فريق التأسيس فن 💜

من المشاهد المكررة في شهر رمضان إن بعد صيام طول النهار، أول ما نفطر نحس بالامتلاء 🤕
وبالتالي نحس بالكسل 🥱 وإننا محتاجين نفوّق بكوباية شاي أو فنجان قهوة ☕️
فنشرب ونحس بالامتلاء أكتر 🤕

وكل ده في الآخر بيخلينا نكسل أكتر، ونأخر صلاتنا..
فنضطر نصليها بسرعة في آخر وقتها من غير خشوع ولا تركيز ❌️

طب إيه الحل؟

الحل في سُنة رسولنا الكريم ﷺ اللي قالنا: "إِذَا أَفْطَرَ أَحَدُكُمْ، فَلْيُفْطِرْ عَلى تَمْرٍ، فَإِنْ لَمْ يَجدْ، فَلْيُفْطِرْ عَلَى مَاءٍ فَإِنَّه طَهُورٌ."

فنبدأ فطارنا بتمر أو ماء، ونصلي المغرب في أول وقته بخشوع وتركيز، وبعدها ناكل من رزق الله علينا ✅️

طب لو حد جعان جدا، ومعمول أكل بيحبه ونفسه فيه، وهيبقى في صلاته مش مركز عشان عقله مع الأكل اللي بيحبه يعمل إيه؟ 👀

- ياكل الأول، بس بردو بالكمية المعقولة اللي تسد جوعه وتقوي جسمه من غير إسراف عشان يقوم نشيط لصلاة المغرب ✅️

وعينه على الساعة بردو 🕰 عشان الوقت مايجريش، ويقدر يصلي المغرب في ميعادها.

وبعدها يجهز لصلاة العشاء والتراويح، وهو خفيف ونشيط مش كسلان ومُوخم ⚠️

وخلينا دايما فاكرين قول رسولنا الكريم ﷺ: "ما ملأَ آدميٌّ وعاءً شرًّا مِن بطنٍ، بحسبِ ابنِ آدمَ أُكُلاتٌ يُقمنَ صُلبَهُ، فإن كانَ لا محالةَ فثُلثٌ لطعامِهِ وثُلثٌ لشرابِهِ وثُلثٌ لنفَسِهِ."

وبكدا نبقى أكلنا واتبسطنا واتبعنا السُنة وكمان صلينا التراويح من غير تعب ولا كسل ✌🏻

#رتبها_صح ✅

٧ قيم طفلك هيتعلمها لما تخليه يتفرج علي برنامج #رامز_جلال❌

✨الإستهزاء والتقليل من مظهر الغير شئ دمه خفيف:

البرنامج بيصدّر إن فكرة التريقة والتنمر على الناس ده حاجة لذيذة ودمها خفيف، واللي بيعمل كده بيضحّك الناس ويبسطهم.

✨ممكن نإذي ونخوف غيرنا "عشان بنهزر":

ناس بتتبهدل بأي طريقة تحت إطار “احنا بنهزر” أو “ده مقلب” وهيعدي وهنبوس ونحضن بعض ونتصالح لما نخلص؟!

فيه قاعدة أساسية في الهزار أنا باعلّمها ل ولادولازم وهي: “الهزار معناه يبقى أنا واللي قدامي بنضحك ومبسوطين.. مش حد مبسوط والتاني متضايق أو متأذي من هزاري”.

أي حاجة غير كده تبقى أذى، استظراف، تنمر، أي مسمي لكن مش هزار وغير مقبولة.

✨نقدر نتبسط لما نشوف آلام الآخرين:

محتوى فيه تهديد وتخويف بيعلّي الأدرينالين في الجسم وبيزود عند الأطفال الإحساس بالتوتر وبيخليهم عصبيين وهايبر أكتر.

✨العالم مكان مخيف:

بالنسبة للأطفال لحد ٨ سنين محتوى زي ده ممكن يخليهم يحسوا إن العالم ده مكان مش آمن، فيتهدد إحساسهم بالأمان ويخليهم يتخيلوا إنهم ممكن يتعرضوا لموقف زي ده أي وقت من حد غريب أو قريب من باب الهزار أو غيره.

✨بيقلل قيمة التعاطف مع الغير:

برنامج رامز جلال لما يشوفوا فيه مشهد كله عياط واستعطاف ويشوفونا بنضحك ورامز جلال مكمل في اللي بيعمله، ده بيقلل عند الأطفال الإحساس بالتعاطف والشعور بالغير. ويبقى عادي إني أشوف حد بيستنجد ويطلب المساعدة وأقف أتفرج.

"وأعتقد ده احنا شايفينه كتير في جيل النراهقين دلوقتي"

✨التأثير النفسي لبرنامج زي ده مخيف وسيء جدًا على الأطفال والمراهقين:

الدراسات بتقول إن الأطفال اللي بتتفرج على مشاهد فيها أي نوع من أنواع العنف أو الضرب بيوصل لهم إن ده تصرف طبيعي وعادي بين البشر، فبيكون سهل إنهم يبقوا ضحايا وفريسة سهلة لأي عنف أو تنمر.

✨فيه أبحاث اتعملت سنة 1963 بتقول إن الطفل مش بس بيقلد مشاهد العنف اللي بيشوفها في التلفزيون، لا ده كمان خياله بيبتكر ويخترع طرق أعنف يلعب عن طريقها.

بلاش نعرض ولادنا لمحتوى عنيف وبرامج مقالب مؤذية وبعدين نستغرب ونزعل لو لاقيناهم بيأذوا تفسهم أو غيرهم بسببها.

بلاش نستهون ونتخيل إنهم مش هيركزوا واحنا بنتفرج، عشان دي حاجة تأثيرها النفسي ممكن يفضل معاهم طول العمر.

منقول

الحلقه الخامسه من حلقات صنع فى رمضان 🌙💜

📌 المشكلة الخامسة – عدم المواظبة!

🎯 كم مرة قررت أن تجعل القرآن جزءًا من حياتك، لكنك توقفت بعد فترة؟ 🤦‍♂️

كم مرة نسمع: "أنا بدأت قراءة القرآن بانتظام، لكن بعد فترة انشغلت ووقفت!" 🤦‍♂️

كم مرة حدث لك هذا؟!

قال النبي ﷺ: "أَحَبُّ الأعمالِ إلى اللهِ أدْومُها و إن قَلَّ"..

الاستمرارية أهم من الكمية؛ لأن القلب يحتاج إلى غذاء مستمر!
كما قال أحد العلماء: "ليس المقصود الإكثار فقط، بل الثبات والاستمرار هو الأهم."

✍ الحل العملي :
1. اجعل لك وردًا ثابتًا يوميًا.
2. اربط تلاوتك بعادة يومية، مثل قراءتها بعد الصلاة أو قبل الفجر.
3. استخدم تطبيقات القرآن لتذكيرك بوردك اليومي.
4. لا تجعل الشيطان يقنعك بأن القليل لا ينفع، فالقليل المستمر أفضل من الكثير المنقطع!

🌙 رمضان فرصة لبناء عادة يومية مع القرآن، فلا تضيعها!

#المشكلة_الخامسة