كاظم إسماعيل الكاطع

نمـت وكفه شكـف عن لجم الاصفاح

محسن الخياط

جنه مرتاحين ..
ماندري الخبز ياهو اليجيبه
وبطركَ لعب الشوارع
لا جكاير ، لا سياسة ، ولا حبيبه ..

نيتك صافية وتعرف شلون تروح
وتندل يا حلم من ليلك تشگه
صحرة بعين بدوي اتمنى روحي تصير
على حرورة رملها يطگ عشب خلگه
من اشوفك حسّبت حضنك يصير گماط
وتدگ روحك صليب بحضني بالشبگة
وأشد من غيبتك ماصخ طلع ملگاك
اجيت وثگل جدمي ودمعتي تسبگه
انة مالح وأغزّر من ادوس الگاع
شني ما غزرت وياك بالملگه!
رايدلي خلگ يعبر صهيل الليل
علي گامت طيوفك من تجي مدنگة
لـ علي رشم

نـيتك صـافيه وتـــعرف شلـون تـــروح
وتــندل ياحــلم من لــيلك تشــگه .

لـ علي رشم

من صدگ كونك تجينه
نحوي گمرة
وچم نجم صوغة لرجعتك
كون ترجع
نترس البيبان حنة
ونشتل الياس
لضحكتك

لـ غيث الكطراني

لاتخليني
احبك انه ابن فلاح
يربات المدينة ارجوك لاتكرب

جبار رشيد

صافحتني بچف خريفك
نزعتني اوراقي كلها


- لطيف العامري

وتحاسب ع البچي ضليت !
لاوالله اموت اعلة البچي وبالدنيا
مابدلة
البچي شغلي ..
البچي من صبح اگعدلة

علي مهدي

ياشوگ ياهو اليجي لاتوكف بصفنتي محد يدگ الباب
مو تدري چفي ثلج
وخدودهم من شمس
لو اجيسهن بالحلم
تلگاني صم تراب


ذیاب کزاز

وكفو عل جرف من درو غركانين
وموش جفوفهم لو تعرف شمدو
مدو خيط منه العنكبوت يطيح
وكل هذا لمن جلبنه بيه هدو
و صارو مثل ذيج القطره بالكبان
لأهم راكدين ولاهم تبدو

سعد شميل

غلطتک يل جـنت كلشي!
أو مادريت
غلطتک صلحهاا.. بعـدک انت كلشي

لـ مظفر النواب

"اليحبك من صدك
لو سهم يتلگاك
شيلمه الكاع
تزغر لمن تودعه
اليصير مرايتك
يندل حسرتك وين
ويعرف وين بيك
مچورده الوجعه"

علي رشم

خل اشوفج
ماشبعت من امي شوف
روحي يمها ببيتها ظلت تطوف

كاظم اسماعيل الكاطع

بده العام الدراسي وبدت الهموم

كاظم اسماعيل الكاطع

صوفه بحلك مغزل صرت
وشما فرغ يطويني

كاظم اسماعيل الكاطع

أحن لايامك البيهن صدك ونسّه
وخوفي لگلشي ضل منك
بعده وداعتك نفسه
چي ماريد فوكاهن يصير ترآب
الهدايا المنك بكاغدها مضمومات
مافاتحن الهسه …!

- سجاد سالم

اضوگك بالجفن و استطعمك بالروح
واتجمد ببعدك و بهواك انحل

#لاتوديلي_خبر

لا توديلي خبر عن اليتامه
اليتامه اليوم صارلهم ابو

لا توديلي خبر عن اللي غابوا
اللي غابوا يوم هم ردّوا اجوا

لا توديلي خبر عن الماعنده
الماعنده صار عنده و ريّعوا

لا تودلي خبر عن الحياة
الحياة اليوم هم بيهه التهوا

لا توديلي خبر عن الماعدهم
دور باعوا ،، واشتروا

لا توديلي خبر عن اللي نزلوا
نزلوا النوب ،، وعلو

لا توديلي خبر عن الحزين
العدموا من عنده اخواه

ظلت ادموعه اتجاره
لمن ما مل ،، الحصو

عاد سولفلي عله ذولاك اهلنه
اللي عله احبال التيول اتعلّگوا

لا توديلي خبر عن اليتامه
اليتانه اليوم صار الهم ابو

كاظم اسماعيل الكاطع

لبسوا دنياي غيم وفروا
اعليه الحزن داير مداير

كاظم اسماعيل الكاطع

سألوني أعلى گلبي وگلت خالي
وعشت أحساس واحد لا أبالي..

بس ماطوّلت عرفوني مشتاگ
من فكرت بيك بصوت عالي،

لـ عصام كريم