Aye NeWin အေးနေဝင်း

တောင်ကိုးရီးယား သမ္မတက စစ်အုပ်ချုပ်ရေး ကြေငြာ
.........
တောင်ကိုးရီးယား သမ္မတက မြောက်ကိုးရီးယားရဲ့ ပြည်ပအန္တရာယက်ကနေ ကာကွယ်ဖို့ဆိုပြီး အရေးပေါ်အခြေအနေ စစ်အုပ်ချုပ်ရေးကြေငြာလိုက်ပါတယ်၊ သမ္မတဦးဆောင်တဲ့ ပြည်သူ့အာဏာပါတီရဲ့ ဘတ်ဂျက် စာရင်းကို အတိုက်အခံ ဒီမိုကရက်ပါတီက လွှတ်တော်ထဲမှာ လက်မခံဘဲ ကန့်ကွက်နေတာကြောင်း အခက်အခဲဖြစ်နေချိန်မှာ အခုလိုကြေငြာတာဖြစ်လို့ အတိုက်အခံဖက်က ကန့်ကွက်မယ်လို့ဆိုပါတယ်။ အရေးပေါ်အခြေအနေဆိုရင် ဘတ်ဂျက်ကိုလွှတ်တော်တင်ပြီး အတည်ပြုစရာမလိုတော့အောင် ထွက်ပေါက်ရှာတာမျိုး မဖြစ်အောင် အတိုက်အခံဖက်က စစ်အုပ်ချုပ်ရေးကိုပါဆက်ကန့်ကွက်ဖို့ ပြင်နေပါတယ်။

မြန်မာနိုင်ငံမှာနိုင်ငံရေး အစိုးရလက်ထက်က အခုလိုမျိုး ဘတ်ဂျက်အတည်ပြုဖို့နှင့် ပြည်နယ်ဝန်ကြီးခန့်ဖို့ကို ဦးနုတင်တာလွှတ်တော်ကအတည်မပြုပေးလို့ အတိုက်အခံနှင့်မညှိဘဲ အခြေခံဥပဒေကိုချိုးဖောက်ပြီး ဦးနုက သမ္မတရဲ့ တစ်ချက်လွှတ်အမိန့်နှင့် ဘတ်ဂျက်ပြဋ္ဌာန်းဖို့ သမ္မတမန်းဝင်းမောင်ကို ညွှန်ကြားတာမျိုးရှိခဲ့တဲ့အတွက် နိုင်ငံရေးပဋိပက္ခဖြစ်ခဲ့တာမျိုးရှိခဲ့ပါတယ်၊ တောင်ကိုးရီးယားရဲ့ နိုင်ငံရေး အကြပ်အတည်းကိုလည်း ဘယ်လိုဖြစ်လာမလဲ စောင့်ကြည့်ရပါလိမ့်မယ်။



အေးနေဝင်း

Myanmar welcomes new MAGA era

အမေရိကန်မဲခိုးတဲ့ ဗီဒီယို ပေါ်ထွက်လာ

ဒီနေ့ ဟိုးလေးတကျော်ဖြစ်နေတဲ့ သတင်းတစ်ခုနှင့်ပတ်သက်ပြီး ဆွေးနွေးပြောပြချင်တဲ့ ဗဟုသူတ

၁၃.၁၀.၂၀၂၄ ကမ္ဘာ့အခြေအနေသတင်း

နိုင်ငံ့ခေါင်းဆောင်တွေကို သက်တော်ရာကျော်ရှည်ပါစေလို့ ဆုတောင်းကြပေမယ့် တကယ်ဆုတောင်းပြည့်သွားသူကတော့ (၃၉) ဦးမြောက်အမေရိကန် သမ္မတကြီး ဂျင်မီကာတာပဲဖြစ်ပါတယ်၊ ၁၉၂၄ အောက်တိုဘာ (၁) မှာမွေးဖွားခဲ့လို့ ယနေ့ အသက် (၁၀၀) ပြည့်သွားသူ ရေငုတ်သင်္ဘောမောင်း ရေတပ်မတော်အရာရှိကနေ သမ္မတဖြစ်လာသူ ကာတာဟာ ၁၉၇၇-၁၉၈၁ အထိ ၄ နှစ်တာ သမ္မတလုပ်ခဲ့သူဖြစ်သော်လည်း တာဝန်မှအနားယူပြီးနောက်ပိုင်းမှာ တစ်ကမ္ဘာလုံးအတွက် ရွေးကောက်ပွဲတရားမျှတမှုအတွက်ကူညီခြင်း၊ ဆင်းရဲမွဲတေမှုပပျောက်ရေးလုပ်ဆောင်ခြင်းတို့ကြောင့် ကြည်ညိုလေးစားခံရသူဖြစ်ပါတယ်၊ သူ့လက်ထက်တော်မှာ အစ္စရေး/ဂျော်ဒန် ငြိမ်းချမ်းရေးအတွက် ကမ့်ဒေးဗစ် နွေရာသီစံနန်းဥယျာဥ် တွေ့ဆုံပွဲစာချုပ်ကိုချုပ်ဆိုနိုင်ခဲ့ပြီးနောက် အရှေ့အလယ်ပိုင်းဒေသမှာ ဂျော်ဒန်ဟာ ယနေ့တိုင်အစ္စရေးနှင့် ငြိမ်းချမ်းရေးအတည်မြဲဆုံးနိုင်ငံဖြစ်လာပါတော့တယ်၊

မန္တလေးမြို့ အခြေအနေနှင့် ပတ်သက်၍ စိုးရိမ်မှုမလွန်ကဲရန်နှင့် သတိပြုသင့်သည်များ

Myanmar National Post မှာ အေးနေဝင်း က မြန်မာ့သမိုင်းမှာ တပ်မတော်ကြုံတွေ့ခဲ့ရတဲ့ အကြပ်အတည်း အခက်အခဲများကို သင်ခန်းစားထားပြီး ယနေ့မျက်မှောက်ခေတ် အခြေအနေများကို သုံးသပ်တင်ပြထားပါတယ်။

Join - https://t.me/MyanmarNationalPost

https://youtu.be/6MPkVcY_n5Q?si=DWMxOlgR12elgJLc

မဟာအောင်မြေဘုံစံ မယ်နုအုတ်ကျောင်း

သမ္မတ ဂျိုးဘိုင်ဒင် နိုဝင်ဘာရွေးကောက်ပွဲမှာ ထပ်အရွေးမခံတော့လို့ ဆုံးဖြတ်

၂၀၂၄ ရွေးကောက်ပွဲ သမ္မတလောင်း ဒေါ်နယ်ထရမ့် သေနတ်ပစ်ခံရလို့ ဒဏ်ရာရ၊ အသက်အန္တရာယ်မစိုးရိမ်ရဟုဆို

ချားလ်စ်ဘုရင်မင်းမြတ်က Samsung နှင့် Kimberly Clark ကုမ္ပဏီများမှ ဘုရင့်တံဆိပ်တော် ခပ်နှိပ်ခွင့်များ ပြန်လည်ရုပ်သိမ်း
......

အရည်အသွေး အဆင့်အတန်းမြင့်မားသော ကမ္ဘာ့ကုမ္ပဏိကြီးများအနက်မှ ဘုရင်ကရွေးချယ်အသုံးပြုခံရသော လုပ်ငန်းရှင်များသည် ၄င်းတို့၏ကုန်ပစ္စည်းများတွင် "ဘုရင်မင်းမြတ်ထံဆက်သွင်းခွင့်ရသော အမှုတော်ဆောင် ကုမ္ပဏီ"ဟု ရေးသားကာဘုရင့်တံဆိပ်တော် ခပ်နှိပ်ခွင့်ရကြသည်ဖြစ်ရာ ထိုအခွင့်အရေးရလျင် ကမ္ဘာတစ်ဝှမ်း သုံးစွဲသူများသည် အရည်အသွေးမြင့်မားသော ပစ္စည်းဟူ၍လည်းကောင်း၊ ဘုရင်အသုံးတော်ခံနေသော ပစ္စည်းဟူ၍လည်းကောင်း အရောင်းအားတမဟုတ်ထိုးတက်လာသောကြောင့် အလုအယက်အခွင့်အရေးရအောင်ဆောင်ရွက်ကြသည်။

ယနေ့တွင် Samsung လျှပ်စစ်ပစ္စည်းများနှင့် Kimberly Clark တစ်ရှူးနှင့် သန့်စင်ရေးပစ္စည်း လုပ်ငန်းတို့သည် ရုရှနိုင်ငံတွင် ဆက်လက်ရပ်တည်နေသောကြောင့် ဘုရင့်တံဆိပ်တော်တပ်ဆင်ခွင့် ရုပ်သိမ်းလိုက်ရာ အကြီးမားဆုံးထိုးနက်ချက်ဖြစ်သွားခဲ့ရာ အခြားကုမ္ပဏီ လုပ်ငန်းအများအပြားသည်လည်း ရုရှနှင့် အဆက်ဖြတ်ရန် ပြင်ဆင်နေကြပြီဟုသိရသည်။