بدر بن سعد الشمري

قلت اللقاء وابدا التبسم عن الردّ
وبانت علامات الرضا فوق الاوجان

مع بسمتهْ لي " لون خده تورّد
واغضى وعض شفاه راضي وخجلان

قلت الوله بالقلب .. ثار وتمرد
عطني وعد يطفي عن القلب نيران

قال الوعد : نومة عيون المقرّد
لاصار كلن في حلا النوم "غرقان

وجيته وانا من كل عقلي مجرّد
يوم ان ميعاد اللقى بيننا حان

واسرع بلم شتات فِكراً مشرّد
وقَضّيتْ معه الليل " مسرور .. مسوان

في ليلتن تسوى الذهب والزمرّد
ماني عليها لاتذكرت ! ندمـان

يقول لي طيراً مع الصبح غرّد
لولا المحبّه " وش حياتك يالانسان

الشاعر / عبدالرزاق الهذيل ..

يـاهـيـه يـالـلـي لـلـرسـايل تـودي
دونك رسالة عمر وانـحـر بـهـا زيـد

قـصـيـدة كـانـك لهـا مستعدي
مامثلها بأشعار بعض القواصيد

تلقى عليـهـا بصـمـتـي مـن مـشـدي
ماهي علوم مجمعين الهرابيد

ياقلـت ردي يـفـحـم الـخـصـم ردي
اختار واقطف دانيات العناقييد

الشـعـر فـي سـوقـه وسـعـره يـحـدي
مثل الذهب تلقى به اصلي وتقلييد

يـاهـيـه كـانـك بـالـرسـالـه تـسـدي
اسرع بها مني وانا اعطيك تعمييد

وصلت من صبري على الغبـن حـدي
بانت على وجه الزمان التجاعييد

ود الـكـتـاب لـعـقـب جـدي وبـدي
وقله ترا ليل المشاكل سرامييد

قـل ردهـا يـانـسـل أبـويـه وجـدي
تراي مابين الفشق والبواريد

يـاخـوي تسانك شـفـتـنـي لاتـصـدي
ماعاد فيها ياعضيدي تصاديد

يـاخـوي ياخـلـيـتـنـي مـن تـبـدي
يشره عليك الديد ياراضع الديد

تسكت وانـا كـف الـزمـن دار خـدي
ماظن تسكت ياسليل الصناديد

صـبـرت لـكـن بـيـح الـصـبـر سـدي
الساق حززه وازعجه قاسي القييد

كديـت لـكـن ضـيـع الـوقـت كـدي
الدخل به نقصان والصرف تصعيد

تجمعت كل العراقيل ضدي
في كل يوم يصادف الوضع تعقيد

اخذ واعدي وارجع اخذ واعدي
يارب سترك من كلام المقاريد

اجمع واودي وارجع اجمع واودي
اخشى شماتت كل هامل وعربيد

راحـت حياتـي بيـن جـزري ومـدي
ولمواجه المذموم لارغب ولا اريد

هـذاك لا نـدك ولاهـوب نـدي
بعض الحروف احيان تحتاج تشديد

والـريـح لـو زمـجـر هـواهـا تـعـدي
مافيه ريح بصوتها هززت الحييد

والـنـزل لـو يبـطـئ مـصـيـره يـشـدي
العمر يجري والمنايـا موارييد

والـلـي تـعـشـى عـنـد غـيـرك يـغـدي
عندك ولا يحتاج ياخذ مواعييد

كـل الـدروب لـدرب واحـد تـودي
روس السنابل تنتظرها الحواصيد

ولا والله البس ثوب مـاهـو بـقـدي
ولا اقول شي الا دعمته بتأكييد

ما دام طـرفـك يـم وجـهـي يـلـدي
خذها عهد .. ماهمني زيد وعبيد

خـابـرك لـلـروس الصعيبـه تـهـدي
ياقامت الرمضى تضامن مع البييد

اليا اختفت ضحكات هـزلـي بـجـدي
فعلك مثل فعل القرانيس بالصيد

يـمـنـاك للهزلـه حـشـى مـأتـمـدي
تجلا عن الصدر الحزين التناهيد

ياخـوي مـدري ويـن أوجـه وأشـدي
مدري بعكس السيد ولا امسك السيد

ضاقت علي مـن ويـن مامشـي والـدي
من منفذ البطحاء لحزم الجلامييد

الـصـبـه الـلـي شفتها ماتندي
يومين تعطينا وشهرين تسديد

وبـن رمـال لـكـل تـايـه يـقـدي
وعن ماذكر عجلان لانقص ولا ازيد

الله على دور مضى لـو يـردي
يوم الليالي عندنا كلها عيد

يعـل خرجا ما لاهلها المقدي
من يوم صرنا ناخذ الشاي تقصيد

فرحان قيران

من قصائد الشاعر / فرحان بن قيران العنزي
تشرفت بإلقائها امام :
الشيخ / مطني بن حواس الصديد

ياهل العقول النيّره يا حكيمين
‏يا بعد ضلع النير عن ديرة كلاخ

‏وجهة نظر با قولها يا فهيمين
‏للجرح جراح وللطير مكفاخ

‏ماخرب علوم العرب غير ثنتين
‏راوي كذوب وشيخ مدري متى شاخ

‏الشاعر : خلف السبوت العطوي

هلابك يابعد حيي هلابك
هلا مليون في حظرت جنابك

اقوله صدق واقوله موده
احسب لجيتك مقوى غيابك

احبك ايه احبك واعترفلك
واحب الحظ يوم الحظ جابك

خلاص لا ترجع ترانا سلينا
ما كنت أصدق يوم اني أبنساك

وأنا ادري انك رغم صدك تبينا
لا شك ناسٍ ضدنا تقصر اخطاك

خل اللذي غير حنانك علينا
يعطيك من قلبه ربع ماعطيناك

من سكرة الحب الصناعي صحينا
حتى المجالس عفتها خوف ذكراك

حبٍ جديدٍ غير حبك لقينا
حديتني جعل الليالي تحداك

لشاعرها

ماهو على الكيف صدي عنك وغيابي
مافيه حيله ولا به شي بيديي

القلب من حر شوقي يالغضي ذابي
وانا ادري ان شوق قلبك يالغضي زيي

مدري اتحسب على وقتي او اسبابي
لوكنت ماطيع غصب اسوق رجليي

زبنت صبري غديه يهدي اعصابي
والصبر باد وطلع لك بعض خافيي

لاتبللين بدموعك سود الاهدابي
تكفين كفي دموعك يابعد حيي

بكرا يحين اللقا واعوض غيابي
غصبن عن ضروف وقتي لوهي تعيي

فلاح الدليقم

يالله مسا خير قلبي منقبض وش بـه
من رهبة الناس ولا القلب متطيـر

يامعيراً شوق قلبي روح وانحشبـه
مكينة القلب تصرف شوق يامعيّـر

مثل رذاذ المطر مايحيـي العشبـه
يحيي الفؤاد المغربل شوفـة نويـر

هنوف بدواً طرف قلبي اتعشعشبـه
العين تشفق لهـا والخافـق مشيـر

قالت انا فيه موضـوع بوشوشبـه
قلت ارفعي الصوت لبى وجهك النير

قالت اخاف اتّغيـر قلـت ويلشبـه
امـا اتغيّـار لامانـيـب متغـيـر ..

قالت قبل تنشب احساسـي وتنشبـه
ابن آدم ان طال عمره عمره قصير

لاتبلش القلب فـي حبـك وتبلشبـه
تراه قطت وجه من عـاده صغيـر

وتقول بعديـن هـذي والله النشبـه
اعلمـك بالحقيقـة وانتـه مخيّـر

وطيت راسي وانا افكر وكنت اشبه
من حيرته السنين ومـات متحيـر

واخذت موشـة هـوان اتنعنشبـه
لديت فيها العيـون وقلـت يانويـر

لو قالو الناس لك يوماً ورح عشبـه
حذفت عمري وراي وجيتك مسيّـر

لكن كلاماً مالش به خير وش لش به !؟
لاتذيريـن الغـلا ويـروح متذيـر

وقولي الرمشك اليا جيت اتحرشبـه
يرحمني شـوي ياملعونـة الخيـر .. '

محمد ابن الذيب

لا يابعد حيي ترا بُعد حيي
يهدني والبعد منهوا يدانيه

قلبك ليا حان الوصل لايعيي
ضلوعي وضلعان حايل تحييه

ممدوح زيد الحسيني

ياشبه وضحــاً مهي لدون والهين
‏حفالتً ومن الدجر طربختها

‏قنايها ماباعها لو تدين
‏وده يجي مابين الارض وتحتها

مصيونتن ويقولها اللي مصيّن
واكبدي اللي بالغلا ماكلتها

متسنده خواتها ماتَعيّن
ومكمله من رقها وغنجتهاا

كنها توحى للبيد وتحيّن
هزعن قبل تمشي تهول اهزعتها

ماهي تزيّن .. والله اللي مزين
كم خبةً لاجاتها ، زينتهـا

سنامها على الرياشي مقيّن
وكن الغيوم لراسها داعيتها

فردية لو جللوها ، تبيّن
علم عليها الناس طول رقبتهاا

سلطان بن عادي

بعد الفراق اللي مثل واهج النار
‏ماعاد لي في باقي الحب عازه

‏فقدت من يدرى عن القلب ويغار
‏وحبه ورى حدب الضلوع ارتكازه

‏الحب من فرقاه خليته يسار
‏وسلمت تسليمة صلاة الجنازه

عايض العاطفي

معي لليل طاروقً قديم وللصباح قناد
وقلب كم لي ادرى لهفته وادرى محبينه

ذلول الخوف سارت في جراهيدك بدون شداد
عسى صوتٍ حداها للضما والجوع توحينه

تخافين العيون اللي تحبك والكلام الحاد
وانا اللي مايسمعّك الكلام اللي تخافينه

كلمات : مشاري محمد الديحاني

روت روحي من الحب واللي يهم من جال
‏ماعاد اتبع المقفي ولا أذكر الناسي

‏سلامي على اللي حبها ساقني للجال
‏وقامت تلين في طبوعي وانا قاسي

‏تمر المره من عقبها كنها رجّال
‏ما والله تحرك شعرةً من شعر راسي

محمد المقحم

كل نوماسٍ على ساس وركايز
له من صدوف الزمن يومٍ محدّد

تقبِل الدنيا وتقفي بالغزايز
وكم توطّت صلب منعورٍ مردّد

واليا دخل له مجلسٍ صاروا برايز
ومن غدت عينه على عينه تصدّد

أشهد ان الذل قضّاي العوايز
من كرامتنا عوايزنا تلدّد

والله انه أشدّ من شوف الجنايز
شوفة المحتاج لاقام يتردّد

راشد القطيماء

خفوا علي من العتب يالاصاحيب
اشوي لين اني جروحي تشاوا

انا طموحي كايد وعسر وصعيب
وجروحي الي في ما تنتداوا

ارمي الرجا في بعض الاصحاب ويخيب
تبينت ماعاد فيها مراوا

قدام عيني تبدي نجوم وتغيب
ونجوم قامت من عيوني تهاوا

كم لي وانا اقنب مثل ما يقنب الذيب
واحس في صدري ذياب(ن) تعاوا

ولا ارتحاح لين اركب على طارت الجيب
ولا تستوي لين الطريق يتساوا

واقلط على مجلس حصان الاطاليب
الي لربعه والاجانيب ماوا

ومنارته تاكل من السمر ماجيب
وصينيته تاكل ظهور الشتاوا

ماجور يا ستر البنات الرعابيب
وبيضَ(ن) على خوتك يوم نتخاوا

مرزوق المقاطي ..

https://vt.tiktok.com/ZS2HVQC2a

🔴🔴لمدة اسبوع فقط 🔴🔴

تم فتح طلبات التصميم للشعارات والهويات التجارية فقط
للتواصل واتساب : 0552443040

و اقبلي مثل التباشير في وجه الكريم
‏وارحلي مثل التعازي على موت الشجاع

ضيدان بن قضعان

القمر لو شافك تشوفه وتحته تمر
‏هو لازم يبهرك ، ، وانت لازم تبهره

‏ وش يفك عاد دهشة قمر قابل قمر
‏كل واحد يحسب انه مقابل منظره .

انا بشر لي في حياتي غرامي
اصنع من احساسي دول عشق واجيال

واللي حظت عن غيرها بإهتمامي
بآموت عاشقها على كل الاحوال ..

علمتها فن الغزل من كلامي
وهي علمتني اضحك اليا شوش البال
"
اليا اقبلت قامت تراجف عظامي
وان دبرت .. كنه ضرب الارض زلزال
"
تحبني وتحب عزة مقامي
واحبها واحب في خدها الخال
"
من عينها تروى القلوب الضوامي
في وجهها تقراء ' تبـارك والأنفال
"
ياغارة الله وين اودي هيامي
لامن على جيد الظبي لفت الشال
"
لا تسألوني بالغلا وش علامي
وعلى فراق عيونها لييه ماحتال
"
طقت كعبها في البلاط الرخامي
تلوي رقاب القوم رجـال رجـال
"
مهدي بن سميطان ...