يوميات بنوتــــة شيـــخ 🤍👑

بعيدا عن الوهم والحياة الورديه بعيدا ع المجاملات والعالم المنافق
واقع ملموس بالنسبة ليا لما حد يرتبط بحد مش معناها وفرض ان يتزوجو بعض ره ،لا
بغض النظر عن اي شي
هي بتشوف شن يمشي معاها
وهو بيشوف شن يمشي معاه
متجيش لوحدة عايشة حياتها علي حل شعرها وتفرض عليها حاجات انت تبيها لانك تبيها في حياتك الشي اهوا حينقلب ضدك في يوم وتطلع انت المعقد والنفسية وما الا ذلك
ومرات حتي وهيا معاك تبدا ادير في هلبا حاجات من وراك
ومتجيش انتي البنت لحد ذابه ذاب حاله وتقوليله نبي ونبي ويوم يوقف هو كل شي ويوخر اطلعيه وهمي ومش راجل ره أصعب شيء عالراجل ان يعجز في موقف وميقدرش يدير شيء فيه وحتي لو يبيك حيوخر تقديرا لنفسه كل واحد يعرف قدر نفسه ويمشيله
حتي لو كان الموضوع يوجع بس وجع توا خير من وجع بعدين
متفرضوش روحكم علي حد هو مش قادر يستوعبكم
الحياة هكي والواقع والمنطق وكل شيء سليم هكي متحملوش حد حاجة هو مش قدها
حطو النقاط علي الحروف من الأول حاولو متكونوش متصنعين بش ترضو الطرف المقابل حبل الكذب قصير وياما منهم عانو واكتشفو عيوب بعض بعد ماجابو صغار
اقبل إنك تجبد روحك احسن من إنك ترضى بشيء انت متبيشي ♥️.

خايفة عليك مِن غدوا أنه يجي بدوني، خايفة من اليوم الي تفتح فيه عيونك ومش حتلقاني جنبك حتى لو كنت في الجانب الآخر من العالم، لأنك ساعتها مش حتكون في قلبي! خايقة من اليوم المصقّع الي حتطلع فيه وأنا منكونش موجودة باش نحرّض عليك تلبس كويس، ومن النومة الي بعد الخدمة وأنت مقوي المكيف وأنا منكونش معاك باش نحلفلك إنك تنقصه، ومن عركات الشارع الي حنخليك تعد فيهم من الواحد للعشرة باش متغلطش، خايفة عليك من الوقت الي مش حنكون فيه معاك لما تبي من يسمعلك، من لحظات الأنكسار الي مش حنكون فيهم قوتك، من الأيام العادية الي مش حنقدر نصنعلك فيهم الفرق، خايفة عليك من روحك! لما الدنيا تتسكر قدامك، ويتساوى في عيونك كل أزرق وأخضر وأصفر وبنفسجي في الدنيا لرمادي، لما تختفي ضحكتك لأنك معاش ضحكت عليا كيف نتدلّع عليك، ولما تكبر فجأة ملامحك لما معاش تلقاني في كل صورة متغزلة فيك، لما تفقد حِسي ومعاه تفقد حِس العالم كله، لما كل ما فيك يمشي للطريق الي ترفعلي ولما توصل ما تلقانيش..

خايفة هلبا عليك لما الحُب يولي كُره، وتبدأ مش طايق حتى إسمي قدامك ينقال.. لأنه
"لك عُذرك
مَن منا يحب أن يرى هزيمته تمشي على قدمين!"

#من_الخاص
صاحبي يحكيلي امس
قالي من امتى وعيت عالدنيا وامي حامل
ديما حامل يا ترضع يا حامل لحد ما درت شنابات وامي تجيب في الصغار خشيت الجامعة وامي تجيب في الصغار تخرجت وامي تجيب في الصغار المشكلة لما ترقد دايرين بيها بناويتها من كل الاتجاهات ماعرفتش امتى تتلاقى هيا وبوي..
هوا حوشنا دارين ومربوعة
كل دار راقدين فيها اربعة
والمربوعة فيها اني وخوتي الاولاد
ومع هذا الخانب يغلب العساس..
وبوي راجل موظف مستواه خمسة وعشرين اعدادي ديما مبتسم وباله واسع وواخد الحياة ببساطة
يروح من خدمته يتغدى ويضربها نويمة للعصر وبعدين يطلع يطلفح من مرشبيدي لمرشبيدي وخلاص..
وصلو خوتي اربعطاش ولا يزال الانتاج مستمر
قريب نشد بوي ونلصقه عالحيط نقوله خلاص ياحاج..تربح ياحاج..ارزن ياحاج. فكنا ياحاج شن في!؟
مرة امي جابت زوز تواما بوي قعد يومين يبكي من الفرح
يحساب روحه دار انجاز
يحساب روحه اكتشف زوز كواكب جديدة في المجموعة الشمسية.

المهم...
لقيت روحي كبير العيلة وعندي تمانية خوات بنات وستة ولاد
وبدل ما نلهى في مستقبلي قعدت حاصل في خواتي وخوتي
ارفع هادي للثانوي ورد هادي للجامعة واشري لهادي كندرة واسحب لهادي شيتات
وبوي مستمخ ومزاجه جميل ما يندري عليها منين زارقة والمقولة الخالدة الي يردد فيها كل يوم (العبي على ربي وعليك يا ولدي وخواتك امانة في رقبتك..)
فاتحلي معمل تفريخ وعابي عليا .؟؟
تحسابني وزارة الشئون الاجتماعية عابي عليا..؟؟
توا بالله كيف نتفاهم معاه..!!!

مرتب بوي محدود ولقيت روحي من الثانوي نخدم باش نساعده في المصروف
فرشت بالقفاطين والكنادر
نظفت الحوت وبعت السردينة
شريت تاكسي بالتقسيط وخدمت عليها
اجرت محل وبعت الدجاج واللحم وطبعا خوتي الاولاد خدمتهم معاي تقولش ولادي.

وبوي زعميتك مفتخر بيا وكل ما يشوفني خشيت مشروع جديد يفرح ويمشي يجري يجيب عيل جديد..

بعدها خواتي كبرو وجوهم الخطاب
كل وحدة تتجوز تبي حفلة وصالة وجهاز وبوي ولا على باله..

نقعمز اني وامي وخواتي نخططو للعرس يخش علينا ويوقف مبتسم بفخر وسعادة ويتسقد للمرشبيدي واثق الخطوة يمشي ملكا..
خواتي الزوز الكبار تزوجو وجابو صغار وامي قاعدة تجيب..

لكن سبحان الله..

من اول ماعرفت الدنيا عمره القرش ما نقطع من جيبي
ديما عندي فلوس وديما فيه فائض وحتى نتسلف ونضطر نخش في الدين لما نجوز خواتي بعدها بشهور بسيطة نخلص ديني..

وحتى اني تجوزت ودرت صغار
صح تجوزت كبير لكن الحمدلله مافاتني شي.
جبت زوز بنات وستوب خلاص
نعمة من ربي وسادني زوز بنيات
لما امي تقولي ربي يملا عليك الحوش ولاد نقوللها بعيد السو..امالا تحسابيني بوي..!!🤣😂

كرت40 تاني بالعافية عليكم🫶

♥️♥️

كرت 10 تاني بالعافية عليكم🫶

انسخ و عبي طول ✅

1205515961412441

جااهزون؟

زعما مني حيكون حليف الحظ 🥹

شوي وبنزل كرت 40 🔥🔥🔥🔥

جهزوووو روحكم

كرت 10 تاني بالعافية عليكم🫶

انسخ و عبي طول ✅

7200540748516

كرت 10 بالعافية عليكم ❤️

انسخ و عبي طول ✅

5590161992247

كرت مدار 5 اول وحده تعبيه ✅

عافية عليكم ❤️

انسخ و عبي طول ✅

2360504523348

عقلي مشوش مانعلمش هل اني السبب ولا من الناس!!
لاكن ماكنتش شخص ظالماً بقصد ف يوم من الايام.

كل مرة نخسر شي بسبب اختيارات مانعلمش هل هما كانوا يستحقون كل م مادرته علي خاطرهم ، ولا انا من الي مانستحقهمش
يلا مشموضوع كل هذا ماعاد يهم

مافيش شي ف هذا! يستحق اصلا ، الي يستحق حقااا والزعل علخاطره هو والوقت الي ضيعته معاهم.

وماذا عنها!!
كانت اول من حبيتها بصدق وكان كل شي فيها قنين ضحكتها عيونها صوتها وطريقة كلامها
وماكنتش نعلم ولاكن ديما نقول ماكنتش نستحقها، ولما خسرتها ماطلبتش منها العودة
يمكن لو اننا تحاسبْنا علي اخطائنا وقتها موصلناش ال هذه المرحلة ،
نستاحش فيها من وقت لاخر ومع هذا من البداية كنتْ نعلم انها مش من نصيبي
*وماكنتش نبي ف يوم من الايام ان نخلي من كلامي شي يشوفوه الناس ولاكن مانعلمش شن خلاني نكتب كلامي
هل هو راحة ولا فرح ولا الحُزنْ ولا خذلان ولا شني؟

كم نفر تمني مكانك ،وهوا كُل هذا صار؟
يمكن اني ف حُلم طويل مش حيكمل وخسرت هلبا.

من ناحية خسرت صحابي علخاطر الضغوطات .
هل اني كنتْ السبب ولا هما ماقدروش يتحملوني
لما كنت مستحقلهم امس ماطلبتش حد ان يقعد معاي ، حتى لما مشو وانا بِأمس الحاجة ليهم ماطلبتهمش يقعدو معاي

اللهم نعوذ بك من غدر المقربين وشماته المتربصين وكيد الصامتين وقلوب الحاقدين.