الشاعر ابو ود العبودي

والله صعبة .. بموتي محد يعتنيني .. والله صعبة
كلشي غربة .. الحرس والضلمة و وحدتي .. كلشي غربة

جا ليش وحدي ومحد من اخواني
فراكم مو موتي انة البچاني
من اربعيني الفات ضلمة الحضرة
والفركة تكتل حيل يا زواري

ياهو يفزعلي بهوة
الشام خنكة اعل المرة
حسو بية

انا موتي من الجفة
واخ لو مغرب لفة
ارجع سبية

&&&&&&&&&&&&&&&&&&&&&&&&&&

محد وياي .. كلها ضدي الدايريني .. محد وياي
ماكو شكاي .. يروح يشكي لـ ابو فاضل .. ماكو شكاي

يشكلة ضيمي وهمي هذا البية
الباب ما مسدود بس المغربية
سدوه من زواري ذاك الاربعين
راحو وراح الضوة ضلمت عليه

عباس خنگة وداعتك
الحكني خوية بصايتك
موش اناهينة

مختنكة من الغربة
وحدي كلش صعبة
انا الحنينة

&&&&&&&&&&&&&&&&&&&&&&&&

ليش ب الشام .. ليش مو يم ابو فاضل .. ليش ب الشام
بعد شضام .. غير هضمتنة وغربتچ .. بعد شضام

ليش حرمونة البچي اعل اعتابچ
غير ماكو امصاب مثل امصابج
مرة ويذبحون اخوها اكبالها
فوك كل هذا ويسدو بابچ

يمة وحك الزهرة
عبرة تدفع عبرة
وما نجيلچ

زاير يحاچي بزاير
انت مثلي حاير
وينتخيلج

&&&&&&&&&&&&&&&&&&&&&&&

سد الاحدود .. نفسة حداي الهزيلة .. سد الاحدود
يهدي ويزود .. اليفرح بموت العقيلة .. يهدي ويزود

چا ليش واليش التكسرة الخاطر
لحضة لحضة ويوم يوم مناطر
دموع حك طفين اجيج محمل
حاير بجيتي وغربتج حاير

حيرة تشهك حيرة
صعبة موتتها الاسيرة
وماكو يمها

صعبة من ماهم هلك
وبموتتك تسمع ضحك
بيش حلها


خادم الإمام الرضا ( ابو ود العبودي )
________________
لحن👇

( لو لا القضى )

علي الاكبر . نسولف بصولاتة
شبل حيدر . قاهر بضرباتة

راهب سلالة
جمع الضلالة
يرعب خيالة ( سيد الوغة )

رب الشهامة
خلة القيامة
بالطف علامة ( بسيفة طغة )


اتعلة فوك المهرة وسيفة من انشهر
صاحو الكرار هذا ب الطف ضهر
حسين ب الخيمة ويصيح لـ ابنة علي
هلا يا تربات عمة السوة دهر

&&&&&&&&&&&&&&&&&&&&&&&&&&&

يضك مهرة . ويعصف بمسراها
الهوة بضهرة . ضهضب وطباها

الحرب عيدة
شال چف ايدة
وصفن البيدة ( وبيها رجز )

انا ابن حيدر
الفارس القسور
اسمي الاكبر ( وليهم برز )

اشهر الصمصام چفة وهز الوغى
راد يكلب كاعهة ليث المرتضى
اعلة روس القادة ضل يصكل صكل
فوك ضهر الشكرة بطكاتة طغى

&&&&&&&&&&&&&&&&&&&&&&&&&

شهم دومة . ويذبح بخزراتة
اسد حومة . يرسم بطكاتة

بالمهرة لو هد
والحرب تشتد
بس هوة الاوحد ( يرعب كيانة )

ماكو جبيلة
زلمة قبيلة
يجيب اليريدة ( بجرت عنانة )

حيد زلمة معتبر وبطكتة انفرد
مثلة ما يتكرر لا منة انوجد
كطع ذچر العساكر لمن برز
كسم ضهر المناية بطفها رعد

&&&&&&&&&&&&&&&&&&&&&&&&&&&

يدر خوفة . واعتلة الكحيلة
يهز شوفة . ولية تهوس العيلة

لمن لفاهة
بخزرة حداهة
بسطرة سباهة ( بچة الوغة )

عجاها من كر
بصمصامة كبر
يمحيها لو قر ( لو لا القضة )

كود ضل يكود بيها ومحد سلم
فوك روس القادة سيفة منثلم
واحد ينده واحد يسأل عن علي
هذا الصار اكبالي واقع لو حلم


خادم الامام الرضا ( ابو ود العبودي )
_____________________
لحن

الشاعر ابو ود العبودي pinned «عندما استشهد الجميع في كربلاء وسلبو الحسين شيئاً بعد شيء وذهب ضعن الحسين جاء امير المؤمنين ع الى سيد الشهداء وجلس جنبه وكان الحسين في عينه الدماء ولا يراه شيء وسمع صوتاً عند رأسه فقال له الحسين _____________________________________… لا تتعب وتوصل كلشي باكو…»

شد وتسرفن _ واعتلة المهرة
شلع رحيها _ واحنة ضهرهة
الكياعن شكهة _ والبيدة طرهة
دك جدمة بالكاع_ واسكم مفرهة

ابو فاضل كرها وسيفة سلة بغضب
علة صيت البيدة ابو فاضل بيها طب
الثامة هودل تزحزح حدرة طش العرب

در قسور .. رئبال
بالطف كر.. قتال
بيهم طر .. انسال
في ضربهُ المترافع

سر من سر .. ضربه
كل حيدر .. قلبه
حار الفكر .. امره
في سيفهِي المتلامع

&&&&&&&&&&&&&&&&&&&&&&&&&&&&

رجها ورعبها _ بجدامة ركهة
تبرچ بثكلة _ الكاع السحكهة
اسرع امن الصوت - سيفة اعل الاركاب
يهوة الطلايب _ ما يهوة حلهة

ريشة اشر. للدم. بعيونة غارة غظب
سيفة يهوى. الركبة. وما يهوى غير الرگب
ذو الفقار. سيفة. شال انتصار العرب

سل سيفة .. يرعب
حر خزرة .. يلهب
كر مهرة .. يرهب
فـ الطف موتاً يرسي

ف الطف قد .. يضهر
في وجه ال .. حيدر
يكسر لا .. يجبر
فيهم ضرباً يقسي

&&&&&&&&&&&&&&&&&&&&&&&&&

ادخيل ابو فاضل .. ع المهرة لو كر
بـ الوغة اسمة .. الموت الاحمر
كل نسلة يمحي .. اللاحة فقارة
والخزرة تشهد .. رجفت الاشتر

من زغرة. رجف . قائد كتائب علي.
حگ الطف، انطآ. چفة ملاها ملي
دك جدمة. ضهضب.كارها كور وحدي


قادر في. .. سيفه
ينهي الطف .. امره
لولا امرُ .. ربه
محى وجود الكفر

لو غضب .. العباس
حل فـ الجيش .. اليأس
لم يبقى .. اي رأس
على كفوف القمر



خادم الامام الرضا ( ابو ود العبودي )

عندما استشهد الجميع في كربلاء وسلبو الحسين شيئاً بعد شيء وذهب ضعن الحسين جاء امير المؤمنين ع الى سيد الشهداء وجلس جنبه وكان الحسين في عينه الدماء ولا يراه شيء وسمع صوتاً عند رأسه فقال له الحسين
_____________________________________…

لا تتعب وتوصل كلشي باكو مني
اهدومي والمحبس وخنصر و أبني
بقى بس شي واحد وما ينسلب
العطش راكد بية ومتعبني

بنص لهاتي السهم طاخ
وجيب الي يطلع ال اخ

صار يومين هيج نايم ب صحاري و الشمس
هواي كلش بية الاسهام وكوة اجرنة النفس
لا تمد ايدك علية حسين خلص بية حس
كلشي يوجعني احسة امن الحوافر والرفس

&&&&&&&&&&&&&&&&&&&&&&&&&&&&

ليش لسة ما بكتني وباقي ساكت
واسمع دموعك تسولف حيل هاجت
انت بس لا تكربلنا وما كمتلك
والله لو موجود صدري اجدامي كامت

معقولة انتة من هلي
نعمة اكو اليبچي علي


اخر الباچين الية اختي هسة ويالزلم
طلعت ادور علية تصيح خوية وانثلم
بية يذبح وانا اباوع كل خواتي اطشرن
اندهني فدوة وبلكي يطلع هذا انا البي حلم

&&&&&&&&&&&&&&&&&&&&&&&&&&&&

انا ابوك حسين بوية البيك صاير
شحچي شنهي وبيك اسولف ضال حاير
شدعوة كل هاي السهام البيك هدت
حكك وسبعين الف فوكاك داير

طكات الخواصر موت
منك ما طلع بس صوت


اخ مرة صحت بوية اعلية من هدت حوافر
شوية هذا البيه تدري بعدة ما خلص العاشر
روح بوية وشوف زينب تايهة ابين العشاير
وانا اتمنى اموتن وباجر ايجرجر اباجر

&&&&&&&&&&&&&&&&&&&&&&&&&&&

بوية اريد انخاك بس اعدلني فدوة
والكط الطشروه مني ولمني كوة
براحتك بوية شتكض براحتك
بوية بس كلبي البقى يلچمني حرة


ام عون تلجمني امننام
فوكها احتركت خيام

ذكرة ما ضلت الية وية زينب ب العمر
دوست الحافر سبتني وصل ذاكرتي وعبر
وصل للفكرة البالي من ثكلها هل المهر
كعد فوكاي وذبحني وچملها هل الشمر



خادم الامام الرضا ( ابو ود العبودي )
______________
لحن👇

الشاعر ابو ود العبودي pinned «وينكـم يـزلام حيـدر كومـو ركـو البيـدة تعلو فوك الشگر بوية ونزلو هيدة بهيدة يلا يليوث الوغة واليوم يوم ازماطكم خلخلو كياعن طفها وكرو فوك الصيـدة رفرفو الراية .. والثاية .. دكو بكاعهم انفوو العطوة .. وبهدوة .. ركو اسباعهم حيل الووها .. المهرة وكرو اعل البيدة…»

وينكـم يـزلام حيـدر كومـو ركـو البيـدة
تعلو فوك الشگر بوية ونزلو هيدة بهيدة
يلا يليوث الوغة واليوم يوم ازماطكم
خلخلو كياعن طفها وكرو فوك الصيـدة

رفرفو الراية .. والثاية .. دكو بكاعهم
انفوو العطوة .. وبهدوة .. ركو اسباعهم

حيل الووها .. المهرة وكرو اعل البيدة .. حيل الووها
دم سووها .. وطك حيدر خلي نعيدة .. دم سووها

&&&&&&&&&&&&&&&&&&&&&

اتعلى ع المهرة ابو فاضل حيل رك اجدامها
جر رسنها وغير بيها وادوي فوك ازلامها
ثغيب كون اهنانة يوصل من سطرتك ليها
واخذ الاكبر تيهو بيها ايمينها من اشمالها

صول ب العسكر .. واتبختر .. عيل براسها
غير وثبرها .. وجْرها .. واكطع ياسها



كر واتفتل .. فوكاهم مثل الغيمة .. كر واتفتل
كون محمل .. من روس العالو بينة .. كون محمل

&&&&&&&&&&&&&

وية عمك هد ي الاكبر لا تهيد اطلابة
سلة سيفك كون يرجع بالرگب لكرابة
بعد ابوك اليوم طرها وحيل دكها بسيفك
چوچب اعلى البيدة بوية وعجها عج الترابة


طرها يـ الاكبر .. ك الحيدر .. وكع فرسانها
عيل واتنومس .. ي الاشرس .. دگ امتانها


رف الراية .. وسرفن ذرعانك وطب .. رف الراية
دك الثاية .. يوليدي بنص العسكر .. دك الثاية

&&&&&&&&&&&&&&&&&&&&&&&

انا ابن كتال اهلكم جاي كضو ارواحكم
اليوم للسبعة اوصل روس لب اسباعكم
خيرة الله الجايكم ابن البتركم سيفة
الوغى روس اليوم اترسة اصغاركم وكباركم


ضهضب وكبر .. ابو الاكبر .. وعت اعنانهة
خلخل الحومة .. واعلومة .. طب خيالهة


طرها اطرارة .. اكحيل وطب ابميمونة .. طرها اطرارة
جرها اجرارة .. القادة وفرسان البيدة .. جرها اجرارة



خادم الامام الرضا ( ابو ود العبودي )
________________________
لحن👇

الشاعر ابو ود العبودي pinned «فزعة يا ال هاشم و الوكت شدة سنو النيبان لية والذبح ندة اتلفت وحيد واكسر الخاطر حسين بهيمة واكف محد بسدة غريب حسينكم باقي كومو ندهولي الساقي ( اخوك الوحدة كلولة ) الا من ناصر أيصيح العدة مكابلتة وتلوح ( بخناجرهم يأشرولة ) هد احسين وارياكة غدت صخرة هد محني…»

فزعة يا ال هاشم و الوكت شدة
سنو النيبان لية والذبح ندة
اتلفت وحيد واكسر الخاطر
حسين بهيمة واكف محد بسدة

غريب حسينكم باقي
كومو ندهولي الساقي ( اخوك الوحدة كلولة )

الا من ناصر أيصيح
العدة مكابلتة وتلوح ( بخناجرهم يأشرولة )


هد احسين وارياكة غدت صخرة
هد محني السبع مخنوك ب العبرة
عينة اعلة الخيم ويميل ميمونة
وعشيرة من السهام وفزعت بضهرة

طاح حسين ب الهيمة
الخيمة ايصيح الخيمة ( لاتدنوها وادنولي )

يلُوح چفة للذباح
تعال اذبحني خل ارتاح ( لا تدنوها وادنولي )

بخنجر ميت وضل يذبح بنحرة
ماكمل ذبحتة وكام عن صدرة
تعلعل حيل ضل ايرافس بجدمة
وهد الخيل عطشانات للصحرة

ركضن وبعطش سحگة
وصدر مفتوح للركة ( وركن صدر الحسين )

جوة الحافر يلوج
فوج الخيل يم فوج ( وهدن وين المتين )


عريان الحسين و عالترب نام
سمع طلعوها زينب وانتهض كام
يزينب ردي صاح بداعت حسين
يخوية وداعتك حركوها الاخيام

وطلعن بين الارجاس
وصاحو اخت عباس ( ركضوها الصحاري )

اعلة زينب كلها تفتر
بذاك الضهر الاحمر ( تركض بالبراري )


سوالة وسادة وشاهد الطف
يطكون ابناتة وجفن ما رف
يباوع لختة من تكوم واطيح
صف اعليها راح وعالخيم صف

الخيل الهبت بصفحة
وحسين الخذا جرحة ( لا ميت ولا ضال )

انسلب ثوبة والعمامة
جرح ع الجرح ب الهامة ( مال الوكت بي مال )


خادم الامام الرضا ( ابو ود العبودي )
____________________
لحن👇

الشاعر ابو ود العبودي pinned «شد وتسرفن _ واعتلة المهرة شلع رحيها _ واحنة ضهرهة الكياعن شكهة _ والبيدة طرهة دك جدمة بالكاع_ واسكم مفرهة ابو فاضل كرها وسيفة سلة بغضب علة صيت البيدة ابو فاضل بيها طب الثامة هودل تزحزح حدرة طش العرب در قسور .. رئبال بالطف كر.. قتال بيهم طر .. انسال في…»

شد وتسرفن _ واعتلة المهرة
شلع رحيها _ واحنة ضهرهة
الكياعن شكهة _ والبيدة طرهة
دك جدمة بالكاع_ واسكم مفرهة

ابو فاضل كرها وسيفة سلة بغضب
علة صيت البيدة ابو فاضل بيها طب
الثامة هودل تزحزح حدرة طش العرب

در قسور .. رئبال
بالطف كر.. قتال
بيهم طر .. انسال
في ضربهُ المترافع

سر من سر .. ضربه
كل حيدر .. قلبه
حار الفكر .. امره
في سيفهِي المتلامع

&&&&&&&&&&&&&&&&&&&&&&&&&&&&

رجها ورعبها _ بجدامة ركهة
تبرچ بثكلة _ الكاع السحكهة
اسرع امن الصوت - سيفة اعل الاركاب
يهوة الطلايب _ ما يهوة حلهة

ريشة اشر. للدم. بعيونة غارة غظب
سيفة يهوى. الركبة. وما يهوى غير الرگب
ذو الفقار. سيفة. شال انتصار العرب

سل سيفة .. يرعب
حر خزرة .. يلهب
كر مهرة .. يرهب
فـ الطف موتاً يرسي

ف الطف قد .. يضهر
في وجه ال .. حيدر
يكسر لا .. يجبر
فيهم ضرباً يقسي

&&&&&&&&&&&&&&&&&&&&&&&&&

ادخيل ابو فاضل .. ع المهرة لو كر
بـ الوغة اسمة .. الموت الاحمر
كل نسلة يمحي .. اللاحة فقارة
والخزرة تشهد .. رجفت الاشتر

من زغرة. رجف . قائد كتائب علي.
حگ الطف، انطآ. چفة ملاها ملي
دك جدمة. ضهضب.كارها كور وحدي


قادر في. .. سيفه
ينهي الطف .. امره
لولا امرُ .. ربه
محى وجود الكفر

لو غضب .. العباس
حل فـ الجيش .. اليأس
لم يبقى .. اي رأس
على كفوف القمر


خادم الامام الرضا ( ابو ود العبودي )
_____________
لحن👇