来自 Cours DZ Bac 2025 بكالوريا _) (_عقبة بن نافع _الاستاذ نور الدين ) 🩺💉❤🎓 (@bacyesweca) 的最新 Telegram 贴文

Cours DZ Bac 2025 بكالوريا _) (_عقبة بن نافع _الاستاذ نور الدين ) 🩺💉❤🎓 Telegram 帖子

Cours DZ Bac 2025 بكالوريا _) (_عقبة بن نافع _الاستاذ نور الدين ) 🩺💉❤🎓
حسابنا للاستفسار والاعلان والتواصل @professorr2
قناة تعليمية لجميع شعب البكالوريا .مساعدة طلبة الباكالوريا: مواضيع باكالوريا الجزائر وسلاسل تمارين
رابط قناة تلغرام ⬇️⬇️
https://t.me/+ZOKmQcuYO_Y4MmE0
رابط المجموعة المرتبطة بالقناة https://t.me/bacdz3
36,648 订阅者
7,917 张照片
85 个视频
最后更新于 28.02.2025 18:03

相似频道

Bac 2025 with aya🪄🎓
21,299 订阅者
الأستاذ زيد للفيزياء
14,053 订阅者
ძ᥆ꪀ'ƚ gᎥ᥎ᥱ ᥙρ
9,674 订阅者

Cours DZ Bac 2025 بكالوريا _) (_عقبة بن نافع _الاستاذ نور الدين ) 🩺💉❤🎓 在 Telegram 上分享的最新内容

كل ما تتعب صح ولا يجيك ضرف ولا تكره
سقسي روحك واجب بصراحة ☁🤍
اسك هاد الظرف ولا السبب لي مخلانيش نقرا نقدر نجاوب بيه روحي بعد الباك؟؟ اسك نقدر نشافي بيه الندم تاعي؟ صدقني بعد الباك تولي تقول علاش درت هكا كن قريت معليش نص ساعة فالنهار تولي كاره روحك ❕
لهذا من دكا حاول تفورصي روحك شوية باش متعيشش هاد الشي 💫
🕊🍀نصائح مبعثرة🍀🕊

💦الملخص تاعك دير فيه مثال بسيط بيسك مع الوقت رح تنسى كيفاش تطبق القاعدة كي ديرها وحدها
💦اخدم to do list تاعك فالكلاصة كي تروح للدار تطبق طول
💦ركزو على منهجية الاجابة متقولوش غير السيونس عندها منهجية حتى لخرين وستقلشو فيزيك وادب ولي لونغ.....
💦كي تجي تحل تمرين لون المعطيات تاوعك لي تحتاجهم باش يتوضحو
💦ردو بالكم من التحويلات تع الفيزيك
💦الاجتماعيات كنت نحفظها بالخرائط الذهنية والطريقة المتفق عليها تع تشد كامل المطات في جملة وحدة
💦كي تكون تجاوب في اي مادة خاصة السيونس جاوب كانو راك تفهم في حيط مشي الاستاذ لي راح يصححلك اذكر كامل التفاصيل وخلي اللمسة تاعك اكيد
💦بالنسبة للسيونس لازم تشفاو على التجارب وطريقة الاستغلال لهذا زيدوهم في ملخصكم

🍂دايمن حط روحك في جو تع باك وعود روحك على الوقت كي تكون تحل فالتمارين والسوجيات طبعا كل تمرين شحال يحتاج
🍂كي تكون فالكلاصة سجل ملاحظات تع الاستاذ بيسك مراحش يكتبلك كلش
🍂دايمن التمرين فوت فتع لي باك وطلع فالنيفو بالشوي وحل تع كامل الشعب
🍂لي باك ابداو تحلو من 2024 واهبطو مشي العكس
🍂متكثروش الفيديوات التحفيزية راهم يضيعو الوقت واصلا تحفيز مؤقت تقول نحرق الدنيا ومبعد ساعة تفشل خصك انظباط مشي تحفيز


🔴 #بكالوريا2025 🎖️🗒️
✅نصائح مبعثرة 🎧🕊
✅الرجاء المشاركة مع زملائكم وفي المجموعات والقنوات ليستفيد الجميع
🎖️ @bacyesweca 🎖️
💎💎💎نصائح مبعثرة 💎💎💎
💎الصح فالجودة والانتاجية مشي فالوقت لي تبقا قاعد فوق البيرو
💎وقت القراية قراية ووقت اللعب لعب ودك مبقاش لعب الصراحة
💎الاسلامية ولات فهامة ركزو على الفروقات والعلاقات والاسئلة غير المباشرة ويساعدكم في هذا كتاب السلسلة الخضراء بوسعادي
💎من دك اتعلم منهجيات تع فقرات الاونغلي


🔴 #بكالوريا2025 🎖️🗒️
✅نصائح مبعثرة 🕊🎧
✅الرجاء المشاركة مع زملائكم وفي المجموعات والقنوات ليستفيد الجميع
🎖️ @bacyesweca 🎖️
🍃🍃🍃نصائح مبعثرة🍃🍃🍃
🤍دير كراس لافكار التمارين ودايمن نظم متدخلش كل حاجة في بعضها كل مادة وحدها وكل وحدة افكارها وحدها
🤍كي تنعس مكلاه تقول لازم نقاوم وووو لانو متوليش تستوعب ارقد متفوتش 30 دقيقة تنوض صاحي تقدر تكمل
🤍السيونس ركزو بزاف على الكلمات المفتاحية ديروهم في خريطة ذهنية واشفاو عليهم لازم تضيفوهم في اجابتكم كل كلمة عليها تنقيط
🤍ملخصك تديرو وحدك اكيد رح تستعين بملخصات وحدوخرين بصح تاعك بخط يدك وطريقتك لازم يكون
🤍لي سوجي تع الليسي ولا تع ليسيات وحدوخرين حلوهم بيسك يكونو فيهم افكار جدد ومقترحة


🔴 #بكالوريا2025 🎖️🗒️
✅نصائح مبعثرة 🕊🎧
✅الرجاء المشاركة مع زملائكم وفي المجموعات والقنوات ليستفيد الجميع
🎖️ @bacyesweca 🎖️
حلو التمارين لي عندهم حل
بصح حاولو قبل ما تشوفو الحل
معليش ازدمو ديرو ثقة في رواحكم وحاولو باي طريقة لا بغا مراك فاهم والو وميهبطلكش المورال بالعكس راك تتعلم صوالح بزاف كونك واثق من نفسك


متقراوش وانتم ساكتين اقراو بصوت عالي
لي يهدر معاك قولو عندي باك

واحفظو بالكتيبة وبالصوت وووو بكامل الطرق لانو راه العام طويل ولازم تثبتو واش قريتو
بالنسبة للحفاظة التكرااااار ركزو على التكرار ساسوا حفاظة ولا فهامة حاولو تكررو كلشي

تبعو مرجع فريد مضالوش تخلطو ودرس لي تحفظوه اقعدو اضربو عليه طلة متسهروش ومتخلوش صلاتكم مهما كانت الظروف لانو مكانش حاجة تخليكم مرتاحين وتخدمو بيا كيما صلاتكم متقولوش ميكفيناش وقت ولا لالا يكفيكم اقراو برك ومتخافوش

كيما كان يقولها الاستاذ عام الباك راس مالك مورالك
لازم تتحكم فمورالك لانو يلعب دور كبير بزاف عام الباك
متضخموش الامور ومتزيدوش عليها
عادي عام الباك داير هك تطيحو وتنوضو سورتو مع التالي تعياو كونو واجدين

متشوفوش فيديوات بزاف حاولو تكون مراجعتكم فردية تبانلكم بلي راكم تقراو ووو مي راكم برك تضيعو فوقتكم كشغل تخدعو في رواحكم
الفيديو اذا مفيهش افادة متشوفوش

اذا مزال كاين بنادم يحشم لا يسقسي استاذ سؤال غييير يروح يشوف كاش حل لروحو
سقسي الاستاذ لا بغا سؤال غبي راك تندم قادر تلقاه هو فالباك

متخلوش النقائص وتقولو هادي خليها للشهر التالي وهادي خليها نهار كذا ووو تاجلو لالا عندك حاجة اقراها دك
بالعكس خلو الشهر التالي فارغ يبااانو فيه صوااالح بزاااف تديرهم

الفيلو انا ومزلت حايرة فيها الصح وين راه منعرف
كن غير مقريتهاش من بداية العام
كن قريت منهجيات ومبعد يخرجو المقترحات هكاك في مارس ولا نفهمهم وصاي

الفيلو متهملوهاش راهي سااااااهلة سااااهلة سااااااهلة متبقاوش تزيدو عليها وتتبعو فالناس لي تقولك متقراهاش وصعيبة ووو نن بالعكس تعلمك صوالح خير من الماط

المهم ركزو فيها على الفهاااامة متحفظش يا بيروكي افهم وصيغ بطريقتك

الفيلو فيها ربع صوالح فيلسوف + حجته + قوله + مثال
ركزو على المثال اتوسعو قد ما تقدرو فمقالتكم



🔴 #بكالوريا2025 🎖️🗒️
✅أخطاء تجنبوها
✅الرجاء المشاركة مع زملائكم وفي المجموعات والقنوات ليستفيد الجميع
🎖️ @bacyesweca 🎖️
اخطاء
التاجيل والمماطلة
الاستسلام متحبسوش حتى للتالي سورتو فالاخير المعلومات تبقى مثبتة يعني متقولوش عام كومبلي مقريتش ومبعد جاي دك نقرا لالا اقراو الوقت لي جاتكم فرصة
التلفوووون ولي غروب نحو كامل لي ريزو سوسيو خلو غير التلغرام يفيدكم بزاف ابار سا اخطوكم
متديروش جدول غير واقعي ومبعد كي متديروهش يهبطلكم المورال هاباينة كونك منطقي نتا راك عارف روحك وينتا تخدم وشحال تقدر تخدم ووووو ومبعد تدير جدول روبو ميكملوش
من التالي دير جدول لاسوء احوالك يعني تتوقع تجيك ظروف وووو ومبعد اذا كملتو الحمدلله زيييد اسيدي
نظمو وقتكم اذا محبش يتنظم استغلوه
علابالي مفهمتوش
دك حنا اغلبنا نبغو ننظمو وقتنا ونمشو بالمسطرة متتنفسش مي هدا مستحيل خطرات يصلح وخطرات لالا
حاولو انو اي فرصة تجيكم اقراو واستغلو اي وقت مشي تمشو مع البرنامج وبرك

اذا عندكم بنادم في حياتكم سلبي وجاي يكدب بزاف وانا مقريتش ومنوصلوش ووووو ليكيدايشن طول وما اكثرهم
هي صح خطرات تشتكو لبعضاكم ويطيحلك المورال (مع انو الشكوى لربي سبحانو) مي كاين ناس كتلة سلبية تمشي طول

نكملو
متقارنوش نفسكم بغيركم مقارنة النفس بالغير يمكن أن تصنع منك شخصا حاقدا وحاسدا، مما يولد لديك شعورا بالغيرة واليأس والإحباط، فقط لأن بعض الأشخاص قد سبقوك في الإنجاز. وهذا يدل طبعا على قلة الثقة بالنفس، وعدم الوصول إلى مرحلة الرضا عن الذات
كيفاش
قاوم الرغبة الداخلية لمقارنة نفسك بالآخرين عن طريق مراقبة طريقة نظرك لنفسك، وأن تجعلها خالية من أي حالة سلبية، وتعزيزها بالثقة الذاتية. ضع لنفسك الأهداف الواضحة، واختر لنفسك دورك في الحياة وما تعيش لأجله، حتى تخلق حالة من الاستقرار النفسي والثقة. كذلك استعد السلوكيات التي تعزز رؤيتك الإيجابية لنفسك



#بكالوريا2025 🎖️🗒️
✅أخطاء تجنبوها
✅الرجاء المشاركة مع زملائكم وفي المجموعات والقنوات ليستفيد الجميع
🎖️ @bacyesweca 🎖️
🔴 #بكالوريا2025 🎖️🗒️
✅بلاغة الصور البيانية
✅الرجاء المشاركة مع زملائكم وفي المجموعات والقنوات ليستفيد الجميع
🎖️ @bacyesweca 🎖️
كيف افوز في رمضان + كيف اضع خطتي الرمضانية + عهد جديد مع الصلاة
دعواتكم لمعلمتي هي من افادتني بتلك المعلومات 🌙🫶🏻
@bacyesweca
"اللهم سلمنا لرمضان وسلم رمضان لنا وتسلمه منا متقبلا "
المرشحين :
الفرضية
مقارنة بين العلم والفلسفة
الانا والغير
الحتمية
التجربة (جامي طاحت )

فالباك يمدولنا موضوع علمي وآخر أدبي يعني مثلا( الأنا والغير ،مقارنة بين العلم والفلسفة )و (الفرضية،الحتمية،التجربة)
@bacyesweca