Azərbaycan Memarlıq və İnşaat Universiteti

Azərbaycan Memarlıq və İnşaat Universitetində (AzMİU) Əqli Mülkiyyət Agentliyi və universitetin Əqli Mülkiyyət kafedrasının birgə təşkilatçılığı ilə “Sənaye mülkiyyətinin obyektləri və onların qeydiyyatı” mövzusunda maarifləndirici təlim keçirilib. Təlim “Əqli mülkiyyət hüquqları” aylığı çərçivəsində təşkil olunub və məqsədi sənaye mülkiyyətinin qorunması, qeydiyyat prosesləri və beynəlxalq hüquqi mexanizmlər barədə universitetin akademik heyətinə ətraflı məlumat vermək olub.

Təlimin açılışında çıxış edən AzMİU-nun prorektoru professor Nigar Aslanova əqli mülkiyyətin innovasiya və elmi-tədqiqat fəaliyyətində oynadığı roldan bəhs edib. O, müəlliflik hüquqları, patenləşdirmə və əqli mülkiyyətin qorunması sahəsində akademik heyətin biliklərinin artırılmasının vacibliyini vurğulayıb. Prorektor bu istiqamətdə keçirilən tədbirlərin universitetin elmi potensialının gücləndirilməsinə mühüm töhfə verəcəyini bildirib.

Agentliyin Aparat rəhbəri, həmçinin AzMİU-nun Əqli Mülkiyyət kafedrasının müdir müavini Natiq İsayev isə çıxışında əqli mülkiyyətin yalnız mədəni və hüquqi aspektlərə deyil, həm də iqtisadi və sosial münasibətlər sisteminə təsir etdiyini vurğulayıb. O bildirib ki, hazırda dünyada əqli mülkiyyət iqtisadi inkişafın əsas faktorlarından birinə çevrilib və ölkələrin innovasiya strategiyalarında mühüm yer tutur. Natiq İsayev qeyd edib ki, Azərbaycanın əqli mülkiyyət sahəsində qanunvericiliyi regionda ən zəngin hüquqi çərçivələrdən birinə malikdir. Lakin yaradıcı şəxslər arasında maarifləndirmənin artırılması, onların hüquqi biliklərinin təkmilləşdirilməsi və əqli mülkiyyətin kommersiyalaşdırılması istiqamətində fəaliyyətin gücləndirilməsi zəruridir.

Çıxışlardan sonra Agentliyin əməkdaşları tərəfindən adıçəkilən mövzu istiqamətində təqdimatlar edilib.

Patent və Əmtəə Nişanlarının Ekspertizası Mərkəzinin eksperti Firuzə Bəhramova çıxışında sənaye mülkiyyəti obyektlərinin qeydiyyatı prosesini əyani olaraq nümayiş etdirib. O, agentlikdə yaradılan və sənaye mülkiyyəti obyektlərinin qeydiyyatı ilə bağlı iddia sənədlərinin qəbulunu həyata keçirən “Patentlərə, Əmtəə Nişanlarına Açıq Hədəf” (PƏNAH) rəqəmsal informasiya sisteminin əhəmiyyətini vurğulayıb. O, bildirib ki, bu sistem istifadəçilərə daha operativ və şəffaf xidmət göstərmək imkanı yaradır, sənaye mülkiyyətinin qeydiyyat prosesini asanlaşdırır və müraciətlərin emal müddətini qısaldır.

Sonra digər məruzəçilərin çıxışları dinlənilib. Onlar ixtiralar, faydalı modellər, sənaye nümunələri, əmtəə nişanları və coğrafi göstəricilər barədə ətraflı məlumat veriblər. Patent və Əmtəə Nişanlarının Ekspertizası Mərkəzinin şöbə müdirinin müavini Afət Qasımova iddia sənədlərinin hazırlanması və təqdim olunması qaydalarından danışıb. Mərkəzin sektor müdiri Gülcahan Əlimərdanova əmtəə nişanları və coğrafi göstəricilərin iqtisadi və hüquqi əhəmiyyətini, şöbə müdiri Sevinc Zeynalova isə əqli mülkiyyət obyektlərinin mahiyyəti üzrə ekspertizanın aparılma qaydalarını izah edib.

Təlimin ikinci hissəsində beynəlxalq əqli mülkiyyət qorunma sistemləri – Patent Əməkdaşlığı haqqında Müqavilə (PCT), Haaqa və Madrid sistemləri haqqında təqdimatlar keçirilib. İştirakçılar bu sistemlərin sənaye mülkiyyətinin qorunmasında rolu və tətbiqi qaydaları ilə tanış olublar.

İnteraktiv şəkildə davam edən təlim boyu Agentlik əməkdaşları tərəfindən iştirakçıları maraqlandıran suallar cavablandırılıb. Sonda Əqli Mülkiyyət Agentliyinin sahəyə dair kitabları universitetin kitabxanasına hədiyyə olunub.

27 yanvar 2025-ci il tarixində "Huawei Technologies Azerbaijan" MMC və Azərbaycan Memarlıq və İnşaat Universiteti (AzMİU) arasında İKT sahəsində istedadların inkişafına dair əməkdaşlıq haqqında Anlaşma Memorandumu imzalanıb. Memorandumun imzalanması münasibətilə AzMİU-nun rektoru professor Gülçöhrə Məmmədova və Huawei şirkətinin səlahiyyətli nümayəndəsi Lin Yanxia arasında görüş keçirilib. Görüşdə hər iki qurumun nümayəndə heyətləri də iştirak ediblər.

Görüş zamanı Azərbaycan və Çin arasında yüksələn siyasi və iqtisadi əlaqələrə vurğu edilib. Professor Gülçöhrə Məmmədova Prezident İlham Əliyevin Davos İqtisadi Forumunda Çin televiziyasına verdiyi müsahibədə Çin şirkətləri ilə əməkdaşlığın faydalarından bəhs etdiyini xatırladaraq Huawei ilə AzMİU arasında qurulan əməkdaşlığın da bu kontekstə hər iki tərəf üçün töhfə verdiyini qeyd edib.

Lin Yanxia Huawei-in Azərbaycandakı fəaliyyətləri və İKT ekosisteminin inkişafına verdiyi töhfələrdən bəhs edərək şirkətin innovativ texnologiyalar və proqramlar vasitəsilə gələcək mütəxəssislərin yetişdirilməsində oynadığı roldan danışıb. Qonaq AzMİU ilə əməkdaşlığın Azərbaycanın rəqəmsal transformasiya planları ilə uzlaşdığını qeyd edib.

Memorandum çərçivəsində tərəflər İKT sahəsində dörd əsas əməkdaşlıq istiqamətlərini müəyyən ediblər:

- AzMİU-da Huawei İKT Akademiyasının təsis edilməsi;
- Huawei HCIA Sertifikasiyaları proqramının həyata keçirilməsi;
- Seçilmiş tələbələr üçün Huawei Yay Məktəbi;
- Huawei İKT Yarışlarının təşkili.

Huawei şirkəti AzMİU müəllimləri üçün xüsusi təlimlər təşkil edəcək, tələbələrin HCIA sertifikat imtahanlarında iştirakını təmin edəcək və onlara beynəlxalq yay məktəbi və İKT yarışları kimi imkanlar yaradacaq. AzMİU isə müəllimləri seçəcək, təlimlər üçün otaqlar ayıracaq, İKT Akademiyası dərslərini formalaşdıracaq və tələbələrin bu proqramlara qoşulmasını təşkil edəcək.

Qeyd edək ki, Memorandumun məqsədi Azərbaycanın İKT ekosistemində yüksək ixtisaslı və sertifikatlaşdırılmış mütəxəssislərin hazırlanması üçün davamlı proqramların yaradılmasıdır. Bu əməkdaşlıq ölkənin rəqəmsal inkişafına və gələcək nəsil texnologiya mütəxəssislərinin yetişdirilməsinə böyük töhfə verəcək. Memorandum 1 il müddətində qüvvədə olacaq və tərəflərin birgə səyləri nəticəsində Azərbaycanın İKT sektorunun inkişafında yeni imkanlar yaradacaqdır.

İxtisasını tap 2 🤩

Əziz tələbələr, bəs siz hansı ixtisasları tapa bildiniz? Şərhlərdə qeyd etməyi unutmayın! 🥳

https://www.instagram.com/share/reel/BBln8-0KpS

Azərbaycan Memarlıq və İnşaat Universitetinin (AzMİU) “SABAH” qruplarının 2015-2018-ci il məzunu Nadir Şükürov ADA Universitetinin İtaliya-Azərbaycan Universiteti layihəsi çərçivəsində Milan Politexnik Universitetində doktorantura (PhD) təhsili almaq hüququ qazanıb.

Məzunumuz Nadir Şükürov doktorantura təhsili müddətində Milan Politexnik Universitetinin professorları ilə birgə “Taktiki şəhərsalma dizaynı və müasir yanaşmalar” mövzusunda elmi-tədqiqat aparacaq. Adıçəkilən tədqiqat işi müasir şəhərsalma proseslərinin innovativ yanaşmalarla inkişaf etdirilməsini əhatə edir.

Məlumat üçün bildirək ki, məzunumuz Nadir Şükürovun uğurları bununla bitmir. O, şəhər infrastrukturu və nəqliyyat layihələrinə də mühüm töhfələr verib. Bakı şəhərində “Velosiped yolları”, həmçinin Ukrayna dairəsinin “Müasir turbo tipli dairəvi hərəkət sxeminin həndəsi dizaynı” layihələrinin müəllifi olub.

Azərbaycan Memarlıq və İnşaat Universiteti (AzMİU) innovasiya mühitinin inkişafına töhfə vermək məqsədilə Azərbaycan Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi ilə yeni əməkdaşlığa imza atıb. Bu əməkdaşlıq “Gələcək üçün bacarıqlar” layihəsi çərçivəsində BP şirkəti və Türkiyənin “Bilişim Vadisi” ilə birgə həyata keçirilən 6 aylıq inkubasiya proqramının yekun tədbiri – “Demo Day”də rəsmiləşdirilib.

Tədbir Dövlət Agentliyinin sədri Ülvi Mehdiyev, elm və təhsil nazirinin müavini İdris İsayev, AzMİU-nun rektoru professor Gülçöhrə Məmmədova, Kiçik və Orta Biznesin İnkişafı Agentliyinin sədri Orxan Məmmədov, BP-nin Xəzər bölgəsində Xarici əlaqələr və kommunikasiya üzrə vitse-prezidenti Bəxtiyar Aslanbəyli, “Bilişim Vadisi”nin direktoru Erkam Tüzgen və digər qonaqların iştirak ilə baş tutub.

Öncə rəsmilər startap komandalarının layihələrinin təqdim olunduğu stendlərə baxıblar. Ardınca Dövlət Agentliyi ilə layihəyə yeni qoşulan Azərbaycan Memarlıq və İnşaat Universiteti və Naxçıvan Dövlət Universiteti arasında “Universitetlərdə innovasiya mühitinin formalaşdırılması və inkişaf etdirilməsi sahəsində əməkdaşlığa dair” Anlaşma Memorandumu imzalanıb.

Tədbirdə rəsmilərin çıxışları baş tutub və layihə çərçivəsində həyata keçirilmiş işləri əks etdirən videoçarx nümayiş olunub.

10 startap komandasının layihə təqdimatından sonra münsiflər heyətinin qiymətləndirməsi nəticəsində ən yaxşı 5 layihə “Bilişim Vadisi”nin xüsusi mükafatı ilə təltif olunub.
Türkiyənin “Bilişim Vadisi” ilə birgə həyata keçirilən 6 aylıq inkubasiya proqramına ilkin mərhələdə 47 komanda qeydiyyatdan keçib, onlardan 30-u seçilib və 10 komanda proqramda iştirak hüququ qazanıb. Proqram müddətində türkiyəli mütəxəssislər tərəfindən müxtəlif sahələrdə təlimlər təşkil edilib.

Xatırladaq ki, 2021-ci ilin aprel ayından həyata keçirilən “Gələcək üçün bacarıqlar” layihəsinin məqsədi innovasiya sahəsində kadr potensialının artırılması, təhsildə innovasiya fəaliyyətinin dəstəklənməsi, innovativ ideyalarını inkişaf etdirmək üçün təhsil prosesində tələbələrə dəstək göstərilməsi və onların ölkəmizin texnoloji inkişafında önəmli rol oynayan ixtira sahəsinə yönləndirilməsidir.

Layihə müddətində 12 ali təhsil müəssisəsi ilə əməkdaşlıq həyata keçirilib, 2 mindən çox tələbə tərəfindən 181 startap ideyası təqdim olunub. Universitetlərdə hazırlanmış 130-dan çox mentorun dəstəyi ilə 98 startap komandası formalaşdırılıb. İnkubasiya proqramlarının yekunu olaraq 19 startap komandası layihələrini təqdim edib və münsiflər heyəti tərəfindən qiymətləndirilmə nəticəsində 3 komanda mükafatlandırılıb.

Bildirək ki, “Gələcək üçün bacarıqlar” layihəsi AzMİU tələbələri üçün yeni imkanlar açacaq və onların innovativ ideyalarını reallaşdırmasına şərait yaradacaq.

Azərbaycan Memarlıq və İnşaat Universitetində (AzMİU) tədrisin keyfiyyətinin artırılması məqsədilə akademik məsləhətçilər üçün Elm və Təhsil Nazirliyinin tabeliyində fəaliyyət göstərən Təhsildə Keyfiyyət Təminatı Agentliyi (TKTA) tərəfindən təlimlərə start verilib.

Agentliyin təlimçiləri tərəfindən aparılan təlimlər AzMİU-nun İKT Mərkəzinin Treyninq və Sertifikatlaşdırma şöbəsinin təşkilatçılığı ilə həyata keçirilir. Tədris proqramı "Təhsil haqqında hüquqi aktlar", "Tələbəyönümlü təhsil" və "Peşəkar davranış qaydaları" kimi geniş mövzuları əhatə edir. Təlimlərdə təhsil qanunvericiliyindəki dəyişikliklər, təhsildəki yeni trendlər və yumşaq bacarıqların inkişafı məsələləri xüsusi diqqət mərkəzində saxlanılır.

Üç həftə davam edəcək təlimlərdən sonra tyutorlar sertifikatlaşdırma imtahanından keçəcəklər. Təlimlərin nəticəsi olaraq AzMİU-nun Treyninq və Sertifikatlaşdırma şöbəsi daxili qiymətləndirmə mexanizminin qurulmasını və mənimsənilmiş təcrübənin gələcəkdə daxili resurslar vasitəsilə tətbiqini planlaşdırır.

AzMİU Medianın təşkilatçılığı ilə keçirilən "Yenidən Tələbə Olsaydım..." layihəsinin ilin ilk buraxılışını təqdim edirik! 😍

https://www.instagram.com/reel/DFIbltOKLMq/?igsh=MTlhdjhxZGZ6ZDJrcw==

AzMİU tələbələrinin Ege Universitetində tədris müddəti başa çatıb

Azərbaycan Memarlıq və İnşaat Universitetinin (AzMİU) bir qrup tələbəsi Türkiyənin nüfuzlu ali təhsil müəssisəsi olan Ege Universitetində “Orhun mübadilə proqramı” çərçivəsində keçdikləri altı aylıq tədris müddətini uğurla başa vurublar.

Mexanika və İnformasiya Texnologiyaları fakültəsinin tələbəsi Nihad Tağıyev, Dizayn fakültəsinin tələbələri Səbinə Quliyeva və Aygün Kərimova, həmçinin marketinq ixtisası üzrə magistraturada təhsili alan Fidan Qurbanzadə tədris müddətində əldə etdikləri nailiyyətlərə görə Ege Universiteti tərəfindən sertifikatlarla təltif ediliblər.

AzMİU Orhun mübadilə proqramından da istifadə edərək beynəlmiləlləşmə siyasətinin daha da genişləndirir və Türk Universitetləri Birliyinin üzvü olan universitetlərlə əçəkdaşlığı dərinləşdirir. Proqram tələbələrə nəzəri biliklərini dərinləşdirmək, yeni metodologiyaları öyrənmək və beynəlxalq akademik mühitdə təcrübə qazanmaq imkanı yaradır.

Qeyd edək ki, AzMİU-nun beynəlmiləlləşmə siyasəti universitetin qlobal elmi-tədris əlaqələrinin möhkəmləndirilməsini, beynəlxalq standartlara uyğun kadr hazırlığını və aparıcı dünya universitetləri ilə əməkdaşlığın genişləndirilməsini hədəfləyir.

Azərbaycan Memarlıq və İnşaat Universitetinin (AzMİU) professor-müəllim heyəti üçün təlim təşkil olunub. Keyfiyyət təminatı və Monitorinq Mərkəzi ilə Mühəndis sistemlərinin və qurğularının tikintisi kafedrasının birgə təşkilatçılığı nəticəsində reallaşan təlim “Yumşaq bacarıqların (şəxsi keyfiyyət və sosial bacarıqların) tədris prosesində səmərəli tətbiq olunma yolları” mövzusuna həsr olunub.

“TCS” şirkətinin təsisçisi və direktoru Anar Məlikov tərəfindən aparılan təlimin məqsədi professor-müəllim heyətinin pedaqoji yanaşmalarını təkmilləşdirmək, onlara yeni bacarıqlar qazandırmaq və bununla tədris apardıqları tələbələrin akademik, eləcə də sosial bacarıqlarını artırmaqdır.

Təlim müddətində yumşaq bacarıqlar anlayışı, yumşaq bacarıqların (məsələn, ünsiyyət, komanda işi, empatiya, problem həll etmə, liderlik və s.) mahiyyəti və əhəmiyyəti, onların tədrisə inteqrasiyası kimi məsələlər müzakirə olunub, iştirakçıların sualları cavablandırılıb.

Azərbaycan Memarlıq və İnşaat Universitetində (AzMİU) universitetin İKT Mərkəzinin Treyninq və Sertifikatlaşdırma Şöbəsinin təşkilatçılığı ilə kibertəhlükəsizlik mövzusunda maarifləndirici və praktik təlim keçirilib. Universitetin əməkdaşları üçün təşkil edilən təlim kibertəhlükəsizlik və kibergigiyena mövzularına həsr olunub.

Kibertəhlükəsizlik üzrə mütəxəssis, ekspert Rövşən Məlikovun təqdimatı ilə keçirilən təlimdə müasir dövrün ən vacib məsələlərindən biri olan virtual təhlükəsizlik ön plana çəkilib. Şəxsi və təşkilati məlumatların qorunması yolları, kibertəhlükələrin müxtəlif növləri və onlardan qorunma üsulları barədə ətraflı məlumat verilib. Mütəxəssis iştirakçılara məlumatların təhlükəsizliyinin təmin edilməsinin vacibliyi, güclü şifrələmə, təhlükəsiz əlaqə protokolları və kibergigiyena prinsipləri barədə praktiki tövsiyələr verib.

AzMİU-da son illər rəqəmsal transformasiya istiqamətində bir sıra mühüm işlər görülüb. Universitetin rəqəmsal texnologiyaların tətbiqi, elektron universitet quruculuğu və informasiya sistemlərinin inkişafı sahəsindəki nailiyyətləri daha qabaqcıl və müasir standartlara cavab verən tədris mühiti formalaşdırıb. Bu təlim də universitetin rəqəmsal dünyaya uyğunlaşması məqsədilə həyata keçirilib.

Qeyd edək ki, AzMİU-da davamlı olaraq rəqəmsal infrastrukturun gücləndirilməsi və elektron universitetin inkişafı istiqamətində əsaslı addımlar atılmaqdadır.

Elm və Təhsil Nazirliyinin təşkil etdiyi Respublika Fənn Olimpiadalarının rayon (şəhər) mərhələsində Azərbaycan Memarlıq və İnşaat Universitetinin (AzMİU) nəzdində fəaliyyət göstərən Fizika-Riyaziyyat Təmayüllü Liseyin şagirdləri riyaziyyat fənni üzrə uğurlu nəticə göstəriblər.

Liseyin VIII sinif şagirdi Əjdər Məmmədov və IX sinif şagirdi Üzeyir Abdullayev riyaziyyat fənni üzrə olimpiadanın bu mərhələsində uğurlu çıxış edərək fərqlənməyi bacarıblar.

Ümumilikdə Fənn Olimpiadalarının rayon mərhələsi VIII, IX, X, XI sinif şagirdləri arasında 7 fənn üzrə (riyaziyyat, Azərbaycan dili və ədəbiyyatı, biologiya, fizika, kimya, tarix və coğrafiya) 30 mərkəzdə keçirilib.

Respublika Fənn Olimpiadalarının məqsədi istedadlı şagirdlərin üzə çıxarılması, onlarda fənlərə olan marağın artırılması və biliklərini nümayiş etdirmək üçün mühit yaratmaqdır. Lisey şagirdlərinin bu nəticələri onların biliklərinin və məqsədyönlü çalışmasının göstəricisidir.

Məlumat üçün qeyd edək ki, liseyin şagirdi olan Əjdər Məmmədovun ilk uğuru deyil. O bundan əvvəl Beynəlxalq Fermat Riyaziyyat Yarışmasında gümüş medala layiq görülüb. Şahmat üzrə yarışlarda da müvəffəqiyyət əldə edərək II dərəcəni birinciliklə qazanıb.

Azərbaycan Memarlıq və İnşaat Universitetinin (AzMİU) Fizika və Kimya kafedrasında universitetin 50 illik yubileyinə həsr olunan elmi seminar keçirilib.

Seminarda kafedranın professor-müəllim heyəti ilə yanaşı elm və innovasiya məsələləri üzrə prorektor professor Nigar Aslanova, Fövqəladə hallar və həyat fəaliyyətinin təhlükəsizliyi, Ekologiya, Mexanika, Ali riyaziyyat və digər kafedralardan nümayəndələr, həmçinin magistrantlar və doktorantlar iştirak ediblər.

Fizika və Kimya kafedrasın dosenti Yadigar Cəfərov “İonlaşdırıcı şüaların (qamma, kvantlar, elektronlar) təsirilə H2O, Si və Si/H2O sistemləri daxilində gedən fiziki, fiziki-kimyəvi və kimyəvi proseslərin riyazi modelləşdirilməsi” mövzusunda məruzə ilə çıxış edib. Yadigar Cəfərov təqdimatında müasir sənayenin sürətli inkişafı nəticəsində təbii enerji ehtiyatlarına, xüsusiylə neft və qaza olan tələbatın artması məsələlərinə toxunub.

Seminar iştirakçıları təqdim olunan mövzu ətrafında geniş müzakirələr aparıblar. Fizika və kimya kafedrasının müdiri professor Adil Abdullayev məruzəni yüksək qiymətləndirərək elmi seminarın əhəmiyyətini nəzərə çatdırıb. Digər çıxış edənlər Ekologiya kafedrasının müdiri professor Fəqan Əliyev, Fövqəladə hallar və həyat fəaliyyətinin təhlükəsizliyi kafedrasının müdiri akademik İslam Mustafayev mövzu ilə bağlı öz fikirlərini bölüşüb, onun aktuallığını qeyd ediblər.

Sonda Elm və innovasiya məsələləri üzrə prorektor professor Nigar Aslanova seminarın canlı və formallıqdan uzaq keçirilməsini yüksək qiymətləndirib. O, bu cür tədbirlərə magistrant və doktorantların dəvət edilməsinin vacibliyini vurğulayıb.

AzMİU-nun 50 illik yubileyi ilə bağlı tədbirlər çərçivəsində keçirilən bu seminar elmi araşdırmaların geniş müzakirə olunduğu platforma kimi iştirakçıların marağına səbəb olub.

Azərbaycan Memarlıq və İnşaat Universitetinin (AzMiU) Memarlıq fakültəsinin Memarlıq layihələndirilməsi və şəhərsalma kafedrasının müəllimi Lalə Əzimova “Orhun” mübadilə proqramı çərçivəsində Türkiyənin Bursa Uludağ Universitetinin (BUU) Memarlıq fakültəsində təcrübə mübadiləsi aparıb.

AzMiU-nun müəllimi səfər zamanı BUU-nun Memarlıq fakültəsinin müəllimləri ilə birgə dərslərdə iştirak edib, qarşılıqlı fikir mübadiləsi aparıb və müxtəlif praktiki layihələr üzərində çalışıb. Universitetin tanıtımı məqsədilə AzMİU və təmsil etdiyi fakültə eyni zamanda “Müasir Bakı” mövzularında təqdimatlar edib.

Təcrübə mübadiləsi müddətində göstərdiyi peşəkar yanaşmaya görə Lalə Əzimova BUU Memarlıq fakültəsinin dekanı və Memarlıq kafedrasının rəhbəri tərəfindən sertifikat və təşəkkürnamələrlə təltif olunub.

BUU-nun Memarlıq fakültəsinin professor-müəllim heyəti AzMİU-nun RIBA kimi nüfuzlu beynəlxalq sertifikata sahib Memarlıq fakültəsi ilə əməkdaşlıqdan məmnun olduqlarını bildiriblər.

Azərbaycan Memarlıq və İnşaat Universitetində (AzMİU) 2024/2025-ci tədris ilinin payız semestrinin imtahan sessiyası 28 dekabr tarixində başlanmış və fevralın 3-dək davam edəcəkdir.

İmtahan sessiyası təsdiq olunmuş imtahan cədvəlinə əsasən bakalavriat səviyyəsində yazılı, test və yaradıcılıqla bağlı fənlər üzrə ənənəvi qaydada, magistratura səviyyəsində yazılı, test və şifahi formada keçirilir.

Sessiya müddətində bakalavriat səviyyəsində 404 fənn üzrə 9249 tələbə, magistratura səviyyəsində isə 263 fənn üzrə 1618 tələbə imtahan verəcək. Bakalavriat səviyyəsində keçirilən imtahanların 163-ü yazılı, 206-ı test, 35-i isə qabiliyyət tələb edən, magistratura səviyyəsində isə keçirilən imtahanlardan 60-ı test, 203-ü yazılı imtahanlardır.

İmtahanlarda tələbələrin davranışını izləmək və onların qaydalara riayət etməsini təmin etmək məqsədi ilə 25 zal nəzarətçisi prosesə cəlb olunub. Sessiyanın daha səmərəli keçirilməsi üçün ümumilikdə 10 auditoriyada imtahanlar təşkil edilib. Test üsulu ilə imtahan verən tələbələrə ümumilikdə 235 kompüterdən ibarət olmaqla 5 kompüter zalı, yazılı imtahanlara isə 5 xüsusi zal ayrılıb.

Yazılı imtahan işlərinin şifrələnməsi, işlərin qiymətləndirilməsi üçün ekspertlərə təqdim olunması, yoxlama prosesinə nəzarət, şifrələrin açılması, universitetin elektron səhifəsinə daxil edilməsi işləri üzrə AzMİU-nun rektoru professor Gülçöhrə Məmmədovanın əmri ilə universitetin müəllim və əməkdaşlarından ibarət İşçi Qrup formalaşdırılıb. Eyni zamanda, imtahanların idarə ediməsi üçün gənc müəllimlər və tədris-köməkçi heyətdən ibarət Nəzarət Qrupu yaradılıb. Bir sözlə, imtahan sessiyasının mövcud qaydalara uyğun təşkili, tələbələrin biliyinin qiymətləndirilməsində şəffaflığın və obyektivliyin təmin olunması istiqamətində bütün tədbirlər görülüb.

Üzürlü səbəblərdən imtahanlarda iştirak edə bilməyən tələbələrə yenidən imtahan vermək şansı da yaradılıb. Onlar üzürlü səbəb haqqında əsaslandırılmış arayışlarını gətirməklə növbəti semestrin başlanğıcına qədər həmin fənn üzrə imtahan verə biləcəklər.

İmtahan prosesində yaranacaq narazılıqların araşdırılması və həlli məqsədilə Apelyasiya Komissiyası, İmtahan Qərargahı və “Qaynar xətt” də fəaliyyət göstərir. Həmçinin universitetin tədris binalarında müraciət və təklif qutuları yerləşdirilib. Hər imtahan sessiyasında olduğu kimi bu sessiyada da imtahan prosesi universitet rəhbərliyi tərəfindən izlənilir və zəruri tapşırıqlar verilir.

Bundan əlavə, sessiya ərzində imtahanlarda şəffaflığı təmin etmək istiqamətində ictimaiyyətin iştirakını nəzərdə tutan “Açıq qapı” günləri də təşkil ediləcək. Bu günlərdə valideynlər, deputatlar, ictimaiyyət və media nümayəndələrin imtahan sessiyasını müşahidə etməsinə şərait yaradılacaq.

Azərbaycan Memarlıq və İnşaat Universiteti (AzMİU) Tələbə Həmkarlar İttifaqı Komitəsinin (THİK) 2024-cü il üzrə illik hesabat tədbiri keçirilib.

Tədbirdə Komitənin fəaliyyət istiqamətləri, həyata keçirilən maarifləndirmə tədbirləri, tələbələrin asudə vaxtlarının səmərəli təşkili, müxtəlif müsabiqələr, sərgilər, idman yarışları və klub fəaliyyətləri barədə hesabat təqdim edilib.

Təqdim olunan hesabatda, həmçinin, tələbələr arasında narkomaniya və digər neqativ hallara qarşı profilaktik tədbirlərin icrası barədə məlumat verilib.

THİK-nin sədri Şahmar Rəfili hesabatın əsas məqamlarını açıqlayaraq 2024-cü ildə həyata keçirilən tədbirlərin tələbələrin maraq və intellektual inkişafını təmin etmək baxımından yüksək səviyyədə olduğunu vurğulayıb.

Tədbir çərçivəsində THİK-in aktiv üzvləri çıxış edərək il ərzində görülən işlərə dair öz fikirlərini bildiriblər.

Hesabat yekununda Komitənin fəaliyyəti qənaətbəxş hesab olunub və aktiv fəaliyyəti ilə seçilən üzvlər xüsusi təltiflərlə mükafatlandırılıb.

Memarlıq Təhsilinə Yardım üzrə Regionlararası İctimai Təşkilatın (MOOCAO) təşkil etdiyi memarlıq, dizayn və incəsənət üzrə buraxılış işlərinin XXXIII müsabiqəsində qalib olan Azərbaycan Memarlıq və İnşaat Universitetinin (AzMİU) tələbələrinə fəxri diplomlar təqdim olunub.

Mərasimdə AzMİU rəhbərliyi, Memarlıq və Dizayn fakültələrinin professor-müəllim heyəti, qalib tələbələr və digər qonaqlar iştirak ediblər.

Rektor professor Gülçöhrə Məmmədova qalib tələbələri təbrik edərək AzMİU-nun bu baxış-müsabiqəyə qatılmaq ənənəsinin artıq uzun illərə dayandığını bildirib. O, hər il tələbələrin müvəffəqiyyət göstəricilərinin əvvəlki illərdən daha yüksək olduğunu vurğulayıb. Rektor əlavə edib ki, beynəlxalq müsabiqələr tələbələrin peşəkar inkişafı üçün böyük əhəmiyyət kəsb edir və AzMİU bu sahədəki uğurlarını davam etdirəcək.

Azərbaycan Memarlar İttifaqının sədri, AzMİU-nun Memarlıq layihələndirilməsi və şəhərsalma kafedrasının müdiri professor Elbay Qasımzadə isə universitetin uğurlu iştirakını önə çəkərək tələbələrin qazandıqları diplomların yalnız onların fərdi uğuru deyil, həm də AzMİU-nun beynəlxalq səviyyədəki nailiyyəti olduğunu deyib.

Memarlıq fakültəsinin dekanı professor Zahidə Məmmədova müsabiqədə universitetin yüksək nəticələr əldə etdiyini qeyd edib. O bildirib ki, müsabiqəyə 24 iş təqdim olunub və nəticədə Memarlıq ixtisası üzrə 12 iş I dərəcəli, 10 iş II dərəcəli və 2 iş III dərəcəli diplomlarla təltif edilib. Dizayn ixtisası üzrə isə 4 iş I dərəcəli, 3 iş II dərəcəli diplomlarla mükafatlandırılıb. Bundan əlavə, 9 iş fərqlənmə diplomları ilə qiymətləndirilib.

Çıxışlardan sonra qalib tələbələrə fəxri diplomlar təqdim olunub. Müsabiqəyə təqdim olunan diplom layihələrinə rəhbərlik edən professor Elbay Qasımzadə, professor Səbinə Hacıyeva, professor Zahidə Məmmədova, Toğrul Ağayev də lauerat adı qazanıblar. Eyni zamanda, Memarlıq fakültəsinin müəllimi və müsabiqənin koordinatoru İlqar Əliyev təşəkkürnamə ilə mükafatlandırılıb. Dərslik və dərs vəsaitləri nominasiyasında isə 3 müəllim birinci dərəcəli diplomlara layiq görülüb.

Qeyd edək ki, bu il keçirilən müsabiqədə 50 təhsil müəssisəsindən ümumilikdə 800-ə yaxın iş nümayiş olunub. Bu isə tələbələrimizə beynəlxalq səviyyəli rəqabət mühitində öz bacarıqlarını sərgiləmək və tanıtmaq üçün əvəzsiz bir fürsət yaradıb.

COP29 çərçivəsində ölkəmizdə səfərdə olan RIBA prezidenti Muyiwa Oki Azərbaycan Memarlıq və İnşaat Universitetində (AzMİU) qonaq olub. Universitet rəhbərliyi ilə keçirilən görüşdə AzMİU ilə RIBA arasında mövcud əməkdaşlıq, onun nəticələri və gələcək perspektivlər geniş müzakirə olunub.

AzMİU-nun rektoru, professor Gülçöhrə Məmmədova, RIBA-nın universitet üçün vacib bir tərəfdaş olduğunu vurğulayıb. O, universitetin Memarlıq fakültəsinin bakalavr səviyyəsi üzrə RIBA akkreditasiyasından növbəti dəfə uğurla keçməsindən məmnunluğunu ifadə edib: "RIBA akkreditasiyası AzMİU-nun memarlıq təhsilində dünya standartlarına cavab verdiyini təsdiq edir və bu, universitetin beynəlxalq səviyyədə tanınmasında mühüm addımdır."

Muyiwa Oki öz növbəsində AzMİU-nun nailiyyətlərini yüksək qiymətləndirərək, Bakı memarlığından təsirləndiyini bildirib: "Azərbaycan memarlığı, xüsusilə Bakı şəhərinin memarlıq mənzərəsi, zəngin ənənələri və müasir yanaşmaları özündə birləşdirir. AzMİU isə bu irsi qoruyub saxlayan və inkişaf etdirərək gələcək nəsillərə ötürən aparıcı təhsil ocağıdır," - deyə RIBA prezidenti vurğulayıb.

AzMİU-nun Memarlıq layihələndirilməsi və şəhərsalma kafedrasının müdiri, eyni zamanda Azərbaycan Memarlar İttifaqının sədri professor Elbay Qasımzadə Azərbaycan memarlığının inkişaf tarixindən danışaraq, bu əməkdaşlığın milli memarlığın beynəlxalq müstəvidə tanıdılmasına verdiyi töhfələrdən bəhs edib.

Müzakirələrin Əsas Mövzusu: Magistratura Akkreditasiyası

Görüş zamanı, RIBA-nın təkcə bakalavr səviyyəsində deyil, həm də magistratura səviyyəsində akkreditasiya prosesinin həyata keçirilməsi məsələsi müzakirə edilib. Universitet rəhbərliyi və RIBA prezidenti arasında lazımi prosedurlar və kriteriyalar ətraflı təhlil olunub.

2024-2029 Akkreditasiya Sertifikatı Təqdim Edildi

Görüşün rəsmi hissəsində Muyiwa Oki AzMİU-nun bakalavr proqramının 2024-2029-cu illər üçün RIBA akkreditasiyası sertifikatını rektor professor Gülçöhrə Məmmədovaya təqdim edib. Bu, universitetin tədris keyfiyyətinə verilən yüksək qiymətin rəmzi olaraq qeyd edilib.

AzMİU tələbəsi COP29-da

Noyabrın 15-də Azərbaycan Memarlıq və İnşaat Universitetinin (AzMİU) rektoru professor Gülçöhrə Məmmədova və Qırğızıstan Beynəlxalq Universitetinin rektoru akademik Asilbek Aydaraliyev arasında iki ölkənin ali təhsil müəssisələri arasında əməkdaşlığı genişləndirmək məqsədi ilə konstruktiv görüş keçirilib. Görüşdə hər iki universitetin rəhbərliyindən nümayəndə heyəti də iştirak edib.

Professor Gülçöhrə Məmmədova AzMİU-nun tarixi, fəaliyyət istiqamətləri və elmi nailiyyətləri barədə ətraflı məlumat verib.

O, AzMİU-nun memarlıq və inşaat sahələrində Cənubi Qafqaz regionunda lider ali təhsil ocaqlarından biri olduğunu vurğulayıb. Rektor, həmçinin universitetin müasir texnologiyalar və innovasiyaların tədris prosesinə inteqrasiyası sahəsində atdığı addımlardan, eləcə də beynəlxalq miqyasda müxtəlif universitetlərlə əməkdaşlıq əlaqələrindən bəhs edib.

Qırğızıstan Beynəlxalq Universitetinin rektoru akademik Asilbek Aydaraliyev isə öz növbəsində universitetin Qırğızıstanda və Orta Asiyada təhsil və elmi tədqiqatlar sahəsində qabaqcıl mövqedə olduğunu bildirib. O, universitetin multidisiplinar yanaşma və beynəlxalq əməkdaşlıq çərçivəsində tələbələrə geniş imkanlar təqdim etdiyini, təhsil mühitində yenilikçi metodların tətbiqini prioritet etdiklərini vurğulayıb.

Görüşdə iki universitet arasında təhsil və elmi tədqiqat sahələrində əlaqələrin genişləndirilməsi ilə bağlı çoxsaylı mövzular müzakirə olunub. Əməkdaşlıq çərçivəsində tələbə və müəllim mübadiləsi proqramlarının həyata keçirilməsi, birgə təlim, seminarlarda iştirak və tədris materiallarının paylaşılması məsələləri xüsusi olaraq qeyd edilib. Bundan əlavə, elmi-tədqiqat sahəsində birgə layihələrin, simpozium və konfransların təşkil olunması, həmçinin hər iki universitetin tələbələri üçün ortaq təcrübə proqramlarının yaradılması müzakirələrin əsas məqamlarından olub.

Hər iki universitetin rektorları bu əməkdaşlığın Azərbaycan və Qırğızıstan arasında təhsil sahəsində əlaqələrin möhkəmlənməsi və gənc mütəxəssislərin beynəlxalq təcrübə qazanması üçün əhəmiyyətli bir addım olduğunu vurğulayıblar.

Bu trendi etməsək olmazdı! 😍

Əziz tələbələr, bəs siz hansı cizgi film xarakterində özünüzü görürsünüz? 🤩

#azmiumedia

https://www.instagram.com/p/DCYqFpzMrJy/?igsh=MXdiNGNtbWZnaXI5ZQ==

Azərbaycan Memarlıq və İnşaat Universitetinin (AzMİU) Nəqliyyat fakültəsi Tələbə Elmi Cəmiyyəti (TEC) tərəfindən "Yaşıl Dünya naminə Plastik Tullantılara Qarşı Həmrəyik!" mövzusunda maarifləndirici seminar keçirilib. Seminar “Yaşıl Dünya naminə Həmrəylik İli" və bir neçə gün sonra Bakıda baş tutacaq COP29 sammitinə həsr olunub.

Seminarın əsas məruzəçisi, Fizika və Kimya kafedrasının müəllimi, Nəqliyyat fakültəsi TEC-nin sədri Rəna Xankişiyeva olub. Məruzəçi COP29-un əsas məqsədi və əhəmiyyəti barədə iştirakçılara məlumat verib. Eyni zamanda plastik tullantıların ətraf mühitə təsirləri, onların utilizasiyası və tullantıların azaldılması üzrə müasir yanaşmaları izah edib.

Tədbirdə həmçinin TEC-in sədri Günel İmamquliyeva plastik tullantıların emalının iqtisadi üstünlükləri və səmərəliliyi mövzusunda çıxış edib.

Sonda iştirakçılar seminar məruzəçilərinə suallar ünvanlayıb, mövzular ətrafında birgə müzakirələr aparılıb.

Təşkilatçılar bu seminarın gənclərdə ekoloji məsuliyyəti gücləndirmək və yaşıl dünya üçün həmrəylik ruhunu möhkəmləndirmək istiqamətində atılan vacib bir addım kimi dəyərləndirib.

Azərbaycan Memarlıq və İnşaat Universitetinin (AzMİU) İnşaat fakültəsində Zəfər Gününə həsr olunmuş tədbir keçirilib. Tədbirdə fakültə rəhbərliyi, şəhid məzunların valideynləri, yaxın dostları və tələbələr iştirak ediblər.

Dekan Sahib Fərzəliyev və digər çıxışçıların nitqlərində şəhidlərimizin fədakarlığı, qazilərimizin igidliyi, o cümlədən Ali Baş Komandanın rəhbərliyi altında müzəffər ordumuzun əldə etdiyi tarixi qələbənin önəmi vurğulanıb.

Şəhid valideynləri də tədbirdə çıxış edərək, övladlarının Vətən uğrunda göstərdikləri şücaət və fədakarlığı qürur hissi ilə xatırlayıblar. Övladlarının qəhrəmanlıqlarının yalnız ailələri üçün deyil, bütün Azərbaycan xalqı üçün fəxr mənbəyi olduğunu deyiblər. Şəhidlərə verilən hörmət və ehtirama görə AzMİU rəhbərliyinə və tələbələrə təşəkkürlərini bildiriblər.

Ədəbi-bədii hissədə Zəfər Gününün əzəmətini əks etdirən videoçarx izlənilib, fakültənin əcnəbi tələbələri tərəfindən vətənpərvər ruhlu şeirlər səsləndirilib.

Azərbaycan Memarlıq və İnşaat Universitetinin (AzMİU) Mexanika İnformasiya Texnologiyaları (MİT) fakültəsinin tələbələri üçün Tələbə Elmi Cəmiyyətinin (TEC) təşkilatçılığı ilə Cybernetics Milli Kibertəhlükəsizlik şirkəti tərəfindən maraqlı və faydalı seminar keçirilib.

Seminar kibertəhlükəsizlik və İT sahəsindəki ən son trendlərlə bağlı tələbələrə bilik və məlumatların ötürülməsi məqsədini daşıyıb.

Şirkətin şəbəkə təhlükəsizliyi üzrə mütəxəssisi Mehran Hematyar, kibertəhlükəsizlik üzrə mütəxəssisi Elməddin Əzizli və full-stack developeri Zülfüqar Əsgərzadə müxtəlif mövzular üzrə çıxışlar ediblər. Onlar İT sahəsinin inkişaf meyilləri, kibertəhlükəsizliyin vacibliyi, maarifləndirmə tədbirlərinin rolu, dövlət səviyyəsində kibertəhlükəsizlik strategiyaları və uğurlu mütəxəssis olmağın yollarından danışıblar.

Mütəxəssislər hər bir mövzu üzrə tələbələri maraqlandıran məsələlərə aydınlıq gətirib, onlarla birgə fikir mübadiləsi aparıblar.

Seminarda, həmçinin TEC-in sədri Günel İmamquliyeva və TEC-in MİT fakültə sədr müavini Elvin Qurbanov da iştirak edib.

Seminar çərçivəsində tələbələr üçün viktorina təşkil edilib, viktorinada qalib gələn beş tələbəyə şirkət tərəfindən müxtəlif hədiyyələr təqdim olunub.

Azərbaycan Memarlıq və İnşaat Universiteti (AzMİU) AzMİU.az media komandasının təşkilatçılığı ilə Fəzail Zəkəriyyə ilə gənc rəssamların görüşü keçirilib.

Tələbə Həmkarlar İttifaqı Komitəsinin (THİK) sədri Şahmar Rəfili görüşün əsas məqsədinin tələbələrə rəsm sahəsi üzrə motivasiya yaratmaq, onların bu sahədə olan maraqlarını daha da artırmaqdır.

Daha sonra gənc rəssam Fəzail Zəkəriyyə rəsm sahəsinə olan marağından, bu sahədə uğurlu fəaliyyətindən bəhs etmişdir.

Görüşün davamında rəssamın "Vətənim kimiyəm", "Qarabağ Azərbaycandır" və "Qığılcım" əsərlərinin təhlili, detalları qeyd olunub.

Sonda tələbələrin sualları əsasında müzakirələr aparılıb.

Azərbaycan Memarlıq və İnşaat Universiteti (AzMİU) Su təsərrüfatı və mühəndis kommunikasiya sistemləri fakültəsinin şəhid məzunlarının xatirəsinə həsr olunmuş anım tədbiri keçirilib.

Tədbirdə fakültənin dekan əvəzi Elgiz Həsənov, dekan müavini Hamlet Əliyev, şəhid anaları, tələbələr iştirak ediblər.

Fakültə Tələbə Həmkarlar İttifaqı Komitəsinin təşkilatçılığı ilə keçirilən tədbirdə dövlət himni səsləndirilib, şəhidlərin xatirəsi bir dəqiqəlik sükutla yad edilib.

Çıxış edənlər Ali Baş Komandanın rəhbərliyi altında ordumuzun qazandığı tarixi zəfərin əhəmiyyətini və şəhidlərin xalqımız üçün fədakarlıq, qəhrəmanlıq simvoluna çevrildiyini vurğulayıblar. Şəhidlərin göstərdiyi misilsiz şücaətin gənc nəsillərə örnək olduğunu söyləyib, AzMİU şəhidləri də daxil olmaqla torpaqlarımının bütövlüyü uğrunda canını fəda edən şəhidlərimizə Allahdan rəhmət, qazilərimizə cansağlığı diləyiblər.

Şəhid anaları da övladlarının Vətən uğrunda göstərdikləri şücaət və fədakarlığı qürur hissi ilə xatırlayıblar. Onların qəhrəmanlığının unudulmayacağını, gənclər üçün vətənpərvərlik nümunəsi kimi hər zaman yaddaşlarda yaşayacağını bildiriblər. AzMİU rəhbərliyinə və tələbələrə şəhidlərin ruhuna göstərdikləri ehtirama görə təşəkkür ediblər.

Anım mərasimi bitdikdən sonra tədbir iştirakçıları fakültənin şəhidlər guşəsini ziyarət ediblər.

Azərbaycan Memarlıq və İnşaat Universitetində (AzMİU) 8 Noyabr – Zəfər Günü münasibətilə bayram tədbiri keçirilib.

Bayram tədbirində universitetin rektoru professor Gülçöhrə Məmmədova, prorektorlar, professor-müəllim heyəti, Vətən müharibəsi qaziləri olan tələbələrimiz iştirak ediblər.

Əvvəlcə Ulu Öndər Heydər Əliyev və vətən uğrunda canlarından keçən şəhidlərimizin xatirəsi bir dəqiqəlik sükutla yad edilib, Dövlət Himni səsləndirilib.

Açılış nitqi ilə çıxış edən rektor professor Gülçöhrə Məmmədova qazanılan şanlı qələbənin önəmindən bəhs edib, ölkəmizin əldə etdiyi tarixi zəfərin hərtərəfli inkişafın, güclü ordunun və hakimiyyət-xalq birliyinin nəticəsi olduğunu vurğulayıb. O, 44 günlük müharibə zamanı Prezident İlham Əliyevin bəyanatlarını, dünya mediasına verdiyi müsahibələrdə qətiyyətli mövqeyini xatırladıb və qeyd edib ki, həmin dövrdə Prezident İlham Əliyev təkcə Ali Baş Komandan, dövlət başçısı deyil, eyni zamanda böyük diplomat, mahir sərkərdə və mahir siyasətçi olduğunu sərgilədi. Rektor əlavə edib ki, məhz ölkə başçısının bəyanatları, müsahibələri Ermənistan və onun havadarlarının Azərbaycana qarşı yaratdıqları yanlış və neqativ imici darmadağın etdi, Azərbaycanın həqiqətlərinin bütün dünyaya çatdırılmasını təmin etdi.

Bu gün də geosiyasi mərkəzlər, bəzi dövlətlər tərəfindən Ermənistanın Azərbaycana qarşı gücləndirildiyinə diqqət çəkən rektor gəncləri ayıq-sayıq olmağa səsləyib.

AzMİU-nun və universitetin nəzdində fəaliyyət göstərən İnşaat Kollecinin 50-dən çox tələbə və məzununun şəhid olduğuna diqqət çəkən professor Gülçöhrə Məmmədova onların hər birinin xatirəsinin universitet kollektivi tərəfindən uca tutulduğunu, daim yad edildiyini qeyd edib. Şəhid və qazilərimizin düşmənə qarşı mübarizəsinin gənclərə olan təsirini vurğulayan rektor bunun müsbət hal olduğunu deyib: “Gənclərimiz dövlətə, millətə və torpağa məhəbbəti şəhidlərimizdən və qazilərimizdən öyrənir. Zəfərimizin və suverenliyimizin bərpasının nəticəsi olaraq universitetimizdə fakültələr üzrə mütəmadi olaraq tədbirlər keçirilir ki, gənclərimiz bu dəyərləri dərk etsinlər, onlar bu qələbəni bizə yaşadan şəxsləri daha yaxından tanısınlar, şəhidlərimizdən inam və məhəbbət dərsini alsınlar”.

Azərbaycan Memarlıq və İnşaat Universitetinin (AzMİU) rektorluğu, müəllim və tələbə heyəti, universitetin ictimai təşkilatlarının nümayəndələri 8 Noyabr – Zəfər Günü ilə əlaqədar İkinci Fəxri Xiyabana gedərək Vətən uğrunda canını fəda edən şəhidlərimizin, o cümlədən universitetin şəhid tələbə və məzunlarının məzarlarını ziyarət ediblər.

Ərazi bütövlüyümüzün təmin olunması yolunda canlarını fəda etmiş şəhidlərimizin məzarları üzərinə gül dəstələri düzülüb, onların xatirəsi dərin ehtiramla yad edilib.

Məlumat üçün bildirək ki, Birinci və İkinci Qarabağ müharibələrində AzMİU-nun və universitetin nəzdində fəaliyyət göstərən İnşaat Kollecinin 50-dən çox tələbə və məzunu şəhid olub.

Allah şəhidlərimizə rəhmət eləsin!

Azərbaycan Memarlıq və İnşaat Universiteti, Tələbə Həmkarlar İttifaqı Komitəsinin (SABAH qrupları) və Azmiu.az media komandasının təşkilatçılığı ilə "Zəfər üçün Elm və Texnologiya" innovasiya yarışması çərçivəsində 8 Noyabr - Zəfər Gününə həsr olunmuş "Zəfərə gedən yol" gənclərin gözündə süni intellekt müsabiqəsini elan edir! 🤩

Layihənin əsas məqsədi tələbələrin asudə vaxtlarının səmərəli təşkili, innovativ və rəqəmsal biliklərini artırmaq, kreativ yanaşma potensialını aşkar etməkdir. 🎯

Müsabiqə çərçivəsində süni intellektlə hazırlanmış Zəfər gününü özündə əks etdirən, kreativ məzmunlar yaratmış və keyfiyyətli formada təqdim olunmuş ən yaxşı 3 rəsm diplom və hədiyyələrlə mükafatlandırılacaq. 🎁

📍 Müsabiqənin son tarixi: 06.11.2024
📍 Rəsmləri [email protected] mail ünvanına ad, soyad, fakültə və qrup nömrəsi qeyd edərək göndərə bilərsiniz.

Azərbaycan Memarlıq və İnşaat Universitetində (AzMİU) “Vətən Müharibəsi Qəhrəmanları ilə tələbələrin görüşü” adlı xüsusi tədbir baş tutdu. Bu tədbirdə, Azərbaycan torpaqlarının azadlığı uğrunda döyüşmüş, Vətən müharibəsinin fəal iştirakçıları və bu gün AzMİU-da təhsil alan qəhrəman tələbələr bir araya gəldi. Tələbələrlə səmimi görüş zamanı qəhrəmanlarımız döyüş yollarından, qarşılaşdıqları çətinliklərdən, qazanılmış zəfərin əhəmiyyətindən və əzmkar mübarizə ruhundan bəhs etdilər.

Tədbirdə çıxış edən AzMİU Tələbə Həmkarlar İttifaqı Komitəsinin sədri Şahmar Rəfili qeyd etdi ki, bu cür görüşlər tələbələrə vətənpərvərlik ruhunu aşılayır, Vətən uğrunda canını fəda edən qəhrəmanlarımızın əzmkarlığını və fədakarlığını daha dərindən anlamağa yardım edir. Şahmar Rəfili çıxışında həmçinin vurğuladı ki, bu görüşlər tələbələrimiz üçün ruhlandırıcı və motivasiyaedici xarakter daşıyır, onlara həm də öz qəhrəmanlıq tarixlərini yaşadan şəxslərlə bir araya gəlmə fürsəti yaradır.

Qəhrəmanlarımızın tələbələrə çatdırdığı mesajlar bir daha göstərdi ki, Azərbaycanın hər bir gənci bu Vətən uğrunda mübarizə aparmağa hazırdır. Qəhrəmanlar öz hekayələri ilə tələbələrə Vətən sevgisinin və torpaq uğrunda mübarizənin nə qədər vacib olduğunu anlatdı.

Görüş tələbələr üçün yalnız bir anma mərasimi deyil, eyni zamanda Azərbaycanın müstəqilliyi və ərazi bütövlüyü uğrunda göstərilən şücaətin dəyərini başa düşməyə bir vasitə oldu. Bu tədbir çərçivəsində tələbələr həmçinin öz qəhrəmanlarına suallar verərək onların təcrübələrindən faydalandılar, Vətən müharibəsi haqqında daha dərin məlumat əldə etdilər.

Tədbir sonda qəhrəman tələbələrə minnətdarlıq ifadəsi ilə başa çatdı. AzMİU tələbə və kollektivinin bu qəhrəmanlarımıza göstərdiyi yüksək ehtiram onların mübarizə ruhunu qorumaq, gələcək nəsillərə nümunə olmaq və Vətən sevgisini hər zaman canlı tutmaq üçün mühüm bir addım olaraq yadda qaldı.

Azərbaycan Memarlıq və İnşaat Universitetinin (AzMİU) Memarlıq fakültəsinin məzunu, 44 günlük Vətən müharibəsi şəhidi Ramil Ağayevin əziz xatirəsinə həsr olunmuş anım mərasimi keçirilib. Tədbirdə şəhidin anası Şəhla Ağayeva, atası Ağarəhim Ağayev, həyat yoldaşı Lamiyə Ağayeva, universitet rəhbərliyi, qrup yoldaşları, müəllimlər və tələbələr iştirak edib.

Anım tədbirinin ilk hissəsində qonaqlar Memarlıq fakültəsinin birinci mərtəbəsində Ramil Ağayev və Birinci Qarabağ müharibəsində şəhid olan tələbə Fuad Əsədovun xatirəsinə həsr edilən qorelyefin önünə qərənfillər düzüblər. Hər iki şəhidin simasında vətənimizin ərazi bütövlüyü uğrunda canlarını fəda edən igid oğullarımızın xatirəsini ehtiramla anıblar.

Növbəti hissədə şəhid Ramil Ağayevin adına yaradılmış studiyanın açılışı olub. Studiyanın qapısında Ramil Ağayevin adını əks etdirən lövhə yerləşdirilib, otağın daxilində isə onun həyat və döyüş yolunu əks etdirən posterlər və qərənfillərlə bəzədilmiş xatirə guşəsi qurulub.

Tədbir çərçivəsində şəhid haqqında məlumatları özündə əks etdirən slayd təqdim olunub, tələbələrin ifasında vətənpərvərlik mövzusunda musiqilər səsləndirilib. Anım tədbiri daha sonra İtaliya – Azərbaycan Dizayn Mərkəzində davam edib.

Çıxışlarda Memarlıq fakültəsində məzun şəhidimiz Ramil Ağayevin adını daşıyan studiyanın onun qəhrəmanlıq dolu həyatını və tələbəlik dövründəki arzularını gələcək nəsillərə çatdırmaq üçün yaddaş simvolu olacağını bildiriblər. Ramil Ağayev kimi şəhidlərimizin sayəsində qazanılan qələbənin əhəmiyyətinə diqqət çəkib, onların tanıdılması, əziz xatirələrinin yaşadılması, adlarının daima uca tutulması üçün dövlətimiz tərəfindən görülən işləri xatırladıblar.

Bildirək ki, Ramil Ağayev Vətənin ərazi bütövlüyü uğrunda döyüşlərdə şəhidlik zirvəsinə yüksələrək Sabirabad rayonunda torpağa tapşırılıb. Ölümündən sonra Azərbaycan Prezidenti İlham Əliyevin sərəncamı ilə “Vətən uğrunda” və “Xocavəndin azad olunmasına görə” medalları ilə təltif edilib.

Əziz tələbələr, linkə daxil olub səs verərək dəstək ola bilərsiniz. Öncədən təşəkkür edirik! 🤝

https://awards.idda.az/az/nominees/442

Azərbaycan Memarlıq və İnşaat Universitetinin (AzMİU) İctimai fənlər kafedrasının müdiri Könül Əliyeva Orhun mübadilə proqramı çərçivəsində Özbəkistanda səfərdə olub.


Kokand Universitetinin Beynəlxalq turizm və iqtisadiyyat fakültəsinin tələbələri üçün Sosiologiya və Politologiya fənləri üzrə mühazirələr oxuyub. Eyni zamanda, Könül Əliyeva qeyd olunan fakültənin professor-müəllim heyəti ilə görüşüb. Görüşlərdə AzMİU ilə Kokand Universiteti arasında qarşılıqlı maraq doğuran məsələlər, gələcək əməkdaşlıqlara dair faydalı müzakirələr aparılıb.

Qeyd edək ki, Orhun Türk Şurası Türk Universitetlər Birliyinə üzv olan universitetlər arasında imzalanan protokollar çərçivəsində həyata keçirilən tələbə və müəllim mübadiləsi proqramıdır. 2021-ci ildən AzMİU Orhun mübadilə proqramı çərçivəsində xarici universitetlərlə əməkdaşlığa başlayıb.

Azərbaycan Memarlıq və İnşaat Universitetinin (AzMiU) ev sahibliyi ilə keçirilən Erasmus+ CBHE “21-ci əsrdə sağlam və təhlükəsiz iş üçün domenlərarası səriştələr” (WORK4CE) layihəsində aktiv iştirak edən könüllü və iştirakçılara sertifikatlar təqdim olunub.

Mərasimdə çıxış edən AzMİU-nun tədris işləri üzrə prorektoru professor Akif Qasımov Avropa İttifaqı tərəfindən maliyyələşdirilən universitetin də tərəfdaş olduğu beynəlxalq təhsil layihəsi haqqında məlumat verərək onun məqsəd və əhəmiyyətini diqqətə çatdırıb. Söyləyib ki, tələbələrimiz 19-20 sentyabr tarixlərində universitetimizdə keçirilən bu əlamətdar tədbirdə böyük fəallıq göstərib, beynəlxalq mütəxəssislərlə ünsiyyət şansı qazanıblar.

İctimaiyyətlə əlaqələr və Marketinq Mərkəzinin direktoru, eyni zamanda Beynəlxalq təhsil layihəsinin AzMİU üzrə koordinatoru İsa Muradov sertifikatların təqdimatını gənclərin inkişafı və peşəkar bacarıqlarının artırılması baxımından əhəmiyyətli addım kimi dəyərləndirilib. O, qeyd edib ki, layihə iştirakçılara əldə etdikləri bilik və təcrübələri gələcəkdə daha geniş müstəvidə tətbiq etmək imkanı verəcək.

Məlumat üçün qeyd edək ki, təhsil sahəsində qlobal tərəfdaşlıq yaradan layihə Ukrayna, İspaniya, Belçika, Almaniya, Azərbaycan universitetlərinin nümayəndələrini bir araya gətirir. Layihənin məqsədi gənclərin beynəlxalq standartlara uyğun təhsil almalarını təmin etmək, peşə bacarıqlarını artırmaq, iş dünyası ilə sıx əlaqələr qurmağa imkan verməkdir.

Tədbirin sonunda iştirakçılara sertifikatlar təqdim olunub, birgə xatirə şəkli çəkdirilib.

Oktyabrın 21-də Azərbaycan Memarlıq və İnşaat Universitetində (AzMİU) “COP29: Dayanıqlı Şəhərsalma və Ekoloji Çağırışlar” forumu öz işinə başlayıb.

5 gün davam edəcək forum çərçivəsində "İkinci həyat – dizaynerlərin gözü ilə" adlı tullantılardan hazırlanmış maketlərin sərgisi, rəsm müsabiqəsi, panel müzakirələr, vörkşoplar, təmizlik və ağacəkmə aksiyaları təşkil olunacaq.

Forumun açılış mərasimində AzMİU-nun rektoru, professor Gülçöhrə Məmmədova, ekologiya və təbii sərvətlər nazirinin müavini Rauf Hacıyev, COP29 Təşkilat Komitəsinin üzvü, millət vəkili Sevinc Fətəliyeva və Xarici İşlər Nazirliyinin idarə rəisinin müavini, COP29 Sədrliyinin Fəaliyyət Gündəliyi komandasının həmrəhbəri Jalə İbrahimova iştirak edib.

İlk olaraq forum iştirakçıları universitetdə açılan "İkinci həyat – dizaynerlərin gözü ilə" adlı sərgiyə baxış keçiriblər.Tələbələrin tullantı materiallarından hazırladıqları maketlər, innovativ yanaşmaları və ekoloji problemlərə diqqəti artırmaq məqsədilə yaradılan dizaynları iştirakçılar tərəfindən yüksək qiymətləndirilib. Dizayn fakültəsi tələbələrinin bu yaradıcı işləri ətraf mühitin qorunması və tullantıların yenidən istifadəsi mövzusunda cəmiyyətin maarifləndirilməsi baxımından əhəmiyyətli bir addım olub.

Sonra forumun rəsmi açılış mərasiminə keçilib. Açılış mərasimində çıxış edən rektor professor Gülçöhrə Məmmədova bildirib ki, bu gün universitetdə keçirilən forum Azərbaycanın ev sahibliyi edəcəyi COP29 tədbirinə hazırlıq dönəmində öz töhfələrini verə biləcək. O qeyd edib ki, tədbir universitetin tələbələrinin təşəbbüsü ilə keçirilir: "COP29-un Azərbaycanda keçirilməsi ölkəmizin beynəlxalq arenada artan nüfuzunun göstəricisidir. Biz inanırıq ki, bu tədbir ən yüksək səviyyədə keçiriləcək. Bu gün keçirilən forumda tələbələr öz layihələri, əl işləri ilə COP ideyalarını yaymaq üçün, eyni zamanda iqlim dəyişikliyi ilə mübarizədə öz töhfələrini verməyə çalışırlar. Ümid edirəm ki, tələbələrimiz bu ideyaları daim rəhbər tutacaqlar”.

Ətraflı: https://azmiu.edu.az/az/news/3959