Biochemistry 1st year - zliten 𖠖

السلام عليكم ورحمة وبركاته
الدكتور عبدالعاطي
سألني في vitamins
chemical name of B7
Function متاعه
بعدها ليش raw egg يأثر علي B7
2-Acid base balance
عرف buffers
وشن buffer متاع RBC

بعدها سألني علي rancidity في lipid
(واللي هيا lipolysis او oxidation of lipid)

بعدها قال تعرف thioctic acid هو نفسه
(Alph lipoic acid ) ALA

3-Enzyme
Michael's equation (Km =substrate concentration at which the reaction rate is 50% of the Vmax
inhabitantion of enzymes اذكر انواع

السلام عليكم
الدكتور أحمد المنساز

سألني على ال Amino acids , Enzyme Carbohydrate , Nucleic acid , Lipid , Vitamins

• الأماينـو أســـد:
سأل على التركيب ممّا يتكون، وشن تصنيفاته وتقسيماته مع الأمثلة ، شن الفرق بين الEssential والNon essential أماينو أسدس

• النيوكلك أســــد :
شن هو وشن تركيبه وشن السكر المصنوع منه وشن وظيفته

• الكارب:
تقسيمات المونو حسب عدد الكربونات عطيني مثال عليهم، و شن التقسيمات الأخرى للمونو مع الأمثلة، و البوليسكرايد شن تقسيماتهم وتكلم عليهم بالأمثلة

• اللبـــد :
تكلم على الPhospholipid شن هو وتركيبته ومما يتكون و وين موجود، وتكلم على الSteroids شن همّا ومما يتكونوا مع المثال


وشوي أسئلة في الإنزايم و الفايتمن نسيتها 😁

السلام عليكم ...
دكتور محمد الهليب

الفايتمين:
- شن الفيتامين الي لو نقص يسبب: (الاسقربوط C ، بيري ييري B1 ، مشاكل تخثر الدم K)
- امينو اسد الي يكوّن b3

اللبد:
-الفرق بين sutureated و un
-lipoproten شن يرفع من وين لعند وين
-لو زاد LDL شن يصير (تصلب الشرايين)

a.a:
- شن امينو اسد الي يكون فيه doube ring... الي هوا tryptophan
- شن الي يعالجو بيه حصوة الكلى (methonin)

سلام عليكم ورحمه الله طبعاً يقولك متخشش اول واحد في شفوي واليوم عرفت سبب و اول أسم طلعت 👍😃

المهم سألني دكتور الزائر
بدي ب lipoprotein ...ال chylomicron وين يتكون وليش تكون و و كم حجمه (ارسمه) ومكوناته و بعد يوصل الكبد شن يصير له من ميتابولزم و LDL شنهو و vldl شنهو وين يتكون و شن يدير وبعدين رد لي على chylomicron قالي وين يمشي في أي circulution و لو واحد دار تحاليل total lipid profile شن نقول له م يديرش أنه يصيم 12 ساعة و مافيش دهون بكل

ماعرفتش جواب شوي جاوب بعدين قالي ليش م ياكلش ليبيد و كم يبي بيش يمتص chylomicron بعدين خش على تحاليل LDL
وحاجة في تحاليل إسمها LPa قالي هذين مانبوهش يرقوا عليش و بعدين أسماء ليبوبروتين كلهم و قالي شن تنصح مريض جاك عنده ليبيد عالي شن ينقص وشن يزيد واسئلة أخرى على lipoprotei كلها برا منهج الاسئلة من ليبيد
وخش انزايم سئل أقسام و كم قسم و أسماء و kinase,شن يدير ومثال عليه و شن يدير و oxidase و reductase شن يدير و مثال وتم.

ونسيت حط 7 دقائق راحو منهم 2 هدرزة على امتحان نظري سألني و عملي وبس

و حمدالله وخلاص.

السلام عليكم ورحمة الله وبركاته.
حرفياااااا 😭 اليوم امتحان الشفوي للبايو كان تجربة جميله
والحمد لله جيت مع الدكتور رمزي الذيب (زائر).
أول شي سألني كيف كان امتحان النظري وهل جاوبتي و شن مستوى الاسئله بصفه عامه و هل الوقت كان كافي أولا .
بعدها قالي شن وضعك في شيت الانزيم ؟ قتله كويس.
سألني عن classification of enzymes
قعدت نذكرله فيهم لعند ما وصلت لكلاس الرابع وقفني !!
وقالي شن تعرفي عن انزيم kinase؟
قتله يصنف من ضمن الكلاس التاني وقتله cofactor of kinase ديما يكون الماغنيسيوم
وعطيته مثال glocokinase و قتله يحول glucose إلى g6p
بعدها قالي به احكيلي عن انزيم dehydrogenase
قتله يصنف ضمن الكلاس الاول ، قالي به عطيني مثال ...
قتله lactate dehydrogenase.
بعدها قالي تعرفي pyruvate dehydrogenase؟
قعدت نتكلم عليه وقتله الانزيم هذا عنده أكثر من cofactor
عطيته متال عن المعادلة اللي يخش فيها فايتمن B1 .
بعدها سألني شن اختصار NAD.
Nicotinamide adenine dinucleotide
الاكتف فورم لفايتمن B3

السلام عليكم ,خشيت ع الدكتور متاع العملي منعرفش اسمه😅المهم سألني جاوبتي ف العملي وكيف كان الامتحان وبعدها حكالي ع السؤال رقم 10 انه فيه خطأ وبعدها قالي شن الشيتات الي خذيتوهن سميتله وقالي مش واخدين الهرمون قلتله لا المهم اول سؤال كان من شيت اللبيد ومجاوبتش تاني سؤال كان classification of carbohydrate وقالي عطيني ع المونو مثال والداي وهكي وبعدها قالي في أسماء شائعه لل disaccharaides زي socarose الاسم الشائع سكر الطاوله واللاكتوز متاع الحليب وسألني polysaccharides ينقسم لحاجتين وبعدها قالي الهيتيرو زي شنو والهومو زي شنو وشن الفرق بين Amylose and amylopectine
وف الامينو اسيد ع التصنيف البولارتي بولر ونن بولر تقريبا هذا الي سأله ليا بس

السلام عليكم ورحمة الله وبركاته
خشيت على الدكتور الزائر الي لابس أبيض (دكتور ماشاء الله أسلوبه كويس ويخفف التوتر كأنه يهدرز هدرزة مش يسأل )فالأول سألني ع الامتحان والوقت كيف كان والمنهج بصفة عامة هل كان عندكم اشكالية فيه

بعدها بدا فالأسئلة
أول شي شيت lipid :
سأل ع chylomicron قالي شن هو قتله lipoprotein وبعدها كتبلي فالورقة VLDL وشن الاسم كامل سميتهله وكملتله الباقي الي هما LDL ، HDL وقالي شن تركيبة chylomicron مجاوبتاش قعد هو يرسملي ويشرحلي عليه وشرحلي على تحليل الدهون وامتى يندار والدهون الخطيرة والحميدة وقالي HDL ليه اسم تاني benign lipid بمعنى الدهون الحميدة زي زيت الزيتون (شرحه مفيد واستفدت منه🤍)
تاني سؤال قالي من شن يتكون TAG

بعدين سألني ف شيت الانزيم :
Enzyme+Substrate على شن يعتمد هدا التفاعل

وسألني ف شيت acid base :
Normal PH of blood
وزيادته شن نسموها ونقصه شن نسموه وشن أسباب acidosis

السلام عليكم ورحمة الله وبركاته

مع الدكتور أحمد المنساز
اول ما خشيت سألني على العملي قالي شن رأيك فيه قتله ممتاز قالي شنو مفيشي خطأ …قلتله على أنه الخطأ في كلوسترول قالي ايه صح
والاغلب يلي خشوله يسأل فيهم السؤال هذا

تعريف nucleic acid و شن الفرق بين DNA ..RNA

تعريف enzymes and co factor وشنو NAD و FAD

واذكري أقسام الأنزيمات

شنو تعريف ال steroid لما بديت نتكلم عليه معجباش و لما عرفهلي كا تركيب مش كا تعريف

بقية الاسئلة نسيتها
الاسئلة بسيطة بس المشكلة أن الدكتور اول ما تبدي تتكلمي يوقفك ويبدا هوا يتكلم وميعطيش فرصة تكملي

تركيب immunoglobulin و شن هوا و قالي ارسميه و اشرحي عليه،
أنواع immunoglobulin و IgE شن function متاعه و علاقته ب allergic reaction و بعدين قعد يشرحلي كيف تتعامل طبياً مع الحالات هذي و كيف مرات تتحول ل shock و استفدت من معلوماته الحق 🫶🏻✨
بعدين قالي العوامل اللي تأثر على enzyme قتله الtempreture و ph، قالي شن الenzymes اللي تشتغل في acidic ph و اللي في alkaline ph و normal ph of the blood و لما يقل شن اسمه و لما يزيد شن اسمه و قالي عطيني مرض يسبب metabolic alkalosis و بس.
و بين الحين و الآخر يخطر عليه موضوع يشرحلي عليه و كل ما نقول كلمة طول يقولك ممتازة 😂😂 و يشجعك.

السلام عليكم و رحمةالله و بركاته


خشيت للدكتور الزائر على اليمين (الي لابس أبيض 😂😂)
طبعاً الدكتور مريح لأقصى درجة و يحول منك التوتر و الخوف، سألني على الامتحان كيف كان و الوقت و توزيع الأسئلة على المنهج و انطباعي عليها و المنهج شن اللي عندك صعب و بعدين بدا يسأل :

السلام عليكم ورحمه الله وبركاته

الدكتور الزائر رمزي (معروف بالقميص الابيض😭)

سألني classification of enzymes
والفرق بين hydrolases وlyases
وشن هي isomerases
وانزيم kinase يعتبر من أما تصنيف ولما جاوبته قالي عطيني مثال على هدا التصنيف

وسألني free radical شن هي وشن نستخدم ضدها تقريبا يلي هو vitE
وشن باقي antioxidant vit وقال في حتى حاجه انتم ممكن مش واخدينها الاوميغا3
قولتهم صح مش واخدينها بيش ميسألش فيها وقعد يشرح عليها
وسألني شن وظيفه vit K وامتى ناخدوه

وحرفيا هدا الدكتور ماشاءالله يخفف توتر واسئلته كويسه وحتى لو نسيت يقعد يشرح بيش تذكرها

السلام عليكم...
سألني دكتور الزائر:

_شنوا الــ DNA وشنوا مكوناته، و قاعده النيتروجينيه شنوا تحتوي وشنوا الفرق بينها وبين الــ RNA.؟

_Replication of DNA?

_تصنيفات الانزيمات، وفي التصنيفات وقفني على transferase شنوا يدير؟!

_وبعدها سألني على الأكسده والاختزال عرفهن والدكتور ما قصر شرحها وأني نسمع فيه وكأني في محاضره 🙂 ومن تعريف الاكسده سألني على antioxidant في vit شنوا هنا وكان يبي vit E.

_بعدها سألني على وظيفة vit k, vin E؟

وهذا يلي سألني عليه دكتور الزائر وكان جدا مراعي في الأسئله ويساعد بارك الله فيه.
موفقين دكاتره...

السلام عليكم اني خشيت علي دكتور زائر لابس أبيض ,أول شي سالني علي الامتحان كيف كان وسالني علي Time الامتحان وهل في إشكالية في الامتحان وسالني هل جاوبتي او لا وسالني شن أسئلة الامتحان وكم سوال مقالي في الامتحان وبعدها قالي شن هما الاسئلة طبعا بمجرد قلت اول سوال من المقالي قالي اشرحي عليه ،وسالني علي Vitamins Water and Fat Soluble شن هما ،وسالني اكتر فيتامين يصنع كولاجين شن هوا ، نقص Vitamin c شن يسبب ،سالني علي حقنة الفيتامين الي تنعطى للمولود بعد الولادة ،وسالني هل Vitamin Eيدير toxicity ،وسالني ان الفيتامين الي يدير Anticoagulant لWarfarin شن هوا,الاسئلة كلها علي Vitamins 🥲

السلام عليكم ورحمة الله وبركاته
اسئلة دكتور احمد المنساز العملي:
-عرف النيوكليك اسيد
-عرف الالكتروليت واحكي ع الشيت شن فيه..
-شن يتحكم ف حركة الأيونات"صوديوم وبوتاسيوم"

-اذكر امثلة لسكر بسيط متكون من 3 كربونات

-تقسيم الpolysaccharides اذكريهم وشن ميزة السليلوز وشن الفرق بين amylose ,amylopectin..

اسئلته ساهلة ولكن يشكّك ويعاود ف الاجابة الصح وكأن انت ماقلت شي، فلهذا أيّ حد يخشله لما يسأله سؤال مايجاوبش طول وبسرعة ويجاوب على قيس السؤال بالزبط مايزيدش حرف ويدير روحه يفكر ولكن في حدود الوقت المعقول لأن حيقول الاجابة بسرعة…

دكتور محمد الهليب
شن اسم مشتق من glucose يستخدم cerebral edema
شن اسم مشتق من كربوهيدرات يستخدم cataract
اسم حلقة glucose
فرق بين activator and coenzyme
شن أنواع من LDH يشخص lung and liver
function of carbohydrates.

السلام عليكم ورحمه الله تعالي وبركاته☁️

خشيت للدكتور محمد الهليب

سألني في شن اكتر شيت فاهمتيه قتله acid base balane
قالي لالا شيتاتي 🤡 🤣🤣🤣 قتله كارب

1 / الاسم العلمي للجلوكوز وهوا في حلقه
2/ شن اسم الكحول يلي يعطيه الجلوكوز والكلينك متاعه فيش يستخدم
3/ اسم الكحول يلي يعطيه سكروز والكلينك متاعه برضو
4/ amino acid يستخدم في تصنيع bile acid
5/ amnio acid يستخدم في تصنيع B3
7/ الفرق بين co enzyme,و activtor enzym
9/ الفرق بين synthesis و synthsis


وهضا هوا ومسالنيش في acid base ☄️🤣🤣🤣💔

السلام عليكم
دكتور الهليب
سألني عن اغلب وظائف الامينو اسد
شن يلي يستخدم في علاج kidney stone
وشن يلي يستخدم في علاج atherosclerosis
وشن يستخدم في صناعه B3
ويلي يستخدم في صناعة RBC ,WBC
شن الحكول يلي يصنع من mannos و شن وظيفته

في أسئلة كثيرة عن hexokinase .glucokinase

أي حد قاعد ماخشش ياريت يقرا رسم البياني مايكل اكويس اكويس لأن حيرسمه ليك
وشن يمثل وkm متى ينقص ومتى يكون ثابت .vmax كذلك
Allostric enzymes هذا ليس من ضمن مقررنا يلي خذيناه فقط allostric site هكي قولوا لهذا الدكتور وبعدها يقولك مش محسوب .أقروا ال
Competitive وNon Competitive وAn Competitive
مع العلم الثالث مش معانا لكن قال مطالبين بيه .
وظيفة LDH
Nucleic acids اشرح
Examples about Competitive and noncompetitive أدوية
وظائف الأنزيمات ماهو isoenzymes
أسماء المواقع في allostric site .
Sphingolipid اشرح
Lecithin ماهو والتركيب تبعه
وظيفه أيضا
وcephaline
طبعا في أكثر من هكي ولكن يلي ماتعرفاش خليه لأن في البداية يسأل عن ثلاث علماء وشن نظرياتهم والkreps
خلوهم لأن مؤقت سريع ومش حتلحق تجاوب حتى يلي تعرفه
وفقكم الله

اني سألني دكتور زائر لابس سورية بيضة
سألني على الامتحان جاوبت ولا لا بعدين سألني شن أصعب حاجة في الامتحان امشي مبتش نقوله😅قتله بالمجمل الاسئلة كويسة بعدين سألني شن أحسن أسئلة جت مخطرش عليه كان الكربوهيدرات فقتله عليه
ناض قالي عطيني تصنيفهم ومثال على كل واحد فلما اني وصلت في polysaccharaids ودكرت الهيبارين والهيلورونك قالي احكيلي عليهم شرحتله تركيبهم وفيش يستخدم بعدين سألني على الانزيم قالي احكيلي على zero order. و first order قتله مش واخدينه ناض قالي خلاص مش واخدينه مش حنحاسبك عليه باهي اشرحيلي كيف نزيد activity للانزيم نضت دكرتله النقاط ناض قالي ممتازة شكرا تفضلي

ملحوظة: كاين معدل تفلونه على عدد دقايق معينة وين تمت نوضني. وين قتله مش واخدينة سؤال الانزيم قعد يشرحلي عليه قالي انتم مش توا بتاخدوه لكن (بناخدوه)في الباثا او الفارما نسيت المهم طلع يقري في تالتة تقريبا حسب مافهمت من كلامه فاحتمال مش زاير والله اعلم