قناة الشاعرة العلويه ام وليد الموسوي

📜قصيدة لمولانا باب الحوائج  موسى الكاظم "عليه السلام"

🎵 على طور قصيدة يمة ذكريني 


موسى ابن جعفر.. ميت أبقعر السجون
شابــحه أعيونـه..للاهل ماضن يجـوون

بالسجن ياحيف چبدة مردوها
موسى ابن جعفر..ميت أبقعر السجون
ــــــــــــــــــــــــــــــ▪️▪️ــــــــــــــــــــــــــــــ
نصبـوو الماتـــم..شايــل اليوم الامـــام
صيحوو ياموسى.. خلصت عمرك ظلام

بطامورة ظلمة  مـــــا يفتحوها
موسى ابن جعفر..ميت أبقعر السجون
ــــــــــــــــــــــــــــــ▪️▪️ــــــــــــــــــــــــــــــ
بطامورة ظلـمة..بچـفه مطبـوع الحديد
ضـل ثلث تيـام.. يشـبه حسين الشهــيد

الكاظم عظامه   من كسّروها
موسى بن جعفر..ميت بقعر السجون
ــــــــــــــــــــــــــــــ▪️▪️ــــــــــــــــــــــــــــــ
الكاظم  أعـظامه..مهشمـة  وهمه ثگيل
ياعظم قصته.. يدعــــي بالصبر الجميل

راهب العترة    جثته أشمروها
موسى بن جعفر.. ميت أبقعر السجون
ــــــــــــــــــــــــــــــ▪️▪️ــــــــــــــــــــــــــــــ
راهــــب العترة..لطمـوو أعليه الصدور
نمـشي الحضـرته..ننصب عـزانه ونزور

نصيح الجنازة مــــا شيعوها
موسى  ابن جعفر.. ميت أبقعر السجون
ــــــــــــــــــــــــــــــ▪️▪️ــــــــــــــــــــــــــــــ
نصيح أعله نعشه..نشيع الميت غريب
عـــالجسر باقي..بالشمس والله عـجيب

اهله بعيده ماخبروها
موسى بن جعفر..ميت أبقعر السجون
ــــــــــــــــــــــــــــــ▪️▪️ــــــــــــــــــــــــــــــ
اهـله بعيده..ادعـوو أبجــد الجـواد
لـــيلة مصابة.. ينـطي للـطالب مــــراد

كل حاجه صعبه   بيــه كلفوها
موسى بن جعفر..ميت أبقعر السجون
ــــــــــــــــــــــــــــــ▪️▪️ــــــــــــــــــــــــــــــ
تمت بقلم خادمة اهل البيت عليهم السلام ام وليــ✍ـد الموسوي، لا اجيز حذف الاسم الفاتحه الى روح والدي ووالدتي

https://t.me/Alalwya

كل الخدم تنهان شفناها بالعين
بس بكرامه تعيش خدام الحسين

اليوم جبتلكم قناة مأتم ام البنين (ع) لنشر القصائد مع الألحان وقصائد فزاعيه وكل شي يخص المجلس الحسيني للانظمام الئ القناة فقط اضغط على الرابط أدناه
👇👇👇

https://t.me/ertlgaaz/19171
https://t.me/ertlgaaz/19171

📜 قصيدة شدة وزن الفائزي لمولانا موسى بن جعفر "عليه السلام"

بطامورة عايش وحّده موسى ابن جعفر
هاليــوم ميــــت بالسجن  چبــدة تفطر
ـــــــــــــــــــــــــ💔ـــــــــــــــــــــــــ
مـوسى أبعبـايـة ياخلـگ  تاليـها ملفـوف
يشبهه غريب المنذبح   نايم بالطفوف
جابوو حماميل اربعه والوادم أتشوف
عظام الچفوف  مهشمه يفجع المنظر
ـــــــــــــــــــــــــ💔ـــــــــــــــــــــــــ
يفجع مصابة ولا جره  علنوها الاحزان
ضل الغريب الوحَّده   بعازت الخـوان
شابحه أعيونه عالاهل ويريد دفان
يامحله لو ابنه حضر عالنعش كبر
ـــــــــــــــــــــــــ💔ـــــــــــــــــــــــــ
وين الرضا يشيل النعش  ويجيب القماش
ضل الغريب أبلا چفن  وتراب الفراش
ابچوو علي ياشيعته  وين العمر عاش
حيطان وغلال وسجن  والچف تكسر
ـــــــــــــــــــــــــ💔ـــــــــــــــــــــــــ
محتارة شوصف حالته  مكسور ضلعه
للكاظـــم أنروح أبعجــــل خلي نشيعه
ويانه تبچـي ام الحسن هلوو الدمعه
وتصيـح ياموسى بحـزن جـمرتها تسـعر
ـــــــــــــــــــــــــ💔ـــــــــــــــــــــــــ
وتصيـح يالكاظـم وسف مات بزناجيل
ضل الغريب عالجسر من چلچل اليل
هالليلة وحشه عالبطل خل دمعچ يسيل
ويلي علي من السجن گلبه تمرمر
ـــــــــــــــــــــــــ💔ـــــــــــــــــــــــــ
ويلي علي نصبوو العزة وما ننسه الصار
ساجد. وعابد ماعرف ليلة أمن النهار
چاوين ابو صالح يجي خل ياخذ الثار
ضاگت الدنيا وبالفرج يالغايب أحضر
ـــــــــــــــــــــــــ💔ـــــــــــــــــــــــــ
✍🏻تمت بعون الله وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم أسألكم الدعاء وقراءة سورة الفاتحة إلى روح والدي ووالدتي
https://t.me/Alalwya

مقطوعه شعريه لمولانا صاحب العصر والزمان عجل الله تعالى فرجه الشريف

عجـل اللهـــــم يوميه أكوووول
يظــــهر المهـدي وينورلنه الضلام

اليوم جمعه وين نسل الطاهرين
يشوفها ام الخدر مسدود المقام

الوكت يالموعود جــار أعليها حيل
ورجعوو احفاد الشـمر ابن الحـرام

يـريد ينـــعاد الحـبل، طبـت السـوگ
بطلعت ابن العسكري ايعــم السلام

ويـرجع حسين وتـــرد ذيـچ الچفوف
وبـعد مـــا تسمع سبيه ومـــــاكو شام

احنه كل جمـعه اعله بابـك نرتجيك.
نريـد عالمـــرقد يــــرف جنــح الحمام
ــــــــــــــــــــ
تمت بقلم خادمة اهل البيت عليهم السلام ام وليد الموسوي لا اجيز حذف الاسم الفاتحه الى روح والدي ووالدتي
https://t.me/Alalwya

فزاعية للامام موسى الكاظم عليه السلام

نلـطـــم ولا نشبع لطـم
ميت غــريب الديـــرة
ـــــــــــــــــــــ
لا اهـل حضروو لا ولد
يصيـرون للكاظـم سند
صوت الحزن علوو بعد
للــــمات بـطــواميـــــرة
ـــــــــــــــــــــــــــــــ
للمات ماا حفروو گبر
ياحيـف باقي عالجسر
مسموم چبدة منفـطر
حـاله صعــــب تفسيرة
ـــــــــــــــــــــــــــــ
حاله صعب من چبدتة
شــدن الكاظم لطمــتة
نصبـت مـآتــم شيعـــتة
فـاتحـــة مـوسى چبيرة
ــــــــــــــــــــــــــــ
فاتحـة وصوت المرتفع
وين ابو محمد. ماسمع
دم الگيــود ولا گطـــع
حيـــــرة الميت حيـــرة
ـــــــــــــــــــــــــــــ
ميت ولا حضروو هلـه
مچتوف بيده السلسله
صبوو المـدامع هاملة
صــاحب شهامة و غيرة
ـــــــــــــــــــــــــــــــ
صاحب كـرم طيّب نسل
دكتـور بغـــــداد البطـل
للخـادم ايجيب السجل
اهـل العـــبا نواطــــــيرة
ـــــــــــــــــــــــ
تمت بقلم خادمة اهل البيت عليهم السلام ام وليــ✍ــد الموسوي لا اجيز حذف الاسم  رحم الله من قرءة سورة الفاتحه الى روح والدي ووالدتي
https://t.me/Alalwya

📜قصيدة لمولانا موسى ابن جعفر"عليه السلام"
🎵على لحن قصيدة "شال الراية" للرادود حسين والي اللامي
🖋️لخادمة أهل البيت# العلوية ام وليد الموسوي

وزن المفتون


أويانه أويانه أويانه  تحضر معصومة أويانه
ـــــــــــــــــــ
تحضر توون  للمسموم  مجلس عزة سووله 
باب الحوائج ننخاه  يابو الرضا گلوله
مجرب يراعي الشدات وبحضرته محلوله
كل دمعه تجري أمن العين امسجلة ومقبوله
هاليوم  قدموو الحاجات  للمـيت أبزنزانه
ـــــــــــــــــــــــــــــ
هاليوم قدموو الحاجات صاحب كرامة وفزعة
مسموم چبده وممرود هلوو عليه الدمعه
 شايل بطل لهل البيت ابن السلاله السبعه
عالجسر نايم ياحيف لا ناعي أعلي ينعه
يشبه غريب الطف صار مطروح ضل بمچانه
ــــــــــــــــــــــــــــــ
يشبه أحسين المظلوم  جثته الغرب شالوها
خلونه نمشي البغداد والفاتحة نصبوها
معصومه والزهرة تريد ونت حزن علوها
من فاطمة وچف الحيد حاجتكم طلبوها
ينطي الگصد باب أمراد  وين الطلب عنوانه
ــــــــــــــــــــــــــــــ
ينطي الگصد والمعلول  بسم  ابن جعفر يشفه
دكتور صيته المعروف وقع ابإيده الوصفه
المهموم گلبه ومينام  يوصل ضريحة ويغفه
مشكور نندب مولاي بالحاجه كفه وفه
بطامورة نايم چم.عام مارحم بيه سجانه
ـــــــــــــــــــــــــــــ
بطامورة نايم چم عام دگوو سواد أحداده
ودوو خبر لهله أبساع تحضر تشيعه اولاده
ساجد بگيده وللموت تشهد اله السجادة
بكل سنة نقيم العزيات لا مانغير العادة
اظلم صفه أعليه الكون وفراگه حيل اذانه
ــــــــــــــــــــــــــــــ
اظلم صفه لجله الكون من چفه سايل دمه
بشيل الجنازة تروحون وين العزم والهمه
ماكو عشيرة الحضروه لا بته گعدت يمه
الكاظم يسجل الخدام من فدوة اروح لاسمه
يحضر بسكرات الموت ومن تحفر الدفانه
ـــــــــــــــــــــــــــــ
✍🏻تمت بعون الله وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم أسألكم الدعاء وقراءة سورة الفاتحة إلى روح والدي ووالدتي
https://t.me/Alalwya

اسمع الملايات يحچون بقصائدها هلكد ماقويات ويوجعن بحثت عنها وحصلتها وكلت اجيبلكم الرابط حتى تشتركون بقناتها وتستفادون
انها العلوية الشاعرة فضيلة هاشم الموسوي

اشتركي ولاتترددين من الرابط

👇🏻👇🏻👇🏻

https://t.me/dmoh91

https://t.me/dmoh91

قصيدة لإستشهاد مولاتنا زينب "عليها السلام"

واويلي عليها ام عون...واويلي عليها ام عون
ــــــــــــــــــــــــ
وصلو الخبر لخوتها//واويلي عليها ام عون  
بدرب الشام موتتها//واويلي عليها ام عون
شدوو حيل لطمتها//واويلي عليها ام عون
دم عالطاهرة تبچون...واويلي عليها ام عون
ــــــــــــــــــــــــــــــ
كلــمن دمـــعته أبخده//واويلي عليها ام عون
زينب طايحه بشـــده //واويلي عليها ام عون
مگطوع الولي زنــده//واويلي عليها ام عون
غربه ويه النعش يمشوون...واويلي عليها ام عون
ـــــــــــــــــــــــــــ
صيحوو بصوت خل تسمع//واويلي عليها ام عون
حسين اعالثرة أمگـطع//واويلي عليها ام عون
ضلت تجـري المدمـع//واويلي عليها ام عون
كون اخوانها يحضرون...واويلي عليها ام عون
ـــــــــــــــــــــــــــــ
شوو محد حضر لخته//واويلي عليها ام عون
زينب بالغرب ميــتة//واويلي عليها ام عون
أجنازتها مشت سكته//واويلي عليها ام عون
الها هل العزة تنصبون...واويلي عليها ام عون
ـــــــــــــــــــــــــــــ
عــزانه اليــوم للحــرة//واويلي عليها ام عون
تحضر فاطمة الزهرة//واويلي عليها ام عون
تسجل اليلطم ويقـره//واويلي عليها ام عون
ومسجله الذي يخدمون.. واويلي عليها ام عون
ـــــــــــــــــــــــــــ
الخدم زينب تسجلها//واويلي عليها ام عون
وحگ أچفوف كـافلها //واويلي عليها ام عون
العقيله المشكله تحلها//واويلي عليها ام عون
مـراد أمن ايدها مضمون.. واويلي عليها ام عون
ـــــــــــــــــــــــــــــ
✍🏻تمت بعون الله وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم أسألكم الدعاء وقراءة سورة الفاتحة إلى روح والدي ووالدتي
https://t.me/Alalwya

📜قصيدة لمولاتنا زينب "عليها السلام"


كون امي تحضرني گبل لا تغمض العين
وتگلـي يــمه شيـــوجعـــچ  زينب تونين 
ـــــــــــــــ
يم راسي تگعد فاطمة  بدموع  الوداع
احچـيلها  اهموم الگلب وين العمر ضاع
طاحن رموشي أمن الدمع للضل على الگاع
ليله اعله ليله أمفــارگه يايـمه الحسين
ـــــــــــــــــــــ
ليله اعله ليله أمفـارگه  ومعاشرة النوح
كون الزچـيه حاضرة  وتشوف الجروح
مگبل بواچينه سوة  وخل تطلع الروح
وأسمع ييمه أمودعه وعيــني تغمضين
ــــــــــــــــــــــ
وأسمع ييمه أمـــودعه  خل زينب أتنـام
مچوية اديه ومـاطبت من حرگ الخيام
بيـن الخـرايب والذبـح  يالوعــــة الشام
مخطوف لوني أمن القهر ريتــچ تشوفين
ــــــــــــــــــــــــــ
مخطوف لوني  أمن القهر  وأجذب الونة
لا چف اليِشيل النعش چـــــاوين اهلنه
حشمي الچـفوف أويه النـحر يم المحنة
شيردها  ذيچ ايـامنه  وشيـرد  الاسنين
ـــــــــــــــــــــــ
شيـــــردها ذيـچ ايامنه وگليبي يرتـاح
اتمـنه اخوتي بموتتي أيلزمون الاصفاح
شيصير بيها الفاگـده  وعاشرت ذبـاح
مطبوع بچفوفي الحبل ومورمه الايدين
ـــــــــــــــــــــــــــ
مطبـوع بچفوف الحبـــل دمي ايتجاره
خالي الصحن من شيعتي مابي زيارة
المـــا يلطم البيت النبي عـمره خسارة
هاي المجالس تنذخر يلي تلطـــمين
ـــــــــــــــــــــــــــــ
✍🏻تمت بعون الله وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم أسألكم الدعاء وقراءة سورة الفاتحة إلى روح والدي ووالدتي
https://t.me/Alalwya

📜قصيدة لإستشهاد مولاتنا زينب"عليها السلام" الوزن فائزي

ـــــــــــــــ
تحـــضر دفنها     تحضر دفنـها
وين اهل زينب ياخلگ تحضر دفنها
يكتل  حزنــها   يكتل  حزنــها
عين العقيله عالدرب  يكتل حزنها
ــــــــــــــــــــــــــ
عين العقيله عالدرب يكتل بچيها
نامت وتابوت الخشب يلچم  اديها
خلــونه ننصب فاتحـه ونلطم علــيها
لا امها حضرت بالدفن لا من وليـــها

ما غسلنهه  ماغسلنهه
ماكو حبايب لابچن لاغسلنها
ـــــــــــــــــــــــــــــ
مـاغسلنهـــا ولا اخــوو وسدها التـراب
اگصد يطارش للنجف يم داحي الباب
زينب بدمعات الحـــزن ودتلهه اعتاب
صعبة الجنازة أبلا اهل شالتها الاجناب

ازرگ متنها  ازرگ متنها 
مايدري حيدر بالجره ازرگ متنها
ـــــــــــــــــــــــــــــ
ازرگ متـنها عـالنعش حطوو العباية
ماتت كفيلة معذبه بضعن السبايه
مــــاكو گرابـه ولا حضر صاحب الرايـة
يم عوون صيحوو أمودعه بدرب المناية

جابوو چفنها   جابوو چفنها  ياريت اخوها والولد جابو چفنها
ـــــــــــــــــــــــــــ
ياريت جابوه الچــفن  عوون اليفرشه
وحسـين وياه الولد صلوو الوحشة
أجنازتها ماكو احد حضر شوصف الممشه
هيبــة اليشيعونه الاهل  مرفـوع نعشه

مفگود ابنها مفگود ابنها 
غمضت عين الوالده  مفگود ابنها
ـــــــــــــــــــــــــــــ
مفگود ابنها وبس علي السجاد دفـــــان
متعوب گلب الشايله هـاي ام الاحـزان
تريد الينگطلها العذب وابن امها عطشان
تبچي على الزهرة وعلي وتريد الاخوان

الدافي حضنها الدافي حضنها
مكسور من عدها الضلع الدافي حضنها
ــــــــــــــــــــــــــــ
مكسور من عـدها الضلع ماتـدري بام عون
كون الحسين اويه الكفل عالنعش يبچون
ايس گلبها أمن البطوو ماضن يعودون
لمصابها نجري الدمع همه اليسجلون

يل تندبنها يل تندبنها
مگضيه كل حاجاتچن يل تندبنها
ـــــــــــــــــــــــــــــــــ
✍🏻تمت بعون الله وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم أسألكم الدعاء وقراءة سورة الفاتحة إلى روح والدي ووالدتي
https://t.me/Alalwya

للشاعره المبدعه ام علي الحلفي قلم حزين يخط ماجرى في كربلاء

تم تنزيل قصايد حزينه بالقناة من اروع القصائد
لتنسون اشتركو من هنا عبر الرابط

👇🏻👇🏻👇🏻👇🏻👇🏻

https://t.me/Om_Abeha

https://t.me/Om_Abeha

قصيدة لمولاتنا زينب "عليها السلام"

اليـــوم أنروح كلنـه أنعازي العترة
وننصب فاتحه وي فاطمة الزهرة
ــــــــــــــــــــــــــــــــــــــــ
ننــصب فاتــحه الزهـرة نعزيها
ليـش ام الخدر محد حضر ليها
شـدي لطمـتچ والونه سمــــعيها
شحال الي يموت ومحد. يحضرة
ــــــــــــــــــــــــــــــــــــــــــ
شحال الي يموت وما شفه جرحه
حسين الـي كتـلها شاهدت ذبـحه
ويايـوم اهدعش ماحملته صبـــحه
أيعين الله گلبها شنهي اليصبره
ــــــــــــــــــــــــــــــــــــــــــ
الله يعينـــها أمــن أتصــيح يايـمة
علــيها اچم رزيه ام عـــون ملتمة
ســـوط متـــونها  باقــــي اثر دمـه
بگلـــبها النار ضلت دوم مسـتعرة
ــــــــــــــــــــــــــــــــــــــــ
نــــار امصابها تسعر بـــدلالي
بيت ام الحزن وسفه صبـح خـالي
ابو فاضل نعشها يشيله حســـبالي
تبچي عالكفيل وجرت الحسرة
ــــــــــــــــــــــــــــــــــــــــــ
تنــادي يالكفـــيل ويا بعد بيتي
مـــن يومـــك يخويه گضت عافيتي
يـــدنيا بحـــال زينب شنهـي سويتي
مـايــدري اخــوهـا مــــاتت الحـــرة
ــــــــــــــــــــــــــــــــــــــــ
مـاتت بالغــرب واخــوتها مـاجـوها
يـاحيـف العقـــيله مــــــا يشيعـوها
بكل شده يزينب صيحوو انخـوها
نــظره نـريد منها الطاهرة نظرة
ــــــــــــــــــــــــــــــــــــــــــ
✍🏻تمت بعون الله وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم أسألكم الدعاء وقراءة سورة الفاتحة إلى روح والدي ووالدتي
https://t.me/Alalwya

📜 قصيدة لمولاتنا زينب "عليها السلام"


مـن ننصب الزينــــب عــزه
تحـضــــر الزهـــرة ويانــــه
ـــــــــــــــــــــ
صيحوو على ام عون أشجره
بـــــالشام ضلـــت حايــــــرة
نــــــادوا السبع الگنطــــــرة
تــشــيل النعـــــش ذرعانـــه
ــــــــــــــــــــــــ
نعــش العقيلـــــه الوحـــده
مــاتت مـــن اسياط العـــده
صــوت الـعــــزاء  نـجـــددة
ضـــلت تـــــوون حـــيرانــه
ــــــــــــــــــــــــ
ضـــلت تـــوون بت فاطـمة
ناحت عليـها ارض وســــمة
كــــل شيعي، ينـصب ماتمة
لـــم الخــــــدر مبـــچانــــه
ــــــــــــــــــــــــ
الـهـا المــــدامـــع هامـلــــة
خـــلونــــه نمشــــي الكربلة
ونصيــــح يهــل المــــرجلـة
شيعــــوو المــشت حزنانــة
ـــــــــــــــــــــــ
نشيــــعها ونــــــادي ســووه
بـمتونــها الســـوط  التــــوة
مــايــدري شيــــــال اللــــوة
الميــــت تحضــــره اخـوانه
ــــــــــــــــــــــــ
محــد حضـــــر مـــــن نادته
مگطـــــوعة اخيها رگبـــــتة
بـالگبـر نـــــطــلب وگــــفـتة
يتشفـــــــع المـــوتــــانـــــة
ـــــــــــــــــــــــــــــ
📜تمت بعون الله وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم أسألكم الدعاء وقراءة سورة الفاتحة إلى روح والدي ووالدتي
https://t.me/Alalwya

📜قصيدة لمولاتنا زينب "عليها السلام"
🎵على لحن قصيدة "شال الراية" للرادود حسين والي اللامي
🖋️لخادمة أهل البيت# العلوية ام وليد الموسوي

وزن المفتون


اخواني  اخواني  اخواني
زيــنــــب تصــيح اخواني


زينب تصيح العباس صوت الشرف والعفه
يحضرها ساعات الموت ايمدلها زنده وچفه
إيودعها ويغمض العين وتشوف اخوها وتغفه
ماحضر وي اليشيعون  صيحوو حسافه وسفه

تبچي وتهل الدمعات هيچ الدهر خلاني
اخواني اخواني اخواني زينب تصيح اخواني
ــــــــــــــــــــــــــــ
بين الغرب ماكو اخوان گلب العقيلة اتمرمر
وأچفوف اديها أمورمات احضرها ياابو الاكبر
ماشفت زينب يحسين هالساعه ريتك  تحضر
سوط وعصي  وضرب أمتون  يفجع هذاك المنظر

محد يرفعه التابوت موقف صعب بچاني
اخواني اخواني اخواني زينب تصيح اخواني
ـــــــــــــــــــــــــــ
محد. يرفعه التابوت  مطروح ضل بالغربه
للموت ابد ما يرتاح المتعوب حيله وگلبه
وين الكفيل بهاليوم راعي العلم والجربة
يحضرها وينگط الماي من چفه حتى اتشربه

أتعطل وماعنده أچفوف للجـيه اخته  أتّاني
اخواني اخواني اخواني زينب تصيح اخواني
ــــــــــــــــــــــــــــــــ
أتعطل خبرها توصلوه  مايدري ابن الزهرة
شحال اليموت ومطروح محد ينزله الگبره
ماطاب جرحچ ماطاب جرح المصيبة شكبره
تبچي وتهل الدمعات محد دفنها يحضره

اتنادي الخبر هذا اليوم وصلوا لعد ولياني
اخواني اخواني اخواني زينب تصيح اخواني
ـــــــــــــــــــــــــــــ
شنهو الخبر شنهو الصار عباس ماتت اخته
ابن امها غاطيه  اتراب خيل العدو ساحگته
محد. يغمضلها العين والنعش، ياهو. ايزته
هاليوم كون يحضرون كلمن نصب فاتحته

مفجوع گلبي أعله ام عون موقفها حيل أذاني
اخواني اخواني اخواني زينب تصيح اخواني
ـــــــــــــــــــــــــــــــــ
صوت الماتم والنوح  زينب ولا ننساها
لا ولد لا يمها احباب  لا ناعيه التنعاها
وحشه الجنازة وشيال ياهوو الحضر شالاها
سجلي القصيدة اترجاچ الكاتبها واليقراها

يازينب انتي  تقبلين كل حرف گال الساني
اخواني اخواني اخواني زينب تصيح اخواني
ـــــــــــــــــــــــــــــــــ
✍🏻تمت بعون الله وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم أسألكم الدعاء وقراءة سورة الفاتحة إلى روح والدي ووالدتي

https://t.me/Alalwya

تعالن وياي لقناة العلوية والشاعرة مريم النور صاحبة القصائد الحزينه المفجعه
سيتم نشر قصائد للسيده زينب في القناة
جبتلكم الرابط وتدللون علينه خدام الحسين

تعالي وياي ضغطي عالرابط واشتركي بقناتها

https://t.me/mariamalnoor1988

https://t.me/mariamalnoor1988

*قصيدة لرجوع مولاتي زينب عليها السلام الى الدار خطاب بين ام البنين والسيدة زينب عليها السلام*
ـــــــــــــــــــــــــــــــــــــــــــــــــــــ

موحشة الدار يزينب موحشة الدار
شنهي الصار ييمة شنهي الصار

أرجعتي محنيه الظهر
وين عبـــــــاس الگمر

موحشة الـــــــدار يزينب موحشة الـــــــــدار
ــــــــــــــــــــــــــــــــــــــــــــــــ
أرجعتي ادري عايفه العباس وحسين
بكربله عافوج وحدج ياضوه العين
تنتظر جيتج يزينب ام البنين

أمشيتي بدروب الخطر
وين. عباس الگمر

موحشة الـــــــدار يزينب موحشة الـــــــــدار
ـــــــــــــــــــــــــــــــــــــــــــــ
جواب العقيله

يمه بدروب النوايب ظهري مكسور
وراس ابو اليمه برمح وگليبي مفطور
اليوم جيت وخاليه من أخوتي الدور

ماسالتي اعله النحر
وين عباس الگمر

موحشة الـــــــدار يزينب موحشة الـــــــــدار
ــــــــــــــــــــــــــــــــــــــــــــــــــ
جواب ام البنين

شلون اسالج ع النحر والگلب مصيوب
ادري الحسين انذبح ع وجه مگلوب
من الصبح ابجي تراني الحد الغروب

أسمعت يالحره الخبر
وين عباس الگمر

موحشة الـــــــدار يزينب موحشة الـــــــــدار
ــــــــــــــــــــــــــــــــــــــــــ
جواب العقيله

شنهي أسمعتي عليه والمصايب
هم اجاج الخبر سكنت بالخرايب
بين عدوان وشماته ولا حبايب

جيت هسه أمن السفر
وين عباس الگمر

موحشة الـــــــدار يزينب موحشة الـــــــــدار
ـــــــــــــــــــــــــــــــــــــــــــ
جواب ام البنين

جيتي هسه أمن السفر والدار وحشه
ااه منك يادهر والشمل طشه
بين حيطان وصفيت الدمع ارشه

اذكرت گعدات العصر
وين عباس الگمر

موحشة الـــــــدار يزينب موحشة الـــــــــدار
ــــــــــــــــــــــــــــــــــــــــــــ
جواب العقيله

يم البنين اذكرت ذيج السوالف
جيت من رحلة عذاب وگلبي خايف
شنهي حاله العالثره خوّانه عايف

أيضل يوون طول الدهر
وين. عباس. الگمر


موحشة الـــــــدار يزينب موحشة الـــــــــدار
ـــــــــــــــــــــــــــــــــــــــــــــــــــ
*تمت بقلم خادمة اهل البيت ع ام وليــــ✍️ــــد الموســــــــوي لا اجيز حذف الاسم شرعا والفاتحه الى روح والدي*
https://t.me/Alalwya

ديوان الشاعرة ام علي الإماره

من القصائد الحزينه المضبوطه عقائديآ تسر قلب مولاي الحجه عج ومولاتي فاطمه قصائد قويات سهلات وحزينات ماتصعب على اي ملايه

اشتركي بقناتها وشوفي نماذج الديوان الجديد شلون قويات

👇🏻👇🏻👇🏻

https://t.me/um_ali313

https://t.me/um_ali313


غير مبري الذمه الياخذ الأعلان ويضيفه لغير دعم 🚫🚫🚫🚫

👈🏻#قناة_خاصة_للنعي
👌🏻من القنوات المميزه التي جمعت لكم انواع النعي بجميع اطواره
بعد متحتارين منين تجيبين نعي
اشترك بالقناة وراح تستفادين منها


https://t.me/Kinitniea1984

‏https://t.me/Kinitniea1984

الشاعره أمْ ذو الفقار
صاحبة المفردات الجنوبيه الحاره التهز الميدان
تكول 👇🏻👇🏻

ياخذني القلم ويدخن الرأس

من اكتب واجرر بحروف عباس

هاي القناة انصحج اشتركي بيها قبل الحذف

https://t.me/kjhgkkb

https://t.me/kjhgkkb

📜نعي گرناوي لسان حال السيدة زينب
"عليها  السلام

كون بالتغسيل تحضرني  البتول
تصيح يبنيتي. الغريبه الضايعه

كــون ابوي يحشم اخواني ويجون
وهيچ شمل اهلي المنيه تجمعه

كون بچتافه الحسن نعشي يشيل
أبموتي  ويگلي  يخـــويه أمودعه

كون وامنيتي  الدفن بيد الحسين
يشبگ الـتابوت ويــــهل مــــدمعه  

كـــون هسه اليوم عازات  الچفوف
يجـــيب مـــاي أوياه من المـــشرعه

كـون  يـــم راسي تـــوون ام البنـين
تبــچي لمصـــابي وتشوف الفاجعه

كــون بس، الكـــــون شيرد اليموت
بقت روحي على أحبابي ملـووعه

كـون هــــذا اليوم منصوب العزاء
بس، علي، السجاد بيده الجامعه

كون يالتكتب شعر دمعك يســـيل
بالحشر هالـــدمعه   باچـــــر نافعه

تلگه كل حرف الكتبته امسجليه
يم سجل ام البــــــنين الأربعة
ـــــــــــــــــــــــــــــــــــــــــــــــــ
✍🏻تمت بعون الله وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم أسألكم الدعاء وقراءة سورة الفاتحة إلى روح والدي ووالدتي

https://t.me/Alalwya

مقطوعة شعرية لبداية السنة الجديدة


أنصلــــي للمهدي ركعتين الظهــور
وبدعـــاء الفرج كل عـــام اليـــدير

عجل الطلـــعه  يمولاي ارتجيـــك
أعلينه يبن العسكري تشوف اليصير

نــاس مـلـتـهـيـة بـأمـور المــغريات
لا يتيـــم. أتشوف لا تفـگـــد. فقـــير

لا سگف عــنده ولا خبــزة اليتيــــم
مايحس  بيها الذي  أفراشه حـــرير

فلوس، مصروفه على فعل الحرام
هيج بعض الناس باعــــوه الضمير

والله حـــالات البـــعض الها بچـيت
عــــالمـــعاصي علمـوو طفل الزغير 

كافي ابتعـــــدوو على  هاي الامــور
مــــوو وراكــــم  موت ويحدد مصير

باچـر أنمـــوت ويـجي، يـوم الحساب
شلون گولو نمسحه الذنب الچـــبيـر

بيـــا وجه نتقـــــابل الـــــــرب العباد
وجـــهك. اسود تضل بالحفـرة اسيـر

ابـــو صـــــالح لو ظهر يمحي الظلام
أبجـــــاه هاي السنه ينــــادينه البشير
------------------------------------
✍🏻تمت بعون الله وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم أسألكم الدعاء وقراءة سورة الفاتحة إلى روح والدي ووالدتي
https://t.me/Alalwya

📜قصيدة لسان حال مولاتنا زينب "عليها السلام"

"على طور يمة ذكريني"

ابعـث سلامــــي بيد  اليزور الحسين
مرقدي مسدود وين ابو گلب الحنين

تبچي زواري...عني منعوها
مرقدي مسدود وين ابو گلب الحنين
ـــــــــــــــــــــــــــ
ويـن ابو اليمة زينب تريـد الامـــان
اسمع الظالـم گال الها ماكــو مــكان

هيچ العقيله....تسمع عدوها
مرقدي مسدود وين ابو گلب الحنين
ــــــــــــــــــــــــ
خوية يحجيها وأسمعت باچر تشيل
هـاي الرساله توصل الچف الكفيل

ينهض بسرعه...وين ابن ابوها
مرقدي مسدود وين ابو گلب الحنين
ـــــــــــــــــــــــــ
يـنهـض أبسرعه يگطع بعيد الدروب
هدمت حيلي سدت الباب الغـروب

زواري ابچي......من رجعوها 
مرقدي مسدود وين ابو گلب الحنين
ـــــــــــــــــــــــــــــ
من عندي راحوو بعدو وأعليهم بچيت
هدموو سكينه بهالخبر خوية دريت

عيني عيمانه...من هدموها
مرقدي مسدود وين ابو گلب الحنين
ــــــــــــــــــــــــــــــــ
عيني عميانه يل نمت برض الطفوف
احضـر الزينب شاهد الحال وتشوف

تهظمني چلمة.. چاوين اخوها
مرقدي مسدود وين ابو گلب الحنين
ـــــــــــــــــــــــــــــــ
اختم كلامـي عتبي أهـوايه عليك
بهاي الرساله ابقه للـجيه ارتجيك

شگال ابو السجاد...من وصلوها
مرقدي مسدود وين ابو گلب الحنين
ــــــــــــــــــــــــــــــــــ
✍🏻تمت بعون الله وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم أسألكم الدعاء وقراءة سورة الفاتحة إلى روح والدي ووالدتي
https://t.me/Alalwya

📜هوسات لسان حال السيدة زينب "عليها السلام"

الكفيلي اكتب رسالة أبروح تعبانه
هنـد ردت عليــه وابــن مرجانـة
عگب عينك يخوية طالع السانة
واسمـع چلمــة أتـرحلـين منانـة
((يفتر يم الحضره وشايل عصاته))
ــــــــــــــــــــــــ
يفـتر يم ضـريحـي ويـاهـظم حالــي
كلــفه ابلا اخـــوو يمـرافگ أخيــــالي
غـرب والنـــاس مــا ترحــم يكـفالـي
اصـد الـروحـي وأتحسر بـــلا والـــي
((حشم أحسين والحگ ياراعي الغيرة))
ــــــــــــــــــــــــــ
حشـم حسين خـويــة النــــذل شتمني
اسولـف عالجـره وأرجوك تسمـعنـي
شفـــت أحبال جاب ايحــــضر بضـعني
بعباتـــك يبـــوو فاضـل رايدة اتضمني
(( زينب صاحت بسمك احضر يالهيبة))
ـــــــــــــــــــــــــــــ
✍🏻تمت بعون الله وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم أسألكم الدعاء وقراءة سورة الفاتحة إلى روح والدي ووالدتي
https://t.me/Alalwya

📜قصيدة لمولاتنا ام البنين"عليها السلام"
🎵على لحن قصيدة "شال الراية" للرادود حسين والي اللامي
🖋️لخادمة أهل البيت# العلوية ام وليد الموسوي

وزن المفتون


اتنادي اتنادي اتنادي  ام البنين اتنادي
ــــــــــــــــــــ
نـادت عـــزيزة لِحسين  امك توون وحـدها 
رادت على افراش الموت تحضر توسد خدها
ضلت تهل الدمعات گالـوو  ولد مـاعدها
فگدت ولدها الشجعان مــن كربله شيـردها
ابشيل النعش، صاحت صوت ما يحضرون اولادي
ـــــــــــــــــــــ
بشيل النعش  ميحضرون أمتوون الغرب شالتها
هاي الوفيه ام عباس صيحـوو وره جنازتها
شاركت زينب لمصاب شرد أحچي عن محنتها
ليل المواجع تگضيه ماتنسمع ونتها
وحشه الجنازة بحسرات لمن حداها الحادي
ــــــــــــــــــــــــــ
وحشه الجنازة ويا حيف محد وراها الينعه
صفنات جرت صفنات صوت البچي متسمعه
طف النوايب گاضيچ دمعه تِنَزل أبدمعه
يالشلتي، صحنه الله وياچ ماكو الوداعچ رجعه
هاي المره تگول الناس  أشصاير عليها شسادي
ـــــــــــــــــــــــ
هايه المره مضحيه حيود معروفه ام الكافل
ضلت توون ليل إنهار شايل ضعنهم شايل
تحضرنه وكت الشدات ننصب عزة اوتستاهل
دووم الها موقف باالضيج لا ماترد السايل
مبخوته يم الوگفات منچ  اريد مرادي
ـــــــــــــــــــــــــــ
مبخوته صيتچ معروف بالطف رسمتي الصورة
ايعين الله گلبج  شيصير شاهدتي القارورة
تنزف دمه وفوگ الگاع جثت السبط مشمورة
رايات تسبگ رايات مرفوعه الــچ منصورة
يرفعها ويصيح الثار الحجه ابن الهادي
ـــــــــــــــــــــــــ
يرفعها ويصيح الثارصاحب قرار وكلمة
ماكو سبيه وعاشور وترد هـذيچ اللمـة
يسطع يضل منها النور أگبور الذي متهدمة
نسوي التعازي وننخاج تنقبل هاي، الخدمه
بجاه الحسين المذبوح ايام ضل بالوادي
ـــــــــــــــــــــــــ
✍🏻تمت بعون الله وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم أسألكم الدعاء وقراءة سورة الفاتحة إلى روح والدي ووالدتي
https://t.me/Alalwya

📜مقدمة مجلس عزاء لمولاتنا ام البنين "عليها السلام"


الصلاة اعله النبي رديها بالمرات
أبحضور ام البنين وعگدي رايتها

هــاي، ام البنين  وتنطي المـراد
دنـــيا واخــره احــــنه بشفاعـتها

نصلي عالنبي، ونگول بسم الله
للمـــرضى نـــريد اليــــوم فزعــتها

نركض ويـن مجــلس الها منصوب
تگوول الــي، اجت مگضيــة  حاجتها

وصــونه بدعـــا وهـــــــواي حاجات
يالچفــچ كـــريم وهـــــاي ساعــتها

اكيد الي حضر لا ماا يضل مهـــــموم
يـم الله ورسوله الحـــاجه رفعـــتها  

بحديث اهل الكسا ننخاچ.هذا اليوم
محبيـن وجــمع فرحت شيعـــتها

اقري الفاتحه الها وذكري الحسين
وزينـب بعـد حلفيـها بمصيبـتها

عگدي البيرغ  ومـديها الچـفــوف 
بعون الله نگضت من بخت سفرتـها
ــــــــــــــــــــــــــــــــــ
✍🏻تمت بعون الله وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم أسألكم الدعاء وقراءة سورة الفاتحة إلى روح والدي ووالدتي
https://t.me/Alalwya

📜قصيدة لمولاتنا ام البنين "عليها السلام"

لـم البنيـن اليـــــوم خـل نتحـــزم
وأدموعنه الهذا المصاب أتصب دم
ــــــــــــــــــــــــ
حاضـره المـجلس تسمع اللطميـة
والعنـده حاجه تگوول اله مگضـية
دور الهـا بالطـف صارت العلـويـة
مـــنها البطــــوله والفـخر نتــعلم
ــــــــــــــــــــــ
مـنها البطـــوله والفــــــخر معناها
هـــاي القصــــيده الهـا خل نقراها
نلـــطم سووة ونتگــابل احنه وياها
كــــون الصــدر من لطمتچ يتهشم
ـــــــــــــــــــــــ
خليـها توجـــع حيل لطمـت صـدرچ
باالشدد موقف الـها دووم أتحــضرچ
بهــــذا العـــزاء أتسجلـــچ وأتشكــرچ
أتسجـل الاسامي هــواي بينــه تهتــم
ـــــــــــــــــــــــــ
اتسجـل الاسامـي ويـاها حاضر حيدر
اتـوسللهـــا أمـن اصــــعد اعله المنبر
انـخه الوجيـــهه وابـــد مــــا تتـعــذر
بهــاي العـزيــة بكـل وقـت نتـــقـدم 
ـــــــــــــــــــــــــ
بهـاي العــــزية الــي گضـاهـا ايـامــة
مـرفـــوع راسه وعالي ضل  أمقـامــة
وحسيـن يتـــباها ويجـــي الخـــدامة
لا مــا تـــمسنه النـــــار باچــــــر نسلم
ــــــــــــــــــــــــــ
لا مـا تمسنه الــــنار خـوو نـــــدريـــها
حـاجـاتـنـا نـــطـلبــهــا مــن راعـــيــها
هــاي الدمــوع أنريــــدچ اتسجــــلـيها
مذخورة صاحــت والطـــلب الكم تم.
ــــــــــــــــــــــــــ
✍🏻تمت بعون الله وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم أسألكم الدعاء وقراءة سورة الفاتحة إلى روح والدي ووالدتي
https://t.me/Alalwya

قصيدة لمولاتنا ام البنين عليها السلام

السفرتــــچ كلنة اجينة
نطلب الحاجه وبچينة
ــــــــــــــــــــــــ
نطلب الحاجه وبچينه وعدنه مرضه
دموعنه عالخد جرت ما تكف لحظة
الحاضـرالمـجـلس اجـه ياكبر حضـه
الفاتحه يقـراها الـچ بمـراده يحضـه
بالـدعا مرفـوعه ادينه
نطلب الحاجه وبچينه
ـــــــــــــــــــــــــــــ
بالـدعا مرفـوعـه ادينة نبچي سكتة
تگول بالشده النخاني  انه حضـرته
اليوم بيرغ سفرتـج  بيـدي،عگــدته
بگلبي نيه الفاطمة مطـلب طلبتـــة
تسمع النخوة الحنينة
نطلب الحاجه وبچينة
ــــــــــــــــــــــــــ
تسمع النخــوة بعجل ما تضل حـيرة
اي وحگ چف البطـــل بدر العشيرة
أعليها أمشي حسينها وهـــايـه چبيرة
هية  عنـوان الكــــرم صـاحبة غيرة   
والگصدها تگول ويـنة
نطلب الحاجه وبچينة
ــــــــــــــــــــــــــــ
والگصدها ابشر تگـوول وهـاذا واجب
انگضت باذن الله الحـوائج للحـبايب
تشفي كـل عـله وترجع الچــان غايب
الحضر مجلسها وبــچه مايــرد خـايب
بس، تشوف دموع عينة
نطلب الحــاجه وبچينة
ـــــــــــــــــــــــــــ
بـس تشوف الدمـعه تنطيك العـلامة
نـــدري مـن الله ورسولــه الها كـرامـة
شگـد بچت من شافت اضعون اليتامة
الهـا مـــوقـف للخـــدم يـــوم القيــامة
البيـــرغ تشيله وتجينة
نطلب الحاجه وبچينة
ـــــــــــــــــــــــــــ
البيـرغ أتشيلة وتجينـة وهاذا واضـح
واللطم لمصابها بالـحشر رابــــح
احنـــه نسال يالحنيـــنة الراد رايـح
هــم.تشوفه العيـن يظـهر ابو صالح
طوول غيابه علينة
نطلب الحاجه وبچينة
ـــــــــــــــــــــــــــــــــ
✍🏻تمت بعون الله وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم أسألكم الدعاء وقراءة سورة الفاتحة إلى روح والدي ووالدتي
https://t.me/Alalwya

📜قصيدة لمولاتنا زينب "عليها السلام"

زينب تنادي العباس  بشده اختك الحورية
گام الها ماعنده اذراع صاح البطل مگضية
ــــــــــــــــــــــ
يفـتر خيـاله عالصــحن بالحـــــضرة
أترحــلين يسمع هالحـچي  كـل مـرة
كـض، شاربــــه ويحلف بامه الزهـره
كاتب شعار الرايات منصوره يالعلوية
ــــــــــــــــــــــــــــ
رايــــات حـق مرفــوعه بـاسم اللبــوة
نعميــــن منك راعــي زود ونـخــوة
الـزينـب طفـت عينه ويگلـــها  فـدوة
صيحوها اخت النوماس مو چلمة المسبيه
ــــــــــــــــــــــــــــــ
صيحوها اخت. البطل اسمه كافي
يم الگبر ضل ناطر ومو غافي
يگلها حرز اسمج ترده أشفافي
بكل ركن يقسم بالشام يبنليچ أحسينية
ــــــــــــــــــــــــــــــ
بالباري يقسم هالحشود يردها
وسكينه مايدري انهدم مرقدها
يجيب الها ماي وهالطلب من عدها
لبيك ياعمي وصاح والحضره الچ مبنية
ــــــــــــــــــــــــــ
لبــــــيـــــك ياعم النسولف عنه
غير اخوو زينب كفوو والله منه
العاداها لا مايشم عطر الجنه
التعجيل مولانا اليوم شدووها اللطمية
ـــــــــــــــــــــــ
التعجيل مولانا المهدي وياكم
كل خطوه يحسب ابد ماينساكم
صوب العقيله عجلوو أبممشاكم
نصرخ نريد احنه الثار صرخاتنه الشيعية
ـــــــــــــــــــــــ
✍🏻تمت بعون الله وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم أسألكم الدعاء وقراءة سورة الفاتحة إلى روح والدي ووالدتي
https://t.me/Alalwya

📜هوسات للسيدة زينب "عليها السلام"💔

اهتزت غيرت العباس اباب ام الخدر واگف
ما ينعاد ذاك اليوم ومن سوط العده اتشاگف
حارس عالضريح يگول لختي ابد ماعايف
((رادت زينب الخوان واخوتها تعنوها))
ــــــــــــــــــــــــــــــــــــــــــــــــــ
تريد ام الخدر خوان دمعت عينها تبدت
تشم ريحة محنة وطيب  بقت تمشي وتتلفت
هله بخطار گلبي اتصيح يم باب الصحن وگفت
((واگف شافته العباس رگضت شبگت ارسومه))
ــــــــــــــــــــــــــــــــــــــــــــــــــ
رگضت شبگته وتنوح  تسولف ماجره وتشهگ
يگلها شلونه متنچ صار لو باقي بعد ازرگ
اجه يطـــلب الثار بثـــار ما  يثنــه ابد عالحـگ
((ثار بمرقدچ مسدود ثار بحرگت الخيمة))
ــــــــــــــــــــــــــــــــــــــــــــــــــ
ثار بمرقد المسدود صبح حال الوضع مو زين
العقيله تجري الدمعات چاوين العزيز حسين
ابشري ام عون صاح الها  اجيت وجايب الچفين
اجوچ بسرعه اهل الخيل....حگ الهم يريدونه))
ــــــــــــــــــــــــــــــــــــــــــــــــــ
✍🏻تمت بعون الله وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم أسألكم الدعاء وقراءة سورة الفاتحة إلى روح والدي ووالدتي
https://t.me/Alalwya

📜نعي لمولاتنا زينب "عليها السلام" 💔

لا تبچين  لا تبچين
بهمــوم وقـهر ليليه تتغطيــــن
لا تبچيـن

وبفـــراش ام حسن يازينب تنامين
لا تبچين

عطاب  ودمه بفراشها تشمين
لا تبچين

بده وياچ الحزن والاسود تلبسين
لا تبچين

من ينصاب عالهامــــة ابو الحسنين
لا تبچين

الحسن چبده بطشت بعيونچ تشوفيـن
لا تبچيـن

مـن ارض المدينــــه الكربــــله تمشين
لا تبچين

برض الغاضـرية زينب تنزليــــــن
لا تبچين

الحرگ الخيم دمعچ لو الذبح حسين
لا تبچين

باجـــــر عالجثـث بليـل تتخطـــــــين
لا تبچين

اويهـد حيلچ اخـوچ بگطـــعت الچفين
لا تبچين

وبعد ضيعت ضناچ وبالفله اتدورين
لا تبچين

صلاة الوحشه للماتو سووه تصلين
لا تبچين

وبعد راس ورمح وي الضعن تحدين
لا تبچين

وياطبت الشام الكفر فـرحانيــــن
لا تبچين

بخرابه مهدمه تاليتچ تگعدين
لا تبچين

وتاليها بهظم لخوانـچ ترجعــــين
لا تبچين

تسوين اربعيـن وفاتــــحه تنصبين
لا تبـــچين

لديــــار الاهــل تعبانه أترديــــن
لا تبچين

وبعد شحچي وشعد يالفاگده السبعين
لاتبچين

الرقيه من تموت هناك تشتاگين
لا تبچين

الگبرها ماوصلتي وتالي أتموتين
لا تبچين

وحتى بدفنتچ ماكو تره مشيعين
لا تبچين

وهسه المرقدچ تجري دموع العين
لا تبچين

كتبو عالضريح الزينب ترحلين
لا تبچين

يرثى الحال الج يمة الوضع مو زين
لا تبچين

يعجل بالظهور نريد راعي الدين
لا تبچين

يرفع راية للحق بيها تنتصرين
لاتبچين
ــــــــــــــــــــــــــــــــــــــــــــــــــــــــــــــ
✍🏻تمت بعون الله وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم أسألكم الدعاء وقراءة سورة الفاتحة إلى روح والدي ووالدتي
https://t.me/Alalwya

📜قصيدة شدة لمولاتنا الزهراء "عليها السلام" وزن فائزي

كتلتني  سدت بابها  بساعات الغروب
حالي تره بشيل الضعن  يايمة مـتعوب
ــــــــــــــــــــــ
يـايــمة متعـوب الگـلب  محمل الفرگة
بدموعي اسولف للنزل  واصرخ بحرگة
ماضن بعد من المشت  ياروحي، ملگة
عافيتـي، شالت للگبر  وبعيده الدروب
ــــــــــــــــــــــ
عافيتي شالت للگبر خل روحي تطلع
من أذكر خدودچ زرگ يهـمل المـدمـع
لااگـــعد. بحضنچ بعـــد  لا منچ اشـبع
شالت عمرها ثمنطش  وانسدت البوب
ـــــــــــــــــــــــــ
شالت عمرها شمنطعش  يعميني المچان
جمرت البـاب الماطـفت  ليهسه دخان
بسمارها وسط الگلب تاركلي نيشان
تشهگ احسها من الوجع تعبت فرد نوب
ــــــــــــــــــــــــــــــــــ
وناتها وذاك الوجع  چن روحي تشهگ
بطيحت ضناها مكتفه وسفه امي  تنطگ
تركض اجدامي أعله النعش لكن متلحگ
مكتوب اضلن بالحزن يالزهرة  مكتوب
ـــــــــــــــــــــــــــــ
مكتوب  اضلن بالحزن  وأبقى وحيدة
عمري بلاية ام الحسن يخلص اريدة
الما يلطم اعله مصابها شيسوي بيدة
خادم يصيحوله اللطم والاجر محسوب
ــــــــــــــــــــــــــ
خـادم يصيحــــوله اللـــطم للفاطمـيات
ماتكفي، ننصب فاتحة لثلث روياات
لزهـرة والزينب عهد وين المعزياات
لددوم نبقى نعادهچ هالعزة منصوب
ــــــــــــــــــــــــــ
✍🏻تمت بعون الله وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم أسألكم الدعاء وقراءة سورة الفاتحة إلى روح والدي ووالدتي

https://t.me/Alalwya

📜قصيدة لمولاتنا الزهراء «عليها السلام»

صاحت الملايـة  وام النايبـــة
أضلـووع للـزهرة بعد ماطايبة 

ـــــــــــــــــ⫷يازهراء⫸ـــــــــــــــــ

تصيح زينب يمه مـاطاب الكسر
شلون شلتي يالزچــية للگـــبر
ابنيتچ اعله البـاب ضلــت تنتظر
تدعي يـاربي تردلـــي الـــــغايبة

ـــــــــــــــــ⫷يازهراء⫸ـــــــــــــــــ

تدعـي ياربي، وجـرت دمع البعد
ليش يـاگلبـــي التحـبه ينفـــــگد
تبـچي واعله فراشها تــروح وترد
اليعرف امصـابچ  تهوون امصايبة

ـــــــــــــــــ⫷يازهراء⫸ـــــــــــــــــ

اليعرف امصابچ يجر طور النعي
اليـوم وي امـچ يحــــرة أتوادعـي
الينصب الماتم وصل هذا السعي
اتسجل اليلطم الدفــــتر جايبـة

ـــــــــــــــــ⫷يازهراء⫸ـــــــــــــــــ

حاضرة المجلس وترفعلك مقـام
اليـوم خل ننصب عزة بدار الامام
على فراگ الزهرة عالدنيا السلام
أضنــون مــن فارگها ضـلت خايـبة.

ـــــــــــــــــ⫷يازهراء⫸ـــــــــــــــــ

ضنـون خابت عالـــــذي مفگـــودة
رايــة للســادات رفـــــعوو ســــودة
كلنــه نمشــي ايامنـــــه معـــدوده
الفاطمــة أنطالـــب بحسن العاقبة

ـــــــــــــــــ⫷يازهراء⫸ـــــــــــــــــ

هيـج صيحـــي وفاطـمة سمعيها
بطاري، الوحشه اختنگ حضريها
نـــور الــــــها المظلــــمة يغطيـها
خاف اموت وهيــــچ روحي ذايية

ـــــــــــــــــ⫷يازهراء⫸ـــــــــــــــــ

تمت بقلم خادمة اهل البيت عليهم السلام العلوية  ام وليــ✍ـد الموسوي لا اجيز حذف الاسم الفاتحة إلى روح والدي ووالدتي

https://t.me/Alalwya

مقطوعه شعريه  لوصف حب الحسين عليه السلام


مااعشگ شخص  وحسين اعشگنه
شنـوو هذا العشـگ مــا ينشبع منـه

حسبـاات الغـرام اتطوول اويه اللـيل
بـس، هذا الغــــرام ايدخلك الجــنة

الحيـاة ابلا طعـــم صدگوني يا هالناس
ويـــن انطـــي الوجه لوو ماا اخدمـنه

الحب  تضحية وحسين ضحّه هواي
لــــو هذا العشگ لــــوو مــــااريدنه

موو حگي أمن اسولف وأكتب الاشعار
نبـــض گــلبـــي يـــدگ باسمه احسنه 

سـر هـــذا ولغز حبه ولا معــــروف
فَــــرَاشه اعله الورد حبـــه اوصفنه

يسولف للدموع اليـحب مـــن يشتاگ
بلــــكي هــالدمع ويـــــــاه يجـمعنه

انه المتعوب گلبه ويعرف العطشان
على فراش الهموم  الخد اووسدنــه

يمــــر بيه بحـلم مولاي اترجـــــــاه
حتــى من الحلـــم اطلـــع وحضننه

بطريقه خطوه خطوه وماازل للموت
هنيـالي بطــــــريقه عمـــري اخلصنه
........................
تمت بقلم خادمة اهل البيت عليهم السلام العلوية  ام وليــ✍ـد الموسوي لا اجيز حذف الاسم الفاتحة إلى روح والدي ووالدتي

https://t.me/Alalwya

قصيدة لمولاتنا ام البنين "عليها السلام"


عهـد يم عبــــــاس منعوف العزية
نقسم أبچف البطل وحسين اخيه

قســم هــــذا ام البنيـــن اتسمّعـوها
اي وحگ زينب الشافت چف اخوها
عهـد وبهـــاي القصــــيدة تعاهدوها
حتـى من نمــــوت نكتــــب بالوصية
ــــــــــــــــــــــــــــــــ
حتـى من انمــوت منعوف المجـالس
بالگبـر ننــصب مـاتم.مـــثل عابــــس
الوحشه تضوي ونـــورها ويانه حارس
كفـوو  منها ام البنيـــــن  الفاطمـية.
ــــــــــــــــــــــــــــــــــ
فاطـــمية وهــــاللقب  لايــگ عليــها
هذا خيري وخيرك أمن چفوف اديها
مـا يخيب العنــده حــــاجه ويعـتنيها
نقــره الهــــاالفاتــــحة تحل القضية
ـــــــــــــــــــــــــــــــــــ
اليــقــــرة الهــا الفاتــحة لا مــا تــردة
تقضي حاجات الحچاهن وحده وحده
تگـــول مگضــــية ابـد مــا تضل شدة
بس تشــوف الزاچيـة موقعـة الهـويـة
ـــــــــــــــــــــــــــــــــــ
لا تحــير ابامــــر عـــدها مو بعيــــدة
جيب طاري الباب والزهـرة الشهيـدة
وبعـــد بحسين الـــذي حزوو وريــــدة
الكل مرض عدها دوه وعــون وتچية
ـــــــــــــــــــــــــــــــ
علتك اتطيب أبفضـل هاي الكـريمـة
يالحنينـة نصيـــح والرحــــمة العظيمة
النصبت الزينب مآتم بالهظيـــمـــة
توكف الها ام الوفة بوقت المنية
ـــــــــــــــــــــــــــــــ
✍️تمت بعون الله وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم أسألكم الدعاء وقراءة سورة الفاتحة إلى روح والدي ووالدتي

https://t.me/Alalwya

📜قصيدة لمولاتنا الزهراء "عليها السلام"


من چف علي وچف فاطمة
انـــريد حسـن الخــــاتمــــة
ــــــــــــــــــــــــــــ
بالمجلس اووگف وأندعي
وأختنـگ مـن اقـرة النعي
يـاايهــــا النـفس ارجـــعي

فـائـزة بحب حامي الحمة
انـــريد حسـن الخــــاتمــــة
ـــــــــــــــــــــــــــــــ
بخـدمتهـم ايخـلص العـمر
دنيــــانه ساعـــــات وتــمر
تحضـرنه فـــاطم بالـحـشر

تـرفـــع بديــــها القائـــــمة
انـــريد حسـن الخــــاتمــة
ــــــــــــــــــــــــــــــــ
اسمـك ترفعه تـوضــحه
الكــرار، يقـــرة الفاتــحة
ابشـــر، ذنـــوبك طايـحـة

مـن حيدر اعظم مكـــرمة
انـــريد حسـن الخــــاتمـة
ـــــــــــــــــــــــــــــ
مكـرمــــة بحسن العاقـبة
منـكر ابــــد ميـــحاسبــــه
تـنطي الزچـية المــــرتبـة

تــاج الخــــــدامة توســمه
انـــريد حسـن الخــــاتمــة
ـــــــــــــــــــــــــــــــــ
بتــــاج الخـدامة نفـــــتخر
الهـل نعمه نسجدلج شكـر
مــــاخــــافَ أمِّـــن بالگبر

يـطفي، الصميدة الحاطمـة
انـــريد حسـن الخــــاتمـــة
ـــــــــــــــــــــــــــــــ
ينـــــادي يخــــادم ياهـــله
حصــــلت اعظــــم منزلـــة
اي وحـــق عمــلة كـــربلـــة

يحــضر علـــــي والعالمــــة
انـــريد حسـن الخــــاتمــــة

ـــــــــــــــــــــــــــــــ
✍️تمت بعون الله وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم أسألكم الدعاء وقراءة سورة الفاتحة إلى روح والدي ووالدتي
https://t.me/Alalwya

قصيدة لمولاتنا الزهراء "عليها السلام"

صـار الــودااع اليــــــلة
حـاضن حسيـن الشيلـة

مشابگ اريد وحضنت ودااع
بـاچر تضمــچ فاطمة الگاع

بالصبر گلبي أدعيله
حاضن حسين الشيلة
ـــــــــــــــــــــــــــــ
ليـش بعـجل يمـه تعوفــــينه
مــن هسة متـــغيرة معـانينـه
خليــنه نحـــچي وياها خلينه
بلكي تـــرد. تسمـع بواچينـــه

وشلـون ضـعنـچ لـو مشة بليل
مــــوقف صعب ويهــدم الحيل

يبچي الحسن رديله
حاضن حسين الشيلة
ـــــــــــــــــــــــــــ
يبچي الحسن والروح تعبانه
زينب عليــــچ اليــــوم ذبلانه
باچـــــر تشيل التعـدل اغطانه
منـهو اليسدة الفـارغ أمچانه

ميتـه عليــچ اسم الله تنـگـال
ابتـابوت طـــولچ يمــة ينشال

والدمــع دم أنسيــــــله
حـاضن حسين الشيلة
ــــــــــــــــــــــــــــــــ
دمع الموادع يرسم همومه
وشلون لو مـوتـچ گرب يومه
گــدامنه مــاچنها ملــچومه
نبچي لمصابج حتى بالنــومه

فزت اختـــنه ورفــــعت اغـطاچ
بـس، الـــــــوساده مـــا لگــيـناچ

افراشج ييمه اشكيـلة
حاضن حسين الشيلة
ــــــــــــــــــــــــــــــــــــــــ
افراشچ اشم وانفاسي مخنوگه
اچفوف الزچية مشت محروگة
وحشــت اليــــل وباب مطبوگة
اوياچ الگلب لا ما يفـل شوگـة

تصيـح العقيلــــة يمــــه شلـــون
خـالي يبيتج يعمـــي العيـون

روحـي عليچ انحيلــه
حاضن حسين الشيلة
ـــــــــــــــــــــــــــــ
روحي تضـل لدووم محـزونــــة
عالصبحت بالگبر مـدفونـة
خلــــوو نعشــها لا تشيلــــونـة.
وحســين ويــــن الي يعـــــازونة

عازوا عله امـــه ام ضلع مهشوم
نصبـوو العـــــزاء وسود الهـــدوم

لليـوگـــــع اتّچيـــــله
حاضن حسين الشيلة
ـــــــــــــــــــــــــــــــــــ
✍️تمت بعون الله وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم أسألكم الدعاء وقراءة سورة الفاتحة إلى روح والدي ووالدتي

https://t.me/Alalwya

انتي ملايه ومحتاجه برنامج يساعدج على تنظيم المجلس والكتب والدفاتر ويساعدج على معلومات للصوت والحنجره وامور كثيرة ودورات لتقوية الصوت والمجالس جبتلج قناة اكاديمية لتعليم الأطوار الحسينيه

اشتركي قبل الحذف من الرابط 👇🏻👇🏻👇🏻


https://t.me/academy_mahhdawyat_allhawa

https://t.me/academy_mahhdawyat_allhawa

*تعزيه*
*بسم الله الرحمن الرحيم*

*(يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً فَادْخُلِي فِي عِبَادِي وَادْخُلِي جَنَّتِي)*
صدق الله العلي العظيم

ببالغ من الأسى و الحزن تلقينا خبر وفاة أبنة الشاعره رسل الإبراهيمي

اتوجه بخالص العزاء إلى الاخت الشاعره رسل الإبراهيمي
..
. بفقدها لابنتها سائلين الله إن يلهمها الصبر والسلوان

إنالله وإنا إليه راجعون
.
اختك العلوية ام وليد الموسوي

📜قصيدة لمولاتنا ام البنين "عليها السلام"

بـرض البقيع النايبة ودگ زنجيل
عباس سووة الفاتحة  تهد الحيل

مرتفع صوت الاحزان
تابوت جاب واچــفان

عباس سووة الفاتحة  تهد الحيل
ـــــــــــــــــــــــــــ
عند ال هاشم فاتحة سواها راعي الوكفات
ياخذ نعشها ام الوفه يم زينب اليلة تبات
صاح الحسين امن الگبر اسم الله ياهوه المات
ماتت اليلة الطاهرة بلچمات تتبع لچمات

جاوب علي راعي الزود
ياخـوية محـــــتاج زنود

احـفر واصيـرن دفـــــان
تابــوت جـــــاب واچفان

عباس سووة الفاتحة  تهد الحيل
ــــــــــــــــــــــــــــــ
چا بيمن ايحفره اللحد مفگوده  من عنده الايد
النعش منهو ينزله والهاي چفين ايريد
بيّن حزن راعي العلم  عالراس شالاه الحيد
يسمع ونين من الچفن والنوح صاير تعويد

حـزنت حزن كلش حاد
مـــظلـومة يــــم الاولاد

والبطل هال التربان
تابوت جاب واچفان.

عباس سووة الفاتحة تهد الحيل
ــــــــــــــــــــــــــــ
صارت اليلة النايبة وأبِّيتها صار اصياح
جنّازها رد البطل يتخوصر ابلاية اصفاح
شعدهم السادة اتناشدة منهو الذي منهم راح
جاوب بعبرة ومختنگ علوو البچي وصوت نياح

نصبـــوو الفـــواتح يـا ناس
ماتت اليلــــــة ام عبـــــاس

ولهاي تحضر لِخوان
تابوت جاب واچـفان

عباس سووة الفاتحة تهد الحيل
ــــــــــــــــــــــــــــــــــــــــ
يحضرون الاولاد اربعه رادتهم الوكت الموت
وحسين شيال النعش يبراله رايح زاتوت
ويصيح يمه وينتحب ويسمّع الحره الصوت
لكن حسافة بكربله تابوت جر بتابوت

خلصوو ذبح اهل البيت
يـــادهر بينـــة شسويت

مسدوده كلها البيبان
تابوت جاب واچفان

عباس سووة الفاتحة تهد الحيل
ــــــــــــــــــــــــــــــــــ
مسدودة باب ام الوفه عازوو عليها الزهـــراه
دمــعاتها من دم تصب ويـــلاه صاحت ويــلاه
للموت ماننسه الجرة نبقى المصابچ ننعاه
بالضلوا أنه محلّفج بالطف على الگاع اشلاه

بالسده اعليهم والصار
لا ماتمس جسمي النار

يحمونه سادت عدنان
تابـــوت جاب واچفــان

عباس، سووة الفاتحة تهد الحيل

ــــــــــــــــــــــــــــــــــــــــ
✍🏻تمت بعون الله وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم أسألكم الدعاء وقراءة سورة الفاتحة إلى روح والدي ووالدتي

https://t.me/Alalwya

📜قصيدة طلب إحدى الاخوات كتبت على أثر رؤيا

بالحلم جتني الزچيـــة گابلتني لاطِمة
حاضره گالت عزائچ للسبط يالـخادمِـة


البارحة انتي انهظمتي الزهرة گلتي حاضِرة
شاهدت دمعات عينچ بالجفن متغرغرة
ردت وحده  تصيح لبني  ياحسين مناطِرة
مو شرط صوت وتباهي لو مجالس فاخِرة
اكو بعض الناس تلطم  بالرياء محزمة
ــــــــــــــــــــــــ
باالتظاهر والتباهي هواي  من عدها شفت
مو لجل ابني ومصابه بالرياء اتحزمت
البارحه انظر المجلس محد اوياچ الطمت 
حسين ما ينراد نخوة عيني العينچ بچت
اسمچ بسجل الخدامة وهاچ شوفي القائمة 
ـــــــــــــــــــــــــــــــ
اتسَجل اسمچ بالعزية  واني دمعاتي تصب
والله لو اسمع قريتي حسين مصيوب الگلب
وزينب الراحت اسيرة حافيه گطعت درب
الدمعه توفيقات لبني لا حچايه ولا
غصب
المابچه اعله حسين اگله ماتنول الخاتمة
ـــــــــــــــــــــــــــــــ
لا ينول الشرف إلاّ ذووو عظيمة المرتبة
جيت انوح حسين يبني وأرتكي ومتحدبه
المابچه البيت الرسالة اهناك احنه نطالبه
يحضى بالجنة اليخدمه وهاي حسن العاقبه
بليلة الوحشه احضره وأحرسه امن الحاطمة
ــــــــــــــــــــــــــــــــ
بالنهايه اختم كلامي هموم بيه مسطرة
على الي، حزوو وريده وزينب اخته الصابره
نريدها تسجل عزانه وينذخر بالاخرة
اقتِدي بخدر العقيلة وهيبة صيري موقره
والمجالس چن مدارس اسستها العالمه
ـــــــــــــــــــــــــ
✍🏻تمت بعون الله وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم أسألكم الدعاء وقراءة سورة الفاتحة إلى روح والدي ووالدتي
https://t.me/Alalwya

📜مقطوعة شعرية إلى خدام الامام الحسين "عليه السلام"

غربيل  الخدامة  يغربل  الخدام
واهل البيت بالمجلس يحضرون

الخادم لو قرة عيش المصيبة وياه
احـچـي للبـــعض،خلهم يسمـــعون

كوون اليحضر، المجلس، يوون حيل
ويبچي، ادموم لجل  امصيبة ام عون

يتصــــــور حسين شلـــــون من مات
وبخـيل العده ضـلووعه يسحگـــوون

اكوو مراات بعض الناس شتگوول
هـذوله الــي، قروو شوو ما يبـچّون

مـــايوگـــــع تــره اليـــخدم المظلوم
هــوه اليــــرتفـع وانتــــــــم  تطيـحون

بالمــجلس الـزهــرة بعتبت البــاب
تسجل الي، بچـوو ولي يلــــطـــمون

بـــــاچـر، عالصـراط. حسين تلـگاه
وبس، الخــادم المخـــلص يعبرون

التـواضع والتسامـــــح يبني قصـورر
بطــيب اخلاقـــــكم بالجنة تبنــــون

المــخلص بالخــــــدامة الله انـطاه
كـــــرامة وصيت بيه الناس، يحچون

لا تحـچي اعله خــــادم بالك تگوول
وتطـعنه بالظـهر واعلي يضحكون

الشــــــــكــوى  مـن يبـثها بعبــرة لله
تعثـرك بالبــــخت دمـــعات العيــون
----------------------------------------
تمت بعون الله وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم أسألكم الدعاء وقراءة سورة الفاتحة إلى روح والدي ووالدتي
https://t.me/Alalwya

كاني بمولاتي  زينب عليها السلام

عندما فزت من النوم دخلت الى غرفة
امها الزهراء عليها السلام  لم تجد  امها في، فراشها  جلست تبكي  بصوت
ضعيف  لا تريد ان يسمع  الصوت الحسن والحسين  عليهما السلام  بعده بضع دقائق  واذا بالحسن والحسين اقبله الى غرفة  الزهراء عليها السلام  نعم هنا ماذا تفعل مولاتنا زينب حين يسالون على امهم الزهراء عليها السلام   قالوو لها اخية زينب اين امنا الزهراء  نعم مولاتنا تذرف الدموع  بعد ذالك ارتفعت  الاصوات  صاحت مولاتنا زينب عليها السلام بصوت يقرح القلوب  اي ومصيبتاه   اي واماه اي وا زهراء
وكاني بها تنادي
ـــــــــــــــــــــــــــــــــ
حيــدر ليـش، بامـي مـاتوانـه
وبـدفــن الزچـــية مــا خـذانه
خـالي فـــراشها الزهرة وعـمانه
ــــــــــــــــــــــــــــ
يابوية اخذني وياك اخذني
ومــن تدفن امـي لا تردني
الونـات اخـــوتي  كثر وني
ــــــــــــــــــــــــــــــ
صوب المگابر روحي گصدي
ويــه الحنيـنة عتـب عنــــــدي
يعــمي مچـــــانچ يمــــــة ردي
ـــــــــــــــــــــــــــ
وشلون بينه الليل اجانه
گعدي يخيمتنه وذرانه
والمات شيسده مچانه
ـــــــــــــــــــــــــــ
دفناها حيدر والخبر شاع
غرب ضعنـها بلايـه اوداع
ماكـو دووه للزهـره ينــباع
ــــــــــــــــــــــــ
جرحـچ چبير وماله اضـماد
ماشفتي حالي وحال الاولاد
كــــون الوكت وياچ ينـعاد
ــــــــــــــــــــــــ
كــون اتعـودلي امي النـزلها
والفـاگده امـها بعد.شلها
هموم وحزن يثگل حملها
ـــــــــــــــــــــــــ
زينـــــب تــراها اتشــوف كسرين
ضلوع ام حسن وضلوع الحسين
ضـــــل عالثره مــــن غير تچفين
ــــــــــــــــــــــ
تمت بعون الله وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم أسألكم الدعاء وقراءة سورة الفاتحة إلى روح والدي ووالدتي
https://t.me/Alalwya

نعي بحق الوالدة اهدي ثوابه لمولاتنا الزهراء عليها السلام
ــــــــــــــــــــ

مريت عله گبرچ اشكي  الهموم
بعيـوني الدمـع  باقـي نيـــاشين

سولفت وشرحت هواي لچمات
مـا سمعت كلامي النامت بطين

عاتبـت الگــبر ومــدنگـه رديت
ولا گـالــت ييـمه ويـن مـا ويــــن

طبـع امـي حـلـوو مـاترد. محتاج
امـي بكـل وكــت راافعة الچـفين

دعـاها مستـجاب ورافعة الايـــد
اثــر باقي بخــتها بالحـــــايطيـن

مـامـــاات البخت  والجـنة مثـواچ
علي يحضرچ علي وخير النساوين
ـــــــــــــــــــــــــــــ
تمت بقلم خادمة اهل البيت عليهم السلام ام وليــ✍ـد الموسوي الفاتحة إلى روح والدي ووالدتي
https://t.me/Alalwya

📜قصيدة لمولاتنا الزهراء "عليها السلام"

شال الضعينة      شال الضعينة
حيدر بتالي اليل  شال الضعينة

مترد علينة  مترد علينة
عافتنة امنة  ايتام   مترد علينة
ـــــــــــــــــــــــــــــ
ماصح بدينة نروح  ونماشي الضعون
چاا بالحسن وحسين  يالزاچية شلون
تبعووها صوب الباب راحو يرگضون
ما شافوو التابوت رجـعولي يببـچون

نصفگ بدينة   نصفگ بدينة
عالفارگتنه بساع نصفگ بدينة
ـــــــــــــــــــــــــــ
للفـــارگتنة ابسـاع  والشــالت بلـيل
ترجـعلي كـون تشوف حال المـداليل
احچيلچ اعله الحيل ماضل بعد حيل
يــايمـة ريـت ويــاچ للمگــبرة انشيل

صحنه وبچينة   صحنة وبچينة    يالرحتي الله وياچ  صحنة وبچينة
ـــــــــــــــــــــــــــــــــــــ
صحـنة وبچيــنة عليــچ ونــهل الدمــوع
صـوت اليتـم  كــــتال للگـــلبه  مـوجـوع
للـــــمـــحسن احنه انّوح لو كسر الضلوع
يبچي، الحسن وحسين ضل گلبه مشلوع

ما غفت عينه   ماغفت عينه
نعشچ بيوم انشال ماغفت عينة
ــــــــــــــــــــــــــــــــــ
نعشچ بيوم انشال   كونچ تشوفين
ترست البيت احزان ونات الحسين
للغرفه نمشي نشوف بس، الحياطين
عمــيانه مــن فـــرگاج ياالزهره هالعـين

ماترد لينة ماترد لينة
النامت ابنص تربان ما ترد لينة
ــــــــــــــــــــــــــــــــــــــ
راحت ابدرب الموت حفروو گبرها
زينـــب بعد هيـهاات يـجبر كسرها
ايضل عمره باللوعات كلمن خسرها
ابچـوو على الزهراء خـلص عمرها

منها ايسينه منها ايسينه
صار الوداع اليوم منها ايسينه
ـــــــــــــــــــــــــــــــــــــ
صار الوداع اليوم نامت بالتــــراب
ضلعچ الحد المــــوت يايمه ماطاب
عازووني. يمحبين لفراگ الاحباب
تگضيها كل حاجات بت داحي الباب

همه السفينة همه السفينة
ينجه اليوالي حسين همه السفينة
ـــــــــــــــــــــــــــــــ
تمت بعون الله وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم أسألكم الدعاء وقراءة سورة الفاتحة إلى روح والدي ووالدتي
https://t.me/Alalwya

مقطوعة لمولانا امام زماننا الغائب الحاضر
الامام المهدي عجل الله فرجة الشريف
ـــــــــــــــــــــ

شلونك. جيت اگلك سيدي شلونك
يـل كـل جمعه انصـــارك ينطرونك

بعدك للغريب حسين ادري مايفل نوحك
دمعاتك بتالي اليل تگعد. تبچي وي روحك.
گـواگ الله مـحد. گال محد. شال مذبوحك
مانعنة الذنب عنك  تمشي  وما يعرفونك
شلونك جيت اگلك سيدي شلونك

ام وليـــ✍ــد الموسوي

اللهم عجل لوليك الفرج واجعلنا من انصاره واعوانه
جمعه مباركه على الجميع

https://t.me/Alalwya

تم نشر قصائد جددة بقناة الحجيه ام علي من اروع القصائد تعالو وياي لقناة الشاعرة الحجيه ام علي البصره تحصلون بيها كولشي جديد

ماعليج بس تشتركين من هنا


👇🏻👇🏻👇🏻👇🏻👇🏻

https://t.me/ahzan2018

https://t.me/ahzan2018

قناة الشاعره ام ياس انحذفت
وهذه قناتها الجديده حياكم الله خدام الحسين

https://t.me/Alsaidyh

https://t.me/Alsaidyh

جايتج الايام الفاطمية وعندج مجالس
ومحتاره تردين قصائد جديده 🔥
حزينه وتوجع 💔

تعالي وياي لمكتبة عاشورا۽
تلكين بيها اروع واجمل الكتب الفاطمية

شمنتضره اضغطي علرابط👇

https://t.me/AiDoiwwn19878

انتِ ملايه ومحتاره بالمجالس شتقرين
تعالي هاي القناة تفيدج
قناة متنوعه لنشر القصائد ااحسينيه الحزينه

هالقناة احسبوها حقيبتكم بالمجلس ولا تخسروها اشتركو

عبر الرابط 👇🏻👇🏻👇🏻👇🏻


https://t.me/amAli30

https://t.me/amAli30

تعالن وياي لقناة الشاعرة زينب المالكي اشتركي بقناتها الجديدة

انتي ملايه تعالي اوياي اخذج لقناة بكل حرف دمعة وحزن وشجن
قلم جنوبي راقي تألقت به الشاعرة المبدعه زينب المالكي ام آدم الزهرائيه

👇🏻👇🏻👇🏻👇🏻👇🏻


https://t.me/amadamalmalke2

https://t.me/amadamalmalke2

📜قصيدة لمولاتنا الزهراء "عليها السلام"
🎵على لحن قصيدة "شال الراية" للرادود حسين والي اللامي
🖋️لخادمة أهل البيت# العلوية ام وليد الموسوي

وزن المفتون


اقراية  اقراية  اقراية للزهرة  أنسوي  قراية
ـــــــــــــــــــــــــــــــــــــ
باب الخشب وج نيران ضلت تون محنية
من طگ ضلعها البسمار فوگ الضلع مچوية
زينب تگول الونات ماهدت منها أشوية
نصبوو العزة وصيحوو أبصوت مظلومة يالعلوية


نكسر اضلوع وچفين  لا مــا  نگول  أكفايـة
اقراية  اقراية اقراية لزهرة  نسوي  قراية
ـــــــــــــــــــــــــــــــــــــ
من نلطم انكسر اضلوع تستاهل ام السادة
لا مـو كفايـة الدمـعات طوول العــمر معتادة
طبع اليموت احنه نگول ودع هله بالعادة
زينب اجت تحچي وياچ مالگت بس اوسادة

ضـل يـبچـي يا يمة اعليچ قـرآن وأمصلاية
اقراية  اقراية اقراية لزهرة  نسوي  قراية
ـــــــــــــــــــــــــــــــــــــ

حضروو المجالس والنوح نبچي ابدمة  عالصاير
عازو الحسن عازو حسين  شيجبره  كسر الخاطر
عـافتهم أبنص الليـل  شبحوو عليها الناظر
ساعات زينب عالباب  وكت الغروب تناطر

يايمه عفتينه ايتام ما حسبيت أبهايه
اقراية  اقراية اقراية لزهرة  نسوي  قراية
ـــــــــــــــــــــــــــــــــــــ
ما حسبت امها تموت والدنيا صارت ظلمة
چن مگبرة وحشه البيت  مفگودة چلمة يمة
يبچي اليتيم وهيهات حضن الحنان ايضمة
خـد الزچية المسطور خاف التراب ايلچمة

لو نشفت دموع العين نشريها احنه اشراية
اقراية  اقراية اقراية لزهرة  نسوي  قراية
ـــــــــــــــــــــــــــــــــــــ
نشري اللطم  ماننساه ثوب بدماها أمنگع
أشيحملها عصرات الباب لاذت خلف ماتطلع
شاهدت محسن مطروح موقف صعب وأمروع
عميانه ماضنها اتشووف عين الالچ ماتدمع

ماتطفه تسعر بالروح نارچ تضل چواية
اقراية  اقراية اقراية لزهرة  نسوي  قراية
ـــــــــــــــــــــــــــــــــــــ
ماتطفه تسعر بالروح كل شيعي شد احزامه
الفاطم وابنها المذبوح فوگاها حرگ اخيامه
الهم بچي ودگ أصدور كون اللطم عالهامة
هناك بصحيفة لعمال يلگه الاجر گدامه

كلمن لطم لهل البيت يشرب الكوثر مايه
اقراية  اقراية اقراية لزهرة  نسوي  قراية
ـــــــــــــــــــــــــــــــــــــ
✍🏻تمت بعون الله وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم أسألكم الدعاء وقراءة سورة الفاتحة إلى روح والدي ووالدتي
https://t.me/Alalwya

📜قصيدة لمولاتنا السيدة فاطمة المعصومة "عليها السلام"

مجـلس فاطمـة المعصومهِ إنحضره
الكل طالب الحاجة اتسمعه وتنظره
ـــــــــــــــــ😭ــــــــــــــــــــ
المريض وعنده حاجة يصيح مولاتي
اجيـت المجــلسج سمعيـها ونــاتــي
همـوم ال بالـگلب تشرحها دمعــاتي
على الخد الدمع  يجـري عله الفـــطرة
ـــــــــــــــــ😭ــــــــــــــــــــ
نخيت بجـاه ابـوچ اصرخت بحــزاني
الـچ يخــت الرضـا مـــديت ذرعانــي
بنـت اليـحــضر الشــــده أتِّلگـــانــــي
كريمـة ومثل ابوها تساعد الفـــقرة
ـــــــــــــــــ😭ــــــــــــــــــــ
كـريمـة وكـل فقيــــر ابايــدها تعينـه
دكتـورة  وحنينــه أدواهـــا يشفينــــه
بس انخي بابــوها وگيـــد چفـــــــينه
علگ بيدچ  شفه امن عمامته الخضرة
ـــــــــــــــــ😭ــــــــــــــــــــ
علـگ بيـدچ شفه ومـا تضل كـل حيـرة
وحگ صاحب السجدة وصاحب الغيرة
يــل متـّي  بعيــدة أغريبـــة الــــــديرة
تنــطـي مــرادنه والخـــاطر أتجبـــــــرة
ـــــــــــــــــ😭ــــــــــــــــــــ
تنـطي مـرادنه وتحـضرنه بالـــــوحشة
الگـبر ظلمة وتگلـبه فاطـمة غبشــــــة
يمعصـومه نصيـــح المدمــــع نرشــــة
بحـق إعبايـــة الحــره الصفـــت حمرة
ـــــــــــــــــ😭ــــــــــــــــــــ
بحق زينب وخـوها حسيــن والمنـحر
تحضـرين الحسـاب ولـو حضر منـكر
تطمنـين الگلــــوب بساعـة المــحشر
نلـوذ أبخـت اهلــــج سادة العتـــــرة
ـــــــــــــــــ😭ــــــــــــــــــــ
✍🏻تمت بعون الله وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم أسألكم الدعاء وقراءة سورة الفاتحة إلى روح والدي ووالدتي

https://t.me/Alalwya

فزاعية للسيدة فاطمة المعصومة عليها السلام

هاليلة معصومة توون
يـالـكـاظـم اتـعـنـاهــا
•••••••••••••••••••••••••••••••••
ضلت نحيـله  باالدرب
احضـر يمسموم الگلب
مطروحه مابين الغرب
رادت ابـوها ويــــاها
•••••••••••••••••••••••••••••••••
رادت ابـوهـا بالـدفــن
شيجيبه المات بسجن
عيونچ على الوالد بچن
لا مـــا سمـع مبـچاها
•••••••••••••••••••••••••••••••••
لا مـا سمـع ضل عالجسر
يحـــضر يشيعـها الگـــبر
شابـــحه العين وتنتـظر
خلصـت هـظم دنــــياها
•••••••••••••••••••••••••••••••••
دنياها خلصت فاطمه
تـــعالج الحره مالمه
نــاحت ملائكة السمه
أرض وســـمه تنعاها
•••••••••••••••••••••••••••••••••
ننعاها منصوب العزة
تنطي الذكرها الجائزه
الــشيعة هــيه الفائزة
باب الفــــــرج ردناها

•••••••••••••••••••••••••••••••••
باب الفرج والـــــموعظه
تحضر ويانه اخت الرضه
بجاه العظامه مرضرضه
تــنطي الـــذي يـــنخاها
•••••••••••••••••••••••••••••••••
✍🏻تمت بعون الله وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم أسألكم الدعاء وقراءة سورة الفاتحة إلى روح والدي ووالدتي
https://t.me/Alalwya

نعي كإني بلسان حال مولاتنا زينب "عليها السلام"

كـون ادري بامـي جبلتـها
وبـيدي الزچيــــة غسلتـها
وبليـل وي حيـدر شلـــتها

أنشـيل الجنازة وجدمي حافي
بسـمارهــا بالضـلع غـافــــي
مـن البچــي يـــابسة شفافي

همم العليه فـوگه فوگــــه
مر الصبر عگـــبچ اضوگه
گلـبي تـره مـا يفــل شوگـه

يبـچـون اخـــوتـي وتعبــوني
چـا وينـها امــي ينشــــدوني
لـونج خـــرب يا بعــد لونـــي

الوجهچ  تراب الگبر ميلوگ
مظـلم نزلنه ونـوره مبيـوگ
حايط وباب أعليچ  مطبوگ

كــون الگبور الهــا شبابيـچ
وجه بوجـه نمشي ونلاگيچ
تراب الگبر يالزهرة غاطيچ

جار الدهر عگبج. بعد. جار
شالت الليلـة خيمــة الــدار
وبگـلبي يمه شبت الـــنار

هد حيليى يمه يوم الاوداع
كل الاحنان افگدهم ابساع
بكاع الطفوف تروح الاسباع
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
✍🏻تمت بعون الله وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم أسألكم الدعاء وقراءة سورة الفاتحة إلى روح والدي ووالدتي
https://t.me/Alalwya

قصيدة لمولاتنا الزهراء عليها السلام

يــزهرة بمنبرج كلنه ،، خدمنه
سجلي دموعنه وفـقي ،،خدمـنه
تصيح ام الخدر سطرو،، خد امنه
يوسفة اليـوم وافتــها المنـــــية
ــــــــــــــــــــــــ
الفزاعية
ـــــــــــــــــــــــ
الخدچ المسطور
ننـصب فاتـــــحة

نبچي على الضلعين
لـم الــحسن وحـسين
زينـب تديــــر العيــن
صوب النعش هاليوم عينچ شابحه
ـــــــــــــــــــــــ
صوب النعش بالباب
هـالـوو عليــها تـراب
ااه يا عــظم لِمصاب
وشحال حيدر من دفنها البارحة
ـــــــــــــــــــــــ
شحـال الوصـي هاليــوم
ينعى ام ضلـع مهشــــوم
حــاربت عينـــه النــــوم.
هلوو الدموع وياه علوو الصايحة
ـــــــــــــــــــــــ
هلـوو عليـها دمــــووع
الفاطـم. نكسر ضلووع
صوت الحزن مسـموع
تنادي العقيلة وين امي رايحة
ـــــــــــــــــــــــ
تـنادي على التابـوت
ماضن يردها المـوت
ليش بعجل بسكـوت
بليل طلعتها عظيمة وجارحة
ـــــــــــــــــــــــ
صار بعجل ممشاچ
طوول العمر ننعاچ
هاي الخدم تنخاچ
تماسي اليموت ام الحسن وتصابحة
ـــــــــــــــــــــــ
✍🏻تمت بعون الله وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم أسألكم الدعاء وقراءة سورة الفاتحة إلى روح والدي ووالدتي
https://t.me/Alalwya

قصيدة لمولاتنا الزهراء "عليها السلام"

تلوج گبالي // اتلوج اگبالي
امي الزهرة  // اتلوج گبالي

غير حالي//  غير حاالي 
كسر ضلوعچ //غير حالي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
كسر ضلوعچ سطرت عينچ ماضن من عدها طيبين
كلما شوف الباب اتالم وبحرگة اصرخ
يم حسين
مو بابچ محروگ بروحي وجت يانار الضلعين
هاي الونة تهدم حيلي خافن من عدها تموتين

دمعچ هالي// دمعچ هالي
تبچي عيونچ// دمعچ هالي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
تبچي عيونچ ويه عيوني يازينب صاح الكرار
كل حسرة يجرها ويتالم  شيطيبه  اصواب  البسمار
ونت امي اتهدم حيلي  عندي اعتاب  الباب الدار
عاصر ليش ضلوع الزهره  وفوگ العصرة  يشب النار

الموت اشوالي //الموت اشوالي
ولا شوفنها //الموت اشوالي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
الموت اشوالي ولاشوفنها  تعالج من ضلع المكسور
بفراش الموت تحاجيني  وتغطي بخدها المسطور
خيمة ولو شالت خيمتنا يروح الفي وذاك السور
خافن تمشين اعله الغفله وتضمچ ياحيف گبور

سور العالي // سور العالي
بليل إتحمل // سور العالي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
لو عفتينه بليل ورحتي ويضمچ يايمه   تراب
زغار احنه ونشتاگ الحضنچ  مانحمل يحبيبه غياب
بكل غروب ابچي اودعيلچ طاب صوابچ لو ماطاب
شيصير بروحي أمن أفگدها وأتنطر دگات الباب

اليفگد غالي//  اليفگد غالي
يضل مهموم //اليفگد غالي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يضل مهموم وعبرة بصدره  بوجهَ احزانه تضل نيشان 
شلون الفارگ امه بلحظه لا تشييع  ولا دفان
بس حيدر غسلها بسكته وصيتها الداحي  البيبان
وداع الموت ومتوادعنه  ضل بيتچ بيت الاحزان

بيتج خالي //بيتچ خالي
ينعاچ وضل //بيتچ خالي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ينعاچ البيت واركانه ماچان ابالي امي تروح
اكتب لضلوعچ ونعاهن واعله حسين الضل مذبوح
ماانسه مصابه ولمصابچ ينزف گلبي الهم مجروح
ينخاچ الخادم يترجه تحضرين النه بطلع الروح

تشاهد حالي// تشاهد حالي
بساعة موتي// تشاهد حالي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
✍🏻تمت بعون الله وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم أسألكم الدعاء وقراءة سورة الفاتحة إلى روح والدي ووالدتي

https://t.me/Alalwya

نعي مع رباطات هوسات للسيدة الزهراء عليها السلام

نعـــش الزچـــــية بليـل رايـح
گلـبــي وره التابـــوت صايــح
طايـح يسگـف البيـــت طايح

طايـح يسگـف البيت مـگلـــوب
ييـمه اليـــتم كـتال الگــلـــوب
وجهـج گبالـــي وكت الغـروب

بالبـاب وعيـــوني مشبــــحات
ينـعاد شخصچ بعــد  هيهـــات
شيحـمــلهن هــموم الثگــيلات

چـاليـش، مــا گتيــلي  ترحــين
حـيلي نهـدم والـــحال  مــوزين
الحسين  يبـچي، عليـچ لحسين
"""""""""""""""""""""""""""""""""""""""""""""""""""
رباطات هوسات

الله اليعـين الفـاگــــده  
من طبت امها للگـبر
"""""""""""""""""""""""""""""""""""""""""""""""""""
مخـفي  الگـبر عنــوانه
امچ  يزينب من مـشت
"""""""""""""""""""""""""""""""""""""""""""""""""""
صاحت الحـرة ياعلي
گبـل الدفــن مــــروها
"""""""""""""""""""""""""""""""""""""""""""""""""""
هيـهات مــا نتلاگـــه
مرها على بتها نادتك
"""""""""""""""""""""""""""""""""""""""""""""""""""
لوو نكسر اضلووع الصدر
للزهرة مـا وافيـنه

"""""""""""""""""""""""""""""""""""""""""""""""""""
تمت بقلم خادمة اهل البيت عليهم
السلام ام وليــ✍ـد الموسوي
لا اجيز حذف الاسم الفاتحة إلى روح والدي ووالدتي

https://t.me/Alalwya

📜قصيدة للإمام الحسين "عليه السلام
🎵على لحن قصيدة " شال الراية "للرادود حسين والي اللامي
🖋️لخادمة أهل البيت العلوية ام وليد الموسوي


"احچاية  احچاية  احچاية لحسين ننطي احچاية"

لحسين منطين اوعود نمشي اعله نهجه ودربه
والزل طريقه مطرود ميشووف رحمة ربه
أبدون المجالس يا ناس چن عايشين بغربة
نحسبله كون الف حساب الماي من انشربه

"عطشان مات المذبوح محروم شربة مايه"
احچاية  احچاية  احچاية لحسين ننطي احچاية"
ــــــــــــــــــــــــــــــــــــــــــــــــــ
دنيانا رحلة وهيهات تخلص بدون احسيني
غربة ومصايبها أهواي بس هو الينجيني
مولاي أريده امشي أوياه مثل اعمى وايدليني
اعبر صراط الحق بيه يبرالي  ويماشيني

"بالشده حاضر تلگاه  الشخصك تعنه  عناية"
احچاية  احچاية  احچاية لحسين ننطي احچاية"
ــــــــــــــــــــــــــــــــــــــــــــــــــ
بالشدة ننخه المظلوم نلتجأ لي من نتعب
همنه صعب احنه هواي  وأعلي سهل مايصعب
ابن الزچية ومعروف  بالحاجة هوه مجرب.
والعرف قدره ومعناه بيده يصعده المركب

"يفوز وختم چفه حسين نال الشرف والغاية"
احچاية  احچاية  احچاية لحسين ننطي احچاية"
ــــــــــــــــــــــــــــــــــــــــــــــــــ
نستشعر الحب وياك. بيه المشاعر  تكبر
يسجد شكر للمعبود كلمن صعد عالمنبر
تم اختياره أمن حسين اي وحگ كطع المنحر
يوم القيامة يحضرون فاطم وابنها المحشر

"همه السند للخدام  يوم الحشر تچاية"
احچاية  احچاية  احچاية لحسين ننطي احچاية"
ــــــــــــــــــــــــــــــــــــــــــــــــــ
بمالات اهلنه نحاچيك حبك اجه عالفطرة
يابو علي وجه الخير منك نريد النظرة
للعدل انتَ وللمات بالگبر تمشي تحضره
خسران كلمن عاداك مينول صك الزهرة

"مضمون عدها وموثوق وهناك بيضه الراية"
احچاية  احچاية  احچاية لحسين ننطي احچاية"
ــــــــــــــــــــــــــــــــــــــــــــــــــ
كل خدمه مو لجل حسين ما تنقبل مرفوضة
لا مانسينه الي صار وعظامك المرضوضه
لو نزلت ادموعي العين اقسم قسم محظوظة
تندحر وادنگ الراس خل ناسك المبغوضه

"بأسمك طريق الأنوار قرآن انت و آية"
احچاية  احچاية  احچاية لحسين ننطي احچاية"
ــــــــــــــــــــــــــــــــــــــــــــــــــ
✍🏻تمت بعون الله وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم أسألكم الدعاء وقراءة سورة الفاتحة إلى روح والدي ووالدتي
https://t.me/Alalwya

عمل الانسان …

في كل لحظه يستطيع الانسان ان يعمل الخير قربه لله … هل سألت نفسك ما الذي يمنعك من عمله الان وذلك بسبب غفلتك عن هذه اللحظه او بسبب عمل محرم قد سلب التوفيق منك  ….

وكذلك في كل لحظه يستطيع الانسان ان يعصي الله  ولكن رحمة الله هي التي جعلت النفس الامارة في سبات عميق لهذا اياكم و الخروج من رحمه الله ….

*📜قصيدة للسيدة الزهراء "عليها السلام"لسان حال السيدة زينب "عليها السلام"*

*🖋️طور  قصيدة الحاج  ملا جليل الكربلائي*
* *"لوون  يوصل بدية رحت للغاضرية"*


اليـوم امي الزچـية  على أفراش المنية


عسه  يومچ علي لا گرب . لاحـان
إسهام  بنص دليلي اليوم . لا حان
الكسر ضلعچ ابد لا رحم .لا حان
"طبگ روحين بالــحايط سويه"
ـــــــــــــــــ😭ــــــــــــــــــــ
اسگـطت  بالـباب وعيـوني .. تـراها
صـاحـــت ياعــلي  امـــــي .. تـراها
العدوو اعله الزاچيه بيده.. تراها
"سطرها وعينـها  شبحت عليه"
  ـــــــــــــــــ😭ــــــــــــــــــــ
بشبـحت عينـها عالـروح .. مـــرهم
لا تـرحين انــه بليـــــاچ .. مـــر هم
انتـي  الوالـدة للجـرح .. مـرهـم
"اذا تـرحيـــن يـمة شلــون بيـــــــه"
ـــــــــــــــــ😭ــــــــــــــــــــ
ابحلم نعشچ جفـــه عني .. وراحل
صـحت بصوت يايمــة..ورا حـــيل
عصرتج والضلع ماكو. ورا حـــل
"اضـن ترحيـن يحـبيبة أمــن اديــــه"
ـــــــــــــــــ😭ــــــــــــــــــــ
اليالي اويه الحنينة گضن.. وچفان
تجري ادموم يمه اعيون..وچفان
جابوو لم حسن تابوت..وچفان
"وحشه البيت يمه بهل المسية"
ـــــــــــــــــ😭ــــــــــــــــــــ
شــلــج بــالــگبر يــمـه...وترابه
للــجــيــه تـصـد عـيني...وترابه
ترى گلبي الهظم لاحه...وترا بيه
"لچمة امن الوداع اتضل عليه"
ـــــــــــــــــ😭ــــــــــــــــــــ
✍️تمت بعون الله وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم أسألكم الدعاء وقراءة سورة الفاتحة إلى روح والدي ووالدتي

https://t.me/Alalwya

📜قصيدة وزن الفائزي للإمام الحسن العسكري "عليه السلام"

شايل الليلة العسكري  والچبد ممرود
لاحت علامات الحزن من طب للحود
══━━━━✥◈✥━━━━══
لا حـت علامات الحزن والبيت خـالي
هاليوم ننصب فاتحة  والصوت عالي
يسـمـع المهـدي وينتحب فـاگد الوالي
مسموم شالو للگــبر والراح ميعود
══━━━━✥◈✥━━━━══
مسموم صارت فاجعة والحجة محزون
اوداع الاخـير يـوادعـه  ويـن اليــعـزون
بسامـرة كلـهم شيعته خلــهم يحضرون
ايشيعون نعشه العسكري هاليوم مفگود
══━━━━✥◈✥━━━━══
مشيعين نعشه بالحزن  سمته العـدوان
سامـرة وحشة ومظلـمة  مفــگود الاذان
مثـل الحسين بكـربله  ذبحـوة عطشان
بكـل بيت ماتم للعزة  هالـيوم مــوجود
══━━━━✥◈✥━━━━══
بكل بيت ماتم للحسن سم العدوو ضاگ
ودع احبابه وغمضت  عينه للفراگ
يشتاگ الك يالمنتظر كل لحظه يشتاگ
اجرك عظيم  اعله الجره صحنه يموعود
══━━━━✥◈✥━━━━══
اجرك.عظيم أعله الجره والدمع من دم
مجلسنا منصوب ونون للمات باللسم
نـاره تضـل بكلـــوبنه ونـار المـــخيم
ونار الچفوف العلنهر ضلت والزنود
══━━━━✥◈✥━━━━══
لـزنود ضلت ياوسف والضلع مكسور
اويه الهادي وين الي، بچه كل دمعة مذخور
ما ننسه يوم العسكري وما ننسه عاشور
باب الفرج من ننتخي كل باب. مسدود
══━━━━✥◈✥━━━━══
تمت بعون الله وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم أسألكم الدعاء وقراءة سورة الفاتحة إلى روح والدي ووالدتي

https://t.me/Alalwya

فزاعية لمولانا الحسن العسكري علية السلام

هاليوم  نلطم  والعزة
للعسكري  مسوينة

هـذا عـــزانـة للابـــد
ممرود ياحيف الچبد
راحو يحفرون اللـحد
والمـهدي الله يعيــنة

والمهدي يهمل دمعتة
نصبت مـاتـم شيـعتــة
يشـبه حسين وذبحـتة
مـن كســرو  ضلعــينة

عطشان مكسور الضلع
للعسكـري نـهـل الدمـع
صوب المقابر مـن طلع
نعـشه الــولي  مشيعينة

مـرفوع نعشــه بالحــزن
نحـضر مـراسيـم الـدفـن
خلـونـة لمصـابـــة  نـوون
مسمـوم غمــضت عيــــنة

مسمـوم  يــابــحر العـلـــم
گلب ابـو صالـــح منـــهدم
لـلـحسن  شـدنــة اللــــطم
ومـــصـابـه مــا  نـاسينــــة 

مـا ننسـة چـــبدة مگـطعة
كـل چـف مـوالي يرفــــعة
مــــجلسنة حــــيدر وقــعة
مـختــــوم مـــــن چفــــينة 

تمت بقلم خادنة اهل البيت عليهم
السلام ام وليــ✍ـد الموسوي لا اجيز حذف الاسم الفاتحة إلى روح والدي ووالدتي

https://t.me/Alalwya

قصيدة لمولاتنا الزهراء "عليها السلام"

اليوم ام الحسن عالرووس شيلوها
رايـــات الحــزن للــزهرة رفـــعوها
══━━━━✥◈✥━━━━══
رفـعوه النــعش يــا شيـعة هالــيلة
مــو عالراس نـص أگلــــوبنه نشيلــه
چفـنها علـــي والمـــــدمع يسيلـــــة
ومـلاك السمــا اويـــاه يشيــعوهـا
══━━━━✥◈✥━━━━══
امــلاك السمـــة تنــعه المصــيبتها
بيـــن البـــاب والـحـــايط منيـــــتها
زينب حــايرة وتســـيل دمعتــــــــها
تبچي للجنـين ضلــــوعه كسروها
══━━━━✥◈✥━━━━══
تبچي اعله الزچية وسمعت السطرة
هنيـاله الحـــضر تشييـعها الـــــزهرة
لـو ننــدل گـــبرها نـــزوره لـــو مــرة
هـاا يم گـبر مخــفي اليـــوم ندبـــوها
══━━━━✥◈✥━━━━══
هـاا يم گــبر مخـــفي اغيابج هـوايـه
نـريد اليــــوم يــمــه نرفـــــع الراايـــة
ونشـيل النـــــعش ونـــروح مـشايــــة
وحبــــابچ الصــرخة حـــيل علـــــوها
══━━━━✥◈✥━━━━══
صـرخات ودمـــع ننــــعاچ يـــــوميـــة
زينـب صــــاحت امـــي مـــالها جيـــة
تضـل طـــوول العــمر رگبـــتها محنية
شحــال بكــربلـه كــــلهــم يخـــــــلوها
══━━━━✥◈✥━━━━══
شحــال بكـربلة تسـمعيــن ونــــاتــــــه
حسـين يطيـــح ويـــحرگون خـــيماتـه
گـلبـچ يالعـــقيـلة هـــواية لچـــماتــــه
ضعـون ام الخـدر للشـــام يحـــــدوها
══━━━━✥◈✥━━━━══
تمت بقلم. خادمة اهل البيت عليهم السلام
ام وليـــ✍ـد الموسوي لا اجيز حذف الاسم الفاتحة إلى روح والدي ووالدتي

https://t.me/Alalwya

نعي، للامام الحسن العسكري عليه السلام

حسافـه العسكري نـايـم  بالگبور
مسمــوم چبـده ومــات مغـــدور
مـا خلــص، بعـده شهـــر عاشـور
------------------------------------
مـاخـــلص  ومصيبه جـديــــــده
اليــوم ابـو صالــح صفــگ بيـده
نهــمل دمعــنه ويـــاه نــزيـــــده
------------------------------------
نهــمل  دمـعنـه النـعش شالــووه
خلـو يـودعــه وليــــــده خلـــوه
كلهــم تــــره اهــل البيت عافـوه
------------------------------------
المسمـــوم والـــداسنه الخيــول
هـاليـوم.ننـــعـه الـحسن ونـگـول
فـراگك عــليـنه سيدي يـطــوول
------------------------------------
مــولاي لجلك تجـــري العــيون 
مـرفـوع نـــعشـك فـوگ المــتون
يحـضر الحــجة اويه اليـــعزون
------------------------------------
يحـضر عـزانه الحـجـة هـالـيوم
عـلـوو الـونـة عـلى  المســـموم
مهـدوم گـلبـه المهدي مهـــدوم
------------------------------------
عــلى والـــــده يبــچي القــائــم
اليوم العـــزة  عنـد ال هـــاشــم
خلـصوو قــــتل اهـــل العـــمايم
------------------------------------
تمت بقلم خادمة اهل البيت عليهم السلام  ام وليــ✍ـد  الموسوي لا اجيز حذف الاسم الفاتحه الى روح والدي ووالدتي

https://t.me/Alalwya

نعي ملاقاة السيدة زينب عليها السلام مع اخيها محمد. ابن الحنفية

اگـعد. نسولـف  يا ولينــــه
ونشكـــيلك الصايــر علينه
حسين بحصــــيرة لافينه

عبـاس طفـه السهم عيـنه
چا شنهـي جيـتي  للمدينه
اتذكرنه الايام وبچيــــنة

يـــاضـعن المــــن راد گلــــي
خالــي  النزل ما همه اهلــي
عگـب اخوتي بالعمر شلـــــي

عگب اخوتي هالدنيا ضلــمة
كل غالي وسفة الگبر ضـمه
طش، الضعن منهو اليلـــمه

خليـــني اسولف  يامــــحمد
لايگ عليـــه ثـــــوب الاسود
محد. تلگه الضــــعن من رد

محد. هله گال الخــواتـــــه
كلهــن تره ضــــاعن بناتـــه
طبت السوگ اويه الشـماته

محروگ گلبي امن الدواوين
گلي هله بزينب يالحسيـــن
هيهات شوفــــتهم الطيبين

حسبالي اجي وعباس، موجود
وحسين اخيـــي، البيـته يعــود
نامــــوو فــــرد نومـه بللحــود

•••••••••••••••••
تمت بعون الله وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم أسألكم الدعاء وقراءة سورة الفاتحة إلى روح والدي ووالدتي
https://t.me/Alalwya

قصيدة شدة للرجوع إلى الديار

محد  تلگه ضعونها وصلت للديار
المن يزينب جاية  مامنهـم اخبــار 
━─━────༺༻────━─━
المن يزينب جايــة  تهمل دمعتچ
اثار طبع السلسله  باقــي برگبتچ
ويه الحنان بكربله  فلـت عشرتچ
ماكو هله ودار الولي، غاطيها الغبار
━─━────༺༻────━─━
ماكو هله من الحملوو. والونه بهــداي
وين التعازي ام الخدر  والتبچي وياي
ردت  توون لديارهم صاحت يولـــياي
ضلوو ضحايه بالشمس والگلب محتار
━─━────༺༻────━─━
كلها ضحايــــة امذبحه الله يعيــــنچ
للدار جيـتي الوحدچ. مـاهـو احسينــچ
صوب الشريعه للكفل  مشبوحه عينچ
نام بسوافــي المكبرة. لا يمـــنه ليسار
━─━────༺༻────━─━
ناموو فرد نومة. سووه ابحــر الظهاري
عافوو اختهم بالفـله  طرت صحــاري
مابين چفه اومنحره عالغبره. عـــــاري
منين ابدي ومنين انتهي يازينب الصار
━─━────༺༻────━─━
منين ابدي، ياروحي الحچي لم المصيبة
لرض، المدينة من اجت زينب غريبة
والمات ميفيدة االبچي، لا ما يجيبـــه
هاليـوم ننصب ماتمج يابنت الاحـرار
━─━────༺༻────━─━
هاليوم ننصب ماتمج للــــدار اجيــتي
والبيت فارغ من هلچ گولي شلگيـتي
بسـم ام حسن هــاذا العزه مــن سجليـــتي
يحضرنه باچر بالحشر جدچ المــختار

━─━────༺༻────━─━
تمت بعون الله وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم أسألكم الدعاء وقراءة سورة الفاتحة إلى روح والدي ووالدتي

https://t.me/Alalwya

*شدة وزن الفائزي  للرجوع الى الديار*


رديت لديــــار الاهـل  هـاي.المسية
لا مــاتـرد. گـعداتنه  الچانت سويــة
⊱━━━━⊰✾⊱━━━━⊰
بيت النودهـــم ياخلــگ مسدود بابـه
يـا دار الحسين  انذبح  ضل عالتـرابه
جيت اشتكيلچ عالجره  وضيم الخرابه
يــم بابهم هلت التــرب   بثنين اديـــة
⊱━━━━⊰✾⊱━━━━⊰
يم بابهم هلت الترب  واصرخ يمذبوح
خالي نزلهم من شفت چن طلعت الروح 
انذبحوو اخوتي بكربله  وهواي الجروح
تهــدم.الحــيل انزولهــــم  ضلت خلـية
⊱━━━━⊰✾⊱━━━━⊰
تهـدم. الحيـــل نزولهم  ياذيـچ الايــام
يا ضيعت اولادي سوه  ياحرگ الخيام
من كربله راس، الولي، يماشيني للشام
هاليـــوم رديـت بهظم يهـــــل الحمية
⊱━━━━⊰✾⊱━━━━⊰
لضـعون ردت بالــــحزن ويهل دمعها
بالبـاب ضلت تنتـحب محـــد. سمعها
ام البنيــن وفاطـــمة  محني،  ضلعها
وتگــلي، شوو ويـه الضعن ماكو رقيه
⊱━━━━⊰✾⊱━━━━⊰
تصيـح العليلة وتنتحب ويهــل جفنها
تسال على حال الابو  وكثّرت ونـــها
امصايب ابد ماتنحچي عمتـــچ  لفنها
بس، العليل امـن الزلم محد اليــــة
⊱━━━━⊰✾⊱━━━━⊰
بس، العليل من الزلم  غارگ بهـــمة
حيلچ گضه من البـچي، كافي يعـمة
سجلينه كلنه بدفترج  قبلي الخدمة
تحضرنه يوم الموزمه وكت المنيـــة
⊱━━━━⊰✾⊱━━━━⊰
تمت بقلم خادمة اهل البيت عليهم السلام  ام وليـــ✍ـد. الموسوي لا اجيز حذف الاسم  الفاتحه الى روح والدي ووالدتي

https://t.me/Alalwya

حال الامام السجاد عبعد دفن والده الحسين ع ﷽
ــــــــ
كون وي العـــــــزيز تودع الروح
ولاتبقى بحزن والونه والـنــوح
ـ،،،،،،،،،،،،،،،،،،،،،
يريت وياه يغمض جفن عيـــــنك
بساعة دفنته   تدفـن  سنيــــنك
شيسكته بعد يجـــــــهر ونيــــنك
تگضي سنين عمرك تنزف اجروح
.....

شيسوي بحـــياته اليدفن حسين
ابوي بروحــــــــته  طفالي العين
وبوسط الگلب خلــــف نياشــين
ياعطره الــبقه بكتاري  يفـــــوح
،،،،،،،،،،،،،،،،،
ماالومـه اليـــــموت ويه الغوالي
شسوي بالعمر والضــــــيم حالي
عگب حسين توحشــــني الليالي
ماضنيت يهدم  حيلي و   يروح

متفارگ خيالي صـــــورة الحيد
من شفته اموذر مادلي الايـــــد
يابس گلبه مـــــــــني اميه يريد
دمه تارس التربان مســــــــفوح

راسه اعله الرمح يشــبه القـران
يرتل بالـكهف وي وكـــــت الاذان
على طول الدرب يحمي النسوان
وين تروح  اطفاله بقى  يلوح
.............................
✍🏻تمت بعون الله وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم أسألكم الدعاء وقراءة سورة الفاتحة إلى روح والدي ووالدتي
https://t.me/Alalwya

حديث استشهاد الامام زين العابدين عليه السلام
....................
بسم الله الرحمن الرحيم
اللهم صل على محمد وال محمد
صلى الله عليك يارسول الله
صلى الله عليك ياحبيب الله
صلى الله عليك ياابا عبد الله،،، يارحمة الله الواسعه وياباب نجاة الامه،،،،ماخاب والله من تمسك بكم وامن من لجأ اليكم،،، فياليتنا كنا معكم فنفوز والله فوزأ عظيما على الغريب،،،،
فوالهفاه للسجاد مُضنىَ
برته سمومه بري القداح

تذكره السموم لظى سموم
يكابدها ابوه لدى الكفاح

فيسلو ســـــمه بلظى ابيه
وماذكر السموم بمستراح

ويذكر اذ تـــــجرعه سموم
اباه.حين اُثخــــن بالجراح

الى ان سمه استوفى قواه
فاطفا منه مصبــاح الفلاح

قضى السجاد مظلموما بسمٍ
فما طيب الكرى لي من مباح
ايامحبات الزهراء عليها السلام يقال انه لما هلك عبد الملك لعنة الله عليه جلس ابنه الوليد على سرير الخلافه فجعل يحتال في قتل امامنا زين العابدين ع حتى بعث سمأ قاتلا الى والي المدينه وامره ان يسقي الامام زين العابدين ع ذلك السم ويقتله بالسم سرأ،، ففعل الوالي فلما سقى امامنا بالسم مرض مرضا شديدا يغشى عليه ساعة بعد ساعه حتى.ليلة وفاته غشي عليه ثلاث مرات فلما افاق من غيشته تلا هذه الايه ((الحمد لله الذي صدقنا وعده واورثنا الارض نتبوأ من الجنه حيث نشاء فنعم اجر العاملين)) ثم دعا ولده الباقر ع واوصى اليه بالامامه وقال له اذا مت فلايلي غسلي غيرك وفاضت روحه الطاهره
رحم الله من نادت واماماه واسيداه
الابوذيه
علي حايز مراجلها،،،،،،،، وسمها
علامه الغصص يجرعها،،،، وسمها
گضه والجامعه بجيده ،،،، وسمها
وسمه بالچبد ناره سريه
.....................
لسان حال الامام الباقر ع
گضيت عمرك بويه بالنوح
ودمعك يكت من دمه مسفوح
............................

✍🏻تمت بعون الله وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم أسألكم الدعاء وقراءة سورة الفاتحة إلى روح والدي ووالدتي
https://t.me/Alalwya