أماكن الفسح والخروج في مصر

خروجه ب ٥ جنية وبس 😍😍
منتزه الطاهرة Eltahra Park

مفيش احلي من الفطار في وسط الشجر 🌳

🌳🎡"حديقه الطاهره" 🎡🌳

تخيل الجمال ده رسم الدخول ٥جنيه 🤩
حديقه كبيره وواسعه ونظيفه ومليانه شجر كتيره والحقيقه انه مهتمين بيها ♥️
وفيها مطاعم وكلهم اسماء معروفه زي
بازوكا
اسماك الحوراني
بسطاويسي
بطاطس وزلابيا
ستار بكس
الرحماني
عز المنوفي
ومطاعم وكافيهات تانيه كتير ♥️

ده غير كمان ان فيها كيدز ايديا⚽️ 🎠

ومدينه ألعاب كلها لعب للكبار والأطفال وبيت الرعب😃🎠🎢🎡
وسعر الألعاب عن طريق شحن كارت بالمبلغ اللي يناسبك وتلعب بيهم 😀

ويوم الجمعه من كل اسبوع بيعملوا حفله فيها تنوره وتخت شرقي وعروض تانية كتيررر وبيتصوروا مع الأطفال والحقيقه فعلاً قضينا يوم متكامل وضحكنا واتبسطنا فيه قوي انت ف مكان هتلاقي فيه اكل ومشروبات وألعاب وتصوير وكل حاجه

المطاعم في الحديقه فطار وغداء 😍❤

مواعيد من ٩ صباحاً ل ١٢ مساءا

العنوان:
منتزه الطاهرة أمام محطة مترو سراى القبة

T.b: Khadija A jabbar 📷

٧ حدايق عامة مجانية تزورها في بورسعيد

١- حديقة فريال 🥳
واحدة من اجمل الحدايق التاريخية ب مصر 🇪🇬 ، ف المكان دة تم حفل افتتاح قناة السويس ، حفل حضرة ملوك 🤴 من دول مختلفة

٢- حديقة المسلة
او حديقة الشهداء ، المكان دة بجد جميل الصبح هتلاقي الاف الحمام تتصور معاهم و باليل هتلاقي تعليم و تاجير عجل و سكيت لاطفال
اجواء من المصيف و الفرحة هتعيشها في المسلة

٣- ساحة مصر
دة مكان مميز جدا ، لانة ب ديكورات كلاسيكية و المكان علي قناة السويس مباشرا ، هتلاقي قعدات مجانية خطيرة و sound system و كانك في قرية سياحية مجانية

٤- الجراج ( دليسبس باي )
هتلاقي كلمة بورسعيد كبيرة ، تقدر تتصور معاها و هتلاقي مطاعم و كافيهات و ماكولات بورسعيد و حلويات. حرفيا دة اكبر فود كورت في مصر

٥- المنتزة
حديقة جميلة ممكن تروح المغرب تتصور هناك او تسهر. باليل في شارع مصر. قعدات شيك مجانية

٦- حديقة جامع السلام
هتقعد في الهدوء و الروقان

٧- ميدان المعديات ببورفواد
قعدة جميلة علي قناة مباشرا و مجانًا

نتمني ليكم اجازة جميلة ببورسعيد 💖👌👌

خروجه بـ ١٠ جنية بس🌿😍

🌳 حديقه الفنون في المنيل 🌳

سعر دخولها ١٠ج

ممكن وانت ماشي في الشارع مش هتاخد بالك من اليفطه من كتر الشجر اللي محاوطها 😂🌿🌳

حديقه كلها علي النيل هتلاقي هناك قعدات خشب وهتلاقي قعدات علي النيل
في الكافيتريا كراسي وترابيزه
اسعار المشروبات هناك كانت ب ١٥ و ٢٠ و ٣٠
وتقريباً دي أشتراها مناسبه مقارنه بأي قعده علي النيل

الحديقه هناك فيها ملاهي صغننه كدة للاطفال واسعارها ب ١٠ و ب ١٥
وفيها واحده للكبار 😃

المواعيد من ٨ ونص صباحا ل١٢ بعد منتصف الليل 🌠

العنوان 📍
شارع عبد العزيز آل سعود أخر كوبري الجامعه المنيل

T.b: Khadija A jabbar 📸