Dr.Ahmed Elzalitini

مساء الخير دكاترة 3 بشري - الدفعة 50 🌷

نزلنا في قناة المايكرو الجزئي الثاني عدد 9 محاضرات من منهج التاتوريال ومنهج الجزئي الثاني 💪 وكل يوم انزلو في محاضرات جديدة 🦠 ، بالنسبة للطلبة الي يسألو عن التاتوريال راهو خفيف عبارة عن خمس مواضيع يحتاج منك من 3 الى 4 ايام مذاكرة 🫡 سادات بكل وامتحانكم يوم 30 يعني مازال في وقت ... بالنسبة للمنهج نفس ما وضحنا من قبل يا دكاترة 👇

-الشيتات المتغيرة واجد سيتم اعادة تجهيز الشيتات وإعادة شرح المحاضرة زي مادرنا في توكسونومي واونكوجينك فيروس
- الشيتات الي فيها شوية اضافات حيندارلهن شيت اضافات نفس الجزئي الاول 💪
- الشيتات الي نفس ما هي بدون تغيير بالمنطق ليش بنعاودهن 😁 الفيديوات ما صكرنش حتى سنة يا دكاترة اندارن في بداية 2024 وانا دائما متابع الجامعة بالمحاضرة ودائما عندي ضمير في الشغل وبفضل الله نسبة النجاح عندي ديمه فوق 80% والسنة الي فاتت في المايكرو كانت 88% بفضل الله اولاً ومجهود طلبتي وضميري في الشغل 🙏 والاغلبية العظمى الي خاشة مكملة المنهج وقارية الاضافات حلت كويس في الجزئي الاول بفضل الله 🙌

والميزة الثانية ان انتهت الرحلة متاعي الحمدلله وحاليا متواجد في بنغازي يعني حتى شغل الاضافات والشيتات الجديدة حينزل بدري بدري باذن الله تعالى ، والسنة هذي حندير شغل اسئلة وكيسس بطريقة الفيديو لأول مرة حتكون وحيعبجكم الشغل باذن الله تعالى .. 🙏

بالنسبة للبارا نزلنا اليوم الاعلان الرسمي عن فتح قناة جزئي البارا ومن بكرة حنبدا نرفع محاضرات الداخلة من ضمن تاتوريال البارا والجزئي باذن الله تعالى 🙌

موفقين ان شاءالله (من توكل على الله فهو حسبه) 🙌

مميزات كورسات دكتور احمد الزليتني :
- بفضل الله نسبة نجاح المشتركين في مادة المايكرو بلغت 88% 🔥 العام الماضي .
- شرح سلس بطريقة فريدة من نوعها تسهل على الطالب الاستيعاب واستحضار المعلومة 🫡.
- شيتات خفيفة ملونة ✍️ مليئة بالمعلومات والصور التوضيحية بناءً على معلومات (شيتات جامعة بنغازي + مرجع المايكرو الشهير Jawetz and melnick)
- فويسات 🎵 قصيرة جداً للمراجعة وتنشيط الذاكرة السمعية.
- اسئلة امتحانات ❓ سابقة مع الشرح والتفسير
- تواصل مستمر بشكل دوري مع كل المشتركين في الكورس 🎓

طريقة الاشتراك 👆

مكان الاشتراك : قرطاسية سليمان رقم 2
" الملاصقة لباب معهد التدارك " وياريت يا دكاترة تجيبو قصاصة صغيرة عليها اسم المستخدم على التلقرام ✍️

محتويات الكورس 👆

🙌 نعلن عن فتح باب التسجيل في القناة الخاصة على التلقرام لمنهج المايكرو (التاتوريال القادم والجزئي الثاني) 🦠

مساء الخير دكاترة ثالثة بشري / دفعة 50 💪💕

موفقين غداً في امتحان الفارما الجزئي الاول ✌️ ياريت نتبعو نصائح الامتحان الي نزلناهن الاسبوع الي فات يا دكاترة 🙏

الكثير من المسجات يستفسرو مني عن موعد بداية التسجيل في القنوات الخاصة في مادتي البارا والمايكرو الجزئي الثاني وبصراحة كنت نبحث عن مكان مناسب للتسجيل ويكون مناسب ليا وللطلبة وبإذن الله تم الاتفاق مع مكان اليوم 🙏 وحينزل الاعلان الرسمي وتبدو تشتركو في القنوات الخاصة بداية من يوم الأحد حينزل الاعلان الرسمي وكل التفاصيل ، حبيت نوضح للجميع وباذن الله حيكون في شرح جديد واسئلة جديدة السنة هذي 💪
موفقين بكرة ان شاءالله 🙏

وانتظرو الإعلان الرسمي مع بداية الاسبوع 🔥

the picture was taken above the Alps mountains in switzerland 🇨🇭

السلام عليكم دكاترة ثالثة بشري - الدفعة 50 🌷

ان شاءالله تكونو حليتو كويس في امتحان الباثو اليوم 🙌 واللي ماحلش كويس ياريت معش يفكر فيه ونصكرو صفحة الباثو مؤقتا ونفتحو صفحة المايكرو ابتداءً من اليوم لأن باذن الله يوم الخميس القادم الموافق 7 / 11 امتحانكم في المايكرو ، ضروري تشدو اروحكم 💪🏼 خلال الاسبوع هذا بش نغطو كل المواضيع الداخله في منهج الجزئي الاول وتكونو مستعدين باذن الله للأمتحان ، وزي ما طلبتو جهزتلكم جدول للمذاكرة ☝🏼اللي حتمشو عليه باذن الله ❤️
والجدول يبدا ابتداءً من اليوم مفيش حاجه اسمها راحه في ثالثة بشري 😅

👈🏿 وضحنا يادكاتره في (( المسج المثبت في القناة)) الجزئيه والعناوين الداخله في امتحان الجزئي الأول بالضبط .

بفضل الله المنهج كله واتي عندكم يادكاتره من فترة و نزلنا محاضرة bacteria taxonomy (إعادة شرح من الشيت الجديد)
واليوم الخميس حتنزل محاضرة oncogenic virus (إعادة شرح من الشيت الجديد)

ومازال عندنا شيتين خفاف شيت إضافات بكتيريا وشيت إضافات المناعه حينزلن خلال الأيام القادمه
ياريت نلتزمو بالجدول ونقرو كل يوم المواضيع المذكورة في الجدول بالضبط بش نمشو كويس في المادة 🔥

من توكل على الله فهو حسبه ، موفقين طلبتي دكاترة المستقبل 🙏🏼 🌹

السلام عليكم دكاترة ثالثة بشري الدفعة 50 🌹
موفقين في امتحان الباثو شدو ارواحكم 💪🏼ان شاءالله ربي يوفقكم وتطلعو راضين كلكم 🙏

بالنسبه لمنهج المايكرو يادكاترة الحمدلله رب العالمين 🙌
تم رفع كل المحاضرات الداخله في الجزئي الأول على القناه بشكل مجاني ومتاح لجميع الطلبة .
كل المحاضرات المقررة موجوده في الصوره عندكم ال17 عنوان هذينا ☝🏼 مشروحات بالكاااااامل عندكم في القناه والمحاضرات اللي داخله في الجزئي الأول حتلقو عليهن عند العنوان المحاضره الجمله هذي 👈🏻Included in 1st assesment exam هذينا الي مفروض تقراهن للجزئي الأول باذن الله.

ملاحظة : مازال عندنا العنوان الاول اللي هو nomenclature & taxonomy
وعندنا جزئية oncogenic viruses
هذينا حنزلهن الاسبوع هذا خلال شهر 10 وبعض الإضافات البسيطه جداً في شيتات المناعه حتلقوهن جاهزات كلهن اول ماتطلعو من امتحان الباثو .

موفقين جميعاً دكاترة الدفعة 50 💙 🙏🏼

السلام عليكم دكاترة ثالثة بشري دفعة 50 🌷

نعتذر منكم عن التقصير اللي بدر مني بسبب ظروف السفر الفترة اللي فاتت ولما رجعت صارت حالة الوفاة

فسامحوني وبإذن الله حنبدا معاكم في الشغل الجديد من يوم السبت القادم 👌
حنشرح الاضافات والشيتات المتغيرة
ومتابع خطتكم بإذن الله حنمشو بشكل كويس ومش حنقصر معاكم 🙌
موفقين ان شاء الله

انتقل إلى رحمة الله تعالى عمي الأكبر الدكتور عبدالسلام الزليتني يوم السبت الماضي بعد صراع مع المرض وتقام ليالي المأتم في منطقة بوهديمة بمنزل الفقيد
يعلم الله ان كبيرنا وقدوتنا وعايشين علي صيته وين ما نمشو وهو الأب الروحي ومؤسس كلية الإعلام بجامعة بنغازي حيث قام بتدريس 40 دفعة متتالية داخل مدرجات جامعتنا العزيزة

نسأل الله له الرحمة والمغفرة والحمدلله على كل حال

السلام عليكم دكاترة 3 بشري الدفعة 50 🙌

رابط قناة الباراسيتولوجي للدفعة 50 ، ياريت ادزوها لكل طلبة الدفعة 50 وفي صفحات وقروبات دفعتكم حانزل فيها جزء من المنهج وحتقعد مستمرة على مدار السنة وينزلن فيها حاجات مهمة وحل اسئلة على مدار السنة ، ياريت الجميع ينضم 👇

https://t.me/parasitologybatch50

السلام عليكم دكاترة 3 بشري الدفعة 50 🙌
الف مبروك نجاحكم من سنة 2 💪 وعقبال سنة 3 يا رب العالمين 🙌 رابط قناة المايكروبيولوجي للدفعة 50 ، ياريت ادزوها لكل طلبة الدفعة 50 وفي صفحات وقروبات دفعتكم حانزل فيها بدايات المنهج (اول كورس حيكون متاح للجميع في القناة العامة وحيكون شغل جديد خاص بدفعتكم) وحتقعد مستمرة وينزلن فيها حاجات مهمة على مدار السنة ، ياريت الجميع ينضم 👇

https://t.me/Microbiology50

تعبك ، مجهودك ، توترك ، حزنك وجهادك كل هالتفاصيل ربي معاك فيهن وكلهن لحكمة انت مش شايفها توا
بإذن الله حيجبرك قريب وكله يقعد ذكرى تحمد الله على تجاوزها 💙

( فلما استحكمت حلقاتها فُرجت وكنت أظنها لا تُفرج )
بالتوفيق ابطال 49 💪

في صندوق التأمين الصحي العام الخاص (بالمتقاعدين وزوجات المتقاعدين)

نقدم خدمات شاملة للمتقاعدين (تحاليل طبية - فحص دوري - متابعة العلاج - تأمين العلاج عبر الصيدليات التابعة للصندوق - عمليات العيون وغيرها من الخدمات الطبية)

نعمل على مدار الأسبوع بفريق من الأطباء والاخصائيين ، من السبت
الى الخميس خلال الفترة الصباحية والمسائية ..

أماكن تواجد صندوق المتقاعدين في
بنغازي (مستشفى الطارق - مستشفى فينيسيا)

مكان التسجيل وإصدار البطاقة والكتيب للمتقاعدين (مبنى بريد السلماني)

الصفحة الرسمية للصندوق 👇

https://www.facebook.com/share/RAg6cCSM7SyE7DAX/?mibextid=LQQJ4d

لا تنسى مشاركة المنشور لتصل المعلومة للجميع

وفقني الله واياكم أصدقائي 🙏💕

السلام عليكم طلبتي أطباء المستقبل 🌷

● بفضل الله تعالى اليوم اختتمنا مكثف (علم الطفيليات - Parasitology) على أكمل وجه خلال 6 محاضرات فقط (وهذا يعتبر رقم قياسي جديد 😁 من قبل عطيتها كلها في 7 ايام - المرة هذي 6 ايام فقط ) غطينا خلال المكثف منهج البروتوزوا ومنهج الديدان بالكامل .

موفقين كل طلبتي سواء طلبة المكثف او طلبة القنوات نتمنالكم كل التوفيق وحصد النجاح باذن الواحد الأحد .. كل ساعة تقضيها قدام شيتاتك هي استثمار لوقتك ولمستقبل ..
لا للملل لا للوسواس لا للافكار السلبية فقط اكثروا من الاستغفار ووفقكم الله ..
من توكل على الله فهو حسبه 🙌

السلام عليكم طلبتي المكثف 🌷

● موعدنا بكرة (اخر محاضرات المكثف) من 9 ونص لل 3

اهم شي اطبقو الكلام اللي اتفقنا عليه و تقرو معمل السستودا اليوم 👌 حتلقوه ماشي بشكل سلس ومعلوماته كلهن واضحه بإذن الله من قناة المعمل واسمع الفويسات القصيرة سواء النظري او العملي علي قد ما تقدر

موفقين ان شاء الله هانت وحتبشروني بنجاحكم قريب بإذن الله 🙏

السلام عليكم طلبتي المكثف 🌷

● موعدنا بكرا من 9 ونص لل 3

اهم شي اطبقو الكلام اللي اتفقنا عليه و تقرو معمل النيماتودا اليوم 👌 حتلقوه ماشي بشكل سلس ومعلوماته كلهن واضحه

موفقين ان شاء الله هانت وحتبشروني قريب بإذن الله 🙏

طلبتي في المكثف محاضرتنا اليوم الجمعة من 4 ونص لل8 باذن الله