሆኑን ሊጠቁሙ የሚችሉ ምልክቶች ተመላክተዋል::

ልጆች በቀጥታ የድብርት እና ጭንቀት ስሜታቸውን ከመግለጽ ይልቅ የተለያዩ የአካላዊ የህመም ምልክቶችን፤ ማለትም እንደ ራስ ምታት፣ የሆድ ህመም... የስሜት መለዋወጦች(ለምሳሌ መነጫነጭ፣ ሃይለኛ መሆን..) እንዲሁም ድንጉጥ መሆን፣ ትምህርት ቤት ለመሄድ ማመንታት እና መቅረት፣ ምግብ አልበላም ብሎ ማስቸገር፣ መቃዠት እና የመሳሰሉትን ምልክቶች ሊያሳዩ ይችላሉ::

በልጆች እና ታዳጊዎች ላይ እነዚህን ምልክቶች ሲያስለውሉ አስፈላጊውን ትኩረት በመስጠት ልጆቹ ምን እንዳጋጠማቸው መጠየቅ እና አስፈላጊውን እገዛ እና ህክምናን ማድረግ ተገቢ ነው::

የአዕምሮ ህመም ህክምና በመድሃኒት፣ የስነልቦና ህክምና በመስጠት እና ማህበራዊ ተግዳሮቶችን መፍታትን ያጠቃልላል::

አሻም!

ከማእዘኑ ወዲህ ህይወት የራሷ ውበትና ጣዕም አላት። ከማእዘኑ ወዲያ ላለ ሰው የማይታይ፣ የማይቀመስ፣ የማይዳሰስ ውበትና ጣዕም! ወስኖና ጨክኖ ከማእዘኑ ወዲህ ለሚሻገር ሰው ግን ልብን ሞልቶ የሚፈስ፤ ከውስጥ አልፎ በላይ የሚነበብ ብሎም ለሌሎች የሚተርፍ ውበትና ጠዓም። ከማእዘኑ ወዲህ ብቻ የሚገኝ ተዋኝቶ የማያልቅ የሰላም ባህር፤ ተሮጦ የማያልቅ የእረፍት ሜዳ፤ ተጣጥሞ የማይሰለች የነፃነት ጣዕም አለ።

📚 ርዕስ፦ ከማእዘኑ ወዲህ
ፀሃፊ፦ ዳግማዊ አሰፋ

✍️tazi