الشاعر احمد عيسى البديري のテレグラム投稿

لطريق السبي على لسان حال الحوراء زينب عليها السلام

حزن.- دمع - تعب - مسير بلا نهايه
ضرب - شتم - أذى - عليه وعل سبايه
انه اتمنى تردون - واراويكم المتون
هلي
===================
هلي يهل الكرم ديوانكم وينه
ليش الدرب باعد بينه وبينه
اريد ادخل وبيدي ارقيه وسكينه
واكول ال بالسبي شنهي الجره علينه

ردت - يرد - جمع - هلي وذيج العشيره
  وارد - حقد  - شمر  - وابن سعد واميره
لون النه تحضرون - واراويكم المتون
هلي
===================
عله ام الخدر حتى النضر كلفه
وذوله أشرار دنيا عيونهم صلفه
المرنه يلغياره من الصعب وصفه
بعض يتفرجون وبعض يتشفه

سوه - نطب - حرم - تميل اعله المحامل
وسط - مدن - نمر - وخرايبها المنازل
تعبنه ومايرحمون - واراويكم المتون
هلي
===================
يدني الراس لينه الشايله وكصده
ياذي قلوبنه ويزيد الشده
ما يكتفي بهاي وهم سبب عنده
يفرجنه لعيون الينظر بحقده

حلم - لون - يعد - بطل  منهم علينه
قسم - فلا - يضل - طرف كيد بادينه
تخلص رحلتي شلون - واراويكم المتون
هلي
===================
بالكوفه ردت لو حمزه لو جعفر
لو حامي الحمه من الغري يحضر
ويشاهد زينب ابهل الحال والمنظر
و بنار المصيبه والسبي تسعر

بقت - بلا - حمه - فقط نسوه ويتامه
وإذا - نادت - اخو - تصد بالرمح هامه
لون هسه ترجعون - واراويكم المتون
هلي
===================
مشينه والدرب ما ينوصف حاله
كل خطوه ألم وادموع هماله
بأعياد العساكر غنه وطباله
بعلي بغضا تغني نقتل عياله

بشر - شالت - بغض - تولد من اميه
اجت - تطلب - بدل - ديانه الجاهليه
عله همنه يغنون- واراويكم المتون


احمد عيسى البديري

القصيده السابعه
عندما استيقظت السيده رقيه من نومها واخذت بالبكاء تريد والدها

فزت من حلمها
بس زايد المها
والدها تريده
يحضر هسه يمها
////////////////
اذا ام الصبر شايب شعرها
ومحني من الحزن زينب ضهرها
اشحال الطفله وزغير عمرها
ابربيع ايامها والطف يمرها

ويلي اعله اليتيمه
كل ساعه ابهضيمه
والدها تريده
يحضر هسه يمها
////////////////
خرايب موحشه وبلايه والي
طفله مدلله ومدمع يلالي
ماخله الزمن يحميها غالي
وشمر يهجم عليها بسوط عالي

تصرخ لو ضربها
متلوع كلبها
والدها تريده
يحضر هسه يمها
/////////////
حنت والدمع سال اعله خدها
يتيمه ويكسر الخاطر وجدها
ابجم سوط العدوا طفله وضهدها
لو بحباله عل هزل يشدها

تاذيها الهزيله
منهو تشتكليله
والدها تريده
يحضر هسه يمها
////////////
عقل طفله وسرح باله ابذهوله
زغيره وضيعت حلم الطفوله
حارت عل طشت شنهي التكوله
بس راس الابو جا وين طوله

صاحت يا غريبه
مسبيه وسليبه
والدها تريده
يحضر هسه يمها
////////////
نامت عل طشت نومت يتامه
تعبها العتب ويه الملامه
رادت تغفه بس ساعه ابسلامه
ولا سجان يزجرها ابكلامه

هل نومه الاخيره
ماتصحه الاميره
والدها تريده
يحضر هسه يمها

احمد عيسى البديري

السلام على سيدتنا رقيه عليها السلام

راح اسولف قصتي
نشفولي دمعتي
براس ابوي
طيفه مافارك خيالي
يعرف بكل الجرالي
-----------------------------------
غمضت عيني واجاني والدي وليه ابتسم
كومي يابنتي رقيه بقت بس ساعة الم
رجعت طيوفه عله بالي ودربي بعيوني انرسم

لاتسئلوني شكو
رايحه ويه الابو
براس ابوي
هوه يدري شنهي حالي
يعرف بكل الجرالي
-------------------------
بالخرابه الليل دمعه وحرس وايتام وحزن
ياهي مافاجعهه غالي تنحب عليه وتون
واني كل دنياي عمتي بسدهه أ امن واستكن

وحشه الليل اليمر
تعادل سنين العمر
براس ابوي
امنت ذيج الليالي
يعرف بكل الجرالي
------------------------
بالحلم لمن اجاني كال بويه ميسره
كمت اضم جفوفي عنه خاف تجرح خاطره
لو يشوف اثار كيد بايدي والدم الجره

ابحضنه اركض وارتمي
لا يصد المعصمي
براس ابوي
من بعد عزي ودلالي
يعرف بكل الجرالي
-----------------------
عمه كعدني وحجالي قصه تشبه قصتي
فاكده امهه وهيه زينب جنهه عنج عمتي
عمه شفت دموعه تجري خاف حس بونتي

لمن بعيني نضر
شاف بعيوني السهر
براس ابوي
ودمعتي بفكد الغوالي
يعرف بكل الجرالي
----------------------
كتله ليش تعوف بنتك اني مشتاكه الك
بويه درب الشام قاسي ماتجيني اتوسلك
كال ساعه وراح اجيلج كتله بويه اتاملك

راح اضل اعله الوعد
لحظه ماعوفك بعد
براس ابوي
من اسئله يرد سؤالي
يعرف بكل الجرالي
///////////////////////////////////
احمد عيسى البديري

السيده رقيه تخاطب والدها
تريد عمها العباس يحضر لرد ارجاس بني اميه

كلي الراح شيرده --- بويه بحبل متكيده
عليه تعاين الناس --- بويه ودي عباس
-----------------------------------
ضامي علجرف خجلان من عفته
يا بويه العطش والماي ماضكته
لا مايروي دونك من رحت شفته
صعبه عله اليتيمه ونت السكته
ضامي علجرف عفته -- بعدك ابد ماضكته
مات بكلبي الاحساس -- بويه ودي عباس
------------------------------
يا بويه البنات الوالد تسئله
لو عن حالها تحجيله وتكله
زغيره بغيبتك واليتم شيحمله
مرني بالحلم لو بالحلم سهله
مرني بالحلم ارضه -- تكفي ابشوفتك لحظه
جفي بكيد ينجاس --- بويه ودي عباس
----------------------------
كلب هاي اليتيمه عليك شيصبره
يابويه الشتمنه ماتجي تزجره
لو عمي يحضر جا هم عرف كدره
موت السيف عنده وموت بالسطره
زغيره وتوني متيمه --- ويمي والدي يشتمه
بلوعة كلبي يا راس--- بويه ودي عباس
-------------------------------
عليك بروحي تلهب لهفت الملكه
عايفني ابوي ومات ماصدكه
راسه ويه روس احبابي متعلكه
وبعيني اشوفن خيل وتسحكه
جسمي الخيل دايسته -- ابوي حسين من شفته
حته يرد الانجاس --- بويه ودي عباس
-------------------------------
ياليلي الطويل الراح شيرده
ماتدري عله ابوي حسين متعوده
لو خوف اليمرني اركض بسده
امسك ثوبه بيدي وابد ماهده
يرجع والدي اتمنه -- ومن الخوف اله اتعنه
عله خدي ذابل الياس --- بويه ودي عباس

احمد عيسى البديري

الشاعر احمد عيسى البديري:
حوار بين السيده رقيه والسيده زينب عليهما تشتكي سلب ترجيتها من قبل اللعين ابن اللعين


بيده عت ترجيتي ياعمه وهضمني
بالنبي حلفته صلى ومارحمني
عمه من كتله تراني زغيره
لاعفتهه تروح كلي الغيره
بيده عت ترجيتي ياعمه وهضمني
-------------------------
شبت هدومي لهب منهو الي يطفيها
جربت العباس عمه ماي ماضل بيها
تفر مرعوبه خواتي بيا كتر الكيها
ياهضم اهل الخدر من ينفكد واليها
شبت هدومي بلهب منهو اليجيني
يطفي ثوبي ياهلي ويمسحلي عيني
الصار اليه من الصعب تفسيره
لاعفتهه تروح كلي الغيره
-------------------------------
عمه شتمنه وزجرنه احنه شمسويله
ليش كلبه بلايه رحمه مايريد احجيله
مو رسول الله محمد جد لهاي العيله
وين ابوي حسين طايح لاوصله واشكيله
ارتمي بحضنه ودمع عيني اهله
يادرب عنهم يبويه نسيره
لاعفتهه تروح كلي الغيره
----------------------------------------------
عمه درب الشاطي وين عله الدرب دليني
ووحدي يم عباس،ابقه عله النهر خليني
ارد اكله الليل اوحش اكعد وسليني
شوك البرجليه عمي امشي ويأذيني
ارد انام بجانبه وابدي بسؤاله
عمي اريدن سالفه عن الكفاله
لو اكلك من كلتله بحيره
لاعفتهه تروح كلي الغيره
------------------------
كثرت الخيل بخيمنه واني حيل زغيره
من تفز كبالي اصيحن وين حامي الديره
اوكع وانهض يعمه والوجه ماديره
كوم هاي منين اجتنه لاحمه ولاغيره
ماترف كلوبهه الهاي اليتامه
ميت حسين اشتسوون بخيامه
عليه من صاحوا يعمه جبيره
لاعفتهه تروح كلي الغيره
----------------------------------
عمه من عاين عليه دمعه يكطر علوجن
سلب ترجيتي يعمه وحيل عتهه من الاذن
صحت والدم كمت احسه دافي يكطر علمتن
من الرعب ترعش اديه ويعصر بروحي الحزن
ماكلتي واني انزعهه باديه
فوك كل الشفته زودت الاذيه
الخايف من الخوف ياهو يجيره
لاعفتهه تروح كلي الغيره

احند عيسى البديري

لطريق السبي على لسان حال الحوراء زينب عليها السلام

حزن.- دمع - تعب - مسير بلا نهايه
ضرب - شتم - أذى - عليه وعل سبايه
انه اتمنى تردون - واراويكم المتون
هلي
===================
هلي يهل الكرم ديوانكم وينه
ليش الدرب باعد بينه وبينه
اريد ادخل وبيدي ارقيه وسكينه
واكول ال بالسبي شنهي الجره علينه

ردت - يرد - جمع - هلي وذيج العشيره
  وارد - حقد  - شمر  - وابن سعد واميره
لون النه تحضرون - واراويكم المتون
هلي
===================
عله ام الخدر حتى النضر كلفه
وذوله أشرار دنيا عيونهم صلفه
المرنه يلغياره من الصعب وصفه
بعض يتفرجون وبعض يتشفه

سوه - نطب - حرم - تميل اعله المحامل
وسط - مدن - نمر - وخرايبها المنازل
تعبنه ومايرحمون - واراويكم المتون
هلي
===================
يدني الراس لينه الشايله وكصده
ياذي قلوبنه ويزيد الشده
ما يكتفي بهاي وهم سبب عنده
يفرجنه لعيون الينظر بحقده

حلم - لون - يعد - بطل  منهم علينه
قسم - فلا - يضل - طرف كيد بادينه
تخلص رحلتي شلون - واراويكم المتون
هلي
===================
بالكوفه ردت لو حمزه لو جعفر
لو حامي الحمه من الغري يحضر
ويشاهد زينب ابهل الحال والمنظر
و بنار المصيبه والسبي تسعر

بقت - بلا - حمه - فقط نسوه ويتامه
وإذا - نادت - اخو - تصد بالرمح هامه
لون هسه ترجعون - واراويكم المتون
هلي
===================
مشينه والدرب ما ينوصف حاله
كل خطوه ألم وادموع هماله
بأعياد العساكر غنه وطباله
بعلي بغضا تغني نقتل عياله

بشر - شالت - بغض - تولد من اميه
اجت - تطلب - بدل - ديانه الجاهليه
عله همنه يغنون- واراويكم المتون


احمد عيسى البديري

قصيده لسيدي علي الأكبر عليه السلام
رساله الى كل والد يرى ولده يكبر أمامه عليه أن يتذكر مصاب الحسين بولد

ال يشوف وليده يكبر
خل يشوف ابعينه الاكبر
عل ثره لمن توذر
ابعين الحسين
/////////////////
طلع بدر من المخيم ياحلاته
صاغ ربك من محمد كل صفاته
طلع بس العطش جارحله لهاته
ودارت عليه عمته و امه وخواته
فرفحن من شافن الموت امنياته
هاي اخر لحظه ويودع حياته

اشبه الناس ابرسوله
غيره واقدام وبطوله
اتلهف الموت اعله طوله
ابعين الحسين
////////////////
كل ولد ابوجه ابوه يرسم رحابه
ويزهي كلب الوالد بزهوة شبابه
الله قدر هل عواطف ب احتسابه
جم جبل فوك الارض كله صلابه
مايهم لو داس سبع ابليل غابه
فتته اوليده وهدم حيله مصابه

جم ابو موقف تخاذل
وجم ابو حق وتنازل
علي تدري وين قاتل
ابعين الحسين
////////////////
اشد موقف لل ابو لو تقصر ايده
ومايحقق للولد شنهي اليريده
شحال ابو السجاد من اقبل وليده
ينادي يابويه العطش والكر يزيده
بلكي شربت ماي للحومه البعيده
اكوه بيها ويابطل من تطلب اصيده

عبرته سبكت حروفه
مد لسانه وكله شوفه
شمصعب الطف وضروفه
ابعين الحسين
////////////////
راح اسولف قصه الكم بيها عبره
توضح احسين اعل ابنه اشكبره صبره
اجه نصراني وابو الاكبر يخبره
لو الك هذا الطفل شتسوي ب امره
حين شاف الاكبر تحير ابفكره
كله اموتن لوطرف شوكه يضره

هذا المبرقع تنظره
يطيح والعسكر يطبره
وخيل ورماح اعله صدره
ابعين الحسين
////////////////
اشحلات الشاب من ايبان كبره
عوده يشتد بعزم ويزيد قدره
والابو مستبشر وامه تنظره
الخمسه والعشرين عام اسنين عمره
شلون ابوه يودعه وبمصابه ادره
بالجواد ايدور والعسكر يطبره

ودعه صوب المعاره
ومدمعه عل خد تجاره
مشه وموته بأنتظاره
بعين الحسين
////////////////
سمع صوته من المعسكر بالسلامه
والدي اقرها الك اخر كلامه
زئر ليث المعركه وفز ل انتقامه
طر الصفوف ولكه الاكبر امامه
مخذمه اوصاله وعله العادي ابتسامه
والحوافر داسته وطحنت عظامه

الله وحده ابحاله اعلم
والعده ابوجهه تبسم
صار الاكبر لونه من دم
ابعين الحسين
////////////////
شيلة وليده الابو اشكد يشتهيها
حلوه عنده وذكريات تصير بيها
يشم عطره وروحه روحه تحتويها
بس الاكبر قصته يصعب حجيها
احتار ابو من ياكتر جثته يجيها
حيل ماعنده بقه يعينه عليها

ناده يافتيان اخوتي
شيلوا اخوكم قبل موتي
رب اقبل هذا صوتي
ابعين الحسين
////////////////

أحمد عيسى البديري

السلام على الحوراء زينب عليها السلام


من سكنت اصوات الخيل يحسين

طلعت امن الخيم والطول مايل

عدله الكاع بس تعثر الرجلين

ما متعوده امشي ابدون كافل

___

اندلك وادورك جا ضعت وين

ما معقوله مختلفه المنازل

شفتك من طحت والجيش كترين

ورمح صاعد عليك ورمح نازل

انته حسين بس ماجنك حسين

شسوت بيك يبن امي الجحافل

جثه ابلا جسم و اوصال صوبين

ما ضل بيك شي اكبالي ماثل

معقوله يفرك بينه البين

وتبقه ابركبتي هاي المحامل

عدله الكاع بس تعثر الرجلين

ما متعوده امشي ابدون كافل

___

كعدت اعله الارض ويدورني الويل

واسمع هاي زينب بالعساكر

وتدري بهاي زينب تهدم الحيل

ومامتعوده عيني الهل مناظر

انا الوالدي حجبني ع الليل

عوف اليوم كلي شلون باجر

شو رزموا هزيله وكالوا انشيل

وكل راس ابرمح يحسين شاهر

عكب الخدر كيد مطوك الاثنين

ويحديني سعد بعد البواسل

عدله الكاع بس تعثر الرجلين

ما متعوده امشي ابدون كافل

___

يحسين اليتامه امعاكسه الريح

هامت بطر حيلي ابهل بوادي

الماتحركها جمره ابحافر اتطيح

لو توكع تحت سوط الاعادي

نسمع كهكهه لو باسمك انصيح

ويجاوبنه عدوك من ننادي

وانطوا بالمعسكر ذاك تصريح

وزادوا من اذيتنه ابتمادي

طلعت كلها تطلب بالحرم دين

وال اهل القصر بينه تجامل

عدله الكاع بس تعثر الرجلين

ما متعوده امشي ابدون كافل

__

عد مسلم اثنين اولاد وزغار

بصوات اليتامه مالهم صيت

عليهم دوريت ايمين ويسار

ولا شجره وحجر يحسين خليت

لا عدهم ابو طايح بالاكتار

والكاهم عليه محتاره ضليت

ما مروك من اشتعلت النار

وتطمني عليهم هسه ياريت

من كثر  الدواره تعبت العين

ومن عاشر محرم جسمي ناحل

عدله الكاع بس تعثر الرجلين

ما متعوده امشي ابدون كافل

_

خويه وداعت الله اعليك للشام

راح امشي يسيره ابدون والي

ويحدي الشمر منه ابحرم وايتام

وراسك شفت رمحه وحيل عالي

صعبه مدلله يحسين تنضام

ولا مر عله احد هلجرالي

بين اخواني اهيم لحرك الخيام

واحشم يخوتي ومحد بقالي

صرت يبن امي اسعى ابين نارين

من نيران خدري و للمقاتل

عدله الكاع بس تعثر الرجلين

ما متعوده امشي ابدون كافل

_

احمد عيسى البديري

فزاعيه


اه يلفاكده وين الدرب وين
الصوب المشرعه لو صوب الحسين
_______
بعدج منهو ضل اعله النساوين
اه يلفاكده وين الدرب وين
______
راح الجان يرعب بالمجبلين
اه يلفاكده وين الدرب وين
______
اليطبك بين اديه يسار ويمين
اه يلفاكده وين الدرب وين
______
ابو ريشه التعلم عل نياشين
اه يلفاكده وين الدرب وين
______
ضل فوك الشريعه بلايا جفين
اه يلفاكده وين الدرب وين
______
عمود بهامته والسهم بالعين
اه يلفاكده وين الدرب وين
______
وراح حسين بعده وين تردين
اه يلفاكده وين الدرب وين
______
الجان ايجسم العدوان صوبين
اه يلفاكده وين الدرب وين
______
سبع المايلحك ضربته البين
اه يلفاكده وين الدرب وين
______
عليه خيل العده سوت ميادين
اه يلفاكده وين الدرب وين
______
تراهي الناس لا ذمه لادين
اه يلفاكده وين الدرب وين
______
تمنيته علي وياج هل حين
اه يلفاكده وين الدرب وين
______
لو حمزه اليرد الصاع صاعين
اه يلفاكده وين الدرب وين
______

أحمد عيسى البديري

القصيده الحاديه عشر

اخر ليلة قبل المعركه اجتمع الحسين ب اهل بيته وكان هذا اخر لقاء بين الاهل والاحبه

بخيمه عجيد العيله مجتمعه الاحباب

اخر وداع الليله لهل الحزن طاب

////////////////

ذابوا من حزنهم والفجر عجل

لو لحظات باقي جا نفس ماضل

كلشي من المدامع والحنين ابتل

واليعكدله عكده لل اخو تنحل

ثاري السنين اكصيره والعمر جذاب

اخر وداع الليله لهل الحزن طاب

////////////////

سافر كل حبيب ابعمر محبوبه

وجانت كل دقيقه تمطر عذوبه

صبرا كربله بهل يوم مكتوبه

واليحظه بشرف هذا الوعد طوبى

كلمن يشوف ابغالي اهات ومصاب

اخر وداع الليله لهل الحزن طاب

/////////////////

عقد الينكطع مايجتمع شمله

وشحال اليودع للاجل اهله

زينب كل اخو اتشمه وتقبله

وتكله الموادع كلي شيحمله

يهل الحميه اخيمكم تدخلها اغراب

اخر وداع الليله لهل الحزن طاب

/////////////////

دنيه وماخذوا من عدها بس الدم

ماجابت فرح جابت بمصاب وهم

وزينب للحزن ماهدمت مأتم

كل يوم ابعزيز وغالي تيتيتم

واخر مصيبه كربله ماتترك اطياب

اخر وداع الليله لهل الحزن طاب

/////////////////

خجلانه الشمس كطعت بواجيهم

بس صار الصبح لازم تصحيهم

تمنت ميته حته ابضل تغطيهم

ولا فوك الثرى بالحر تجويهم

ماكملوا كعدتهم والشمس علباب

اخر وداع الليله لهل الحزن طاب

&&&&&&&&&&&&&&&&&&&

احمد عيسى البديري