اسأل جواهرجي

@askkareem

اسأل جواهرجي كريم سعيد

اسأل جواهرجي (Arabic)

إذا كنت تبحث عن مصدر موثوق للحصول على إجابات على أسئلتك واستشاراتك في مجالات متنوعة، فقد وجدت المكان المناسب! قناة 'اسأل جواهرجي' هي المكان الذي تحتاجه. هنا، يقدم لكم كريم سعيد، المعروف بـ 'جواهرجي'، خبير متخصص في مجالات مختلفة، فرصة لطرح أسئلتكم والحصول على إجابات واضحة وشافية. سواء كنت تبحث عن نصائح في الحياة اليومية، أو تحتاج إلى استشارة في مجال العلاقات العاطفية، أو حتى تريد توجيهات حول مجال الأعمال، فإن 'اسأل جواهرجي' هو القناة التي ستلبي احتياجاتك. جواهرجي ليس فقط مستشار، بل هو صديق يهتم بمساعدتك وتقديم النصائح المناسبة في الوقت المناسب. لا تتردد في الانضمام إلى هذه القناة الرائعة واستفد من تجربة مميزة في الحصول على الحلول والإرشادات التي تحتاجها.

اسأل جواهرجي

22 Nov, 23:48

معلومة علي الماشي

علشان تعرف الدهب متسعر جرامه علي دولار من ابو كام اعمل الحسبة دي بمنتهي البساطة وبدون تعقيدات

اولا شوف سعر الذهب كام ولنفرض ٣٨٠٠ج عيار ٢١ محلي

ثانيا اضرب سعر الجرام ده في وزن الاونصة (متحيفه عيار ٢١) ٣٥.٥٥جرام

ثالثا اقسم الناتج علي سعر الاونصة العالمية في الشاشة

٣٨٠٠ج×٣٥.٥٥جرام÷٢٧١٥$ = الناتج ٤٩.٧٥ج للجرام الواحد

تاخد بقي الناتج ده وتقارنه بسعر البنك .. لو هو اعلي من سعر البنك يبقي مؤشر ليك (من ضمن ال٣ اللي كتبتهم في البوست قبل اللي فات) بالبيع اكتر من الشراء

ولو السعر اقل من سعر البنك يبقي مؤشر من مؤشرات الشراء

#جواهرجي
#كريم_سعيد

1,746

اسأل جواهرجي

12 Nov, 08:50

اتعامل مع الذهب في العموم كمعاملة وسائل الامان في السيارات

لما تشتري عربيه فيها وسائل امان بتظهر اهميتها بقوة جدا وقت المأزق الفارق بين الحياة والموت

واللي محفظته الادخارية او الاستثمارية مفيهاش ذهب ولو بنسبه .. وقت ما تحصل معمعه او زلزال اقتصادي هيدور علي وسيلة امان لكن مش هيكون ده وقت بحث وانما وقت ان وسيلة الامان تعمل دورها وتحميك وتحمي مدخراتك

هبوط العالمي ل ٢٦٠٠ بمعدل هبوط ١٨٠دولار وكذلك السوق المحلي بمعدل ٢٠٠ج للجرام وصولا ل ٣٦٥٠ج بيفتح الباب لمزيد من الادخار لمن يملك الذهب او بداية الادخار لمن سيبدأوا مشوار التحوط

#جواهرجي
#كريم_سعيد

3,802

اسأل جواهرجي

11 Nov, 07:33

نصاب زكاة الذهب ٨٥جرام عيار ٢٤ فبالاسعار الحالية قيمته هتكون (٣٦٤،٢٨٥ج) ثلاثمائة واربعه وستون الف ومائتان وخمسة وثمانون جنيها

فمن يمتلك ذهب حاليا بالقيمة دي او فلوس سايله كاش ومر عليها سنه وجب عليه اخراج الزكاة وهي ربع العشر او ٢.٥% وقيمة الزكاة (٩١٠٧ج)

ولو مجموع ما يملك المسلم من اموال كاش وذهب وفضه مدخرة او سلع بيتاجر فيها (عروض تجارة) بلغوا النصاب ومر عليهم سنه هجرية فيطلع زكاته ويطهر امواله

#جواهرجي
#كريم_سعيد

3,951

اسأل جواهرجي

07 Nov, 20:27

الفدرالي الامريكي اقر بتخفيض الفائدة ٢٥ نقطة اساس ..

وهذا يعتبر الخفض الثاني هذا العام في اجتماعين متتاليين

الذهب عالميا انطلق بقوة ناحية ال 2710$ بعد الخبر مباشرة

ومحليا صعد لمستويات ال ٣٨٠٠ج مرة اخري

#جواهرجي
#كريم_سعيد

5,215

اسأل جواهرجي

01 Nov, 23:49

خلينا متفقين علي كام نقطة كده علشان الامور تبقي واضحة قدامنا في شهر نوفمبر ٢٠٢٤

اسعار الذهب عالميا في قمم تاريخية والشاشة داخله علي ال ٢٨٠٠ دولار والسوق بقاله عشر شهور اتجاه صاعد والتوقعات ل ٢٩٠٠ او ٣٠٠٠ للاونصة فموجات التصحيح واردة لكن الاتجاه العام صاعد

محليا اسعار الذهب متماشيه مع الاسعار العالميه وفي فرق اقل بحوالي من ٣٠ج ل ٥٠ج عن سعر الجرام نظرا لاستمرار تصدير الذهب .. ومع اول موجة طلب عاليه علي الشراء هنلاقي الذهب ارتفع محليا وانفصل عن الشاشة في رينج ال ١٠٠ج غير ال٥٠ج مرة واحده زي ما حصل من كام شهر

شهر نوفمبر مليان احداث واهمها انتخابات امريكا ونتايجها .. حقا العالم علي صفيح ساخن

اخيرا توقعي الشخصي لو الذهب مسك ال ٤٠٠٠ج هيدخل في ثقب اسود هينقله لمستويات ال٥٠٠٠ج في لمح البصر (بسبب احداث بره وجوه)

النصيحة الحالية "تحوطوا" فقط لاغير .

#جواهرجي
#كريم_سعيد

6,211

اسأل جواهرجي

31 Oct, 13:01

يا أم نياظي صحي نياظي وقوليله

الدهب رجع ب ٣٨٠٠ج من تاني

ولسه السنة ماخلصتش فاضل فيها شهرين

#جواهرجي
#كريم_سعيد

5,187

اسأل جواهرجي

23 Oct, 11:47

نشتري دلوقتي ولا نستني ؟ السؤال المعضلة الابدي الازلي 😁

هقولك علي ٣ حاجات تراقبهم وتقييم السوق من خلالهم وتحدد لنفسك هل ممكن ادخل اشتري ولا ادخل ابيع ولا اقعد اتفرج عليه واجيب فشار 😅

دائما وابدا اسعار الذهب محليا تتأثر ب٣عوامل رئيسية .. عد معايا

١ سعر الشاشة العالمية
٢ سعر الصرف محليا
٣ العرض والطلب (حالة السوق)

نيجي نبص بقي بالميزان ده ونشوف نلاقي حاليا سعر الشاشة في السما ٢٧٥٠ دولار للاونصة وده ليس سعر شراء

وبعدين سعر الصرف المحلي نلاقي مدار ومتحكم فيه واقل من قيمته وده سعر جيد للشراء

وبعدين العرض والطلب في السوق حاليا نلاقي ان الطلب قليل والعرض كتير والسوق حاسب سعر الذهب بأقل من تمنه بحوالي ٣٠ج ل ٥٠ج وده فرصة جيدة للشراء

يبقي كده عندنا عامل الشاشة الخارجيه بتقول لأ زي الحاج عباس الضو كده 😁

وعندنا عاملين تانيين بيقولوا .. يلا بينا زي باسم سمرة كده 😁

يبقي لو معايا مبلغ اشتري بالتلتين دهب وأجل تلت لحد ما ال٣ عوامل دول يتغيروا ويدوا اشارة اما بالبيع او بالشراء مجددا

الكلام ده بالنسبه للناس اللي اول مرة هتشتري دهب .. اما الجمهور الذهبي فالكلام تحصيل حاصل لهم 🤓

#اسأل_جواهرجي
#مجوهرات_تبارك_بالمعادي

6,327

اسأل جواهرجي

23 Oct, 09:13

اعادة نشر فقط ليس الا ..

#جواهرجي
#كريم_سعيد

5,211

اسأل جواهرجي

18 Oct, 14:35

هل سيتم تحريك سعر الصرف يوم ١ نوفمبر القادم ؟ وكم مقداره لو اتحرك ؟

#جواهرجي
#كريم_سعيد

7,466

اسأل جواهرجي

18 Oct, 09:27

عاجل ..

قمة عالمية جديده للذهب وكسر حاجز ال 2700$

وارتفاع الجرام محليا الي ٣٦٧٥ج

#جواهرجي
#كريم_سعيد

7,395

اسأل جواهرجي

22 Sep, 20:06

للتذكرة اعلي قمة للذهب محليا هذا العام كانت اواخر يناير حيث سجل الجرام عيار ٢١ وقتها ٣٨٠٠ج ثم بعدها حصلت هرجله في السوق بسبب حملات الاعتقالات والقبض علي تجار الخام بالسوق مما ادي الي تضارب في الاسعار اضطرت بعض اصحاب المحلات الي الاغلاق التام لحين استقرار السوق

وقتها بدأ تحديث الاسعار بعشوائية شديده يغلب عليها التحوط وصل الي ٤٠٠٠ج و٤٢٠٠ج لكنه ليس تسعير سوق وانما تسعير فردي عشوائي

ثم بدأت الامور تهدأ وتم عودة التسعير ل ٣٨٠٠ج مرورا ل ٣٦٠٠ج ثم بعد اخبار رأس الحكمة انخفاضا ل ٣٠٠٠ج و ٢٩٠٠ج ثم العودة التدريجية الي ٣٥٥٠ج حاليا بسبب ارتفاع الشاشة العالمية مع ثبات نسبي في سعر الصرف محليا

ده كده ملخص الثلاث ارباع من هذه السنه الحالية

والربع الباقي من هذا العام لن يكون أهدأ من اخواته الثلاثه السابقين والله اعلم

#جواهرجي
#كريم_سعيد

10,071

اسأل جواهرجي

18 Sep, 18:22

عاجل ..

الفيدرالي الامريكي خفض الفايده نصف بالمئة

#جواهرجي
#كريم_سعيد

8,842

اسأل جواهرجي

12 Sep, 20:34

قمم قمم قمم ... عالمية

2560 $ للاونصة

#جواهرجي
#كريم_سعيد

10,621

اسأل جواهرجي

16 Aug, 19:22

عاجل ..

2500 $

قمة جديده عالميه

#جواهرجي
#كريم_سعيد

13,291

اسأل جواهرجي

09 Aug, 17:28

ادخل اشتري دهب دلوقتي ده السعر كل ٥ دقايق بيزيد ؟!

لو عرفت سعر الذهب بيزيد ليه هترتاح ..

الذهب بيزيد علشان عليه طلب كبير اكبر من طلبات الافراد المعتاد مع نقصان في خامة الذهب المعروض محليا نظرا لتصديره الشهور اللي فاتت مما ادي لارتفاع سعره بطريقة متسارعه

ووصل الفرق في تسعير الذهب لجنيه ونص عن سعر البنك .. ومع انتهاء الطلب وعودة الامور لمجاريها سيعود التسعير لما كان عليه مادامت الشاشة عند نفس مستوياتها الحالية (الا لو قواعد المشهد اتغيرت في السوق محليا) ونرجع لمستويات ٣٣٠٠ج مثلا مرة اخري

استنتاجا مما سبق .. في التأني السلامة وفي العجلة الندامة 😁 ولو قلبك جامد شويه وبتحب تضارب يبقي تدخل السوق بايع مش مشتري بس طبعا تبقي عارف اصول المضاربة ايه ..

#جواهرجي
#كريم_سعيد

14,101