كابتن كريم - البصرة

كابتن، تعرف شنو الفرق بين رقم الدعم وخط الطوارئ؟ 🤔 
1⃣ رقم الدعم: تكدر تتصل عليه في حال صارت عندك أي مشكلة أثناء الرحلة، أو خلل بسعر الرحلة، أو مشكلة مع الزبون. تكدر تتصل على هذا الرقم (07835410700) حتى فريق الدعم يساعدك مباشرة، وسعر الاتصال نفس السعر المحلي. 
 
2⃣ خط الطوارئ: رقم خاص تكدر تتصل عليه بالحالات الخطرة واللي تكون مرتبطة بسلامتك بشكل مباشر. وتشمل هاي الحالات القصوى إذا تعرضت للسرقة أو حادث وتأذيت بي جسديًا، لا سامح الله. 
 
خط الطوارئ متوفر 24 ساعة الك، بس خلي ببالك تستخدمه فقط بالحالات القصوى، لأن الاستخدام الخاطئ ممكن يعرضك للحظر.

أمانة وثقة اكيد كابتن كريم!
مو بس الزبون بأمان وية كباتنا!
أي شي ينساه الزبون بالسيارة يبقى أمانة ومسؤولية عليك، وكباتنّا دومهم كفو! 💪
وهذا اللي يخلي الزبون مطمئن، اذا نسى أي غرض عندك، راح يتأكد إنه يرجعله، لأن ماكو أحرص من كباتنّا على أغراض الزبائن.🤩
لهذا كابتن ضروري تسلم الاغراض اللي ينساها الزبون لمركز خدمة الكباتن حتى ترجع الامانة لأصحابها.
#أمانة_كباتننا💚

الكابتن الذكي يعرف شلون يزيد أرباحه 💸
مستعد حتى تزيد ارباحك؟
كل اللي عليك تكون متوفر في ساعات الذروة وراح تضمن رحلات أكثر، واكيد مكافآت فوكها!💰
#يلا_كابتن خليك متوفر وجاهز باجر ولا تخلي اي مكافئة تفوتك 💪🏻‎

كباتنّا الاعزاء،  
مركز خدمة الكباتن راح يكون مغلق يوم الخميس وننتظركم تنورونا يوم السبت.
وكذلك تحويل ارباحك من بوابة الكابتن بتطبيقك إلى بطاقة سويج وزين كاش راح يتوقف يوم الخميس بسبب عطلة المصارف وتكدر تحول أرباحك بصورة طبيعية وتستلمها يوم الاحد. 
واذا تحتاج اي مساعدة ثانية لاتتردد بمراسلتنا على صفحتنا على الفيسبوك 💚   
https://www.facebook.com/Careemcaptainiraq

كابتن تعرف نسبة القبول ليش مهمة؟ 🤔  
1️⃣ لان كلما تكون نسبة قبولك عالية راح تكون الك اولوية بالحجوزات.  
2️⃣ هي وحدة من الشروط اللي تربح الكباتن بالمسابقات والجوائز.  
واحنة حريصين عليك وعلى نسبة قبولك ومنريدها تنزل، لهذا ضروري كابتن تقبل كل الرحلات اللي توصلك. وإذا واجهت أي مشكلة، تواصل مع رقم الدعم وراح يساعدوك.  
#يلا كابتن، لتضيع الرزق الجايك واقبل الرحلات الي توصلك. 💚

بالصيف ماكو أهم من التبريد البارد! ❄ 
وهاي اسهل طريقة تخلي تقييمك عالي 🌟  
هذا السبب يخلي الزبون يفضل كريم بالصيف لان سيارات كباتنا مجهزة بأحسن تبريد، فضروري تشغل تبريد اول ماتقبل الرحلة وقبل ماتتوجه للزبون، حتى يكون جو السيارة بارد. 
يلا كابتن، خلي سيارتك باردة وتبريدك جاهز. 💚

باجر نسبة كريم%0🤩
شلون؟
كريم مقدمتلك عرض ميتفوت👀
باجر تكدر تسوي نسبة كريم 0%!
كل الي عليك تسوي هو ان تكون متوفر خلال الفترة من ساعة 7:00 الى 9:15 الصبح وراح تصير نسبة كريم لرحلات التكسي والاكسترا 0%
و أكيد منفوتها بدون مكافأت 😎
يلا كابتن أفتح صندوق الحوافز و خليك مستعد باجر لا تخلي هاي الفرصة تفوتك🚀

اليوم الارباح غير شكل!!🤩

كابتن خليك متوفر من الساعة 12 الى 3 الظهر
لأن كريم سوتلك النسبة بهذا الوقت 0٪؜🕺🏻 ووياها زيادة بأسعار الرحلات بنسبة توصل 20٪؜
ومكافآت توصل الى 14,000 دينار
يلا كابتن لا تفوتها واستفاد ويانه اليوم💚

خلي طريقك مليان فلوس وزيد أرباحك بطريقة مضمونة! 💸 
بمعادلة بسيطة 
مكافأة + ضمان= ارباح اكثر  
💰المكافأة:هي مبلغ صافي ينضاف على مجموع ارباحك خلال وقت المكافأة اذا حققت الشروط المطلوبة، يعني ربح صافي. 
💰الضمان: يكملك ارباحك اللي حققتها خلال وقته حتى توصل لمبلغ الضمان. 
#يلا_كابتن، الضمان حلو، والمكافأة بعد احلى.🤩

#سلامتك_تهمنا 
أحد الأشياء اللي لازم تكون دائما موجودة بسيارتك هي مطفأة الحريق🧯
لا تستهين بوجودها كابتن، لأن هي الشي الوحيد اللي يساعدك لو صار حريق لا سمح الله
🟢 افضل مكان لتخزين وحفظ مطفأة الحريق هو اسفل الكرسي اللي انت تجلس بي ( كرسي السائق ) حتى تكون قريبة عليك وتتصرف بصورة مباشرة.
شارك النصيحة وساعدنا حتى نحميكم.
#سلامتك_أمانة، حافظ على الأمانة.💚

كباتنّا الاعزاء،
مركز خدمة الكباتن راح يكون مغلق يوم السبت والاحد وننتظركم تنورونا يوم الاثنين.
وكذلك تحويل ارباحك من بوابة الكابتن بتطبيقك إلى بطاقة سويج وزين كاش راح يتوقف يوم الاحد القادم وتكدر تحول أرباحك بصورة طبيعية وتستلمها يوم الثلاثاء.
واذا تحتاج اي مساعدة ثانية لاتتردد بمراسلتنا على صفحتنا على الفيسبوك 💚
https://www.facebook.com/Careemcaptainiraq

نصيحة كابتن 💚
احنا حريصين عليك ومنريد تصيرلك اي مشكلة!
وحدة من المخالفات اللي ممكن تسبب إيقاف حسابك هي استخدامك لسيارة غير مسجلة بالتطبيق❗🚖
وفي حال كانت عندك سيارة ثانية تحب تشتغل بيها لازم تراسلنا على صفحة الفيسبوك او تزورنا لمركز خدمة الكباتن حتى تحدث معلومات السيارة الجديدة
يلا كابتن، خليك حريص دائما وبالسليم 💚

تنبيه كابتن ⚠️
خليك حريص على قبول الرحلات المدفوعة الاجرة من خلال البطاقة وضروري تلتزم بيها لأن راح تسهل عليك هواية أمور:
1-راح تحافظ على تقييماتك العالية وراح تبقة دائما بالجانب السليم.
2-راح يكون تسديدك للديون بصورة اسهل ومراح تضطر تستلم فلوس كاش من الزبون.
3- راح تتحول اجرة الرحلة كاملة لبوابة الكابتن وراح تستلم ارباحك كاملة بكل سهولة.
#يلا كابتن، أرباحك اكثر وتسديدك اسهل.💚

التزامك بالملابس المناسبة بكل رحلاتك مهم جداً، وخصوصاً رحلات الى المطار. ✈️
ولا تنسى تجنب لبس (الشورت، الزي العربي، الشحاطة) حتى تبقى تقييماتك عالية وما تواجه أي مشاكل.
شكراً لالتزامك وحرصك على تقديم أفضل خدمة! 🤩

سر نجاحك بشغلك هو نظافة سيارتك😍
ولهل سبب الزبون دائما يختار كريم لان سيارة الكابتن دائمآ نظيفة 🤩
وهاي ميزة كابتن كريم.
وهسه راح ننطيك بعض النصائح اللي ممكن تساعدك حتى تحافظ على نظافة سيارتك👇
✅كل يوم قبل متطلع للشغل تأكد من نظافة سيارتك من الخارج والداخل وخاصة المقاعد وأرضية السيارة.
✅ غسل السيارة اقل شي مرة بالأسبوع كابتن.
✅ ضروري وضع معطر بالسيارة حتى ينطي ريحة طيبة.
✅تجنب التدخين داخل السيارة حتى تحافظ على جو صحي ونظيف.
✅ ولازم نتأكد بعد كل رحلة من بقاء السيارة نظيفة
وهيج راح تبقى سيارتك دائماً نظيفة وتقييماتك عالية.😌

كابتن حدك النقدي صار يعتمد على عدد رحلاتك وسرعة تسديدك للديون خلال الاسبوع،
كل ماكنت تاخذ رحلات اكثر وتسدد بشكل اسرع قبل ماتوصل للحد الاقصى، راح يزيد يمك الحد النقدي💚

قطعت اكثر من نصف الطريق اللي يوصلك لـ شانجان ALSVIN🚖
باقي 10 ايام بس على انتهاء المسابقة🤩
المسابقة مستمرة الى نهاية الشهر وراح يتم اختيار اكثر كابتن حقق اعلى عدد من الرحلات بألاضافة الى نسبة القبول والتقييم!
#يلا كابتن، لاتفوت الفرصة وخلي سيارة شانجان من نصيبك💚

كريم يسهل حياتك💚
كابتن تعرف شنو هي طرق التسديد الصحيحة بكريم؟
١- عن طريق زين كاش، افتح هذا الرابط حتى تعرف التفاصيل
https://www.facebook.com/share/v/hMQvJjGci99eUXqn/?mibextid=oFDknk
٢- عن طريق Careem pay افتح هذا الرابط وشوف الفيديو
https://www.facebook.com/share/v/WmabgRbHqkV2mLzw/?mibextid=oFDknk
#تسديدك_أسهل ويا كريم💚

كباتنّا الاعزاء،
مركز خدمة الكباتن راح يكون مغلق من يوم السبت وننتظركم تنورونا يوم الاثنين.
واذا تحتاج اي مساعدة ثانية لاتتردد بمراسلتنا على صفحتنا على الفيسبوك 💚
https://www.facebook.com/Careemcaptainiraq

كابتن جربت تسدد وتستلم أرباحك عن طريق زين كاش؟🤔
شنو تنتظر؟
كريم سهلها عليك وهسة صار تكدر تفعل المحفظة وتربطها بحسابك،كل اللي عليك تزورنا بمركز خدمة الكباتن بمدينتك حتى نسويلك المحفظة، واذا عندك محفظة زين كاش ارفع معلوماتك من خلال الاستمارة👇، وخلي الباقي علينا 😉
https://forms.gle/ouZUjTgvd87emuDU8
#يلا كابتن، فعل المحفظة ولتفوت الفرصة.💚