أوهام 🖤

{ وَنادى نوحٌ رَبَّهُ فَقالَ رَبِّ إِنَّ ابني مِن أَهلي وَإِنَّ وَعدَكَ الحَقُّ وَأَنتَ أَحكَمُ الحاكِمينَ }[ هود: ٤٥ ]

عامل أي يا صديقي؟
يمكن دايما مع كل بلاء أو فقد أو حزن بيكون في اعتراض حتى لو خفي من جواك، بيكون جواك سؤال اللي هو يارب ليه، ودايما بيكون في حكمة انت ممكن تعرفها فيما بعد أو ممكن تعيش طول عمرك و متعرفهاش و يبقى صبرك عليها هو الحكمة و تدخل الجنة بسبب صبرك ده، و يمكن من اكتر القصص اللي بتوصلنا الفكرة دي هي قصة سيدنا نوح مع إبنه.
و بعد ما سيدنا نوح صنع السفينة و بعد ما قرر الإبحار بيها بيجي مشهد صعب جدا و هو شايف إبنه و بيقوله أركب معنا لكن إبنه رفض و طلع فوق جبل عالي وكان فاكر إن الجبل ده هيعصمه من غضب الله و من قدره؛ لكن المايه توصل لحد الجبل و يغرب إبن سيدنا نوح مع الكافرين و يكون واحد منهم.

و يجي المشهد العظيم اللي سيدنا نوح بيستذل لربنا وبيطلب منه بكل أدب و يقول { وَنادى نوحٌ رَبَّهُ فَقالَ رَبِّ إِنَّ ابني مِن أَهلي وَإِنَّ وَعدَكَ الحَقُّ وَأَنتَ أَحكَمُ الحاكِمينَ }
و هنا وصفه بأحكم الحكمين يعني يا ربي انا راضي، انا راضي بس الموضوع تقيل عليا اوي إن ابني ميكونش معايا بس عارف إنك حكيم، و ربنا يرد عليه و يقوله { قالَ يا نوحُ إِنَّهُ لَيسَ مِن أَهلِكَ إِنَّهُ عَمَلٌ غَيرُ صالِحٍ فَلا تَسأَلنِ ما لَيسَ لَكَ بِهِ عِلمٌ إِنّي أَعِظُكَ أَن تَكونَ مِنَ الجاهِلينَ }

ربنا كان رحيم بيه إنه يقوله إنه عمل غير صالح و مش من أهلك و شرحله هو ليه كان مع الكافرين و هو أحكم الحاكمين في حكمه إنه يكون مع الغارقين و يمكن قلب سيدنا نوح هدي بعد لما عرف الحكمة من إن ابنه يكون بين الغارقين.

لكن أنت في حالك و طريقك و في بلائك ممكن متعرفش الحكمة زي سيدنا نوح أو ممكن تعرف بطريقة غير مباشرة و سواء عرفت أو معرفتش فتيجي الأيات اللي بعدها في نفس السورة و تقولك
{ فَاصبِر إِنَّ العاقِبَةَ لِلمُتَّقينَ }

فدايما مع كل بلاء هيحصلك، انت متعرفش الحكمة منه، والموضوع أكيد صعب أوي عليك في إنك تستحمل فقد شخص عزيز، أو حلم ضاع، أو باب رزق أتقفلك.
بس ما عليك إلا الصبر و إنك تحتسب عند الله و هيكون ليك الأجر إن شاء الله.

عجبا لأمر المؤمن، إن أمره كله خير، وليس ذاك لأحد إلا للمؤمن، إن أصابته سراء شكر، فكان خيرا له، وإن أصابته ضراء، صبر فكان خيرا له.
الراوي : صهيب بن سنان الرومي | المحدث : مسلم | المصدر : صحيح مسلم

#موضوع_كل_جمعة

اليوم أبكي بحرقة،
على قلبي الذي يحترق
كلما تذكرت عينيك ونبرة صوتك.
أتذكر نظرتي لك ونحن معًا، وكأن قلبي كان يعلم ما سوف يحدث.
أبكي على عجز عقلي عن استيعاب تغيرك معي،
وعلى هروبك من النظر إليّ بعد أن كنت لا تشيح بنظرك عني.
كل مرة أستيقظ فيها راغبة في الحديث معك،
أتذكر أنك لم تعد هنا.
يتجمد عقلي وأنا أسترجع ما مضى وما يحدث الآن.
لا أعلم إن كنت بلهاء وأتخيل ما كنت أريد فقط،
أم أنها كانت كذبة من البداية.
ويتردد في عقلي جملة واحدة:
"يا ريتني فضلت أحبك من بعيد لبعيد، يا ريتني ما قرّبت."
لم يعد باستطاعتي العيش، مرضي النفسي أصبح يأكل في جسدي.
لقد دمرت حياتي..

-ساندي تواب.

الغبي من يعتقد أن الحياة من الممكن أن تسير بلا صراعات، بلا حقد وحسد، أن طيبته و حسن خلقه سيكونون له عون على ذلك؛ فالبشر هنا لا يحترمون سوى القوي، لا يقدّرون الضعيف، يبتلعون كل من كان له قلب سليم.

كريم عبدالعزيز

أحيانًا ينقصنا رسالة دعم، عناق، كلمة حنونة، شيء ما يجعلنا نُكمل طريقنا، ونستمر في السعي نحو التأقلم مع الحياة؛ فذاك الطريق الشاق يحتاج إلى شخص يربت على كتفك بعد عناق ويقول لك:
أنا أؤمن بك، وأنت ستحقق ما تريد؛ فقط استمر في العمل ولا تيأس.

- كريم عبدالعزيز

أتمنى أن تظلي عالقةً بي، ولا تُنسيكِ الأيام بهجة قلبي معك، ولا تمحي الطرقات صوت أملي فيكِ.. أن تبقي عالقةً بي كما لو أن هذا المكان مكانكِ الوحيد.

- كافكا.

{ أَلَم يَأنِ لِلَّذينَ آمَنوا أَن تَخشَعَ قُلوبُهُم لِذِكرِ اللَّهِ وَما نَزَلَ مِنَ الحَقِّ وَلا يَكونوا كَالَّذينَ أوتُوا الكِتابَ مِن قَبلُ فَطالَ عَلَيهِمُ الأَمَدُ فَقَسَت قُلوبُهُم وَكَثيرٌ مِنهُم فاسِقونَ }[ الحديد: ١٦ ]

عامل أي يا صديقي....
يمكن انهرده جي أفكرك ب أية عظيمة جدا في القرآن في سورة الحديد.
والأية دي مش بتتكلم عن الغافل أو الكافر لا دي بتتكلم عننا أحنا، عن المؤمنين يا مؤمن، أية بتصحيك من غفلتك و بتقولك "أي مش جه الوقت اللي تخشع لذكر الله؟" ، مش جه الوقت اللي تتدبر القرآن مش بس تقرأءه كده و خلاص بلا أي شعور؟، جه الوقت اللي لما تسمع حديث أو أية بتقول ده حرام و ده حلال تقول حاضر؟، جه الوقت اللي تتوب فيه من ذنوبك و متيأسش من رحمة الله؟، أية ربنا بيقولنا فيها انا مستنيكوا، أية ربنا بيفكرنا بيه و بيقولنا أنا موجود، ربنا عاوز يلحقنا من النار و عاوز يتوب علينا و هو الغني العزيز.
{ وَاللَّهُ يُريدُ أَن يَتوبَ عَلَيكُم وَيُريدُ الَّذينَ يَتَّبِعونَ الشَّهَواتِ أَن تَميلوا مَيلًا عَظيمًا }[ النساء: ٢٧ ]

و في قصة مشهوره لإسلام سيدنا الفضيل بن عياض اللي كان عبارة عن لص، قاطع طريق وكان بيحب جاريه، و هو بيطلع فوق الجدار عشان يشوفها سمع حد بيقرأء أَلَمْ يَأْنِ لِلَّذِينَ آمَنُوا أَن تَخْشَعَ قُلُوبُهُمْ لِذِكْرِ اللَّهِ وَمَا نَزَلَ مِنَ الْحَقِّ {الحديد:16}، فلما سمعها قال: بلى قد آن فتاب إلى الله و سُمي بعد كده بعابد الحرمين.
تخيل من كافر لص، لعابد الحرمين بسبب خشوعه في أيه وحده بس لمسة قلبه. فأحنا فين من ده ؟!
فمهما كان عملك و مهما كانت ذنوبك، ربنا غفور رحيم بس ابدأ أنت.

وكتير مننا بيسمع القرآن مبيحسش بحاجة، مفيش خشوع، فين المتعة في القرآن فين الراحة اللي بيقولوا عليها، فين الطمأنينة!! و يمكن ده بسبب معاصي في حياتنا كتير و يمكن أهمها هي سماع الأغاني فلما تاخد مشاعرك منها من حزن و فرح و حب؛ عمرك ما هتحس بشعور أيه في القرآن ربنا بينادي عليك فيها و بيقولك مش هتوب بقى أنا مستنيك؟

سورة الحديد بشكل عام جميلة جدا جدا جدا ياريت لو نقرأها بتدبر و نحسها في كل آياتها.

{ اعلَموا أَنَّمَا الحَياةُ الدُّنيا لَعِبٌ وَلَهوٌ وَزينَةٌ وَتَفاخُرٌ بَينَكُم وَتَكاثُرٌ فِي الأَموالِ وَالأَولادِ كَمَثَلِ غَيثٍ أَعجَبَ الكُفّارَ نَباتُهُ ثُمَّ يَهيجُ فَتَراهُ مُصفَرًّا ثُمَّ يَكونُ حُطامًا وَفِي الآخِرَةِ عَذابٌ شَديدٌ وَمَغفِرَةٌ مِنَ اللَّهِ وَرِضوانٌ وَمَا الحَياةُ الدُّنيا إِلّا مَتاعُ الغُرورِ }[ الحديد: ٢٠ ]

#موضوع_كل_جمعة

الفراغ، الوحدة، حيث تجلس في غرفتك محدقًا في سقفها تسرح في اللاشيء، تنتظر أن يتغير العالم، يتحسن الوضع، تحاول أن تفتش في أحوال ماضيك حتى تسعد بوضع حاضرك؛ لكنك تجد أنك تنتقل من سيء إلى الأسوأ، فتحاول أن ترسم مستقبلًا سعيدًا، لكن حاضرك وكل ما حولك يخبرك أن القادم أسوأ من السيء الذي تعيش فيه، واقع سودوي، ماضي كئيب، ومستقبل بلا ملامح..
وفي النهاية يوقظك الموت من سرحانك في اللاشيء؛ لتجد أن فترة حياتك قد انتهت وأنت لا تفهم شيء!

- كريم عبدالعزيز

أحيانًا تكون المشكلة فقط في عدم وجود مَن نُعانقه وقت حُزننا!

- كريم عبدالعزيز

{ لَن تَنالُوا البِرَّ حَتّى تُنفِقوا مِمّا تُحِبّونَ وَما تُنفِقوا مِن شَيءٍ فَإِنَّ اللَّهَ بِهِ عَليمٌ }[ آل عمران: ٩٢ ]

في رحلة حياتك هتدور على النجاح، على الفلوس، على العوض، هتدور على حلمك و هتسعى لهدفك و هتجري ورا شهوتك، و هتحلم بالجنة، لكن عمرك ما هتاخد ده كله بالطريقة الصح ولا هترتاح لما توصل، إلا لما تضحي بحاجة في سبيل ده.
يعني اي؟

ساعات الدعاء مش بيتقبل زي إنك تدعي و تقول يارب يحصل كذا و كذا و أنت مش بتقدم حاجة في سبيل الدعاء ده، فبيكون العائق شهوه انت بتحبها و بتعملها وهي في الأصل حرام أو حاجة انت بتحبها و مش منضبط فيها أو بتصرف فيها جدا زي مثلا حبك للفلوس، اللي عمر ما ربنا هيباركلك فيها إلا لما تخرج منها حق للفقراء اللي حوليك، زي حبك لشهوه معينه بتحبها جدا و مش قادر تبطلها فممكن تمنع عنك أستجابة الدعاء، فعمر ما ربنا هيحققلك اللي نفسك فيه الا لما تبطلها و دي كلها امثله ممكن بسببها فعلا يُمنع عنك الرزق أو الحاجة اللي بتسعالها بسبب عدم انفاقك للي بتحبه، أو فعل حاجة نهى الله عنها بسبب حبك لها برضو، فعمرك ما هتنال البر الا لما تنفق مما تحب.

ولكل شيئ مقابل و يمكن ربنا مش بيتعامل معانا كده و لو المعامله كده يبقى مستحيل حد فينا هيدخل الجنة بعمله مفيش حاجة هتيجي مقابل الجنة خالص، يعني أي تدفع لحد 100ج و يديك ڤيلا مستحيل، ولله المثل الاعلى دايما كل حاجة بتمشي بكرمه و رحمته و حكمته، فعشان تظبط نفسك و شهوتك و حبك للدنيا و للفلوس حطلك قاعدة إنك مش هتنال اللي انت عاوزه الا لما تنفق من حاجة بتحبها لو ينفع زي الفلوس أو تبطل و تضحي بعمل أنت بتعمله بس بتحبه زي نواهي ربنا.

و خليك دايما عارف إن ربنا عالم بحالك و عالم بنيتك فجدد نيتك في كل مرة هتنفق أو كل مرة هتسيب ذنب عشان خاطره و تقوله ده يارب عشانك و عشان مقامك و عشان ترضى عني، و هو عالم بكل شيء سبحانه.

إِن يَعلَمِ اللَّهُ في قُلوبِكُم خَيرًا يُؤتِكُم خَيرًا مِمّا أُخِذَ مِنكُم وَيَغفِر لَكُم وَاللَّهُ غَفورٌ رَحيمٌ }[ الأنفال: ٧٠ ]

في رحلة بحثك عن المثالية لا تنسى أن الله غفور لأنك ستُذنب، لا تنسى القراءة في سيرة العظماء لأنك ستفشل مثلهم في بدايتك لا محالة، ولا تنسى قانون الحياة أن ليس منّا من سيحقق العلامة الكاملة في كل شيء في حياته.

كريم عبدالعزيز

لا تنتظر أن يُحبك أحد، أحب نفسك أولًا؛ بعد ذلك سيتمنى الناس لو أنهم يعرفوك من الأساس، فالناس لا يقدرون سوى الناجح الذي يقدّر نفسه ويحبها، و حتى وإن أحبوك و أنت فاشل فستكون عرضة للإستغلال منهم.

كريم عبدالعزيز

عامل أي يا صديقي...
النهارده هناخد موقف في سورة سورة يوسف و هي أحسن القصص في القرآن
سيدنا يوسف وبعد ما راودته إمرأة العزيز عن نفسه و رفض و ظهر حقه و إنه على صواب و إن إمرأة العزيز هي اللي خاينة؛ فيتسرب الخبر في المدينة، و بالذات بين النساء اللي أكيد كان بينهم غيره و حقد مع إمرأة العزيز.

ويُشيع إنها بتراود سيدنا يوسف عن نفسه إلي كان فتاها أو خادمها و إنها بتحبه و إزاي إمرأة العزيز تحب خادم عندها لا و كمان يرفضها!

فتسمع إمرأة العزيز الكلام اللي اتقال عيلها و تتضايق؛ فتقرر إنها تجمع كل النسوة اللي مشهورين إنهم بينقلوا الكلام و تتدخل عليهم سيدنا يوسف اللي من جماله عليه السلام كلهم اندهشوا إن ازاي ده بشر، ازاي حد بالجمال ده، و لدرجة إنهم يقطعوا ايديهم بالسكين من كتر السراحان في ملامح سيدنا يوسف و جماله و هما بيقطعوا الفاكهه؛ فإمرأة العزيز تحس انها انتصرت و تقول هو ده اللي انتو عاتبتوني اني حبيته و اني راودته عن نفسه، اديكوا شايفين هو جميل ازاي، أنتو أتهمتوني و أديكوا نفسكوا تبقوا في مكاني و قلبت الأية لصالحها.
و مش بس كده ده كله وافقها و كان معاها، بل كمان سيدنا يوسف بقى هو اللي غلط و هم اللي صح.
ولما رفض سيدنا يوسف المعصية تاني؛ اتسجن و بقى هو المديون!

وهنا نبدأ في إسقاط القصة على الواقع بتاعنا.....
يمكن للوهلة الاولى يبان أحداث القصة دي إنها حبكة درامية عشان القصة تكمل، ولكن لو تعمقنا شوية هنلاقي إن في كتير جدا في حياتنا زي النسوة اللي بتنقل الكلام ويغتابوا على الناس و اللي بيستهزاء بمعصية الناس و بيحتقروها وكأنهم بعاد عن المعصية و كأنهم هم اللي عندهم القدرة على إنهم يقعوا فيها أو لا و ميعرفوش إن لا حول ولا قوة الا بالله و إن عدم فعلهم المعصية بقدرة ربنا و إنهم لا محالة هيقعوا فيها طول ما هما بيستهزؤا بيها إلا من رحم ربي فبلاش تستهزء بمعصية حد ولا تشوف نفسك بعيد عنها ادعيله بالهدايه أحسن لأنك متحطتش في ظروفه.

وكمان في كتير أوي في حياتنا زي امرأة العزيز، الناس اللي بتقلب الأية و بتزين الحرام في عنينا عشان نشوفوا عادي و مش عيب و المجتمع كله بيعمله، ده كمان بقى اللي مش بيعمله هو اللي بيكون معقد و بيكون مش بيفهم في الاتيكيت والرقي، و اللي يبعد عنهم و عن افكراهم يبقى هو المنبوذ الفقير و بيشقى جدا عشان بس يوصل لربع اللي بيوصل بيه بالحرام اللي بقى متاح بكل سهولة قدامك و لو عملته محدش هيقولك أنت بتعمل اي.

لكن القليل جدا اللي زي سيدنا يوسف اللي رغم المغريات و الانفتاح و الحرية لسه هو ثابت على دينه و ثابت على الحق، اللي بيختار السجن على إنه ميقعش في الحرام، و مين مننا زيه؟!
مين فينا بيختار الرزق الحلال رغم الحرام السهل اللي حوليه،. بتختار حجابها الشرعي رغم الانفتاح اللي موجود، بيختار إنه ميعملش فرح و اغاني و رقص رغمه إنه مباح في العادات والتقاليد، بيختار إنه يلتزم رغم إن الطريق التاني في ملاذات و حياة اروش، مين بيختار ربنا و الدين على حساب الدنيا و مين زي سيدنا يوسف؟

#موضوع_كل_جمعة

تكمن الراحة في مشقة رحلة البحث عن الذات، الفراغ قاتل وغير مريح.

كريم عبدالعزيز

في هذا الزمان أصبح الجميع صامتون، شاردون.. منشغلون بحالهم، يهربون من أفكارهم ومشاكلهم، حزينون على ما يحدث، يفكرون كيف النجاة، يتمنون الراحة والسعادة، يبحثون عن الخلود هنا وجنّة في دُنيا قد خُلقت للشقاء، ولكنهم لا يدرون أن الذين يسعدون هنا هم من يوقنون أن الدنيا اختبار للجائزة الكبرى، أنها رحلة شقاء بها فترات استراحة يجب الاستمتاع بها، أن السعادة الحقيقة ليست هنا، وأنها فانية.

كريم عبدالعزيز

{ وَقالَ المَلَأُ مِن قَومِ فِرعَونَ أَتَذَرُ موسى وَقَومَهُ لِيُفسِدوا فِي الأَرضِ وَيَذَرَكَ وَآلِهَتَكَ قالَ سَنُقَتِّلُ أَبناءَهُم وَنَستَحيي نِساءَهُم وَإِنّا فَوقَهُم قاهِرونَ }[ الأعراف: ١٢٧ ]

عامل اي يا صديقي...
قصة انهرده بين فرعون و سيدنا موسى عليه السلام و أية من أغرب الأيات في معناها و مضمونها، أية بتوصف اللي أحنا فيه، و بتوصف حال كل واحد كان على الحق على مر التاريخ و وكأن التاريخ بيعيد نفسه دايما قصص القرءان مش للمتعة ولا التسلية لكن كلها عبر { لَقَد كانَ في قَصَصِهِم عِبرَةٌ لِأُولِي الأَلبابِ ما كانَ حَديثًا يُفتَرى وَلكِن تَصديقَ الَّذي بَينَ يَدَيهِ وَتَفصيلَ كُلِّ شَيءٍ وَهُدًى وَرَحمَةً لِقَومٍ يُؤمِنونَ }[ يوسف: ١١١ ]

و القصة إن بعد ما سيدنا موسى غلب سحرة فرعون و بدأ يستقر ببني إسرائيل و يثبتهم و يخليهم على الحق و ينصرهم ويؤمن بيه كتير من الناس و يدخلوا دين التوحيد "الإسلام" لكن يجي الملأ بتوع فرعون اللي هما أعوانه و بكل سذاجة يقولوا لفرعون: أَتَذَرُ موسى وَقَومَهُ لِيُفسِدوا فِي الأَرضِ وَيَذَرَكَ وَآلِهَتَكَ ؟!
الناس عامله تسيب عبادة الاصنام و عبادتك يا فرعون و بتروح مع موسي و دينه أنت هتسيبه يفضل يعمل كده و يفسد في الأرض؟!
و هنا في حاجة غريبة! لحظة وحده سيدنا موسى هو اللي بيفسد، طيب فرعون و أعوانه بيعملوا اي؟!

و هنا تيجي الأية بتاعت سورة البقرة يقول الله سبحانه ﴿ وَإِذَا قِيلَ لَهُمْ لَا تُفْسِدُوا فِي الْأَرْضِ قَالُوا إِنَّمَا نَحْنُ مُصْلِحُونَ﴾ [ البقرة: 11]
بس في الأخر ﴿ أَلَا إِنَّهُمْ هُمُ الْمُفْسِدُونَ وَلَٰكِن لَّا يَشْعُرُونَ﴾ [ البقرة: 12]

يعني اللي على الباطل شايف نفسه صح و مش بس بيسيب اللي على الحق في حالة لا ده كمان قال سَنُقَتِّلُ أَبناءَهُم وَنَستَحيي نِساءَهُم وَإِنّا فَوقَهُم قاهِرونَ.
و هي دي الحياة بشكل عام بين الحق و الباطل.
و هي دي حياتك لما تكون ملتزم، أو على الأقل لما تكون على الفطرة السوية، لما تيجي في الزمن و يكون كل داعية صالح يتحارب و يكون في مكانه حد تاني هو اللي متصدر عشان ينشر للناس الدين على الأهواء، و لما تيجي تقول مينفعش يكون الزوجة عندها صحاب ولاد أو الزوج عنده صحاب بنات " بيست فريند " ؛فيتهموك بالجهل و الراجعية، لما تقول إن المرأة ليها حقوق و وجبات ميقدرش الرجال يعملها أو مش دوره و الراجل له حقوق و واجبات المرأة متقدرش تعملها أو مش دورها؛ فيتهموك بالذكورية أو بالنسوية، لما تقول إن الحجاب فرض؛ فيتهموك إنك مش بتفهم في الموضة و جاهل و سيب الناس في حالها أنت متفرضش رأيك على حد، لما تقول إن الأغاني حرام مع الموسيقى على أشكالها الحالية؛ و يقولك لا ده أنت مش بتفهم في الفن، لما تقول مش هعمل فرح عشان السيئات اللي بتبقى فيه؛ فيقولك أنت متشدد و قافل على نفس و مش هتفرح كده، لما تقولي أنا هلبس حجاب شرعي فيقولك عيشي حياتك يا بنتي و بلاش تقفلي على نفسك كده مش هتعرفي تتجوزي و دي أمثلة بسيطة لما تكون على الحق سوى على الفطرة.

و لما قال فرعون سنتقل أبنائهم فمفيش أكتر من الفراعنة اللي موجودين دلوقتي و ده بيحصل دلوقتي في السوشيل ميديا بعد ما خلوا كل هم الشباب التفاهه والعري و عدم المسؤلية عشان الشهرة و الفلوس و مش مهم تيجي أزاي؟ و بالفعل نجحوا يقتلوا الاطفال و الشباب و البنات فكريا و نفسيا.

و لما تيجي تتكلم و تدافع عن اللي بيحصل و تقول الحق و تحاول تحارب الفساد ده كله متلقيش حد بيسمع بالعكس ده اللي معاهم السلطة بيزودوا في الموضوع أكتر و بيبيحوا نشر كل ده و ممكن يطلعوا في التلفزيون كمان و يعملوا اعلانات، و كأنهم بيقولوا وَإِنّا فَوقَهُم قاهِرونَ.

فمكنش عند سيدنا موسى غير طلب واحد بي لقومه على اللي بيحصل من فرعون وهو ﴿ قَالَ مُوسَىٰ لِقَوْمِهِ اسْتَعِينُوا بِاللَّهِ وَاصْبِرُوا ۖ إِنَّ الْأَرْضَ لِلَّهِ يُورِثُهَا مَن يَشَاءُ مِنْ عِبَادِهِ ۖ وَالْعَاقِبَةُ لِلْمُتَّقِينَ﴾ [ الأعراف: 128]
أصبر طول ما أنت مع ربنا أنت في أمان، أنت على حق، أنت في أي لحظة الحال ممكن يتقلب بسببك و تكون أنت اللي فوق و هما اللي تحت، أنت اللي هتكسب الجنة عشان دايما العاقبة للمتقين.

#موضوع_كل_جمعة

لقد أصبحت الحياة ثقيلة بشكل مبالغ فيه، فلم يعد هناك من يتحمل ذاته؛ لذلك لا تجعل في حياتك أشخاص من الذين تراهم في حزن و غم طوال الوقت، الذين يأسوا من الحياة و يبحثون دائمًا عمن يغيثهم وهم لا يريدون أن يغيثوا أنفسهم، تمد لهم يدك لتنقذهم من غرقهم؛ فيفلتونها ثم ينادون و يقولون نحن غرقى فهل من منقذ!
لا تدع في حياتك شخص يعيش عليك دور الضحية، تحاول أن تداويه و هو يأبى أن يأخذ الدواء، أولئك الذين لا يريدون أن يتأقلموا و لا يسعون إلى تغيير أنفسهم و مجاراة حياتهم، و يحبون أن يعيشوا في وحلهم.

كريم عبدالعزيز

عن جابر رضي الله عنه قال سمعت النبيﷺ يقول: اهتز العرش لموت سعد بن معاذ.
روى البخاري ومسلم.

عامل اي يا صديقي، انهرده هنتكلم عن صحابي عظيم، كان سبب في تغيير قوة المسلمين، كان سبب في مكسب يوم غزوة بدر، كان سبب في اسلام اغلبية سكان المدينة، حكم بحكم الله من فوق سبع سموات في يهود بني قريظة و هو الصحابي سعد بن معاذ رضي الله عنه.
سعد ابن معاذ اللي اسلم بعد بيعة العقبة الأولى على يد مصعب بن عمير ، و كان من بني عبد الاشهل و كان سيد قومه و سيد الأوس في المدينة و بسببه أسلمت كل الأوس و بني عبد الاشهل يعني تقريبا نص سكان المدينة لأن ساعتها المدينة بتنقسم إلى أوس و خزرج، وكان اسلامهم سبب في هجرة النبيﷺ للمدينة لأنه خلاص بقى عنده عدد يقدر يحميه من أي عدو و مع الهجرة للمدينة هي بداية نشر الإسلام الحقيقة يعني كله بدأ بإسلام سعد بن معاذ رضي الله عنه .

و يمكن أول مشهد في دور سعد في غزوة بدر و الرسولﷺ و المسلمين بعد ما كانوا ريحين يستولوا على عير أبو سفيان في غزوة ذي العشيرة تفلت من النبيﷺ و يبقى بدال ما كان هيكون نصر سهل للمسلمين بغنيمة كبيرة تتقلب لحرب و تتجمع قريش تحت راية أبو سفيان و تبقى فجأة غزوة بدر من غير ما النبيﷺ يستعد أو الصحابه تستعد بأسلحة كتير عكس المشركين، و كمان مكنش في عدد كبير بس 82 من المهاجرين و 231 من الانصار يعني 314 ضد 1000 من المشركين و كان الأتفاق في بيعة العقبة الثانية أن الانصار يحموا المهاجرين داخل المدينة فقط بس دلوقتي في ظرف طارئ حصل و مفيش عدد والمهاجرين 82 و الانصار أكتر و هنا كان النبيﷺ بيستشير اللي معاه و ساعتها رد ابو بكر و رد عمر بن الخطاب و رد المقداد بن عمرو رضي الله عنهم بس النبيﷺ كان عاوز رأي الانصار لأن من غيرهم المعركة خسرانة 82 ضد 1000 مهمه مستحيلة و هنا جه دور سعد بن معاذ فهم إن النبيﷺ محتاجه فقال: لكأنك تريدنا يا رسول الله؟
فالنبيﷺ رد عليه و قاله نعم.
فقال له سعد: فقد آمنا بك، فصدقناك، وشهدنا أن ما جئت به هو الحق، وأعطيناك على ذلك عهودنا ومواثيقنا على السمع والطاعة، فامض يا رسول الله لما أردت فو الذي بعثك بالحق لو استعرضت بنا هذا البحر فخضته لخضناه معك، ما تخلف منا رجل واحد، وما نكره أن تلقى بنا عدوًّا غدًا إنا لصبر في الحرب، صدق في اللقاء، ولعل الله يريك منا ما تقر به عينك، فسر بنا على بركة الله.
و بسببه الأنصار كلهم تدخل المعركة و يكسبوا كمان في يوم بدر العظيم و يبدأ يكون في شكل حربي و عسكري فعلي للمسلمين ده غير أحداث الغزوة و العظيمة دي في تفاصلها.

و يجي موقف أقوى لما قال النبي لسعد بن معاذ لقد حكَمْتَ فيهم بحُكمِ اللهِ من فوقِ سَبعِ سَمَواتٍ.
و القصة إن في غزوة الأحزاب يهود بني قريظ كانوا ملزمين بالأمان مع النبيﷺ ولكنهم خانوا النبيﷺ و تحالفوا مع المشركين، بس بعد ما المعركة خلصت النبيﷺ راح لليهود بجيش عشان يحكم فيهم و ينتقم ولكن في الجاهلية كان في تحالف بين الأوس و يهود بني قريظة وهنا تدخلت الأوس لتخفيف الحكم على يهود بني قريظة زي ما حصل تخفيف في يهود بني النضير لما الخزرج شفعوا لهم و خرجوا بس من المدينة و هنا النبيﷺ أقترح أن حد يحكم فيهم من الأوس و كلهم أختاروا سعد بن معاذ و هنا جه دور سعد اللي كان مغلول منهم إنهم ازاي يخونوا الرسولﷺ و لما أتصاب في غزوة الأحزاب و كان هيموت قال: اللهم لا تخرج نفسي حتى تقر عيني من بني قريظة.
و فعلا ربنا حققله أمنيته بأنهم أختاروا في الحكم عليهم و حُكم سعد فيهم كان أن تقتل الرجال و تسبى النساء و الذرية و تقسم الأمول و ساعتها قال النبيﷺ والله يا سعد لقد حكَمْتَ فيهم بحُكم الله من فوق سبع سموات.

و بعد المشهد ده على طول يجي يوم موت سعد بن معاذ و النبي مكنش يعرف إنه مات و يجيله سيدنا جبريل و يقوله: يا محمد مَن هذا العبد الصالح الذي مات ففتحت له أبواب السماء و تحرك له عرش الرحمن؟
و هنا النبيﷺ مجاش في باله غير واحد بس و هو سعد بن معاذ، كان و وقت صلاة الجنازة قال النبيﷺ لقد هبط يوم موت سعد 70 الف ملك إلى الأرض لم يهبطوا قبل ذلك.
وقال ﷺ لأم سعد يهون عليها: يا أم سعد ألا يجف دمعك و يذهب حزنك فإن ابنك هو أول من ضحك الله إليه و أهتز عرش الرحمن فرحًا بمقدم سعد.

6 سنين لسعد بن معاذ في الأسلام كانت كفيله إنه يهتز لموته عرش الرحمن و الملائكة تفرح بقدومه مات و هو عنده 36 سنة، رضي الله عن سعد بن معاذ.

#موضوع_كل_جمعة

أحيانًا تقودنا الحياة إلى دروب لا نعلم لماذا قد أتت بنا إليها، نظل نُعافر و نُحاول في شيء ما نريده، و لا يكن لنا نصيبًا منه، و شيء آخر لم نحرك له ساكنًا نجده أمامنا حاضرًا..
و في نهاية المطاف نقف عند نهاية الطريق، و ننظر للشيء الذي كنا نريده و الشيء الذي أرادنا، و نرى كم الحوادث التي كانت ستلحق بنا إن كنا قد سلكنا الطريق الآخر، لنوقن في النهاية أن الله ينظر إلى نوايانا، و يعلم ما نريد؛ ولكنه يعطينا ما يريد و هو خيرًا مما نريد.

- كريم عبدالعزيز

يَا أَيُّهَا الَّذِينَ آمَنُوا اذْكُرُوا اللَّهَ ذِكْرًا كَثِيرًا (41) وَسَبِّحُوهُ بُكْرَةً وَأَصِيلًا (42) [ الأحزاب]

عامل اي يا صديقي؟
إنهارده جي افكرك بعبادة سهلة جدا و هي أسهل عبادة ممكن تتقرب بيها لربنا، عبادة هتبعدك على السب، و النميمة و الغيبة، عبادة هطهر ذنوبك و هترفعلك درجاتك و هي الذكر .

فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا (10)يُرْسِلِ السَّمَاءَ عَلَيْكُم مِّدْرَارًا (11) وَيُمْدِدْكُم بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا (12) [ نوح]

على سبيل المثال الإستغفار يمكن كلنا عارفين إن الاستغفار يعني توبة يعني محو سيئات لكن مش كتير عارف إن الإستغفار يعني رزق و سعة في الاموال و الأولاد و بركة فيهم و مش بس كده بيوصلك كمان للجنة، الإستغفار سلاح هيغيرلك حياتك بس أعمله و أنت على يقين أنه هيغفرلك و هرزقك و هيدخلك الجنة إن شاء الله.

﴿ الَّذِينَ آمَنُوا وَتَطْمَئِنُّ قُلُوبُهُم بِذِكْرِ اللَّهِ ۗ أَلَا بِذِكْرِ اللَّهِ تَطْمَئِنُّ الْقُلُوبُ﴾
[ الرعد: 28]

تاني حاجة الإطمئنان مع الذكر، يعني على سبيل المثال ذكر " لا حول ولا قوة إلا بالله" كفيل أنه يخليك تطمن و متشتلش هم حاجة خالص، لأن مفيش حاجة بتّم إلا بإرادته سبحانه، و هو الحكيم العزيز هو اللي في إيده كل الخير، هو اللي بينصرك، هو اللي بيرزقك، هو اللي بيوفقك، فلا حول ولا قوة الا بالله.

بعد كده تيجي الأية اللي في سورة الاحزاب اللي انا بدأت بيها بيقول سبحانه و تعالى فيها:
﴿ هُوَ الَّذِي يُصَلِّي عَلَيْكُمْ وَمَلَائِكَتُهُ لِيُخْرِجَكُم مِّنَ الظُّلُمَاتِ إِلَى النُّورِ ۚ وَكَانَ بِالْمُؤْمِنِينَ رَحِيمًا﴾
[ الأحزاب: 43]

يعني مش بس ذكر الله بيمحو سيئات و بيرفع درجات لا ده كمان ربنا بيصلي علينا هو و الملائِكة! وهنا الصلاة بمعنى الثناء و الرحمة و الدعاء عشان نوصل لمرحلة ليخرجكم من الظلمات الي النور يعني مع الذكر هتكون إنسان تاني
هيشفى امراض لسانك من حقد و نميمه و غيبه وسب،
هيغفرلك سيئات و هترتفع درجاتك في الجنة،
هتُرزق و هيكون في سِعة في أموالك و أولادك،
هتطمئن،
ربنا هيثنى عليك و الملائكة في السماء و دي حاجة عمرك مع هتعرف تتخيلها يعني تخيل مديرك بيتكلم عليك كلام حلو قدام التيم بتاعك و لله المثل الاعلى،
و أخيراً هتدخل الجنة و ده اللي أحنا جايين عشانه في الدنيا.
ده كله في عبادة سهلة ممكن تعملها في أي وقت في أي مكان، الموصلات، الشغل، الدراسة، اي مكان انتظار، عبادة بسيطه هتخرجك من الظلمات إلى النور يعني لو مش بتصلي بإذن الله تكون دي البداية إنك تصلي، لو بتعمل أي ذنب تكون دي البداية إنك تبطله، لو بتشتم أو بتنم او بتغيب في الناس تكون دي البداية إنك تبطل دي هتخرجك من الظلمات إلى النور عاوز أي تاني؛ فحاول تعمل وِرد في يومك للذكر هيفرق معاك في حياتك جدا...

و أخيرا في الآية اللي بعدها بعد ما نخرج من الظلمات إلى النور هنبقى في الجنة إن شاء الله و هناك:

﴿ تَحِيَّتُهُمْ يَوْمَ يَلْقَوْنَهُ سَلَامٌ ۚ وَأَعَدَّ لَهُمْ أَجْرًا كَرِيمًا﴾
[ الأحزاب: 44]


#موضوع_كل_جمعة

أيامٌ ثقال تجعلك تعاني في التواصل مع الجميع، سوداوي في نظر أصدقائك والمحيطين بكَ، بائس، كسول، شارد، لا أحد يفهمك، تشعر بوحدتك، و تظل تردد "لماذا؟" طوال الوقت.

- كريم عبد العزيز

وَقَالَ رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَىٰ وَالِدَيَّ وَأَنْ أَعْمَلَ صَالِحًا تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِينَ﴾
[ النمل: 19]

عامل أي يا صديقي..
إنهرده معانا قصة جديدة و هي قصة سيدنا سليمان.
سيدنا سليمان اللي طلب من ربنا أغرب طلب ممكن حد يطلبه و هو دعائه الشهير ﴿ قَالَ رَبِّ اغْفِرْ لِي وَهَبْ لِي مُلْكًا لَّا يَنبَغِي لِأَحَدٍ مِّن بَعْدِي ۖ إِنَّكَ أَنتَ الْوَهَّابُ﴾
[ ص: 35]
و فعلا سيدنا سليمان جاله ملك محدش في التاريخ كان زيه، تخيل يكون معاك جن و عفريات و شياطين يعملوا ليك اللي نفسك فيه، معاك طير و حيوانات مسخرين بأمرك، معاك رياح تقدر تحركها و توديها و تجبها زي ما تحب، بتفهم لغة الطير و الحشرات و الحيوانات، كل العالم تحت أيدك و أنت المتحكم فيه، فلما تطلب من ربنا أنت بتطلب من الكريم الواسع أطلب اللي نفسك فيه و ربنا قادر إنه يحققهولك لو خير ليك في الدنيا ، بس مع ملك سيدنا سليملن كله قال: هَٰذَا مِن فَضْلِ رَبِّي لِيَبْلُوَنِي أَأَشْكُرُ أَمْ أَكْفُرُ ۖ وَمَن شَكَرَ فَإِنَّمَا يَشْكُرُ لِنَفْسِهِ ۖ وَمَن كَفَرَ فَإِنَّ رَبِّي غَنِيٌّ كَرِيمٌ (40)

قمة التواضع، قمة الزلة لله، قمة الحكمة إنه عارف إن ده كله اختبار من ربنا له، إنه لو في لحظة حس إنه هو صاحب الأملاك دي و صاحب القوة دي وإنها من عنده هيهلك.

و ده أعظم أختبار ممكن البني آدم يمر بيه، إن ربنا يملكه مال أو سلطة و ساعتها الإنسان بيكون مُخير هيعمل بيه إيه هيستغله لصالح الدين أو على الاقل ميإذيش بيها الناس ولا هيظلم و هيفسد و هيتكبر و يكون زي قارون لما تكبر و قال: إنما أوتيته على علم من عندي و يجحد بكرم ربنا عليه و فضله و إنه من غير حول و قوة ربنا عمره ما كان وصل للمكانة دي.

و دي حاجة ممكن أنت متحسش بيها أو تنسها وأنا جي افكرك و افكر نفسي بالقصة دي عشان أقول إن أنت وأنا من غير فضل ربنا و كرمه و رزقه و عفوه و رحمته وحلمه و جبره وقوته عمرك ما هتبقى أنت ولا عمرك هتوصل لحاجة تدخل بيها الجنة...

كل حركة أنت بتعملها بفضله، كل خطوة للأمام اتجاه نجاحك بحوله و قوته، كل خطوة للخلف في طريق نجاحك بمشيئته و إرادته، كل رزق بترزقه بكرمه، كل عمل صالح بتعمله برحمته، كل حد بيحبك و بيحب يكون جليسك بحلمه، كل مرة بتذنب فيها و ترجع تتوب تاني فده من عفوه، هو الأول و الأخر في كل حاجة في حياتك، فدايما خليك فاكر ده كويس، و كل حاجة تعملها تكون نيتها لله، كل نجاح أنسبه لربنا، و لو فشلت في حاجة سعيت فيها و عملت كل مجهودك فدي إرادته سحبانه و تعالى بيقول في سورة آل عمران { إِن يَنصُركُمُ اللَّهُ فَلا غالِبَ لَكُم وَإِن يَخذُلكُم فَمَن ذَا الَّذي يَنصُرُكُم مِن بَعدِهِ وَعَلَى اللَّهِ فَليَتَوَكَّلِ المُؤمِنونَ }[ آل عمران: ١٦٠ ]
فأنت في النهاية ملكش غيره هو اللي هيرجعك تاني، محدش هينصرك غيره، محدش هينجحك غيره، محدش هيداوي ولا هيجبر بخاطرك غير فهو الجبار .

{ قُلِ اللَّهُمَّ مالِكَ المُلكِ تُؤتِي المُلكَ مَن تَشاءُ وَتَنزِعُ المُلكَ مِمَّن تَشاءُ وَتُعِزُّ مَن تَشاءُ وَتُذِلُّ مَن تَشاءُ بِيَدِكَ الخَيرُ إِنَّكَ عَلى كُلِّ شَيءٍ قَديرٌ }[ آل عمران: ٢٦ ]

#موضوع_كل_جمعة

{ قالَ سَآوي إِلى جَبَلٍ يَعصِمُني مِنَ الماءِ قالَ لا عاصِمَ اليَومَ مِن أَمرِ اللَّهِ إِلّا مَن رَحِمَ وَحالَ بَينَهُمَا المَوجُ فَكانَ مِنَ المُغرَقينَ }[ هود: ٤٣ ]

عامل أي يا صديقي؟
في رحلة حياتك هيكون في أكتر من طريق ممكن تسلكه، بس في النهاية طريق واحد بس هو اللي بيفلح و هو طريق الحق، طريق الإيمان، طريق الجنة، طريق ربنا.
الطريق اللي كله مطبات، كله ابتلائات ويمكن الإبتلاء بيجي في أكتر حاجة بنحبها، طريق كله أستهزاء من اللي حوليك، و هتتحارب، و هتسمع كلام يجرحك، بس في الأخر ربنا بيقول سبحانه وتعالى : (فَاصْبِرْ ۖ إِنَّ الْعَاقِبَةَ لِلْمُتَّقِينَ﴾
[ هود: 49]

و القصة معانا هي قصة سيدنا نوح و أزاي قعد مع قومة 950 سنة يدعوهم للإسلام و عبادة الله و في الأخر ما أمن معه إلا قليل، و ده الدرس الأول في أنك مسؤل عن الدعوة بس مش مسؤل عن الهداية.

﴿ وَيَصْنَعُ الْفُلْكَ وَكُلَّمَا مَرَّ عَلَيْهِ مَلَأٌ مِّن قَوْمِهِ سَخِرُوا مِنْهُ ۚ قَالَ إِن تَسْخَرُوا مِنَّا فَإِنَّا نَسْخَرُ مِنكُمْ كَمَا تَسْخَرُونَ﴾[ هود: 38] ﴿ فَسَوْفَ تَعْلَمُونَ مَن يَأْتِيهِ عَذَابٌ يُخْزِيهِ وَيَحِلُّ عَلَيْهِ عَذَابٌ مُّقِيمٌ﴾
[ هود: 39]
و يجي مشهد تاني و سيدنا نوح بينصع السفينة و الكافرين بيستهزئوا به لكن سيدنا نوح كان مؤمن و عارف أن السفينة دي هي اللي هتنجيه من العذاب و الهلاك، ملتفتش لكلامهم ولا أستهزئهم بل بلعكس قالهم هنشوف في الأخر مين اللي هيفوز، و سفينتك في حياتك هو دينك و قربك من ربنا، وحبك له و طاعاتك هي اللي هتنجيك من العذاب، هي اللي هتشفعلك، هي اللي هتكون وسط جبال من الملذات، وسط جبال من الحرام، و زي ما كانت سفينة سيدنا نوح وسط جبال الامواج بس هو محمي و مش خايف، زي ما دينك و قربك من ربنا هيحميك من أي شر هيجي حوليك، هيطمنك و هيوصلك لبر الأمان، هيوصلك للجنة زي ما السفينة وصلت سيدنا نوح إلى الجودي بأمان وسط الرعب اللي حصل في العالم كله تخيل أمواج كالجبال و كله بيهلك حوليك وأنت راكب سفينة ولا همك حاجة و هو ده اللي الدين هيعملوا معاك و هو ده الطمئنينة اللي ربنا هيلهمهالك لما تقربله و تكون معاه في طريقه.
﴿ الَّذِينَ آمَنُوا وَتَطْمَئِنُّ قُلُوبُهُم بِذِكْرِ اللَّهِ ۗ أَلَا بِذِكْرِ اللَّهِ تَطْمَئِنُّ الْقُلُوبُ﴾
[ الرعد: 28]..

﴿ وَهِيَ تَجْرِي بِهِمْ فِي مَوْجٍ كَالْجِبَالِ وَنَادَىٰ نُوحٌ ابْنَهُ وَكَانَ فِي مَعْزِلٍ يَا بُنَيَّ ارْكَب مَّعَنَا وَلَا تَكُن مَّعَ الْكَافِرِينَ﴾
[ هود: 42]

و يجي أخر مشهد و هو أبن سيدنا نوح و هو متعلق في الجبل و سيدنا نوح يقوله أركب معانا مفيش حاجة هتنفعك، هو ده الطريق الوحيد اللي هتوصل بيه للجنة، هو ده الطريق الوحيد اللي فيه نجاح، هو ده الطريق الوحيد اللي هتسعد فيه في الأخر، ولكن للأسف كان أبنه عنده أمل في وهم و هو أنه طلع على جبل على أمل أنه يلحق نفسه مع أنه كان عنده فرصة إنه يركب بس الكبر و العناد منعوه.
و هو ده اللي بنشوفوا حولينا لما حد بيجري ورا الفلوس أو الشهرة أو أي طريق تاني يبعده عن دينه، فاكر إن ده هينقذة زي الجبل اللي طلع عليه إبن سيدنا نوح ولكن للإسف طريق خسران و في الأخر: وَحَالَ بَيْنَهُمَا الْمَوْجُ فَكَانَ مِنَ الْمُغْرَقِينَ﴾.

راجع نفسك في أختيار رحلة حياتك و متنساش دينك سفينتك اللي هتنقذك من النار، متنساش ربنا و طريقه و ده الطريق الوحيد اللي هتكسب فيه؛ عشان تكون من أهل الجنة إن شاء الله.

#موضوع_كل_جمعة

نحن لا نبكي على رحيل الشخص، بل نبكي على المشاعر التي أُهدرت في سبيله، على مستقبل خططناه معًا، على طموحات في مُخيلتنا معه، على حالنا في كل مرة كنا نتلهف إلى الحديث سويًا، بكينا في كل مرة كنا نحزن لحزنه وقد هان عليه حزننا، بكينا على الذكريات التي ظننا أنها خالدة، على الحب الذي كان، على أنفسنا و عودتها للوحدة من جديد بعد ما كان هو كل عالمنا.

كريم عبد العزيز

أيام ثقال، كل ما تريده فيها فضل الله، صحبة تفهم صمتك ومعاناتك، عائلة سوية لا تصدّر لك أي ضغوطات، شخص حنون يربت على كتفك، وطاقة تعينك على التعامل مع سفهاء الحياة.

كريم عبدالعزيز

{ قُل يا عِبادِيَ الَّذينَ أَسرَفوا عَلى أَنفُسِهِم لا تَقنَطوا مِن رَحمَةِ اللَّهِ إِنَّ اللَّهَ يَغفِرُ الذُّنوبَ جَميعًا إِنَّهُ هُوَ الغَفورُ الرَّحيمُ }[ الزمر: ٥٣ ]

عامل اي يا صديقي؟
لو حاسس أنك غرقان في الذنوب و تاييه أو شايف حد من صحابك بتحبه أوي و نفسك تجيب رجله معاك لطريق الخير و طريق ربنا بس هو في كل مرة تحسه بيبعد عنك فالقصص دي ليكو إن شاء الله :

يمكن أول حد هتكلم عنه هو سيدنا أبو سفيان، و الغريب و العجيب في قصة أبو سفيان إنك لما تسمع اسم غزوة بدر أو أحد أو الخندق و أنت مغمض أبو سفيان هو قائد المشركين فيهم، و دي أقل حاجة ممكن احكيهالك عنه و عن هو عمل أي في المسلمين!
طب ازاي سيدنا ابو سفيان رضي الله عنه كان قائد المشركين؟!
زي ما بقولك كده، كان دايما هو رقم واحد ضدهم كان دايما هو قائد كل الحروب ضد المسلمين، وفجأة وفي أثناء فتح مكة و جملة وحده بس النبي ﷺ قدر يجيب قلب أبو سفيان لحبه لما قال: مَن دخل دار أبي سفيان فهو آمنٌ" و قدر بالجملة دي يخلي أبو سفيان يؤمن و يأسلم لأنه كان شخصيته من النوع انها بتحب تتقدر و تحب يبقى ليها أسمها و دي كانت عادة العرب زمان و يبدأ رحلة جديد من أبو سفيان بن حرب قائد المشركين إلى أبو سفيان رضي الله عنه.

تاني قصة معانا هي قصة وحشي بن حرب

وحشي بن حرب قتل سيدنا حمزة عم رسول الله ﷺ و أخوه في الرضاعة في غزوة أحد، وحشي اللي راح للنبي ﷺ عشان يأسلم و النبي قاله: فهل تستطيع أن تغيب وجهك عني؟
النبي ﷺ من كتر حبه لسيدنا حمزة مقدرش يشوف قاتله و النبي يوم موت حمزة مزعلش على حد قده في الغزوة دي، ولكن الإسلام مبيقفلش الباب في وش حد، رحمة ربنا واسعة كل شيء و ربنا قال في سورة النساء: إِنَّ اللَّهَ لَا يَغْفِرُ أَن يُشْرَكَ بِهِ وَيَغْفِرُ مَا دُونَ ذَٰلِكَ لِمَن يَشَاءُ ۚ وَمَن يُشْرِكْ بِاللَّهِ فَقَدِ افْتَرَىٰ إِثْمًا عَظِيمًا (48)
و بالفعل دخل وحشي الإسلام وكان عاوز يكفر عن سيئته دي و لما ظهر مسيلمة الكذاب خرج مع الجيش لحربه و هو اللي قتله بنفس الحربة اللي قتل بيها سيدنا حمزة و قال ساعتها جملته المشهورة قتلت بحربتي هذه خيرَ الناس -يقصد حمزة- وشر الناس -يقصد مسيلمة الكذاب.
و بقى من الصحابة و بقى وحشي رضي الله عنه بعد ما كان قاتل حمزة عم النبي و أخوه من الرضاعة.

تالت قصة معانا هي قصة سيدنا عمر بن الخطاب و هي بأختصار شديد لأن القصة دي لازم كلنا نعرفها تقريبا لأنها عجيبة أوي في تفصيله:
و كان سيدنا عمر رايح يقتل النبيﷺ و كان عازم على كده و يشاء القدر أنه يروح بيت أخته و يسمع القرءان وبالأخص سورة طه يقرأها و يأسلم بسبب أياتها تخيل تروح عشان تقتل النبي ترجع مسلم و ترجع عمر بن الخطاب الفاروق العادل، سيدنا عمر اللي فتح بلاد الروم و فارس و أستعاد القدس، و كان أعدل الحكام، و قصصه في السيرة لا تعد ولا تحصى، كان بداياته رايح يقتل النبي! و كان النبيﷺ دايما بيدعي و يقول اللهم أعز الإسلام بأحب هذين الرجلين إليك بأبي جهل أو بعمر بن الخطاب ، و كانت أمنية للنبيﷺ أن عمر يكون من المسلمين و قد كان

{ فَمَن يُرِدِ اللَّهُ أَن يَهدِيَهُ يَشرَح صَدرَهُ لِلإِسلامِ وَمَن يُرِد أَن يُضِلَّهُ يَجعَل صَدرَهُ ضَيِّقًا حَرَجًا كَأَنَّما يَصَّعَّدُ فِي السَّماءِ كَذلِكَ يَجعَلُ اللَّهُ الرِّجسَ عَلَى الَّذينَ لا يُؤمِنونَ }[ الأنعام: ١٢٥ ].

يمكن القصص دي مختصرة و نقطة في بحر قصص كتير أوي من ناس كانوا بعاد جدا عن الدين و فجأة بقوا صحابة، و يكمن حد من صحابك أنت تعرفه حصل معاه نفس الفكرة و يمكن أنا كمان ربنا يهدني عمري ما كنت أتخيل أني قاعد بكتبلك كده و أكون عارف المعلومات دي، فمهما كان بُعدك عن الدين و شايف نفسك مقصر ومستحيل تبقى إنسان كويس قريب من ربنا و يأست من نفسك أفتكر القصص دي أنت لا قتلت ولا كنت قائد مشركين بس أنت مسلم عاصي جرب بس أرجع و توب و ربنا هيتقبل و ربنا مبيردش حد عايزه، لو يأست من صحبك أو زعلان على حاله و بعده و زهقت من كتر ما بتنصحه و هو مش بيقرب أدعيله و متيأسش منو و خليك معاه ربنا هو اللي قادر يرجعه في أي لحظة، زي ما تاب عليك وهداك بفضل منه قادر إنه يتوب عليه بس خليك معاه و دايما خد قصص الصحابة دي عبره ليك و متيأسش، أبدأ من جديد و روح لربنا و مش هتترد مخذول بس أنوي.

قَالَ عَذَابِي أُصِيبُ بِهِ مَنْ أَشَاءُ ۖ وَرَحْمَتِي وَسِعَتْ كُلَّ شَيْءٍ ۚ فَسَأَكْتُبُهَا لِلَّذِينَ يَتَّقُونَ وَيُؤْتُونَ الزَّكَاةَ وَالَّذِينَ هُم بِآيَاتِنَا يُؤْمِنُونَ
[ الأعراف: 156]

#موضوع_كل_جمعة

تأتي على الإنسان أيام كل ما يتمناه بها الراحة، الراحة من المسؤوليات، التفكير في المستقبل، ضجيج الذكريات، ونفسه!

- كريم عبدالعزيز

ما أجمل أن يكون لك نصيب في تحرّك قلب شخصٍ ما، تتأثر؛ فتكتب؛ فتُؤثّر؛ فتُدهشه؛ فيُثني عليك و يذكرك.

- كريم عبد العزيز

وفي النهاية ستكتفي بصديق أو أثنين، ستصبح كتوم لا تتحدث إلا قليلا، ستكون الناس في نظرك عبارة عن أشخاص عابرين فلن تصطفي منهم إلَّا من تشعر أنه يُحبك كما أنت، سَتبتعد عن كل من يُرهقك منهم و سَتقترب مِن كل مَن يرتاح بالك و قلبك معه،
في النهاية ستنضج و تعلم أن الصداقة ليست التي تكون في فرحة البدايات ولكن بالمواقف و في الأزمات،
في النهاية ستختار من يختارك دائمًا لأنه يُريدك انت وليس لأنه يريد منك شيء.

- كريم عبدالعزيز

{وَكُلُّهُم آتيهِ يَومَ القِيامَةِ فَردًا}
[مريم - آية ٩٥]

عامل اي يا صديقي يمكن النهارده جي افكرك إن البيئة اللي حوليك مش هتشفعلك يوم القيامة عن عواقب افعالك و ذنوبك، مش هتبقى حجه ليك للأسف، لإنك هتروح لوحدك قدام ربنا و هيسألك لوحدك و هتجاوب لوحدك و هناك مفيش حجج.

{إِنَّ الَّذينَ تَوَفّاهُمُ المَلائِكَةُ ظالِمي أَنفُسِهِم قالوا فيمَ كُنتُم قالوا كُنّا مُستَضعَفينَ فِي الأَرضِ قالوا أَلَم تَكُن أَرضُ اللَّهِ واسِعَةً فَتُهاجِروا فيها فَأُولئِكَ مَأواهُم جَهَنَّمُ وَساءَت مَصيرًا}
[النساء - آية ٩٧]

يمكن رسالة دي للي مش عارف يبطل ذنب معين بسبب إن كل اللي حواليه بيعملوه أو بقى أمر عادي بالنسبة للمجتمع، أو لو بطله هيبقى غريب بينهم ومضطهد، هيبقى ملهوش صحاب، ملهوش أهل، و هنا ربنا سبحانه مقالش خلاص بدال الكل بيعمله يبقى اعمل زيهم؛ لا ده لو تقدر تهاجر و تعتزلهم اعمل كده أرض الله واسعة، زي البنت اللي نفسها تتحجب و أهلها رافضين، أو الولد اللي نفسه يلتزم بس خايف من كلام صحابه او خايف من خسارة صحابه أو خايف من أهله، خايف من المجتمع و كلام الناس؛ فافتكر ربنا بيقول في سورة المؤمنون:
{إِنَّهُ كانَ فَريقٌ مِن عِبادي يَقولونَ رَبَّنا آمَنّا فَاغفِر لَنا وَارحَمنا وَأَنتَ خَيرُ الرّاحِمينَ}{فَاتَّخَذتُموهُم سِخرِيًّا حَتّى أَنسَوكُم ذِكري وَكُنتُم مِنهُم تَضحَكونَ}{إِنّي جَزَيتُهُمُ اليَومَ بِما صَبَروا أَنَّهُم هُمُ الفائِزونَ}.
[ الاية ١٠٩ : ١١١ ]

يعني ده هيقابلك كتير في حياتك، إن كتير هيسخر منك ويقلل من شأنك عشان بقيت افضل منه، كتير هيجرح فيك، كتير هيفكرك بذنوب زمان اللي انت بتسعى إنك تتوب منها و بتجاهد نفسك، لدرجة تخليك بدال ما تنصحهم و تخدهم معاك في طريق الحق تبعد عنهم و تتجنبهم عشان محدش يإذيك بكلامه و تكون أنت من الفائزين إن شاء الله.

و هنا نفتكر سيدنا إبراهيم لما قعد يستغفر لوالده و دعاه للإسلام عشان حابب إنه يكون معاه في الجنة وبكل ادب قاله { يا أَبَتِ إِنّي أَخافُ أَن يَمَسَّكَ عَذابٌ مِنَ الرَّحمنِ فَتَكونَ لِلشَّيطانِ وَلِيًّا }[ مريم: ٤٥ ]
لكن والده هدده بالقتل و الرجم و كمان قاله ابعد عني مش عاوزك { قالَ أَراغِبٌ أَنتَ عَن آلِهَتي يا إِبراهيمُ لَئِن لَم تَنتَهِ لَأَرجُمَنَّكَ وَاهجُرني مَلِيًّا }[ مريم: ٤٦ ]

و هنا سيدنا إبراهيم عليه السلام مكنش عليه غير إنه قرر إنه يغير المكان، يحاول يشوف مكان جديد ينشر فيه الدعوة، يحاول يشوف مكان جديد يحمي نفسه من قومه و أبوه، مستسلمش و قرر إنه يكون لوحده عشان خاطر ربنا و خاطر الجنة:
{ قالَ سَلامٌ عَلَيكَ سَأَستَغفِرُ لَكَ رَبّي إِنَّهُ كانَ بي حَفِيًّا }{ وَأَعتَزِلُكُم وَما تَدعونَ مِن دونِ اللَّهِ وَأَدعو رَبّي عَسى أَلّا أَكونَ بِدُعاءِ رَبّي شَقِيًّا }[ مريم ٤٧: ٤٨ ]

و هنا دور ربنا و المكافأة اللي جت لسيدنا ابراهيم بعد ما حس إنه ملهوش حد و إنه تايه و إنه خارج من ارض الله - الواسعة - ضعيف لكن ربنا مش بيسيب حد و مش بيخذل حد اختاره
{ فَلَمَّا اعتَزَلَهُم وَما يَعبُدونَ مِن دونِ اللَّهِ وَهَبنا لَهُ إِسحاقَ وَيَعقوبَ وَكُلًّا جَعَلنا نَبِيًّا }
{ وَوَهَبنا لَهُم مِن رَحمَتِنا وَجَعَلنا لَهُم لِسانَ صِدقٍ عَلِيًّا }[ مريم ٤٩: ٥٠ ]

فخليك فاكر إن أي طريق هتاخده عشان ربنا، أي خسارة هتخسرها عشان ربنا في سبيل الآخرة و في سبيل الجنة؛ ربنا هيجزيك خير عليها، و هيعوضك افضل منها بكتير أوي بس خليك في طريقه، و خليك فاكر إنه مفيش حجج هناك .

{ وَأَمّا مَن خافَ مَقامَ رَبِّهِ وَنَهَى النَّفسَ عَنِ الهَوى }{ فَإِنَّ الجَنَّةَ هِيَ المَأوى }[ النازعات ٤٠ : ٤١ ]



#موضوع_كل_جمعة

الحب الأول ليس أول مرة دق بها قلبك، الحب الأول هو أكثر مرة أحب فيها قلبك وشعرت في محراب هذا الحب أنك تعيش بحق، لذلك لم يخطئ الشاعر حينما قال وما الحب إلا للحبيب الأول، بل أنتم من أخطأتم في تحديد من هو الحبيب الأول.

لِـ نيرة عبدالناصر

في طريق رحلتك هناك لافتات ترشدك للمسار الصحيح..
وفي طريقي اتّبعتهم جميعًا حتى وصل بي الحال لعينيكِ.

- كريم عبد العزيز

"إن المرء يُمكنه أن يُنقذ الآخر فقط بمجرد تواجده ولا شيء آخر سوى ذلك."

- كافكا إلى ميلينا

"تبدأ حياتك مُحاولًا فهم كلّ شيء، وتنهيها مُحاولًا النّجاة من كلّ ما فهمت."

- فرانز كافكا

"إذا كنت لا ترى أي عيوب في شخصٍ ما فقد وقعت في الحُب أيُّها المغفل."

- تشيخوف