قصيّد و طواري

‏«أولى الناس بي يوم القيامة أكثرهم صلاةً علي»
‏اللهم صلِّ وسلم على نبينا محمد

تعال وتذرّا بي أنا لـ ضيقتك ذبّاح
‏وأنا المحيي فـ وجهك تعابير نسيانك

‏ملكت الحبيب اللي يوّقف معك ماطاح
‏ومن وقفته طيّح لك حظوظ عدوانك

‏تعال اسرد همومك على قلبي المزّاح
‏انا أولى فـ سماعك من خويّك و جدرانك

«إنَّ للهِ نَفحاتِ رحمه تُصيبُ
‏المُكثِرين مِن الصَّلاةِ على النَّبيِّ ﷺ»

‏اللهم صلِ وسلم على نبينا محمد

‏"تشتدّ يا وقت .. واصراري هو اصراري"
نهج مساعد الرشيدي رحمة الله عليه

‏فصل الشتا ردّ السلام وساق ذعذاع البراد
‏ورحّبت به .. وأنا الهبوب الباردة محتاجها

‏"على ذكرى الغرام وشرهة الغالين للغالين
‏بعد قفت وسومك واجدبت خضر البساتيني

‏ضميتك بعد طولت الغياب ولا غفت لي عين
‏وأنا لو أنت بحري وأشربك ما أظن ترويني

‏أنا ما أعاتبك ليش الجفا لأني أعرفك زين
‏لكنّي لا كتبت الشعر في مثلك يسَّليني

‏أدور لك عذر بين الظروف وسجة السالين
‏وأدله خاطري في كل لحظه بينك وبيني

‏عسى الله لا يعيد الضيقه اللي في مسا الأثنين
‏بعد ما جرَّحتني من فراقك ودِمعت عيني

‏هذاك اليوم ليّنت الخفوق اللي حشى مايلين
‏لو تلين الرجال اللي على الشدات قاسيني

‏رحلت وضاقت الوجهات الأربع قلت أجيك منين
‏ولا به غير درب لو سلكته؟ ما يوووديني

‏تغانمت الطريق اللي يجي بيتك من الصوبين
‏أحسب إني بشوفك وأحسبن الوقت يمديني

‏تركت الدار بيساري وأخذت أول طريق يمين
‏وأنا؟ شهب العلوم تحدني والشوق حاديني

‏على وصل الهنوف اللي تمخطر بين حين وحين
‏مرابعها القصيد وبيتها بين الشرايني

‏نبت في وصلها توت المحبة والكرز والتين
‏وتمايل كل غصن يشوّقه ندف الرياحيني

‏عليها يمين ما تنسى الغلا ولها علي يمين
‏ما ينقص من غلاها شي دام الله محييني"
‏- محمد مريبد العازمي

والله إني في هواك العفّ راضي
‏مثل ما يرضى -السعودي- عن بلاده

23 December 🇸🇦

كل بعدٍ عنك مر وكل قربٍ منك حالي
انت ابو كل الشعور من القلق لـ الطمئنينه

والله انه ما يمر اليوم لين تمر بالي
آه من وجهٍ يشع النور مع طلّة جبينه

وين أبهرب منك وأنت العابر اللي صار غالي؟
مرّني معجب وخلاني من أكبر معجبينه

اجرح اجرح يا وسيع المحجرين ولا تبالي
انت عينك يا حبيبي لاجلها تكرم مدينه

خابر ان قدك رهيف وخابر ان وجهك خيالي
وخابر انك ماخذ من الريم لفتاته وعينه

ما لقيت لوجهك اشباهٍ على مر الليالي
حطه الله نسخةٍ وحده ولا حط أربعينه

"من يصدّق بـ إنهيارك خلف هالوجه الصبوح؟ وضحكتك تسبق بكاك .. وبسمتك تسكن فمك"

‏«خلّه يقال إن فيك كِبر وتغلي
‏ولا يقال إن فيك ذلّ وضعافه»
‏— عبدالله بن سعد

‏الربـّوع —— 1ربيع أول
‏" الله يجعل أيامنا ربيعٍ في ربيع "

جعلنا لا بيّنت شمس الصباح المستنيرة
‏يتداول ذكرنا بـ الطيب والفعل المشرف

‏تعال وشرهة غيابك على بالٍ ما تطري فيه
‏انا اللي يبين حضورك بعيني قيمة غيابي

كل بعدٍ عنك مر وكل قربٍ منك حالي
انت ابو كل الشعور من القلق لـ الطمئنينه

والله انه ما يمر اليوم لين تمر بالي
آه من وجهٍ يشع النور مع طلّة جبينه

وين أبهرب منك وأنت العابر اللي صار غالي؟
مرّني معجب وخلاني من أكبر معجبينه

اجرح اجرح يا وسيع المحجرين ولا تبالي
انت عينك يا حبيبي لاجلها تكرم مدينه

خابر ان قدك رهيف وخابر ان وجهك خيالي
وخابر انك ماخذ من الريم لفتاته وعينه

ما لقيت لوجهك اشباهٍ على مر الليالي
حطه الله نسخةٍ وحده ولا حط أربعينه

محمد المقحم🤍

"مثل راحه يدينٍ صافحت قبلك نسيج الصوف
‏عشان تحس وش معنى الدفا لا مدَّت شعوره"

احسب اني كل ما طالت المده سليت
‏وأثر قلبي لو يطوول المفارق ماسلا

‏كل ما عرض خياله على بالي بكيت
‏" آه يا ذيك الليالي ويا ذاك الغلا "

حبيبي ما معي إلّا .. خفوقٍ ما يبي فرقاك
‏وقصيدة تفضح أشياء عن عيون الناس مستور

لله دَرّي على الصبر وعلى الإعتياد
‏أواجه الوقت صلب وخاطري ما حكى

‏أنا أكثر إنسان تشكي له قلوب العباد
‏وعلى كثر ما يواسيهم .. ما عمره شكى

تجيني ضحكتك في بالي المرهق المرتاب
مثل لفحة النسناس في وجه متوضي
حبيبي ما نسيتك يوم ولا فيها زعل وعتاب
امر فرقاي لا بده مع انه حيل ممرضني

فمان الجرح.. لا والله فمان أحزاني الكبرى
‏فمان أغلى اربع سنين مت فيها عشان أعيش

عطاني علومه كل ابوها و رحت و راح
‏ولا طحت من عينه ولا طاح من عيني
‏ياليته جرحني قبل يقفي عشان ارتاح
‏ولا قال عند موادعه لا تخليني
‏لكنها ظروف محكمه و الظروف شحاح
‏مصير القدر يرضيه قدام يرضيني
قطعت الرجاء من يوم برق الموادع لاح
‏وغدت كل حاجه ماتبكي تبكيني
‏على اللي برى حالي غيابه وسدي باح
‏اكابر وازيف ضحكتي والبلاء فيني
‏بقى له معي صورة عن البال ماتنزاح
‏حفظها غلاه اللي جرى مع شراييني