#ОФИЯТ
ОФИЯТ УЛУҒ НЕЪМАТ !!!
Офият сўзи саломатлик, тинчлик, хотиржамлик ва эсон-омонлик каби маъноларни ифода қилади. Унинг акси эса, бало-офатдир. Шунинг учун ҳам Пайғамбаримиз соллаллоҳу алайҳи васаллам ўз умматларига Аллоҳдан, дунё ва охиратда авф ва офиятни сўрашликни буюрдилар.
Имом Термизий ривоят қилган ҳадисда Абу Бакр розияллоҳу анҳу айтадилар:
"Росулуллоҳ соллаллоҳу алайҳи васаллам минбар устида туриб, йиғладилар ва: "Аллоҳдан авф ва офият сўранглар. Чунки, кишига иймондан сўнг, офиятдан кўра яхшироқ нарса берилмаган", дедилар.
Уламоларимиз, Пайғамбаримиз соллаллоҳу алайҳи васалламни, умматларининг келгусида фитналарга тушиб қолиши, уларга шаҳват ғолиб келиши ва уларда молу-дунёни жамлашга ҳирс ва мартабага рағбат пайдо бўлиши йиғлатган эди, дедилар. Бежиз, уларга фитналардан омонда қолиш учун авф ва офият сўрашларини буюрмадилар.
Авф гуноҳларни ўчириш, айбларни беркитиш ва у сабаб азобламасликдир.
Офиятнинг маъноси эса, саломатлик дегани, яъни дини фитнадан, бадани ёмон касалликлардан ҳамда шиддатли балолардан саломат бўлишидир.
Кишида тинчлик, хотиржамлик ва саломатлик бўлиши, касаллик ва турли балолар ҳамда фитналардан ўзи ва аҳли ҳамда моли ҳам саломат бўлиши демак, бу офият экан.
Яна бошқа бир ривоятда, бир киши Набий соллаллоҳу алайҳи васалламнинг ҳузурларига келиб: "Эй, Аллоҳнинг Расули, қайси дуо афзал?" деди.
У (Пайғамбаримиз соллаллоҳу алайҳи васаллам): "Аллоҳдан дунё ва охиратда офият ва муофот (саломатлик)ни сўрагин" дедилар. Иккинчи куни келиб: "Эй Аллоҳнинг Расули, қайси дуо афзал?" деб сўради.
У (Пайғамбаримиз соллаллоҳу алайҳи васаллам) унга, шунга ўхшаш (гапни) айтдилар. Сўнг учинчи куни ҳам келди. Шунда (Пайғамбаримиз соллаллоҳу алайҳи васалламзот соллаллоҳу алайҳи васаллам) унга шунга ўхшаш (гапни) айтдилар ҳамда: "Аллоҳдан дунё ва охиратда офият ва муофот (саломатлик)ни сўра. Агар сенга бу дунёда ҳам, охиратда ҳам офият ва муофот (саломатлик) берилса, нажот топган бўласан", дедилар".
(Имом Термизий ва Ибн Можжа роҳимаҳумуллоҳ) ривоят қилдилар
"Нажот топиш" дегани, барча нарсада, динда, жонда, яшашда ва бошқасида саломатлик топишлик ҳамда охиратда хавфдан қутилиш, мақсаднинг ҳосил бўлиши ила зафар топишлик, деган маънодадир.
Ҳадиси шарифдаги муофот саломатликдир яъни, унинг баъзи бир кимсаларни фитнага аралаштириш оқибатларидандан, саломат қолишидир.
Демак, дуонинг афзали авф ва офият ҳамда муофот яъни саломатлик сўрашлик экан. Келинг, азизлар Роббимиз Аллоҳга муҳтожлигимизни изҳор қилиб, дунё ва охират ишларида офият беришини сўраб дуолар қилайлик.
Холид ибн Валид жоме масжиди имом хатиби Олимжон домла Рахимов
♻️ Дўстларингизга ҳам эслатинг!!!
@Asaka_xolid
Каналга уланиш учун линк устига босинг 🔽 🔽 🔽
@Olimvamutaallimuz
