الشاعر علي مالك الموسوي

هاي القناة بيها قصائد السيد علي مالك الموسوي انضموا بيها 🤎

عدمن بلله صارت هاي ننشد يهلل المروه
جاه هيه بعمر خمسين تركض اله بل كوه
ويجبروني اشوف اشلون لمن يذبح الخوه
اصيحن فدوه كوم حسين مايكدر يرد فدوه

ماصارات ولادرات بناس
من بيت هاشم ماسلم راس
وسفه العيون الشالت ام عون
متعيني طفوهن يعباس

منهه وكلبي كاتلني ماضل واحد يفيده
مدري ابجي عله اخوي حسين مدري لركبة اوليده




ماضل كلشي عدهه ام عون جاه غير انذبح كلشي
والمتعوده عل عباس ويامن بعد تمشي
شكلك ها يبعد الراس لو عيني وبعد رمشي
لو روحي العزيزه انت وبعد جبدي وبعد هرشي

شيفيد شوف عيوني الاثنين
لو فاركن طولك يلحسين
مشتاكه لجفوفك يعباس
حمل يكلبي عليهم ونيين

محد يلحك عله الروح كلش خويه مشتاكه
موتدرون المدلل كلش يكتل افراكه



نشرد ماكو عدنه امجان نوكف هدو علينه
ذبينه الزلم للخيل بس جلبنه بعبينه
كلهه اطك تريد ام عون مامش زلمه يحمينه
والتهظم يكون تشوف حال ارقيه وسكينه

حركو عليهن خيمه خيمه
وركضن شكو بل دنيه هيمه
وفترن من الذبح للنار
وحسين جملهن بضيمه

محتاره انه الم بحسين لو لم بعلاوينه
شيفيد الحجي ومكطوع راس حسين والينه



انه الشلع كلبي الكون ياهو الثبت اوتاده
وكلش زين هم يدرون ويعرفونه القاده
هسه علينه صاح الجان مايعرف بمكعاده
ولكم خلصتهه اركاض زينب عمة الساده


صار الحجي موبيد الاجواد
وادم حرام وماكو رداد
بس خلصو من حرك الاخيام
رد علينه بحرك الاولاد

ماعدهم رحم كلساع شالو نحر من ولدي
مردو بيه جبد حسين ..وحسين المرد جبدي



مثل ام عون شافت ضيم رايدلي مرره بلله
توهه تلم ببو فاضل وكطعو راس عبدالله
مالحكت لمن طاح حته اتصيحله اسمالله
حطت عينهه عله حسين كاللهه المعين الله

بعد اختك شسويتو بيه
حته انه كمت ابجي عليه
صارت اثغيب الغاضريه
ونفطر كلب الهاشميه

راح الطم ودك عل راس حد مايعمن اعيوني
انه ام الصبر ياناس بس اعزازي عافوني



محتارين بل عباس ياهو نضمد اجروحه
موبس الزلم ياناس حته الخيمه مذبوحه

ولكم كافي من حسين خلصت بل سحك روحه
وسفه وراية العباس فوك الروس مطروحه


الله ولحد هدو الخيل
وكامت النار بزينب تعيل
كلل الاحبنهم مجاتيل
توجعني كلش جية الليل

سلمت عله اخوتي وكام عباس وهوت عينه

وتعذر حسين يكوم كلش حيل مابينه





علي مالك الموسوي
خادم الحسين

شَافن طَشت رگضن كل قَصدهن مَاي
رادت تَشرب رُقية ولگِت نحَره
صاحَت بُوية شمسووين بالزهرة

كلَشي بوالدي مگطَوع المامگطوع بس عِطره
راسَه بحَضني شتسوي غاد الخيل؟
گالو عِنده زايد ضِلع خنكّسره..

شنَهي المايصَير هناكَ صاير
بحيث اليمَشي لازم يِعثر بَراس
المُصيبة مگطعة وحلوة المناحِر
وشفت اوليد يرفَس توه مَذبوح
شابگ والده ومكَسور خاطر
وزلمة بلايه راس يگوم ويطيح
يگلهم كافي بَس مامش ضِماير
بَس اتخيلَوا وياي الحِسين
ثواب توزع بجسمه العِشاير
بحيث المالحِگ ع السَحك بيه
ياخذ وصله من چوه الحُوافر

متعينكم متعين اهلكم
چا ياهو باجر يوگفلگم؟

مشهد شلع گلبي من المشاهـد
گاع الله شگبرها وواسعة هواي
الشمر چا ليش فوگ حسين گاعد؟

مشهد 💔

حزن جديد 💔

https://youtu.be/o05orQhLtNQ?si=G1-VwLiF7Uwntgmu

- @justswad_bot.

محرم الحرام

عَلي …

عَلي نُخَتنگ ونَحِبك عِوافي
عَلي المَا گالَ لمَن يَطي كافَي