الشاعر احمد عاشور Telegram Gönderileri

‏⠀
‌‏⠀
‌‏وگلهم بس انا مدلل بهذا الكون
النهر متروس بس يغار من الحب
ياهو الـ يوصلك يالـ جوة ضلعي تبات
انا الليله ونهاره ببابكم محرب
انا الـ ظل بنفسها تشوفه المرايات
انا الـ شگيت روحي من الگشر للب
ومو دوم الـ يطخ الراس ما مهيوب
السنابل واگفة والمنجل محدب

| احمد عاشور

‏⠀
‌‏⠀
‌‏يا ابو عيون الشهل
شمضيـع وتحسـب؟
تعبني الـ يحب من يتعب يچلب..
اسحگني الترب من تنسحگ تنباس
ماصخ شوگها الـ ما تعرگ من تحب
واشلع گلبي شلعان الگلب مريود
الشاعر من يظل مرتاح ما يكتب

| احمد عاشور

‏⠀
وبردت الدنيا
وغصن شابگ غصن
والنهر معقولة ما يلتفت للعينها تلالي
معقولة أصبعك بعد ما يفگد هلالي
هو أنا صح ما متت بس أنت چتالي

| احمد عاشور

‏⠀
تذكرتك و غمضت
ولميت كلشي جنح
و استغربت من شفت
حضن السما خالي
وتلاگينا وشگد ورد
ظل مستحي ببالي
وفزيت والتفتت
بس انا و خيالي..

| احمد عاشور

تعبني الـ يحب من يتعب يچلب..
@ahmedashoor9

‌‏⠀
عموماً ليش اطول السالفة وياك
وانت الـ چنت من احتار ترتاح
لا انا السفينة الـ مالها شراع
ولا حضرة جنابك خوش ملاح
كأنك لم تكن تنسي وتصير ذكرى
وحالها حال الگبل راح

| احمد عاشور

‌‏⠀
على كل ثانية وياك ندمان
من اول نظرة لآخر لچمة صفاح
وبگد ما چنت منتظرك تگول احبك
هلكثر ندمان ع الراح
بحيث چفوف الـ يخبزون تندار
من اصفگ عليك الراح بالراح

| احمد عاشور

‌‏⠀
اي واني ششفت منك
اكو غير كسرة واهسي وذلتي
وصياح سكتي من عفتني وأنا مخنوگ
ومن البچي خدودي چفوف فلاح
يا ورد الهدايا الـ يذبل بساع
اوعدك ما افز لو بأسمك انصاح
اوعدك ما اظل بالليل اتانيك
ما اگلك اغمض عيني وارتاح
ولكن رح اچز اسمك وابديه
وعلى سنيني بعد ما اگلك طياح

| احمد عاشور

‌‏⠀
خصوصاً بآخر ايامك تماديت
وصرت تتعمد تبچيني
بس رح اصدمك من ارد اضحك
وامر بين الشماتة
وما يبين مني شي طاح
ترا مو كل جنح بيه يكشخ الطير
ثگل على الـ ما يطيرن يبقى الجناح
ثاري شما تزيد قفال الناس
ياخذ راحته الـ ما عنده مفتاح

| احمد عاشور

‌‏⠀
اوعدك ما يظل بالي بلياك
ولا تنزل دمعتي وگلبي ينلاح
اوعدك تنسي بگد ما تناسيت
مواعيد وعفتني بظهرك صياح
اوعدك من اغمض بعد ما اشوف
وجهك والگبل يتنفسك راح
صح مرات افز مشتاقلك حيل
بس مرات احسك حمل وانزاح

| احمد عاشور