شعر شعبي يمني

مالي ومال الفيسبوك والتويتر
ما دمت جنبي يا أمير المواقع

ما عاد يفتني على النت مشفر
كل المشفر فيك تحت البراقع

صنعاء عيونك والحواجب كريتر
والقاهره فوقك شوارع شوارع

أهوى رموشك يا جلاكسي مطور
واهوى سنونك يا درر في القواقع

صرح لقلبي واعطني ضو الاخضر
أمرح بجسمك دونما اي مانع

الخوخ في صدرك على اغصانه اثمر
والورد في خدك والاوجان يانع

والخمر في ثغرك مصفى مقطر
زبيب معصورات بارقى المصانع

والجسم ينفح مسك حالي وعنبر
ما مثل شمه في الجمع والجوامع

كم طاب لي مقطع وساحرني اسمر
وانته كلامك عندي اجمل مقاطع

هواك في قلبي ملايين واكثر
وفرقتك وسط الحشاء سم قاطع

باهيم في حبك ولااسأم ولااضجر
واظل لك يازين مخلص وطايع..
#زياد_المريسي

ياكحيل العين قلبي مثل بيت العنكبوت
لا تدخلني بحبك حرب داحس والبسوس

لا قدك جنبي أمانه لا تفكر بالسكوت
ياقمر لا كنت ساكت انتهت غِيرة شموس

جي نلاقاء حيث مابش ناس حيث مابش بيوت
يامضيع لك بنات الكون ليتك لي عروس

جهز القُبله ودبلكها صلا خدي وشوت
واجعل الوجنه بتاعي ينطبع فيها ظروس

لا تعلّقني بحبك لا تودِّيني خبوت
لا تخليني احبك لاجل تكسب لك فلوس
#احمد_نجيب_المريسي

بعض الااودم ياعزيزي لغجة...
مثل المكينة الخاربة المرجوجة..

يطفشك بالفلسفة الملهوجة...
وهو بفعله مايسوي موجة....

يفتي ويتكلم بفتوى هوجاء..
مامنه الاالقلقة والغوجاء...

الزم حدودك لاتسوي ضوجة ..
خف الزقع والنهشلة الملبوجة...


ماباقي الا ماء بواقي الموجة...
تفتي وتتكلم على الفلوجة....

انا بحور العلم ياغنوجة ..
وانتي كما رجل الدجاج معووجة .

لاتقربي بحري يشلك موجة ...
ولاتزيدي كثرة الدبلوجة ..

سويرة محمد

ياهجسي اتمخطر ..
تمشئ بين نبتون والقمر..
واجعل زحل مكسر...
يلحن لي قصايد للضرير...

بحر الخبر سكر...
وصل بحري وخليته حجر...
لاني انا المستر...
وبحر الشعر مني يستعير...

كاالشمس ماتقهر...
سويرة من قربها ينتحر...
يحرق ويتبستر...
ويصبح مثل ماخبز الفقير...

جرمل وقلمي حر...
يقتل من هجاء ولاغدر...
ماضرني محتر
لاني كالسماء عالي خطير...

سويرة محمد

بااسم ربي ذي ولامرة غلط...
فاصل الكلمات مايقبل غشش..

والصلاة للمصطفى ذي ماسخط...
اوتكلام بالكلام الي يغش....

واعذروني لوبناب الشعر قط...
قلمي المحدود راس الي هبش ...

وابداء القصة وماقصدي احط....
قدر لرجال ذي مايوم قش ...

للأسف قد وقتنا كله غلط...
صارت المراءة رجل تدي بقش...

والرجل ياللاسف اصبح مقط...
بعد بنت العز في يدها نقش..

شلوا البرقع وشلوا ماارتبط...
وادوا الرشاش شلوا للفرش ..

دام والمسكين بيدور زلط...
قد نسي لشرع والعقل ارتبش .

يدي المعوز وشاادي له زلط...
يشتري برقع وسنطل للطفش...

اقبعي شال الرجولة والنقط...
علميهم من رجل من هو حنش...

مش غلط لوساندت من طيب قط...
اوغلط توقف معه وقت العطش ..

لكن الغلطة اذ نجمة سقط
هي بتشقى هو بيتسلم البقش

يصبح الزوجة وتصبح له محط ..
تشتري له زاد.. قاته... والنقش...

والعكيف الزين ياسيد العبط...
وابزي الجهال وااوبة للعشش..

دام وانت الي قبلته للنمط...
عمرنا ماقد سمعنا يامرش....

ان به لبوءة تغدي اوتنط ...
والاسد موجودجالس ماينش...

والختام فكر ولاتقبل تحط...
قدرك العالي على شان البقش ..

الرجولة بالمواقف.... والقطط...
باللحوم الفارخة يااهل العمش...


والختام صلي على من جاء ربط...
عيشنا بالدين وآزال الغشاش...

سويرة محمد

للمجاراة

فاجئيني بالحوالة والزلط
واكرميني بالقُبَل لا غيَّبَش

والله ان النوم في عشقي غلط
سامريني كل ليله للغبش

اعشقش قبل الفواصل والنقط
اعشقش حتى وفي طبعش حنش

لا تلومي قلب في الحب اغتَبَط
كم تجعجع من فراقك وارتبش

ياكحيل العين من فيك ارتبط
صار من غشِّه يزيد الغش غش

من رأى حُسنِش  يغادر وانخرط
ومن رأى هجرش تولَّاه الطفش
#احمد_نجيب_المريسي

ما همني تعليق بالفيس واعجاب
اهم شي عندي فنون الكتابه

ما ودي اظهر في تويتر ولا اسناب
ودي اشرف صاحبي لا حسابه

اكتب قوافي كلها سجع واطناب
تخلي العاذل ينزل لعابه

شعري مدى الأيام مغري وجذاب
يزيل عنك الهم يزيل الكآبه

باليوم لي عشرين منشور لا خاب
اثنين واحد ما يخيبوا صحابه
زياد المريسي _ شعبي

الرزق مكتوب والرازق هو الله بس
وما عليه ابن آدم غير بذل السبب

انسان يبذل حياته كلها في البيَس
وانسان للدين والتقوى وليس الذهَب

ابليس لا شاف جيبي فُل مني خنَس
واني بلا مال خلا لي حياتي تعب

الماده تجعلك شاجع وكلك شرَس
والفقر يدي لك الخاضل ورعش الركب

لا الجيب مليان محد لك يطلع نفَس
وانك محيرف يخلوا لك حياتك عجب

لي راس شماخ عمره للزلط ما نكس
لكن ظروف الزمن تحتاج قلة ادب

انسان يملك عماير لا قري لا درس
وانسان يحمل شهاده ما ببيته كنب

ربِّي شنب لا معك عمله يطاير كِسَس
وانك بلا عمله احذر لا تربي شنب

تعيش كالطفل من ما تلمسه قال حَس
مهما تحاول تقول الصدق قالوا كذب
زياد المريسي _ شعبي

الوقت ما عنده ديانه ولا ذوق
واحد يحطه تحت وانسان فوقه

احيان احس اني بماني بمخلوق
واحيان يكرمني على ذوق ذوقه

انا الذي في جملة الناس مرموق
ينظر إليا الناس نظره خلوقه

ماني من الصومال والهند مسروق
والا ولد منبوذ ظاهر عقوقه

حكايتي ما هي بعاشق ومعشوق
ولا حكاية قيس ليلى وشوقه

اريد منك يا زمن وعد موثوق
تشيد بيتي في أقل من دقيقه

منزل مثيل الناس له باب مطروق
اعيش انا وابناي هذه الحقيقه

ما اريد اظل بالدّين للعنق مغبوق
للريح ترميني مسافه سحيقه

حيا الصديق اللي يعزك في الضيق
حيا الصديق اللي يشرف صديقه

حيا الزميل اللي مصارح وصدّيق
والصاحب اللي ما يفلت رفيقه
زياد المريسي _ شعر شعبي

كل الوجيه اللي تعزك جميله
حتى ولو عزك من الخلق فرعون

والأسره اللي ما تعينك بخيله
حتى ولو تملك مخازين قارون

أهم شي لا تنطرح للرذيله
طنش ولا تأسف لما هم يقولون

تعيش لو ما لك في اليد حيله
قد عاش قبلك بالمشقات ذا النون
زياد المريسي _ شعر شعبي

لوكانت الاموال ذي تدي الدان...
ماكان شفنا حزن وقت المنية...

غلطان ياهذا وياذاك غلطان...
مال السعادة ماتجيبة حضية...

مش كل من جمع وريثة وخرفان..
يلقئ السعادة في صحون الغنية....

تلقئ الفقير امسئ بفرحة وهيمان...
لانو لقي لقمة بليلة بلية....

وتلقئ الغني امسئ بحمئ وضبحان...
من كثر ماملئ بكرشة وقية....

والي محيرف نومته نوم فرحان....
مستهني النومة وعيشة هنية....

اما الغني يمسئ الليل قلقان...
خايف علئ ماله ويوصي وصية...

تلقئ الفقير لامات له الف خزان...
من فاعلين الخير واهل البقية....

والي بماله قد بناء دار فنان....
تلقئ عيالة ماكلين الرعية ....

هذا يقل اخرج الدين يامان....
واخوة يحلف مايجد غير تية...

هذة نهاية كل بطران شبعان...
جاوع بقبرة حالته هي زريه...

بقلم سويرة محمد

لو  انت ذي غازلت وراودت يوسف
كان ان يوسف داخل السجن لا الان

أهواك اودك ياتصدق او احلف
القات والشاهي وعشقك لي ادمان

جعلي اغثى لا نسيتك او اخلف
والا اذا في عشقتك صرت ندمان

غثني قُبَل ديّن محبك وسلّف
جد لي بكاسة ريق وثنتين رمان

زمزم امامك صار بايت ومقرف
لك حسن خارق لك محبه ولك شان

لا غبت عني تجعل الطرف يذرف
وان جيت عندي كانني صرت سلطان

انا معك ضدي بموقف مشرف
واشرف رجال الاه عاشق وولهان

واقف بصفك نتعب القلب، نتلف
لازم بحبك يصبح القلب تلفان
#احمد_نجيب_المريسي
٢٠٢٣/١٠/٣٠

صحيح ياحبوب لك مقله تخليني  أخاف
صحيح انك في مكانه يحسبونك في غلا

لكن طبعك زفت انا بابادرك بالاعتراف
ان انت قد أمطرت قلبي في غرامك بالبلا

من يوم حبيتك رأيت القحط والسبع العجاف
ولو يجوا الفين يعقوب ما بكوا مثلي ولا

من وقت حبيتك رأيت الحزن طوق بي وطاف
اغدقت بالاحزان شخص اعلن لك الود والولا

أنت من خارج مزلّط بس من داخل حراف
انت كومة حزن قاتل بس في هيئة سلا

ليش تجرحني وانا اللي كنت مخلص لك وواف
كنت احبك ياحسيني كنت عندي كربلا

كم حسبتك باتظلي بين امر النون وكاف
وفي النهايه خاب ظني فيك ياسيد الملا

#احمد_نجيب_المريسي ٢٠٢٣/٧/٣٠

يارفيع المقام ياورد في راس ريحان...
ياسليل الحمام يامسك يالؤل مرجان ..

مامثيلك حرام لويجمعو الف انسان .
بالوفاء والهيام جذاب راقي وفنان ..

انت غصن السلام كالقصر مرفوع الاركان ..
مايصلك الكلام مهما يشيرو باالابنان .

مايلام مايلام من يسهر الليل هيمان ...
نظرتك كالسهام تقتل عيونك برمشان...

انت لشعر هام وانت القصيدة والااوزان. .
مااذوق المنام لويوم قد جيت زعلان ...

الاوادم تنام وانا بكم فكر ولهان...
وان نويت المنام القاك بالحلم وا دان ..

دان يادان دان يابدر. في نص شعبان...
ياامير. اليمام..من حبكم ربنا عان..

من رايت  اهتمام منه وانا طفل وانسان...
من صبر الف عام من اجل مايوم نهتان....

من سهر ماينام لاابناء قلبه والاغصان....
طول عمرة همام طيب وحبوب وانسان...

كل عمره مهام من اجل نرتاح سهران...
طال عمرك امام القلب والعقل لك عان....

يااابي ياسلام يابحر له يد واجفان...
غير حبك حرام ماينحسب عشق وادمان...

اعشقك يامقام شامخ وعالي كعطان...
وانت سحر الكلام ياذوق رقة وافنان....

ياابي ياسلام يارزح في الحرب وامان...
غير عشقك كلام قفلت قلبي بقفلاان...

والصلاة في الختام للمصطفى النور عدنان...
عد ماجاء الغمام عد السحب عد الامزان.....

سويرة محمد

بداية العشقه بتاعي حول بيتك معتمر
وكنت اهمهم كل ساعه واوصفك أنك أنيق
.
أما نهايتها وخيمه شخص فكر ينتحر
من سب واحد حمّله أضعاف ما نفسه تطيق
.
ولا توقعتُ بحبك بانتكب طول العمر
ولا توقعتُ عد ابكي يوم من هجر العشيق
.
مواجعي عتظل فيني لا ولا هيه باتمر
مواجعي أبحار وانا صرت داخلها غريق
.
جعلت همي في فؤادي طول وقته يستمر
جعلتني طيلة حياتي منتهي في وسط ضيق
.
ودمع عيني كل ساعه فوق خدي منهمر
من كثر ما يدعس عليها صار طابع له طريق
.
قد كان ظني في غرامك بالسعادة باغتمر
ولا درينا أن حبك يحرق الدنيا حريق
.
قد كنت أظنك بدر لامع في فؤادي مستقر
واصبحت خادم بعدما قد كنت لماع البريق
.
خلاص قلبي من غرامك قد قنع ايضاً ظمر
خلاص من أظغاث عشقك قد نوينا نستفيق
#احمد_نجيب_المريسي

٢٠٢٣/٧/٢٣

لو يعشقك شخص قلبه بالقسى صحراء
انه عيبكي بحبك او يذوق الذِّل

حاربت لاجلك وخضت المعركه الكبرى
واليوم في راحتك دمعاتنا تنزل
#احمد_نجيب_المريسي

٢٠٢٣/١١/٦

الشعرُ يشبهُ أن تعيشَ بغَزّةٍ
لا طِفلَ يرجِعُ مرّتين لأمِّهِ

احمد بخيت

مات عمي وهو لالفين صالح يضاهي
والله انه بقلبي حي واصل وما مات
.
آه ياموت لو تنفع جراحي وآهي
كنت باهذي وافضفض واطرب الليل آهات
.
كيف ياموت تطمس وجهتي واتجاهي
كان لي حق اقل له قبل فُقده سلامات
.
آح ياذي رحلت ابقيتني شبه واهي
انت جيّد ووقتي يأخذ الجيد بالذات
.
كنت شاعر مخضرم كنت في الشعر زاهي
بعد حالك فقط ما تدري ايش المضرّات
.
فاقد الحس بعدك، شارد اللُب ساهي
صرت عازل حياتي عن حياة الملذات
.
عشت عمرَك تواضُع ما عرفت التباهي
واِن تباهيت هو لاخماد عاهه وعاهات
.
لا طلبتك قصيدة قلت بالفور ناهي
وان طلبتك رواية قلت هذه روايات
.
كنت عاشق وظن العاذل ان انت لاهي
ما دروا بان عشق الغيد جُلّ الهدايات
.
ظنوا ان انت تغْضِب بالمحبه إلآهي
ما دروا إن حجّك والصلاه في الكتابات
.
ما دروا انني بعدك فقدت انتباهي
واِن فقدت انتباهي ما عليا ملامات
.
كنت شمس السما في طلّتك نور باهي
واصبح الكون بعدك تعتريه المَتَاهات
.
ما معي غير شرب الحُزْن في كوب شاهي
والدعا لك بأن يسمو مقامك مقامات
#احمد_نجيب_المريسي

الله يرحمه

قلبي بحبه عطف...
روحي بعشقه تنغم...

جابوا لي الفين مسعف...
وانا بحبه شاااحرم..

جابوا اوكسجين مكثف...
او انا من الحب اسلم...

دمي تجمد ونشف ...
من فرقته زاد الهم..

انا علاجي بالكف ...
دونه علاجي هو سم...

عاشق ليمني وااهتف...
ماانا بغيره مغرم....

سويرة محمد

بدات بالقول بااسم المصطفئ بدعي...
وادعيك ياالله تنقذني من القارع ..

احيان من شدة الاالم يستدعي...
تخاصم  العقل تلقئ القلب بالشارع...

عقلي رفع دعوته للحكم بالقمعي...
للقلب ذي بهذلة زفة على بارع...

احترت مابين عقلي والفؤاد  ينعي...
بالدم والنار اخترتك وشااشارع...

لوتبسرو ايش حصل ياناس ... يادمعي ..
لاعاد تنزل علئ ظل الوفاء فارع ..

دخلت للمحكمة من اجل مبترعي...
وا قهر قلبي علئ صدفة وانا جازع...

يوم قال لي الحاكم اين الي عليه شرعي ..
جيت التفت واكتشفت انو علئ شارع....

من اجل هذا وذا يانفس ارتجعي...
خلي فؤادك لربك وانسي الجازع...


سويرة محمد