فريق مجرة النجاح التعليمي 💙😌

كونو في #كثير طلاب حابة تدخل معهد طبي وعم تكثر الاسئلة عليه

هاد شرح مفصل عن #هالفرع :

#المعهد_التقاني_الطبي

دراستو عبارة عن سنتين خفاف ونظاف
متلو متل أي معهد... ❤️
ينقسم لسبع اختصاصات هي:
(مخبر-تخدير-صيدلة-أشعة- معالجة فيزيائية -طوارئ- بصريات)

رح احكي لمحة سريعة عن كل اختصاص:
❤️😁

1- المخبر 👨🏻‍🔬: بتدرس الكيمياء الحيوية والسريرية والاحياء الدقيقة والدمويات والنسج والتشريح

الدراسات يلي بعد هالسنتين:
الخريج الأول ع الدفعة يدخل صيدلة سنة ثانية ع حساب الدولة🔥

2-التخدير 💉:
يندرس فيه أساسيات كيمياء التخدير وفيزياء التخدير والأجهزة الطبية وعلم الأدوية والتشريح
الدراسات يلي بعد هالسنتين:
الخريج الأول ع الدفعة يدخل طب بشري سنة ثانية🔥

3-الأشعة⚡: بيدرس فيها الطالب مواد الأجهزة الشعاعية وأجهزة التصوير والطبق المحوري وعلم الطب النووي
وطريقة التعامل مع المريض والأمواج الصوتية و الوضعيات الشعاعية
الدراسات بعد هالسنتين:
الخريج الأول ع الدفعة كمان يدخل طب بشري ع حساب الدولة 🔥

4- المعالجة الفيزيائية🧘‍♂️: فيها علم الأمراض والكيمياء والفيزياء
وتمرينات علاجية ومكيانيك حيوي والاحياء الدقيقة والتدليك والتشريح
الدراسة بعد السنتين:
الخريج الأول يدخل كلية علوم صحية (بحمص فقط)🔥

5- البصريات😎:يدرس فيه الطالب مدخل إلى عالم الفيزياء والعدسات الطبية وتقنيات الزجاج والبلاستيك وتمثيل هندسي والتقنيات البصرية

الدراسات بعد هالسنتين:
مع الاسف هو الاختصاص الوحيد يلي مافيه الترفع ع كلية💔

6- الطوارئ🚨: يدرس فيه الطالب الاسعافات ( الداخلية - الأطفال- الخارجية) مبادئ التمريض وعلم الادوية فن التخدير وإدارة الكوارث
الدراسات بعد هالسنتين:
الخريج الأول يدخل طب بشري سنة ثانية .🔥

7-الصيدلة💊: تكون أكثر موادو كيمياء تقريبا بالإضافة لمواد الاختصاص
الخريج الأول يدخل صيدلة سنة ثانية 🔥

#شغل كل فرع بعد التخرج:
- المخبر: تشتغل بمخبر تحاليل طبية كمساعد لطبيب مخبري
#ملاحظة: مافيك تفتح مخبر ع شهادتك بس فيك تستأجر شهادة دكتور وتفتح
التخدير: يشتغل اغلب وقتو بغرفة العمليات تحت ايد طبيب التخدير واذا غاب الدكتور يقدر يحل محلو. ❤️
الاشعة: يقدر يشتغل بأي مركز تصوير او بمشفى قسم الاشعة
المعالجة: يفتح مركز للعلاج الفيزيائي
البصريات: اسهل شغل يفتح محل نظارات
الطورائ: اكتر شغلو بالمستوصف
الصيدلة: يشتغل بالصيدلية مثلو مثل الصيدلي بس الفرق مافيه يتفح صيدلية ع شهادتو ❤️

#المعهد موجود بخمس محافظات: دمشق-حماة-حلب-اللاذقية - النبك
الفرق بين المعهد الصحي والطبي
المعهد الطبي تابع لوزارة التعليم العالي بينما المعهد الصحي تابع لوزارة الصحة 🤷‍♂️

هو من أحد الفروع يلي ما تلاقي فيه سلبيات ودراستو كثير ممتعة ، وغالبا ما يكون السبيل الأول للطلاب يلي ما جابو مجموع التحضيرية 😁❤️

بعض #الأمور يلي لازم نعرفها وننتبه عليها :

1_أنك تنقبل بالمعهد الطبي هالشي ما يعني انك دخلت الفرع يلي بدك ياه لان في مفاضلة داخلية للمعهد

2_ أعلى فرع بالمعهد الطبي العام الماضي مو شرط يكون نفسو هالسنة لان هالشي يعتمد ع إقبال الطلاب عليه

3_بس انقبلت بالمعهد وما طلعلك الفرع يلي بدك ياه ما فيك تغير فرعك لبعد سنة ، وهون بقصد بتغير الفرع فرع تاني غير المعهد الطبي ❤️

🔴 #اليوم || بدء التسجيل على اختبارات الهندسة المعمارية والفنون الجميلة وكليات التمريض والرياضة وقسم اللغة الإنكليزية والفرنسية ومدرسة التمريض وكلية الإعلام والعلوم السياسية.

طلاب ايا حدا بدو مساعدة بتسجيل المفاضلة حكوني بساعدكن ويلي عندو أسئلة عن ايا شي فيكن تحكو معي هون او خاص ❤️
بالتوفيق يا سنافر😂❤️

#للطلاب يلي حابة تدخل كيمياء ، هاد شرح مفصل عن الفرع

(الكيمياء) :من أفضل الأفرع بكلية العلوم 😍ويلي ألها مجالات عمل واسعة ورح تلاقي متعة بدراستها 😁❤️

الفرع من أفرع كلية العلوم 💪
عدد سنين الدراسة أربعة و عدد مقررات الأربع سنوات 47 مقرر.(طبعاً بيتخلف عدد المقررات من جامعة لأخرى)

#علامة كل مقرر من مقررات 100 درجة، وأغلب المواد بكون ألها قسم عملي وقسم نظري القسم العملي 30 علامة والقسم النظري 70 علامة. 😁🔥

بالسنة الأولى رح تدرس مواد قريبة من البكالوريا متل الرياضيات (4مقررات كل فصل مقررين) لغات (عربي وانكليزي أو فرنسي) مادتين فيزيا ومادتين كيمياء

من السنة التانية وما فوق رح تكون كلها مواد اختصاص.💪

#القسم العملي يُدرَّس في مخابر الكلية وهي متنوعة.
1. مخابر الفيزيائيات.
2. مخابر العضويات واللاعضويات.
3. مخابر الصناعات العضوية والعضوية.
4. مخبر الغرويات.
بيتشعب فرع الكيمياء ل 3 أختصاصات:

1 #الكيمياء البحتة:
❗بتدرس خواص عناصر الجدول الدوري, والمركبات العضوية لهذه العناصر وتطبيقات عليها, الروابط الكيميائية والمدارات الجزيئية وطرق تحضير المعقدات وأنواعها

❗بتدرس التلوث بالمعادن الثقيلة وتلوث المياه الطبيعية

❗بتدرس تصنيع البوليمرات والمواد المطاطية

❗بتدرس الكيمياء الضوئية والظواهر التي يتعرض لها الضوء, التفاعلات الكيميائية الضوئية

❗بتدرس الأجهزة الطيفية والطيوف للذرات لتتعرف عليها

❗بتدرس مادة كيمياء حيوية فيها مبادئ لتعطيك فكرة عن الكيمياء الحيوية

❗بتدرس النشاط الاشعاعي للعناصر المشعة والعناصر الخاملة, الأشعة النووية والمفاعلات النووية

❗بتدرس البلورات والتناظر في البلورات والشبكات البلورية للمركبات اللاعضوية

⭕مجالات العمل⭕

✔استاذ كيمياء في المدارس او الجامعات (موظف)

✔البحوث العلمية (موظف)

✔مندوب لشركة (عمل خاص)

✔المنشآت الصناعية((في حال عملت دورات تدريبية وحصلت على شهادات خبرة))

2- #الكيمياء التطبيقية:
❗بتدرس التطبيقات العملية لعلم الكيمياء في الصناعة يلي هيي:

❗عمليات التصنيع والأجهزة المستخدمة(مضخات, مفاعلات), صناعة الألياف والمنتجات المطاطية

❗التفاعلات الكيميائية التي تطبق في المصانع لتنتج مواد كيميائية ( تصنيع مستحضرات التجميل,العطور, الزيوت, المنظفات,الكريمات,مسكنات الألم, المبيدات الحشرية,الدهانات)

❗(البترول والغاز الطبيعي) والعمليات البتروكيميائية

❗بتدرس اصطناع بعض الأدوية

❗بتدرس الأنظمة والقواعد الاساسية للعمل في المخابر والتعامل مع المواد الخطرة في الصناعات الكيميائية

❗بتدرس علم التعدين والسبائك وصفاتها وإنتاجها وتآكل المعادن

❗بتدرس كيمياء البيئة( هواء-ماء-تربة)

⭕مجالات العمل⭕

✔استاذ كيمياء في المدارس او الجامعات (موظف)

✔البحوث العلمية (موظف)

✔شركات الأدوية (عمل خاص)

✔المخابر الطبية((لكن الأولوية للحيوية بالعمل في المخابر ودكتور المخبر يرغب لخريج الحيوية لانو دارس الشي يلي عبيشتغلوا بالجامعة بمعنى آخر اذا بيجي خريج حيوية عامل تشخيص مخبري رح ياخد مكانك + حتى تنقبل تحتاج لشهادات خبرة))

✔المنشآت الصناعية ((معامل الاسمنت,العطور,المنظفات,الأصباغ,السبائك)) (عمل خاص)

✔الشركات الاستخراجية والمصافي ((الفوسفات والبترول)) (عمل خاص)

✔المراقبة وضبط الجودة في جميع المعامل (عمل خاص)

✔اختصاصي مواصفات ومقاييس للمنتجات الصناعية (عمل خاص)

✔شركات معالجة المياه (عمل خاص)

3- #الكيمياء الحيوية"موجودة فقط في حلب و تشرين":
❗بتدرس المكونات الأساسية الموجودة في خلايا الكائن الحي مع كميتها ووظيفتها (ماء –املاح–بروتينات-سكريات-فيتامينات وغيرها كتير)

❗بتدرس التفاعلات الكيميائية يلي بتحدث بالكائن الحي

(مخططات تفكك واستقلاب السكريات, مخططات استقلاب الدهون , مخططات استقلاب البروتينات) وآلية عملها في الجسم

❗بتدرس التغيرات الجزيئية على مكونات الانسان يلي بتعمل امراض(نقص فيتامينات,امراض هرمونية, امراض شائعة)

❗بتتعلم بعض التحاليل المخبرية البسيطة وبتدرس الانسجة والدم ومكوناته

❗بتدرس التركيب الكيميائي لأجزاء الخلية في الكائنات الحية الدقيقة مثل (بكتيريا، فطريات، طحالب) والمسارات الاستقلابية لها وتطبيقات صناعية عليها

❗بتدرس تطبيقات الهندسة الوراثية والطفرات والحموض النووية وعمليات تصنيعها والتعديلات الوراثية

❗تصنيع حموض نووية من أحياء مجهرية وإنتاج مضادات حيوية

❗بتدرس كيمياء الأغذية + كيمياء البيئة( هواء-ماء-تربة)

⭕مجالات العمل⭕

✔استاذ كيمياء في المدارس او الجامعات لانو الحيوية تابعة لوزارة التربية وليس وزارة الصحة متل ما بظن الجميع (موظف)

✔مختبرات التحليل ((تحتاج لدورة خارج الجامعة اسمها دورة تشخيص مخبري لانو بتتخرج من الحيوية وانت ضعيف بالجانب العملي لهيك لازمك دورة او تتعلم بشي مخبر شهرين بالكتير بتختم الجانب العملي للتحاليل وبتصير أمور تمام)) (عمل خاص)

✔البحوث العلمية (موظف)

✔مندوب لشركة طبية(عمل خاص)

✔معامل الأغذية(عمل خاص)

✔شركات معالجة المياه (عمل خاص)

✔الصناعات الصيدلانية وشركات الأدوية (عمل خاص)

✔المراقبة وضبط الجودة في جميع المعامل (عمل خاص)

✔اختصاصي مواصفات ومقاييس للمنتجات والمستحضرات الطبية والصيدلانية (عمل خاص)

#ملاحظة😁 : بجامعة الفرات مافي اختصاصات غير البحتة ولا في دراسات عليا ، مشان تحسبو حسابكم

وبالنسبة للدراسات العليا كمان في عدة أختصاصات منها:
🔴التحليلية
🔴الفيزيائية
🔴العضوية
🔴 اللاعضوية الحيوية.
ولكل اختصاص أبحاث خاصة

🔴 #عاااجل || تحديد مواعيد اختبارات القبول للأفرع الجامعية :

- كلية العمارة : الثلاثاء 10/9
- كلية الفنون الجميلة (الأول) : الأحد 8/9
- كلية الفنون الجميلة (الثاني) : الثلاثاء 17/9

- الأدب الإنكليزي : الاثنين 9/9
- الأدب الفرنسي : الخميس 12/9

- الإعلام : الأربعاء 11/9
- العلوم السياسية : الاثنين 16/9

- التمريض / الرياضة : من 1/9 إلى 17/9
- العلوم الصحية : من 4/9 إلى 12/9

#منقول

فرحة كبييرة ل سنافرنا 🌹🌺
انخفاض المعدلات عن السنوات الماضية 🔥
طلابنا جهزوا حالكن ل مفاجأة جديدة مقدمة من #فريق_مجرة_النجاح_التعليمي 💙

#معا_نحو_كوكب_التفوق 🌹💜

#مراكز_التسجيل 😍

#سوريانا_التعليمية ✅

#اعلان_عرب_أجانب

#سوريانا_التعليمية ✅

#مهني_عرب_اجانب 😍

#سوريانا_التعليمية ✅

#اعلان_سوري_غير_مقيم

#سوريانا_التعليمية ✅

#جدول_الكليات_التطبيقية_المعاهد_التابعة_للمجلس_الاعلى_للتعليم_التقاني

#سوريانا_التعليمية ✅

#شروط_التقدم_للمفاضلة_مهني
#سوريانا_التعليمية ✅

#بطاقة_مفاضلة_علمي_موازي 😍

#سوريانا_التعليمية ✅

#بطاقة_مفاضلة_الأدبي_موازي 😍

#سوريانا_التعليمية ✅

#مهني_سوري_غير_مقيم 😍

#سوريانا_التعليمية ✅

#شروط_التقدم_لفاضلة_الجامعات_الخاصة_للكليات_الطبية
#سوريانا_التعليمية ✅

#مفاضلة_منح_الجامعات_الخاصة
#سوريانا_التعليمية ✅

#مفاضلة_الأدبي_عام_موازي 😍

#سوريانا_التعليمية ✅

#بطاقة_مفاضلة_الأدبي_عام 😍

#سوريانا_التعليمية ✅