أنا ما بطيقش الناس اللي مالهاش عزيز
الناس الخسيسة اللي في لحظة ممكن تقلب عليك
وتنكر خيرك وكل حاجة حلوة شافوها منك،
زمان ما كنتش مصدق إن في ناس كدا ،
لكن للأسف شوفت بعيني ناس ما تعرفش يعني إيه عشرة
وعادي جدا ينسو معروفك وقعدتك والضحك اللي ضحكتوه
في يوم مع بعض، وفجأة يتحولوا لأسوأ أعداء
تلاقيهم يجيبو في سيرتك بالكدب ويحاولو يكرهو
الناس فيك بكل الطرق.
لا عملو حساب للعشرة ولا حتى للعيش والملح.
والنوع دا من الناس النبي وصفه وقال:
"إذا خاصم فجر"
فحقيقي الله يعين الناس الناقصة دي على نفسها .