الفيزياء الطبية مع الأستاذ عمرو الحبش - تحضيرية Professor Medx

🔴 أذكركم بالمطلوب منكم اليوم:
- طلاب الخطة 1 و 2: عنا دراسة الفصل 13 (بعد ما نخلص 13 مندرس 12 ثم 22 لهيك لا تاكلو هم انو تدرسوه قبل ما تدرسو 12)

- طلاب الخطة 3: عنا دراسة الفصل 9 (من فقرة الليزرات نصف الناقلة حتى نهاية الفصل)
رح نفتحلكم الفصل على التطبيق للجميع حتى تدرسوه ... لهيك يلي مو محمّل التطبيق يحمله مشان يتابع

- طلاب الخطة 4: عنا دراسة الفصل 6 ... يلا عالفرم

بالتوفيق 🌷

🔴 دورات الفصل 9 رح تنزل على قناة الدورات بعد 15 دقيقة
https://t.me/ProfessorMedxPhysicsMCQs/452

يلا يا أشاوس 🔥

برد ومطر وغيوم ... هي أحسن أجواء لدراسة الفيزياء 😂👌🏻

🔴 أذكركم بالمطلوب منكم اليوم:
- طلاب الخطة 1 و 2: عنا دراسة الفصل 12 ... بس لسا ما نزل عالتطبيق واليوتيوب لهيك رح يكون اليوم ترميم للفصل 9 ورح تنزل دوراته على قناة الدورات حلّوها كلكم + مراجعة الفصل 3 يلي رح نفرمو عالقناة بشوية أسئلة ونكشات اليوم المسا

- طلاب الخطة 3: عنا دراسة الفصل 9 (من بداية الفصل حتى فقرة الليزرات نصف الناقلة)
رح نفتحلكم الفصل على التطبيق للجميع حتى تدرسوه ... لهيك يلي مو محمّل التطبيق يحمله مشان يتابع

- طلاب الخطة 4: عنا دراسة الفصل 5 ... يلا عالفرم

بالتوفيق 🌷

🔴 سؤال دورة نكشة انتبهوا عليه:
من الفصل 7 + 8 :
الجواب هو C حيث نختار الخاطئة

متل ما منعرف انو الماء يمتص:
1. التيراهرتز (حيث إنه لا يمكن اختراق المعادن والسوائل، فإن السوائل تمتصه والمعادن تعكسه)
2. المكروية (أكيد وهي السبب بآلية عمل الفرن الميكروموجي)
3. الراديوية القصيرة (وهي نفسها المكروية "تذكر مجال الطيف الكهرطيسي بتلاقيهم بالقرب من بعضهم)

والراديوية الطويلة هي المختلفة الوحيدة التي لا تمتص الماء فنختارها

بالتوفيق 🌷

سؤال دورة أثار الجدل من الفصل 6: 🔥
طبعاً الجواب C
طيب لييييش؟ 🥹

🔵 تعال لنناقش منطقياً الآتي:
عندما ترتفع حرارة الجسم —> تتوسّع الأوعية —> زيادة الجريان الدموي حتى يوزّع الحرارة في العضو (استجابة الجسم)
عندما تنخفض حرارة الجسم —> تتضيق الأوعية —> ينخفض الجريان الدموي

- ماذا يفعل الجسم ليخفّض حرارته؟ يزيد الجريان الدموي حتى يوزع الحرارة على كامل الجسم

- ماذا يفعل الجسم ليزيد حرارته؟ يقلل الجريان الدموي حتى يحتفظ بالحرارة ولا يوزعها

وبالسؤال بدي أعرف شلون الجسم بخفّض حرارته فكان الجواب هو عبر زيادة الجريان الدموي بالجلد

الطلاب يلي درسوا الفصل 3 ... لا تنسوا تدرسو هاد الملف ... تتمة الفصل 3 للنوطة

بوست مسائي ✨
خبروني فيه بالتعليقات عن مشاكلكم العلمية لحتى نركّز عليها ونعالجها مع بعض:
تفضلوا 💁🏻‍♂️

صباح الفيزياء ... هو صباح الخير 🤍:

🔴 تذكير بمخططاتنا اليوم كالآتي:
طلاب الخطة الأولى والثانية:
مطلوب دراسة الفصل 9 كاملاً (حاولوا تخلصوه كامل إن استطعتم) 👍🏻

طلاب الخطة الثالثة:
علينا دراسة الفصل 8 .. قولوا يارب 🌷

طلاب الخطة الرابعة:
مراجعة وترميم الفصل 3 ثم نحل الاختبار على التطبيق 🔥
بدي ياكم كلكم تخلصوا الفصل الثالث ها 👌😁

بالتوفيق يا رب 🤲🏻

رح نأجّل عملية الفرم 😁
شدّولنا حيلكم 🌷

رح نمشي على رأي الأغلبية حتى الكل يستفيد ويتابع معنا 🌷

ملخص:
التصوير بالتيرا هرتز له نوعان عند تصوير السن : ✌🏼

🔴 صورة "لثخانة" طبقة كل من الميناء والعاج عن طريق /"تحليل زمن الطيران"/

🔴 صورة تبيِّن وجود "نخور وتجاويف" سنية بالاعتماد على "/القدرة الامتصاصية"/ للسن لأمواج التيراهرتز تبعاً لمحتواه من المعادن

توضيح السؤالَين من الفصل 7 📝:
الجملة موجودة متل ما هي
نوطة: ص226 السطر الرابع من فوق
كتاب: ص157 الفصل السابع

🔵 التوضيح:
الميناء هو الطبقة السطحية للسن .. والعاج هو الطبقة الداخلية للسن
عندما نقوم بإرسال أمواج تيراهرتز باتجاه السن، يستحيل على السن أن يقوم بامتصاصها ... بل يعكسها فأعود وأستقبل الأمواج التي أرسلتها ... هذه العملية تمت وفق زمن نسميه زمن الطيران
الأمواج ذات زمن الطيران الأقل تعبّر عن الميناء (يعني ما في نخر جعل طبقة الميناء تتآكل)
الأمواج ذات زمن الطيران الأكبر تعبّر عن العاج (يعني ممكن يكون في نخر سطحي لأنو الميناء متآكل والدليل تأخر زمن الطيران عن المعتاد ... حيث تآكلت طبقة الميناء وصار مكانها فراغ مما يدل على النخر)

وبالتالي الجواب (تعبر السن)

النتيجة:
الأسنان السليمة لا تمتص THz ، بل تعبرها ثم تنعكس عنها بزمن طيران محدد

طيب الامتصاص ايمتى بستفيد منو؟؟
للكشف عن النخور العميقة ... متل ما منعرف الأسنان لا تمتص التيراهرتز، بينما النخور العميقة التي هي فراغ داخل السن أو منطقة متآكلة جداً من السن ذات معادن قليلة جداً فامتصاصها أعلى نسبياً من السن السليم

المعادن في السن السليم —> تعكس أمواج التيراهرتز بشكل طبيعي —> امتصاص شبه معدوم
المعادن في سن منخور (قليلة جداً) —> تعكس أمواج التيراهرتز بشكل أقل بكثير —> امتصاص أعلى

🔴 خُلاصة:
من خلال الفروقات بامتصاص أمواج التيراهرتز يمكن التعرّف على النخور العميقة والتجاويف داخل السن
من خلال الفروقات بعبور أمواج التيراهرتز للسن يمكن تمييز الميناء عن العاج + كشف التآكل السني والنخور السطحية

مهما تعثّرت ومهما شعرت أنّك مقصّر
مهما شعرت بصعوبة الطريق
تذكّر أنّ الله تعالى يراك تحاول وتسعى وتجتهد ... وهذا يكفي 🤍🌿

وفقكم الله 🤲🏻

اليوم عالساعة 9:30 دورات الفصلَين 7 + 8 على قناة الدورات
يلا بدنا همّتكم 🔥🔥

https://t.me/ProfessorMedxPhysicsMCQs

معقول بلّشتوا عملي وما عندكم الكتاب؟✨
تفضلوا كتاب العملي المطلوب منكم على شكل pdf

أفضل وسيلة لتمكين معلوماتنا هي أسئلة الدورات 🔥

دورات الفصول من 5 لل 8 رح تبدأ تنزل اليوم عل 10:30

جهزوا حالكم مشان تفرموهم فوراً مع بعض

يلا على قناة الدورات كلكم https://t.me/ProfessorMedxPhysicsMCQs/257