أكاديمية بصمة طبيب

🌙 Ramadan Nights Special Event ✨

Join us for an exclusive #BasmatTabibMentorship sessions, where we guide future doctors through their career journey under the spiritual and inspiring atmosphere of Ramadan! 🌟

📌 Insightful discussions, expert guidance, and career roadmaps—all in the blessed nights of Ramadan!

╭🩺╮
╰ⵧ⇢˒📩ⵧ╮
🧗🏽‍♂ #أكاديمية_بصمة_طبيب

طريقنا مختلف وبصمتنا متميزة

Its only the start

https://t.me/basmatathartebia

#Special_Event #RamadanCareerTalks #YourMedicalJourneyStartsHere
#BasmatTabibMentorship 🔥

دخلت على اساس معاينة للسجن الدكتور العامل معاي المعاينة هو
Medical director for one the biggest hospitals in Abu Dhabi
He started the interview with sepsis case
جاوبت كل اللي ربنا ألهمني بيه
فجاءة وقف المعاينة وقال لي
You are a candidate for our emergency department would you like me to proceed with an interview for the ED?
أنا ما قدرت ادس ابتسامتي غايته قلت ليهو خش برجلك اليمين
معاينة استمرت ساعة
Posterior MI case
Spinal Cord injury case
Head injury case
AAA case
Pulmonary edema case
Multiple injuries trauma case
Intubation
قال لي عندك اي طلب او استفسار؟

أنا سحرت في سرد القصة 😅 من غير اقول البوزتف فايبس الجايي اقولها
١- مهماً انت وين حالياً و مهما كان وضعك شنو ومهماً كانت ظروفك شنو اتذكر انه دا وقت الحاجة دي و حتعدي حتعدي

٢- احتمال تشوف السعي الانت فيه دا حالياً ماشي على الفاضي و غير مجدياً بس صدقني طالما انت ساعي حتوصل حتوصل

٣- داير تدبرس؟ دبرس من حقك داير تنفسن ؟ نفسن من حقك
داير تكمل كمل داير توقف وقف بس اتذكر انت ما وصلت للمرحلة دي عشان تقيف

٤- نحن السودانيين عندنا في طبعنا شيء سيء جداً وهو المقارنة فلان وفلان عملوا وفعلوا وتركوا
فيها شنو لو اي زول ركز في نفسه و مع نفسه و سعى واجتهد بنفسه ؟ حتلقى الموضوع ماشي بسلاسة صدقني

٥- اخر حاجة عشان ما اطول اكتر من كدا في chapter (1)
من القصة اللي هدفها انه يقراها زول ما عارف يعمل شنو او قنع من انه يستمر
ديل ٣ صور
عبارة عن تسلسل للمكان البديت فيه في السعودية
بعداك الامارات
بعداك UK
بين التلاتة بيوت ديل كانت في كمية معاناة بصور مختلفة بطرق مختلفة بأساليب مختلفة
بس بينهم كان شيء واحد المخلي الواحد يستمر
السعي
الشغف
يقين الوصول
جمال الرحلة رغم الدقداق

To be continued…

https://t.me/basmatathartebia

Positive vibes post

Chapter (1)

البوست دا عايز أبداه بجملة نحن مسؤولون عن السعي لا عن النتيجة .

قبل ٤ سنة من تاريخ اليوم كان طلعت نتيجة امتحان اللوكال بتاعتنا لطب الطوارئ وفرحنا بنجاحنا و بدينا الروتيشن وكانت بداية جديدة لعهد جديد كله مسؤوليات زيادة وكان فيه متعة من نوع خاص بس كان في احساس شيء ناقص تريننغ مهزوز لعدم توفر حاجات كتيرة جداً رغم اجتهاد البورد بس لا زال كان ناقصه حاجات كتيرة
المهم
ساءت الظروف كعادة كل النواب و في بوست ديوتي واقف ملطوع في المحطة الوسطى ماشي جبرة علي ديوتي تاني في مستشفى جبرة وقفت مع نفسي في عز الزحمة والسخانة والفلس و الارهاق الجسدي والنفسي والذهني بخصوص المستقبل المظلم.  قررت اسافر
وين؟ اي مكان
كيف؟ ما عارف
طبعا اول خيار بجي في بالك السعودية
اتصلت لصحبي في السعودية يا عمك انا عايز عقد عمل ما كتر كلامه معاي قفل مني رجع لي بي عقد
بقينا في حكاية بنغلة كم اسبوع تجمع حق السفر و داتا فلو و و و
والفرد ما قصروا
سافرت وخليت وراي تريننغ مقطوع بس كان لابد من الخطوة دي كنت خايف منها صراحة وانا في بالي خطط تانية بطرق تانية لأهداف تانية بس متين ؟ الله اعلم
توكلت على الله وسافرت السعودية
عقد عمل في منطقة تحلف انه انا شغال في الدهب مافي السعودية
ساكن في غرفة زنكي البدويين برفهوا في بقالة
مافي زلط
كهرباء تقطع نت يفصل
ما فارقة لانه كان هدفي واضح عايز قروش + عايز اتخارج من مكاني بي انجاز بغض النظر عن نوع الانجاز شنو
هل لميت قروش ؟ لا بالعكس بقيت مديون
هل استفدت طبياً و مهنياً ؟
لا
هل ندمت انك طلعت من روتيشنك وقتها ؟ نعم بس كان في بديل
بديت الزمالة البريطانية لطب الطوارئ و انا في الخلا دا ذاته
طبعاً اول ٣ شهور مافي راتب
واحد من بوصاتنا في الطوارئ قال لي لازم تسجل للامتحان الجايي دا primary MRCEM وسجل لي هو وكان فاضل للامتحان شهرين وما عارف شيء عن الامتحان ولا بقروا من وين ولا ولا ولا المهم
توكلت على الله واندرشن قراية يومية وبقى في خطة وطريق سير الواحد يمشيه
وحمد لله السعي ما راح و ربنا اكرمني بفضله ونجحت
تمام كدا؟
أنا اعتبر مغترب معناها اغير مكاني دا لمكان اقدر اعمل كورسات اقدر اقوي الCV
صح؟
وحمد لله حولت لمدينة تانية وقابلت فيها دكاترة سودانيين منتهى الشطارة ومنتهى البساطة في التعامل
هل دي بداية الcomfort zone الكنت خايف اقع فيه في قعدة الخليج يا ربي؟ نعم هي بشحمها ولحمها
والحل طيب
سجلت للجزء التاني الزمالة البريطانية لطب الطوارئ
ومعاه طوالي استقالتي من وزارة الصحة السعودية
الله!! دا جن ول شنو ما اهو امورك سالكة توقف شغل لشنو؟
عشان ال comfort zone
ما في حاجة داخلة الراس و مافي خبرة و بعدت عن الطوارئ جداً و حسيت بالغباء
اها نقبل وين؟
واصل في سعيك للزمالة الجزء التاني و سك الامارات عسى ولعل تزبط معاك هناك وتلقى شغل طواريء

ستفك ستفك الشنط خروج نهائي امشي لطريق جديد ما ضامن شغل ما في قروش تقعدك كتير
بس البركة في الرفقة الطيبة
واصل قرايتك تجهيزك
واتوكل على الله ودعوات الحجاج
خش في المرحلة ال grey zone مرحلة دا شنو العملته دا وقاعد ٧ شهور مافي شغل ومعديها امتحانات
اتوكلت عليك يا الله و امتحنت ال
Intermediate MRCEM
وتاني ربنا كرمني ونجحت
ما كان فرحة كتيرة او طالت لانه لا زلت عاطلاً عن العمل
عندي صحبي كان بقول لي يا خالك مسألة وقت وتشتغل في اكبر مستشفى في ابوظبي و كنت بقول ليهو كويس يا زولي
وكان عندي يقين دا الحيحصل بس محتاجة صبر ومحتاجة سعي و دعاء
في ذات يوم صحيت لقيت ايميل لمعاينة ( اول معاينة في حياتي) دخلتها بمبدأ حتى لو ما شالوك يا زول اعرف الموضوع كيف و اكتسب خبرة معاينة ماله ما خسران شيء
اتعشم و زيد سقف طموحاتك و ابدا قسم الراتب حقك🤣 وطبعا خيال خيال تفتح مشروع و و و اللي هو كلنا بنتخيله وعارفينه داك
نوم اصحى ما يشيلوك في المعاينة
يحصل شنو؟
دبرسة زهج يبدا الشيطان يلعب بيك
تقعد كدا ساي؟ كيف يعني اتذكر انه وراك ناس منتظراك
وراك ناس سندتك ومفروض ترد ولو جزء من جمايلهم عليك
توكلت عليك ياربي واسجل للجزء التالت للزمالة البريطانية لطب الطوارئ
MRCEM OSCE exam
بياتوا قروش؟ حتسافر كيف وانت قاعد بي فيزا و في مشاكل تجديد؟
ما عارف المهم امتحن
على بركة الله الرفاق عداهم العيب قاموا بالواجب وانت يا صحبي اعمل العليك واجتهد
شهر مارس ٢٠٢٣ امتحانك
قطعت تذاكر السفر من هنا
جاني ايميل لمعاينة لمستشفى تابع للسجن
يا زوا اتوكل سجن ول روضة المهم شغل وقروش
هنا نقطة بسيطة كدا حابب اقولها
كان عندي يقين انه حنجح في المعاينة دي شديد

•┈┈┈┈┈┈••✦✿✦••┈┈┈┈┈┈•
#after_graduation_journey ✨ ☜

#سحر_التحفيز ✨❤️
#قصة_كفاح@basmatathartebia